༧. ན་དུ་བྦྷི་ཡ་སུ་ཏྟ་ཝ་ཎྞ་ནཱ

༢༥༣. ས་ཏྟ་མེ ཨུ་པ་ས་ངྐ་མཱིཏི ‘‘ཨ་ཡཾ ས་ཀྐོ ‘ཡོ་པི མེ ཨ་སྶ སུ་པ་ཙྩ་ཏྠི་ཀོ, ཏ་སྶ པཱ་ཧཾ ན དུ་བྦྷེ་ཡྻ’ནྟི ཙི་ནྟེ་ཏི, མ་ཡཱ ཏ་སྶ པ་ཙྩ་ཏྠི་ཀ་ཏ་རོ ནཱ་མ ན་ཏྠི, ཝཱི་མཾ་སི་སྶཱ་མི ཏཱ་ཝ ནཾ, ཀིཾ ནུ ཁོ མཾ པ་སྶི་ཏྭཱ དུ་བྦྷ་ཏི, ན དུ་བྦྷ་ཏཱི’’ཏི ཙི་ནྟེ་ཏྭཱ ཨུ་པ་ས་ངྐ་མི. ཏི་ཊྛ ཝེ་པ་ཙི་ཏྟི ག་ཧི་ཏོ་སཱིཏི ཝེ་པ་ཙི་ཏྟི, ཨེ་ཏྠེ་ཝ ཏི་ཊྛ, ག་ཧི་ཏོ ཏྭཾ མ་ཡཱ་ཏི ཝ་ད་ཏི. ས་ཧ ཝ་ཙ་ནེ་ནེ་ཝ་སྶ སོ ཀ་ཎྛ་པ་ཉྩ་མེ་ཧི བ་ནྡྷ་ནེ་ཧི བ་དྡྷོ་ཝ ཨ་ཧོ་སི. ས་པ་སྶུ ཙ མེཏི མ་ཡི ཨ་དུ་བྦྷ་ཏྠཱ་ཡ ས་པ་ཐཾ ཀ་རོ་ཧཱི་ཏི ཝ་ད་ཏི. ཡཾ མུ་སཱ་བྷ་ཎ་ཏོ པཱ་པནྟི ཨི་མ་སྨིཾ ཀ་པྤེ པ་ཋ་མ་ཀ་པྤི་ཀེ་སུ ཙེ་ཏི་ཡ་ར་ཉྙོ པཱ་པཾ ས་ནྡྷཱ་ཡཱ་ཧ. ཨ་རི་ཡཱུ་པ་ཝཱ་དི་ནོཏི ཀོ་ཀ་ལི་ཀ་སྶ ཝི་ཡ པཱ་པཾ. མི་ཏྟ་དྡུ་ནོ ཙ ཡཾ པཱ་པ་ནྟི མ་ཧཱ་ཀ་པི་ཛཱ་ཏ་ཀེ མ་ཧཱ་ས་ཏྟེ དུ་ཊྛ་ཙི་ཏྟ་སྶ པཱ་པཾ. ཨ་ཀ་ཏ་ཉྙུ་ནོཏི དེ་ཝ་ད་ཏྟ་ས་དི་ས་སྶ ཨ་ཀ་ཏ་ཉྙུ་ནོ པཱ་པཾ. ཨི་མཱ་ནི ཀི་ར ཨི་མ་སྨིཾ ཀ་པྤེ ཙ་ཏྟཱ་རི མ་ཧཱ་པཱ་པཱ་ནི. ས་ཏྟ་མཾ.