ནཱ་གཱ་པ་ལོ་ཀི་ཏ་ཝ་ཎྞ་ནཱ

༡༨༦. ནཱ་གཱ་པ་ལོ་ཀི་ཏནྟི ཡ་ཐཱ ཧི མ་ཧཱ་ཛ་ན་སྶ ཨ་ཊྛཱི་ནི ཀོ་ཊི་ཡཱ ཀོ་ཊིཾ ཨཱ་ཧ་ཙྩ ཋི་ཏཱ་ནི པ་ཙྩེ་ཀ་བུ་དྡྷཱ་ནཾ, ཨ་ངྐུ་ས་ཀ་ལ་གྒཱ་ནི ཝི་ཡ, ན ཨེ་ཝཾ བུ་དྡྷཱ་ནཾ. བུ་དྡྷཱ་ནཾ པ་ན ས་ངྑ་ལི་ཀཱ་ནི ཝི་ཡ ཨེ་ཀཱ་བ་དྡྷཱ་ནི ཧུ་ཏྭཱ ཋི་ཏཱ་ནི, ཏ་སྨཱ པ་ཙྪ་ཏོ ཨ་པ་ལོ་ཀ་ན་ཀཱ་ལེ ན ས་ཀྐཱ ཧོ་ཏི གཱི་ཝཾ པ་རི་ཝ་ཏྟེ་ཏུཾ. ཡ་ཐཱ པ་ན ཧ་ཏྠི་ནཱ་གོ པ་ཙྪཱ་བྷཱ་གཾ ཨ་པ་ལོ་ཀེ་ཏུ་ཀཱ་མོ ས་ཀ་ལ་ས་རཱི་རེ་ནེ་ཝ པ་རི་ཝ་ཏྟ་ཏི, ཨེ་ཝཾ པ་རི་ཝ་ཏྟི་ཏ་བྦཾ ཧོ་ཏི. བྷ་ག་ཝ་ཏོ པ་ན ན་ག་ར་དྭཱ་རེ ཋ་ཏྭཱ – ‘‘ཝེ་སཱ་ལིཾ ཨ་པ་ལོ་ཀེ་སྶཱ་མཱི’’ཏི ཙི་ཏྟེ ཨུ་པྤ་ནྣ་མ་ཏྟེ – ‘‘བྷ་ག་ཝཱ ཨ་ནེ་ཀཱ་ནི ཀ་པྤ་ཀོ་ཊི་ས་ཧ་སྶཱ་ནི པཱ་ར་མི་ཡོ པཱུ་རེ་ནྟེ་ཧི ཏུ་མྷེ་ཧི ན གཱི་ཝཾ པ་རི་ཝ་ཏྟེ་ཏྭཱ ཨ་པ་ལོ་ཀ་ན་ཀ་མྨཾ ཀ་ཏ’’ནྟི ཨ་ཡཾ པ་ཐ་ཝཱི ཀུ་ལཱ་ལ་ཙ་ཀྐཾ ཝི་ཡ པ་རི་ཝ་ཏྟེ་ཏྭཱ བྷ་ག་ཝ་ནྟཾ ཝེ་སཱ་ལི་ན་ག་རཱ་བྷི་མུ་ཁཾ ཨ་ཀཱ་སི. ཏཾ ས་ནྡྷཱ་ཡེ་ཏཾ ཝུ་ཏྟཾ.

ན་ནུ ཙ ན ཀེ་ཝ་ལཾ ཝེ་སཱ་ལི་ཡཱ་ཝ, སཱ་ཝ་ཏྠི་རཱ་ཛ་ག་ཧ་ནཱ་ལ༹་ནྡ་པཱ་ཊ་ལི་གཱ་མ་ཀོ་ཊི་གཱ་མ་ནཱ་ཏི་ཀ་གཱ་མ་ཀེ་སུ་པི ཏ་ཏོ ཏ་ཏོ ནི་ཀྑ་ནྟ་ཀཱ་ལེ ཏཾ ཏཾ ས་བྦཾ པ་ཙྪི་མ་ད་སྶ་ན་མེ་ཝ, ཏ་ཏྠ ཏ་ཏྠ ཀ་སྨཱ ནཱ་གཱ་པ་ལོ་ཀི་ཏཾ ནཱ་པ་ལོ་ཀེ་སཱི་ཏི? ཨ་ན་ཙྪ་རི་ཡ་ཏྟཱ. ཏ་ཏྠ ཏ་ཏྠ ཧི ནི་ཝ་ཏྟེ་ཏྭཱ ཨ་པ་ལོ་ཀེ་ནྟ་སྶེ་ཏཾ ན ཨ་ཙྪ་རི་ཡཾ ཧོ་ཏི, ཏ་སྨཱ ནཱ་པ་ལོ་ཀེ་སི. ཨ་པི ཙ ཝེ་སཱ་ལི་རཱ་ཛཱ་ནོ ཨཱ་ས་ནྣ་ཝི་ནཱ་སཱ, ཏི་ཎྞཾ ཝ་སྶཱ་ནཾ ཨུ་པ་རི ཝི་ན་སྶི་སྶ་ནྟི. ཏེ ཏཾ ན་ག་ར་དྭཱ་རེ ནཱ་གཱ་པ་ལོ་ཀི་ཏཾ ནཱ་མ ཙེ་ཏི་ཡཾ ཀ་ཏྭཱ ག་ནྡྷ་མཱ་ལཱ་དཱི་ཧི པཱུ་ཛེ་སྶ་ནྟི, ཏཾ ནེ་སཾ དཱི་གྷ་ར་ཏྟཾ ཧི་ཏཱ་ཡ སུ་ཁཱ་ཡ བྷ་ཝི་སྶ་ཏཱི་ཏི ཏེ་སཾ ཨ་ནུ་ཀ་མྤཱ་ཡ ཨ་པ་ལོ་ཀེ་སི.

དུ་ཀྑ་སྶ་ནྟ་ཀ་རོཏི ཝ་ཊྚ་དུ་ཀྑ་སྶ ཨ་ནྟ་ཀ་རོ. ཙ་ཀྑུ་མཱཏི པ་ཉྩ་ཧི ཙ་ཀྑཱུ་ཧི ཙ་ཀྑུ་མཱ. པ་རི་ནི་བྦུ་ཏོཏི ཀི་ལེ་ས་པ་རི་ནི་བྦཱ་ནེ་ན པ་རི་ནི་བྦུ་ཏོ.