༧. པ་ཉྷཱ་ཝཱ་ར་ཝི་བྷ་ངྒ་ཝ་ཎྞ་ནཱ

༤༠༡-༤༠༣. པ་ཉྷཱ་ཝཱ་རེ ‘‘སི་ཡཱ ཀུ་ས་ལོ དྷ་མྨོ ཀུ་ས་ལ་སྶ དྷ་མྨ་སྶ ཧེ་ཏུ་པ་ཙྩ་ཡེ་ན པ་ཙྩ་ཡོ’’ཏི་ཨཱ་དི་ནཱ ཀུ་ས་ལ་ཏྟི་ཀེ ཨུ་དྡྷ་རི་ཏ་བྦ་པུ་ཙྪཱ་ནཾ ལ་བྦྷ་མཱ་ན་ཝ་སེ་ན ཝི་སྶ་ཛྫ་ནཾ ད་སྶེ་ཏུཾ ཀུ་ས་ལོ དྷ་མྨོ ཀུ་ས་ལ་སྶ དྷ་མྨ་སྶ ཧེ་ཏུ་པ་ཙྩ་ཡེ་ན པ་ཙྩ་ཡོཏི་ཨཱ་དི ཝུ་ཏྟཾ. ཀུ་ས་ལོ ཙ ནཱ་མེ་ས ས་ཡཾ ཨུ་པྤ་ཛྫ་ནྟོ ཋ་པེ་ཏྭཱ པ་ཙྪཱ་ཛཱ་ཏ་ཉྩ ཝི་པཱ་ཀ་ཉྩ སེ་སེ་ཧི དྭཱ་ཝཱི་ས་ཏི་ཡཱ པ་ཙྩ་ཡེ་ཧི ཨུ་པྤ་ཛྫ་ཏི. ཀུ་ས་ལ་སྶ པ་ཙྩ་ཡོ ཧོ་ནྟོ ཋ་པེ་ཏྭཱ པུ་རེ་ཛཱ་ཏ་པ་ཙྪཱ་ཛཱ་ཏ་ཝི་པཱ་ཀ་ཝི་པྤ་ཡུ་ཏྟེ སེ་སེ་ཧི ཝཱི་ས་ཏི་ཡཱ པ་ཙྩ་ཡེ་ཧི པ་ཙྩ་ཡོ ཧོ་ཏི. ཏ་སྨཱ ཡེ་ཧི པ་ཙྩ་ཡེ་ཧི ཀུ་ས་ལོ ཀུ་ས་ལ་སྶ པ་ཙྩ་ཡོ ཧོ་ཏི, ཏེ པ་ཙྩ་ཡེ པ་ཊི་པཱ་ཊི་ཡཱ ད་སྶེ་ཏུཾ ཧེ་ཏུ་པ་ཙྩ་ཡེ་ནཱཏི་ཨཱ་དི ཨཱ་ར་དྡྷཾ.

ཏ་ཏྠ ཡཱ ཨེ་སཱ པ་ཙྩ་ཡ་ཝི་བྷ་ངྒ་ཝཱ་རེ ཝི་ཡ ‘‘ཧེ་ཏུ་ས་མྤ་ཡུ་ཏྟ་ཀཱ་ནཾ དྷ་མྨཱ་ན’’ནྟི ཨ་ཀ་ཏྭཱ ‘‘ཧེ་ཏཱུ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ན’’ནྟི དེ་ས་ནཱ ཀ་ཏཱ, ཏ་སྶཱ ཨེ་ཝ ཀ་ར་ཎེ ཨི་དཾ པ་ཡོ་ཛ་ནཾ – ཏ་ཏྠ ཧི སུ་ཉྙ་ཊྛཾ དཱི་པེ་ཏུཾ དྷ་མྨཱ་ན་ནྟི ཝུ་ཏྟཾ. ཨི་དྷ པ་ཙྩ་ཡ་ཏོ ཨུ་པྤ་ཛྫ་མཱ་ནཱ དྷ་མྨཱ རཱ་སི་ཏོ ཨུ་པྤ་ཛྫ་ནྟི, ན ཨེ་ཀེ་ཀ་ཏོ་ཏི རཱ་ས་ཊྛཾ དཱི་པེ་ཏུཾ ཁ་ནྡྷཱ་ན་ནྟི ཝུ་ཏྟཾ. པ་ཊི་ཙྩ་ཝཱ་རཱ་དཱི་སུ ཝཱ ཁ་ནྡྷ་ཝ་སེ་ན པ་ཙྩ་ཡུ་པྤ་ནྣ་དེ་ས་ནཱ ཨཱ་རུ་ལ༹ྷཱ་ཏི ཏེ་ནེ་ཝཱ་ནུ་ཀྐ་མེ་ན ཨི་དྷཱ་པི ཨཱ་རུ་ལ༹ྷཱ་ཏི. ཀ་སྨཱ པ་ནེ་ཏེ་སུ ཨེ་ཝཾ ཨཱ་རུ་ལ༹ྷཱ་ཏི? ཨ་ས་ངྐ་ར་ཏོ ཝི་བྷཱ་ག་ད་སྶ་ན་ཏྠཾ. ‘‘ཨེ་ཀཾ དྷ་མྨཾ པ་ཊི་ཙྩ སེ་སཱ དྷ་མྨཱ’’ཏི ཧི ཨཱ་དི་ནཱ ན་ཡེ་ན ཝུ་ཙྩ་མཱ་ནེ ཨ་སུ་ཀ་དྷ་མྨཾ ནཱ་མ ནི་སྶཱ་ཡ ཨ་སུ་ཀ་དྷ་མྨཱ་ཏི ན ས་ཀྐཱ ཨ་ས་ངྐ་ར་ཏོ པ་ཙྩ་ཡེ པ་ཙྩ་ཡུ་པྤ་ནྣེ ཙ ཛཱ་ནི་ཏུཾ, ཨེ་ཝཾ ས་ནྟེ ཨུ་དྡེ་ས་ནི་དྡེ་སཱ ནི་བྦི་སེ་སཱ སི་ཡུཾ. ཏ་སྨཱ ཨ་ས་ངྐ་ར་ཏོ ཝི་བྷཱ་ག་ད་སྶ་ན་ཏྠཾ ཨེ་ཝཾ ཨཱ་རུ་ལ༹ྷཱ་ཏི ཝེ་དི་ཏ་བྦཱ. ཙི་ཏྟ་ས་མུ་ཊྛཱ་ནཱ་ནནྟི ཨི་དཾ ཡ་སྶ ཨ་བྱཱ་ཀ་ཏ་སྶ ཀུ་ས་ལོ ཧེ་ཏུ་པ་ཙྩ་ཡེ་ན པ་ཙྩ་ཡོ ཧོ་ཏི, ཏ་མེ་ཝ ད་སྶེ་ཏུཾ ཝུ་ཏྟཾ. པ་ཙྩ་ཡ་ཝི་བྷ་ངྒེ པ་ན ཀུ་ས་ལཱ་དི་ཝ་སེ་ན ཝི་བྷཱ་གཾ ཨ་ཀ་ཏྭཱ སཱ་མ་ཉྙ་ཏོ ས་བྦེ་སཾ ཧེ་ཏཱུ་ནཾ ཝ་སེ་ན ཨུ་པྤ་ནྣ་རཱུ་པ་ད་སྶ་ན་ཏྠཾ ཙི་ཏྟ་ས་མུ་ཊྛཱ་ནཱ་ན་ནྟི ཨ་ཝ་ཏྭཱ ཏཾ་ས་མུ་ཊྛཱ་ནཱ་ན་ནྟི ཝུ་ཏྟཾ. ཏ་སྨཱ ཏ་ཏྠ ཨ་བྱཱ་ཀ་ཏ་ཧེ་ཏུ་ས་མུ་ཊྛཱ་ན་རཱུ་པཾ, ཨོ་ཀྐ་ནྟི་ཀྑ་ཎེ ཀ་ཊ་ཏྟཱ་རཱུ་པ་མྤི ས་ངྒ་ཧཾ ག་ཏཾ. ཨི་མི་ནཱ ཨུ་པཱ་ཡེ་ན སེ་སེ་སུ་པི ཨེ་ཝ་རཱུ་པེ་སུ ཝི་སྶ་ཛྫ་ནེ་སུ ཨ་ཏྠོ ཝེ་དི་ཏ་བྦོ.

༤༠༤. དཱ་ནཾ ད་ཏྭཱཏི དེ་ཡྻ་དྷ་མྨཾ ཙ་ཛི་ཏྭཱ. ཡཱ་ཡ ཝཱ ཙེ་ཏ་ནཱ་ཡ སོ དི་ཡྻ་ཏི, སཱ ཙེ་ཏ་ནཱ དཱ་ནཾ. ད་ཏྭཱཏི ཏཾ ཙེ་ཏ་ནཾ པ་རི་ཡོ་དཱ་པེ་ཏྭཱ ཝི་སུ་དྡྷཾ ཀ་ཏྭཱ. སཱི་ལཾ ས་མཱ་དི་ཡི་ཏྭཱཏི པ་ཉྩ་ངྒཱ་དི་ཝ་སེ་ན ནི་ཙྩ་སཱི་ལཾ ག་ཎྷི་ཏྭཱ. ཨི་མི་ནཱ ས་མཱ་དཱ་ན་ཝི་ར་ཏི་ཡེ་ཝ ད་སྶི་ཏཱ. ས་མྤ་ཏྟ་ཝི་ར་ཏི་ས་མུ་ཙྪེ་ད་ཝི་ར་ཏི་ཡོ པ་ན ལོ་ཀེ སཱི་ལ་ནྟི ཨ་པཱ་ཀ་ཊ་ཏྟཱ ན ཝུ་ཏྟཱ. ཀི་ཉྩཱ་པི ན ཝུ་ཏྟཱ, ཨཱ་ར་མྨ་ཎ་པ་ཙྩ་ཡཱ པ་ན ཧོ་ནྟི་ཡེ་ཝ. ཏ་ཏྠ ས་མུ་ཙྪེ་ད་ཝི་ར་ཏི སེ་ཀྑཱ་ནཾ་ཡེ་ཝ ཀུ་ས་ལ་སྶ ཨཱ་ར་མྨ་ཎཾ ཧོ་ཏི, ན ཨི་ཏ་རེ་སཾ. ཨུ་པོ་ས་ཐ་ཀ་མྨཾ ཀ་ཏྭཱཏི ‘‘པཱ་ཎཾ ན ཧ་ནེ, ན ཙཱ་དི་ནྣ་མཱ་དི་ཡེ’’ཏི (ཨ. ནི. ༣.༧༡) ཨེ་ཝཾ ཝུ་ཏྟཾ ཨུ་པོ་ས་ཐ་དི་ཝ་སེ་སུ ཨ་ཊྛ་ངྒ་ཨུ་པོ་ས་ཐ་ཀི་རི་ཡཾ ཀ་ཏྭཱ. ཏཾ པ་ཙྩ་ཝེ་ཀྑ་ཏཱིཏི ཏཾ ཀུ་ས་ལཾ སེ་ཀྑོ་པི པུ་ཐུ་ཛྫ་ནོ་པི པ་ཙྩ་ཝེ་ཀྑ་ཏི, ཨ་ར་ཧཱ་པི པ་ཙྩ་ཝེ་ཀྑ་ཏེ་ཝ. ཨ་ར་ཧ་ཏོ་པི ཧི པུ་བྦེ ཀ་ཏཾ ཀུ་ས་ལཾ ཀུ་ས་ལ་མེ་ཝ, ཡེ་ན པ་ན ཙི་ཏྟེ་ན པ་ཙྩ་ཝེ་ཀྑ་ཏི, ཏཾ ཀི་རི་ཡ་ཙི་ཏྟཾ ནཱ་མ ཧོ་ཏི. ཏ་སྨཱ ‘‘ཨེ་ཏཾ ཀུ་ས་ལོ དྷ་མྨོ ཀུ་ས་ལ་སྶ དྷ་མྨ་སྶཱ’’ཏི ཨི་མ་སྨིཾ ཨ་དྷི་ཀཱ་རེ ན ལ་བྦྷ་ཏི. པུ་བྦེ སུ་ཙི་ཎྞཱ་ནཱིཏི ‘‘ད་ཏྭཱ ས་མཱ་དི་ཡི་ཏྭཱ ཀ་ཏྭཱ’’ཏི ཧི ཨཱ་ས་ནྣེ ཀ་ཏཱ་ནི ཝུ་ཏྟཱ་ནི, ཨི་མཱ་ནི ན ཨཱ་ས་ནྣེ ཀ་ཏཱ་ནཱི་ཏི ཝེ་དི་ཏ་བྦཱ་ནི. དཱ་ནཱ་དཱི་ཧི ཝཱ སེ་སཱ་ནི ཀཱ་མཱ་ཝ་ཙ་ར་ཀུ་ས་ལཱ་ནི ད་སྶེ་ཏུཾ ཨི་དཾ ཝུ་ཏྟཾ. ཛྷཱ་ནཱ ཝུ་ཊྛ་ཧི་ཏྭཱཏི ཛྷཱ་ནཱ ཝུ་ཊྛ་ཧི་ཏྭཱ. ཨ་ཡ་མེ་ཝ ཝཱ པཱ་ལི༹. སེ་ཀྑཱ གོ་ཏྲ་བྷུནྟི སོ་ཏཱ་པ་ནྣཾ ས་ནྡྷཱ་ཡ ཝུ་ཏྟཾ. སོ ཧི གོ་ཏྲ་བྷུཾ པ་ཙྩ་ཝེ་ཀྑ་ཏི. ཝོ་དཱ་ནནྟི ཨི་དཾ པ་ན ས་ཀ་དཱ་གཱ་མི་ཨ་ནཱ་གཱ་མི་ནོ ས་ནྡྷཱ་ཡ ཝུ་ཏྟཾ. ཏེ་ས་ཉྷི ཏཾ ཙི་ཏྟཾ ཝོ་དཱ་ནཾ ནཱ་མ ཧོ་ཏི. སེ་ཀྑཱཏི སོ་ཏཱ་པ་ནྣ་ས་ཀ་དཱ་གཱ་མི་ཨ་ནཱ་གཱ་མི་ནོ. མ་གྒཱ ཝུ་ཊྛ་ཧི་ཏྭཱཏི མ་གྒ་ཕ་ལ་བྷ་ཝ་ངྒཱ་ཏི་ཀྐ་མ་ཝ་སེ་ན ཨ་ཏྟ་ནཱ པ་ཊི་ལ་དྡྷཱ མ་གྒཱ ཝུ་ཊྛ་ཧི་ཏྭཱ, སུ་དྡྷ་མ་གྒ་ཏོ་ཡེ་ཝ པ་ན ཝུ་ཊྛཱ་ཡ པ་ཙྩ་ཝེ་ཀྑ་ཎཾ ནཱ་མ ན་ཏྠི.

ཀུ་ས་ལཾ ཨ་ནི་ཙྩ་ཏོཏི ཨེ་ཏྠ ཝི་པ་སྶ་ནཱུ་པ་གཾ ཏེ་བྷཱུ་མ་ཀ་ཀུ་ས་ལ་མེ་ཝ ཝེ་དི་ཏ་བྦཾ, ཝི་པ་སྶ་ནཱ་ཀུ་ས་ལཾ པ་ན ཀཱ་མཱ་ཝ་ཙ་ར་མེ་ཝ. ཙེ་ཏོ་པ་རི་ཡ་ཉཱ་ཎེ་ནཱཏི རཱུ་པཱ་ཝ་ཙ་ར་ཀུ་ས་ལཾ ད་སྶེ་ཏི. ཨཱ་ཀཱ་སཱ་ན་ཉྩཱ་ཡ་ཏ་ནནྟི་ཨཱ་དཱི་ཧི ཨ་རཱུ་པཱ་ཝ་ཙ་ར་ཀུ་ས་ལཱ་ར་མྨ་ཎ་ཝ་སེ་ན ཨུ་པྤ་ཛྫ་མཱ་ནཾ ཨ་རཱུ་པཱ་ཝ་ཙ་ར་ཀུ་ས་ལ་མེ་ཝ. ཀུ་ས་ལཱ ཁ་ནྡྷཱ ཨི་དྡྷི་ཝི་དྷ་ཉཱ་ཎ་སྶཱཏི་ཨཱ་དཱི་ཧི པུ་གྒ་ལཾ ཨ་ནཱ་མ་སི་ཏྭཱ དྷ་མྨ་ཝ་སེ་ན ད་སྶེ་ཏི. ཏེ་ནེ་ཝེ་ཏྠ ཧེ་ཊྛཱ ག་ཧི་ཏ་མྤི ཙེ་ཏོ་པ་རི་ཡ་ཉཱ་ཎཾ པུ་ན ཝུ་ཏྟཾ.

༤༠༥. ཨ་སྶཱ་དེ་ཏཱིཏི སོ་མ་ན་སྶ་ས་ཧ་ག་ཏ་ལོ་བྷ་ས་མྤ་ཡུ་ཏྟ་ཙི་ཏྟེ་ཧི ཨ་ནུ་བྷ་ཝ་ཏི ཙེ་ཝ ར་ཛྫ་ཏི ཙ. ཨ་བྷི་ན་ནྡ་ཏཱིཏི ས་པྤཱི་ཏི་ཀ་ཏ་ཎྷཱ་ཝ་སེ་ན ན་ནྡ་ཏི ཧ་ཊྛ་པ་ཧ་ཊྛོ ཧོ་ཏི, དི་ཊྛཱ་བྷི་ན་ནྡ་ནཱ་ཡ ཝཱ ཨ་བྷི་ན་ནྡ་ཏི. རཱ་གོ ཨུ་པྤ་ཛྫ་ཏཱིཏི ཨ་སྶཱ་དེ་ནྟ་སྶ རཱ་གོ ཨུ་པྤ་ཛྫ་ཏི ནཱ་མ. ཨི་དཾ ཨ་ཊྛ་པི ལོ་བྷ་ས་ཧ་ག་ཏཱ་ནི ག་ཧེ་ཏྭཱ ཝུ་ཏྟཾ. དི་ཊྛི ཨུ་པྤ་ཛྫ་ཏཱིཏི ཨ་བྷི་ན་ནྡ་ནྟ་སྶ ཨ་ཏྟཱ ཨ་ཏྟ་ནི་ཡ་ནྟི་ཨཱ་དི་ཝ་སེ་ན ཙ་ཏཱུ་ཧི་པི ཙི་ཏྟེ་ཧི ས་མྤ་ཡུ་ཏྟཱ དི་ཊྛི ཨུ་པྤ་ཛྫ་ཏི. ཨ་ས་ནྣི་ཊྛཱ་ན་ག་ཏ་སྶ པ་ནེ་ཏྠ ཝི་ཙི་ཀི་ཙྪཱ ཨུ་པྤ་ཛྫ་ཏི. ཝི་ཀྑེ་པ་ག་ཏ་སྶ ཨུ་དྡྷ་ཙྩཾ, ཨ་ཀ་ཏཾ ཝ་ཏ མེ ཀ་ལྱཱ་ཎ་ནྟི ཝི་པྤ་ཊི་སཱ་རི་ནོ དོ་མ་ན་སྶཾ. ཏཾ ཨཱ་ར་བྦྷཱཏི ཏཱ་ནི སུ་ཙི་ཎྞཱ་ནི ཨཱ་ར་མྨ་ཎཾ ཀ་ཏྭཱ་ཏི ཨ་ཏྠོ. བ་ཧུ་ཝ་ཙ་ན་སྶ ཧེ་ས ཨེ་ཀ་ཝ་ཙ་ནཱ་དེ་སོ, ཛཱ་ཏི་ཝ་སེ་ན ཝཱ ཨེ་ཀ་ཝ་ཙ་ན་མེ་ཝེ་ཏཾ.

༤༠༦. ཨ་ར་ཧཱ མ་གྒཱ ཝུ་ཊྛ་ཧི་ཏྭཱཏི མ་གྒ་ཝཱི་ཐི་ཡཾ ཕ་ལཱ་ན་ནྟ་ར་སྶ བྷ་ཝ་ངྒ་སྶ ཨ་ཏི་ཀྐ་མ་ཝ་སེ་ན ཝུ་ཊྛ་ཧི་ཏྭཱ. པ་ཙྩ་ཝེ་ཀྑ་ཎ་ཙི་ཏྟཱ་ནི པ་ན་སྶ ཀི་རི་ཡཱ་བྱཱ་ཀ་ཏཱ་ནི. ཨེ་ཝཾ ཀི་རི་ཡཱ་བྱཱ་ཀ་ཏ་སྶ ཨཱ་ར་མྨ་ཎ་པ་ཙྩ་ཡཾ ད་སྶེ་ཏྭཱ པུ་ན ཝི་པཱ་ཀཱ་བྱཱ་ཀ་ཏ་སྶ ད་སྶེ་ཏུཾ སེ་ཀྑཱ ཝཱཏི་ཨཱ་དི་མཱ་ཧ. ཀུ་ས་ལེ ནི་རུ་དྡྷེཏི ཝི་པ་སྶ་ནཱ་ཛ་ཝ་ན་ཝཱི་ཐི་ཡཱ པ་ཙྪི་ནྣཱ་ཡ. ཝི་པཱ་ཀོཏི ཀཱ་མཱ་ཝ་ཙ་ར་ཝི་པཱ་ཀོ. ཏ་དཱ་ར་མྨ་ཎ་ཏཱཏི ཏ་དཱ་ར་མྨ་ཎ་ཏཱ་ཡ, ཏཾ ཀུ་ས་ལ་སྶ ཛ་ཝ་ན་སྶ ཨཱ་ར་མྨ་ཎ་བྷཱུ་ཏཾ ཝི་པ་སྶི་ཏ་ཀུ་ས་ལཾ ཨཱ་ར་མྨ་ཎཾ ཀ་ཏྭཱ ཨུ་པྤ་ཛྫ་ཏཱི་ཏི ཨ་ཏྠོ. ན ཀེ་ཝ་ལ་ཉྩ ཏ་དཱ་ར་མྨ་ཎ་ཝ་སེ་ནེ་ཝ, པ་ཊི་ས་ནྡྷི་བྷ་ཝ་ངྒ་ཙུ་ཏི་ཝ་སེ་ནཱ་པི. ཝི་པཱ་ཀོ ཧི ཀ་མྨཾ ཨཱ་ར་མྨ་ཎཾ ཀ་ཏྭཱ ག་ཧི་ཏ་པ་ཊི་ས་ནྡྷི་ཀ་སྶ ཀུ་ས་ལཱ་ར་མྨ་ཎོ ཧོ་ཏི་ཡེ་ཝ, སོ པ་ན དུ་བྦི་ཉྙེ་ཡྻ་ཏྟཱ ཨི་དྷ ན ད་སྶི་ཏོ.

ཀུ་ས་ལཾ ཨ་སྶཱ་དེ་ཏཱིཏི་ཨཱ་དི ཨ་ཀུ་ས་ལ་ཛ་ཝ་ནཱ་ཝ་སཱ་ནེ ཀུ་ས་ལཱ་ར་མྨ་ཎ་ཝི་པཱ་ཀཾ ད་སྶེ་ཏུཾ ཝུ་ཏྟཾ. ཝི་ཉྙཱ་ཎ་ཉྩཱ་ཡ་ཏ་ན་ཝི་པཱ་ཀ་སྶཱཏི ཨི་དཾ དུ་བྦི་ཉྙེ་ཡྻ་མྤི ས་མཱ་ནཾ མ་ཧ་གྒ་ཏ་ཝི་པཱ་ཀ་སྶ ཏ་དཱ་ར་མྨ་ཎ་བྷཱ་ཝེ་ན ཨ་ནུ་པྤ་ཏྟི་ཏོ ལ་བྦྷ་མཱ་ན་ཀ་ཝ་སེ་ན ཝུ་ཏྟཾ. ཀི་རི་ཡ་སྶཱཏི ཨ་ར་ཧ་ཏྟཾ པ་ཏྭཱ ཨ་ས་མཱ་པ་ནྣ་པུ་བྦེ ཨཱ་ཀཱ་སཱ་ན་ཉྩཱ་ཡ་ཏ་ནེ པ་ཊི་ལོ་མ་ཏོ ཝཱ ཨེ་ཀ་ནྟ་རི་ཀ་ཝ་སེ་ན ཝཱ ས་མཱ་པ་ནྣ་ཀི་རི་ཡཱ་ཡ. ཙེ་ཏོ་པ་རི་ཡ་ཉཱ་ཎ་སྶཱཏི་ཨཱ་དཱི་ནི པ་ར་ཏོ ཨཱ་ཝ་ཛྫ་ནཱ་ཡ ཡོ་ཛེ་ཏ་བྦཱ་ནི. ཡཱ ཨེ་ཏེ་སཾ ཨཱ་ཝ་ཛྫ་ནཱ, ཏ་སྶཱ ཀུ་ས་ལཱ ཁ་ནྡྷཱ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ་ཏི ཨ་ཡ་ཉྷེ་ཏྠ ཨ་ཏྠོ.

༤༠༧-༤༠༩. རཱ་གནྟི ཨ་ཏྟ་ནོ ཝཱ པ་ར་སྶ ཝཱ རཱ་གཾ. ཨ་ཏྟ་ནོ རཱ་ག་ཝ་སེ་ན པ་ནེ་ཏྠ ཝ་ཎྞ་ནཱ པཱ་ཀ་ཊཱ ཧོ་ཏི. ཨ་སྶཱ་དེ་ཏཱིཏི་ཨཱ་དཱི་ནི ཝུ་ཏྟ་ཏྠཱ་ནེ་ཝ. ཝི་ཙི་ཀི་ཙྪཱ་དཱི་སུ པ་ན ཏཱི་སུ ཨ་སྶཱ་དེ་ཏ་བྦ་ཏཱ་ཡ ཨ་བྷཱ་ཝེ་ན ‘‘ཨ་སྶཱ་དེ་ཏཱི’’ཏི ན ཝུ་ཏྟཾ. དི་ཊྛི པ་ནེ་ཏྠ ཨུ་པྤ་ཛྫ་ཏི, སཱ ཨ་སྶཱ་དེ་ཏཱི་ཏི པ་ད་སྶ པ་རི་ཧཱི་ན་ཏྟཱ ཨཱ་ག་ཏ་པ་ཊི་པཱ་ཊི་ཡཱ པ་ཋ་མཾ ན ཝུ་ཏྟཱ. ཝི་ཙི་ཀི་ཙྪཱ་དཱི་སུ་ཡེ་ཝ ཏཾ ཏཾ ས་བྷཱ་གཾ པ་ཋ་མཾ ཝ་ཏྭཱ ཏ་སྶ ཏ་སྶ ཨ་ན་ནྟ་རཱ ཝུ་ཏྟཱ. ཨི་མེ་སུ ཙ པ་ན རཱ་གཱ་དཱི་སུ ‘‘ཀིཾ མེ པཱ་པ་དྷ་མྨཱ ཨུ་པྤ་ཛྫ་ནྟཱི’’ཏི ཨ་ཀྑ་ནྟི་ཝ་སེ་ན ཝཱ, ‘‘ཀ་ཏཾ པཱ་པཾ ཀ་ཏཾ ལུ་དྡྷ’’ནྟི ཝི་པྤ་ཊི་སཱ་རཱ་དི་ཝ་སེ་ན ཝཱ དོ་མ་ན་སྶུ་པྤ་ཏྟི ཝེ་དི་ཏ་བྦཱ.

༤༡༠. ཙ་ཀྑུཾ ཨ་ནི་ཙྩ་ཏོཏི ཝི་པ་སྶ་ནཱ་ནུ་ཀྐ་མེ་ན ཨོ་ལཱ༹་རི་ཀཱ་ཡ་ཏ་ནཱ་ནི ཝ་ཏྠུ་རཱུ་པ་ཉྩཱ་ཏི ཨེ་ཀཱ་ད་ས རཱུ་པཱ་ནི པཱ་ཀ་ཊ་ཏྟཱ ག་ཧི་ཏཱ་ནི. པུ་ན རཱུ་པཱ་ཡ་ཏ་ནཱ་དཱི་ནི ཙ་ཀྑུ་ཝི་ཉྙཱ་ཎཱ་དཱི་ནཾ ཨཱ་ར་མྨ་ཎ་ཏྟཱ ག་ཧི་ཏཱ་ནི. ཡ་སྨཱ པ་ནེ་སཱ ཝི་ཉྙཱ་ཎ་ཀཱ་ཡ་ཝ་སེ་ན དེ་ས་ནཱ, ན དྷཱ་ཏུ་ཝ་སེ་ན, ཏ་སྨཱ མ་ནོ་དྷཱ་ཏུ ན ག་ཧི་ཏཱ. ཨེ་ཝཾ ས་བྦ་ཏྠ ག་ཧི་ཏཱ་ག་ཧི་ཏཾ ཝེ་དི་ཏ་བྦཾ.

༤༡༡. ཕ་ལཾ པ་ཙྩ་ཝེ་ཀྑ་ནྟི ནི་བྦཱ་ནཾ པ་ཙྩ་ཝེ་ཀྑ་ནྟཱིཏི པ་ཙྩ་ཝེ་ཀྑ་ཎ་ཀུ་ས་ལ་སྶ ཨཱ་ར་མྨ་ཎ་ད་སྶ་ན་ཏྠཾ ཝུ་ཏྟཾ.

༤༡༣-༤༡༦. ཨཱ་ར་མྨ་ཎཱ་དྷི་པ་ཏི་ནི་དྡེ་སེ སེ་ཀྑ་པུ་ཐུ་ཛྫ་ནཱ་ནཾ ཝ་སེ་ན ཙ་ཏུ་བྷཱུ་མ་ཀ་ཀུ་ས་ལཾ ད་སྶི་ཏཾ, ཏ་ཐཱ ས་ཧ་ཛཱ་ཏཱ་དྷི་པ་ཏི་ནི་དྡེ་སེ. ཨ་ར་ཧ་ཏོ ཨུ་ཏྟ་མ་དྷ་མྨཾ ཨ་དྷི་ག་ཏ་ཏྟཱ ལོ་ཀི་ཡ་ཀུ་ས་ལེ་སུ ག་རུ་ཀཱ་རོ ན་ཏྠཱི་ཏི ཨ་གྒ་མ་གྒོ་ཝ ད་སྶི་ཏོ.

