༧. ཀཱ་ལི༹་གོ་དྷཱ་པུ་ཏྟ་བྷ་དྡི་ཡ་ཏྠེ་ར་གཱ་ཐཱ་ཝ་ཎྞ་ནཱ

ཡཱ་ཏཾ མེ ཧ་ཏྠི་གཱི་ཝཱ་ཡཱཏི་ཨཱ་དི་ཀཱ ཨཱ་ཡ་སྨ་ཏོ བྷ་དྡི་ཡ་ཏྠེ་ར་སྶ གཱ་ཐཱ. ཀཱ ཨུ་པྤ་ཏྟི? ཨ་ཡ་མྤི པུ་རི་མ་བུ་དྡྷེ་སུ ཀ་ཏཱ་དྷི་ཀཱ་རོ པ་དུ་མུ་ཏྟ་ར་སྶ བྷ་ག་ཝ་ཏོ ཀཱ་ལེ མ་ཧཱ་བྷོ་ག་ཀུ་ལེ ནི་བྦ་ཏྟི་ཏྭཱ ཝི་ཉྙུ་ཏཾ པ་ཏྟོ ཨེ་ཀ་དི་ཝ་སཾ ས་ཏྠུ ས་ནྟི་ཀེ དྷ་མྨཾ སུ་ཎ་ནྟོ ས་ཏྠཱ་རཱ ཨེ་ཀཾ བྷི་ཀྑུཾ ཨུ་ཙྩཱ་ཀུ་ལི་ཀཱ་ནཾ ཨ་གྒ་ཊྛཱ་ནེ ཋ་པི་ཡ་མཱ་ནཾ དི་སྭཱ ས་ཡ་མྤི ཏཾ ཋཱ་ན་ནྟ་རཾ པ་ཏྠེ་ཏྭཱ ས་ཏྟཱ་ཧཾ བུ་དྡྷ་པྤ་མུ་ཁ་སྶ བྷི་ཀྑུ་ས་ངྒྷ་སྶ མ་ཧཱ་དཱ་ནཾ ད་ཏྭཱ པ་ཎི་དྷཱ་ནཾ ཨ་ཀཱ་སི. ས་ཏྠཱ་པི་སྶ ཨ་ན་ནྟ་རཱ་ཡེ་ན ས་མི་ཛ྄ཛྷ་ན་བྷཱ་ཝཾ དི་སྭཱ བྱཱ་ཀཱ་སི. སོ་པི ཏཾ བྱཱ་ཀ་ར་ཎཾ སུ་ཏྭཱ ཨུ་ཙྩཱ་ཀུ་ལི་ཀ་སཾ་ཝ་ཏྟ་ནི་ཀཾ ཀ་མྨཾ པུ་ཙྪི་ཏྭཱ དྷ་མྨ་སྶ་ཝ་ན་སྶ ཀཱ་རཱ་པ་ནཾ, དྷ་མྨ་མ་ཎྜ་པེ ཨཱ་ས་ན་དཱ་ནཾ, བཱི་ཛ་ནཱི་དཱ་ནཾ, དྷ་མྨ་ཀ་ཐི་ཀཱ་ནཾ པཱུ་ཛཱ་ས་ཀྐཱ་ར་ཀ་ར་ཎཾ, ཨུ་པོ་ས་ཐཱ་གཱ་རེ པ་ཊི་སྶ་ཡ་དཱ་ན་ནྟི ཨེ་ཝ་མཱ་དིཾ ཡཱ་ཝ་ཛཱི་ཝཾ བ་ཧུ་པུ་ཉྙཾ ཀ་ཏྭཱ ཏ་ཏོ ཙུ་ཏོ དེ་ཝ་མ་ནུ་སྶེ་སུ སཾ་ས་ར་ནྟོ ཀ་སྶ་པ་སྶ བྷ་ག་ཝ་ཏོ ཨ་པ་ར་བྷཱ་གེ ཨ་མྷཱ་ཀཾ བྷ་ག་ཝ་ཏོ ཨུ་པྤ་ཏྟི་ཡཱ པུ་རེ་ཏ་རཾ བཱ་རཱ་ཎ་སི་ཡཾ ཀུ་ཊུ་མྦི་ཡ་གྷ་རེ ནི་བྦ་ཏྟོ ས་མྦ་ཧུ་ལེ པ་ཙྩེ་ཀ་བུ་དྡྷེ པི་ཎྜཱ་ཡ ཙ་རི་ཏྭཱ ཨེ་ཀ་སྨིཾ་ཡེ་ཝ ཋཱ་ནེ ས་མཱ་ག་ནྟྭཱ བྷ་ཏྟ་ཝི་སྶ་གྒཾ ཀ་རོ་ནྟེ དི་སྭཱ ཏ་ཏྠ པཱ་སཱ་ཎ་ཕ་ལ་ཀཱ་ནི ཨ་ཏྠ་རི་ཏྭཱ པཱ་དོ་ད་ཀཱ་དིཾ ཨུ་པ་ཊྛ་པེ་ནྟོ ཡཱ་ཝ་ཛཱི་ཝཾ ཨུ་པ་ཊྛ་ཧི.

