༩. ཝི་པ་སྶ་ནཱ་ཀ་ཐཱ
ཝི་པ་སྶ་ནཱ་ཀ་ཐཱ་ཝ་ཎྞ་ནཱ
༣༦. ཨི་དཱ་ནི ཝི་པ་སྶ་ནཱ་པ་ཊི་སཾ་ཡུ་ཏྟཱ་ཡ ས་ཏི་པ་ཊྛཱ་ན་ཀ་ཐཱ་ཡ ཨ་ན་ནྟ་རཾ ཝི་པ་སྶ་ནཱ་པ་བྷེ་དཾ ད་སྶེ་ནྟེ་ན ཀ་ཐི་ཏཱ་ཡ སུ་ཏྟ་ནྟ་པུ་བྦ་ངྒ་མཱ་ཡ ཝི་པ་སྶ་ནཱ་ཀ་ཐཱ་ཡ ཨ་པུ་བྦ་ཏྠཱ་ནུ་ཝ་ཎྞ་ནཱ. ཏ་ཏྠ སུ་ཏྟ་ནྟེ ཏཱ་ཝ སོཨི་ཏི ས་བྦ་ནཱ་མ་ཏྟཱ ཡོ ཝཱ སོ ཝཱ ས་བྦོ་པི ས་ངྒ་ཧི་ཏོ ཧོ་ཏི. ཝ་ཏཱཏི ཨེ་ཀཾ་ས་ཏྠེ ནི་པཱ་ཏོ. ཀ་ཉྩི ས་ངྑཱ་རནྟི ཨ་པྤ་མ་ཏྟ་ཀ་མྤི ས་ངྑཱ་རཾ. ཨ་ནུ་ལོ་མི་ཀཱ་ཡ ཁ་ནྟི་ཡཱཏི ཨེ་ཏྠ ཝི་པ་སྶ་ནཱ་ཉཱ་ཎ་མེ་ཝ ལོ་ཀུ་ཏྟ་ར་མ་གྒཾ ཨ་ནུ་ལོ་མེ་ཏཱི་ཏི ཨ་ནུ་ལོ་མི་ཀཾ, ཏ་དེ་ཝ ཁ་ནྟི་མ་པེ་ཀྑི་ཏྭཱ ཨ་ནུ་ལོ་མི་ཀཱ. ས་བྦ་ས་ངྑཱ་རཱ ཏ་སྶ ཨ་ནི་ཙྩ་ཏོ དུ་ཀྑ་ཏོ ཨ་ན་ཏྟ་ཏོ ཁ་མ་ནྟི རུ་ཙྩ་ནྟཱི་ཏི ཁ་ནྟི. སཱ མུ་དུ་ཀཱ མ་ཛ྄ཛྷི་མཱ ཏི་ཀྑཱ་ཏི ཏི་ཝི་དྷཱ. ཀ་ལཱ་པ་ས་མྨ་ས་ནཱ་དི་ཀཱ ཨུ་ད་ཡ་བྦ་ཡ་ཉཱ་ཎ་པ་རི་ཡོ་སཱ་ནཱ མུ་དུ་ཀཱ་ནུ་ལོ་མི་ཀཱ ཁ་ནྟི. བྷ་ངྒཱ་ནུ་པ་སྶ་ནཱ་དི་ཀཱ ས་ངྑཱ་རུ་པེ་ཀྑཱ་ཉཱ་ཎ་པ་རི་ཡོ་སཱ་ནཱ མ་ཛ྄ཛྷི་མཱ་ནུ་ལོ་མི་ཀཱ ཁ་ནྟི. ཨ་ནུ་ལོ་མ་ཉཱ་ཎཾ ཏི་ཀྑཱ་ནུ་ལོ་མི་ཀཱ ཁ་ནྟི. ས་མ་ནྣཱ་ག་ཏོཏི ཨུ་པེ་ཏོ. ནེ་ཏཾ ཋཱ་ནཾ ཝི་ཛྫ་ཏཱིཏི ཡ་ཐཱ་ཝུ་ཏྟཾ ཨེ་ཏཾ ཋཱ་ནཾ ཨེ་ཏཾ ཀཱ་ར་ཎཾ ན ཝི་ཛྫ་ཏི. ས་མྨ་ཏྟ་ནི་ཡཱ་མནྟི