༤༡༧. ཨ་ན་ནྟ་ར་པ་ཙྩ་ཡེ པུ་རི་མཱ པུ་རི་མཱཏི ཨེ་ཀ་བྷཱུ་མ་ཀཱ་པི ནཱ་ནཱ་བྷཱུ་མ་ཀཱ་པི ཀུ་ས་ལཱ ཨེ་ཀ་ཏོ ཀ་ཏྭཱ ཝུ་ཏྟཱ. ཨ་ནུ་ལོ་མཾ གོ་ཏྲ་བྷུ་སྶ, ཨ་ནུ་ལོ་མཾ ཝོ་དཱ་ན་སྶཱཏི ནཱ་ནཱ་ར་མྨ་ཎ་ཝ་སེ་ན. གོ་ཏྲ་བྷུ མ་གྒ་སྶ, ཝོ་དཱ་ནཾ མ་གྒ་སྶཱཏི ནཱ་ནཱ་བྷཱུ་མི་ཝ་སེ་ན. ཀུ་ས་ལཾ ཝུ་ཊྛཱ་ན་སྶཱཏི ཨེ་ཏྠ པ་ན ཀུ་ས་ལནྟི ཏེ་བྷཱུ་མ་ཀ་ཀུ་ས་ལཾ. ཝུ་ཊྛཱ་ནནྟི ཏེ་བྷཱུ་མ་ཀ་ཝི་པཱ་ཀཾ. ཏེ་ཧི ཀུ་ས་ལ་ཛ་ཝ་ན་ཝཱི་ཐི་ཏོ ཝུ་ཊྛ་ཧ་ནྟི, ཏ་སྨཱ ཝུ་ཊྛཱ་ན་ནྟི ཝུ་ཙྩ་ཏི. ཏཾ དུ་ཝི་དྷཾ ཧོ་ཏི – ཏ་དཱ་ར་མྨ་ཎཾ བྷ་ཝ་ངྒ་ཉྩ. ཏ་ཏྠ ཀཱ་མཱ་ཝ་ཙ་ར་ཀུ་ས་ལ་སྶ ཨུ་བྷ་ཡ་མྤི ཝུ་ཊྛཱ་ནཾ ཧོ་ཏི, མ་ཧ་གྒ་ཏ་སྶ བྷ་ཝ་ངྒ་མེ་ཝ. མ་གྒོ ཕ་ལ་སྶཱཏི ཨི་དཾ ཡ་སྨཱ ལོ་ཀུ་ཏྟ་ར་ཝི་པཱ་ཀཾ ཛ་ཝ་ན་ཝཱི་ཐི་པ་རི་ཡཱ་པ་ནྣ་ཏྟཱ ཝུ་ཊྛཱ་ནཾ ནཱ་མ ན ཧོ་ཏི, ཏ་སྨཱ ཝི་སུཾ ཝུ་ཏྟཾ. ཨ་ནུ་ལོ་མཾ སེ་ཀྑཱ་ཡཱཏི ཨ་སེ་ཀྑཱ་ཡ ཀུ་ས་ལཾ ཨ་ན་ནྟ་རཾ ན ཧོ་ཏི, ཏ་སྨཱ ཝི་བྷཱ་གཾ ཀ་རོ་ཏི. ཕ་ལ་ས་མཱ་པ་ཏྟི་ཡཱཏི སོ་ཏཱ་པ་ཏྟི་ཕ་ལ་ས་ཀ་དཱ་གཱ་མི་ཕ་ལ་ཨ་ནཱ་གཱ་མི་ཕ་ལ་ས་མཱ་པ་ཏྟི་ཡཱ་པི. ཕ་ལ་ས་མཱ་པ་ཏྟི་ཡཱཏི ཨ་ནཱ་གཱ་མི་ཕ་ལ་ས་མཱ་པ་ཏྟི་ཡཱ. ཨ་ཀུ་ས་ལེ དུ་ཝི་དྷ་མྤི ཝུ་ཊྛཱ་ནཾ ལ་བྦྷ་ཏི. ཝི་པཱ་ཀཱ་བྱཱ་ཀ་ཏཱ ཀི་རི་ཡཱ་བྱཱ་ཀ་ཏཱཏི ཨེ་ཏྠ ཝི་པཱ་ཀཱ་བྱཱ་ཀ་ཏཱ ཝི་པཱ་ཀཱ་བྱཱ་ཀ་ཏཱ་ནཾ་ཡེ་ཝ, ཀི་རི་ཡཱ་བྱཱ་ཀ་ཏཱ ཀི་རི་ཡཱ་བྱཱ་ཀ་ཏཱ་ནཾ་ཡེ་ཝ ཝེ་དི་ཏ་བྦཱ. བྷ་ཝ་ངྒཾ ཨཱ་ཝ་ཛྫ་ནཱ་ཡཱཏི་ཨཱ་དི ཝོ་མི་སྶ་ཀ་ཝ་སེ་ན ཝུ་ཏྟཾ. ཏ་ཏྠ ཀི་རི་ཡཱཏི ཀཱ་མཱ་ཝ་ཙ་ར་ཀི་རི་ཡཱ. སཱ དུ་ཝི་དྷ་སྶཱ་པི ཝུ་ཊྛཱ་ན་སྶ ཨ་ན་ནྟ་ར་པ་ཙྩ་ཡོ ཧོ་ཏི, མ་ཧ་གྒ་ཏཱ བྷ་ཝ་ངྒ་སྶེ་ཝ. ཨི་ཏི ཡེ ཧེ་ཊྛཱ པ་ཙྩ་ཡ་ཝི་བྷ་ངྒ་ནི་དྡེ་སེ ‘‘པུ་རི་མཱ པུ་རི་མཱ ཀུ་ས་ལཱ དྷ་མྨཱ པ་ཙྪི་མཱ་ནཾ པ་ཙྪི་མཱ་ནཾ ཀུ་ས་ལཱ་ནཾ དྷ་མྨཱ་ནཾ ཨ་ན་ནྟ་ར་པ་ཙྩ་ཡེ་ན པ་ཙྩ་ཡོ’’ཏི ཨཱ་ར་བྷི་ཏྭཱ ཀུ་ས་ལཾ ཀུ་ས་ལ་སྶ, ཀུ་ས་ལཾ ཨ་བྱཱ་ཀ་ཏ་སྶ, ཨ་ཀུ་ས་ལཾ ཨ་ཀུ་ས་ལ་སྶ, ཨ་ཀུ་ས་ལཾ ཨ་བྱཱ་ཀ་ཏ་སྶ, ཨ་བྱཱ་ཀ་ཏཾ ཨ་བྱཱ་ཀ་ཏ་སྶ, ཨ་བྱཱ་ཀ་ཏཾ ཀུ་ས་ལ་སྶ, ཨ་བྱཱ་ཀ་ཏཾ ཨ་ཀུ་ས་ལ་སྶཱ་ཏི ས་ཏྟ ཝཱ་རཱ ད་སྶི་ཏཱ; ཏེ་སཾ ཝ་སེ་ན ཨི་དྷ ས་ངྑེ་པ་ཏོ ཨ་ན་ནྟ་ར་པ་ཙྩ་ཡོ ཝི་བྷ་ཏྟོ.

ཝི་ཏྠཱ་ར་ཏོ པ་ནེ་ཏྠ –

ད་ས་དྷཱ ས་ཏྟ་ར་ས་དྷཱ, ས་མ་ས་ཊྛི་ཝི་དྷེ་ན ཙ;

བ་ཧུ་དྷཱ་པི ཙ ནི་དྡེ་སཾ, སཱ་དྷུ་ཀཾ ཨུ་པ་ལ་ཀྑ་ཡེ.

ཨ་ཡ་ཉྷི ཨ་ན་ནྟ་ར་པ་ཙྩ་ཡོ ན ཀེ་ཝ་ལཾ ས་ཏྟ་དྷཱ་ཝ ནི་དྡེ་སཾ ལ་བྷ་ཏི, ཀུ་ས་ལཾ པ་ན ཀུ་ས་ལ་སྶ ཝི་པཱ་ཀ་སྶ; ཨ་ཀུ་ས་ལཾ ཨ་ཀུ་ས་ལ་སྶ ཝི་པཱ་ཀ་སྶ; ཝི་པཱ་ཀཾ ཝི་པཱ་ཀ་སྶ ཀི་རི་ཡ་སྶ; ཀི་རི་ཡཾ ཀུ་ས་ལ་སྶ ཨ་ཀུ་ས་ལ་སྶ ཝི་པཱ་ཀ་སྶ ཀི་རི་ཡ་སྶཱ་ཏི ཨེ་ཝཾ ད་ས་དྷཱ་པི ནི་དྡེ་སཾ ལ་བྷ་ཏི. ན ཀེ་ཝ་ལཾ ད་ས་དྷཱ་ཡེ་ཝ, ཀུ་ས་ལཾ པ་ན ཀུ་ས་ལ་སྶ ཀུ་ས་ལ་ཝི་པཱ་ཀ་སྶ ཨ་ཀུ་ས་ལ་ཝི་པཱ་ཀ་སྶ; ཨ་ཀུ་ས་ལཾ ཨ་ཀུ་ས་ལ་སྶ ཨ་ཀུ་ས་ལ་ཝི་པཱ་ཀ་སྶ ཀུ་ས་ལ་ཝི་པཱ་ཀ་སྶ; ཀུ་ས་ལ་ཝི་པཱ་ཀཾ ཀུ་ས་ལ་ཝི་པཱ་ཀ་སྶ ཨ་ཀུ་ས་ལ་ཝི་པཱ་ཀ་སྶ ཀི་རི་ཡ་སྶ; ཨ་ཀུ་ས་ལ་ཝི་པཱ་ཀཾ ཨ་ཀུ་ས་ལ་ཝི་པཱ་ཀ་སྶ ཀུ་ས་ལ་ཝི་པཱ་ཀ་སྶ ཀི་རི་ཡ་སྶ; ཀི་རི་ཡཾ ཀི་རི་ཡ་སྶ ཀུ་ས་ལ་སྶ ཨ་ཀུ་ས་ལ་སྶ ཀུ་ས་ལ་ཝི་པཱ་ཀ་སྶ ཨ་ཀུ་ས་ལ་ཝི་པཱ་ཀ་སྶཱ་ཏི ཨེ་ཝཾ ས་ཏྟ་ར་ས་དྷཱ ནི་དྡེ་སཾ ལ་བྷ་ཏི.

ན ཀེ་ཝ་ལ་ཉྩ ས་ཏྟ་ར་ས་དྷཱ་ཝ ས་མ་ས་ཊྛི་ཝི་དྷེ་ནཱ་པི ནི་དྡེ་སཾ ལ་བྷ་ཏེ་ཝ. ཀ་ཐཾ? ཀཱ་མཱ་ཝ་ཙ་ར་ཀུ་ས་ལ་ཉྷི བྷཱུ་མི་བྷེ་དེ་ན ཙ་ཏུ་བྦི་དྷ་སྶ ཀུ་ས་ལ་སྶ ཨ་ན་ནྟ་ར་པ་ཙྩ་ཡོ ཧོ་ཏི, རཱུ་པཱ་ཝ་ཙ་རཱ་རཱུ་པཱ་ཝ་ཙ་རཾ ས་ཀ་ས་ཀ་བྷཱུ་མི་ཀ་སྶེ་ཝཱ་ཏི ཀུ་ས་ལཾ ཀུ་ས་ལ་སྶ ཚ་བྦི་དྷེ་ན ཨ་ན་ནྟ་ར་པ་ཙྩ་ཡོ. ཀཱ་མཱ་ཝ་ཙ་ར་ཀུ་ས་ལཾ པ་ན ཀཱ་མཱ་ཝ་ཙ་ར་ཀུ་ས་ལ་ཝི་པཱ་ཀ་སྶ ཨ་ཀུ་ས་ལ་ཝི་པཱ་ཀ་སྶ རཱུ་པཱ་ཝ་ཙ་ར་ཝི་པཱ་ཀ་སྶ ཨ་རཱུ་པཱ་ཝ་ཙ་ར་ཝི་པཱ་ཀ་སྶ ལོ་ཀུ་ཏྟ་ར་ཝི་པཱ་ཀ་སྶ; རཱུ་པཱ་ཝ་ཙ་ར་ཀུ་ས་ལཾ རཱུ་པཱ་ཝ་ཙ་ར་ཝི་པཱ་ཀ་སྶ ཀཱ་མཱ་ཝ་ཙ་ར་ཀུ་ས་ལ་ཝི་པཱ་ཀ་སྶ; ཨ་རཱུ་པཱ་ཝ་ཙ་ར་ཀུ་ས་ལཾ ཀཱ་མཱ་ཝ་ཙ་ར་ཀུ་ས་ལ་ཝི་པཱ་ཀ་སྶ རཱུ་པཱ་ཝ་ཙ་ར་ཨ་རཱུ་པཱ་ཝ་ཙ་ར་ལོ་ཀུ་ཏྟ་ར་ཝི་པཱ་ཀ་སྶ; ལོ་ཀུ་ཏྟ་ར་ཀུ་ས་ལཾ ལོ་ཀུ་ཏྟ་ར་ཝི་པཱ་ཀ་སྶཱ་ཏི ཀུ་ས་ལཾ ཝི་པཱ་ཀ་སྶ དྭཱ་ད་ས་ཝི་དྷེ་ན ཨ་ན་ནྟ་ར་པ་ཙྩ་ཡོ. ཨ་ཀུ་ས་ལཾ ཨ་ཀུ་ས་ལ་སྶ ཨ་ཀུ་ས་ལ་ཝི་པཱ་ཀ་སྶ ཏེ་བྷཱུ་མ་ཀ་ཀུ་ས་ལ་ཝི་པཱ་ཀ་སྶཱ་ཏི པ་ཉྩ་ཝི་དྷེ་ན ཨ་ན་ནྟ་ར་པ་ཙྩ་ཡོ.

ཀཱ་མཱ་ཝ་ཙ་ར་ཀུ་ས་ལ་ཝི་པཱ་ཀཾ ཀཱ་མཱ་ཝ་ཙ་ར་ཀུ་ས་ལ་ཝི་པཱ་ཀ་སྶ ཨ་ཀུ་ས་ལ་ཝི་པཱ་ཀ་སྶ རཱུ་པཱ་ཝ་ཙ་ར་ཝི་པཱ་ཀ་སྶ ཨ་རཱུ་པཱ་ཝ་ཙ་ར་ཝི་པཱ་ཀ་སྶཱ་ཏི ཀཱ་མཱ་ཝ་ཙ་ར་ཀུ་ས་ལ་ཝི་པཱ་ཀཾ ཝི་པཱ་ཀ་སྶ ཙ་ཏུ་བྦི་དྷེ་ན ཨ་ན་ནྟ་ར་པ་ཙྩ་ཡོ. རཱུ་པཱ་ཝ་ཙ་ར་ཝི་པཱ་ཀཾ ཏེ་བྷཱུ་མ་ཀ་ཀུ་ས་ལ་ཝི་པཱ་ཀ་སྶཱ་ཏི ཏི་ཝི་དྷེ་ན ཨ་ན་ནྟ་ར་པ་ཙྩ་ཡོ. ཨ་རཱུ་པཱ་ཝ་ཙ་ར་ཝི་པཱ་ཀཾ ཨ་རཱུ་པཱ་ཝ་ཙ་ར་ཝི་པཱ་ཀ་སྶ ཀཱ་མཱ་ཝ་ཙ་ར་ཀུ་ས་ལ་ཝི་པཱ་ཀ་སྶཱ་ཏི དུ་ཝི་དྷེ་ན ཨ་ན་ནྟ་ར་པ་ཙྩ་ཡོ. ལོ་ཀུ་ཏྟ་ར་ཝི་པཱ་ཀཾ ཙ་ཏུ་བྷཱུ་མ་ཀ་ཀུ་ས་ལ་ཝི་པཱ་ཀ་སྶཱ་ཏི ཙ་ཏུ་བྦི་དྷེ་ན ཨ་ན་ནྟ་ར་པ་ཙྩ་ཡོ. ཨེ་ཝཾ ཀུ་ས་ལ་ཝི་པཱ་ཀཾ ཝི་པཱ་ཀ་སྶ ཏེ་ར་ས་དྷཱ་པི ཨ་ན་ནྟ་ར་པ་ཙྩ་ཡོ. ཨ་ཀུ་ས་ལ་ཝི་པཱ་ཀཾ ཨ་ཀུ་ས་ལ་ཝི་པཱ་ཀ་སྶ ཀཱ་མཱ་ཝ་ཙ་ར་ཀུ་ས་ལ་ཝི་པཱ་ཀ་སྶཱ་ཏི དུ་ཝི་དྷེ་ན ཨ་ན་ནྟ་ར་པ་ཙྩ་ཡོ. ཨེ་ཝཾ ས་བྦ་ཐཱ་པི ཝི་པཱ་ཀཾ ཝི་པཱ་ཀ་སྶ པ་ཉྩ་ད་ས་ཝི་དྷེ་ན ཨ་ན་ནྟ་ར་པ་ཙྩ་ཡོ. ཀཱ་མཱ་ཝ་ཙ་ར་ཀུ་ས་ལ་ཝི་པཱ་ཀཾ པ་ན ཀཱ་མཱ་ཝ་ཙ་ར་ཀི་རི་ཡ་སྶ, ཏ་ཐཱ ཨ་ཀུ་ས་ལ་ཝི་པཱ་ཀཾ, ཏ་ཐཱ རཱུ་པཱ་ཝ་ཙ་ར་ཝི་པཱ་ཀཾ, ཏ་ཐཱ ཨ་རཱུ་པཱ་ཝ་ཙ་ར་ཝི་པཱ་ཀ་ཉྩཱ་ཏི ཝི་པཱ་ཀཾ ཀི་རི་ཡ་སྶ ཙ ཙ་ཏུ་བྦི་དྷེ་ན ཨ་ན་ནྟ་ར་པ་ཙྩ་ཡོ.

ཀཱ་མཱ་ཝ་ཙ་ར་ཀི་རི་ཡཾ ཏེ་བྷཱུ་མ་ཀ་ཀི་རི་ཡ་སྶ, རཱུ་པཱ་ཝ་ཙ་རཱ་རཱུ་པཱ་ཝ་ཙ་ར་ཀི་རི་ཡཾ རཱུ་པཱ་ཝ་ཙ་རཱ་རཱུ་པཱ་ཝ་ཙ་རཱ་ན་ཉྙེ་ཝཱ་ཏི ཀི་རི་ཡཾ ཀི་རི་ཡ་སྶ པ་ཉྩ་ཝི་དྷེ་ན ཨ་ན་ནྟ་ར་པ་ཙྩ་ཡོ. ཀཱ་མཱ་ཝ་ཙ་ར་ཀི་རི་ཡཾ ཨ་ཀུ་ས་ལ་ཝི་པཱ་ཀ་སྶ ཙེ་ཝ ཙ་ཏུ་བྷཱུ་མ་ཀ་ཀུ་ས་ལ་ཝི་པཱ་ཀ་སྶ ཙ, རཱུ་པཱ་ཝ་ཙ་ར་ཀི་རི་ཡཾ ཀཱ་མཱ་ཝ་ཙ་ར་ཀུ་ས་ལ་ཝི་པཱ་ཀ་རཱུ་པཱ་ཝ་ཙ་ར་ཝི་པཱ་ཀཱ་ནཾ ཨ་རཱུ་པཱ་ཝ་ཙ་ར་ཀི་རི་ཡཾ ཙ་ཏུ་བྷཱུ་མ་ཀ་ཀུ་ས་ལ་ཝི་པཱ་ཀ་སྶཱ་པཱི་ཏི ཀི་རི་ཡཾ ཝི་པཱ་ཀ་སྶ ཨེ་ཀཱ་ད་ས་ཝི་དྷེ་ན ཨ་ན་ནྟ་ར་པ་ཙྩ་ཡོ. ཀཱ་མཱ་ཝ་ཙ་ར་ཀི་རི་ཡཾ པ་ན ཀཱ་མཱ་ཝ་ཙ་ར་ཀུ་ས་ལ་སྶ ཨ་ཀུ་ས་ལ་སྶཱ་ཏི ཀུ་ས་ལཱ་ཀུ་ས་ལཱ་ནཾ དུ་ཝི་དྷེ་ན ཨ་ན་ནྟ་ར་པ་ཙྩ་ཡོ ཧོ་ཏི. ཨེ་ཝཾ ས་མ་ས་ཊྛི་ཝི་དྷེ་ནཱ་པི ནི་དྡེ་སཾ ལ་བྷ་ཏི.

ན ཀེ་ཝ་ལ་ཉྩ ས་མ་ས་ཊྛི་ཝི་དྷེ་ནེ་ཝ, བ་ཧུ་ཝི་དྷེ་ནཱ་པི ལ་བྷ་ཏེ་ཝ. ཀ་ཐཾ? ཀཱ་མཱ་ཝ་ཙ་ར་པ་ཋ་མ་མ་ཧཱ་ཀུ་ས་ལ་ཙི་ཏྟཾ ཏཱ་ཝ ཨ་ཏྟ་ནོ, ཙ་ཏུ་ནྣ་ཉྩ རཱུ་པཱ་ཝ་ཙ་ར་ཀུ་ས་ལཱ་ནཾ པཱ་ད་ཀ་ཡོ་གེ་ན སོ་ལ༹་ས་ནྣཾ སོ་མ་ན་སྶ་ལོ་ཀུ་ཏྟ་རཱ་ན་ནྟི ཨེ་ཀ་ཝཱི་ས་ཏི་ཡཱ ཙ ཀུ་ས་ལཱ་ནཾ, ཛ་ཝ་ན་པ་རི་ཡོ་སཱ་ནེ ཏ་དཱ་ར་མྨ་ཎ་བྷ་ཝ་ངྒ་ཝ་སེ་ན ཨུ་པྤ་ཛྫ་མཱ་ནཱ་ནཾ ཨེ་ཀཱ་ད་ས་ནྣཾ ཀཱ་མཱ་ཝ་ཙ་ར་ཝི་པཱ་ཀཱ་ནཾ, བྷ་ཝ་ངྒ་ཝ་སེ་ནེ་ཝ པ་ཝ་ཏྟཱ་ནཾ རཱུ་པཱ་ཝ་ཙ་རཱ་རཱུ་པཱ་ཝ་ཙ་ར་ཝི་པཱ་ཀཱ་ནཾ, ཕ་ལ་ས་མཱ་པ་ཏྟི་ཝ་སེ་ན པ་ཝ་ཏྟཱ་ནཾ དྭཱ་ད་ས་ནྣཾ ལོ་ཀུ་ཏྟ་ར་ཝི་པཱ་ཀཱ་ན་ནྟི ཨེ་ཝཾ ཨེ་ཀ་ཝཱི་ས་ཏི་ཡཱ ཀུ་ས་ལཱ་ནཾ; དྭ་ཏྟིཾ་སཱ་ཡ ཝི་པཱ་ཀཱ་ན་ནྟི ཏེ་པ་ཉྙཱ་སཱ་ཡ ཙི་ཏྟཱ་ནཾ ཨ་ན་ནྟ་ར་པ་ཙྩ་ཡོ ཧོ་ཏི. ཏ་ཐཱ དུ་ཏི་ཡ་ཀུ་ས་ལ་ཙི་ཏྟཾ. ཏ་ཏི་ཡ་ཙ་ཏུ་ཏྠཱ་ནི པ་ན ཋ་པེ་ཏྭཱ ཨུ་པ་རི་བྷཱུ་མ་ཀ་ཀུ་ས་ལཱ་ནི ཙ ལོ་ཀུ་ཏྟ་ར་ཝི་པཱ་ཀཱ་ནི ཙ སེ་ས་ཨེ་ཀ་ཝཱི་ས་ཏི་ཙི་ཏྟཱ་ནཾ. པ་ཉྩ་མ་ཚ་ཊྛཱ་ནི ཨ་ཏྟ་ནོ ཙ, ན་ཝ་ནྣ་ཉྩ ཨུ་པ་རི་བྷཱུ་མ་ཀ་ཨུ་པེ་ཀྑཱ་ཀུ་ས་ལཱ་ནཾ, ཏེ་ཝཱི་ས་ཏི་ཡཱ ཙ ཝི་པཱ་ཀཱ་ན་ནྟི ཏེ་ཏྟིཾ་སཱ་ཡ. ས་ཏྟ་མ་ཨ་ཊྛ་མཱ་ནི ཨེ་ཀ་ཝཱི་ས་ཏི་ཡཱ་ཝ.

པ་ཉྩ རཱུ་པཱ་ཝ་ཙ་ར་ཀུ་ས་ལཱ་ནི ཨ་ཏྟ་ནོ ཨ་ཏྟ་ནོ པ་ཙྪི་མཱ་ནཾ རཱུ་པཱ་ཝ་ཙ་ར་ཀུ་ས་ལཱ་ནཾ, ཙ་ཏུ་ནྣ་མྤི ཉཱ་ཎ་ས་མྤ་ཡུ་ཏྟ་མ་ཧཱ་ཝི་པཱ་ཀཱ་ནཾ, པ་ཉྩ་ནྣཾ རཱུ་པཱ་ཝ་ཙ་ར་ཝི་པཱ་ཀཱ་ན་ཉྩཱ་ཏི ད་ས་ནྣཾ. ཨེ་ཏེ་ནེ་ཝ ཙ ན་ཡེ་ན ཨ་རཱུ་པཱ་ཝ་ཙ་ར་ཀུ་ས་ལེ་སུ པ་ཋ་མཾ ཨ་ཏྟ་ནོ ཝི་པཱ་ཀེ་ན ས་དྡྷིཾ ཨེ་ཀཱ་ད་ས་ནྣཾ, དུ་ཏི་ཡཾ དྭཱ་ད་ས་ནྣཾ, ཏ་ཏི་ཡཾ ཏེ་ར་ས་ནྣཾ, ཙ་ཏུ་ཏྠཾ ཙུ་དྡ་ས་ནྣཾ ཕ་ལ་ས་མཱ་པ་ཏྟི་ཡཱ ཙཱ་ཏི པ་ནྣ་ར་ས་ནྣཾ ལོ་ཀུ་ཏྟ་ར་ཀུ་ས་ལཾ ཨ་ཏྟ་ནོ ཨ་ཏྟ་ནོ ཝི་པཱ་ཀ་སྶེ་ཝ. ཨ་ཊྛ་སུ ལོ་བྷ་ས་ཧ་ག་ཏེ་སུ ཨེ་ཀེ་ཀཾ ཨ་ཀུ་ས་ལཾ ཨེ་ཀཱ་ད་ས་ནྣཾ ཀཱ་མཱ་ཝ་ཙ་ར་ཝི་པཱ་ཀ་མ་ནོ་ཝི་ཉྙཱ་ཎ་དྷཱ་ཏཱུ་ནཾ ན་ཝ་ནྣཾ, མ་ཧ་གྒ་ཏ་ཝི་པཱ་ཀཱ་ནཾ ཨ་ཏྟ་ནོ ཨ་ཏྟ་ནོ པ་ཙྪི་མ་སྶ ཙཱ་ཏི ཨེ་ཀ་ཝཱི་ས་ཏི་ཡཱ. དྭེ དོ་མ་ན་སྶ་ས་ཧ་ག་ཏཱ་ནི ཨུ་པེ་ཀྑཱ་ས་ཧ་ག་ཏཱ་ནཾ ཚ་ནྣཾ ཀཱ་མཱ་ཝ་ཙ་ར་ཝི་པཱ་ཀ་མ་ནོ་ཝི་ཉྙཱ་ཎ་དྷཱ་ཏཱུ་ནཾ ཨ་ཏྟ་ནོ པ་ཙྪི་མ་སྶ ཙཱ་ཏི ས་ཏྟ་ནྣཾ. ཝི་ཙི་ཀི་ཙྪུ་དྡྷ་ཙྩ་ས་ཧ་ག་ཏ་དྭ་ཡཾ སོ་མ་ན་སྶ་ས་ཧ་ག་ཏཱ་ཧེ་ཏུ་ཀ་ཝི་པཱ་ཀེ་ན ས་དྡྷིཾ ཨེ་ཀཱ་ད་ས་ནྣཾ ཀཱ་མཱ་ཝ་ཙ་ར་ཝི་པཱ་ཀ་མ་ནོ་ཝི་ཉྙཱ་ཎ་དྷཱ་ཏཱུ་ནཾ ན་ཝ་ནྣཾ རཱུ་པཱ་ཝ་ཙ་རཱ་རཱུ་པཱ་ཝ་ཙ་ར་ཝི་པཱ་ཀཱ་ནཾ ཨ་ཏྟ་ནོ པ་ཙྪི་མ་སྶ ཙཱ་ཏི ཨེ་ཀ་ཝཱི་ས་ཏི་ཡཱ.