སོ ཨེ་ཀཾ བུ་དྡྷ་ནྟ་རཾ དེ་ཝ་མ་ནུ་སྶེ་སུ སཾ་ས་རི་ཏྭཱ ཨི་མ་སྨིཾ བུ་དྡྷུ་པྤཱ་དེ ཀ་པི་ལ་ཝ་ཏྠུ་ན་ག་རེ སཱ་ཀི་ཡ་རཱ་ཛ་ཀུ་ལེ ནི་བྦ་ཏྟི, བྷ་དྡི་ཡོཏི་སྶ ནཱ་མཾ ཨ་ཧོ་སི. སོ ཝ་ཡ་པྤ་ཏྟོ ཨ་ནུ་རུ་དྡྷཱ་དཱི་ཧི པ་ཉྩ་ཧི ཁ་ཏྟི་ཡེ་ཧི ས་དྡྷིཾ ས་ཏྠ་རི ཨ་ནུ་པི་ཡ་མྦ་ཝ་ནེ ཝི་ཧ་ར་ནྟེ ས་ཏྠུ ས་ནྟི་ཀེ པ་བྦ་ཛི་ཏྭཱ ཨ་ར་ཧ་ཏྟཾ པཱ་པུ་ཎི. ཏཾ ས་ཏྠཱ ཨ་པ་ར་བྷཱ་གེ ཛེ་ཏ་ཝ་ནེ ཨ་རི་ཡ་ག་ཎ་མ་ཛ྄ཛྷེ ནི་སི་ནྣོ ཨུ་ཙྩཱ་ཀུ་ལི་ཀཱ་ནཾ བྷི་ཀྑཱུ་ནཾ ཨ་གྒ་ཊྛཱ་ནེ ཋ་པེ་སི. སོ ཕ་ལ་སུ་ཁེ་ན ནི་བྦཱ་ན་སུ་ཁེ་ན ཙ ཝཱི་ཏི་ནཱ་མེ་ནྟོ ཨ་ར་ཉྙ་ག་ཏོ་པི རུ་ཀྑ་མཱུ་ལ་ག་ཏོ་པི སུ་ཉྙཱ་གཱ་ར་ག་ཏོ་པི ‘‘ཨ་ཧོ སུ་ཁཾ, ཨ་ཧོ སུ་ཁ’’ནྟི ཨ་བྷི་ཀྑ་ཎཾ ཨུ་དཱ་ནཾ ཨུ་དཱ་ནེ་སི. ཏཾ སུ་ཏྭཱ བྷི་ཀྑཱུ ས་ཏྠུ ཨཱ་རོ་ཙེ་སུཾ – ‘‘ཨཱ་ཡ་སྨཱ བྷ་དྡི་ཡོ ཀཱ་ལི༹་གོ་དྷཱ་ཡ པུ་ཏྟོ ཨ་བྷི་ཀྑ་ཎཾ ‘ཨ་ཧོ སུ་ཁཾ, ཨ་ཧོ སུ་ཁ’ནྟི ཝ་ད་ཏི, ཨ་ན་བྷི་ར་ཏོ མ་ཉྙེ བྲ་ཧྨ་ཙ་རི་ཡཾ ཙ་ར་ཏཱི’’ཏི. ས་ཏྠཱ ཏཾ པ་ཀྐོ་སཱ་པེ་ཏྭཱ ‘‘ས་ཙྩཾ ཀི་ར ཏྭཾ, བྷ་དྡི་ཡ, ཨ་བྷི་ཀྑ་ཎཾ ‘ཨ་ཧོ སུ་ཁཾ, ཨ་ཧོ སུ་ཁ’ནྟི ཝ་ད་སཱི’’ཏི པུ་ཙྪི. སོ ‘‘ས་ཙྩཾ བྷ་ག་ཝཱ’’ཏི པ་ཊི་ཛཱ་ནི་ཏྭཱ ‘‘པུ་བྦེ མེ, བྷ་ནྟེ, ར་ཛྫཾ ཀཱ་རེ་ནྟ་སྶ སུ་སཾ་ཝི་ཧི་ཏཱ་ར་ཀྑོ ཨ་ཧོ་སིཾ, ཏ་ཐཱ་པི བྷཱི་ཏོ ཨུ་བྦི་གྒོ ཨུ་སྶ་ངྐི་ཏོ ཝི་ཧཱ་སིཾ. ཨི་དཱ་ནི པ་ན པ་བྦ་ཛི་ཏོ ཨ་བྷཱི་ཏོ ཨ་ནུ་བྦི་གྒོ ཨ་ནུ་སྶ་ངྐི་ཏོ ཝི་ཧ་རཱ་མཱི’’ཏི ཝ་ཏྭཱ –