ཨེ་ཏྠ ‘‘ཧི་ཏ་སུ་ཁཱ་ཝ་ཧོ མེ བྷ་ཝི་སྶ་ཏཱི’’ཏི ཨེ་ཝཾ ཨཱ་སཱི་ས་ཏོ ཏ་ཐེ་ཝ ས་མྦྷ་ཝ་ཏོ ཨ་སུ་བྷཱ་དཱི་སུ ཙ ཨ་སུ་བྷ་ནྟི་ཨཱ་དི་ཨ་ཝི་པ་རཱི་ཏ་པྤ་ཝ་ཏྟི་ས་བྦྷཱ་ཝ་ཏོ ཙ ས་མྨཱ ས་བྷཱ་ཝོ་ཏི ས་མྨ་ཏྟོ, ཨ་ན་ནྟ་ར་ཕ་ལ་དཱ་ནཱ་ཡ ཨ་ར་ཧ་ཏྟུ་པྤ་ཏྟི་ཡཱ ཙ ནི་ཡཱ་མ་བྷཱུ་ཏ་ཏྟཱ ནི་ཡཱ་མོ, ནི་ཙྪ་ཡོ་ཏི ཨ་ཏྠོ. ས་མྨ་ཏྟོ ཙ སོ ནི་ཡཱ་མོ ཙཱ་ཏི ས་མྨ་ཏྟ་ནི་ཡཱ་མོ. ཀོ སོ? ལོ་ཀུ་ཏྟ་ར་མ་གྒོ, ཝི་སེ་ས་ཏོ པ་ན སོ་ཏཱ་པ་ཏྟི་མ་གྒོ. ཏེ་ན ཧི མ་གྒ་ནི་ཡཱ་མེ་ན ནི་ཡ་ཏ་ཏྟཱ ‘‘ནི་ཡ་ཏོ ས་མྦོ་དྷི་པ་རཱ་ཡ་ཎོ’’ཏི (པཱ་རཱ. ༢༡; དཱི. ནི. ༡.༣༧༣) ཝུ་ཏྟཾ. ཏཾ ས་མྨ་ཏྟ་ནི་ཡཱ་མཾ ཨོ་ཀྐ་མི་སྶ་ཏི པ་ཝི་སི་སྶ་ཏཱི་ཏི ཨེ་ཏཾ ཨ་ཊྛཱ་ན་ནྟི ཨ་ཏྠོ. གོ་ཏྲ་བྷུ་ནོ པ་ན མ་གྒ་སྶ ཨཱ་ཝ་ཛྫ་ན་ཊྛཱ་ནི་ཡ་ཏྟཱ ཏཾ ཨ་ནཱ་དི་ཡི་ཏྭཱ ཨ་ནུ་ལོ་མི་ཀ་ཁ་ནྟི་ཡཱ ཨ་ན་ནྟ་རཾ ས་མྨ་ཏྟ་ནི་ཡཱ་མོ་ཀྐ་མ་ནཾ ཝུ་ཏྟ་ནྟི ཝེ་དི་ཏ་བྦཾ. ཨ་ཐ ཝཱ ཨ་ཊྛཱ་ར་ས་སུ མ་ཧཱ་ཝི་པ་སྶ་ནཱ་སུ གོ་ཏྲ་བྷུ ཝི་ཝ་ཊྚ་ནཱ་ནུ་པ་སྶ་ནཱ ཧོ་ཏཱི་ཏི ཨ་ནུ་ལོ་མི་ཀ་ཁ་ནྟི་ཡཱ ཨེ་ཝ ས་ངྒ་ཧི་ཏཱ ཧོ་ཏི. ཙ་ཏཱུ་སུ་པི སུ་ཏྟ་ནྟེ་སུ ཨི་མི་ནཱ་ཝ ན་ཡེ་ན ཨ་ཏྠོ ཝེ་དི་ཏ་བྦོ. ཨེ་ཏེ་ཧི ཨ་ནུ་ལོ་མི་ཀ་ཁ་ནྟི་ས་མྨ་ཏྟ་ནི་ཡཱ་མ་ཙ་ཏུ་ཨ་རི་ཡ་ཕ་ལ་ཝ་སེ་ན ཙ ཚ དྷ་མྨཱ་ཏི ཚ་ཀྐ་ནི་པཱ་ཏེ (ཨ. ནི. ༦.