༡༤. ཨུ་གྒ་སེ་ན་སེ་ཊྛི་པུ་ཏྟ་ཝ་ཏྠུ

ས་བྦ་སཾ་ཡོ་ཛ་ནནྟི ཨི་མཾ དྷ་མྨ་དེ་ས་ནཾ ས་ཏྠཱ ཝེ་ལུ༹་ཝ་ནེ ཝི་ཧ་ར་ནྟོ ཨུ་གྒ་སེ་ནཾ ནཱ་མ སེ་ཊྛི་པུ་ཏྟཾ ཨཱ་ར་བྦྷ ཀ་ཐེ་སི. ཝ་ཏྠུ ‘‘མུ་ཉྩ པུ་རེ མུ་ཉྩ པ་ཙྪ་ཏོ’’ཏི (དྷ. པ. ༣༤༨) གཱ་ཐཱ་ཝ་ཎྞ་ནཱ་ཡ ཝི་ཏྠཱ་རི་ཏ་མེ་ཝ.

ཏ་དཱ ཧི ས་ཏྠཱ, ‘‘བྷ་ནྟེ, ཨུ་གྒ་སེ་ནོ ‘ན བྷཱ་ཡཱ་མཱི’ཏི ཝ་ད་ཏི, ཨ་བྷཱུ་ཏེ་ན མ་ཉྙེ ཨ་ཉྙཾ བྱཱ་ཀ་རོ་ཏཱི’’ཏི བྷི་ཀྑཱུ་ཧི ཝུ་ཏྟེ, ‘‘བྷི་ཀྑ་ཝེ, མ་མ པུ་ཏྟ་ས་དི་སཱ ཚི་ནྣ་སཾ་ཡོ་ཛ་ནཱ ན བྷཱ་ཡ་ནྟི་ཡེ་ཝཱ’’ཏི ཝ་ཏྭཱ ཨི་མཾ གཱ་ཐ་མཱ་ཧ –

༣༩༧. ‘‘ས་བྦ་སཾ་ཡོ་ཛ་ནཾ ཚེ་ཏྭཱ, ཡོ ཝེ ན པ་རི་ཏ་སྶ་ཏི;

ས་ངྒཱ་ཏི་གཾ ཝི་སཾ་ཡུ་ཏྟཾ, ཏ་མ་ཧཾ བྲཱུ་མི བྲཱ་ཧྨ་ཎ’’ནྟི.

ཏ་ཏྠ ས་བྦ་སཾ་ཡོ་ཛ་ནནྟི ད་ས་ཝི་དྷ་སཾ་ཡོ་ཛ་ནཾ. ན པ་རི་ཏ་སྶ་ཏཱིཏི ཏ་ཎྷཱ་ཡ ན བྷཱ་ཡ་ཏི. ཏ་མ་ཧནྟི ཏཾ ཨ་ཧཾ རཱ་གཱ་དཱི་ནཾ ས་ངྒཱ་ནཾ ཨ་ཏཱི་ཏ་ཏྟཱ ས་ངྒཱ་ཏི་གཾ, ཙ་ཏུ་ནྣ་མྤི ཡོ་གཱ་ནཾ ཨ་བྷཱ་ཝེ་ན ཝི་སཾ་ཡུ་ཏྟཾ བྲཱ་ཧྨ་ཎཾ ཝ་དཱ་མཱི་ཏི ཨ་ཏྠོ.

དེ་ས་ནཱ་ཝ་སཱ་ནེ བ་ཧཱུ སོ་ཏཱ་པ་ཏྟི་ཕ་ལཱ་དཱི་ནི པཱ་པུ་ཎིཾ་སཱུ་ཏི.

ཨུ་གྒ་སེ་ན་སེ་ཊྛི་པུ་ཏྟ་ཝ་ཏྠུ ཙུ་དྡ་ས་མཾ.