ཨཱ་ན་ནྡ་ཡཱ་ཙ་ན་ཀ་ཐཱ

༡༧༨. ཨ་ལནྟི པ་ཊི་ཀྑེ་པ་ཝ་ཙ་ན་མེ་ཏཾ. བོ་དྷིནྟི ཙ་ཏུ་མ་གྒ་ཉཱ་ཎ་པ་ཊི་ཝེ་གྷཾ. ས་དྡ་ཧ་སི ཏྭནྟི ཨེ་ཝཾ ཝུ་ཏྟ་བྷཱ་ཝཾ ཏ་ཐཱ་ག་ཏ་སྶ ས་དྡ་ཧ་སཱི་ཏི ཝ་ད་ཏི. ཏ་སྨཱ་ཏི་ཧཱ་ན་ནྡཱཏི ཡ་སྨཱ ཨི་དཾ ཝ་ཙ་ནཾ ས་དྡ་ཧ་སི, ཏ་སྨཱ ཏུ་ཡ྄ཧེ་ཝེ་ཏཾ དུ་ཀྐ་ཊ་ནྟི ད་སྶེ་ཏི.

༡༧༩. ཨེ་ཀ་མི་དཱ་ཧནྟི ཨི་དཾ བྷ་ག་ཝཱ – ‘‘ན ཀེ་ཝ་ལཾ ཨ་ཧཾ ཨི་དྷེ་ཝ ཏཾ ཨཱ་མ་ནྟེ་སིཾ, ཨ་ཉྙ་དཱ་པི ཨཱ་མ་ནྟེ་ཏྭཱ ཨོ་ལཱ༹་རི་ཀཾ ནི་མི་ཏྟཾ ཨ་ཀཱ་སིཾ, ཏ་མྤི ཏ་ཡཱ ན པ་ཊི་ཝི་དྡྷཾ, ཏ་ཝེ་ཝཱ་ཡཾ ཨ་པ་རཱ་དྷོ’’ཏི ཨེ་ཝཾ སོ་ཀ་ཝི་ནོ་ད་ན་ཏྠཱ་ཡ ནཱ་ན་པྤ་ཀཱ་ར་ཏོ ཐེ་ར་སྶེ་ཝ དོ་སཱ་རོ་པ་ན་ཏྠཾ ཨཱ་ར་བྷི.

༡༨༣. པི་ཡེ་ཧི མ་ནཱ་པེ་ཧཱིཏི མཱ་ཏཱ་པི་ཏཱ་བྷཱ་ཏཱ་བྷ་གི་ནི་ཨཱ་དི་ཀེ་ཧི ཛཱ་ཏི་ཡཱ ནཱ་ནཱ་བྷཱ་ཝོ, མ་ར་ཎེ་ན ཝི་ནཱ་བྷཱ་ཝོ, བྷ་ཝེ་ན ཨ་ཉྙ་ཐཱ་བྷཱ་ཝོ. ཏཾ ཀུ་ཏེ་ཏྠ ལ་བྦྷཱཏི ཏནྟི ཏ་སྨཱ, ཡ་སྨཱ ས་བྦེ་ཧེ་ཝ པི་ཡེ་ཧི མ་ནཱ་པེ་ཧི ནཱ་ནཱ་བྷཱ་ཝོ, ཏ་སྨཱ ད་ས པཱ་ར་མི་ཡོ པཱུ་རེ་ཏྭཱ་པི, ས་མྦོ་དྷིཾ པ་ཏྭཱ་པི, དྷ་མྨ་ཙ་ཀྐཾ པ་ཝ་ཏྟེ་ཏྭཱ་པི, ཡ་མ་ཀ་པཱ་ཊི་ཧཱ་རི་ཡཾ ད་སྶེ་ཏྭཱ་པི, དེ་ཝོ་རོ་ཧ་ཎཾ ཀ་ཏྭཱ་པི, ཡཾ ཏཾ ཛཱ་ཏཾ བྷཱུ་ཏཾ ས་ངྑ་ཏཾ པ་ལོ་ཀ་དྷ་མྨཾ, ཏཾ ཝ་ཏ ཏ་ཐཱ་ག་ཏ་སྶཱ་པི ས་རཱི་རཾ མཱ པ་ལུ་ཛྫཱི་ཏི ནེ་ཏཾ ཋཱ་ནཾ ཝི་ཛྫ་ཏི, རོ་ད་ནྟེ་ནཱ་པི ཀ་ནྡ་ནྟེ་ནཱ་པི ན ས་ཀྐཱ ཏཾ ཀཱ་ར་ཎཾ ལ་དྡྷུ་ནྟི. པུ་ན པ་ཙྩཱ་ཝ་མི་སྶ་ཏཱིཏི ཡཾ ཙ་ཏྟཾ ཝ་ནྟཾ, ཏཾ ཝ་ཏ པུ་ན པ་ཊི་ཁཱ་དི་སྶ་ཏཱི་ཏི ཨ་ཏྠོ.

༡༨༤. ཡ་ཐ་ཡི་དཾ བྲ་ཧྨ་ཙ་རི་ཡནྟི ཡ་ཐཱ ཨི་དཾ སི་ཀྑཱ་ཏྟ་ཡ་ས་ངྒ་ཧཾ སཱ་ས་ན་བྲ་ཧྨ་ཙ་རི་ཡཾ. ཨ་དྡྷ་ནི་ཡནྟི ཨ་དྡྷཱ་ན་ཀྑ་མཾ. ཙི་ར་ཊྛི་ཏི་ཀནྟི ཙི་ར་པྤ་ཝ་ཏྟི་ཝ་སེ་ན ཙི་ར་ཊྛི་ཏི་ཀཾ. ཙ་ཏྟཱ་རོ ས་ཏི་པ་ཊྛཱ་ནཱཏི་ཨཱ་དི ས་བྦཾ ལོ་ཀི་ཡ་ལོ་ཀུ་ཏྟ་ར་ཝ་སེ་ནེ་ཝ ཀ་ཐི་ཏཾ. ཨེ་ཏེ་སཾ པ་ན བོ་དྷི་པ་ཀྑི་ཡཱ་ནཾ དྷ་མྨཱ་ནཾ ཝི་ནི་ཙྪ་ཡོ ས་བྦཱ་ཀཱ་རེ་ན ཝི་སུ་དྡྷི་མ་གྒེ པ་ཊི་པ་དཱ་ཉཱ་ཎ་ད་སྶ་ན་ཝི་སུ་དྡྷི་ནི་དྡེ་སེ ཝུ་ཏྟོ. སེ་ས་མེ་ཏྠ ཨུ་ཏྟཱ་ན་མེ་ཝཱ་ཏི.

ཏ་ཏི་ཡ་བྷཱ་ཎ་ཝཱ་ར་ཝ་ཎྞ་ནཱ ནི་ཊྛི་ཏཱ.