༥. ཨ་ར་ཧ་ནྟ་སུ་ཏྟ་ཝ་ཎྞ་ནཱ

༢༥. པ་ཉྩ་མེ ཀ་ཏཱ་ཝཱིཏི ཙ་ཏཱུ་ཧི མ་གྒེ་ཧི ཀ་ཏ་ཀི་ཙྩོ. ཨ་ཧཾ ཝ་དཱ་མཱིཏི ཨ་ཡཾ དེ་ཝ་ཏཱ ཝ་ན་ས་ཎྜ་ཝཱ་སི་ནཱི, སཱ ཨཱ་ར་ཉྙ་ཀཱ་ནཾ བྷི་ཀྑཱུ་ནཾ ‘‘ཨ་ཧཾ བྷུ་ཉྫཱ་མི, ཨ་ཧཾ ནི་སཱི་དཱ་མི, མ་མ པ་ཏྟོ, མ་མ ཙཱི་ཝ་ར’’ནྟི་ཨཱ་དི་ཀ་ཐཱ་ཝོ་ཧཱ་རཾ སུ་ཏྭཱ ཙི་ནྟེ་སི – ‘‘ཨ་ཧཾ ཨི་མེ བྷི་ཀྑཱུ ‘ཁཱི་ཎཱ་ས་ཝཱ’ཏི མ་ཉྙཱ་མི, ཁཱི་ཎཱ་ས་ཝཱ་ན་ཉྩ ནཱ་མ ཨེ་ཝ་རཱུ་པཱ ཨ་ཏྟུ་པ་ལ་དྡྷི་ནི་སྶི་ཏ་ཀ་ཐཱ ཧོ་ཏི, ན ཧོ་ཏི ནུ ཁོ’’ཏི ཛཱ་ན་ན་ཏྠཾ ཨེ་ཝཾ པུ་ཙྪ་ཏི.

སཱ་མ་ཉྙནྟི ལོ་ཀ་ནི་རུ་ཏྟིཾ ལོ་ཀ་ཝོ་ཧཱ་རཾ. ཀུ་ས་ལོཏི ཁ་ནྡྷཱ་དཱི་སུ ཀུ་ས་ལོ. ཝོ་ཧཱ་ར་མ་ཏྟེ་ནཱཏི ཨུ་པ་ལ་དྡྷི་ནི་སྶི་ཏ་ཀ་ཐཾ ཧི་ཏྭཱ ཝོ་ཧཱ་ར་བྷེ་དཾ ཨ་ཀ་རོ་ནྟོ ‘‘ཨ་ཧཾ, མ་མཱ’’ཏི ཝ་དེ་ཡྻ. ‘‘ཁ་ནྡྷཱ བྷུ་ཉྫ་ནྟི, ཁ་ནྡྷཱ ནི་སཱི་ད་ནྟི, ཁ་ནྡྷཱ་ནཾ པ་ཏྟོ, ཁ་ནྡྷཱ་ནཾ ཙཱི་ཝ་ར’’ནྟི ཧི ཝུ་ཏྟེ ཝོ་ཧཱ་ར་བྷེ་དོ ཧོ་ཏི, ན ཀོ་ཙི ཛཱ་ནཱ་ཏི. ཏ་སྨཱ ཨེ་ཝཾ ཨ་ཝ་ཏྭཱ ལོ་ཀ་ཝོ་ཧཱ་རེ་ན ཝོ་ཧ་ར་ཏཱི་ཏི.

ཨ་ཐ དེ་ཝ་ཏཱ – ‘‘ཡ་དི དི་ཊྛི་ཡཱ ཝ་སེ་ན ན ཝ་ད་ཏི, མཱ་ན་ཝ་སེ་ན ནུ ཁོ ཝ་ད་ཏཱི’’ཏི ཙི་ནྟེ་ཏྭཱ པུ་ན ཡོ ཧོ་ཏཱིཏི པུ་ཙྪི. ཏ་ཏྠ མཱ་ནཾ ནུ ཁོཏི སོ བྷི་ཀྑུ མཱ་ནཾ ཨུ་པ་ག་ནྟྭཱ མཱ་ན་ཝ་སེ་ན ཝ་དེ་ཡྻ ནུ ཁོ་ཏི. ཨ་ཐ བྷ་ག་ཝཱ – ‘‘ཨ་ཡཾ དེ་ཝ་ཏཱ ཁཱི་ཎཱ་ས་ཝཾ ས་མཱ་ནཾ ཝི་ཡ ཀ་རོ་ཏཱི’’ཏི ཙི་ནྟེ་ཏྭཱ, ‘‘ཁཱི་ཎཱ་ས་ཝ་སྶ ན་ཝ་ཝི་དྷོ་པི མཱ་ནོ པ་ཧཱི་ནོ’’ཏི ད་སྶེ་ནྟོ པ་ཊི་གཱ་ཐཾ ཨཱ་ཧ. ཏ་ཏྠ ཝི་དྷཱུ་པི་ཏཱཏི ཝི་དྷ་མི་ཏཱ. མཱ་ན་ག་ནྠ་སྶཱཏི མཱ་ནཱ ཙ ག་ནྠཱ ཙ ཨ་སྶ. མ་ཉྙ་ཏནྟི མ་ཉྙ་ནཾ. ཏི་ཝི་དྷ་མྤི ཏ་ཎྷཱ-དི་ཊྛི-མཱ་ན-མ་ཉྙ་ནཾ སོ ཝཱི་ཏི་ཝ་ཏྟོ, ཨ་ཏི་ཀྐ་ནྟོ་ཏི ཨ་ཏྠོ. སེ་སཾ ཨུ་ཏྟཱ་ན་ཏྠ་མེ་ཝཱ་ཏི. པ་ཉྩ་མཾ.