༦༤-༦༧. སུ་དྡྷི་ཀ་པ་ཊི་ས་མྦྷི་དཱ་ཉཱ་ཎ་ནི་དྡེ་ས་ཝ་ཎྞ་ནཱ
༡༡༠. སུ་དྡྷི་ཀ་པ་ཊི་ས་མྦྷི་དཱ་ཉཱ་ཎ་ནི་དྡེ་སེ ཨི་མེ་སཾ ཉཱ་ཎཱ་ནཾ པ་བྷེ་དཱ་བྷཱ་ཝ་ཏོ་ཡེ་ཝ ཧེ་ཊྛཱ ཝི་ཡ པ་བྷེ་དཾ ཨ་ད་སྶེ་ཏྭཱ་ཡེ་ཝ ཨ་ཏྠེ་སུ ཉཱ་ཎཾ ཨ་ཏྠ་པ་ཊི་ས་མྦྷི་དཱཏི་ཨཱ་དི ཝུ་ཏྟཾ. པ་ཉྙཱ་པ་བྷེ་དཱ་བྷཱ་ཝེ་པི ཨ་ཏྟ་ནཱ པ་ཊི་ཝི་དྡྷ་ཙ་ཏུ་ས་ཙྩ་དྷ་མྨ་མ་ཏྟ་ཝ་སེ་ན ནཱ་ན་ཏྟ་ས་བྦྷཱ་ཝ་ཏོ ཨ་ཏྠ་ནཱ་ན་ཏྟེ པ་ཉྙཱ ཨ་ཏྠ་པ་ཊི་ས་མྦྷི་དེ ཉཱ་ཎནྟི་ཨཱ་དི ཝུ་ཏྟཾ. ཏ་ཏྠ ནཱ་ན་ཏྟེཏི ཨ་ཏྠཱ་དཱི་ནཾ ཨ་ནེ་ཀ་བྷཱ་ཝེ. ཝ་ཝ་ཏྠཱ་ནེཏི ཨ་ཏྠཱ་དཱི་ནཾ ནི་ཙྪ་ཡ་ནེ. ས་ལླ་ཀྑ་ཎེཏི ཨ་ཏྠཱ་དཱི་ནཾ ས་མྨཱ་ད་སྶ་ནེ. ཨུ་པ་ལ་ཀྑ་ཎེཏི ཨ་ཏྠཱ་དཱི་ནཾ བྷུ་སཾ་ད་སྶ་ནེ. པ་བྷེ་དེཏི ཨ་ཏྠཱ་དཱི་ནཾ ནཱ་ནཱ་བྷེ་དེ. པ་བྷཱ་ཝ་ནེཏི ཨ་ཏྠཱ་དཱི་ནཾ པཱ་ཀ་ཊཱི་ཀ་ར་ཎེ་ན ཨུ་པྤཱ་ད་ནེ. ཛོ་ཏ་ནེཏི ཨ་ཏྠཱ་དཱི་ནཾ དཱི་པ་ནེ. ཝི་རོ་ཙ་ནེཏི ཨ་ཏྠཱ་དཱི་ནཾ ཝི་ཝི་དྷཱ དཱི་པ་ནེ. པ་ཀཱ་ས་ནེཏི ཨ་ཏྠཱ་དཱི་ནཾ པ་བྷཱ་ས་ནེ. ‘‘ནཱ་ན་ཏྟེ’’ཏི མཱུ་ལ་པ་དཾ ཀ་ཏྭཱ ས་བྦ་སཱ་དྷཱ་ར་ཎ་ཝ་སེ་ན ཝུ་ཏྟཾ. ‘‘ཝ་ཝ་ཏྠཱ་ནེ’’ཏི སོ་ཏཱ་པ་ནྣ་སྶ ཝ་སེ་ན, ‘‘ས་ལླ་ཀྑ་ཎེ ཨུ་པ་ལ་ཀྑ་ཎེ’’ཏི ས་ཀ་དཱ་གཱ་མི་སྶ ཝ་སེ་ན, ‘‘པ་བྷེ་དེ པ་བྷཱ་ཝ་ནེ’’ཏི ཨ་ནཱ་གཱ་མི་སྶ ཝ་སེ་ན, ‘‘ཛོ་ཏ་ནེ ཝི་རོ་ཙ་ནེ པ་ཀཱ་ས་ནེ’’ཏི ཨ་ར་ཧ་ཏོ ཝ་སེ་ན ཝུ་ཏྟ་ནྟི ཨེ་ཝ་མྤེ་ཏྠ ཡོ་ཛ་ནཱ ཀཱ་ཏ་བྦཱ་ཏི.
སུ་དྡྷི་ཀ་པ་ཊི་ས་མྦྷི་དཱ་ཉཱ་ཎ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.
ཨི་ཏི ས་དྡྷ་མྨ་པྤ་ཀཱ་སི་ནི་ཡཱ པ་ཊི་ས་མྦྷི་དཱ་མ་གྒ-ཨ་ཊྛ་ཀ་ཐཱ་ཡ
པ་ཋ་མོ བྷཱ་གོ ནི་ཊྛི་ཏོ.
ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