༨. ཚ་བྦ་གྒི་ཡ་ཝ་ཏྠུ
ཀཱ་ཡ་པྤ་ཀོ་པནྟི ཨི་མཾ དྷ་མྨ་དེ་ས་ནཾ ས་ཏྠཱ ཝེ་ལུ༹་ཝ་ནེ ཝི་ཧ་ར་ནྟོ ཚ་བྦ་གྒི་ཡེ བྷི་ཀྑཱུ ཨཱ་ར་བྦྷ ཀ་ཐེ་སི.
ཨེ་ཀ་དི་ཝ་ས་ཉྷི ས་ཏྠཱ ཝེ་ལུ༹་ཝ་ནེ ཝི་ཧ་ར་ནྟོ ཏེ་སཾ ཚ་བྦ་གྒི་ཡཱ་ནཾ ཨུ་བྷོ་ཧི ཧ་ཏྠེ་ཧི ཡ་ཊྛི་ཡོ ག་ཧེ་ཏྭཱ ཀ་ཊྛ་པཱ་དུ་ཀཱ ཨཱ་རུ་ཡ྄ཧ པི་ཊྛི་པཱ་སཱ་ཎེ ཙ་ངྐ་མ་ནྟཱ་ནཾ ཁ་ཊ་ཁ་ཊཱ་ཏི་ས་དྡཾ སུ་ཏྭཱ, ‘‘ཨཱ་ན་ནྡ, ཀིཾ ས་དྡོ ནཱ་མེ་སོ’’ཏི པུ་ཙྪི་ཏྭཱ ‘‘ཚ་བྦ་གྒི་ཡཱ་ནཾ པཱ་དུ་ཀཱ ཨཱ་རུ་ཡ྄ཧ ཙ་ངྐ་མ་ནྟཱ་ནཾ ཁ་ཊ་ཁ་ཊ་ས་དྡོ’’ཏི སུ་ཏྭཱ སི་ཀྑཱ་པ་དཾ པ་ཉྙཱ་པེ་ཏྭཱ ‘‘བྷི་ཀྑུ་ནཱ ནཱ་མ ཀཱ་ཡཱ་དཱི་ནི ར་ཀྑི་ཏུཾ ཝ་ཊྚ་ཏཱི’’ཏི ཝ་ཏྭཱ དྷ་མྨཾ དེ་སེ་ནྟོ ཨི་མཱ གཱ་ཐཱ ཨ་བྷཱ་སི –
༢༣༡. ‘‘ཀཱ་ཡ་པྤ་ཀོ་པཾ ར་ཀྑེ་ཡྻ, ཀཱ་ཡེ་ན སཾ་ཝུ་ཏོ སི་ཡཱ;
ཀཱ་ཡ་དུ་ཙྩ་རི་ཏཾ ཧི་ཏྭཱ, ཀཱ་ཡེ་ན སུ་ཙ་རི་ཏཾ ཙ་རེ.
༢༣༢. ‘‘ཝ་ཙཱི་པ་ཀོ་པཾ ར་ཀྑེ་ཡྻ, ཝཱ་ཙཱ་ཡ སཾ་ཝུ་ཏོ སི་ཡཱ;
ཝ་ཙཱི་དུ་ཙྩ་རི་ཏཾ ཧི་ཏྭཱ, ཝཱ་ཙཱ་ཡ སུ་ཙ་རི་ཏཾ ཙ་རེ.
༢༣༣. ‘‘མ་ནོ་པ་ཀོ་པཾ ར་ཀྑེ་ཡྻ, མ་ན་སཱ སཾ་ཝུ་ཏོ སི་ཡཱ;
མ་ནོ་དུ་ཙྩ་རི་ཏཾ ཧི་ཏྭཱ, མ་ན་སཱ སུ་ཙ་རི་ཏཾ ཙ་རེ.
༢༣༤. ‘‘ཀཱ་ཡེ་ན སཾ་ཝུ་ཏཱ དྷཱི་རཱ, ཨ་ཐོ ཝཱ་ཙཱ་ཡ སཾ་ཝུ་ཏཱ;
མ་ན་སཱ སཾ་ཝུ་ཏཱ དྷཱི་རཱ, ཏེ ཝེ སུ་པ་རི་སཾ་ཝུ་ཏཱ’’ཏི.
ཏ་ཏྠ ཀཱ་ཡ་པྤ་ཀོ་པནྟི ཏི་ཝི་དྷཾ ཀཱ་ཡ་དུ་ཙྩ་རི་ཏཾ ར་ཀྑེ་ཡྻ. ཀཱ་ཡེ་ན སཾ་ཝུ་ཏོཏི ཀཱ་ཡ་དྭཱ་རེ དུ་ཙྩ་རི་ཏ་པ་ཝེ་ས་ནཾ ནི་ཝཱ་རེ་ཏྭཱ སཾ་ཝུ་ཏོ པི་ཧི་ཏ་དྭཱ་རོ སི་ཡཱ. ཡ་སྨཱ པ་ན ཀཱ་ཡ་དུ་ཙྩ་རི་ཏཾ ཧི་ཏྭཱ ཀཱ་ཡ་སུ་ཙ་རི་ཏཾ ཙ་ར་ནྟོ ཨུ་བྷ་ཡ་མྤེ་ཏཾ ཀ་རོ་ཏི, ཏ་སྨཱ ཀཱ་ཡ་དུ་ཙྩ་རི་ཏཾ ཧི་ཏྭཱ, ཀཱ་ཡེ་ན སུ་ཙ་རི་ཏཾ ཙ་རེཏི ཝུ་ཏྟཾ. ཨ་ན་ནྟ་ར་གཱ་ཐཱ་སུ་པི ཨེ་སེ་ཝ ན་ཡོ. ཀཱ་ཡེ་ན སཾ་ཝུ་ཏཱ དྷཱི་རཱཏི ཡེ པ་ཎྜི་ཏཱ པཱ་ཎཱ་ཏི་པཱ་ཏཱ་དཱི་ནི ཨ་ཀ་རོ་ནྟཱ ཀཱ་ཡེ་ན, མུ་སཱ་ཝཱ་དཱ་དཱི་ནི ཨ་ཀ་རོ་ནྟཱ ཝཱ་ཙཱ་ཡ, ཨ་བྷི་ཛ྄ཛྷཱ་དཱི་ནི ཨ་ས་མུ་ཊྛ་པེ་ནྟཱ མ་ན་སཱ སཾ་ཝུ་ཏཱ, ཏེ ཨི་དྷ ལོ་ཀ་སྨིཾ སུ་སཾ་ཝུ་ཏཱ སུ་ར་ཀྑི་ཏཱ སུ་གོ་པི་ཏཱ སུ་པི་ཧི་ཏ་དྭཱ་རཱ་ཏི ཨ་ཏྠོ.
དེ་ས་ནཱ་ཝ་སཱ་ནེ བ་ཧཱུ སོ་ཏཱ་པ་ཏྟི་ཕ་ལཱ་དཱི་ནི པཱ་པུ་ཎིཾ་སཱུ་ཏི.
ཚ་བྦ་གྒི་ཡ་ཝ་ཏྠུ ཨ་ཊྛ་མཾ.
ཀོ་དྷ་ཝ་གྒ་ཝ་ཎྞ་ནཱ ནི་ཊྛི་ཏཱ.
ས་ཏྟ་ར་ས་མོ ཝ་གྒོ.