ཀུ་ས་ལ་ཝི་པཱ་ཀ་པ་ཉྩ་ཝི་ཉྙཱ་ཎཱ ཀུ་ས་ལ་ཝི་པཱ་ཀ་མ་ནོ་དྷཱ་ཏུ་ཡཱ, མ་ནོ་དྷཱ་ཏུ དྭི་ནྣཾ ཝི་པཱ་ཀ་མ་ནོ་ཝི་ཉྙཱ་ཎ་དྷཱ་ཏཱུ་ནཾ. ཏཱ་སུ དྭཱི་སུ སོ་མ་ན་སྶ་ས་ཧ་ག་ཏཱ ད་ས་ནྣཾ ཝི་པཱ་ཀ་མ་ནོ་ཝི་ཉྙཱ་ཎ་དྷཱ་ཏཱུ་ནཾ བྷ་ཝ་ངྒ་བྷཱུ་ཏཱ་ནཾ ཏ་དཱ་ར་མྨ་ཎ་ཀཱ་ལེ ཨ་ཏྟ་ནོ པ་ཙྪི་མ་སྶ ཝོ་ཊྛ་བྦ་ན་ཀི་རི་ཡ་སྶ ཙཱ་ཏི དྭཱ་ད་ས་ནྣཾ. ཨུ་པེ་ཀྑཱ་ས་ཧ་ག་ཏཱ་ཧེ་ཏུ་ཀ་མ་ནོ་ཝི་ཉྙཱ་ཎ་དྷཱ་ཏུ པ་ན ཨཱ་ཝ་ཛྫ་ན་མ་ནོ་དྷཱ་ཏུ་ཡཱ དྭི་ཊྛཱ་ནི་ཀཱ་ཡ ཨཱ་ཝ་ཛྫ་ན་མ་ནོ་ཝི་ཉྙཱ་ཎ་དྷཱ་ཏུ་ཡཱ ད་ས་ནྣ་ཉྩ ཝི་པཱ་ཀ་མ་ནོ་ཝི་ཉྙཱ་ཎ་དྷཱ་ཏཱུ་ན་ནྟི དྭཱ་ད་ས་ནྣ་མེ་ཝ. ཏི་ཧེ་ཏུ་ཀ་མ་ཧཱ་ཝི་པཱ་ཀཱ སོ་མ་ན་སྶ་ས་ཧ་ག་ཏཱ་ཧེ་ཏུ་ཀ་ཝ་ཛྫཱ་ནཾ ད་ས་ནྣ་མྤི ཀཱ་མཱ་ཝ་ཙ་ར་ཝི་པཱ་ཀ་མ་ནོ་ཝི་ཉྙཱ་ཎ་དྷཱ་ཏཱུ་ནཾ རཱུ་པཱ་ཝ་ཙ་རཱ་རཱུ་པཱ་ཝ་ཙ་ར་ཝི་པཱ་ཀཱ་ནཾ ཨཱ་ཝ་ཛྫ་ན་དྭ་ཡ་སྶ ཙཱ་ཏི ཨེ་ཀ་ཝཱི་ས་ཏི་ཡཱ, དུ་ཧེ་ཏུ་ཀ་ཝི་པཱ་ཀཱ ཋ་པེ་ཏྭཱ མ་ཧ་གྒ་ཏ་ཝི་པཱ་ཀེ སེ་སཱ་ནཾ དྭཱ་ད་ས་ནྣཾ. པ་ཉྩ རཱུ་པཱ་ཝ་ཙ་ར་ཝི་པཱ་ཀཱ ཏེ་བྷཱུ་མ་ཀ་ཀུ་ས་ལ་ཝི་པཱ་ཀ་ས་ཧེ་ཏུ་ཀ་པ་ཊི་ས་ནྡྷི་ཙི་ཏྟཱ་ནཾ ས་ཏྟ་ར་ས་ནྣཾ ཨཱ་ཝ་ཛྫ་ན་དྭ་ཡ་སྶ ཙཱ་ཏི ཨེ་ཀཱུ་ན་ཝཱི་ས་ཏི་ཡཱ. ཨ་རཱུ་པཱ་ཝ་ཙ་ར་ཝི་པཱ་ཀེ་སུ པ་ཋ་མཾ ཀཱ་མཱ་ཝ་ཙ་ར་ཀུ་ས་ལ་ཝི་པཱ་ཀ་ཏི་ཧེ་ཏུ་ཀ་པ་ཊི་ས་ནྡྷི་ཙི་ཏྟཱ་ནཾ, ཙ་ཏུ་ནྣཾ ཨ་རཱུ་པཱ་ཝ་ཙ་ར་ཝི་པཱ་ཀ་ཙི་ཏྟཱ་ནཾ ཙ་ཏུ་ནྣཾ མ་ནོ་དྭཱ་རཱ་ཝ་ཛྫ་ན་སྶ ཙཱ་ཏི ན་ཝ་ནྣཾ. དུ་ཏི་ཡཾ ཧེ་ཊྛི་མ་ཝི་པཱ་ཀཾ ཝ་ཛྫེ་ཏྭཱ ཨ་ཊྛ་ནྣཾ, ཏ་ཏི་ཡཾ དྭེ ཧེ་ཊྛི་མཱ་ནི ཝ་ཛྫེ་ཏྭཱ ས་ཏྟ་ནྣཾ, ཙ་ཏུ་ཏྠཾ ཏཱི་ཎི ཧེ་ཊྛི་མཱ་ནི ཝ་ཛྫེ་ཏྭཱ ཚ་ནྣཾ ཙ་ཏྟཱ་རི ལོ་ཀུ་ཏྟ་ར་ཝི་པཱ་ཀཱ་ནི ཏི་ཧེ་ཏུ་ཀ་ཝི་པཱ་ཀཱ་ནཾ ཏེ་ར་ས་ནྣཾ ཨ་ཏྟ་ནོ ཨ་ཏྟ་ནོ པ་ཙྪི་མ་སྶ ཙཱ་ཏི ཙུ་དྡ་ས་ནྣཾ.

ཨ་ཀུ་ས་ལ་ཝི་པཱ་ཀ་པ་ཉྩ་ཝི་ཉྙཱ་ཎཱ ཨ་ཀུ་ས་ལ་ཝི་པཱ་ཀ་མ་ནོ་དྷཱ་ཏུ་ཡཱ, མ་ནོ་དྷཱ་ཏུ ཨ་ཀུ་ས་ལ་ཝི་པཱ་ཀཱ་ཧེ་ཏུ་ཀ་མ་ནོ་ཝི་ཉྙཱ་ཎ་དྷཱ་ཏུ་ཡཱ. སཱ ཏ་དཱ་ར་མྨ་ཎ་ཀཱ་ལེ ཨ་ཏྟ་ནོ པ་ཙྪི་མ་སྶ ཙུ་ཏི་ཀཱ་ལེ པ་ཊི་ས་ནྡྷི་ཝ་སེ་ན བྷ་ཝ་ངྒ་ཝ་སེ་ན ཙ པ་ཝ་ཏྟཱ་ནཾ ཨི་ཏ་རེ་ས་མྤི ན་ཝ་ནྣཾ ཀཱ་མཱ་ཝ་ཙ་ར་ཝི་པཱ་ཀཱ་ནཾ ཨུ་པེ་ཀྑཱ་ས་ཧ་ག་ཏཱ་ནཾ དྭི་ནྣཾ པ་རི་ཏྟ་ཀི་རི་ཡཱ་ན་ཉྩཱ་ཏི དྭཱ་ད་ས་ནྣཾ. ཀི་རི་ཡ་མ་ནོ་དྷཱ་ཏུ ད་ས་ནྣཾ ཝི་ཉྙཱ་ཎཱ་ནཾ ཧ་སི་ཏུ་པྤཱ་ད་ཀི་རི་ཡཱ པ་ཉྩ་ཝོ་ཀཱ་རེ བྷ་ཝ་ངྒ་ཝ་སེ་ན པ་ཝ་ཏྟཱ་ནཾ ན་ཝ་ནྣཾ ཏི་ཧེ་ཏུ་ཀ་ཝི་པཱ་ཀཱ་ནཾ, ཏ་དཱ་ར་མྨ་ཎ་ཝ་སེ་ན པ་ཝ་ཏྟཱ་ནཾ པ་ཉྩ་ནྣཾ སོ་མ་ན་སྶ་ས་ཧ་ག་ཏ་ཝི་པཱ་ཀཱ་ནཾ ཨ་ཏྟ་ནོ པ་ཙྪི་མ་སྶ ཙཱ་ཏི ཨ་གྒ་ཧི་ཏ་གྒ་ཧ་ཎེ་ན ཏེ་ར་ས་ནྣཾ. ཝོ་ཊྛ་བྦ་ན་ཀི་རི་ཡཱ ཋ་པེ་ཏྭཱ ཀི་རི་ཡ་མ་ནོ་དྷཱ་ཏུཾ ད་ས་ནྣཾ ཀཱ་མཱ་ཝ་ཙ་ར་ཀི་རི་ཡཱ་ནཾ, ཀཱ་མཱ་ཝ་ཙ་ར་ཀུ་ས་ལཱ་ཀུ་ས་ལཱ་ནཾ པ་ཉྩ་ཝོ་ཀཱ་རེ བྷ་ཝ་ངྒ་ཝ་སེ་ན པ་ཝ་ཏྟཱ་ནཾ པ་ནྣ་ར་ས་ནྣཾ ཝི་པཱ་ཀ་ཙི་ཏྟཱ་ན་ཉྩཱ་ཏི པ་ཉྩ་ཙ་ཏྟཱ་ལཱི་སཱ་ཡ.

ཀཱ་མཱ་ཝ་ཙ་ར་ཏི་ཧེ་ཏུ་ཀ་སོ་མ་ན་སྶ་ས་ཧ་ག་ཏ་ཀི་རི་ཡ་དྭ་ཡཾ བྷ་ཝ་ངྒ་ཝ་སེ་ན པ་ཝ་ཏྟཱ་ནཾ ཏེ་ར་ས་ནྣཾ ཏི་ཧེ་ཏུ་ཀ་ཝི་པཱ་ཀཱ་ནཾ ཏ་དཱ་ར་མྨ་ཎ་ཝ་སེ་ན པ་ཉྩ་ནྣཾ སོ་མ་ན་སྶ་ས་ཧ་ག་ཏ་ཝི་པཱ་ཀཱ་ནཾ པ་རི་ཀ་མྨ་ཝ་སེ་ན པ་ཝ་ཏྟ་མཱ་ནཱ་ནཾ ཙ་ཏུ་ནྣཾ རཱུ་པཱ་ཝ་ཙ་ར་ཀི་རི་ཡཱ་ནཾ ཨ་ར་ཧ་ཏྟ་ཕ་ལ་ས་མཱ་པ་ཏྟི་ཡཱ ཨ་ཏྟ་ནོ པ་ཙྪི་མ་སྶ ཙཱ་ཏི ཨ་གྒ་ཧི་ཏ་གྒ་ཧ་ཎེ་ན དྭཱ་ཝཱི་ས་ཏི་ཡཱ དུ་ཧེ་ཏུ་ཀ་སོ་མ་ན་སྶ་ས་ཧ་ག་ཏ་ཀི་རི་ཡ་དྭ་ཡཾ ཡ་ཐཱ་ཝུ་ཏྟཱ་ནཾ ཏེ་ར་ས་ནྣཾ བྷ་ཝ་ངྒ་ཙི་ཏྟཱ་ནཾ པ་ཉྩ་ནྣཾ ཏ་དཱ་ར་མྨ་ཎཱ་ནཾ ཨ་ཏྟ་ནོ པ་ཙྪི་མ་སྶ ཙཱ་ཏི ཨ་གྒ་ཧི་ཏ་གྒ་ཧ་ཎེ་ན ས་ཏྟ་ར་ས་ནྣཾ. ཀཱ་མཱ་ཝ་ཙ་ར་ཏི་ཧེ་ཏུ་ཀ་ཨུ་པེ་ཀྑཱ་ས་ཧ་ག་ཏ་ཀི་རི་ཡ་དྭ་ཡཾ ཏེ་སཾ་ཡེ་ཝ ཏེ་ར་ས་ནྣཾ བྷ་ཝ་ངྒཱ་ནཾ, ཏ་དཱ་ར་མྨ་ཎ་ཝ་སེ་ན པ་ཝ་ཏྟཱ་ནཾ ཚ་ནྣཾ ཨུ་པེ་ཀྑཱ་ས་ཧ་ག་ཏ་ཝི་པཱ་ཀཱ་ནཾ, པ་རི་ཀ་མྨ་ཝ་སེ་ན པ་ཝ་ཏྟཱ་ནཾ ཨེ་ཀི་སྶཱ རཱུ་པཱ་ཝ་ཙ་ར་ཀི་རི་ཡཱ་ཡ ཙ་ཏུ་ནྣཾ ཨ་རཱུ་པཱ་ཝ་ཙ་ར་ཀི་རི་ཡཱ་ནཾ ཨ་ར་ཧ་ཏྟ་ཕ་ལ་ས་མཱ་པ་ཏྟི་ཡཱ ཨ་ཏྟ་ནོ པ་ཙྪི་མ་སྶ ཙཱ་ཏི ཨ་གྒ་ཧི་ཏ་གྒ་ཧ་ཎེ་ན ཙ་ཏུ་ཝཱི་ས་ཏི་ཡཱ. དུ་ཧེ་ཏུ་ཀ་ཨུ་པེ་ཀྑཱ་ས་ཧ་ག་ཏ་ཀི་རི་ཡ་དྭ་ཡཾ ཏེ་སཾ་ཡེ་ཝ ཏེ་ར་ས་ནྣཾ བྷ་ཝ་ངྒཱ་ནཾ ཚ་ནྣཾ ཏ་དཱ་ར་མྨ་ཎཱ་ནཾ ཨ་ཏྟ་ནོ པ་ཙྪི་མ་སྶ ཙཱ་ཏི ཨ་གྒ་ཧི་ཏ་གྒ་ཧ་ཎེ་ན ཨ་ཊྛཱ་ར་ས་ནྣཾ. རཱུ་པཱ་ཝ་ཙ་ར་ཀི་རི་ཡེ་སུ ཨེ་ཀེ་ཀཾ ན་ཝ་ནྣཾ པ་ཉྩ་ཝོ་ཀཱ་རེ ཏི་ཧེ་ཏུ་ཀ་བྷ་ཝ་ངྒཱ་ནཾ ཨ་ཏྟ་ནོ པ་ཙྪི་མ་སྶ ཙཱ་ཏི ད་ས་ནྣཾ. ཨ་རཱུ་པཱ་ཝ་ཙ་ར་ཀི་རི་ཡེ་སུ པ་ཋ་མཾ པ་ཉྩ་ཝོ་ཀཱ་རེ ན་ཝ་ནྣཾ བྷ་ཝ་ངྒཱ་ནཾ, ཙ་ཏུ་ཝོ་ཀཱ་རེ ཨེ་ཀ་སྶ ཨ་ཏྟ་ནོ པ་ཙྪི་མ་སྶ ཙཱ་ཏི ཨེ་ཀཱ་ད་ས་ནྣཾ. དུ་ཏི་ཡཾ ཙ་ཏུ་ཝོ་ཀཱ་རེ དྭེ བྷ་ཝ་ངྒཱ་ནི ལ་བྷ་ཏི. ཏ་ཏི་ཡཾ ཏཱི་ཎི, ཙ་ཏུ་ཏྠཾ ཙ་ཏྟཱ་རི ཕ་ལ་ས་མཱ་པ་ཏྟི་ཉྩཱ་ཏི ཏེ་སུ ཨེ་ཀེ་ཀཾ ཡ་ཐཱ་པ་ཊི་པཱ་ཊི་ཡཱ ཨེ་ཀཱ་ད་ས་ནྣཾ དྭཱ་ད་ས་ནྣཾ ཏེ་ར་ས་ནྣཾ པ་ཉྩ་ད་ས་ནྣ་ཉྩ ཨ་ན་ནྟ་ར་པ་ཙྩ་ཡོ ཧོ་ཏི. ཨེ་ཝཾ བ་ཧུ་ཝི་དྷེ་ནཱ་པི ནི་དྡེ་སཾ ལ་བྷ་ཏི. ཏེ་ན ཝུ་ཏྟཾ –

‘‘ད་ས་དྷཱ ས་ཏྟ་ར་ས་དྷཱ, ས་མ་ས་ཊྛི་ཝི་དྷེ་ན ཙ;

བ་ཧུ་དྷཱ་པི ཙ ནི་དྡེ་སཾ, སཱ་དྷུ་ཀཾ ཨུ་པ་ལ་ཀྑ་ཡེ’’ཏི.

ས་མ་ན་ནྟ་ར་པ་ཙྩ་ཡཱ་ད་ཡོ ཨུ་ཏྟཱ་ན་ཏྠཱ་ཡེ་ཝ.

༤༢༣. ཨུ་པ་ནི་སྶ་ཡེ ས་དྡྷཾ ཨུ་པ་ནི་སྶཱ་ཡཱཏི ཀ་མྨ་ཀ་མྨ་ཕ་ལ་ཨི་དྷ་ལོ་ཀ་པ་ར་ལོ་ཀཱ་དཱི་སུ ས་དྡྷཾ ཨུ་པ་ནི་སྶ་ཡཾ ཀ་ཏྭཱ. ཡ་ཐཱ ཧི པུ་རི་སོ ཧེ་ཊྛཱ་པ་ཐ་ཝི་ཡཾ ཨུ་ད་ཀཾ ཨ་ཏྠཱི་ཏི ས་དྡ་ཧི་ཏྭཱ པ་ཐ་ཝིཾ ཁ་ན་ཏི, ཨེ་ཝཾ ས་དྡྷོ ཀུ་ལ་པུ་ཏྟོ དཱ་ནཱ་དཱི་ནཾ ཕ་ལ་ཉྩ ཨཱ་ནི་སཾ་ས་ཉྩ ས་དྡ་ཧི་ཏྭཱ དཱ་ནཱ་དཱི་ནི པ་ཝ་ཏྟེ་ཏི. ཏ་སྨཱ ‘‘ས་དྡྷཾ ཨུ་པ་ནི་སྶཱ་ཡཱ’’ཏི ཝུ་ཏྟཾ.

སཱི་ལཾ ཨུ་པ་ནི་སྶཱ་ཡཱཏི་ཨཱ་དཱི་སུ་པི ཨི་མེ སཱི་ལཱ་ད་ཡོ དྷ་མྨེ ཨུ་པ་ནི་སྶ་ཡཾ ཀ་ཏྭཱ་ཏི ཨ་ཏྠོ. སཱི་ལ་ཝཱ ཧི སཱི་ལཱ་ནུ་བྷཱ་ཝེ་སུ སཱི་ལཱ་ནི་སཾ་སེ་སུ ཙ ཀུ་ས་ལོ སཱི་ལཾ ཨུ་པ་ནི་སྶཱ་ཡ སཱི་ལ་ཝ་ནྟཱ་ནཾ དཱ་ནཾ དེ་ཏི, ཨུ་པ་རཱུ་པ་རི སཱི་ལཾ ས་མཱ་དི་ཡ་ཏི སུ་པ་རི་སུ་དྡྷཾ ཨ་ཁ་ཎྜཾ, ཙཱ་ཏུ་དྡ་སཱི་ཨཱ་དཱི་སུ པ་ཀྑ་དི་ཝ་སེ་སུ ཨུ་པོ་ས་ཐ་ཀ་མྨཾ ཀ་རོ་ཏི, སཱི་ལ་ས་མྤ་དཾ ནི་སྶཱ་ཡ ཛྷཱ་ནཱ་དཱི་ནི ཨུ་པྤཱ་དེ་ཏི. བ་ཧུ་སྶུ་ཏོ་པི དཱ་ནཱ་དི་པུ་ཉྙ་ཀི་རི་ཡཱ་ཡ་ཏྟཱ ས་བྦ་ས་མྤ་ཏྟི་ཡོ དཱ་ནཱ་དཱི་ན་ཉྩ ས་ངྐི་ལེ་ས་ཝོ་དཱ་ནཱ་དི་བྷེ་དཾ སུ་ཏ་མ་ཡཱ་ཡ པ་ཉྙཱ་ཡ པ་ཊི་ཝི་ཛ྄ཛྷི་ཏྭཱ ཋི་ཏོ སུ་ཏཾ ཨུ་པ་ནི་སྶཱ་ཡ དཱ་ནཱ་དཱི་ནི པ་ཝ་ཏྟེ་ཏི. ཙཱ་ག་ཝཱ་པི ཙཱ་གཱ་དྷི་མུ་ཏྟོ ཨ་ཏྟ་ནོ ཙཱ་ག་ས་མྤ་དཾ ཨུ་པ་ནི་སྶཱ་ཡ དཱ་ནཾ དེ་ཏི, སཱི་ལ་ཝ་ནྟོ ཧུ་ཏྭཱ དི་ནྣཾ མ་ཧ་པྥ་ལ་ནྟི སཱི་ལཾ ས་མཱ་དི་ཡ་ཏི, ཨུ་པོ་ས་ཐ་ཀ་མྨཾ ཀ་རོ་ཏི, ཏཱ་ཡ པ་ཊི་པ་ཏྟི་ཡཱ པ་རི་སུ་དྡྷ་ཙི་ཏྟོ ཛྷཱ་ནཱ་དཱི་ནི ཨུ་པྤཱ་དེ་ཏི. པ་ཉྙ་ཝཱ་པི ཨི་དྷ་ལོ་ཀ་པ་ར་ལོ་ཀ་ཧི་ཏ་ཉྩེ་ཝ ལོ་ཀ་ས་མ་ཏི་ཀྐ་མ་ནུ་པཱ་ཡ་ཉྩ ཨུ་པ་པ་རི་ཀྑ་ནྟོ ‘‘ས་ཀྐཱ ཨི་མཱ་ཡ པ་ཊི་པ་ཏྟི་ཡཱ ཨི་དྷ་ལོ་ཀ་ཧི་ཏ་མྤི པ་ར་ལོ་ཀ་ཧི་ཏ་མྤི ལོ་ཀ་ས་མ་ཏི་ཀྐ་མ་ནཱུ་པཱ་ཡ་ཉྩ ས་མྤཱ་དེ་ཏུ’’ནྟི པ་ཉྙཾ ཨུ་པ་ནི་སྶཱ་ཡ དཱ་ནཱ་དཱི་ནི པ་ཝ་ཏྟེ་ཏི. ཡ་སྨཱ པ་ན ན ཀེ་ཝ་ལཾ ས་དྡྷཱ་ད་ཡོ དཱ་ནཱ་དཱི་ནཾ་ཡེ་ཝ ཨུ་པ་ནི་སྶ་ཡཱ, ཨ་ཏྟ་ནོ ཨ་པ་ར་བྷཱ་གེ ཨུ་པྤ་ཛྫ་མཱ་ནཱ་ནཾ ས་དྡྷཱ་དཱི་ན་མྤི ཨུ་པ་ནི་སྶ་ཡཱ ཨེ་ཝ, ཏ་སྨཱ ས་དྡྷཱ སཱི་ལཾ སུ་ཏཾ ཙཱ་གོ པ་ཉྙཱ ས་དྡྷཱ་ཡ སཱི་ལ་སྶ སུ་ཏ་སྶ ཙཱ་ག་སྶ པ་ཉྙཱ་ཡཱཏི ཝུ་ཏྟཾ.

པ་རི་ཀ་མྨནྟི ཨ་ན་ནྟ་རཾ ཨ་གྒ་ཧེ་ཏྭཱ པུ་བྦ་བྷཱ་གེ པ་རི་ཀ་མྨཾ ག་ཧེ་ཏ་བྦཾ. ཡ་ཐཱ་ཀ་མྨཱུ་པ་ག་ཉཱ་ཎ་སྶ ཨ་ནཱ་ག་ཏཾ་ས་ཉཱ་ཎ་སྶཱཏི ཨི་མེ་སཾ དྭི་ནྣཾ དི་བྦ་ཙ་ཀྑུ་པ་རི་ཀ་མྨ་མེ་ཝ, པ་རི་ཀ་མྨཾ ཝི་སུཾ ན་ཏྠི. དི་བྦ་ཙ་ཀྑུ་སྶེ་ཝ པ་རི་བྷ་ཎྜ་ཉཱ་ཎཱ་ནི ཨེ་ཏཱ་ནི, ཏ་སྨིཾ ཨི་ཛ྄ཛྷ་མཱ་ནེ ཨི་ཛ྄ཛྷ་ནྟི ཨེ་ཝཾ ས་ནྟེ་པི ཏ་ད་དྷི་མུ་ཏྟ་ཏཱ་ཡ ས་ཧི་ཏཾ དི་བྦ་ཙ་ཀྑུ་པ་རི་ཀ་མྨཾ ཏེ་སཾ པ་རི་ཀ་མྨ་ནྟི ཝེ་དི་ཏ་བྦཾ. ན ཧི ཨེ་ཏཱ་ནི ས་བྦེ་སཾ དི་བྦ་ཙ་ཀྑུ་ཀཱ་ནཾ ས་མ་ག་ཏི་ཀཱ་ནི ཧོ་ནྟི. ཏ་སྨཱ བྷ་ཝི་ཏ་བྦ་མེ་ཏྠ པ་རི་ཀ་མྨ་ཝི་སེ་སེ་ནཱ་ཏི. དི་བྦ་ཙ་ཀྑུ དི་བྦཱ་ཡ སོ་ཏ་དྷཱ་ཏུ་ཡཱཏི དཱུ་རེ རཱུ་པཱ་ནི དི་སྭཱ ཏེ་སཾ ས་དྡཾ སོ་ཏུ་ཀཱ་མ་སྶ དི་བྦ་ཙ་ཀྑུ སོ་ཏ་དྷཱ་ཏུ་ཝི་སུ་དྡྷི་ཡཱ ཨུ་པ་ནི་སྶ་ཡོ ཧོ་ཏི. ཏེ་སཾ པ་ན ས་དྡཾ སུ་ཏྭཱ ཏ་ཏྠ ག་ནྟུ་ཀཱ་མ་ཏཱ་དི་ཝ་སེ་ན དི་བྦ་སོ་ཏ་དྷཱ་ཏུ ཨི་དྡྷི་ཝི་དྷ་ཉཱ་ཎ་སྶ ཨུ་པ་ནི་སྶ་ཡོ ཧོ་ཏི. ཨེ་ཝཾ ས་བྦ་ཏྠ ཏ་སྶ ཏ་སྶ ཨུ་པ་ཀཱ་ར་ཀ་བྷཱ་ཝ་ཝ་སེ་ན ཨུ་པ་ནི་སྶ་ཡ་པ་ཙྩ་ཡ་ཏཱ ཝེ་དི་ཏ་བྦཱ.

མ་གྒཾ ཨུ་པ་ནི་སྶཱ་ཡ ཨ་ནུ་པྤ་ནྣཾ ས་མཱ་པ་ཏྟིནྟི ཏེ་ན ཏེ་ན མ་གྒེ་ན སི་ཐི་ལཱི་ཀ་ཏ་པཱ་རི་པ་ནྠ་ཀ་ཏྟཱ པ་ཧཱི་ན་པཱ་རི་པ་ནྠ་ཀ་ཏྟཱ ཙ ཏཾ ཏཾ ས་མཱ་པ་ཏྟིཾ ཨུ་པྤཱ་དེ་ནྟཱི་ཏི ཏེ་སཾ མ་གྒོ ས་མཱ་པ་ཏྟི་ཡཱ ཨུ་པ་ནི་སྶ་ཡོ ཧོ་ཏི. ཝི་པ་སྶ་ནྟཱིཏི ཨུ་པ་རཱུ་པ་རི་མ་གྒ་ཏྠཱ་ཡ ཝི་པ་སྶ་ནྟི. ཨ་ཏྠ་པ་ཊི་ས་མྦྷི་དཱ་ཡཱཏི་ཨཱ་དི པ་ཊི་ས་མྦྷི་དཱ་ནཾ མ་གྒ་པ་ཊི་ལཱ་བྷེ་ནེ་ཝ ཨི་ཛ྄ཛྷ་ན་ཏོ ཝུ་ཏྟཾ. ཨེ་ཝཾ་ཨི་དྡྷཱ་ན་ཉྩ པ་ནེ་ཏཱ་སཾ པ་ཙྪཱ ཏེ་སུ ཏེ་སུ ཨཱ་ར་མྨ་ཎེ་སུ པ་ཝ་ཏྟི་ཡཱ མ་གྒོ་ཝ ཨུ་པ་ནི་སྶ་ཡོ ནཱ་མ ཧོ་ཏི.

ས་དྡྷཾ ཨུ་པ་ནི་སྶཱ་ཡ མཱ་ནཾ ཛ་པྤེ་ཏཱིཏི ཨ་ཧ་མ་སྨི ས་དྡྷོ པ་ས་ནྣོ་ཏི མཱ་ནཾ པ་ཝ་ཏྟེ་ཏི. དི་ཊྛིཾ ག་ཎྷཱ་ཏཱིཏི ཏ་སྨིཾ ཏ་སྨིཾ ཝ་ཙ་ནེ ས་དྡྷཱ་ཝ་སེ་ནེ་ཝ ག་ནྟྭཱ པ་ཉྙཱ་ཡ ཨ་ཏྠཾ ཨ་ནུ་པ་པ་རི་ཀྑ་ནྟོ ‘‘ཨ་ཏྠི པུ་གྒ་ལོ’’ཏི་ཨཱ་དི་ཝ་སེ་ན དི་ཊྛིཾ ག་ཎྷཱ་ཏི. སཱི་ལཾ སུ་ཏཾ ཙཱ་གཾ པ་ཉྙནྟི ཨ་ཧ་མ་སྨི སཱི་ལ་ཝཱ སུ་ཏ་ཝཱ ཙཱ་གཱི པ་ཉྙཱ་ས་མྤ་ནྣོ་ཏི མཱ་ནཾ ཛ་པྤེ་ཏི. སཱི་ལ་སུ་ཏ་ཙཱ་ག་པ་ཉྙཱ་སུ པ་ན མཱ་ན་མ་ཉྙ་ནཾ ཝི་ཡ དི་ཊྛི་མ་ཉྙ་ནཾ ཨུ་པྤཱ་དེ་ནྟོ དི་ཊྛིཾ ག་ཎྷཱ་ཏི. རཱ་ག་སྶཱཏི་ཨཱ་དཱི་སུ ས་དྡྷཱ་དི་ས་མྤ་དཾ ཨུ་པ་ནི་སྶཱ་ཡ ཨ་ཏྟུ་ཀྐཾ་ས་ན་ཀཱ་ལེ ཏེ་སུ ཨེ་ཀེ་ཀོ དྷ་མྨོ རཱ་ག་སྶ, པ་ར་ཝ་མྦྷ་ན་ཀཱ་ལེ དོ་ས་སྶ, ཨུ་བྷ་ཡེ་ན ས་མྤ་ཡུ་ཏྟ་སྶ མོ་ཧ་སྶ, ཝུ་ཏྟ་པྤ་ཀཱ་རཱ་ནཾ མཱ་ན་དི་ཊྛཱི་ནཾ, ས་དྡྷཱ་དི་ས་མྤ་དཾ ཨུ་པ་ནི་སྶཱ་ཡ བྷ་ཝ་བྷོ་ག་ས་མྤ་ཏྟི་པ་ཏྠ་ནཱ་ཡ ཨུ་པ་ནི་སྶ་ཡོ ཧོ་ཏི. ཨེ་ཝ་མེ་ཏྠ ལོ་ཀི་ཡ་ཀུ་ས་ལ་ཉྙེ་ཝ ད་སྶི་ཏཾ. ལོ་ཀུ་ཏྟ་རཾ པ་ན ས་ནྟཾ པ་ཎཱི་ཏཾ ཨུ་ཏྟ་མཾ ཨ་ཀུ་ས་ལ་ཝི་དྡྷཾ་ས་ནཾ. ཏ་སྨཱ ཙ་ནྡོ ཝི་ཡ ཨ་ནྡྷ་ཀཱ་ར་ཏ་མཱ་ནཾ ན ཨ་ཀུ་ས་ལ་སྶ ཨུ་པ་ནི་སྶ་ཡོ ཧོ་ཏཱི་ཏི ན ག་ཧི་ཏཾ.

