ཕ་སྶ་པ་ཙྩ་ཡ་ཝཱ་ར་ཝ་ཎྞ་ནཱ

༡༡༨-༡༣༠. པུ་ན – ‘‘ཏ་ཏྲ, བྷི་ཀྑ་ཝེ, ཡེ ཏེ ས་མ་ཎ་བྲཱ་ཧྨ་ཎཱ ས་སྶ་ཏ་ཝཱ་དཱ’’ཏི་ཨཱ་དི པ་ར་མྤ་ར་པ་ཙྩ་ཡ་ད་སྶ་ན་ཏྠཾ ཨཱ་ར་དྡྷཾ. ཏ་ཏྠ ཏ་ད་པི ཕ་སྶ་པ་ཙྩ་ཡཱཏི ཡེ་ན དི་ཊྛི་ཨ་སྶཱ་དེ་ན དི་ཊྛི་སུ་ཁེ་ན དི་ཊྛི་ཝེ་ད་ཡི་ཏེ་ན ཏེ སོ་མ་ན་སྶ་ཛཱ་ཏཱ ས་སྶ་ཏཾ ཨ་ཏྟཱ་ན་ཉྩ ལོ་ཀ་ཉྩ པ་ཉྙ་པེ་ནྟི ཙ་ཏཱུ་ཧི ཝ་ཏྠཱུ་ཧི, ཏ་ད་པི ཏ་ཎྷཱ་དི་ཊྛི་པ་རི་ཕ་ནྡི་ཏཾ ཝེ་ད་ཡི་ཏཾ ཕ་སྶ་པ་ཙྩ་ཡཱ་ཏི ད་སྶེ་ཏི. ཨེ་ས ན་ཡོ ས་བྦ་ཏྠ.

༡༣༡-༡༤༣. ཨི་དཱ་ནི ཏ་སྶ པ་ཙྩ་ཡ་སྶ དི་ཊྛི་ཝེ་ད་ཡི་ཏེ བ་ལ་ཝ་བྷཱ་ཝ་ད་སྶ་ན་ཏྠཾ པུ་ན – ‘‘ཏ་ཏྲ, བྷི་ཀྑ་ཝེ, ཡེ ཏེ ས་མ་ཎ་བྲཱ་ཧྨ་ཎཱ ས་སྶ་ཏ་ཝཱ་དཱ’’ཏི་ཨཱ་དི་མཱ་ཧ. ཏ་ཏྠ ཏེ ཝ་ཏ ཨ་ཉྙ་ཏྲ ཕ་སྶཱཏི ཏེ ཝ་ཏ ས་མ་ཎ་བྲཱ་ཧྨ་ཎཱ ཏཾ ཝེ་ད་ཡི་ཏཾ ཝི་ནཱ ཕ་སྶེ་ན པ་ཊི་སཾ་ཝེ་དི་སྶ་ནྟཱི་ཏི ཀཱ་ར་ཎ་མེ་ཏཾ ན་ཏྠཱི་ཏི. ཡ་ཐཱ ཧི པ་ཏ་ཏོ གེ་ཧ་སྶ ཨུ་པ་ཏྠ་མྦྷ་ན་ཏྠཱ་ཡ ཐཱུ་ཎཱ ནཱ་མ བ་ལ་ཝ་པ་ཙྩ་ཡོ ཧོ་ཏི, ན ཏཾ ཐཱུ་ཎཱ་ཡ ཨ་ནུ་པ་ཏྠ་མྦྷི་ཏཾ ཋཱ་ཏུཾ ས་ཀྐོ་ཏི, ཨེ་ཝ་མེ་ཝ ཕ་སྶོ་པི ཝེ་ད་ནཱ་ཡ བ་ལ་ཝ་པ་ཙྩ་ཡོ, ཏཾ ཝི་ནཱ ཨི་དཾ དི་ཊྛི་ཝེ་ད་ཡི་ཏཾ ན་ཏྠཱི་ཏི ད་སྶེ་ཏི. ཨེ་ས ན་ཡོ ས་བྦ་ཏྠ.