༣. ས་ཀ་ལི་ཀ་སུ་ཏྟ་ཝ་ཎྞ་ནཱ

༡༤༩. ཏ་ཏི་ཡེ མ་ནྡི་ཡཱ ནཱུཏི མ་ནྡ་བྷཱ་ཝེ་ན མོ་མཱུ་ཧ་བྷཱ་ཝེ་ན. ཨུ་དཱ་ཧུ ཀཱ་ཝེ་ཡྻ་མ་ཏྟོཏི ཨུ་དཱ་ཧུ ཡ་ཐཱ ཀ་ཝི ཀ་བྦཾ ཙི་ནྟེ་ནྟོ ཏེ་ན ཀ་བྦ་ཀ་ར་ཎེ་ན མ་ཏྟོ ས་ཡ་ཏི, ཨེ་ཝཾ ས་ཡ་སི. ས་མྤ་ཙུ་རཱཏི བ་ཧ་ཝོ. ཀི་མི་དཾ སོ་པྤ་སེ ཝཱཏི ཀ་སྨཱ ཨི་དཾ སོ་པྤཾ སོ་པྤ་སི་ཡེ་ཝ? ཨ་ཏྠཾ ས་མེ་ཙྩཱཏི ཨ་ཏྠཾ ས་མཱ་ག་ནྟྭཱ པཱ་པུ་ཎི་ཏྭཱ. མ་ཡ྄ཧཾ ཧི ཨ་ས་ངྒ་ཧོ ནཱ་མ ས་ངྒ་ཧ་ཝི་པ་ནྣོ ཝཱ ཨ་ཏྠོ ན་ཏྠི. ས་ལླནྟི ཏི་ཁི་ཎཾ ས་ཏྟི་ས་ལླཾ. ཛ་གྒཾ ན ས་ངྐེཏི ཡ་ཐཱ ཨེ་ཀ་ཙྩོ སཱི་ཧ་པ་ཐཱ་དཱི་སུ ཛ་གྒ་ནྟོ ས་ངྐ་ཏི, ཏ་ཐཱ ཨ་ཧཾ ཛ་གྒ་ནྟོ་པི ན ས་ངྐཱ་མི. ན་པི བྷེ་མི སོ་ཏྟུནྟི ཡ་ཐཱ ཨེ་ཀ་ཙྩོ སཱི་ཧ་པ་ཐཱ་དཱི་སུ་ཡེ་ཝ སུ་པི་ཏུཾ བྷཱ་ཡ་ཏི, ཨེ་ཝཾ ཨ་ཧཾ སུ་པི་ཏུ་མྤི ན བྷཱ་ཡཱ་མི. ནཱ་ནུ་ཏ་པ་ནྟི མཱ་མནྟི ཡ་ཐཱ ཨཱ་ཙ་རི་ཡ་སྶ ཝཱ ཨ་ནྟེ་ཝཱ་སི་ཀ་སྶ ཝཱ ཨ་ཕཱ་སུ་ཀེ ཛཱ་ཏེ ཨུ་དྡེ་ས་པ་རི་པུ་ཙྪཱ་ཡ ཋི་ཏ་ཏྟཱ ཨ་ནྟེ་ཝཱ་སིཾ ར་ཏྟི་ནྡི་ཝཱ ཨ་ཏི་ཀྐ་མ་ནྟཱ ཨ་ནུ་ཏ་པ་ནྟི, ཨེ་ཝཾ མཾ ནཱ་ནུ་ཏ་པ་ནྟི. ན ཧི མ་ཡ྄ཧཾ ཀི་ཉྩི ཨ་པ་རི་ནི་ཊྛི་ཏ་ཀ་མྨཾ ནཱ་མ ཨ་ཏྠི. ཏེ་ནེ་ཝཱ་ཧ ཧཱ་ནིཾ ན པ་སྶཱ་མི ཀུ་ཧི་ཉྩི ལོ་ཀེཏི. ཏ་ཏི་ཡཾ.