༤. མ་ནོ་ནི་ཝཱ་ར་ཎ་སུ་ཏྟ་ཝ་ཎྞ་ནཱ

༢༤. ཙ་ཏུ་ཏྠེ ཡ་ཏོ ཡ་ཏོཏི པཱ་པ་ཏོ ཝཱ ཀ་ལྱཱ་ཎ་ཏོ ཝཱ. ཨ་ཡཾ ཀི་ར དེ་ཝ་ཏཱ ‘‘ཡཾ་ཀི་ཉྩི ཀུ་ས་ལཱ་དི་བྷེ་དཾ ལོ་ཀི་ཡཾ ཝཱ ལོ་ཀུ་ཏྟ་རཾ ཝཱ མ་ནོ, ཏཾ ནི་ཝཱ་རེ་ཏ་བྦ་མེ་ཝ, ན ཨུ་པྤཱ་དེ་ཏ་བྦ’’ནྟི ཨེ་ཝཾ་ལ་དྡྷི་ཀཱ. ས ས་བྦ་ཏོཏི སོ ས་བྦ་ཏོ. ཨ་ཐ བྷ་ག་ཝཱ – ‘‘ཨ་ཡཾ དེ་ཝ་ཏཱ ཨ་ནི་ཡྻཱ་ནི་ཀ་ཀ་ཐཾ ཀ་ཐེ་ཏི, མ་ནོ ནཱ་མ ནི་ཝཱ་རེ་ཏ་བྦ་མྤི ཨ་ཏྠི བྷཱ་ཝེ་ཏ་བྦ་མྤི, ཝི་བྷ་ཛི་ཏྭཱ ན་མ་སྶཱ ད་སྶེ་སྶཱ་མཱི’’ཏི ཙི་ནྟེ་ཏྭཱ དུ་ཏི་ཡ་གཱ་ཐཾ ཨཱ་ཧ. ཏ་ཏྠ ན མ་ནོ སཾ་ཡ་ཏ་ཏྟ་མཱ་ག་ཏནྟི, ཡཾ ཝུ་ཏྟཾ ‘‘ན ས་བྦ་ཏོ མ་ནོ ནི་ཝཱ་ར་ཡེ’’ཏི, ཀ་ཏ་རཾ ཏཾ མ་ནོ, ཡཾ ཏཾ ས་བྦ་ཏོ ན ནི་ཝཱ་རེ་ཏ་བྦ་ནྟི ཙེ. མ་ནོ སཾ་ཡ་ཏ་ཏྟཾ ཨཱ་ག་ཏཾ, ཡཾ མ་ནོ ཡ་ཏྠ སཾ་ཡ་ཏ་བྷཱ་ཝཾ ཨཱ་ག་ཏཾ, ‘‘དཱ་ནཾ ད་སྶཱ་མི, སཱི་ལཾ ར་ཀྑི་སྶཱ་མཱི’’ཏི་ཨཱ་དི་ནཱ ན་ཡེ་ན ཨུ་པྤ་ནྣཾ, ཨེ་ཏཾ མ་ནོ ན ནི་ཝཱ་རེ་ཏ་བྦཾ, ཨ་ཉྙ་ད་ཏྠུ བྲཱུ་ཧེ་ཏ་བྦཾ ཝ་ཌྜྷེ་ཏ་བྦཾ. ཡ་ཏོ ཡ་ཏོ ཙ པཱ་པ་ཀནྟི ཡ་ཏོ ཡ་ཏོ ཨ་ཀུ་ས་ལཾ ཨུ་པྤ་ཛྫ་ཏི, ཏ་ཏོ ཏ་ཏོ ཙ ཏཾ ནི་ཝཱ་རེ་ཏ་བྦ་ནྟི. ཙ་ཏུ་ཏྠཾ.