༡༥. དྭེ་བྲཱ་ཧྨ་ཎ་ཝ་ཏྠུ

ཚེ་ཏྭཱ ན་དྡྷིནྟི ཨི་མཾ དྷ་མྨ་དེ་ས་ནཾ ས་ཏྠཱ ཛེ་ཏ་ཝ་ནེ ཝི་ཧ་ར་ནྟོ དྭེ བྲཱ་ཧྨ་ཎེ ཨཱ་ར་བྦྷ ཀ་ཐེ་སི.

ཏེ་སུ ཀི་རེ་ཀ་སྶ ཙཱུ་ལ༹་རོ་ཧི་ཏོ ནཱ་མ གོ་ཎོ ཨ་ཧོ་སི, ཨེ་ཀ་སྶ མ་ཧཱ་རོ་ཧི་ཏོ ནཱ་མ. ཏེ ཨེ་ཀ་དི་ཝ་སཾ ‘‘ཏ་ཝ གོ་ཎོ བ་ལ་ཝཱ, མ་མ གོ་ཎོ བ་ལ་ཝཱ’’ཏི ཝི་ཝ་དི་ཏྭཱ ‘‘ཀིཾ ནོ ཝི་ཝཱ་དེ་ན, པཱ་ཛེ་ཏྭཱ ཛཱ་ནི་སྶཱ་མཱ’’ཏི ཨ་ཙི་ར་ཝ་ཏཱི་ཏཱི་རེ ས་ཀ་ཊཾ ཝཱ་ལུ་ཀཱ་ཡ པཱུ་རེ་ཏྭཱ གོ་ཎེ ཡོ་ཛ་ཡིཾ་སུ. ཏ་སྨིཾ ཁ་ཎེ བྷི་ཀྑཱུ་པི ནྷཱ་ཡི་ཏུཾ ཏ་ཏྠ ག་ཏཱ ཧོ་ནྟི. བྲཱ་ཧྨ་ཎཱ གོ་ཎེ པཱ་ཛེ་སུཾ. ས་ཀ་ཊཾ ནི་ཙྩ་ལཾ ཨ་ཊྛཱ་སི, ན་དྡྷི་ཝ་ར་ཏྟཱ པ་ན ཚི་ཛྫིཾ་སུ. བྷི་ཀྑཱུ དི་སྭཱ ཝི་ཧཱ་རཾ ག་ནྟྭཱ ཏ་མ་ཏྠཾ ས་ཏྠུ ཨཱ་རོ་ཙ་ཡིཾ་སུ. ས་ཏྠཱ, ‘‘བྷི་ཀྑ་ཝེ, བཱ་ཧི་རཱ ཨེ་ཏཱ ན་དྡྷི་ཝ་ར་ཏྟཱ, ཡོ ཀོ་ཙི ཨེ་ཏཱ ཚི་ནྡ་ཏེ་ཝ, བྷི་ཀྑུ་ནཱ པ་ན ཨ་ཛ྄ཛྷ་ཏྟི་ཀཾ ཀོ་དྷ་ན་དྡྷི་ཉྩེ་ཝ ཏ་ཎྷཱ་ཝ་ར་ཏྟ་ཉྩ ཚི་ནྡི་ཏུཾ ཝ་ཊྚ་ཏཱི’’ཏི ཝ་ཏྭཱ ཨི་མཾ གཱ་ཐ་མཱ་ཧ –

༣༩༨. ‘‘ཚེ་ཏྭཱ ན་དྡྷིཾ ཝ་ར་ཏྟ་ཉྩ, ས་ནྡཱ་ནཾ ས་ཧ་ནུ་ཀྐ་མཾ;

ཨུ་ཀྑི་ཏྟ་པ་ལི་གྷཾ བུ་དྡྷཾ, ཏ་མ་ཧཾ བྲཱུ་མི བྲཱ་ཧྨ་ཎ’’ནྟི.

ཏ་ཏྠ ན་དྡྷིནྟི ན་ཡ྄ཧ་ན་བྷཱ་ཝེ་ན པ་ཝ་ཏྟཾ ཀོ་དྷཾ. ཝ་ར་ཏྟནྟི བ་ནྡྷ་ན་བྷཱ་ཝེ་ན པ་ཝ་ཏྟཾ ཏ་ཎྷཾ. ས་ནྡཱ་ནཾ ས་ཧ་ནུ་ཀྐ་མནྟི ཨ་ནུ་ས་ཡཱ་ནུ་ཀྐ་མ་ས་ཧི་ཏཾ དྭཱ་ས་ཊྛི་དི་ཊྛི་ས་ནྡཱ་ནཾ, ཨི་དཾ ས་བྦ་མྤི ཚི་ནྡི་ཏྭཱ ཋི་ཏཾ ཨ་ཝི་ཛྫཱ་པ་ལི་གྷ་སྶ ཨུ་ཀྑི་ཏྟ་ཏྟཱ ཨུ་ཀྑི་ཏྟ་པ་ལི་གྷཾ, ཙ་ཏུ་ནྣཾ ས་ཙྩཱ་ནཾ བུ་དྡྷ་ཏྟཱ བུ་དྡྷཾ ཏཾ ཨ་ཧཾ བྲཱ་ཧྨ་ཎཾ ཝ་དཱ་མཱི་ཏི ཨ་ཏྠོ.

དེ་ས་ནཱ་ཝ་སཱ་ནེ པ་ཉྩ་ས་ཏཱ བྷི་ཀྑཱུ ཨ་ར་ཧ་ཏྟེ པ་ཏི་ཊྛ་ཧིཾ་སུ, ས་མྤ་ཏྟཱ་ན་མྤི སཱ་ཏྠི་ཀཱ དྷ་མྨ་དེ་ས་ནཱ ཨ་ཧོ་སཱི་ཏི.

དྭེ་བྲཱ་ཧྨ་ཎ་ཝ་ཏྠུ པ་ནྣ་ར་ས་མཾ.