ཨཱ་ཏཱ་པེ་ཏཱིཏི་ཨཱ་དི ཀཱ་ཡི་ཀ་དུ་ཀྑ་ཝ་སེ་ན ཨ་བྱཱ་ཀ་ཏ་དྷ་མྨ་ད་སྶ་ན་ཏྠཾ ཝུ་ཏྟཾ. ས་དྡྷོ ཧི ས་དྡྷཾ ནི་སྶཱ་ཡ ཨ་ཏི་སཱི་ཏཾ ཨ་ཏི་ཨུ་ཎྷ་ནྟི ཨ་ནོ་ས་ཀྐི་ཏྭཱ ནཱ་ན་པྤ་ཀཱ་རཱ་ནི ན་ཝ་ཀ་མྨ་ཝེ་ཡྻཱ་ཝ་ཙྩཱ་དཱི་ནི ཀ་རོ་ནྟོ ཨ་ཏྟཱ་ནཾ ཨཱ་ཏཱ་པེ་ཏི པ་རི་ཏཱ་པེ་ཏི, བྷོ་གཾ ཨུ་པྤཱ་དེ་ཏྭཱ པུ་ཉྙཱ་ནི ཀ་རི་སྶཱ་མཱི་ཏི པ་རི་ཡེ་ཊྛི་མཱུ་ལ་ཀཾ དུ་ཀྑཾ པ་ཙྩ་ནུ་བྷོ་ཏི. སཱི་ལ་ཝཱ་པི སཱི་ལཱ་ནུ་ར་ཀྑ་ཎ་ཏྠཾ ཨ་བྦྷོ་ཀཱ་སི་ཀ་ཏྟཱ་དི་ཝ་སེ་ན ཨ་ཏྟཱ་ནཾ ཨཱ་ཏཱ་པེ་ཏི པ་རི་ཏཱ་པེ་ཏི, པི་ཎྜ་ཙཱ་རི་ཀ་ཏྟཱ་དི་ཝ་སེ་ན པ་རི་ཡེ་ཊྛི་མཱུ་ལ་ཀཾ དུ་ཀྑཾ པ་ཙྩ་ནུ་བྷོ་ཏི. སུ་ཏ་ཝཱ་པི བཱ་ཧུ་སྶ་ཙྩཱ་ནུ་རཱུ་པཾ པ་ཊི་པ་ཏྟིཾ པ་ཊི་པ་ཛྫི་སྶཱ་མཱི་ཏི ཝུ་ཏྟ་ན་ཡེ་ནེ་ཝ པ་ཊི་པ་ཛྫ་ནྟོ ཨ་ཏྟཱ་ནཾ ཨཱ་ཏཱ་པེ་ཏི པ་རི་ཏཱ་པེ་ཏི, པ་རི་ཡེ་ཊྛི་མཱུ་ལ་ཀཾ དུ་ཀྑཾ པ་ཙྩ་ནུ་བྷོ་ཏི. ཙཱ་ག་ཝཱ་པི ཙཱ་གཱ་དྷི་མུ་ཏྟ་ཏཱ་ཡ ཨ་ཏྟ་ནོ ཡཱ་པ་ན་མ་ཏྟེ་པི པ་ཙྩ་ཡེ ཨ་ན་ཝ་སེ་སེ་ཏྭཱ པ་རི་ཙྩ་ཛ་ནྟོ, ཨ་ངྒཱ་དི་པ་རི་ཙྩཱ་གཾ ཝཱ པ་ན ཀ་རོ་ནྟོ ཨ་ཏྟཱ་ནཾ ཨཱ་ཏཱ་པེ་ཏི པ་རི་ཏཱ་པེ་ཏི, པ་རི་ཙྩ་ཛི་ཏ་བྦ་སྶ ཝ་ཏྠུ་ནོ ཨུ་པྤཱ་ད་ན་ཏྠཾ པ་རི་ཡེ་ཊྛི་མཱུ་ལ་ཀཾ དུ་ཀྑཾ པ་ཙྩ་ནུ་བྷོ་ཏི. པ་ཉྙ་ཝཱ་པི ཨུ་པ་རཱུ་པ་རི པ་ཉྙཾ ཝ་ཌྜྷེ་སྶཱ་མཱི་ཏི ས་པྤ་ཉྙ་ཏཾ ནི་སྶཱ་ཡ སཱི་ཏུ་ཎྷཱ་དཱི་ནི ཨ་ག་ཎེ་ཏྭཱ ས་ཛ྄ཛྷཱ་ཡ་མ་ན་སི་ཀཱ་རེ་སུ ཡོ་གཾ ཀ་རོ་ནྟོ ཨ་ཏྟཱ་ནཾ ཨཱ་ཏཱ་པེ་ཏི པ་རི་ཏཱ་པེ་ཏི, མི་ཙྪཱ་ཛཱི་ཝེ ཨཱ་དཱི་ན་ཝཾ ས་མྨཱ་ཛཱི་ཝེ ཙ ཨཱ་ནི་སཾ་སཾ དི་སྭཱ མི་ཙྪཱ་ཛཱི་ཝཾ པ་ཧཱ་ཡ པ་རི་སུ་དྡྷེ་ན ཨཱ་ཛཱི་ཝེ་ན ཛཱི་ཝི་ཏ་ཝུ་ཏྟིཾ པ་རི་ཡེ་ས་ནྟོ པ་རི་ཡེ་ཊྛི་མཱུ་ལ་ཀཾ དུ་ཀྑཾ པ་ཙྩ་ནུ་བྷོ་ཏི.

ཀཱ་ཡི་ཀ་སྶ སུ་ཁ་སྶཱཏི ས་དྡྷཱ་དི་ས་མྤ་ཏྟིཾ ཨུ་པ་ནི་སྶཱ་ཡ ཨུ་པྤ་ནྣཱ་ནི སུ་ཁོ་པ་ཀ་ར་ཎཱ་ནི པ་རི་བྷུ་ཉྫ་ན་ཀཱ་ལེ ས་དྡྷཱ་དི་ས་མུ་ཊྛཱ་ན་པ་ཎཱི་ཏ་རཱུ་པ་ཕུ་ཊ་ཀཱ་ཡ་སྶ ཙ ཏེ་སཾ ཝ་སེ་ན ཨ་ཝི་པྤ་ཊི་སཱ་ར་མཱུ་ལ་ཀ་པཱ་མོ་ཛྫ་པཱི་ཏི་ས་མུ་ཊྛཱ་ན་རཱུ་པ་ཕུ་ཊ་ཀཱ་ཡ་སྶ ཙ སུ་ཁུ་པྤ་ཏྟི་ཀཱ་ལེ ཏེ་སཾ ཀ་ཊ་ཏྟཱ ཨུ་པྤ་ནྣ་ཝི་པཱ་ཀ་སུ་ཁ་ཀཱ་ལེ ཙ ཀཱ་ཡི་ཀ་སྶ སུ་ཁ་སྶ, ཝུ་ཏྟ་ན་ཡེ་ནེ་ཝ དུ་ཀྑུ་པྤ་ཏྟི་ཀཱ་ལེ ས་དྡྷཱ་དི་གུ་ཎ་ས་མྤ་ཏྟིཾ ཨ་ས་ཧ་མཱ་ནེ་ཧི པ་ཡུ་ཏྟ་ཝ་དྷ་བ་ནྡྷ་ནཱ་དི་ཀཱ་ལེ ཙ ཀཱ་ཡི་ཀ་སྶ དུ་ཀྑ་སྶ, ས་དྡྷཱ་ད་ཡོ ཨུ་པ་ནི་སྶཱ་ཡ པ་ཝ་ཏྟི་ཏ་ཕ་ལ་ས་མཱ་པ་ཏྟི་ཀཱ་ལེ པ་ན ཕ་ལ་ས་མཱ་པ་ཏྟི་ཡཱ ཨེ་ཏེ་སུ ཨེ་ཀེ་ཀོ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ ཧོ་ཏཱི་ཏི ཝེ་དི་ཏ་བྦོ. ཀུ་ས་ལཾ ཀ་མྨནྟི ཀུ་ས་ལ་ཙེ་ཏ་ནཱ ཨ་ཏྟ་ནོ ཝི་པཱ་ཀ་སྶ ཨུ་པ་ནི་སྶ་ཡ་པ་ཙྩ་ཡོ, སཱ པ་ན བ་ལ་ཝ་ཙེ་ཏ་ནཱ་ཝ ལ་བྦྷ་ཏི, ན དུ་བྦ་ལཱ. ཏ་ཏྲི་དཾ ཝ་ཏྠུ – ཨེ་ཀཱ ཀི་ར ཨི་ཏྠཱི ཨུ་བྦ་ནྡྷི་ཏུ་ཀཱ་མཱ རུ་ཀྑེ ར་ཛྫུཾ ལ་གྒེ་ཏྭཱ སཾ་ཝི་དྷཱ་ཏ་བྦཾ སཾ་ཝི་ད་ཧ་ཏི. ཨ་ཐེ་ཀོ ཙོ་རོ ར་ཏྟི་བྷཱ་གེ ཏཾ གེ་ཧཾ ཨུ་པ་ས་ངྐ་མི་ཏྭཱ ‘‘ཨི་མཱ་ཡ ར་ཛྫུ་ཡཱ ཀི་ཉྩི་དེ་ཝ བ་ནྡྷི་ཏྭཱ ཧ་རི་སྶཱ་མཱི’’ཏི ས་ཏྠེ་ན ཚི་ནྡི་ཏུཾ ཨུ་པ་ག་ཏོ. ཨ་ཐ སཱ ར་ཛྫུ ཨཱ་སཱི་ཝི་སོ ཧུ་ཏྭཱ སུ་སཱུ་ཏི ཨ་ཀཱ་སི. ཙོ་རོ བྷཱི་ཏོ ཨ་པ་ས་ཀྐི. ཨི་ཏྠཱི ཨ་ཏྟ་ནོ ནི་ཝེ་ས་ནཱ ནི་ཀྑ་མི་ཏྭཱ ར་ཛྫུ་པཱ་སེ གཱི་ཝཾ པ་ཊི་མུ་ཉྩི་ཏྭཱ ཨུ་བྦ་ནྡྷཱ ཀཱ་ལ་མ་ཀཱ་སི. ཨེ་ཝཾ བ་ལ་ཝ་ཙེ་ཏ་ནཱ ཨ་ནྟ་རཱ་ཡེ ནི་ཝཱ་རེ་ཏྭཱ ཨ་ཏྟ་ནོ ཝི་པཱ་ཀ་སྶ ཨུ་པ་ནི་སྶ་ཡོ ཧོ་ཏི. ན པ་ནེ་ཏཾ ཨེ་ཀ་ནྟ་ཏོ ག་ཧེ་ཏ་བྦཾ. ཀ་ཏོ་ཀཱ་ས་ཉྷི ཀ་མྨཾ ཨེ་ཝ ཝི་པཱ་ཀ་སྶ ཨ་ནྟ་རཱ་ཡཾ པ་ཊི་བཱ་ཧི་ཏྭཱ ཝི་པ་ཙྩ་ཏི, ཝི་པཱ་ཀ་ཛ་ན་ཀཾ པ་ན ཀ་མྨཾ ཝི་པཱ་ཀ་སྶ ཨུ་པ་ནི་སྶ་ཡ་པ་ཙྩ་ཡོ ན ཧོ་ཏཱི་ཏི ན ཝ་ཏྟ་བྦཾ. ཀ་མྨནྟི ཨེ་ཏྠ ཙ་ཏུ་བྷཱུ་མ་ཀ་མྤི ཝེ་དི་ཏ་བྦཾ. ཡཾ པ་ན པ་ར་ཏོ ‘‘མ་གྒོ ཕ་ལ་ས་མཱ་པ་ཏྟི་ཡཱ’’ཏི ཝུ་ཏྟཾ, ཏཾ ཨ་ཙེ་ཏ་ནཱ་ཝ་སེ་ན. ཏེ་ནེ་ཏཾ དཱི་པེ་ཏི – ཡོ ཀོ་ཙི ཝི་པཱ་ཀ་ཛ་ན་ཀོ དྷ་མྨོ, སོ ཨ་ཏྟ་ནོ ཝི་པཱ་ཀ་སྶ ཨུ་པ་ནི་སྶ་ཡ་པ་ཙྩ་ཡོ ཧོ་ཏཱི་ཏི.

རཱ་གཾ ཨུ་པ་ནི་སྶཱ་ཡ པཱ་ཎཾ ཧ་ན་ཏཱིཏི ཡ་སྨིཾ ཝ་ཏྠུ་སྨིཾ སཱ་ར་ཏྟོ ཧོ་ཏི, ཏ་སྨིཾ ཝཱ ཝི་རུ་དྡྷཾ, ཏ་སྶ ཝཱ ཨ་ཏྠཱ་ཡ པཱ་ཎཾ ཧ་ན་ཏི. ཨ་དི་ནྣཱ་དཱ་ནཱ་དཱི་སུ་པི ཨེ་ཏེ་ནེ་ཝུ་པཱ་ཡེ་ན ཨ་ཏྠོ ཝེ་དི་ཏ་བྦོ. ས་ནྡྷིཾ ཚི་ནྡ་ཏཱིཏི ཨ་དི་ནྣཱ་དཱ་ན་ཝ་སེ་ན ཝུ་ཏྟཾ. ཏ་ཏྠ ས་ནྡྷིནྟི གེ་ཧ་ས་ནྡྷིཾ. ནི་ལློ་པཾ ཧ་ར་ཏཱིཏི ནི་ལཱི་ཡི་ཏྭཱ ཧ་ར་ཏི. ཨེ་ཀཱ་གཱ་རི་ཀཾ ཀ་རོ་ཏཱིཏི བ་ཧཱུ་ཧི ས་དྡྷིཾ ཨེ་ཀ་མེ་ཝ གེ་ཧཾ པ་རི་ཝཱ་རེ་ཏྭཱ ཝི་ལུ་མྤ་ཏི. པ་རི་པ་ནྠེ ཏི་ཊྛ་ཏཱིཏི པ་ནྠ་དཱུ་ཧ་ན་ཀ་མྨཾ ཀ་རོ་ཏི. དོ་སཾ ཨུ་པ་ནི་སྶཱ་ཡཱཏི་ཨཱ་དཱི་སུ ‘‘ཨ་ན་ཏྠཾ མེ ཨ་ཙ་རཱི’’ཏི་ཨཱ་དི་ཝ་སེ་ན ཨུ་པྤ་ནྣཾ དོ་སཾ ཨུ་པ་ནི་སྶ་ཡཾ ཀ་ཏྭཱ. མོ་ཧཾ ཨུ་པ་ནི་སྶཱ་ཡཱཏི པཱ་ཎཱ་ཏི་པཱ་ཏཱ་དཱི་སུ ཨཱ་དཱི་ན་ཝ་པ་ཊི་ཙྪཱ་ད་ཀཾ མོ་ཧཾ ཨུ་པ་ནི་སྶ་ཡཾ ཀ་ཏྭཱ. མཱ་ནཾ ཨུ་པ་ནི་སྶཱ་ཡཱཏི ཨ་ཧཾ ཀིཾ ཧ་ནི་ཏུཾ ན ས་ཀྐོ་མི, ཨཱ་དཱ་ཏུཾ ན ས་ཀྐོ་མཱི་ཏི མཱ་ནཾ ཨུ་པ་ནི་སྶ་ཡཾ ཀ་ཏྭཱ. ཀེ་ན་ཙི ཝཱ པ་ན ཨ་ཝ་ཉྙཱ་ཏོ ཧོ་ཏི པ་རི་བྷཱུ་ཏོ ཧཱི་ལི༹་ཏོ, ཏཾ ཨོ་མཱ་ནཾ ཨུ་པ་ནི་སྶ་ཡཾ ཀ་ཏྭཱ་ཏི་པི ཨ་ཏྠོ. དི་ཊྛིཾ ཨུ་པ་ནི་སྶཱ་ཡཱཏི ཡ་ཉྙཱ་དཱི་སུ བྲཱ་ཧྨ་ཎཱ་ད་ཡོ ཝི་ཡ པཱ་ད་སི་ཀ་མི་ལ་ཀྑུ་ཨཱ་ད་ཡོ ཝི་ཡ ཙ དི་ཊྛིཾ ཨུ་པ་ནི་སྶ་ཡཾ ཀ་ཏྭཱ. པ་ཏྠ་ནཾ ཨུ་པ་ནི་སྶཱ་ཡཱཏི ‘‘ས་ཙེ མེ ཨི་དཾ ནཱ་མ ཨི་ཛ྄ཛྷི་སྶ་ཏི, ཨེ་ཝ་རཱུ་པཾ ཏེ བ་ལི་ཀ་མྨཾ ཀ་རི་སྶཱ་མཱི་ཏི ཨེ་ཝཾ དེ་ཝ་ཏཱ་ཡཱ་ཙ་ན་ས་ངྑ་ཏཾ ཝཱ, ཨ་སུ་ཀཾ ནཱ་མ མེ གྷཱ་ཏེ་ཏྭཱ དེ་ཧི, ཨ་སུ་ཀ་སྶ ས་ནྟ་ཀཾ ཨཱ་ཧ་ར, ཨེ་ཧི ཝཱ མེ ཨེ་ཏཱ་ནི ཀ་མྨཱ་ནི ཀ་རོ་ནྟ་སྶ ས་ཧཱ་ཡོ ཧོ་ཧཱི’’ཏི ཨེ་ཝ་མཱ་དིཾ ཝཱ པ་ཏྠ་ནཾ ཨུ་པ་ནི་སྶ་ཡཾ ཀ་ཏྭཱ. རཱ་གོ དོ་སོ མོ་ཧོ མཱ་ནོ དི་ཊྛི པ་ཏྠ་ནཱ རཱ་ག་སྶཱཏི. ཨེ་ཏྠ རཱ་གོ རཱ་ག་སྶཱ་པི ཨུ་པ་ནི་སྶ་ཡོ ཧོ་ཏི དོ་སཱ་དཱི་ན་མྤི. དོ་སཱ་དཱི་སུ་པི ཨེ་སེ་ཝ ན་ཡོ.

པཱ་ཎཱ་ཏི་པཱ་ཏོ པཱ་ཎཱ་ཏི་པཱ་ཏ་སྶཱཏི པཱ་ཎཱ་ཏི་པཱ་ཏཱི ཨ་སཾ་ཝ་རེ ཋི་ཏ་ཏྟཱ ཨ་ཉྙ་མྤི པཱ་ཎཾ ཧ་ན་ཏི. ཡོ ཝཱ ཨེ་ཏེ་ན ཧ་ཏོ, ཏ་སྶ ཉཱ་ཏི་མི་ཏྟེ་ཧི ཨུ་པ་དྡུ་ཏོ ཏེ་སུ ཨ་ཉྙ་མྤི ཧ་ན་ཏི. ཨེ་ཝཾ པཱ་ཎཱ་ཏི་པཱ་ཏོ པཱ་ཎཱ་ཏི་པཱ་ཏ་སྶ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ. བྷ་ཎྜ་སཱ་མི་ཀཾ པ་ན གོ་པ་ཀཾ ཝཱ གྷཱ་ཏེ་ཏྭཱ པ་ར་བྷ་ཎྜ་ཧ་ར་ཎེ, སཱ་མི་ཀཾ གྷཱ་ཏེ་ཏྭཱ ཏ་སྶ དཱ་རཱ་ཏི་ཀྐ་མེ, ནཱ་ཧཾ ཧ་ནཱ་མཱི་ཏི མུ་སཱ་བྷ་ཎ་ནེ, ཀ་ཏ་སྶ པ་ཊི་ཙྪཱ་ད་ན་ཏྠཱ་ཡ ཨ་ཀ་ཏ་སྶ ཝཱ ཀ་ར་ཎ་ཏྠཱ་ཡ པེ་སུ་ཉྙཾ ཨུ་པ་སཾ་ཧཱ་རེ, ཏེ་ནེ་ཝ ན་ཡེ་ན ཕ་རུ་ས་ཝཱ་ཙཱ་ནི་ཙྪཱ་ར་ཎེ, ས་མྥ་པྤ་ལཱ་པ་བྷ་ཎ་ནེ, པ་རཾ ཧ་ནི་ཏྭཱ ཨ་བྷི་ཛ྄ཛྷཱ་ཡི་ཏ་བྦ་པ་ར་ཝི་ཏྟཱུ་པ་ཀ་ར་ཎཱ་བྷི་ཛ྄ཛྷཱ་ཡ་ནེ, ཡོ ཏེ་ན གྷཱ་ཏི་ཏོ ཧོ་ཏི; ཏ་སྶ མི་ཏྟཱ་མ་ཙྩཱ ཨུ་ཙྪི་ཛྫ་ནྟཱུ་ཏི་ཨཱ་དི་ཙི་ནྟ་ནེ ‘‘ཨེ་ཝཾ མེ པཱ་ཎཱ་ཏི་པཱ་ཏོ ནི་ཛྫི་ཎྞོ བྷ་ཝི་སྶ་ཏཱི’’ཏི དུ་ཀྐ་ར་ཀཱ་རི་ཀཱ་དི་ཝ་སེ་ན དི་ཊྛི་གྒ་ཧ་ཎ་ཀཱ་ལེ པཱ་ཎཱ་ཏི་པཱ་ཏོ ཨ་དི་ནྣཱ་དཱ་ནཱ་དཱི་ན་མྤི ཨུ་པ་ནི་སྶ་ཡོ ཧོ་ཏི. ཨི་མི་ནཱ ཨུ་པཱ་ཡེ་ན ཨ་དི་ནྣཱ་དཱ་ནཱ་དི་མཱུ་ལ་ཀེ་སུ་པི ཙ་ཀྐེ་སུ ཨ་ཏྠོ ཝེ་དི་ཏ་བྦོ.

མཱ་ཏུ་གྷཱ་ཏི་ཀ་མྨཾ མཱ་ཏུ་གྷཱ་ཏི་ཀ་མྨ་སྶཱཏི ཨ་ཉྙཾ མཱ་ཏ་རཾ ཧ་ན་ནྟཾ དི་སྭཱ ‘‘ཝ་ཊྚ་ཏི ཨེ་ཝཾ ཀཱ་ཏུ’’ནྟི ཨ་ཏྟ་ནོ མཱ་ཏ་རཾ ཧ་ན་ནྟ་སྶ ཝཱ, ཨེ་ཀ་སྨིཾ བྷ་ཝེ ཧ་ནྟྭཱ ཨ་པ་ར་སྨི་མྤི ཧ་ན་ན་ཝ་སེ་ན ཝཱ, ཨེ་ཀ་སྨིཾ་ཡེ་ཝ བྷ་ཝེ ‘‘ག་ཙྪ, མེ མཱ་ཏ་རཾ ཧ་ནཱ་ཧཱི’’ཏི པུ་ན་པྤུ་ནཾ ཨཱ་ཎཱ་པ་ན་ཝ་སེ་ན ཝཱ, དྭཱི་ཧི པ་ཧཱ་རེ་ཧི ནི་ཡ་ཏ་མ་ར་ཎཱ་ཡ དུ་ཏི་ཡ་པ་ཧཱ་ར་དཱ་ན་ཝ་སེ་ན ཝཱ མཱ་ཏུ་གྷཱ་ཏི་ཀ་མྨཾ མཱ་ཏུ་གྷཱ་ཏི་ཀ་མྨ་སྶ ཨུ་པ་ནི་སྶ་ཡོ ཧོ་ཏི. སེ་སཱ་ནི་པི ཡ་ཐཱ་ཡོ་གཾ ཨི་མི་ནཱ་ཝ ན་ཡེ་ན ཝེ་དི་ཏ་བྦཱ་ནི. ཡ་སྨཱ པ་ན བ་ལ་ཝཱ་ཀུ་ས་ལཾ དུ་བྦ་ལཱ་ཀུ་ས་ལ་སྶ ཨུ་པ་ནི་སྶ་ཡོ ན ཧོ་ཏི, ཏ་སྨཱ ཀ་མྨ་པ་ཐཱ་ན་ནྟ་རི་ཡ་ཀ་མྨ་ཝ་སེ་ནེ་ཝ དེ་ས་ནཱ ཀ་ཏཱ་ཏི ཝ་ད་ནྟི. ཏཾ ན ཨེ་ཀ་ནྟ་ཏོ ག་ཧེ་ཏ་བྦཾ. པཱ་ཎཱ་ཏི་པཱ་ཏཱ་དཱི་ནི ཧི ཀ་ཏྭཱ ‘‘ཀ་སྨཱ ཨེ་ཝ་མ་ཀཱ་སཱི’’ཏི ཙོ་དི་ཡ་མཱ་ནོ ཀོ་པ་མ་ཏྟ་ཀ་མྤི ཀ་རོ་ཏི. ཝི་པྤ་ཊི་སཱ་རཱི་པི ཧོ་ཏི. ཨ་པྤ་མ་ཏྟ་ཀེ་པི ཙ ཀི་ལེ་སེ ཨུ་པྤ་ནྣེ ཏཾ ཝ་ཌྜྷེ་ཏྭཱ ཝཱི་ཏི་ཀྐ་མཾ ཀ་རོ་ཏི. ཏ་སྨཱ བ་ལ་ཝཾ དུ་བྦ་ལ་སྶ དུ་བྦ་ལ་ཉྩ བ་ལ་ཝ་སྶཱ་པི ཨུ་པ་ནི་སྶ་ཡོ ཧོ་ཏི་ཡེ་ཝ. ཡཾ པ་ན པ་ཙྩ་ཡ་ཝི་བྷ་ངྒ་སྶ ཨུ་དྡེ་ས་ཝ་ཎྞ་ནཱ་ཡཾ ཝུ་ཏྟཾ ‘‘བ་ལ་ཝ་ཀཱ་ར་ཎ་ཊྛེ་ན ཨུ་པ་ནི་སྶ་ཡོ ཧོ་ཏཱི’’ཏི, ཏཾ ཀཱ་ར་ཎ་བྷཱ་ཝ་སྶེ་ཝ བ་ལ་ཝ་ཏཱ་ཡ ཝུ་ཏྟཾ, ན ཨུ་པ་ནི་སྶ་ཡ་པ་ཙྩ་ཡ་དྷ་མྨཱ་ནཾ. ཀ་མྨ་ཀི་ལེ་སཱ ཧི བ་ལ་ཝ་ནྟོ་པི དུ་བྦ་ལཱ་པི བ་ལ་ཝ་ཀཱ་ར་ཎཾ ཧོ་ནྟི་ཡེ་ཝ.

རཱ་གཾ ཨུ་པ་ནི་སྶཱ་ཡ དཱ་ནཾ དེ་ཏཱིཏི་ཨཱ་དཱི་སུ ཨ་ཧོ ཝ་ཏཱ་ཧཾ ཙཱ་ཏུ་མ་ཧཱ་རཱ་ཛི་ཀཱ་ནཾ དེ་ཝཱ་ནཾ ས་ཧ་བྱ་ཏཾ ཨུ་པ་པ་ཛྫེ་ཡྻ་ནྟི ཨུ་པ་པ་ཏྟི་བྷ་ཝེ ཝཱ བྷོ་གེ་སུ ཝཱ རཱ་གཾ ཨུ་པ་ནི་སྶཱ་ཡ དཱ་ནཾ དེ་ཏི. སཱི་ལ་ས་མཱ་དཱ་ན་ཨུ་པོ་ས་ཐ་ཀ་མྨེ་སུ་པི ཨེ་སེ་ཝ ན་ཡོ. ཛྷཱ་ནཾ པ་ན རཱ་ག་ཝི་ཀྑ་མྦྷ་ན་ཏྠཱ་ཡ, ཝི་པ་སྶ་ནཾ རཱ་ག་སྶ པ་ཧཱ་ན་ཏྠཱ་ཡ, མ་གྒཾ ས་མུ་ཙྪེ་ད་ན་ཏྠཱ་ཡ ཨུ་པྤཱ་དེ་ནྟོ རཱ་གཾ ཨུ་པ་ནི་སྶཱ་ཡ ཨུ་པྤཱ་དེ་ཏི ནཱ་མ. ཝཱི་ཏ་རཱ་ག་བྷཱ་ཝ་ཏྠཱ་ཡ པ་ན ཨ་བྷི་ཉྙཾ ས་མཱ་པ་ཏྟི་ཉྩ ཨུ་པྤཱ་དེ་ནྟོ རཱ་གཾ ཨུ་པ་ནི་སྶཱ་ཡ ཨུ་པྤཱ་དེ་ཏི ནཱ་མ. ཨེ་ཏྟཱ་ཝ་ཏཱ ཧི ཝཱི་ཏ་རཱ་གོ ནཱ་མ ཧོ་ཏི.

ས་དྡྷཱ་ཡཱཏི དཱ་ནཱ་དི་ཝ་སེ་ན པ་ཝ་ཏྟ་ས་དྡྷཱ་ཡ སཱི་ལཱ་དཱི་སུ་པི ཨེ་སེ་ཝ ན་ཡོ. ཡ་ཐེ་ཝ ཧི དཱ་ནཱ་དི་ཝ་སེ་ན ས་དྡྷཱ་ད་ཡོ ཨུ་པྤཱ་དེ་ནྟོ རཱ་གཾ ཨུ་པ་ནི་སྶཱ་ཡ ཨུ་པྤཱ་དེ་ཏི ནཱ་མ, ཨེ་ཝཾ རཱ་གཱ་ད་ཡོ་པི ས་དྡྷཱ་དཱི་ནཾ ཨུ་པ་ནི་སྶ་ཡ་པ་ཙྩ་ཡཱ ནཱ་མ ཧོ་ནྟཱི་ཏི ཝེ་དི་ཏ་བྦཱ. ཏ་སྶ པ་ཊི་གྷཱ་ཏ་ཏྠཱ་ཡཱཏི ཏ་སྶ པ་ཊི་བཱ་ཧ་ན་ཏྠཱ་ཡ, ཝི་པཱ་ཀོ་ཀཱ་ས་སྶ ཨ་ནུ་པྤ་དཱ་ན་ཏྠཱ་ཡཱ་ཏི ཨ་ཏྠོ. ས་པྤ་ཊི་གྷཱ་ཏེ་སུ ཏཱ་ཝ ཨེ་ཝཾ ཧོ་ཏུ, ཡཱ་ནི པ་ན ཨ་པྤ་ཊི་གྷཱ་ཏཱ་ནི ཨཱ་ན་ནྟ་རི་ཡ་ཀ་མྨཱ་ནི, ཏེ་སུ ‘‘ཏ་སྶ པ་ཊི་གྷཱ་ཏ་ཏྠཱ་ཡཱ’’ཏི ཀ་སྨཱ ཝུ་ཏྟ་ནྟི? ཏ་སྶ ཨ་ཛ྄ཛྷཱ་ས་ཡ་ཝ་སེ་ན. ཏ་པྤ་ཊི་གྷཱ་ཏ་ཏྠཱ་ཡ པ་ཝ་ཏྟེ་མཱི་ཏི ཧི་སྶ ཨ་ཛ྄ཛྷཱ་ས་ཡོ, ཏཾ ག་ཧེ་ཏྭཱ ཨེ་ཝཾ ཝུ་ཏྟཾ.