༩༨, ༡༠༡) ཙ་ཏྟཱ་རོ སུ་ཏྟ་ནྟཱ ཝུ་ཏྟཱ. ཀ་ཎྷ་པ་ཀྑ་སུ་ཀྐ་པ་ཀྑ་དྭ་ཡ་ཝ་སེ་ན ཧི ཙ་ཏྟཱ་རོ སུ་ཏྟ་ནྟཱ་ཝ ཧོ་ནྟཱི་ཏི.
༣༧. ཀ་ཏི་ཧཱ་ཀཱ་རེ་ཧཱིཏི་ཨཱ་དི་ཀེ པུ་ཙྪཱ་པུ་བྦ་ངྒ་མེ སུ་ཏྟ་ནྟ་ནི་དྡེ་སེ པ་ཉྩ་ཀྑ་ནྡྷེ ཨ་ནི་ཙྩ་ཏོཏི་ཨཱ་དཱི་སུ ནཱ་མ་རཱུ་པ་ཉྩ ནཱ་མ་རཱུ་པ་སྶ པ་ཙྩ་ཡེ ཙ པ་རི་གྒ་ཧེ་ཏྭཱ ཀ་ལཱ་པ་ས་མྨ་ས་ན་ཝ་སེ་ན ཨཱ་ར་དྡྷ་ཝི་པ་སྶ་ཀོ ཡོ་གཱ་ཝ་ཙ་རོ པ་ཉྩ་སུ ཁ་ནྡྷེ་སུ ཨེ་ཀེ་ཀཾ ཁ་ནྡྷཾ ཨ་ནི་ཙྩ་ནྟི་ཀ་ཏཱ་ཡ ཨཱ་དི་ཨ་ནྟ་ཝ་ཏཱ་ཡ ཙ ཨ་ནི་ཙྩ་ཏོ པ་སྶ་ཏི. ཨུ་པྤཱ་ད་ཝ་ཡ་པ་ཊི་པཱི་ལ༹་ན་ཏཱ་ཡ དུ་ཀྑ་ཝ་ཏྠུ་ཏཱ་ཡ ཙ དུ་ཀྑ་ཏོ. པ་ཙྩ་ཡ་ཡཱ་པ་ནཱི་ཡ་ཏཱ་ཡ རོ་ག་མཱུ་ལ་ཏཱ་ཡ ཙ རོ་ག་ཏོ. དུ་ཀྑ་ཏཱ་སཱུ་ལ་ཡོ་གི་ཏཱ་ཡ ཀི་ལེ་སཱ་སུ་ཙི་པ་གྒྷ་ར་ཎ་ཏཱ་ཡ ཨུ་པྤཱ་ད་ཛ་རཱ་བྷ་ངྒེ་ཧི ཨུ་དྡྷུ་མཱ་ཏ་པ་རི་པ་ཀྐ་པ་བྷི་ནྣ་ཏཱ་ཡ ཙ ག་ཎྜ་ཏོ. པཱི་ལཱ༹་ཛ་ན་ཀ་ཏཱ་ཡ ཨ་ནྟོ་ཏུ་ད་ན་ཏཱ་ཡ དུ་ནྣཱི་ཧ་ར་ཎཱི་ཡ་ཏཱ་ཡ ཙ ས་ལླ་ཏོ. ཝི་ག་ར་ཧ་ཎཱི་ཡ་ཏཱ་ཡ ཨ་ཝ་ཌྜྷི་ཨཱ་ཝ་ཧ་ན་ཏཱ་ཡ ཨ་གྷ་ཝ་ཏྠུ་ཏཱ་ཡ ཙ ཨ་གྷ་ཏོ. ཨ་སེ་རི་བྷཱ་ཝ་ཛ་ན་ཀ་ཏཱ་ཡ ཨཱ་བཱ་དྷ་པ་ད་ཊྛཱ་ན་ཏཱ་ཡ ཙ ཨཱ་བཱ་དྷ་ཏོ. ཨ་ཝ་ས་ཏཱ་ཡ ཨ་ཝི་དྷེ་ཡྻ་ཏཱ་ཡ ཙ པ་ར་ཏོ. བྱཱ་དྷི་ཛ་རཱ་མ་ར་ཎེ་ཧི