༤. ས་ནྟ་ཏ་ར་སུ་ཏྟ་ཝ་ཎྞ་ནཱ

༧༣. ཙ་ཏུ་ཏྠེ རཱུ་པེ་ཧཱིཏི རཱུ་པཱ་ཝ་ཙ་ར་དྷ་མྨེ་ཧི. ས་ནྟ་ཏ་རཱཏི ཨ་ཏི་ས་ཡེ་ན ས་ནྟཱ. རཱུ་པཱ་ཝ་ཙ་ར་དྷ་མྨཱ ཧི ཀི་ལེ་ས་ཝི་ཀྑ་མྦྷ་ན་ཏོ ཝི་ཏ་ཀྐཱ་དི་ཨོ་ལཱ༹་རི་ཀ་ངྒ་པྤ་ཧཱ་ན་ཏོ ས་མཱ་དྷི་བྷཱུ་མི་བྷཱ་ཝ་ཏོ ཙ ས་ནྟཱ ནཱ་མ, ཨཱ་རུ་པྤཱ པ་ན ཏེ་ཧི་པི ཨ་ངྒ་ས་ནྟ་ཏཱ་ཡ ཙེ་ཝ ཨཱ་ར་མྨ་ཎ་ས་ནྟ་ཏཱ་ཡ ཙ ཨ་ཏི་ས་ཡེ་ན ས་ནྟ་ཝུ་ཏྟི་ཀཱ, ཏེ་ན ས་ནྟ་ཏ་རཱ་ཏི ཝུ་ཏྟཱ. ནི་རོ་དྷོཏི ནི་བྦཱ་ནཾ. ས་ངྑཱ་རཱ་ཝ་སེ་ས་སུ་ཁུ་མ་བྷཱ་ཝ་པྤ་ཏྟི་ཏོ་པི ཧི ཙ་ཏུ་ཏྠཱ་རུ་པྤ་ཏོ ཕ་ལ་ས་མཱ་པ་ཏྟི་ཡོ་ཝ ས་ནྟ་ཏ་རཱ ཀི་ལེ་ས་ད་ར་ཐ་པ་ཊི་པ་སྶ་དྡྷི་ཏོ ནི་བྦཱ་ནཱ་ར་མྨ་ཎ་ཏོ ཙ, ཀི་མ་ངྒཾ པ་ན ས་བྦ་ས་ངྑཱ་ར་ས་མ་ཐོ ནི་བྦཱ་ནཾ. ཏེ་ན ཝུ་ཏྟཾ ‘‘ཨཱ་རུ་པྤེ་ཧི ནི་རོ་དྷོ ས་ནྟ་ཏ་རོ’’ཏི.

གཱ་ཐཱ་སུ རཱུ་པཱུ་པ་གཱཏི རཱུ་པ་བྷ་ཝཱུ་པ་གཱ. རཱུ་པ་བྷ་ཝོ ཧི ཨི་དྷ རཱུ་པ་ནྟི ཝུ་ཏྟོ, ‘‘རཱུ་པཱུ་པ་པ་ཏྟི་ཡཱ མ་གྒཾ བྷཱ་ཝེ་ཏཱི’’ཏི་ཨཱ་དཱི་སུ ཝི་ཡ. ཨ་རཱུ་པ་ཊྛཱ་ཡི་ནོཏི ཨ་རཱུ་པཱ་ཝ་ཙ་རཱ. ནི་རོ་དྷཾ ཨ་པྤ་ཛཱ་ན་ནྟཱ, ཨཱ་ག་ནྟཱ་རོ པུ་ན་བྦྷ་ཝནྟི ཨེ་ཏེ་ན རཱུ་པཱ་རཱུ་པཱ་ཝ་ཙ་ར་དྷ་མྨེ་ཧི ནི་རོ་དྷ་སྶ ས་ནྟ་བྷཱ་ཝ་མེ་ཝ ད་སྶེ་ཏི. ཨ་རཱུ་པེ་སུ ཨ་ས་ཎྛི་ཏཱཏི ཨ་རཱུ་པ་རཱ་གེ་ན ཨ་རཱུ་པ་བྷ་ཝེ་སུ ཨ་པྤ་ཏི་ཊྛ་ཧ་ནྟཱ, ཏེ་པི པ་རི་ཛཱ་ན་ནྟཱ་ཏི ཨ་ཏྠོ. ནི་རོ་དྷེ ཡེ ཝི་མུ་ཙྩ་ནྟཱིཏི ཨེ་ཏྠ ཡེཏི ནི་པཱ་ཏ་མ་ཏྟཾ. སེ་སཾ ཧེ་ཊྛཱ ཝུ་ཏྟ་ན་ཡ་མེ་ཝ.

ཙ་ཏུ་ཏྠ་སུ་ཏྟ་ཝ་ཎྞ་ནཱ ནི་ཊྛི་ཏཱ.