༨༤༢. ‘‘ཡཱ་ཏཾ མེ ཧ་ཏྠི་གཱི་ཝཱ་ཡ, སུ་ཁུ་མཱ ཝ་ཏྠཱ པ་དྷཱ་རི་ཏཱ;

སཱ་ལཱི་ནཾ ཨོ་ད་ནོ བྷུ་ཏྟོ, སུ་ཙི་མཾ་སཱུ་པ་སེ་ཙ་ནོ.

༨༤༣. ‘‘སོ་ཛྫ བྷ་དྡོ སཱ་ཏ་ཏི་ཀོ, ཨུ་ཉྪཱ་པ་ཏྟཱ་ག་ཏེ ར་ཏོ;

ཛྷཱ་ཡ་ཏི ཨ་ནུ་པཱ་དཱ་ནོ, པུ་ཏྟོ གོ་དྷཱ་ཡ བྷ་དྡི་ཡོ.

༨༤༤. ‘‘པཾ་སུ་ཀཱུ་ལཱི སཱ་ཏ་ཏི་ཀོ, ཨུ་ཉྪཱ་པ་ཏྟཱ་ག་ཏེ ར་ཏོ;

ཛྷཱ་ཡ་ཏི ཨ་ནུ་པཱ་དཱ་ནོ, པུ་ཏྟོ གོ་དྷཱ་ཡ བྷ་དྡི་ཡོ.

༨༤༥.

‘‘པི་ཎྜ་པཱ་ཏཱི སཱ་ཏ་ཏི་ཀོ…པེ….

༨༤༦. ‘‘ཏེ་ཙཱི་ཝ་རཱི སཱ་ཏ་ཏི་ཀོ…པེ….

༨༤༧. ‘‘ས་པ་དཱ་ན་ཙཱ་རཱི སཱ་ཏ་ཏི་ཀོ…པེ….

༨༤༨. ‘‘ཨེ་ཀཱ་ས་ནཱི སཱ་ཏ་ཏི་ཀོ…པེ….

༨༤༩. ‘‘པ་ཏྟ་པི་ཎྜཱི སཱ་ཏ་ཏི་ཀོ…པེ….