རཱ་གཾ ཨུ་པ་ནི་སྶཱ་ཡ ཨ་ཏྟཱ་ནཾ ཨཱ་ཏཱ་པེ་ཏཱིཏི ཡ་ཏྠ ར་ཏྟོ, ཏ་སྶ དུ་ཀྐ་རེ་ན པ་ཏྟིཾ ས་མྤ་སྶ་ནྟོ ཨེ་ཝཾ ཀ་རོ་ཏཱི་ཏི ས་བྦཾ པུ་རི་མ་ན་ཡེ་ནེ་ཝ ཝེ་དི་ཏ་བྦཾ. ཀཱ་ཡི་ཀ་སྶ སུ་ཁ་སྶཱཏི རཱ་གཱ་དི་ས་མ་ཏི་ཀྐ་མ་ཝ་སེ་ན ཀུ་ས་ལཾ ཀ་ཏྭཱ པ་ཊི་ལ་དྡྷ་སུ་ཁ་སྶ ཝཱ རཱ་གཱ་དི་ཝ་སེ་ན ཨ་ནཱ་དཱི་ན་ཝ་ད་སྶཱ་ཝི་ནོ ཀཱ་མེ པ་རི་བྷུ་ཉྫ་ན་ཝ་སེ་ན ཨུ་པྤ་ནྣ་སུ་ཁ་སྶ ཝཱ. དུ་ཀྑ་སྶཱཏི ཨཱ་ཏཱ་པ་ནཱ་དི་ཝ་སེ་ན ཨུ་པྤ་ནྣ་སུ་ཁ་སྶ ཝཱ རཱ་གཱ་དི་ཧེ་ཏུ པ་ཝ་ཏྟ་ཝ་དྷ་བ་ནྡྷ་ནཱ་དི་ཝ་སེ་ན ཨུ་པྤ་ནྣ་དུ་ཀྑ་སྶ ཝཱ. ཕ་ལ་ས་མཱ་པ་ཏྟི་ཡཱཏི རཱ་གཱ་ད་ཡོ ས་མུ་ཙྪི་ནྡི་ཏྭཱ ཝཱ ཨུ་པྤཱ་དི་ཏཱ་ཡ ཏེ་ཧི ཝཱ ཨ་ཊྚཱི་ཡ་མཱ་ནེ་ན ས་མཱ་པ་ནྣཱ་ཡ.

ཀཱ་ཡི་ཀཾ སུ་ཁནྟི་ཨཱ་དཱི་སུ སུ་ཁེ ཨུ་པྤ་ནྣེ ཏཾ ཨ་སྶཱ་དེ་ཏྭཱ པུ་ན་པྤུ་ནཾ ཏ་ཐཱ་རཱུ་པེ་ཧེ་ཝ པ་ཙྩ་ཡེ་ཧི ཏཾ ཨུ་པྤཱ་དེ་ནྟ་སྶ པུ་རི་མཾ པ་ཙྪི་མ་སྶ ཨུ་པ་ནི་སྶ་ཡོ ཧོ་ཏི. སཱི་ཏཱ་དཱི་སུ པ་ན ཨ་གྒི་ས་ནྟཱ་པ་ནཱ་དཱི་ནི ཨ་ཏི་སེ་ཝ་ནྟ་སྶ པུ་བྦ་བྷཱ་གེ སུ་ཁཾ ཨ་པ་ར་བྷཱ་གེ དུ་ཀྑ་སྶ, ‘‘སུ་ཁོ ཝ་ཏི མི་སྶཱ པ་རི་བྦཱ་ཛི་ཀཱ་ཡ ཏ་རུ་ཎཱ་ཡ ལོ་མ་སཱ་ཡ བཱ་ཧཱ་ཡ ས་མྥ་སྶོ’’ཏི ཀཱ་མེ་སུ པཱ་ཏ་བྱ་ཏཾ ཨཱ་པ་ཛྫ་ནྟ་སྶ ཨི་དྷ ཀཱ་ཡི་ཀཾ སུ་ཁཾ ནེ་ར་ཡི་ཀ་སྶ ཀཱ་ཡི་ཀ་དུ་ཀྑ་སྶ, ཨ་རོ་ག་བྷཱ་ཝེ་ན པ་ན སུ་ཁི་ནོ ཕ་ལ་ས་མཱ་པ་ཏྟིཾ ས་མཱ་པ་ཛྫ་ནྟ་སྶ ཀཱ་ཡི་ཀཾ སུ་ཁཾ ཕ་ལ་ས་མཱ་པ་ཏྟི་ཡཱ ཨུ་པ་ནི་སྶ་ཡ་པ་ཙྩ་ཡོ ཧོ་ཏི. དུ་ཀྑ་པ་ཊི་གྷཱ་ཏཱ་ཡ པ་ན སུ་ཁཾ སེ་ཝ་ནྟ་སྶ དུ་ཀྑ་པ་ཊི་གྷཱ་ཏཱ་ཡ ཙ བྷ་ག་ཝ་ཏོ ཝི་ཡ ཨཱ་བཱ་དྷཾ ཝི་ཀྑ་མྦྷེ་ཏྭཱ ཕ་ལ་ས་མཱ་པ་ཏྟིཾ ས་མཱ་པ་ཛྫ་ནྟ་སྶ ཀཱ་ཡི་ཀ་དུ་ཀྑཾ ཀཱ་ཡི་ཀ་སུ་ཁ་སྶ ཙེ་ཝ ཕ་ལ་ས་མཱ་པ་ཏྟི་ཡཱ ཙ, ཨུ་པ་ནི་སྶ་ཡ་པ་ཙྩ་ཡོ ཧོ་ཏི. ཨུ་ཏུ་ས་པྤཱ་ཡོ སུ་ཁ་སྶ ཙེ་ཝ ཕ་ལ་ས་མཱ་པ་ཏྟི་ཡཱ ཙ, ཨ་ས་པྤཱ་ཡོ དུ་ཀྑ་སྶ. ཨུ་ཏུ་ཨ་ས་པྤཱ་ཡཾ ཝཱ ཨ་བྷི་བྷ་ཝི་ཏྭཱ ས་མཱ་པ་ཏྟི་ས་མུ་ཊྛི་ཏ་རཱུ་པ་ཝ་སེ་ན ཨུ་པྤ་ནྣཾ སུ་ཁཾ ཨ་ནུ་བྷ་ཝི་ཏུ་ཀཱ་མ་སྶ ཨ་ས་པྤཱ་ཡོ་པི ཨུ་ཏུ ཕ་ལ་ས་མཱ་པ་ཏྟི་ཡཱ པ་ཙྩ་ཡོ་ཝ. བྷོ་ཛ་ན་སེ་ནཱ་ས་ནེ་སུ་པི ཨེ་སེ་ཝ ན་ཡོ. པུ་ན ཀཱ་ཡི་ཀཾ སུ་ཁནྟི་ཨཱ་དཱི་ནི ཀེ་ཝ་ལཾ ཨེ་ཀ་ཏོ ད་སྶི་ཏཱ་ནི. ཧེ་ཊྛཱ ཝུ་ཏྟ་ན་ཡེ་ནེ་ཝ པ་ནེ་སཾ པ་ཙྩ་ཡ་བྷཱ་ཝོ ཝེ་དི་ཏ་བྦོ. ཕ་ལ་ས་མཱ་པ་ཏྟི ཀཱ་ཡི་ཀ་སྶ སུ་ཁ་སྶཱཏི ས་མཱ་པ་ཏྟི་ས་མུ་ཊྛཱ་ན་རཱུ་པ་ཝ་སེ་ན ཨུ་པྤ་ནྣ་སྶ སུ་ཁ་སྶ. ཏཾ ཧེ་ས ས་མཱ་པ་ཏྟི་ཏོ ཝུ་ཊྛཱ་ཡ ཨ་ནུ་བྷ་ཝ་ཏི.

ཀཱ་ཡི་ཀཾ སུ་ཁཾ ཨུ་པ་ནི་སྶཱ་ཡ དཱ་ནནྟི་ཨཱ་དཱི་སུ ‘‘ཨ་ཧོ ཝ་ཏ མེ ཨི་དཾ སུ་ཁཾ ན པ་རི་ཧཱ་ཡེ་ཡྻཱ’’ཏི པ་ཏྟ་སྶ ཝཱ ཨ་པ་རི་ཧཱ་ཡ་ན་ཝ་སེ་ན; ‘‘ཨ་ཧོ ཝ་ཏཱ་ཧཾ ཨཱ་ཡ་ཏིཾ ཨེ་ཝ་རཱུ་པཾ སུ་ཁཾ པཱ་པུ་ཎེ་ཡྻ’’ནྟི ཨ་པྤ་ཏྟ་སྶ ཝཱ པ་ཏྟི་ཝ་སེ་ན; དུ་ཀྑེ་པི ‘‘ཨ་ཧོ ཝ་ཏ མེ དུ་ཀྑཾ པ་རི་ཧཱ་ཡེ་ཡྻཱ’’ཏི པ་ཏྟ་སྶ པ་རི་ཧཱ་ཡ་ན་ཝ་སེ་ན ཝཱ; ‘‘ཨཱ་ཡ་ཏིཾ ཨེ་ཝ་རཱུ་པཾ ནུ་པྤ་ཛྫེ་ཡྻཱ’’ཏི ཨ་ནུ་པྤཱ་ད་པ་ཏྠ་ནཱ་ཝ་སེ་ན ཝཱ སུ་ཁ་དུ་ཀྑཱ་ནཾ ཨུ་པ་ནི་སྶ་ཡ་ཏཱ ཝེ་དི་ཏ་བྦཱ. ཨུ་ཏུ་བྷོ་ཛ་ན་སེ་ནཱ་ས་ནཱ་ནི ཝུ་ཏྟ་ན་ཡཱ་ནེ་ཝ. པུ་ན ཀཱ་ཡི་ཀཾ སུ་ཁནྟི་ཨཱ་དཱི་སུ ཡ་སྨཱ ‘‘སཱ་དྷུ ཁོ, མཱ་རི་ས, མོ་གྒ་ལླཱ་ན, བུ་དྡྷ་ས་ར་ཎ་ག་མ་ནཾ ཧོ་ཏཱི’’ཏི སུ་ཁ་པྤ་ཏྟཱ་ན་མྤི, ‘‘ས་མྨཱ་ས་མྦུ་དྡྷོ ཝ་ཏ, སོ བྷ་ག་ཝཱ, ཡོ ཨེ་ཝ་རཱུ་པ་སྶ དུ་ཀྑ་སྶ པ་རི་ཉྙཱ་ཡ དྷ་མྨཾ དེ་སེ་ཏཱི’’ཏི (ཨུ་དཱ. ༡༨) དུ་ཀྑ་པྤ་ཏྟཱ་ན་མྤི ས་དྡྷཱ ཨུ་པྤ་ཛྫ་ཏི. སུ་ཁ་དུ་ཀྑེ་ཧི ཙ སཾ་ཡོ་ག་ཝི་ཡོ་ག་ཏྠཱ་ཡ སཱི་ལཱ་དི་པ་རི་པཱུ་ར་ཎཾ ཀ་རེ་ཡྻ, ཏ་སྨཱ སུ་ཁ་དུ་ཀྑཱ་ནི ས་དྡྷཱ་དཱི་ནཾ ཨུ་པ་ནི་སྶ་ཡ་བྷཱ་ཝེ་ན ད་སྶི་ཏཱ་ནི. ཨུ་ཏུ་ཨཱ་དཱི་ནི་པི ཡ་ཐཱ་ཡོ་གཾ ཡོ་ཛེ་ཏ་བྦཱ་ནི. ཀཱ་ཡི་ཀཾ སུ་ཁཾ ཨུ་པ་ནི་སྶཱ་ཡ པཱ་ཎཾ ཧ་ན་ཏཱིཏི་ཨཱ་དཱི་སུ་པི ཝུ་ཏྟ་ན་ཡཱ་ནུ་སཱ་རེ་ནེ་ཝ སུ་ཁཱ་དཱི་ནཾ ཨུ་པ་ནི་སྶ་ཡ་ཏཱ ཝེ་དི་ཏ་བྦཱ.

ཨི་མ་སྨིཾ པ་ན ཨུ་པ་ནི་སྶ་ཡ་བྷཱ་ཛ་ནཱི་ཡེ ཀུ་ས་ལོ ཀུ་ས་ལ་སྶ ཏི་ཝི་དྷེ་ནཱ་པི ཨུ་པ་ནི་སྶ་ཡོ, ཨ་ཀུ་ས་ལ་སྶ དུ་ཝི་དྷེ་ན, ཨ་བྱཱ་ཀ་ཏ་སྶ ཏི་ཝི་དྷེ་ན. ཨ་ཀུ་ས་ལོ ཨ་ཀུ་ས་ལ་སྶ ཏི་ཝི་དྷེ་ན, ཀུ་ས་ལ་སྶ ཨེ་ཀ་ཝི་དྷེ་ན, ཨ་བྱཱ་ཀ་ཏ་སྶ དུ་ཝི་དྷེ་ན. ཨ་བྱཱ་ཀ་ཏོ་པི ཨ་བྱཱ་ཀ་ཏ་སྶ ཏི་ཝི་དྷེ་ན, ཏ་ཐཱ ཀུ་ས་ལ་སྶ, ཏ་ཐཱ ཨ་ཀུ་ས་ལ་སྶཱ་ཏི. ཨེ་ཝཾ ཀུ་ས་ལོ ཨ་ཊྛ་ཝི་དྷེ་ན, ཨ་ཀུ་ས་ལོ ཚ་བྦི་དྷེ་ན, ཨ་བྱཱ་ཀ་ཏོ ན་ཝ་ཝི་དྷེ་ནཱ་ཏི ཏེ་ཝཱི་ས་ཏི་ཝི་དྷེ་ན ཨུ་པ་ནི་སྶ་ཡོ བྷཱ་ཛི་ཏོ་ཏི ཝེ་དི་ཏ་བྦོ.

༤༢༤. པུ་རེ་ཛཱ་ཏེ ཙ་ཀྑཱ་དཱི་ནི ཨོ་ལཱ༹་རི་ཀ་ཝ་སེ་ན ཝུ་ཏྟཱ་ནི. ཨཱ་པོ་དྷཱ་ཏུ་ཨཱ་དཱི་ནི་པི པ་ན པུ་རེ་ཛཱ་ཏཱ་ར་མྨ་ཎཱ་ནི ཧོ་ནྟི་ཡེ་ཝ. ཝ་ཏྠུ པུ་རེ་ཛཱ་ཏཾ ཙ་ཀྑཱ་ཡ་ཏ་ནནྟི་ཨཱ་དི ཡཾ ཝ་ཏྠུ ཧུ་ཏྭཱ པུ་རེ་ཛཱ་ཏཾ ཧོ་ཏི, ཏཾ ད་སྶེ་ཏུཾ ཝུ་ཏྟཾ. ཝ་ཏྠུ ཝི་པཱ་ཀཱ་བྱཱ་ཀ་ཏཱ་ནནྟི པ་ཝ་ཏྟི་ཡཾ པུ་རེ་ཛཱ་ཏ་པ་ཙྩ་ཡཾ ས་ནྡྷཱ་ཡ ཝུ་ཏྟཾ.

༤༢༥. པ་ཙྪཱ་ཛཱ་ཏེ ཨི་མ་སྶ ཀཱ་ཡ་སྶཱཏི ཙཱ་ཏུ་མ་ཧཱ་བྷཱུ་ཏི་ཀ་ཀཱ་ཡ་སྶ. པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོཏི ཨུ་པ་ཏྠ་མྦྷ་ན་ཝ་སེ་ན པ་ཙྪཱ་ཛཱ་ཏོ ཧུ་ཏྭཱ པ་ཙྩ་ཡོ. ཨུ་པ་ཏྠ་མྦྷ་ཀ་ཊྛེ་ན པ་ཙྩ་ཡ་ཏྟཱ་ཡེ་ཝ ཧེ་ས པ་ཙྪཱ་ཛཱ་ཏ་པ་ཙྩ་ཡོ་ཏི ཨི་མ་སྨིཾ པ་ཉྷཱ་ཝཱ་རེ ཨ་ནུ་ལོ་མ་ཏོ ཨཱ་ག་ཏོ.

༤༢༦. ཨཱ་སེ་ཝ་ན་པ་ཙྩ་ཡེ ཨ་ནུ་ལོ་མཾ གོ་ཏྲ་བྷུ་སྶཱཏི་ཨཱ་དཱི་ནཾ ཝི་སུཾ ག་ཧ་ཎེ ཧེ་ཊྛཱ ཝུ་ཏྟ་ན་ཡེ་ནེ་ཝ ཀཱ་ར་ཎཾ ཝེ་དི་ཏ་བྦཾ.

༤༢༧. ཀ་མྨ་པ་ཙྩ་ཡེ ཀུ་ས་ལཱ ཙེ་ཏ་ནཱ ས་མྤ་ཡུ་ཏྟ་ཀཱ་ནནྟི ཨེ་ཏྠ ས་ཧ་ཛཱ་ཏ་ནཱ་ནཱ་ཀྑ་ཎི་ཀ་ཝི་བྷཱ་ག་སྶ ཨ་བྷཱ་ཝ་ཏོ ས་ཧ་ཛཱ་ཏཱ་ཏི ན ཝུ་ཏྟཱ. ཨ་བྱཱ་ཀ་ཏ་ཝི་སྶ་ཛྫ་ནེ པ་ན སོ ཝི་བྷཱ་གོ ཨ་ཏྠི, ཏ་སྨཱ ཏ་ཏྠ ཝུ་ཏྟཱ. པ་ཊི་ས་ནྡྷི་གྒ་ཧ་ཎཾ ཀ་ཊ་ཏྟཱ་རཱུ་པཱ་ནཾ ཝ་སེ་ན ཀ་ཏཾ. ཙེ་ཏ་ནཱ ཝ་ཏྠུ་སྶཱཏི ཀི་ཉྩཱ་པི པ་ཊི་ས་ནྡྷི་ཀྑ་ཎེ ཝ་ཏྠུ་པ་ཏི་ཊྛི་ཏཱ ཨ་རཱུ་པ་དྷ་མྨཱ ཝ་ཏྠུ་པ་ཙྩ་ཡཱ ཝ་ཏྟ་ནྟི, ཙེ་ཏ་ནཱ པ་ན ཝ་ཏྠུ་སྶཱ་པི པ་ཙྩ་ཡོ་ཏི ད་སྶེ་ཏུཾ ཝུ་ཏྟཾ.

༤༢༨. ཝི་པཱ་ཀ་པ་ཙྩ་ཡེ པ་ཊི་ས་ནྡྷི་ཝཱ་རེ ཨི་མི་ནཱ་ཝ ན་ཡེ་ན ཨ་ཏྠོ ཝེ་དི་ཏ་བྦོ.

༤༢༩-༤༣༨. ཨཱ་ཧཱ་ར་པ་ཙྩ་ཡེ ཨི་མ་སྶ ཀཱ་ཡ་སྶཱཏི ཨི་མ་སྨིཾ ཙ་ཏུ་ས་ནྟ་ཏི་ཝ་སེ་ན པ་ཝ་ཏྟེ ཙཱ་ཏུ་མ་ཧཱ་བྷཱུ་ཏི་ཀ་ཀཱ་ཡེ ཨཱ་ཧཱ་ར་ས་མུ་ཊྛཱ་ན་སྶ ཛ་ན་ཀ་ཝ་སེ་ན, སེ་ས་སྶ ཨུ་པ་ཏྠ་མྦྷ་ཀ་ཝ་སེ་ན ཨཱ་ཧཱ་ར་པ་ཙྩ་ཡེ་ན པ་ཙྩ་ཡོ. ཨི་ནྡྲི་ཡ་པ་ཙྩ་ཡཱ་དཱི་སུ་པི པ་ཊི་ས་ནྡྷི་ཝཱ་རོ ཝུ་ཏྟ་ན་ཡེ་ནེ་ཝ ཝེ་དི་ཏ་བྦོ. སེ་སཾ ས་བྦ་ཏྠ ཨུ་ཏྟཱ་ན་ཏྠ་མེ་ཝཱ་ཏི.

པ་ཉྷཱ་ཝཱ་ར་ཝི་བྷ་ངྒ་ཝ་ཎྞ་ནཱ ནི་ཊྛི་ཏཱ.

པ་ཉྷཱ་ཝཱ་ར་སྶ གྷ་ཊ་ནེ ཨ་ནུ་ལོ་མ་ག་ཎ་ནཱ

༤༣༩. ཨི་དཱ་ནེ་ཏྠ ཡ་ཐཱ་ལ་དྡྷཱ་ནི ཝི་སྶ་ཛྫ་ནཱ་ནི ག་ཎ་ནཱ་ཝ་སེ་ན ད་སྶེ་ཏུཾ ཧེ་ཏུ་ཡཱ ས་ཏྟཱཏི་ཨཱ་དི ཝུ་ཏྟཾ. ཏ་ཏྠ ས་ཏྟཱཏི ཀུ་ས་ལེ་ན ཀུ་ས་ལཾ, ཨ་བྱཱ་ཀ་ཏཾ, ཀུ་ས་ལཱ་བྱཱ་ཀ་ཏ་ནྟི ཏཱི་ཎི. ཏ་ཐཱ ཨ་ཀུ་ས་ལེ་ན; ཨ་བྱཱ་ཀ་ཏེ་ན ཨ་བྱཱ་ཀ་ཏ་མེ་ཝཱ་ཏི ཨེ་ཝཾ ས་ཏྟ. ཨཱ་ར་མྨ་ཎེ ན་ཝཱཏི ཨེ་ཀ་མཱུ་ལ་ཀ་ཨེ་ཀཱ་ཝ་སཱ་ནཱ་ནི ན་ཝ. ཨ་དྷི་པ་ཏི་ཡཱ ད་སཱཏི ཀུ་ས་ལཾ ཀུ་ས་ལ་སྶ ས་ཧ་ཛཱ་ཏ་ཏོ ཙེ་ཝ ཨཱ་ར་མྨ་ཎ་ཏོ ཙ; ཨ་ཀུ་ས་ལ་སྶ ཨཱ་ར་མྨ་ཎ་ཏོ་ཝ ཨ་བྱཱ་ཀ་ཏ་སྶ ས་ཧ་ཛཱ་ཏ་ཏོ ཙེ་ཝ ཨཱ་ར་མྨ་ཎ་ཏོ ཙ; ཀུ་ས་ལཱ་བྱཱ་ཀ་ཏ་སྶ ས་ཧ་ཛཱ་ཏ་ཏོ་ཝཱ་ཏི ཀུ་ས་ལ་མཱུ་ལ་ཀཱ་ནི ཙ་ཏྟཱ་རི. ཨ་ཀུ་ས་ལཾ ཨ་ཀུ་ས་ལ་སྶ ས་ཧ་ཛཱ་ཏ་ཏོ ཙེ་ཝ ཨཱ་ར་མྨ་ཎ་ཏོ ཙ; ཨ་བྱཱ་ཀ་ཏ་སྶ ས་ཧ་ཛཱ་ཏ་ཏོ་ཝ ཏ་ཐཱ ཨ་ཀུ་ས་ལཱ་བྱཱ་ཀ་ཏ་སྶཱ་ཏི ཨ་ཀུ་ས་ལ་མཱུ་ལ་ཀཱ་ནི ཏཱི་ཎི. ཨ་བྱཱ་ཀ་ཏོ ཨ་བྱཱ་ཀ་ཏ་སྶ ས་ཧ་ཛཱ་ཏ་ཏོ ཙེ་ཝ ཨཱ་ར་མྨ་ཎ་ཏོ ཙ; ཀུ་ས་ལ་སྶ ཨཱ་ར་མྨ་ཎ་ཏོ་ཝ ཏ་ཐཱ ཨ་ཀུ་ས་ལ་སྶཱ་ཏི ཨ་བྱཱ་ཀ་ཏ་མཱུ་ལ་ཀཱ་ནི ཏཱི་ཎཱི་ཏི ཨེ་ཝཾ ད་ས. ཨེ་ཏྠ པ་ན ཨཱ་ར་མྨ་ཎཱ་དྷི་པ་ཏི་པི ས་ཏྟ་དྷཱ, ས་ཧ་ཛཱ་ཏཱ་དྷི་པ་ཏི་པི ས་ཏྟ་དྷཱ་ཝ ལ་བྦྷ་ཏི.

ཨ་ན་ནྟ་རེ ས་ཏྟཱཏི ཀུ་ས་ལ་མཱུ་ལ་ཀཱ་ནི དྭེ, ཏ་ཐཱ ཨ་ཀུ་ས་ལ་མཱུ་ལ་ཀཱ་ནི, ཨ་བྱཱ་ཀ་ཏ་མཱུ་ལ་ཀཱ་ནི ཏཱི་ཎཱི་ཏི ཨེ་ཝཾ ས་ཏྟ. ས་མ་ན་ནྟ་རེ་པི ཨེ་ཏཱ་ནེ་ཝ. ས་ཧ་ཛཱ་ཏེ ན་ཝཱཏི ཀུ་ས་ལ་མཱུ་ལ་ཀཱ་ནི ཏཱི་ཎི, ཨ་ཀུ་ས་ལ་མཱུ་ལ་ཀཱ་ནི ཏཱི་ཎི, ཨ་བྱཱ་ཀ་ཏ་མཱུ་ལ་ཀཾ ཨེ་ཀཾ, ཏ་ཐཱ ཀུ་ས་ལཱ་བྱཱ་ཀ་ཏ་མཱུ་ལ་ཀཾ, ཨ་ཀུ་ས་ལཱ་བྱཱ་ཀ་ཏ་མཱུ་ལ་ཀ་ཉྩཱ་ཏི ཨེ་ཝཾ ན་ཝ. ཨ་ཉྙ་མ་ཉྙེ ཏཱི་ཎཱིཏི ཀུ་ས་ལེ་ན ཀུ་ས་ལཾ, ཨ་ཀུ་ས་ལེ་ན ཨ་ཀུ་ས་ལཾ, ཨ་བྱཱ་ཀ་ཏེ་ན ཨ་བྱཱ་ཀ་ཏ་ནྟི ཨེ་ཝཾ ཏཱི་ཎི. ནི་སྶ་ཡེ ཏེ་ར་སཱཏི ས་ཧ་ཛཱ་ཏ་ཏོ་ཝ ཀུ་ས་ལ་མཱུ་ལ་ཀཱ་ནི ཏཱི་ཎི, ཏ་ཐཱ ཨ་ཀུ་ས་ལ་མཱུ་ལ་ཀཱ་ནི, ཏ་ཐཱ ཨ་བྱཱ་ཀ་ཏ་མཱུ་ལ་ཀཱ་ནི. ཨེ་ཏྠ པ་ན པུ་རེ་ཛཱ་ཏ་མྤི ལ་བྦྷ་ཏི. ཨ་བྱཱ་ཀ་ཏ་ཉྷི ཨ་བྱཱ་ཀ་ཏ་སྶ ས་ཧ་ཛཱ་ཏ་མྤི ཧོ་ཏི པུ་རེ་ཛཱ་ཏ་མྤི; ཀུ་ས་ལ་སྶ པུ་རེ་ཛཱ་ཏ་མེ་ཝ ཏ་ཐཱ ཨ་ཀུ་ས་ལ་སྶ. པུ་ན ཀུ་ས་ལཱ་བྱཱ་ཀ་ཏོ ས་ཧ་ཛཱ་ཏ་པུ་རེ་ཛཱ་ཏ་ཏོ ཀུ་ས་ལ་སྶ, ས་ཧ་ཛཱ་ཏ་ཏོ་ཝ ཨ་བྱཱ་ཀ་ཏ་སྶ, ཏ་ཐཱ ཨ་ཀུ་ས་ལཱ་བྱཱ་ཀ་ཏོ་ཏི ཨེ་ཝཾ ཏེ་ར་ས. ཨུ་པ་ནི་སྶ་ཡེ ན་ཝཱཏི ཨེ་ཀ་མཱུ་ལ་ཀེ་ཀཱ་ཝ་སཱ་ནཱ ན་ཝ. ཏེ་སཾ ཝི་བྷ་ངྒེ ཏེ་ཝཱི་ས་ཏི བྷེ་དཱ ད་སྶི་ཏཱ. ཏེ་སུ ཨཱ་ར་མྨ་ཎཱུ་པ་ནི་སྶ་ཡེ ས་ཏྟ, ཨ་ན་ནྟ་རཱུ་པ་ནི་སྶ་ཡེ ས་ཏྟ, པ་ཀ་ཏཱུ་པ་ནི་སྶ་ཡེ ན་ཝ ཧོ་ནྟི. པུ་རེ་ཛཱ་ཏེ ཏཱི་ཎཱིཏི ཨ་བྱཱ་ཀ་ཏོ ཨ་བྱཱ་ཀ་ཏ་སྶ, ཀུ་ས་ལ་སྶ, ཨ་ཀུ་ས་ལ་སྶཱ་ཏི ཨེ་ཝཾ ཏཱི་ཎི.

