པ་རི་ཏ་སྶི་ཏ་ཝི་པྥ་ནྡི་ཏ་ཝཱ་ར་ཝ་ཎྞ་ནཱ

༡༠༥-༡༡༧. ཨི་དཱ་ནི མ་རི་ཡཱ་ད་ཝི་བྷཱ་ག་ད་སྶ་ན་ཏྠཾ – ‘‘ཏ་ཏྲ བྷི་ཀྑ་ཝེ’’ཏི་ཨཱ་དི་ཀཱ དེ་ས་ནཱ ཨཱ་ར་དྡྷཱ. ཏ་ད་པི ཏེ་སཾ བྷ་ཝ་ཏཾ ས་མ་ཎ་བྲཱ་ཧྨ་ཎཱ་ནཾ ཨ་ཛཱ་ན་ཏཾ ཨ་པ་སྶ་ཏཾ ཝེ་ད་ཡི་ཏཾ ཏ་ཎྷཱ་ག་ཏཱ་ནཾ པ་རི་ཏ་སྶི་ཏ་ཝི་པྥ་ནྡི་ཏ་མེ་ཝཱཏི ཡེ་ན དི་ཊྛི་ཨ་སྶཱ་དེ་ན དི་ཊྛི་སུ་ཁེ་ན དི་ཊྛི་ཝེ་ད་ཡི་ཏེ་ན ཏེ སོ་མ་ན་སྶ་ཛཱ་ཏཱ ས་སྶ་ཏཾ ཨ་ཏྟཱ་ན་ཉྩ ལོ་ཀ་ཉྩ པ་ཉྙ་པེ་ནྟི ཙ་ཏཱུ་ཧི ཝ་ཏྠཱུ་ཧི, ཏ་ད་པི ཏེ་སཾ བྷ་ཝ་ནྟཱ་ནཾ ས་མ་ཎ་བྲཱ་ཧྨ་ཎཱ་ནཾ ཡ་ཐཱ་བྷཱུ་ཏཾ དྷ་མྨཱ་ནཾ ས་བྷཱ་ཝཾ ཨ་ཛཱ་ན་ནྟཱ་ནཾ ཨ་པ་སྶ་ནྟཱ་ནཾ ཝེ་ད་ཡི་ཏཾ ཏ་ཎྷཱ་ག་ཏཱ་ནཾ ཀེ་ཝ་ལཾ ཏ་ཎྷཱ་ག་ཏཱ་ནཾ་ཡེ་ཝ ཏཾ ཝེ་ད་ཡི་ཏཾ, ཏ་ཉྩ ཁོ པ་ནེ་ཏཾ པ་རི་ཏ་སྶི་ཏ་ཝི་པྥ་ནྡི་ཏ་མེ་ཝ. དི་ཊྛི་ས་ངྑཱ་ཏེ་ན ཙེ་ཝ ཏ་ཎྷཱ་ས་ངྑཱ་ཏེ་ན ཙ པ་རི་ཏ་སྶི་ཏེ་ན ཝི་པྥ་ནྡི་ཏ་མེ་ཝ ཙ་ལི་ཏ་མེ་ཝ ཀ་མྤི་ཏ་མེ་ཝ ཐུ་ས་རཱ་སི་མྷི ནི་ཁཱ་ཏ་ཁཱ་ཎུ་ས་དི་སཾ, ན སོ་ཏཱ་པ་ནྣ་སྶ ད་སྶ་ན་མི་ཝ ནི་ཙྩ་ལ་ནྟི ད་སྶེ་ཏི. ཨེ་ས ན་ཡོ ཨེ་ཀ་ཙྩ་ས་སྶ་ཏ་ཝཱ་དཱ་དཱི་སུ་པི.