༨༥༠. ‘‘ཁ་ལུ་པ་ཙྪཱ་བྷ་ཏྟཱི སཱ་ཏ་ཏི་ཀོ…པེ….

༨༥༡. ‘‘ཨཱ་ར་ཉྙི་ཀོ སཱ་ཏ་ཏི་ཀོ…པེ….

༨༥༢. ‘‘རུ་ཀྑ་མཱུ་ལི་ཀོ སཱ་ཏ་ཏི་ཀོ…པེ….

༨༥༣. ‘‘ཨ་བྦྷོ་ཀཱ་སཱི སཱ་ཏ་ཏི་ཀོ…པེ….

༨༥༤. ‘‘སོ་སཱ་ནི་ཀོ སཱ་ཏ་ཏི་ཀོ…པེ….

༨༥༥. ‘‘ཡ་ཐཱ་ས་ནྠ་ཏི་ཀོ སཱ་ཏ་ཏི་ཀོ…པེ….

༨༥༦. ‘‘ནེ་ས་ཛྫི་ཀོ སཱ་ཏ་ཏི་ཀོ…པེ….

༨༥༧. ‘‘ཨ་པྤི་ཙྪོ སཱ་ཏ་ཏི་ཀོ…པེ….

༨༥༨. ‘‘ས་ནྟུ་ཊྛོ སཱ་ཏ་ཏི་ཀོ…པེ….

༨༥༩. ‘‘པ་ཝི་ཝི་ཏྟོ སཱ་ཏ་ཏི་ཀོ…པེ….

༨༦༠. ‘‘ཨ་སཾ་ས་ཊྛོ སཱ་ཏ་ཏི་ཀོ…པེ….

༨༦༡. ‘‘ཨཱ་ར་དྡྷ་ཝཱི་རི་ཡོ སཱ་ཏ་ཏི་ཀོ…པེ….

༨༦༢. ‘‘ཧི་ཏྭཱ ས་ཏ་པ་ལཾ ཀཾ་སཾ, སོ་ཝ་ཎྞཾ ས་ཏ་རཱ་ཛི་ཀཾ;

ཨ་གྒ་ཧིཾ མ་ཏྟི་ཀཱ་པ་ཏྟཾ, ཨི་དཾ དུ་ཏི་ཡཱ་བྷི་སེ་ཙ་ནཾ.

༨༦༣. ‘‘ཨུ་ཙྩེ མ་ཎྜ་ལི་པཱ་ཀཱ་རེ, ད་ལ༹ྷ་མ་ཊྚཱ་ལ་ཀོ་ཊྛ་ཀེ;

ར་ཀྑི་ཏོ ཁ་གྒ་ཧ་ཏྠེ་ཧི, ཨུ་ཏྟ་མཾ ཝི་ཧ་རིཾ པུ་རེ.

༨༦༤. ‘‘སོ་ཛྫ བྷ་དྡོ ཨ་ནུ་ཏྲཱ་སཱི, པ་ཧཱི་ན་བྷ་ཡ་བྷེ་ར་ཝོ;

ཛྷཱ་ཡ་ཏི ཝ་ན་མོ་ག་ཡ྄ཧ, པུ་ཏྟོ གོ་དྷཱ་ཡ བྷ་དྡི་ཡོ.

༨༦༥. ‘‘སཱི་ལ་ཀྑ་ནྡྷེ པ་ཏི་ཊྛཱ་ཡ, ས་ཏིཾ པ་ཉྙ་ཉྩ བྷཱ་ཝ་ཡཾ;

པཱ་པུ་ཎིཾ ཨ་ནུ་པུ་བྦེ་ན, ས་བྦ་སཾ་ཡོ་ཛ་ན་ཀྑ་ཡ’’ནྟི. –

ཨི་མཱ་ཧི གཱ་ཐཱ་ཧི ས་ཏྠུ པུ་ར་ཏོ སཱི་ཧ་ནཱ་དཾ ན་དི.