ལུ་ཛྫ་ན་པ་ལུ་ཛྫ་ན་ཏཱ་ཡ པ་ལོ་ཀ་ཏོ. ཨ་ནེ་ཀ་བྱ་ས་ནཱ་ཝ་ཧ་ན་ཏཱ་ཡ ཨཱི་ཏི་ཏོ. ཨ་ཝི་དི་ཏཱ་ནཾ་ཡེ་ཝ ཝི་པུ་ལཱ་ནཾ ཨ་ན་ཏྠཱ་ནཾ ཨཱ་ཝ་ཧ་ན་ཏོ ས་བྦཱུ་པ་དྡ་ཝ་ཝ་ཏྠུ་ཏཱ་ཡ ཙ ཨུ་པ་དྡ་ཝ་ཏོ. ས་བྦ་བྷ་ཡཱ་ནཾ ཨཱ་ཀ་ར་ཏཱ་ཡ ཙ དུ་ཀྑ་ཝཱུ་པ་ས་མ་ས་ངྑཱ་ཏ་སྶ པ་ར་མ་སྶཱ་ས་སྶ པ་ཊི་པ་ཀྑ་བྷཱུ་ཏ་ཏཱ་ཡ ཙ བྷ་ཡ་ཏོ. ཨ་ནེ་ཀེ་ཧི ཨ་ན་ཏྠེ་ཧི ཨ་ནུ་བ་དྡྷ་ཏཱ་ཡ དོ་སཱུ་པ་ས་ཊྛ་ཏཱ་ཡ ཨུ་པ་ས་གྒོ ཝི་ཡ ཨ་ན་དྷི་ཝཱ་ས་ནཱ་ར་ཧ་ཏཱ་ཡ ཙ ཨུ་པ་ས་གྒ་ཏོ. བྱཱ་དྷི་ཛ་རཱ་མ་ར་ཎེ་ཧི ཙེ་ཝ ལོ་བྷཱ་དཱི་ཧི ཙ ལོ་ཀ་དྷ་མྨེ་ཧི པ་ཙ་ལི་ཏ་ཏཱ་ཡ ཙ་ལ་ཏོ. ཨུ་པ་ཀྐ་མེ་ན ཙེ་ཝ ས་ར་སེ་ན ཙ པ་བྷ་ངྒུ་པ་ག་མ་ན་སཱི་ལ་ཏཱ་ཡ པ་བྷ་ངྒུ་ཏོ. ས་བྦཱ་ཝ་ཏྠ་ནི་པཱ་ཏི་ཏཱ་ཡ ཐི་ར་བྷཱ་ཝ་སྶ ཙ ཨ་བྷཱ་ཝ་ཏཱ་ཡ ཨ་དྡྷུ་ཝ་ཏོ. ཨ་ཏཱ་ཡ་ན་ཏཱ་ཡ ཙེ་ཝ ཨ་ལ་བྦྷ་ནེ་ཡྻ་ཁེ་མ་ཏཱ་ཡ ཙ ཨ་ཏཱ་ཎ་ཏོ. ཨ་ལླཱི་ཡི་ཏུཾ ཨ་ན་ར་ཧ་ཏཱ་ཡ ཨ་ལླཱི་ནཱ་ན་མྤི ཙ ལེ་ཎ་ཀི་ཙྩཱ་ཀཱ་རི་ཏཱ་ཡ ཨ་ལེ་ཎ་ཏོ. ནི་སྶི་ཏཱ་ནཾ བྷ་ཡ་སཱ་ར་ཀ་ཏྟཱ་བྷཱ་ཝེ་ན ཨ་ས་ར་ཎ་ཏོ. ཡ་ཐཱ་པ་རི་ཀ་པྤི་ཏེ་ཧི དྷུ་ཝ་སུ་བྷ་སུ་ཁ་ཏྟ་བྷཱ་ཝེ་ཧི རི་ཏྟ་ཏཱ་ཡ རི་ཏྟ་ཏོ. རི་ཏྟ་ཏཱ་ཡེ་ཝ ཏུ་ཙྪ་ཏོ, ཨ་པྤ་ཀ་ཏྟཱ ཝཱ. ཨ་པྤ་ཀ་མྤི ཧི ལོ་ཀེ ཏུ་ཙྪ་ནྟི