༣༩. ཨ་ཏྠ་ས་ནྡ་སྶ་ན་ཉཱ་ཎ་ནི་དྡེ་ས་ཝ་ཎྞ་ནཱ

༩༠. ཨ་ཏྠ་ས་ནྡ་སྶ་ན་ཉཱ་ཎ་ནི་དྡེ་སེ པ་ཉྩ་ཀྑ་ནྡྷཱཏི་ཨཱ་དཱི་ནི ཝུ་ཏྟ་ཏྠཱ་ནེ་ཝ. པ་ཀཱ་སེ་ཏཱིཏི པཱ་ཀ་ཊཾ ཀ་རོ་ཏི, སོ་ཏཱུ་ནཾ ཉཱ་ཎ་ཙ་ཀྑུ་ནཱ ད་སྶ་ནཾ ས་མྤཱ་དེ་ཏཱི་ཏི ཨ་ཏྠོ. ནཱ་ནཱ་དྷ་མྨཱཏི ལོ་ཀི་ཡ་ལོ་ཀུ་ཏྟ་རཱ ས་བྦ་དྷ་མྨཱ ཝུ་ཏྟཱ. ཀ་སྨཱ པ་ཀཱ་ས་ནཱ་ནི་དྡེ་སེ ལོ་ཀི་ཡཱ ཨེ་ཝ ཝུ་ཏྟཱ་ཏི ཙེ? ཨ་ནི་ཙྩཱ་དི་ཝ་སེ་ན པ་ཀཱ་ས་ནཱ་ཡ ཨཱ་ར་དྡྷ་ཏྟཱ. ལོ་ཀུ་ཏྟ་རཱ་ན་ཉྩ ཨ་ས་མྨ་ས་ནཱུ་པ་ག་ཏྟཱ ལོ་ཀུ་ཏྟ་རཱ ན ཝུ་ཏྟཱ. ནཱ་ནཱ་དྷ་མྨ་ནི་དྡེ་སེ་ན པ་ན ཨ་ཏྠ་ས་ནྡ་སྶ་ན་ནི་དྡེ་སེ་ན ཙ ཏེ་སཾ ས་ངྒ་ཧི་ཏ་ཏྟཱ ཡ་ཐཱ ཏེ པ་ཀཱ་སེ་ཏ་བྦཱ, ཏ་ཐཱ པ་ཀཱ་ས་ནཱ པ་ཀཱ་ས་ནཱ་ཡེ་ཝ. པ་ཛ་ཧ་ནྟོཏི སོ་ཏཱ་རཾ པ་ཛ་ཧཱ་པེ་ནྟོ་ཏི ཨ་ཏྠོ. ས་ནྡ་སྶེ་ཏཱིཏི སོ་ཏཱུ་ནཾ ས་མྨཱ ད་སྶེ་ཏི. ཀེ་ཙི པ་ན ‘‘ཀཱ་མ་ཙྪ་ནྡ་སྶ པ་ཧཱི་ན་ཏྟཱ ནེ་ཀྑ་མྨ་ཏྠཾ ས་ནྡ་སྶེ་ཏཱི’’ཏི་ཨཱ་དི་ནཱ ན་ཡེ་ན པ་ཋ་ནྟི. ཏེ་སཾ ཨུ་ཛུ་ཀ་མེ་ཝ སོ་ཏཱུ་ནཾ དོ་ས་པྤ་ཧཱ་ནེ གུ་ཎ་པ་ཊི་ལཱ་བྷེ ཙ ཀ་ཏེ སི་ཁཱ་པྤ་ཏྟཾ དེ་ས་ནཱ་ཉཱ་ཎཾ ཧོ་ཏཱི་ཏི ད་སྶ་ན་ཏྠཾ ཨ་ཡཾ ན་ཡོ ཝུ་ཏྟོ་ཏི ཝེ་དི་ཏ་བྦོ.

ཨ་ཏྠ་ས་ནྡ་སྶ་ན་ཉཱ་ཎ་ནི་དྡེ་ས་ཝ་ཎྞ་ནཱ ནི་ཊྛི་ཏཱ.