ཏ་ཏྠ ཡཱ་ཏཾ མེ ཧ་ཏྠི་གཱི་ཝཱ་ཡཱཏི, བྷ་ནྟེ, པུ་བྦེ མ་ཡཱ ག་ཙྪ་ནྟེ་ནཱ་པི ཧ་ཏྠི་གཱི་ཝཱ་ཡ ཧ་ཏྠི་ཀྑ་ནྡྷེ ནི་སཱི་དི་ཏྭཱ ཡཱ་ཏཾ ཙ་རི་ཏཾ. ཝ་ཏྠཱ་ནི པ་རི་ཧ་ར་ནྟེ་ནཱ་པི སུ་ཁུ་མཱ སུ་ཁ་ས་མྥ་སྶཱ ཀཱ་སི་ཀ་ཝ་ཏྠ་ཝི་སེ་སཱ དྷཱ་རི་ཏཱ. ཨོ་ད་ནཾ བྷུ་ཉྫ་ནྟེ་ནཱ་པི ཏི་ཝ་སྶི་ཀཱ་ནཾ པུ་རཱ་ཎ་ག་ནྡྷ་སཱ་ལཱི་ནཾ ཨོ་ད་ནོ ཏི་ཏྟི་ར་ཀ་པི་ཉྫ་རཱ་དི་ནཱ སུ་ཙི་ནཱ མཾ་སེ་ན ཨུ་པ་སི་ཏྟ་ཏཱ་ཡ སུ་ཙི་མཾ་སཱུ་པ་སེ་ཙ་ནོ བྷུ་ཏྟོ, ཏ་ཐཱ་པི ཏཾ སུ་ཁཾ ན མ་ཡ྄ཧཾ ཙི་ཏྟ་པ་རི་ཏོ་ས་ཀ་རཾ ཨ་ཧོ་སི, ཡ་ཐཱ ཨེ་ཏ་ར་ཧི ཝི་ཝེ་ཀ་སུ་ཁ་ནྟི ད་སྶེ་ནྟོ ཨཱ་ཧ ‘‘སོ་ཛྫ བྷ་དྡོ’’ཏི་ཨཱ་དི. ཨེ་ཏྠ ཙ ཧ་ཏྠི་གྒ་ཧ་ཎེ་ནེ་ཝ ཨ་སྶ་ར་ཐ་ཡཱ་ནཱ་ནི, ཝ་ཏྠ་གྒ་ཧ་ཎེ་ན ས་བྦ་རཱ་ཛཱ་ལ་ངྐཱ་རཱ, ཨོ་ད་ན་གྒ་ཧ་ཎེ་ན ས་བྦ་བྷོ་ཛ་ན་ཝི་ཀ་ཏི ག་ཧི་ཏཱ་ཏི ཝེ་དི་ཏ་བྦཾ. སོ་ཛྫཱཏི སོ ཨ་ཛྫ ཨེ་ཏ་ར་ཧི པ་བྦ་ཛྫཱ་ཡཾ ཋི་ཏོ. བྷ་དྡོཏི སཱི་ལཱ་དི་གུ་ཎེ་ཧི ས་མ་ནྣཱ་ག་ཏ་ཏྟཱ བྷ་དྡོ. སཱ་ཏ་ཏི་ཀོཏི ས་མ་ཎ་དྷ་མྨེ དི་ཊྛ་དྷ་མྨ་སུ་ཁ་ཝི་ཧཱ་རེ སཱ་ཏ་ཙྩ་ཡུ་ཏྟོ. ཨུ་ཉྪཱ་པ་ཏྟཱ་ག་ཏེ ར་ཏོཏི ཨུ་ཉྪཱ་ཙ་རི་ཡཱ་ཡ པ་ཏྟེ ཨཱ་ག་ཏེ པ་ཏྟ་པ་རི་ཡཱ་པ་ནྣེ ཨ་བྷི་ར་ཏོ, ཏེ་ནེ་ཝ ས་ནྟུ་ཊྛོ་ཏི ཨ་དྷི་པྤཱ་ཡོ. ཛྷཱ་ཡ་ཏཱིཏི ཕ་ལ་ས་མཱ་པ་ཏྟི་ཛྷཱ་ནེ་ན ཛྷཱ་ཡ་ཏི. པུ་ཏྟོ གོ་དྷཱ་ཡཱཏི ཀཱ་ལི༹་གོ་དྷཱ་ཡ ནཱ་མ ཁ་ཏྟི་ཡཱ་ཡ པུ་ཏྟོ. བྷ་དྡི་ཡོཏི ཨེ་ཝཾ་ནཱ་མོ ཨ་ཏྟཱ་ན་མེ་ཝ ཐེ་རོ ཨ་ཉྙཾ ཝི་ཡ ཀ་ཏྭཱ ཝ་ད་ཏི.

