༤-༨. ས་ཏྟ་བོ་དྷི་ས་ཏྟ་ཝཱ་རཱ་དི་ཝ་ཎྞ་ནཱ

༣༣-༣༧. ས་ཏྟ་ནྣཾ བོ་དྷི་ས་ཏྟཱ་ནཾ སུ་ཏྟ་ནྟེ་སུ ཨེ་ཀེ་ཀ་སྨིཾ་ཡེ་ཝ ས་མུ་ད་ཡེ ཙ་ཀྑཱ་ད་ཡོ པ་ཉྩ, ནི་རོ་དྷེ པ་ཉྩཱ་ཏི ད་ས དྷ་མྨཱ, ས་མུ་ད་ཡེ ད་སྶ་ན་ཊྛཱ་ད་ཡོ པ་ཉྩ, ནི་རོ་དྷེ པ་ཉྩཱ་ཏི ད་ས ཨ་ཏྠཱ, ཏེ་སཾ ཝ་སེ་ན ཝཱི་ས་ཏི ནི་རུ་ཏྟི་ཡོ ཙ་ཏྟཱ་རཱི་སཾ ཉཱ་ཎཱ་ནི. ས་ཏྟ ཨེ་ཀ་ཏོ ཀ་ཏྭཱ ཝུ་ཏྟ་ག་ཎ་ནཱ སུ་ཝི་ཉྙེ་ཡྻཱ ཨེ་ཝ. ས་བྦ་ཉྙུ་ཏ་ཉྙཱ་ཎ་ཝ་སེ་ན ཝུ་ཏྟ་པ་ཊི་ས་མྦྷི་དཱ་ནི་དྡེ་སེ ཨེ་ཀེ་ཀ་མཱུ་ལ་ཀེ་སུ ‘‘ཉཱ་ཏོ དི་ཊྛོ ཝི་དི་ཏོ ས་ཙྪི་ཀ་ཏོ ཕ་སྶི་ཏོ པ་ཉྙཱ་ཡཱ’’ཏི (པ་ཊི. མ. ༡.༡༢༡) ཨི་མེ་སུ པ་ཉྩ་སུ ཝ་ཙ་ནེ་སུ ཨེ་ཀེ་ཀ་སྨིཾ་ཡེ་ཝ ཙ་ཀྑཱ་ད་ཡོ པ་ཉྩ, ད་སྶ་ན་ཊྛཱ་ད་ཡོ པ་ཉྩཱ་ཏི པ་ཉྩ་པ་ཉྩ་ཀཱ་ནཾ ཝ་སེ་ན པ་ཉྩ་ཝཱི་ས་ཏི དྷ་མྨཱ, པ་ཉྩ་ཝཱི་ས་ཏི ཨ་ཏྠཱ, ཏ་དྡི་གུ་ཎཱ ནི་རུ་ཏྟི་ཡོ, ཏ་དྡི་གུ་ཎཱ་ནི ཉཱ་ཎཱ་ནི ཉེ་ཡྻཱ་ནི. པ་ཉྩ ཨེ་ཀ་ཏོ ཀ་ཏྭཱ ཝུ་ཏྟ་ཝཱ་རེ་པི པ་ཉྩ་ཀྑ་ཏྟུཾ པ་ཉྩ པ་ཉྩ་ཝཱི་ས་ཏི ཀ་ཏྭཱ པ་ཉྩ་ཝཱི་ས་ས་ཏཾ དྷ་མྨཱ, པ་ཉྩ་ཝཱི་ས་ས་ཏཾ ཨ་ཏྠཱ, ཏ་དྡི་གུ་ཎཱ ནི་རུ་ཏྟི་ཡོ, ཏ་དྡི་གུ་ཎཱ་ནི ཉཱ་ཎཱ་ནི ཉེ་ཡྻཱ་ནི. ཨ་ཌྜྷ་ཏེ་ཡྻཱ་ནཱིཏི ཙེ་ཏྠ དྭེ ས་ཏཱ་ནི ཙ པ་ཉྙཱ་ས་ཉྩ. ཁ་ནྡྷཱ་དཱི་སུ་པི ཨེ་སེ་ཝ ན་ཡོ. ཨི་མི་ནཱ་ཝ ན་ཡེ་ན ས་ཙྩ་ཝཱ་ར་པ་ཊི་ས་མྦྷི་དཱ་ཝཱ་རེ ཙ དྷ་མྨཱ་དི་ག་ཎ་ནཱ ཝེ་དི་ཏ་བྦཱ.