ཝུ་ཙྩ་ཏི. སཱ་མི་ནི་ཝཱ་སི་ཝེ་ད་ཀ་ཀཱ་ར་ཀཱ་དྷི་ཊྛཱ་ཡ་ཀ་ཝི་ར་ཧི་ཏ་ཏཱ་ཡ སུ་ཉྙ་ཏོ. ས་ཡ་ཉྩ ཨ་སཱ་མི་ཀ་བྷཱ་ཝཱ་དི་ཏཱ་ཡ ཨ་ན་ཏྟ་ཏོ. པ་ཝ་ཏྟི་དུ་ཀྑ་ཏཱ་ཡ དུ་ཀྑ་སྶ ཙ ཨཱ་དཱི་ན་ཝ་ཏཱ་ཡ ཨཱ་དཱི་ན་ཝ་ཏོ. ཨ་ཐ ཝཱ ཨཱ་དཱི་ནཾ ཝཱ་ཏི ག་ཙྪ་ཏི པ་ཝ་ཏྟ་ཏཱི་ཏི ཨཱ་དཱི་ན་ཝོ. ཀ་པ་ཎ་མ་ནུ་སྶ་སྶེ་ཏཾ ཨ་དྷི་ཝ་ཙ་ནཾ, ཁ་ནྡྷཱ་པི ཙ ཀ་པ་ཎཱ་ཡེ་ཝཱ་ཏི ཨཱ་དཱི་ན་ཝ་ས་དི་ས་ཏཱ་ཡ ཨཱ་དཱི་ན་ཝ་ཏོ. ཛ་རཱ་ཡ ཙེ་ཝ མ་ར་ཎེ་ན ཙཱ་ཏི དྭེ་དྷཱ པ་རི་ཎཱ་མ་པ་ཀ་ཏི་ཏཱ་ཡ ཝི་པ་རི་ཎཱ་མ་དྷ་མྨ་ཏོ. དུ་བྦ་ལ་ཏཱ་ཡ ཕེ་གྒུ ཝི་ཡ སུ་ཁ་བྷ་ཉྫ་ནཱི་ཡ་ཏཱ་ཡ ཙ ཨ་སཱ་ར་ཀ་ཏོ. ཨ་གྷ་ཧེ་ཏུ་ཏཱ་ཡ ཨ་གྷ་མཱུ་ལ་ཏོ. མི་ཏྟ་མུ་ཁ་ས་པ་ཏྟོ ཝི་ཡ ཝི་སྶཱ་ས་གྷཱ་ཏི་ཏཱ་ཡ ཝ་དྷ་ཀ་ཏོ. ཝི་ག་ཏ་བྷ་ཝ་ཏཱ་ཡ ཝི་བྷ་ཝ་ས་མྦྷཱུ་ཏ་ཏཱ་ཡ ཙ ཝི་བྷ་ཝ་ཏོ. ཨཱ་ས་ཝ་པ་ད་ཊྛཱ་ན་ཏཱ་ཡ སཱ་ས་ཝ་ཏོ. ཧེ་ཏུ་པ་ཙྩ་ཡེ་ཧི ཨ་བྷི་ས་ངྑ་ཏ་ཏཱ་ཡ ས་ངྑ་ཏ་ཏོ. མ་ཙྩུ་མཱ་ར་ཀི་ལེ་ས་མཱ་རཱ་ནཾ ཨཱ་མི་ས་བྷཱུ་ཏ་ཏཱ་ཡ མཱ་རཱ་མི་ས་ཏོ. ཛཱ་ཏི་ཛ་རཱ་བྱཱ་དྷི་མ་ར་ཎ་པ་ཀ་ཏི་ཏཱ་ཡ ཛཱ་ཏི་ཛ་རཱ་བྱཱ་དྷི་མ་ར་ཎ་དྷ་མྨ་ཏོ. སོ་ཀ་པ་རི་དེ་ཝ་ཨུ་པཱ་ཡཱ་ས་ཧེ་ཏུ་ཏཱ་ཡ སོ་ཀ་པ་རི་དེ་ཝ་ཨུ་པཱ་ཡཱ་ས་དྷ་མྨ་ཏོ. ཏ་ཎྷཱ་དི་ཊྛི་དུ་ཙྩ་རི་ཏ་སཾ་ཀི་ལེ་སཱ་ནཾ ཝི་ས་ཡ་དྷ་མྨ་ཏཱ་ཡ སཾ་ཀི་ལེ་སི་ཀ་དྷ་མྨ་ཏོ པ་སྶ་ཏི. ས་བྦེ་སུ ཙ ཨི་མེ་སུ ‘‘པ་སྶ་ཏཱི’’ཏི པཱ་ཋ་སེ་སོ ད་ཊྛ་བྦོ.