ག་ཧ་པ་ཏི་ཙཱི་ཝ་རཾ པ་ཊི་ཀྑི་པི་ཏྭཱ པཾ་སུ་ཀཱུ་ལི་ཀ་ངྒ་ས་མཱ་དཱ་ནེ་ན པཾ་སུ་ཀཱུ་ལི་ཀོ. ས་ངྒྷ་བྷ་ཏྟཾ པ་ཊི་ཀྑི་པི་ཏྭཱ པི་ཎྜ་པཱ་ཏི་ཀ་ངྒ་ས་མཱ་དཱ་ནེ་ན པི་ཎྜ་པཱ་ཏི་ཀོ. ཨ་ཏི་རེ་ཀ་ཙཱི་ཝ་རཾ པ་ཊི་ཀྑི་པི་ཏྭཱ ཏེ་ཙཱི་ཝ་རི་ཀ་ངྒ་ས་མཱ་དཱ་ནེ་ན ཏེ་ཙཱི་ཝ་རི་ཀོ. ལོ་ལུ་པྤ་ཙཱ་རཾ པ་ཊི་ཀྑི་པི་ཏྭཱ ས་པ་དཱ་ན་ཙཱ་རི་ཀ་ངྒ་ས་མཱ་དཱ་ནེ་ན ས་པ་དཱ་ན་ཙཱ་རཱི. ནཱ་ནཱ་ས་ན་བྷོ་ཛ་ནཾ པ་ཊི་ཀྑི་པི་ཏྭཱ ཨེ་ཀཱ་ས་ནི་ཀ་ངྒ་ས་མཱ་དཱ་ནེ་ན ཨེ་ཀཱ་ས་ནི་ཀོ. དུ་ཏི་ཡ་ཀ་བྷཱ་ཛ་ནཾ པ་ཊི་ཀྑི་པི་ཏྭཱ པ་ཏྟ་པི་ཎྜི་ཀ་ངྒ་ས་མཱ་དཱ་ནེ་ན པ་ཏྟ་པི་ཎྜི་ཀོ. ཨ་ཏི་རི་ཏྟ་བྷོ་ཛ་ནཾ པ་ཊི་ཀྑི་པི་ཏྭཱ ཁ་ལུ་པ་ཙྪཱ་བྷ་ཏྟི་ཀ་ངྒ་ས་མཱ་དཱ་ནེ་ན ཁ་ལུ་པ་ཙྪཱ་བྷ་ཏྟི་ཀོ. གཱ་མ་ནྟ་སེ་ནཱ་ས་ནཾ པ་ཊི་ཀྑི་པི་ཏྭཱ ཨཱ་ར་ཉྙི་ཀ་ངྒ་ས་མཱ་དཱ་ནེ་ན ཨཱ་ར་ཉྙི་ཀོ. ཚ་ནྣ་ཝཱ་སཾ པ་ཊི་ཀྑི་པི་ཏྭཱ རུ་ཀྑ་མཱུ་ལི་ཀ་ངྒ་ས་མཱ་དཱ་ནེ་ན རུ་ཀྑ་མཱུ་ལི་ཀོ. ཚ་ནྣ་རུ་ཀྑ་མཱུ་ལཱ་ནི པ་ཊི་ཀྑི་པི་ཏྭཱ ཨ་བྦྷོ་ཀཱ་སི་ཀ་ངྒ་ས་མཱ་དཱ་ནེ་ན ཨ་བྦྷོ་ཀཱ་སི་ཀོ. ན་སུ་སཱ་ནཾ པ་ཊི་ཀྑི་པི་ཏྭཱ སོ་སཱ་ནི་ཀ་ངྒ་ས་མཱ་དཱ་ནེ་ན སོ་སཱ་ནི་ཀོ. སེ་ནཱ་ས་ན་ལོ་ལུ་པྤཾ པ་ཊི་ཀྑི་པི་ཏྭཱ ཡ་ཐཱ་ས་ནྠ་ཏི་ཀ་ངྒ་ས་མཱ་དཱ་ནེ་ན ཡ་ཐཱ་ས་ནྠ་ཏི་ཀོ. ས་ཡ་ནཾ པ་ཊི་ཀྑི་པི་ཏྭཱ ནེ་ས་ཛྫི་ཀ་ངྒ་ས་མཱ་དཱ་ནེ་ན ནེ་ས་ཛྫི་ཀོ. ཨ་ཡ་མེ་ཏྠ ས་ངྑེ་པོ. ཝི་ཏྠཱ་ར་ཏོ པ་ན དྷུ་ཏ་ངྒ་ཀ་ཐཱ ཝི་སུ་དྡྷི་མ་གྒེ (ཝི་སུ་དྡྷི. ༡.༢༢ ཨཱ་ད་ཡོ) ཝུ་ཏྟ་ན་ཡེ་ནེ་ཝ ག་ཧེ་ཏ་བྦཱ.

