༥. དུ་ཏི་ཡ་ས་ངྒཱ་མ་སུ་ཏྟ་ཝ་ཎྞ་ནཱ

༡༢༦. པ་ཉྩ་མེ ཨ་བྦྷུ་ཡྻཱ་སཱིཏི པ་རཱ་ཛ་ཡེ ག་ར་ཧ་པྤ་ཏྟོ ‘‘ཨཱ་རཱ་མཾ ག་ནྟྭཱ བྷི་ཀྑཱུ་ནཾ ཀ་ཐཱ་ས་ལླཱ་པཾ སུ་ཎཱ་ཐཱ’’ཏི ར་ཏྟི་བྷཱ་གེ བུ་དྡྷ་ར་ཀྑི་ཏེ་ན ནཱ་མ ཝུ་ཌྜྷ་པ་བྦ་ཛི་ཏེ་ན དྷ་མྨ་ར་ཀྑི་ཏ་སྶ ཝུ་ཌྜྷ་པ་བྦ་ཛི་ཏ་སྶ ‘‘ས་ཙེ རཱ་ཛཱ ཨི་མ་ཉྩ ཨུ་པཱ་ཡཾ ཀ་ཏྭཱ ག་ཙྪེ་ཡྻ, པུ་ན ཛི་ནེ་ཡྻཱ’’ཏི ཝུ་ཏྟ་ཛ་ཡ་ཀཱ་ར་ཎཾ སུ་ཏྭཱ ཨ་བྷི་ཨུ་ཡྻཱ་སི.

ཡཱ་ཝ་སྶ ཨུ་པ་ཀ་པྤ་ཏཱིཏི ཡཱ་ཝ ཏ་སྶ ཨུ་པ་ཀ་པྤ་ཏི ས་ཡ྄ཧཾ ཧོ་ཏི. ཡ་དཱ ཙ་ཉྙེཏི ཡ་དཱ ཨ་ཉྙེ. ཝི་ལུ་མྤ་ནྟཱིཏི ཏཾ ཝི་ལུ་མྤི་ཏྭཱ ཋི་ཏ་པུ་གྒ་ལཾ ཝི་ལུ་མྤ་ནྟི. ཝི་ལུ་མྤ་ཏཱིཏི ཝི་ལུ་མྤི་ཡ་ཏི. ཋཱ་ནཾ ཧི མ་ཉྙ་ཏཱིཏི ‘‘ཀཱ་ར་ཎ’’ནྟི ཧི མ་ཉྙ་ཏི. ཡ་དཱཏི ཡ་སྨིཾ ཀཱ་ལེ. ཛེ་ཏཱ་རཾ ལ་བྷ་ཏེ ཛ་ཡནྟི ཛ་ཡ་ནྟོ པུ་གྒ་ལོ པ་ཙྪཱ ཛེ་ཏཱ་ར་མྤི ལ་བྷ་ཏི. རོ་སེ་ཏཱ་རནྟི གྷ་ཊྚེ་ཏཱ་རཾ. རོ་ས་ཀོཏི གྷ་ཊྚ་ཀོ. ཀ་མྨ་ཝི་ཝ་ཊྚེ་ནཱཏི ཀ་མྨ་པ་རི་ཎཱ་མེ་ན, ཏ་སྶ ཝི་ལུ་མྤ་ན་ཀ་མྨ་སྶ ཝི་པཱ་ཀ་དཱ་ནེ་ན. སོ ཝི་ལུ་ཏྟོ ཝི་ལུ་པྤ་ཏཱིཏི སོ ཝི་ལུ་མྤ་ཀོ ཝི་ལུ་མྤི་ཡ་ཏི. པ་ཉྩ་མཾ.