༣༨. པ་ཉྩ་ཀྑ་ནྡྷེཏི ས་མཱུ་ཧ་ཏོ ཝུ་ཏྟེ་པི ཨེ་ཀེ་ཀ་ཁ་ནྡྷ་ཝ་སེ་ན ཨ་ཏྠ་ཝ་ཎྞ་ནཱ ཀ་ལཱ་པ་ས་མྨ་ས་ན་ཉཱ་ཎ་ནི་དྡེ་སེ ཝི་སུཾ ཝི་སུཾ ཨཱ་ག་ཏ་ཏྟཱ པ་རི་ཡོ་སཱ་ནེ ཙ ཝི་སུཾ ཝི་སུཾ ཁ་ནྡྷཱ་ནཾ ཝ་སེ་ན ཨ་ནུ་པ་སྶ་ནཱ་ནཾ ག་ཎི་ཏ་ཏྟཱ ས་མཱུ་ཧེ པ་ཝ་ཏྟ་ཝ་ཙ་ནཱ་ནཾ ཨ་ཝ་ཡ་ཝེ་པི པ་ཝ་ཏྟི་ས་མྦྷ་ཝ་ཏོ ཙ ཀ་ཏཱ་ཏི ཝེ་དི་ཏ་བྦཱ, ཝི་སུཾ ཝི་སུཾ པ་ཝ་ཏྟ་ས་མྨ་ས་ནཱ་ནཾ ཨེ་ཀ་ཏོ ས་ངྑི་པི་ཏྭཱ ཝ་ཙ་ན་ཝ་སེ་ན ཝཱ ‘‘པ་ཉྩ་ཀྑ་ནྡྷེ’’ཏི ཝུ་ཏྟ་ནྟི ཝེ་དི་ཏ་བྦཾ. ‘‘ཨེ་ཀ་པྤ་ཧཱ་རེ་ན པ་ཉྩ་ཧི ཁ་ནྡྷེ་ཧི ཝུ་ཊྛཱ་ཏཱི’’ཏི (ཝི་སུ་དྡྷི. ༢.༧༨༣) ཨ་ཊྛ་ཀ་ཐཱ་ཝ་ཙ་ན་ས་བྦྷཱ་ཝ་ཏོ ཝཱ པ་ཉྩ་ནྣཾ ཁ་ནྡྷཱ་ནཾ ཨེ་ཀ་ཏོ ས་མྨ་ས་ནཾ ཝཱ ཡུ་ཛྫ་ཏི་ཡེ་ཝཱ་ཏི. པ་ཉྩ་ནྣཾ ཁ་ནྡྷཱ་ནཾ ནི་རོ་དྷོ ནི་ཙྩཾ ནི་བྦཱ་ན་ནྟི པ་སྶ་ནྟོཏི་ཨཱ་དཱི་ན་ཝ་ཉཱ་ཎ་ནི་དྡེ་སེ ཝུ་ཏྟ་ན་ཡེ་ན ཝི་པ་སྶ་ནཱ་ཀཱ་ལེ ས་ནྟི་པ་ད་ཉཱ་ཎ་ཝ་སེ་ན ནི་ཙྩཾ ནི་བྦཱ་ན་ནྟི པ་སྶ་ནྟོ. ས་མྨ་ཏྟ་ནི་ཡཱ་མཾ ཨོ་ཀྐ་མ་ཏཱིཏི མ་གྒ་ཀྑ་ཎེ ཨོ་ཀྐ་མ་ཏི, ཕ་ལ་ཀྑ་ཎེ པ་ན ཨོ་ཀྐ་ནྟོ ནཱ་མ ཧོ་ཏི. ཨེ་སེ་ཝ ན་ཡོ ས་བྦེ་སུ་པི ནི་ཡཱ་མོ་ཀྐ་མ་ན་པ་རི་ཡཱ་ཡེ་སུ. ཨཱ་རོ་གྱནྟི