ཨུ་ཙྩེཏི ཨུ་ཙྩཱ་དི་ཊྛཱ་ནེ, ཨུ་པ་རི་པཱ་སཱ་ད་ཏཱ་ཡ ཝཱ ཨུ་ཙྩེ. མ་ཎྜ་ལི་པཱ་ཀཱ་རེཏི མ་ཎྜ་ལཱ་ཀཱ་རེ་ན པཱ་ཀཱ་ར་པ་རི་ཀྑི་ཏྟེ. ད་ལ༹ྷ་མ་ཊྚཱ་ལ་ཀོ་ཊྛ་ཀེཏི ཐི་རེ་ཧི ཨ་ཊྚཱ་ལེ་ཧི དྭཱ་ར་ཀོ་ཊྛ་ཀེ་ཧི ཙ ས་མ་ནྣཱ་ག་ཏེ, ན་ག་རེ་ཏི ཨ་ཏྠོ.

ས་ཏིཾ པ་ཉྙ་ཉྩཱཏི ཨེ་ཏྠ ས་ཏི་སཱི་སེ་ན ས་མཱ་དྷིཾ ཝ་ད་ཏི. ཕ་ལ་ས་མཱ་པ་ཏྟི་ནི་རོ་དྷ་ས་མཱ་པ་ཏྟི་ཡོ ས་ནྡྷཱ་ཡ ‘‘ས་ཏིཾ པ་ཉྙ་ཉྩ བྷཱ་ཝ་ཡ’’ནྟི ཝུ་ཏྟོ. སེ་སཾ ཏ་ཏྠ ཏ་ཏྠ ཝུ་ཏྟ་ན་ཡ་ཏྟཱ ཨུ་ཏྟཱ་ན་མེ་ཝ.

ཨེ་ཝཾ ཐེ་རོ ས་ཏྠུ ས་མྨུ་ཁཱ སཱི་ཧ་ནཱ་དཾ ན་དི. ཏཾ སུ་ཏྭཱ བྷི་ཀྑཱུ ཨ་བྷི་པྤ་ས་ནྣཱ ཨ་ཧེ་སུཾ.

ཀཱ་ལི༹་གོ་དྷཱ་པུ་ཏྟ་བྷ་དྡི་ཡ་ཏྠེ་ར་གཱ་ཐཱ་ཝ་ཎྞ་ནཱ ནི་ཊྛི་ཏཱ.