པ་ཙྪཱ་ཛཱ་ཏེ ཏཱི་ཎཱིཏི ཀུ་ས་ལོ ཨ་བྱཱ་ཀ་ཏ་སྶ, ཨ་ཀུ་ས་ལོ ཨ་བྱཱ་ཀ་ཏ་སྶ, ཨ་བྱཱ་ཀ་ཏོ ཨ་བྱཱ་ཀ་ཏ་སྶཱ་ཏི ཨེ་ཝཾ ཏཱི་ཎི. ཨཱ་སེ་ཝ་ནེ ཏཱི་ཎི ཨ་ཉྙ་མ་ཉྙ་ས་དི་སཱ་ནི. ཀ་མྨེ ས་ཏྟ ཧེ་ཏུ་ས་དི་སཱ་ནི. ཏ་ཏྠ དྭཱི་སུ ཝི་སྶ་ཛྫ་ནེ་སུ ནཱ་ནཱ་ཀྑ་ཎི་ཀ་ཀ་མྨ་མྤི ཨཱ་ག་ཏཾ, པ་ཉྩ་སུ ས་ཧ་ཛཱ་ཏ་མེ་ཝ. ཝི་པཱ་ཀེ ཨེ་ཀཾ ཨ་བྱཱ་ཀ་ཏེ་ན ཨ་བྱཱ་ཀ་ཏཾ. ཨཱ་ཧཱ་ར་ཨི་ནྡྲི་ཡ་ཛྷཱ་ན་མ་གྒེ་སུ ས་ཏྟ ཧེ་ཏུ་ས་དི་སཱ་ནེ་ཝ. ཨི་ནྡྲི་ཡཾ པ་ནེ་ཏྠ ས་ཧ་ཛཱ་ཏ་པུ་རེ་ཛཱ་ཏ་ཝ་སེ་ན ཨཱ་ག་ཏཾ. ས་མྤ་ཡུ་ཏྟེ ཏཱི་ཎི ཨ་ཉྙ་མ་ཉྙ་ས་དི་སཱ་ནི. ཝི་པྤ་ཡུ་ཏྟེ པ་ཉྩཱཏི ས་ཧ་ཛཱ་ཏ་པ་ཙྪཱ་ཛཱ་ཏ་ཏོ ཀུ་ས་ལེ་ན ཨ་བྱཱ་ཀ་ཏཾ, ཨ་ཀུ་ས་ལེ་ན ཨ་བྱཱ་ཀ་ཏཾ, ས་ཧ་ཛཱ་ཏ་པུ་རེ་ཛཱ་ཏ་པ་ཙྪཱ་ཛཱ་ཏ་ཏོ ཨ་བྱཱ་ཀ་ཏེ་ན ཨ་བྱཱ་ཀ་ཏཾ, ཝ་ཏྠུ་པུ་རེ་ཛཱ་ཏ་ཏོ ཨ་བྱཱ་ཀ་ཏེ་ན ཀུ་ས་ལཾ, ཏ་ཐཱ ཨ་ཀུ་ས་ལ་ནྟི ཨེ་ཀཾ ཀུ་ས་ལ་མཱུ་ལཾ, ཨེ་ཀཾ ཨ་ཀུ་ས་ལ་མཱུ་ལཾ, ཏཱི་ཎི ཨ་བྱཱ་ཀ་ཏ་མཱུ་ལཱ་ནཱི་ཏི ཨེ་ཝཾ པ་ཉྩ.

ཨ་ཏྠི་ཡཱ ཏེ་ར་སཱཏི ས་ཧ་ཛཱ་ཏ་ཏོ ཀུ་ས་ལེ་ན ཀུ་ས་ལཾ, ས་ཧ་ཛཱ་ཏ་པ་ཙྪཱ་ཛཱ་ཏ་ཏོ ཀུ་ས་ལེ་ན ཨ་བྱཱ་ཀ་ཏཾ, ས་ཧ་ཛཱ་ཏ་ཏོ་ཝ ཀུ་ས་ལེ་ན ཀུ་ས་ལཱ་བྱཱ་ཀ་ཏ་ནྟི ཀུ་ས་ལ་མཱུ་ལཱ་ནི ཏཱི་ཎི, ཏ་ཐཱ ཨ་ཀུ་ས་ལ་མཱུ་ལཱ་ནི, ས་ཧ་ཛཱ་ཏ་པུ་རེ་ཛཱ་ཏ་པ་ཙྪཱ་ཛཱ་ཏཱ་ཧཱ་རི་ནྡྲི་ཡ་ཏོ པ་ན ཨ་བྱཱ་ཀ་ཏེ་ན ཨ་བྱཱ་ཀ་ཏཾ, ཝ་ཏྠཱ་ར་མྨ་ཎ་པུ་རེ་ཛཱ་ཏ་ཏོ ཨ་བྱཱ་ཀ་ཏེ་ན ཀུ་ས་ལཾ, ཏ་ཐཱ ཨ་ཀུ་ས་ལཾ, ས་ཧ་ཛཱ་ཏ་པུ་རེ་ཛཱ་ཏ་ཏོ ཀུ་ས་ལོ ཙ ཨ་བྱཱ་ཀ་ཏོ ཙ ཨ་ཀུ་ས་ལ་སྶ; སྭེ་ཝ ཨ་བྱཱ་ཀ་ཏ་སྶ ས་ཧ་ཛཱ་ཏ་པ་ཙྪཱ་ཛཱ་ཏ་ཨཱ་ཧཱ་རི་ནྡྲི་ཡ་ཏོ ས་ཧ་ཛཱ་ཏ་པུ་རེ་ཛཱ་ཏ་ཏོ ཙ ཀུ་ས་ལོ ཙ ཨ་བྱཱ་ཀ་ཏོ ཙ ཀུ་ས་ལ་སྶ; སྭེ་ཝ ཨ་བྱཱ་ཀ་ཏ་སྶ ས་ཧ་ཛཱ་ཏ་པ་ཙྪཱ་ཛཱ་ཏ་ཨཱ་ཧཱ་རི་ནྡྲི་ཡ་ཏོ་ཏི ཨེ་ཝཾ ཏེ་ར་ས. ན་ཏྠི་ཝི་ག་ཏེ་སུ ས་ཏྟ ཨ་ན་ནྟ་ར་ས་དི་སཱ་ནི. ཨ་ཝི་ག་ཏེ ཏེ་ར་ས ཨ་ཏྠི་ས་དི་སཱ་ནཱི་ཏི. ཨེ་ཝ་མེ་ཏྠ ས་ཏྟ ག་ཎ་ན་པ་རི་ཙྪེ་དཱ ཨེ་ཀཾ ཏཱི་ཎི པ་ཉྩ ས་ཏྟ ན་ཝ ད་ས ཏེ་ར་སཱ་ཏི. ཏེ་སུ ཝི་པཱ་ཀ་ཝ་སེ་ན ཨེ་ཀ་མེ་ཝ ཨེ་ཀ་ཀཾ, ཨ་ཉྙ་མ་ཉྙ་པུ་རེ་ཛཱ་ཏ་པ་ཙྪཱ་ཛཱ་ཏཱ་སེ་ཝ་ན་ས་མྤ་ཡུ་ཏྟ་ཝ་སེ་ན པ་ཉྩ ཏི་ཀཱ, ཝི་པྤ་ཡུ་ཏྟ་ཝ་སེ་ན ཨེ་ཀ་མེ་ཝ པ་ཉྩ་ཀཾ, ཧེ་ཏུ་ཨ་ན་ནྟ་ར་ས་མ་ན་ནྟ་ར་ཀ་མྨ་ཨཱ་ཧཱ་རི་ནྡྲི་ཡ་ཛྷཱ་ན་མ་གྒ་ན་ཏྠི་ཝི་ག་ཏ་ཝ་སེ་ན ད་ས ས་ཏྟ་ཀཱ, ཨཱ་ར་མྨ་ཎ་ས་ཧ་ཛཱ་ཏ་ཨུ་པ་ནི་སྶ་ཡ་ཝ་སེ་ན ཏ་ཡོ ན་ཝ་ཀཱ, ཨ་དྷི་པ་ཏི་ཝ་སེ་ན ཨེ་ཀཾ ད་ས་ཀཾ, ནི་སྶ་ཡ་ཨ་ཏྠི་ཨ་ཝི་ག་ཏ་ཝ་སེ་ན ཏ་ཡོ ཏེ་ར་ས་ཀཱ་ཏི ཨེ་ཝཾ ཏ་སྨིཾ ཏ་སྨིཾ པ་ཙྩ་ཡེ ནི་དྡི་ཊྛ་ཝཱ་རེ ག་ཎ་ན་ཝ་སེ་ན སཱ་དྷུ་ཀཾ ས་ལླ་ཀྑེ་ཏྭཱ ཏེ་སཾ ཝ་སེ་ན དུ་ཀ་ཏི་ཀཱ་དཱི་སུ པ་ཙྩ་ཡ་སཾ་ས་ནྡ་ནེ ག་ཎ་ནཱ ཝེ་དི་ཏ་བྦཱ.

༤༤༠. ཡེ པ་ན པ་ཙྩ་ཡཱ ཡེ་སཾ པ་ཙྩ་ཡཱ་ནཾ ཝི་ས་བྷཱ་གཱ ཝཱ ཝི་རུ་དྡྷཱ ཝཱ ཧོ་ནྟི, ཏེ ཏེ་ཧི ས་དྡྷིཾ ན ཡོ་ཛེ་ཏ་བྦཱ. སེ་ཡྻ་ཐི་དཾ – ཧེ་ཏུ་པ་ཙྩ་ཡ་སྶ ཏཱ་ཝ ཨཱ་ར་མྨ་ཎཱ་ན་ནྟ་ར་ས་མ་ན་ནྟ་རཱུ་པ་ནི་སྶ་ཡ་པུ་རེ་ཛཱ་ཏ་པ་ཙྪཱ་ཛཱ་ཏ་ཀ་མྨཱ་སེ་ཝ་ནཱ་ཧཱ་ར་ཛྷཱ་ན་ན་ཏྠི་ཝི་ག་ཏཱ ཨ་དྷི་པ་ཏི་པ་ཙྩ་ཡེ ཙ ཋ་པེ་ཏྭཱ ཝཱི་མཾ་སཾ སེ་སཱ་དྷི་པ་ཏི་ནོ ཝི་ས་བྷཱ་གཱ, ས་ཧ་ཛཱ་ཏཱ་ད་ཡོ ས་བྷཱ་གཱ. ཀ་སྨཱ? ཏ་ཐཱ བྷཱ་ཝཱ་བྷཱ་ཝ་ཏོ. ཧེ་ཏུ་པ་ཙྩ་ཡོ ཧི ཡེ་སཾ ཧེ་ཏུ་པ་ཙྩ་ཡོ ཧོ་ཏི, ཏེ་སཾ ས་ཧ་ཛཱ་ཏཱ་དི་པ་ཙྩ་ཡོ་པི ཧོ་ཏི, ཨཱ་ར་མྨ་ཎཱ་དི་པ་ཙྩ་ཡོ པ་ན ན ཧོ་ཏཱི་ཏི ཨཱ་ར་མྨ་ཎཱ་ད་ཡོ ཏ་སྶ ཝི་ས་བྷཱ་གཱ ནཱ་མ. ཏ་སྨཱ སོ ཏེ་ཧི, ཏེ ཝཱ ཏེ་ན ས་དྡྷིཾ, ན ཡོ་ཛེ་ཏ་བྦཱ. པུ་རེ་ཛཱ་ཏ་པ་ཙྪཱ་ཛཱ་ཏ་ས་མྤ་ཡུ་ཏྟ་ཝི་པྤ་ཡུ་ཏྟ་ཨ་ཏྠི་ན་ཏྠི་ཝི་ག་ཏཱ་ཝི་ག་ཏཱ ཙ ཨ་ཉྙ་མ་ཉྙ་ཝི་རུ་དྡྷཱ, ཏེ་པི ཨ་ཉྙ་མ་ཉྙཾ ན ཡོ་ཛེ་ཏ་བྦཱ. ཏ་ཏྠ ཨ་ཡོ་ཛ་ནཱི་ཡེ ཝ་ཛྫེ་ཏྭཱ ཡོ་ཛ་ནཱི་ཡེ་ཧི ཡོ་གེ ཡེ ཝཱ་རཱ ལ་བྦྷ་ནྟི, ཏེ ས་ངྑེ་པ་ཏོ ད་སྶེ་ཏུཾ ཧེ་ཏུ་པ་ཙྩ་ཡཱ ཨ་དྷི་པ་ཏི་ཡཱ ཙ་ཏྟཱ་རཱིཏི་ཨཱ་དི ཝུ་ཏྟཾ.

ཏ་ཏྠ ཀི་ཉྩཱ་པི ཧེ་ཏུ་པ་ཙྩ་ཡ་སྶ ཨ་དྷི་པ་ཏི་ནཱ སཾ་ས་ནྡ་ནེ ཨཱུ་ན་ཏ་ར་ག་ཎ་ན་ཝ་སེ་ན ས་ཏྟ་ཧི ཝཱ་རེ་ཧི བྷ་ཝི་ཏ་བྦཾ, ཡ་སྨཱ པ་ན ཨ་དྷི་པ་ཏཱི་སུ ཝཱི་མཾ་སཱ་ཝ ཧེ་ཏུ་པ་ཙྩ་ཡོ, ན ཨི་ཏ་རེ, ཏ་སྨཱ ཝི་ས་བྷཱ་གེ ཝ་ཛྫེ་ཏྭཱ ས་བྷཱ་ག་ཝ་སེ་ན ‘‘ཙ་ཏྟཱ་རཱི’’ཏི ཝུ་ཏྟཾ. ཏཱ་ནི ཨེ་ཝཾ ཝེ་དི་ཏ་བྦཱ་ནི – ཀུ་ས་ལོ དྷ་མྨོ ཀུ་ས་ལ་སྶ དྷ་མྨ་སྶ ཧེ་ཏུ་པ་ཙྩ་ཡེ་ན པ་ཙྩ་ཡོ ཨ་དྷི་པ་ཏི་པ་ཙྩ་ཡེ་ན པ་ཙྩ་ཡོ; ཀུ་ས་ལཱ ཝཱི་མཾ་སཱ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ, ཀུ་ས་ལོ དྷ་མྨོ ཨ་བྱཱ་ཀ་ཏ་སྶ དྷ་མྨ་སྶ ཧེ་ཏུ་པ་ཙྩ་ཡེ་ན པ་ཙྩ་ཡོ ཨ་དྷི་པ་ཏི་པ་ཙྩ་ཡེ་ན པ་ཙྩ་ཡོ; ཀུ་ས་ལཱ ཝཱི་མཾ་སཱ ཙི་ཏྟ་ས་མུ་ཊྛཱ་ནཱ་ནཾ རཱུ་པཱ་ནཾ, ཀུ་ས་ལོ དྷ་མྨོ ཀུ་ས་ལ་སྶ ཙ ཨ་བྱཱ་ཀ་ཏ་སྶ ཙ དྷ་མྨ་སྶ ཧེ་ཏུ་པ་ཙྩ་ཡེ་ན པ་ཙྩ་ཡོ ཨ་དྷི་པ་ཏི་པ་ཙྩ་ཡེ་ན པ་ཙྩ་ཡོ; ཀུ་ས་ལཱ ཝཱི་མཾ་སཱ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཙི་ཏྟ་ས་མུ་ཊྛཱ་ནཱ་ན་ཉྩ རཱུ་པཱ་ནཾ, ཨ་བྱཱ་ཀ་ཏོ དྷ་མྨོ ཨ་བྱཱ་ཀ་ཏ་སྶ དྷ་མྨ་སྶ ཧེ་ཏུ་པ་ཙྩ་ཡེ་ན པ་ཙྩ་ཡོ ཨ་དྷི་པ་ཏི་པ་ཙྩ་ཡེ་ན པ་ཙྩ་ཡོ; ཝི་པཱ་ཀཱ་བྱཱ་ཀ་ཏཱ ཀི་རི་ཡཱ་བྱཱ་ཀ་ཏཱ ཝཱི་མཾ་སཱ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཙི་ཏྟ་ས་མུ་ཊྛཱ་ནཱ་ན་ཉྩ རཱུ་པཱ་ན་ནྟི. ཨེ་ཏྠ ཙ ཝི་པཱ་ཀཱ་བྱཱ་ཀ་ཏཱ ལོ་ཀུ་ཏྟ་ར་ཏོ་ཝ ག་ཧེ་ཏ་བྦཱ. ཨཱ་ར་མྨ་ཎ་པ་ཙྩ་ཡ་ཨ་ན་ནྟ་ར་པ་ཙྩ་ཡཱ་ད་ཡོ པ་ན ཝི་ས་བྷཱ་ག་ཏྟཱ ན ཡོ་ཛི་ཏཱ. ཨི་མི་ནཱ ཨུ་པཱ་ཡེ་ན ས་བྦ་ཏྠ ལ་བྦྷ་མཱ་ན་ཉྩ ཨ་ལ་བྦྷ་མཱ་ན་ཉྩ ཉ་ཏྭཱ ལ་བྦྷ་མཱ་ན་ཝ་སེ་ན ཝཱ་རཱ ཨུ་དྡྷ་རི་ཏ་བྦཱ.

ས་ཧ་ཛཱ་ཏེ ས་ཏྟཱཏི ཧེ་ཏུ་ཡཱ ལ་དྡྷཱ་ནེ་ཝ. ཨ་ཉྙ་མ་ཉྙེ ཏཱི་ཎཱིཏི སུ་དྡྷི་ཀ་ཨ་ཉྙ་མ་ཉྙེ ལ་དྡྷཱ་ནེ་ཝ. ནི་སྶ་ཡེ ས་ཏྟཱཏི ཧེ་ཏུ་ཡཱ ལ་དྡྷཱ་ནེ་ཝ. ཝི་པཱ་ཀེ ཨེ་ཀནྟི སུ་དྡྷི་ཀ་ཝི་པཱ་ཀེ ལ་དྡྷ་མེ་ཝ. ཨི་ནྡྲི་ཡ་མ་གྒེ་སུ ཙ་ཏྟཱ་རཱིཏི ཧེ་ཊྛཱ ཝུ་ཏྟ་ན་ཡཱ་ནེ་ཝ. ས་མྤ་ཡུ་ཏྟེ ཏཱི་ཎཱིཏི སུ་དྡྷི་ཀ་ས་མྤ་ཡུ་ཏྟེ ལ་དྡྷཱ་ནེ་ཝ. ཝི་པྤ་ཡུ་ཏྟེ ཏཱི་ཎཱིཏི ཀུ་ས་ལཱ་དི་ཙི་ཏྟ་ས་མུ་ཊྛཱ་ནཾ རཱུ་པཾ པ་ཙྩ་ཡུ་པྤ་ནྣཾ ཀ་ཏྭཱ ཝེ་དི་ཏ་བྦཱ་ནི. ཨ་ཏྠི་ཨ་ཝི་ག་ཏེ་སུ ས་ཏྟཱཏི ཧེ་ཏུ་ཡཱ ལ་དྡྷཱ་ནེ་ཝ.

༤༤༡-༤༤༣. ཨེ་ཝཾ ཡེ་ཧི ཨ་དྷི་པ་ཏི་པ་ཙྩ་ཡཱ་དཱི་ཧི ཨེ་ཀཱ་ད་ས་ཧི པ་ཙྩ་ཡེ་ཧི ས་དྡྷིཾ ཧེ་ཏུ་པ་ཙྩ་ཡོ ཡོ་ཛ་ནཾ ལ་བྷ་ཏི, ཏེ་སཾ ཝ་སེ་ན དུ་མཱུ་ལ་ཀ་ན་ཡེ ག་ཎ་ནཾ ད་སྶེ་ཏྭཱ ཨི་དཱ་ནི ཏི་མཱུ་ལ་ཀཱ་དཱི་སུ ཏ་སྶ ད་སྶ་ན་ཏྠཾ ལ་ཀྑ་ཎཾ ཋ་པེ་ནྟོ ཧེ་ཏུ་ས་ཧ་ཛཱ་ཏ་ནི་སྶ་ཡ་ཨ་ཏྠི་ཨ་ཝི་ག་ཏ་ནྟི ས་ཏྟཱཏི་ཨཱ་དི་མཱ་ཧ. པོ་ཏྠ་ཀེ་སུ པ་ན ནི་སྶ་ཨུ་པ་ནི་སྶ་ཨ་དྷི་པཱ་ཏི ཨེ་ཝཾ པ་རི་ཧཱི་ན་ཀྑ་རཱ་ནི པ་ཙྩ་ཡ་ནཱ་མཱ་ནི ལི་ཁ་ནྟི, ཏཾ ས་ཉྙཱ་ཀ་ར་ཎ་མ་ཏྟ་ཝ་སེ་ན ལི་ཁི་ཏཾ. ཏ་སྨཱ ཏཱ་དི་སེ་སུ ཋཱ་ནེ་སུ པ་རི་པུ་ཎྞཱ པཱ་ལི༹ ཀཱ་ཏ་བྦཱ. ཡཾ པ་ནི་དཾ ལ་ཀྑ་ཎཾ ཋ་པི་ཏཾ, ཏེ་ན ཨི་དཾ དཱི་པེ་ཏི – ཨ་ཡཾ ཧེ་ཏུ་པ་ཙྩ་ཡོ ས་ཧ་ཛཱ་ཏཱ་དཱི་ཧི ཙ་ཏཱུ་ཧི ས་དྡྷིཾ སཾ་ས་ནྡ་ནེ ཨ་ཏྟ་ནོ ཝི་བྷ་ངྒེ ལ་དྡྷཱ་ནི ས་ཏྟེ་ཝ ཝི་སྶ་ཛྫ་ནཱ་ནི ལ་བྷ་ཏི. ས་ཙེ པ་ནེ་ཏྠ ཨ་ཉྙ་མ་ཉྙ་པ་ཙྩ་ཡོ པ་ཝི་ས་ཏི, ཨ་ཉྙ་མ་ཉྙེ ལ་དྡྷཱ་ནི ཏཱི་ཎི ལ་བྷ་ཏི. ས་ཙེ ས་མྤ་ཡུ་ཏྟ་པ་ཙྩ་ཡོ པ་ཝི་ས་ཏི, ཏཱ་ནེ་ཝ ཏཱི་ཎི ལ་བྷ་ཏི. ས་ཙེ ཝི་པྤ་ཡུ་ཏྟ་པ་ཙྩ་ཡོ པ་ཝི་ས་ཏི, ཧེ་ཏུ་ཝི་པྤ་ཡུ་ཏྟ་དུ་ཀེ ལ་དྡྷཱ་ནི ཏཱི་ཎི ལ་བྷ་ཏི. ས་ཙེ ཝི་པཱ་ཀ་པ་ཙྩ་ཡོ པ་ཝི་ས་ཏི, ས་བྦེ་ཧི ཝི་པཱ་ཀ་ས་བྷཱ་གེ་ཧི ས་དྡྷིཾ སཾ་ས་ནྡ་ནེ ཨེ་ཝ་མེ་ཝ ཝི་སྶ་ཛྫ་ནཾ ལ་བྷ་ཏི. ས་ཙེ པ་ནེ་ཏྠ ཨི་ནྡྲི་ཡ་མ་གྒ་པ་ཙྩ་ཡཱ པ་ཝི་ས་ནྟི, ཏེ་ཧི ས་དྡྷིཾ དུ་མཱུ་ལ་ཀེ ལ་དྡྷཱ་ནི ཙ་ཏྟཱ་རི་ཡེ་ཝ ལ་བྷ་ཏི. ས་ཙེ ཏེ་ཧི ས་དྡྷིཾ ཨ་ཉྙ་མ་ཉྙ་པ་ཙྩ་ཡོ པ་ཝི་ས་ཏི, ཧེ་ཏཱ་དྷི་པ་ཏི་དུ་ཀེ ད་སྶི་ཏེ་སུ ཙ་ཏཱུ་སུ ཝི་སྶ་ཛྫ་ནེ་སུ ‘‘ཀུ་ས་ལོ དྷ་མྨོ ཨ་བྱཱ་ཀ་ཏ་སྶ, ཀུ་ས་ལོ དྷ་མྨོ ཀུ་ས་ལ་སྶ ཙ ཨ་བྱཱ་ཀ་ཏ་སྶ ཙཱ’’ཏི དྭེ ཨ་པ་ནེ་ཏྭཱ སེ་སཱ་ནི དྭེ ལ་བྷ་ཏི. ས་ཙེ་པི ཏ་ཏྠ ས་མྤ་ཡུ་ཏྟ་པ་ཙྩ་ཡོ པ་ཝི་ས་ཏི, ཏཱ་ནེ་ཝ དྭེ ལ་བྷ་ཏི. ས་ཙེ པ་ན ཝི་པྤ་ཡུ་ཏྟ་པ་ཙྩ་ཡོ པ་ཝི་ས་ཏི, ཨི་ཏ་རཱ་ནི དྭེ ལ་བྷ་ཏི. ས་ཙེ པ་ན ཏེ་སུ ཝི་པཱ་ཀ་པ་ཙྩ་ཡོ པ་ཝི་ས་ཏི, ས་བྦ་ཏྠ ཨེ་ཀ་མེ་ཝ ལ་བྷ་ཏི. ཨ་དྷི་པ་ཏི་ནཱ པ་ན ས་དྡྷིཾ ཧེ་ཏཱ་དྷི་པ་ཏི་དུ་ཀ་ཏོ ཨཱུ་ན་ཏ་ར་ག་ཎ་ནེ་སུ ཨ་པྤ་ཝི་ས་ནྟེ་སུ ཙ་ཏྟཱ་རི་ཡེ་ཝ ལ་བྷ་ཏི. ཨཱུ་ན་ཏ་ར་ག་ཎ་ནེ་སུ པ་ཝི་ས་ནྟེ་སུ ཏེ་སཾ ཝ་སེ་ན དྭེ ཨེ་ཀ་ནྟི ལ་བྷ་ཏི. ཨེ་ཝཾ ཏེ་སཾ ཏེ་སཾ པ་ཙྩ་ཡཱ་ནཾ ས་མཱ་ཡོ་གེ ལ་བྦྷ་མཱ་ནཾ ག་ཎ་ནཾ ཝི་དི་ཏྭཱ ཏི་མཱུ་ལ་ཀཱ་དཱི་སུ ག་ཎ་ནཱ ཨུ་དྡྷ་རི་ཏ་བྦཱ་ཏི.

ཨེ་ཏེ་སུ པ་ན གྷ་ཊ་ནེ་སུ ས་བྦ་པ་ཋ་མཱ་ནི ཙ་ཏྟཱ་རི གྷ་ཊ་ནཱ་ནི སཱ་མ་ཉྙ་ཏོ ན་ཝ་ནྣ་མྤི ཧེ་ཏཱུ་ནཾ ཝ་སེ་ན ཝུ་ཏྟཱ་ནི ཨ་ཝི་པཱ་ཀཱ་ནི. ཨ་བྱཱ་ཀ་ཏེ་ན ཨ་བྱཱ་ཀ་ཏ་ཝི་སྶ་ཛྫ་ནེ པ་ནེ་ཏྠ ཝི་པཱ་ཀ་ཧེ་ཏུ་པི ལ་བྦྷ་ཏི.

ཏ་ཏོ པ་རཱ་ནི པ་ཉྩ གྷ་ཊ་ནཱ་ནི ཝི་པཱ་ཀ་ཧེ་ཏུ་ཝ་སེ་ན ཝུ་ཏྟཱ་ནི. ཏ་ཏྠ ས་བྦེ་པི ས་ཧ་ཛཱ་ཏ་ཝི་པཱ་ཀཱ ཙེ་ཝ ཝི་པཱ་ཀ་ས་ཧ་ཛཱ་ཏ་རཱུ་པཱ ཙ. ཏེ་སུ པ་ཋ་མེ གྷ་ཊ་ནེ ཝི་པཱ་ཀཱ ཙེ་ཝ ཏཾ་ས་མུ་ཊྛཱ་ན་རཱུ་པཱ ཙ ལ་བྦྷ་ནྟི, དུ་ཏི་ཡེ ཝི་པཱ་ཀཱ ཙེ་ཝ པ་ཊི་ས་ནྡྷི་ཡ་ཉྩ ཝ་ཏྠུ་རཱུ་པཾ. ཏ་ཏི་ཡེ ཨ་རཱུ་པ་དྷ་མྨཱ་ཝ. ཙ་ཏུ་ཏྠེ ཝི་པཱ་ཀ་ཙི་ཏྟ་ས་མུ་ཊྛཱ་ན་རཱུ་པ་མེ་ཝ ལ་བྦྷ་ཏི. པ་ཉྩ་མེ ཝ་ཏྠུ་རཱུ་པ་མེ་ཝ.