ཨཱ་རོ་གྱ་བྷཱུ་ཏཾ. ཝི་ས་ལླནྟི ས་ལླ་ཝི་ར་ཧི་ཏཾ. ཨེ་སེ་ཝ ན་ཡོ ཨཱི་དི་སེ་སུ. ཨ་ནཱ་བཱ་དྷནྟི ཨཱ་བཱ་དྷ་ཝི་ར་ཧི་ཏཾ, ཨཱ་བཱ་དྷ་པ་ཊི་པ་ཀྑ་བྷཱུ་ཏཾ ཝཱ. ཨེ་ས ན་ཡོ ཨཱི་དི་སེ་སུ. ཨ་པ་ར་པྤ་ཙྩ་ཡནྟི ཨ་ཉྙ་པ་ཙྩ་ཡ་ཝི་ར་ཧི་ཏཾ. ཨུ་པ་སྶ་གྒ་ཏོཏི ཙ ཨ་ནུ་པ་སྶ་གྒནྟི ཙ ཀེ་ཙི སཾ་ཡོ་གཾ ཀ་ཏྭཱ པ་ཋ་ནྟི. པ་ར་མ་སུ་ཉྙནྟི ས་བྦ་ས་ངྑཱ་ར་སུ་ཉྙ་ཏྟཱ ཨུ་ཏྟ་མ་ཏྟཱ ཙ པ་ར་མ་སུ་ཉྙཾ. པ་ར་མ་ཏྠནྟི ས་ངྑ་ཏཱ་ས་ངྑ་ཏཱ་ནཾ ཨ་གྒ་བྷཱུ་ཏ་ཏྟཱ ཨུ་ཏྟ་མ་ཏྠཾ. ལི་ངྒ་ཝི་པ་ལླཱ་ས་ཝ་སེ་ན ན་པུཾ་ས་ཀ་ཝ་ཙ་ནཾ. ནི་བྦཱ་ན་སྶ ཙ སུ་ཉྙ་ཏྟཱ ཨ་ན་ཏྟ་ཏྟཱ ཙ ཨི་མ་སྨིཾ དྭ་ཡེ པ་ཊི་ལོ་མ་པ་རི་ཡཱ་ཡོ ན ཝུ་ཏྟོ. ཨ་ནཱ་ས་ཝནྟི ཨཱ་ས་ཝ་ཝི་ར་ཧི་ཏཾ. ནི་རཱ་མི་སནྟི ཨཱ་མི་ས་ཝི་ར་ཧི་ཏཾ. ཨ་ཛཱ་ཏནྟི ཛཱ་ཏི་ཝི་ར་ཧི་ཏ་ཏྟཱ ཨ་ནུ་པྤ་ནྣཾ. ཨ་མ་ཏནྟི བྷ་ངྒཱ་བྷཱ་ཝ་ཏོ མ་ར་ཎ་ཝི་ར་ཧི་ཏཾ. མ་ར་ཎ་མྤི ཧི ན་པུཾ་ས་ཀ་བྷཱ་ཝ་ཝ་ཙ་ན་ཝ་སེ་ན ‘‘མ་ཏ’’ནྟི ཝུ་ཙྩ་ཏི.
༣༩. ཨེ་ཝ་མི་མཱ་ཡ པ་ཊི་པཱ་ཊི་ཡཱ ཝུ་ཏྟཱ་སུ ཨཱ་ཀཱ་ར་བྷེ་ད་བྷི་ནྣཱ་སུ ཙ་ཏྟཱ་ལཱི་སཱ་ཡ ཨ་ནུ་པ་སྶ་ནཱ་སུ ས་བྷཱ་ཝ་ས་ངྒ་ཧ་ཝ་སེ་ན ཏཱི་སུ་ཡེ་ཝ ཨ་ནུ་པ་སྶ་ནཱ་སུ ཨེ་ཀ་ས་ངྒ་ཧཾ ཀ་རོ་ནྟོ ཨ་ནི་ཙྩ་ཏོ་ཏི ཨ་ནི་ཙྩཱ་ནུ་པ་སྶ་ནཱཏི་ཨཱ་དི་མཱ་ཧ. ཏཱ་སུ ཡ་ཐཱ་ནུ་རཱུ་པཾ ཨ་ནི་ཙྩ་དུ་ཀྑཱ་ན་ཏྟ་ཏྟེ ཡོ་ཛ་ནཱ ཀཱ་ཏ་བྦཱ. ཨ་ཝ་སཱ་ནེ པ་ནེ་ཏཱ ཝི་སུཾ ཝི་སུཾ ག་ཎ་ན་ཝ་སེ་ན ད་སྶི་ཏཱ. ག་ཎ་ནཱ་སུ ཙ ག་ཎ་ན་པ་ཊི་པཱ་ཊི་ཝ་སེ་ན པ་ཋ་མཾ ཨ་ན་ཏྟཱ་ནུ་པ་སྶ་ནཱ ག་ཎི་ཏཱ. ཏ་ཏྠ པ་ཉྩ་ཝཱི་ས་ཏཱིཏི ‘‘པ་ར་ཏོ རི་ཏྟ་ཏོ ཏུ་ཙྪ་ཏོ སུ་ཉྙ་ཏོ ཨ་ན་ཏྟ་ཏོ’’ཏི ཨེ་ཀེ་ཀ་སྨིཾ ཁ་ནྡྷེ པ་ཉྩ པ་ཉྩ ཀ་ཏྭཱ པ་ཉྩ་སུ ཁ་ནྡྷེ་སུ པ་ཉྩ་ཝཱི་ས་ཏི ཨ་ན་ཏྟཱ་ནུ་པ་སྶ་ནཱ. པ་ཉྙཱ་སཱཏི ‘‘ཨ་ནི་ཙྩ་ཏོ པ་ལོ་ཀ་ཏོ ཙ་ལ་ཏོ པ་བྷ་ངྒུ་ཏོ ཨ་དྡྷུ་ཝ་ཏོ ཝི་པ་རི་ཎཱ་མ་དྷ་མྨ་ཏོ ཨ་སཱ་ར་ཀ་ཏོ ཝི་བྷ་ཝ་ཏོ ས་ངྑ་ཏ་ཏོ མ་ར་ཎ་དྷ་མྨ་ཏོ’’ཏི ཨེ་ཀེ་ཀ་སྨིཾ ཁ་ནྡྷེ ད་ས ད་ས ཀ་ཏྭཱ པ་ཉྩ་སུ ཁ་ནྡྷེ་སུ པ་ཉྙཱ་སཾ ཨ་ནི་ཙྩཱ་ནུ་པ་སྶ་ནཱ. ས་ཏཾ པ་ཉྩ་ཝཱི་ས་ཏི ཙེ་ཝཱཏི སེ་སཱ ‘‘དུ་ཀྑ་ཏོ རོ་ག་ཏོ’’ཏི་ཨཱ་ད་ཡོ ཨེ་ཀེ་ཀ་སྨིཾ ཁ་ནྡྷེ པ་ཉྩ་ཝཱི་ས་ཏི པ་ཉྩ་ཝཱི་ས་ཏི ཀ་ཏྭཱ པ་ཉྩ་སུ ཁ་ནྡྷེ་སུ པ་ཉྩ་ཝཱི་ས་ཏི་ས་ཏཾ དུ་ཀྑཱ་ནུ་པ་སྶ་ནཱ. ཡཱ་ནི དུ་ཀྑེ པ་ཝུ་ཙྩ་རེཏི ཡཱ ཨ་ནུ་པ་སྶ་ནཱ དུ་ཀྑེ ཁ་ནྡྷ་པ་ཉྩ་ཀེ ག་ཎ་ན་ཝ་སེ་ན པ་ཝུ་ཙྩ་ནྟི, ཏཱ ས་ཏཾ པ་ཉྩ་ཝཱི་ས་ཏི ཙེ་ཝཱ་ཏི ས་མྦ་ནྡྷོ ཝེ་དི་ཏ་བྦོ. ‘‘ཡཱ་ནཱི’’ཏི ཙེ་ཏྠ ལི་ངྒ་ཝི་པ་ལླཱ་སོ ད་ཊྛ་བྦོ་ཏི.
ཝི་པ་སྶ་ནཱ་ཀ་ཐཱ་ཝ་ཎྞ་ནཱ ནི་ཊྛི་ཏཱ.