ཏ་ཏོ པ་རཱ་ནི པ་ཉྩ་ད་ས གྷ་ཊ་ནཱ་ནི ཨི་ནྡྲི་ཡ་མ་གྒ་ཡུ་ཏྟཱ་ནི ཨ་མོ་ཧ་ཧེ་ཏུ་ཝ་སེ་ན ཝུ་ཏྟཱ་ནི. ཏ་ཏྠ པ་ཋ་མཱ་ནི ན་ཝ ནི་རཱ་དྷི་པ་ཏཱི་ནི, པ་ཙྪི་མཱ་ནི ཚ སཱ་དྷི་པ་ཏཱི་ནི. ནི་རཱ་དྷི་པ་ཏི་ཀེ་སུ་པི པ་ཋ་མཱ་ནི ཙ་ཏྟཱ་རི སཱ་མ་ཉྙ་ཏོ ས་བྦ་ཏྠ ཨ་མོ་ཧ་ཝ་སེ་ན ཝུ་ཏྟཱ་ནི, པ་ཙྪི་མཱ་ནི པ་ཉྩ ཝི་པཱ་ཀཱ་མོ་ཧ་ཝ་སེ་ན. ཏ་ཏྠ ནི་རཱ་དྷི་པ་ཏི་ཀེ་སུ པ་ཋ་མེ ཙ་ཏྟཱ་རཱིཏི ཧེ་ཊྛཱ ཧེ་ཏཱ་དྷི་པ་ཏི་དུ་ཀེ ད་སྶི་ཏཱ་ནེ་ཝ. དུ་ཏི་ཡེ ཙི་ཏྟ་ས་མུ་ཊྛཱ་ན་རཱུ་པཾ པ་རི་ཧཱ་ཡ་ཏི. ཏ་ཏི་ཡེ ཝ་ཏྠུ་རཱུ་པཾ པ་རི་ཧཱ་ཡ་ཏི. ཙ་ཏུ་ཏྠེ ཀུ་ས་ལོ དྷ་མྨོ ཙི་ཏྟ་ས་མུ་ཊྛཱ་ནཱ་ནཾ, ཨ་བྱཱ་ཀ་ཏོ ཏཾ་ས་མུ་ཊྛཱ་ནཱ་ན་ནྟི རཱུ་པ་མེ་ཝ ལ་བྦྷ་ཏི. ཏ་ཏོ པ་རཱ་ནི ཝི་པཱ་ཀ་ཡུ་ཏྟཱ་ནི པ་ཉྩ ཧེ་ཊྛཱ ཝུ་ཏྟ་ན་ཡཱ་ནེ་ཝ. སཱ་དྷི་པ་ཏི་ཀེ་སུ པ་ཋ་མཱ་ནི ཏཱི་ཎི གྷ་ཊ་ནཱ་ནི སཱ་མ་ཉྙ་ཏོ ཝི་པཱ་ཀཱ་ཝི་པཱ་ཀ་ཧེ་ཏུ་ཝ་སེ་ན ཝུ་ཏྟཱ་ནི. ཏེ་སུ པ་ཋ་མེ ཙ་ཏྟཱ་རི ཝུ་ཏྟ་ན་ཡཱ་ནེ་ཝ. དུ་ཏི་ཡེ རཱུ་པཾ པ་རི་ཧཱ་ཡ་ཏི, ཏ་ཏི་ཡེ ཨ་རཱུ་པཾ པ་རི་ཧཱ་ཡ་ཏི. ཏ་ཏོ པ་རཱ་ནི ཏཱི་ཎི ཝི་པཱ་ཀ་ཧེ་ཏུ་ཝ་སེ་ན ཝུ་ཏྟཱ་ནི. ཏེ་སུ པ་ཋ་མེ རཱུ་པཱ་རཱུ་པཾ ལ་བྦྷ་ཏི, དུ་ཏི་ཡེ ཨ་རཱུ་པ་མེ་ཝ, ཏ་ཏི་ཡེ རཱུ་པ་མེ་ཝ. ཨེ་ཝ་མྤི ཏེ་སཾ ཏེ་སཾ པ་ཙྩ་ཡཱ་ནཾ ས་མཱ་ཡོ་གེ ལ་བྦྷ་མཱ་ནཾ ག་ཎ་ནཾ ཝི་དི་ཏྭཱ ཏི་མཱུ་ལ་ཀཱ་དཱི་སུ ག་ཎ་ནཱ ཨུ་དྡྷ་རི་ཏ་བྦཱ་ཏི.

ཧེ་ཏུ་མཱུ་ལ་ཀཾ ནི་ཊྛི་ཏཾ.

༤༤༤. ཨཱ་ར་མྨ་ཎ་མཱུ་ལ་ཀེ་པི ཨ་དྷི་པ་ཏི་པ་ཙྩ་ཡཱ་ད་ཡོ ས་ཏྟ ཨཱ་ར་མྨ་ཎེ་ན ས་བྷཱ་གཱ, སེ་སཱ སོ་ལ༹་ས ཝི་ས་བྷཱ་གཱ་ཏི ཏེ ཨ་ཡོ་ཛེ་ཏྭཱ ས་ཏྟེ་ཝ ཡོ་ཛི་ཏཱ. ཏེ་སུ ཨ་དྷི་པ་ཏི་ཡཱ ས་ཏྟཱཏི ཀུ་ས་ལོ དྷ་མྨོ ཀུ་ས་ལ་སྶ དྷ་མྨ་སྶ, ཨ་ཀུ་ས་ལ་སྶ དྷ་མྨ་སྶ, ཨ་བྱཱ་ཀ་ཏ་སྶཱ་ཏི ཨེ་ཝཾ ཀུ་ས་ལ་མཱུ་ལཱ་ནི ཏཱི་ཎི, ཨ་ཀུ་ས་ལ་མཱུ་ལཾ ཨེ་ཀཾ, ཨ་བྱཱ་ཀ་ཏ་མཱུ་ལཱ་ནི ཏཱི་ཎཱི་ཏི ས་ཏྟ. ནི་སྶ་ཡེ ཏཱི་ཎཱིཏི ཝ་ཏྠུ་ཝ་སེ་ན ཨ་བྱཱ་ཀ་ཏ་མཱུ་ལཱ་ནེ་ཝ. ཨུ་པ་ནི་སྶ་ཡེ ས་ཏྟ ཧེ་ཊྛི་མཱ་ནི ཨེ་ཝ. པུ་རེ་ཛཱ་ཏེ ཏཱི་ཎཱིཏི ཝ་ཏྠཱ་ར་མྨ་ཎ་ཝ་སེ་ན ཨ་བྱཱ་ཀ་ཏ་མཱུ་ལཱ་ནི. ཝི་པྤ་ཡུ་ཏྟེ ཏཱི་ཎཱིཏི ཝ་ཏྠུ་ཝ་སེ་ནེ་ཝ. ཨ་ཏྠི་ཨ་ཝི་ག་ཏེ་སུ ཏཱི་ཎཱིཏི ཝ་ཏྠཱ་ར་མྨ་ཎ་ཝ་སེ་ན. ཡ་ཐཱ པ་ན ཧེ་ཏུ་མཱུ་ལ་ཀེ ལ་ཀྑ་ཎ་ད་སྶ་ན་ཏྠཾ གྷ་ཊ་ནཱ་ནི ཋ་པི་ཏཱ་ནི, ཏ་ཐཱ ཨཱ་ར་མྨ་ཎ་མཱུ་ལ་ཀཱ་དཱི་སུ་པི.

༤༤༥. ཏ་ཏྠ ཡཱ་ནི ཏཱ་ཝ ཨི་མ་སྨིཾ ཨཱ་ར་མྨ་ཎ་མཱུ་ལ་ཀེ པ་ཉྩ གྷ་ཊ་ནཱ་ནི ཋ་པི་ཏཱ་ནི. ཏ་ཏྠ པ་ཋ་མཾ ཨཱ་ར་མྨ་ཎཱ་དྷི་པ་ཏི་ཝ་སེ་ན སཱ་དྷི་པ་ཏི་ཀཾ. ཏ་ཏྠ ས་ཏྟཱཏི ཨཱ་ར་མྨ་ཎཱ་དྷི་པ་ཏི་དུ་ཀེ ལ་དྡྷ་ཝི་སྶ་ཛྫ་ནཱ་ནེ་ཝ. དུ་ཏི་ཡཾ ནི་རཱ་དྷི་པ་ཏི་ཀཾ. ཏ་ཏྠ ཏཱི་ཎཱིཏི ཝ་ཏྠཱ་ར་མྨ་ཎ་ཝ་སེ་ན ཨཱ་ར་མྨ་ཎ་ཝ་སེ་ནེ་ཝ ཝཱ ཨ་བྱཱ་ཀ་ཏ་མཱུ་ལཱ་ནི. ཏ་ཏི་ཡཾ ནི་སྶ་ཡེ་ན ཝུ་ཏྟཾ. ཏ་ཏྠ ཏཱི་ཎཱིཏི ཝ་ཏྠུ་ཝ་སེ་ན ཨ་བྱཱ་ཀ་ཏ་མཱུ་ལཱ་ནི. ཙ་ཏུ་ཏྠ་པ་ཉྩ་མཱ་ནི སཱ་དྷི་པ་ཏི་ཀཱ་ནི. ཏེ་སུ ཙ་ཏུ་ཏྠེ ཨེ་ཀནྟི ཝ་ཏྠཱ་ར་མྨ་ཎ་ཝ་སེ་ན ཨཱ་ར་མྨ་ཎ་ཝ་སེ་ནེ་ཝ ཝཱ ཨ་བྱཱ་ཀ་ཏ་མཱུ་ལཾ ཨ་ཀུ་ས་ལཾ. པ་ཉྩ་མེ ཨེ་ཀནྟི ནི་སྶ་ཡ་ཏོ ཨ་བྱཱ་ཀ་ཏ་མཱུ་ལ་ཀཾ ཨ་ཀུ་ས་ལཾ. ཨེ་ཝ་མི་དྷཱ་པི ལ་བྦྷ་མཱ་ན་ཝ་སེ་ན ཏི་ཀཱ་དཱི་སུ ག་ཎ་ནཱ ཝེ་དི་ཏ་བྦཱ. ཏ་ཐཱ ཨ་དྷི་པ་ཏི་མཱུ་ལ་ཀཱ་དཱི་སུ. ཨཱ་ར་མྨ་ཎ་ཨི་ནྡྲི་ཡ་ཝི་པཱ་ཀ་ཝ་སེ་ན ཝི་ཏྠཱ་ར་ཡོ་ཛ་ནཾ པ་ན ཨ་ཝ་ཏྭཱ ཏ་ཏྠ ཏ་ཏྠ ཝ་ཏྟ་བྦ་ཡུ་ཏྟ་ཀ་མེ་ཝ ཝ་དཱ་མཱ་ཏི.

༤༤༦. ཨ་དྷི་པ་ཏི་མཱུ་ལ་ཀེ ས་ཧ་ཛཱ་ཏེ ས་ཏྟཱཏི ས་ཧ་ཛཱ་ཏཱ་དྷི་པ་ཏི་ཝ་སེ་ན ཀུ་ས་ལ་མཱུ་ལཱ་ནི ཏཱི་ཎི, ཨ་ཀུ་ས་ལ་མཱུ་ལཱ་ནི ཏཱི་ཎི, ཨ་བྱཱ་ཀ་ཏ་མཱུ་ལཾ ཨེ་ཀཾ. ས་ཧ་ཛཱ་ཏེ་ན པ་ན ས་དྡྷིཾ ཨཱ་ར་མྨ་ཎཱ་དྷི་པ་ཏི, ཨཱ་ར་མྨ་ཎཱ་དྷི་པ་ཏི་ནཱ ཙ ས་དྡྷིཾ ས་ཧ་ཛཱ་ཏཾ ན ལ་བྦྷ་ཏི. ཨ་ཉྙ་མ་ཉྙེ ཏཱི་ཎཱིཏི ས་ཧ་ཛཱ་ཏཱ་དྷི་པ་ཏི་ཝ་སེ་ནེ་ཝ. ནི་སྶ་ཡེ ཨ་ཊྛཱཏི ཀུ་ས་ལ་མཱུ་ལཱ་ནི ཏཱི་ཎི, ཨ་ཀུ་ས་ལ་མཱུ་ལཱ་ནི ཏཱི་ཎི, ཨ་བྱཱ་ཀ་ཏ་མཱུ་ལཱ་ནི དྭེ. ཨ་བྱཱ་ཀ་ཏོ ཧི ཨ་དྷི་པ་ཏི ཨ་བྱཱ་ཀ་ཏ་སྶ ས་ཧ་ཛཱ་ཏ་ཏོ ཙེ་ཝ ཨཱ་ར་མྨ་ཎ་ཏོ ཙ ནི་སྶ་ཡོ ཧོ་ཏི, ཨ་ཀུ་ས་ལ་སྶ ཨཱ་ར་མྨ་ཎ་ཏོ་ཝ. ཀུ་ས་ལ་སྶ པ་ན ཨུ་བྷ་ཡ་ཐཱ་པི ན ཧོ་ཏཱི་ཏི ཨ་བྱཱ་ཀ་ཏ་མཱུ་ལཱ་ནི དྭེ་ཡེ་ཝཱ་ཏི ཨེ་ཝཾ ཨ་ཊྛ. ཨུ་པ་ནི་སྶ་ཡེ ས་ཏྟ ཨཱ་ར་མྨ་ཎ་ས་དི་སཱ་ནེ་ཝ. པུ་རེ་ཛཱ་ཏེ ཨེ་ཀནྟི ཨ་བྱཱ་ཀ་ཏཱ་དྷི་པ་ཏི ཨཱ་ར་མྨ་ཎ་ཝ་སེ་ན ཨ་ཀུ་ས་ལ་སྶ. ཝི་པཱ་ཀེ ཨེ་ཀཾ ཨ་བྱཱ་ཀ་ཏེ་ན ཨ་བྱཱ་ཀ་ཏཾ ལོ་ཀུ་ཏྟ་རཾ. ཨཱ་ཧཱ་རཱ་དཱི་སུ ས་ཏྟ ཧེ་ཊྛཱ ཨེ་ཀ་མཱུ་ལ་ཀེ ལ་དྡྷཱ་ནེ་ཝ. ཝི་པྤ་ཡུ་ཏྟེ ཙ་ཏྟཱ་རཱིཏི ཀུ་ས་ལེ་ན ཨ་བྱཱ་ཀ་ཏཾ, ཏ་ཐཱ ཨ་ཀུ་ས་ལེ་ན, ཨ་བྱཱ་ཀ་ཏེ་ན ཨ་བྱཱ་ཀ་ཏ་ཉྩ ཀུ་ས་ལ་ཉྩ. ཨ་ཏྠི་ཨ་ཝི་ག་ཏེ་སུ ཨ་ཊྛ ནི་སྶ་ཡ་ས་དི་སཱ་ནེ་ཝ.

༤༤༧-༤༥༢. གྷ་ཊ་ནཱ་ནི པ་ནེ་ཏྠ པ་ཊི་པཱ་ཊི་ཡཱ ཨཱ་ར་མྨ་ཎཱ་དཱི་ཧི ཨ་ཡོ་ཛེ་ཏྭཱ པ་ཋ་མཾ ཨ་ཏྠི་ཨ་ཝི་ག་ཏེ་ཧི ཡོ་ཛི་ཏཱ་ནི. ཀིཾ ཀཱ་ར་ཎཱ་ཏི? ཨུ་བྷ་ཡཱ་དྷི་པ་ཏི་མི་སྶ་ཀ་ཏྟཱ. ཏ་ཏྠ པ་ཋ་མེ གྷ་ཊ་ནེ ཨཱ་ར་མྨ་ཎཱ་དྷི་པ་ཏི་ཝ་སེ་ན ཝ་ཏྠཱ་ར་མྨ་ཎཾ ལ་བྦྷ་ཏི, དུ་ཏི་ཡེ ནི་སྶ་ཡ་ཝ་སེ་ན ག་རུཾ ཀ་ཏྭཱ ཨ་སྶཱ་དེ་ནྟ་སྶ ཝ་ཏྠུ་མེ་ཝ, ཏ་ཏི་ཡེ ས་ཧ་ཛཱ་ཏཱ་དྷི་པ་ཏི་ཝ་སེ་ན ཀུ་ས་ལཱ་ད་ཡོ རཱུ་པཱ་ནཾ, ཨཱ་ར་མྨ་ཎཱ་དྷི་པ་ཏི་ཝ་སེ་ན ཝ་ཏྠུ ཨ་ཀུ་ས་ལ་སྶ. ཏ་ཏོ པ་རཱ་ནི ཏཱི་ཎི གྷ་ཊ་ནཱ་ནི ཨཱ་ར་མྨ་ཎཱ་དྷི་པ་ཏི་ཝ་སེ་ན ཝུ་ཏྟཱ་ནི. ཏ་ཏྠ པ་ཋ་མེ ས་ཏྟཱཏི ཧེ་ཊྛཱ ཝུ་ཏྟཱ་ནེ་ཝ. དུ་ཏི་ཡེ ཨེ་ཀནྟི པུ་རེ་ཛཱ་ཏཱ་ནི ཝ་ཏྠཱ་ར་མྨ་ཎཱ་ནི ཨ་ཀུ་ས་ལ་སྶ. ཏ་ཏི་ཡེ ཝ་ཏྠུ་མེ་ཝ ཨ་ཀུ་ས་ལ་སྶ. ཏ་ཏོ པ་རཱ་ནི ཏཱི་ཎི གྷ་ཊ་ནཱ་ནི ཝི་པཱ་ཀཱ་ཝི་པཱ་ཀ་སཱ་དྷཱ་ར་ཎཱ་ནི ས་ཧ་ཛཱ་ཏཱ་དྷི་པ་ཏི་ཝ་སེ་ན ཝུ་ཏྟཱ་ནི. ཏ་ཏྠ པ་ཋ་མེ རཱུ་པཱ་རཱུ་པཾ ལ་བྦྷ་ཏི, དུ་ཏི་ཡེ ཨ་རཱུ་པ་མེ་ཝ, ཏ་ཏི་ཡེ རཱུ་པ་མེ་ཝ. ཏ་ཏོ པ་རཱ་ནི ཏཱི་ཎི ཝི་པཱ་ཀཱ་དྷི་པ་ཏི་ཝ་སེ་ན ཝུ་ཏྟཱ་ནི. ཏེ་སུ་པི པ་ཋ་མེ རཱུ་པཱ་རཱུ་པཾ ལ་བྦྷ་ཏི, དུ་ཏི་ཡེ ཨ་རཱུ་པཾ, ཏ་ཏི་ཡེ རཱུ་པ་མེ་ཝ. ཏ་ཏོ པ་རཱ་ནི ཚ གྷ་ཊ་ནཱ་ནི ཨཱ་ཧཱ་རི་ནྡྲི་ཡ་ཡུ་ཏྟཱ་ནི ཙི་ཏྟཱ་དྷི་པ་ཏི་ཝ་སེ་ན ཝུ་ཏྟཱ་ནི. ཏ་ཏྠ ཏཱི་ཎི ཨ་ཝི་པཱ་ཀཱ་ནི, ཏཱི་ཎི ས་ཝི་པཱ་ཀཱ་ནི. ཏེ་སུ ག་ཎ་ནཱ པཱ་ཀ་ཊཱ་ཡེ་ཝ. ཏ་ཏོ པ་རཱ་ནི ཚ གྷ་ཊ་ནཱ་ནི ཏ་ཐེ་ཝ ཝི་རི་ཡཱ་དྷི་པ་ཏི་ཝ་སེ་ན ཝུ་ཏྟཱ་ནི. ན་ནུ ཙ ཨ་དྷི་པ་ཏི་པ་ཊི་པཱ་ཊི་ཡཱ པ་ཋ་མཾ ཝི་རི་ཡཱ་དྷི་པ་ཏི་ཝ་སེ་ན ཝ་ཏྟ་བྦཱ་ནི སི་ཡུཾ, ཀ་སྨཱ ཏ་ཐཱ ན ཝུ་ཏྟཱ་ནཱི་ཏི? པ་ར་ཏོ ཧེ་ཏུ་ཝ་སེ་ན ཝུ་ཏྟ་གྷ་ཊ་ནེ་ཧི ས་དི་ས་ཏྟཱ. པ་ར་ཏོ ཧི ཧེ་ཏུ་ཝ་སེ་ན གྷ་ཊ་ནཱ་ནི ཨ་མོ་ཧ་སྶ ཝཱི་མཾ་སཱ་དྷི་པ་ཏི་ཏྟཱ ཝཱི་མཾ་སཱ་ཡ ཙ ས་མྨཱ་དི་ཊྛི་བྷཱ་ཝ་ཏོ མ་གྒ་ས་མྤ་ཡུ་ཏྟཱ་ནི. ཝི་རི་ཡ་མྤི ཙ ས་མྨཱ་ཝཱ་ཡཱ་མ་མི་ཙྪཱ་ཝཱ་ཡཱ་མ་བྷཱ་ཝེ་ན མ་གྒོ་ཏི ཏེ་ན ས་དྡྷིཾ གྷ་ཊ་ནཱ་ནི པ་ར་ཏོ ཧེ་ཏུ་ཝ་སེ་ན ཝུ་ཏྟ་གྷ་ཊ་ནེ་ཧི ས་དི་སཱ་ནཱི་ཏི པ་རི་ཝ་ཏྟེ་ཏྭཱ ཝུ་ཏྟཱ་ནི. ཏེ་སུ་པི ག་ཎ་ནཱ པཱ་ཀ་ཊཱ་ཡེ་ཝ.

༤༥༣-༤༥༦. ཨ་ན་ནྟ་ར་ས་མ་ན་ནྟ་ར་མཱུ་ལ་ཀེ་སུ ས་ཏྟཱཏི ཀུ་ས་ལོ ཀུ་ས་ལ་སྶ ཨ་བྱཱ་ཀ་ཏ་སྶ ཙ, ཏ་ཐཱ ཨ་ཀུ་ས་ལོ, ཨ་བྱཱ་ཀ་ཏོ ཏི་ཎྞ་ནྣ་མྤཱི་ཏི ཨེ་ཝཾ ས་ཏྟ. ཀ་མྨེ ཨེ་ཀནྟི ཀུ་ས་ལཱ མ་གྒ་ཙེ་ཏ་ནཱ ཨ་ཏྟ་ནོ ཝི་པཱ་ཀཱ་བྱཱ་ཀ་ཏ་སྶ. གྷ་ཊ་ནཱ་ནི པ་ནེ་ཏེ་སུ ཏཱི་ཎི ཏཱི་ཎི་ཡེ་ཝ. ཏཱ་ནི བ་ཧུ་ཏ་ར་པ་ཊི་པཱ་ཊི་ཡཱ ཝུ་ཏྟཱ་ནི.

༤༥༧-༤༦༠. ས་ཧ་ཛཱ་ཏ་ཨ་ཉྙ་མ་ཉྙ་ནི་སྶ་ཡ་མཱུ་ལ་ཀེ་སུ ཡེ ཡེ དུ་ཀ་མཱུ་ལ་ཀེ པ་ཙྩ་ཡཱ ཝུ་ཏྟཱ ཏེ ཏེ་ཡེ་ཝ ཨཱ་དི་ཏོ ཋི་ཏེ་ན ས་བྷཱ་གཱ. ཏ་སྨཱ དུ་ཀ་མཱུ་ལ་ཀེ ག་ཎ་ནཾ ཉ་ཏྭཱ ཡེ ཨུ་པ་རི པ་ཙྩ་ཡཱ གྷ་ཊི་ཏཱ, ཏེ་སུ ཨཱུ་ན་ཏ་ར་ག་ཎ་ན་སྶ ཝ་སེ་ན ས་བྦ་གྷ་ཊ་ནེ་སུ ག་ཎ་ནཱ ཝེ་དི་ཏ་བྦཱ. ཏ་ཏྠ ས་ཧ་ཛཱ་ཏ་མཱུ་ལ་ཀེ ད་ས གྷ་ཊ་ནཱ་ནི. ཏེ་སུ པ་ཉྩ ཨ་ཝི་པཱ་ཀཱ་ནི, པ་ཉྩ ས་ཝི་པཱ་ཀཱ་ནི. ཏ་ཏྠ ཨ་ཝི་པཱ་ཀེ་སུ ཏཱ་ཝ པ་ཋ་མེ ཀུ་ས་ལོ ཀུ་ས་ལ་སྶ ཨ་བྱཱ་ཀ་ཏ་སྶ, ཀུ་ས་ལཱ་བྱཱ་ཀ་ཏ་སྶ, ཀུ་ས་ལཱ་བྱཱ་ཀ་ཏོ ཨ་བྱཱ་ཀ་ཏ་སྶཱ་ཏི ཙ་ཏྟཱ་རི, ཏ་ཐཱ ཨ་ཀུ་ས་ལོ, ཨ་བྱཱ་ཀ་ཏོ ཨ་བྱཱ་ཀ་ཏ་སྶེ་ཝཱ་ཏི ཨེ་ཝཾ ན་ཝ. ཏ་ཏྠ ཀུ་ས་ལཱ་ཀུ་ས་ལཱ་དི་ཀེ་སུ ཨ་ཊྛ་སུ ཝི་སྶ་ཛྫ་ནེ་སུ ཨ་རཱུ་པ་ཉྩེ་ཝ ཙི་ཏྟ་ས་མུ་ཊྛཱ་ན་རཱུ་པ་ཉྩ ལ་བྦྷ་ཏི. ཨ་བྱཱ་ཀ་ཏེ ཝ་ཏྠུ་རཱུ་པ་མྤི. དུ་ཏི་ཡེ གྷ་ཊ་ནེ ཨ་བྱཱ་ཀ་ཏ་ཝི་སྶ་ཛྫ་ནེ རཱུ་པེ་སུ ཝ་ཏྠུ་མེ་ཝ ལ་བྦྷ་ཏི, ཏ་ཏི་ཡེ ཏཱི་སུ་པི ཨ་རཱུ་པ་མེ་ཝ, ཙ་ཏུ་ཏྠེ ཙི་ཏྟ་ས་མུ་ཊྛཱ་ན་རཱུ་པ་མེ་ཝ, པ་ཉྩ་མེ པ་ཊི་ས་ནྡྷི་ཡཾ ཝ་ཏྠུ་ནཱ ས་དྡྷིཾ ཨ་རཱུ་པ་དྷ་མྨཱ. ས་ཝི་པཱ་ཀེ་སུ པ་ཋ་མེ ཝི་པཱ་ཀཱ ཙེ་ཝ ཝི་པཱ་ཀ་ཙི་ཏྟ་ས་མུ་ཊྛཱ་ན་རཱུ་པ་ཉྩ, དུ་ཏི་ཡེ ཝི་པཱ་ཀཱ ཙེ་ཝ ཝ་ཏྠུ་རཱུ་པ་ཉྩ, ཏ་ཏི་ཡེ ཝི་པཱ་ཀ་མེ་ཝ, ཙ་ཏུ་ཏྠེ ཝི་པཱ་ཀ་ཙི་ཏྟ་ས་མུ་ཊྛཱ་ན་མེ་ཝ, པ་ཉྩ་མེ ཝ་ཏྠུ་རཱུ་པ་མེ་ཝ ལ་བྦྷ་ཏི.

ཨ་ཉྙ་མ་ཉྙ་མཱུ་ལ་ཀེ ཚ གྷ་ཊ་ནཱ་ནི. ཏེ་སུ པ་ཋ་མཱ་ནི ཏཱི་ཎི ཨ་ཝི་པཱ་ཀཱ་ནི, པ་ཙྪི་མཱ་ནི ཏཱི་ཎི ས་ཝི་པཱ་ཀཱ་ནི. ཏེ་སུ ག་ཎ་ནཱ པཱ་ཀ་ཊཱ་ཡེ་ཝ.

༤༦༡. ནི་སྶ་ཡ་མཱུ་ལ་ཀེ ནི་སྶ་ཡ་པ་ཙྩ་ཡཱ ཨཱ་ར་མྨ་ཎེ ཏཱི་ཎཱིཏི ཝ་ཏྠུཾ ཨཱ་ར་མྨ་ཎཾ ཀ་ཏྭཱ པ་ཝ་ཏྟ་ཀུ་ས་ལཱ་དི་ཝ་སེ་ན ཝེ་དི་ཏ་བྦཱ་ནི. ཨུ་པ་ནི་སྶ་ཡེ ཨེ་ཀནྟི ཝ་ཏྠུཾ ཨཱ་ར་མྨ་ཎཱུ་པ་ནི་སྶ་ཡཾ ཀ་ཏྭཱ ཨུ་པྤ་ནྣཱ་ཀུ་ས་ལཾ. སེ་སཾ དུ་མཱུ་ལ་ཀེ ཧེ་ཊྛཱ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ.

༤༦༢-༤༦༤. ཨི་མ་སྨིཾ པ་ན ནི་སྶ་ཡ་པ་ཙྩ་ཡེ ཝཱི་ས་ཏི གྷ་ཊ་ནཱ་ནི. ཏེ་སུ པུ་རི་མཱ་ནི ཚ གྷ་ཊ་ནཱ་ནི པུ་རེ་ཛཱ་ཏ་ས་ཧ་ཛཱ་ཏ་ཝ་སེ་ན ཝུ་ཏྟཱ་ནི, ཏ་ཏོ ཙ་ཏྟཱ་རི པུ་རེ་ཛཱ་ཏ་ཝ་སེ་ནེ་ཝ, ཏ་ཏོ ད་ས ས་ཧ་ཛཱ་ཏ་ཝ་སེ་ནེ་ཝ. ཏ་ཏྠ པ་ཋ་མེ གྷ་ཊ་ནེ ཏེ་ར་སཱཏི ནི་སྶ་ཡ་པ་ཙྩ་ཡ་ཝི་བྷ་ངྒེ ཝུ་ཏྟཱ་ནེ་ཝ. དུ་ཏི་ཡེ ཨ་ཊྛཱཏི ས་ཧ་ཛཱ་ཏཱ་དྷི་པ་ཏི་ཝ་སེ་ན ས་ཏྟ, ཝ་ཏྠུཾ ག་རུཾ ཀ་ཏྭཱ ཨ་ཀུ་ས་ལ་ཉྩཱ་ཏི ཨ་ཊྛ. ཏ་ཏི་ཡེ ས་ཏྟ ཨི་ནྡྲི་ཡ་པ་ཙྩ་ཡེ ལ་དྡྷཱ་ནེ་ཝ. ཙ་ཏུ་ཏྠེ པ་ཉྩ ཝི་པྤ་ཡུ་ཏྟེ ལ་དྡྷཱ་ནི. པ་ཉྩ་མེ ཙ་ཏྟཱ་རཱིཏི ཀུ་ས་ལཱ་དཱི་ནི ཙི་ཏྟ་ས་མུ་ཊྛཱ་ནཱ་ནཾ, ཝ་ཏྠུ ཙ ཨ་ཀུ་ས་ལ་སྶ. ཚ་ཊྛེ ཏཱི་ཎཱིཏི ཀུ་ས་ལཱ་དཱི་ནི ཙི་ཏྟ་ས་མུ་ཊྛཱ་ན་སྶ. པུ་རེ་ཛཱ་ཏ་ཝ་སེ་ན ཙ་ཏཱུ་སུ པ་ཋ་མེ ཏཱི་ཎཱིཏི ཝ་ཏྠུ ཀུ་ས་ལཱ་དཱི་ནཾ, ཙ་ཀྑཱ་དཱི་ནི ཙ ཨ་བྱཱ་ཀ་ཏ་སྶ. དུ་ཏི་ཡེ ཝ་ཏྠུ་མེ་ཝ ཀུ་ས་ལཱ་དཱི་ནཾ. ཏ་ཏི་ཡེ ཨེ་ཀནྟི ཝ་ཏྠུ ཨ་ཀུ་ས་ལ་སྶ. ཙ་ཏུ་ཏྠེ ཙ་ཀྑཱ་དཱི་ནི ཝི་ཉྙཱ་ཎ་པ་ཉྩ་ཀ་སྶ. ས་ཧ་ཛཱ་ཏ་ཝ་སེ་ན ད་ས ས་ཝི་པཱ་ཀཱ་ཝི་པཱ་ཀ་ཝ་སེ་ན དྭི་དྷཱ བྷི་ནྡི་ཏྭཱ ས་ཧ་ཛཱ་ཏ་མཱུ་ལ་ཀེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཱ་ནི.

༤༦༥. ཨུ་པ་ནི་སྶ་ཡ་མཱུ་ལ་ཀེ ཨཱ་ར་མྨ་ཎེ ས་ཏྟཱཏི ཨཱ་ར་མྨ་ཎཱུ་པ་ནི་སྶ་ཡེ ལ་དྡྷཱ་ནེ་ཝ. ཨ་དྷི་པ་ཏི་ཡཱ ས་ཏྟཱཏི ཏཱ་ནེ་ཝ. ཨ་ན་ནྟ་ར་ས་མ་ན་ནྟ་རེ་སུ ཨ་ན་ནྟ་རཱུ་པ་ནི་སྶ་ཡེ ལ་དྡྷཱ་ནེ་ཝ. ནི་སྶ་ཡེ ཨེ་ཀནྟི ཝ་ཏྠུ ཨ་ཀུ་ས་ལ་སྶ. པུ་རེ་ཛཱ་ཏེ ཨེ་ཀནྟི ཏ་སྶེ་ཝ ཝ་ཏྠུཾ ཝཱ ཨཱ་ར་མྨ་ཎཾ ཝཱ. ཨཱ་སེ་ཝ་ནེ ཏཱི་ཎི ཨ་ན་ནྟ་རཱུ་པ་ནི་སྶ་ཡ་ཝ་སེ་ན. ཀ་མྨེ དྭེ པ་ཀ་ཏཱུ་པ་ནི་སྶ་ཡ་ཝ་སེ་ན. ལོ་ཀུ་ཏྟ་ར་ཀུ་ས་ལ་ཙེ་ཏ་ནཱ པ་ན ཨ་ན་ནྟ་རཱུ་པ་ནི་སྶ་ཡོ་པི ཧོ་ཏི. ཝི་པྤ་ཡུ་ཏྟེ ཨེ་ཀཾ ཨཱ་ར་མྨ་ཎཱུ་པ་ནི་སྶ་ཡ་ཝ་སེ་ན, ཏ་ཐཱ ཨ་ཏྠི་ཨ་ཝི་ག་ཏེ་སུ. ན་ཏྠི་ཝི་ག་ཏེ་སུ ས་ཏྟ ཨ་ན་ནྟ་ར་ས་མཱ་ནེ་ཝ.

༤༦༦. ཨུ་པ་ནི་སྶ་ཡ་མཱུ་ལ་ཀཱ་ནི པ་ན ས་ཏྟ གྷ་ཊ་ནཱ་ནི ཧོ་ནྟི. ཏ་ཏྠ པུ་རི་མཱ་ནི ཏཱི་ཎི ཨཱ་ར་མྨ་ཎཱུ་པ་ནི་སྶ་ཡ་ཝ་སེ་ན ཝུ་ཏྟཱ་ནི. ཏ་ཏྠ པ་ཋ་མེ ས་ཏྟཱཏི ཀུ་ས་ལོ ཀུ་ས་ལཱ་དཱི་ནཾ, ཏ་ཐཱ ཨ་བྱཱ་ཀ་ཏོ, ཨ་ཀུ་ས་ལོ ཨ་ཀུ་ས་ལ་སྶེ་ཝཱ་ཏི ཨེ་ཝཾ ས་ཏྟ. དུ་ཏི་ཡེ ཨེ་ཀནྟི ཙ་ཀྑཱ་དི་ཨ་བྱཱ་ཀ་ཏཾ ཨ་ཀུ་ས་ལ་སྶ. ཏ་ཏི་ཡེ ཝ་ཏྠུ ཨ་ཀུ་ས་ལ་སྶ. ཏ་ཏོ པ་རཱ་ནི དྭེ ཨ་ན་ནྟ་རཱུ་པ་ནི་སྶ་ཡ་ཝ་སེ་ན ཝུ་ཏྟཱ་ནི. ཏེ་སུ ག་ཎ་ནཱ པཱ་ཀ་ཊཱ་ཡེ་ཝ. ཏ་ཏོ དྭེ ཨ་ན་ནྟ་ར་པ་ཀ་ཏཱུ་པ་ནི་སྶ་ཡ་ཝ་སེ་ན ཝུ་ཏྟཱ་ནི. ཏ་ཏྠ པ་ཋ་མེ ལོ་ཀི་ཡ་ཀུ་ས་ལཱ་ཀུ་ས་ལ་ཙེ་ཏ་ནཱ་པ་ཙྩ་ཡ་བྷཱ་ཝ་ཏོ ག་ཧེ་ཏ་བྦཱ, དུ་ཏི་ཡེ ལོ་ཀུ་ཏྟ་ར་ཀུ་ས་ལཱ་ཝ.

༤༦༧-༤༦༨. པུ་རེ་ཛཱ་ཏ་མཱུ་ལ་ཀེ ཨཱ་ར་མྨ་ཎེ ཏཱི་ཎཱིཏི ཨ་བྱཱ་ཀ་ཏོ ཀུ་ས་ལཱ་དཱི་ནཾ. ཨ་དྷི་པ་ཏི་ཡཱ ཨེ་ཀནྟི ཨ་བྱཱ་ཀ་ཏོ ཨ་ཀུ་ས་ལ་སྶ. སེ་སེ་སུ་པི ཨེ་སེ་ཝ ན་ཡོ. ཨེ་ཏྠ པ་ན ས་ཏྟ གྷ་ཊ་ནཱ་ནི. ཏེ་སུ པ་ཋ་མཾ ཝ་ཏྠཱ་ར་མྨ་ཎ་ཝ་སེ་ན ཝུ་ཏྟཾ, དུ་ཏི་ཡཾ ཝ་ཏྠུ་ཝ་སེ་ནེ་ཝ, ཏ་ཏི་ཡཾ ཨཱ་ར་མྨ་ཎ་ཝ་སེ་ན, ཙ་ཏུ་ཏྠཾ ཝ་ཏྠུ་སྶ ཨཱ་ར་མྨ་ཎ་ཀཱ་ལ་ཝ་སེ་ན, པ་ཉྩ་མཾ ཨཱ་ར་མྨ་ཎཱ་དྷི་པ་ཏི་ཝ་སེ་ན, ཚ་ཊྛཾ ཝ་ཏྠུ་ནོ ཨཱ་ར་མྨ་ཎཱ་དྷི་པ་ཏི་ཀཱ་ལ་ཝ་སེ་ན, ས་ཏྟ་མཾ ཙ་ཀྑཱ་དི་ཝ་སེ་ན.

༤༦༩-༤༧༢. པ་ཙྪཱ་ཛཱ་ཏ་མཱུ་ལ་ཀེ ཝཱི་ས་ཏི པ་ཙྩ་ཡཱ ན ཡུ་ཛྫ་ནྟི, ཏ་ཡོ་ཝ ཡོ་ཛ་ནཾ ལ་བྷ་ནྟི. ཨེ་ཀ་མེ་ཝེ་ཏྠ གྷ་ཊ་ནཾ, ཏཾ ཀཱ་ཡ་སྶ ཀུ་ས་ལཱ་དཱི་ནཾ ཝ་སེ་ན ཝེ་དི་ཏ་བྦཾ. ཨཱ་སེ་ཝ་ན་མཱུ་ལ་ཀེ་པི ཨེ་ཀ་མེ་ཝ གྷ་ཊ་ནཾ.

༤༧༣-༤༧༧. ཀ་མྨ་མཱུ་ལ་ཀེ ཨ་ན་ནྟ་རེ ཨེ་ཀནྟི མ་གྒ་ཙེ་ཏ་ནཱ་ཝ་སེ་ན ཝུ་ཏྟཾ. ཨ་ཉྙ་མ་ཉྙེ ཏཱི་ཎཱིཏི ཨེ་ཏྠ པ་ཊི་ས་ནྡྷི་ཡཾ ཝ་ཏྠུ་པི ག་ཧེ་ཏ་བྦཾ. ཨུ་པ་ནི་སྶ་ཡེ དྭེཏི ཨ་ན་ནྟ་ར་པ་ཀ་ཏཱུ་པ་ནི་སྶ་ཡ་ཝ་སེ་ན ཧེ་ཊྛཱ ཝུ་ཏྟཱ་ནེ་ཝ. ཨེ་ཝཾ སེ་སཱ་ནི་པི ཧེ་ཊྛཱ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཱ་ནི. ཨེ་ཏྠ པ་ན ཨེ་ཀཱ་ད་ས གྷ་ཊ་ནཱ་ནི. ཏ་ཏྠ པ་ཋ་མཱ་ནི དྭེ པ་ཀ་ཏཱུ་པ་ནི་སྶ་ཡཱ་ན་ནྟ་རཱུ་པ་ནི་སྶ་ཡ་ཝི་བྷཱ་ག་ཏོ ནཱ་ནཱ་ཀྑ་ཎི་ཀ་ཀ་མྨ་ཝ་སེ་ན ཝུ་ཏྟཱ་ནི. ཏ་ཏོ པ་རཱ་ནི ཙ་ཏྟཱ་རི ཝི་པཱ་ཀཱ་ཝི་པཱ་ཀ་ཏོ ཨེ་ཀ་ཀྑ་ཎི་ཀ་ཀ་མྨ་ཝ་སེ་ན ཝུ་ཏྟཱ་ནི. ཏ་ཏྠ པ་ཋ་མེ ཨ་རཱུ་པེ་ན ས་དྡྷིཾ ཙི་ཏྟ་ས་མུ་ཊྛཱ་ན་རཱུ་པཾ ལ་བྦྷ་ཏི, དུ་ཏི་ཡེ ཨ་རཱུ་པེ་ན ས་དྡྷིཾ ཝ་ཏྠུ, ཏ་ཏི་ཡེ ཨ་རཱུ་པ་མེ་ཝ, ཙ་ཏུ་ཏྠེ ཙི་ཏྟ་ས་མུ་ཊྛཱ་ན་རཱུ་པ་མེ་ཝ. པ་ཊི་ས་ནྡྷི་ཡཾ པ་ན ཀ་ཊ་ཏྟཱ་རཱུ་པ་མྤི ལ་བྦྷ་ཏི. ཏ་ཏོ པ་རཱ་ནི པ་ཉྩ ས་ཝི་པཱ་ཀཱ་ནི, ཏཱ་ནི ཧེ་ཊྛཱ ཝུ་ཏྟ་ན་ཡཱ་ནེ་ཝ. ཝི་པཱ་ཀ་མཱུ་ལ་ཀེ པ་ཉྩ གྷ་ཊཱ་ནཱ་ནི ཨུ་ཏྟཱ་ན་ཏྠཱ་ནེ་ཝ.

༤༧༨-༤༨༣. ཨཱ་ཧཱ་ར་མཱུ་ལ་ཀེ ས་ཏྟཱཏི་ཨཱ་དཱི་ནི ཝུ་ཏྟ་ན་ཡཱ་ནེ་ཝ. གྷ་ཊ་ནཱ་ནི པ་ནེ་ཏྠ ཙ་ཏུ་ཏྟིཾ་ས. ཏེ་སུ པ་ཋ་མཱ་ནི པ་ཉྩ ཝི་པཱ་ཀཱ་ཝི་པཱ་ཀ་སཱ་མ་ཉྙ་ཏོ ཝུ་ཏྟཱ་ནི. ཏ་ཏྠ པ་ཋ་མེ ཙ་ཏྟཱ་རོ་པི ཨཱ་ཧཱ་རཱ ལ་བྦྷ་ནྟི; དུ་ཏི་ཡེ ཏ་ཡོ ཨ་རཱུ་པཱ་ཧཱ་རཱ་ཝ. ཏ་ཏི་ཡེ ཝ་ཏྠུ་པི པ་ཙྩ་ཡུ་པྤ་ནྣཾ ཧོ་ཏི, ཙ་ཏུ་ཏྠེ ཏཾ པ་རི་ཧཱ་ཡ་ཏི. པ་ཉྩ་མེ རཱུ་པ་མེ་ཝ པ་ཙྩ་ཡུ་པྤ་ནྣཾ. ཏ་ཏོ པ་རཱ་ནི པ་ཉྩ ས་ཝི་པཱ་ཀ་གྷ་ཊ་ནཱ་ནི, ཏཱ་ནི ཧེ་ཊྛཱ ཝུ་ཏྟ་ན་ཡཱ་ནེ་ཝ. ཏ་ཏོ པ་རཱ་ནི ན་ཝ གྷ་ཊ་ནཱ་ནི ཙེ་ཏ་ནཱ་ཧཱ་ར་ཝ་སེ་ན ཝུ་ཏྟཱ་ནི. ཏ་ཏོ པ་རཱ་ནི ན་ཝ ནི་རཱ་དྷི་པ་ཏི་ཝི་ཉྙཱ་ཎཱ་ཧཱ་ར་ཝ་སེ་ན. ཏ་ཏོ པ་རཱ་ནི སཱ་དྷི་པ་ཏི་ཝི་ཉྙཱ་ཎཱ་ཧཱ་ར་ཝ་སེ་ན ཚ གྷ་ཊ་ནཱ་ནི ཝུ་ཏྟཱ་ནི. ཏ་ཏྠ ཏཱི་ཎི ཝི་པཱ་ཀཱ་ཝི་པཱ་ཀ་སཱ་མ་ཉྙ་ཝ་སེ་ན ཝུ་ཏྟཱ་ནི. ཏཱི་ཎི ཝི་པཱ་ཀ་ཝ་སེ་ནེ་ཝ. ཏ་ཏྠ ལོ་ཀི་ཡཱ་ནཾ ཝི་པཱ་ཀཱ་ནཾ ཨ་བྷཱ་ཝ་ཏོ ཝ་ཏྠུ པ་རི་ཧཱ་ཡ་ཏི.

༤༨༤-༤༩༥. ཨི་ནྡྲི་ཡ་མཱུ་ལ་ཀེ པུ་རེ་ཛཱ་ཏེ ཨེ་ཀནྟི ཙ་ཀྑུ་ནྡྲི་ཡཱ་དཱི་ནཾ ཝ་སེ་ན ཨ་བྱཱ་ཀ་ཏེ་ན ཨ་བྱཱ་ཀ་ཏཾ. སེ་སཾ དུ་མཱུ་ལ་ཀཾ ཧེ་ཊྛཱ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ. གྷ་ཊ་ནཱ་ནི པ་ནེ་ཏྠ ཚ ས་ཏྟ་ཏི. ཏ་ཏྠ པ་ཋ་མེ ས་བྦཱ་ནི་པི ཨི་ནྡྲི་ཡཱ་ནི པ་ཙྩ་ཡ་ཊྛེ་ན ལ་བྦྷ་ནྟི. དུ་ཏི་ཡེ རཱུ་པ་ཛཱི་ཝི་ཏི་ནྡྲི་ཡཾ ཧཱ་ཡ་ཏི. ན ཧི ཏཾ ནི་སྶ་ཡོ ཧོ་ཏི. ཏ་ཏི་ཡེ ཨ་རཱུ་པི་ནྡྲི་ཡཱ་ནི རཱུ་པཱ་ནཾ. ཙ་ཏུ་ཏྠེ ཙ་ཀྑཱ་དཱི་ནི ཙ་ཀྑུ་ཝི་ཉྙཱ་ཎཱ་དཱི་ནཾ. ཏ་ཏོ པ་རཱ་ནི ན་ཝ གྷ་ཊ་ནཱ་ནི ས་ཧ་ཛཱ་ཏ་ཨ་རཱུ་པི་ནྡྲི་ཡ་ཝ་སེ་ན ཝུ་ཏྟཱ་ནི, ཏ་ཏོ ན་ཝ མ་གྒ་བྷཱུ་ཏཱ་ནཾ ཨི་ནྡྲི་ཡཱ་ནཾ ཝ་སེ་ན, ཏ་ཏོ ན་ཝ ཛྷཱ་ན་ངྒ་བྷཱུ་ཏཱ་ནཾ, ཏ་ཏོ ན་ཝ ཛྷཱ་ན་མ་གྒ་བྷཱུ་ཏཱ་ནཾ, ཏ་ཏོ ན་ཝ མ་ནི་ནྡྲི་ཡ་ཝ་སེ་ནེ་ཝ, ཏ་ཏོ སཱ་དྷི་པ་ཏཱི་ནི ཚ, ཏ་ཏོ ཝཱི་རི་ཡ་ཝ་སེ་ན མ་གྒ་ས་མྤ་ཡུ་ཏྟཱ་ནི ཚ, ཏ་ཏོ ཨ་མོ་ཧ་ཧེ་ཏུ་ཝ་སེ་ན ནི་རཱ་དྷི་པ་ཏཱི་ནི ན་ཝ, སཱ་དྷི་པ་ཏཱི་ནི ཚ. ཏེ་སུ ས་བྦེ་སུ ཝི་པཱ་ཀ་པ་ཙྩ་ཡེ་ན ཨ་ཡུ་ཏྟཱ་ནི ཙ ཡུ་ཏྟཱ་ནི ཙ ཧེ་ཊྛཱ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཱ་ནི.

༤༩༦-༥༠༠. ཛྷཱ་ན་མཱུ་ལ་ཀེ་པི དུ་མཱུ་ལ་ཀཾ ཧེ་ཊྛཱ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ. གྷ་ཊ་ནཱ་ནི པ་ནེ་ཏྠ ཚ་ཏྟིཾ་ས. ཏེ་སུ པ་ཋ་མཱ་ནི ན་ཝ ཨི་ནྡྲི་ཡ་མ་གྒ་བྷཱ་ཝཾ ཨ་ནཱ་མ་སི་ཏྭཱ སཱ་དྷཱ་ར་ཎ་ཛྷཱ་ན་ངྒ་ཝ་སེ་ནེ་ཝ ཝུ་ཏྟཱ་ནི. ཏ་ཏོ པ་རཱ་ནི ན་ཝ ཨི་ནྡྲི་ཡ་བྷཱུ་ཏ་ཛྷཱ་ན་ངྒ་ཝ་སེ་ན, ཏ་ཏོ ན་ཝ མ་གྒ་བྷཱུ་ཏ་ཛྷཱ་ན་ངྒ་ཝ་སེ་ན, ཏ་ཏོ ན་ཝ ཨི་ནྡྲི་ཡ་མ་གྒ་བྷཱུ་ཏ་ཛྷཱ་ན་ངྒ་ཝ་སེ་ན. ཙ་ཏཱུ་སུ་པི ཙེ་ཏེ་སུ ན་ཝ་ཀེ་སུ ཨཱ་དི་ཏོ ཙ་ཏྟཱ་རི ཙ་ཏྟཱ་རི ཝི་པཱ་ཀཱ་ཝི་པཱ་ཀ་སཱ་དྷཱ་ར་ཎཱ་ནི. ཨ་ཝ་སཱ་ནེ པ་ཉྩ པ་ཉྩ ཝི་པཱ་ཀཱ་ནེ་ཝ, ཏཱ་ནི ཧེ་ཊྛཱ ཝུ་ཏྟ་ན་ཡཱ་ནེ་ཝ.

༥༠༡-༥༠༨. མ་གྒ་མཱུ་ལ་ཀེ་པི དུ་མཱུ་ལ་ཀཾ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ. གྷ་ཊ་ནཱ་ནི པ་ནེ་ཏྠ ས་ཏྟ་པ་ཉྙཱ་ས. ཏེ་སུ པ་ཋ་མཱ་ནི ན་ཝ ཨི་ནྡྲི་ཡ་ཛྷཱ་ན་བྷཱ་ཝཾ ཨ་ནཱ་མ་སི་ཏྭཱ སུ་དྡྷི་ཀ་མ་གྒ་ཝ་སེ་ནེ་ཝ ཝུ་ཏྟཱ་ནི. ཏ་ཏོ ན་ཝ ཨི་ནྡྲི་ཡ་བྷཱུ་ཏ་མ་གྒ་ཝ་སེ་ན, ཏ་ཏོ ན་ཝ ཛྷཱ་ན་བྷཱུ་ཏ་མ་གྒ་ཝ་སེ་ན, ཏ་ཏོ ན་ཝ ཨི་ནྡྲི་ཡ་ཛྷཱ་ན་བྷཱུ་ཏ་མ་གྒ་ཝ་སེ་ན, ཏ་ཏོ ཚ ཨ་དྷི་པ་ཏི་བྷཱུ་ཏ་མ་གྒ་ཝ་སེ་ན, ཏ་ཏོ ན་ཝ ནི་རཱ་དྷི་པ་ཏི་མ་གྒ་ཧེ་ཏུ་ཝ་སེ་ན, ཏ་ཏོ ཚ སཱ་དྷི་པ་ཏི་མ་གྒ་ཧེ་ཏུ་ཝ་སེ་ན, ཏ་ཏྠ ན་ཝ་ཀེ་སུ པ་ཉྩ པ་ཉྩ ཚ་ཀྐེ་སུ ཏཱི་ཎི ཏཱི་ཎི ཝི་པཱ་ཀཱ་ནི. སེ་སཱ་ནི སཱ་དྷཱ་ར་ཎཱ་ནི, ཏཱ་ནི ཧེ་ཊྛཱ ཝུ་ཏྟ་ན་ཡཱ་ནེ་ཝ.

༥༠༩-༥༡༠. ས་མྤ་ཡུ་ཏྟ་མཱུ་ལ་ཀེ དུ་མཱུ་ལ་ཀཾ ཨུ་ཏྟཱ་ན་ཏྠ་མེ་ཝ. ཨེ་ཏྠ པ་ན དྭེ་ཡེ་ཝ གྷ་ཊ་ནཱ་ནི. ཏ་ཏྠ ཨེ་ཀཾ སཱ་དྷཱ་ར་ཎ་ཝ་སེ་ན, ཨེ་ཀཾ ཝི་པཱ་ཀ་ཝ་སེ་ན ཝུ་ཏྟཾ.

༥༡༡-༥༡༤. ཝི་པྤ་ཡུ་ཏྟ་མཱུ་ལ་ཀེ་པི དུ་མཱུ་ལ་ཀཾ ཨུ་ཏྟཱ་ན་ཏྠ་མེ་ཝ. གྷ་ཊ་ནཱ་ནི པ་ནེ་ཏྠ ཏེ་ར་ས. ཏ་ཏྠ པ་ཋ་མེ པ་ཉྩཱཏི ཀུ་ས་ལོ ཨ་བྱཱ་ཀ་ཏ་སྶ, ཏ་ཐཱ ཨ་ཀུ་ས་ལོ, ཨ་བྱཱ་ཀ་ཏོ ཏི་ཎྞ་ནྣ་མྤི. ཨེ་ཏྠ ཙ ཨི་མེ ཝི་པྤ་ཡུ་ཏྟཱ་ད་ཡོ ས་ཧ་ཛཱ་ཏཱ་པི ཧོ་ནྟི, པ་ཙྪཱ་ཛཱ་ཏ་པུ་རེ་ཛཱ་ཏཱ་པི. དུ་ཏི་ཡེ པུ་རེ་ཛཱ་ཏ་ས་ཧ་ཛཱ་ཏཱ་ཝ ཏ་ཏི་ཡེ ཏེ་ཡེ་ཝ ཨ་དྷི་པ་ཏི་ཝ་སེ་ན. ཏ་ཏྠ ཀུ་ས་ལོ ཨ་བྱཱ་ཀ་ཏ་སྶ ཏ་ཐཱ ཨ་ཀུ་ས་ལོ, ཨ་བྱཱ་ཀ་ཏོ པ་ན ཨ་བྱཱ་ཀ་ཏ་སྶ ཙ ཨཱ་ར་མྨ་ཎཱ་དྷི་པ་ཏི་ཝ་སེ་ན ཨ་ཀུ་ས་ལ་སྶ ཙཱ་ཏི ཨེ་ཝཾ ཙ་ཏྟཱ་རི. ཙ་ཏུ་ཏྠེ ཏཱི་ཎཱིཏི ཀུ་ས་ལཱ་དཱི་ནི ཨ་བྱཱ་ཀ་ཏ་སྶ. ཨི་ནྡྲི་ཡཱ་ནི པ་ནེ་ཏྠ རཱུ་པཱ་ནི་པི ཨ་རཱུ་པཱ་ནི་པི. པ་ཉྩ་མེ པ་ཙྩ་ཡཱ ཨ་རཱུ་པཱ་ཝ ཚ་ཊྛེ ཝ་ཏྠུ་ཝ་སེ་ན རཱུ་པཱ་ཝ ས་ཏྟ་མེ ཀུ་ས་ལཱ་བྱཱ་ཀ་ཏཱ་ནཾ ཝི་པ་སྶ་ནཱ་ཝ་སེ་ན, ཨ་ཀུ་ས་ལ་སྶ ཨ་སྶཱ་ད་ན་ཝ་སེ་ན ཝ་ཏྠུ་མེ་ཝ. ཨ་ཊྛ་མེ ཏ་དེ་ཝཱ་ཀུ་ས་ལ་སྶ, ན་ཝ་མེ ཙ་ཀྑཱ་དཱི་ནི ཨ་བྱཱ་ཀ་ཏ་སྶ, ད་ས་མེ ཀུ་ས་ལཱ་ད་ཡོ ཙི་ཏྟ་ས་མུ་ཊྛཱ་ནཱ་ནཾ, ཨེ་ཀཱ་ད་ས་མེ པ་ཊི་ས་ནྡྷི་ཡཾ ཝ་ཏྠུ ཁ་ནྡྷཱ་ནཾ, དྭཱ་ད་ས་མེ པ་ཊི་ས་ནྡྷི་ཡཾ ཁ་ནྡྷཱ ཀ་ཊ་ཏྟཱ་རཱུ་པཱ་ནཾ, ཏེ་ར་ས་མེ པ་ཊི་ས་ནྡྷི་ཡཾ ཁ་ནྡྷཱ ཝ་ཏྠུ་སྶ.

༥༡༥-༥༡༨. ཨ་ཏྠི་པ་ཙྩ་ཡ་མཱུ་ལ་ཀེ ཨུ་པ་ནི་སྶ་ཡེ ཨེ་ཀནྟི ཨཱ་ར་མྨ་ཎཱུ་པ་ནི་སྶ་ཡ་ཝ་སེ་ན ཨ་བྱཱ་ཀ་ཏཾ ཨ་ཀུ་ས་ལ་སྶ. སེ་སཾ དུ་མཱུ་ལ་ཀེ ཨུ་ཏྟཱ་ན་མེ་ཝ. གྷ་ཊ་ནཱ་ནི པ་ནེ་ཏྠ ཨེ་ཀཱུ་ན་ཏིཾ་ས. ཏེ་སུ པ་ཋ་མེ ཨ་རཱུ་པ་ཝ་ཏྠཱ་ར་མྨ་ཎ་མ་ཧཱ་བྷཱུ་ཏ་ཨི་ནྡྲི་ཡཱ་ཧཱ་རཱ་ནཾ ཝ་སེ་ན ས་ཧ་ཛཱ་ཏ་པུ་རེ་ཛཱ་ཏ་པ་ཙྪཱ་ཛཱ་ཏ་པ་ཙྩ་ཡཱ ལ་བྦྷ་ནྟི. དུ་ཏི་ཡེ པ་ཙྪཱ་ཛཱ་ཏ་ཀ་བ་ལཱི༹་ཀཱ་རཱ་ཧཱ་རཱ ན ལ་བྦྷ་ནྟི. པ་ཋ་མ་དུ་ཏི་ཡ་གྷ་ཊ་ནཱ་ནེ་ཝ ཨ་དྷི་པ་ཏི་ནཱ ས་དྡྷིཾ ཨུ་པ་རི ཏ་ཏི་ཡ་ཙ་ཏུ་ཏྠཱ་ནི ཀ་ཏཱ་ནི. པུ་ན པ་ཋ་མ་མེ་ཝ ཙ་ཏཱུ་ཧི ཨཱ་ཧཱ་རེ་ཧི ས་དྡྷིཾ པ་ཉྩ་མཾ, རཱུ་པི་ནྡྲི་ཡེ་ཧི ས་དྡྷིཾ ཚ་ཊྛཾ, རཱུ་པཱ་རཱུ་པི་ནྡྲི་ཡེ་ཧི ས་དྡྷིཾ ས་ཏྟ་མཾ ཀ་ཏཾ. དུ་ཏི་ཡ་མེ་ཝ ཝཱ པ་ན ཨི་ནྡྲི་ཡེ་ཧི ས་དྡྷིཾ ས་ཏྟ་མཾ ཀ་ཏཾ. པ་ཋ་མ་དུ་ཏི་ཡཱ་ནེ་ཝ ཝི་པྤ་ཡུ་ཏྟ་པ་ཙྩ་ཡེ་ན ས་དྡྷིཾ ཨ་ཊྛ་མ་ན་ཝ་མཱ་ནི. ཏེ་སུ ན་ཝ་མཾ ཨ་དྷི་པ་ཏི་ནཱ ས་དྡྷིཾ ད་ས་མཾ ཀ་ཏཾ. ཏ་ཏོ ཨེ་ཀཱ་ད་ས་མེ པ་ཙྩ་ཡ་ཝ་སེ་ན ཝ་ཏྠུ ཧཱ་ཡ་ཏི. དྭཱ་ད་ས་མེ ཨ་རཱུ་པ་དྷ་མྨཱ་ཡེ་ཝ པ་ཙྩ་ཡཱ, ཏེ་ར་ས་མེ ཝ་ཏྠཱ་ར་མྨ་ཎཱ, ཙུ་དྡ་ས་མེ ཝ་ཏྠུ་མེ་ཝ, པ་ནྣ་ར་ས་མེ ཨཱ་ར་མྨ་ཎ་མེ་ཝ, སོ་ལ༹་ས་མེ ཝ་ཏྠུ་མེ་ཝ ཨཱ་ར་མྨ་ཎཾ, ས་ཏྟ་ར་ས་མེ པ་ན ཏ་དེ་ཝ ཨཱ་ར་མྨ་ཎཱ་དྷི་པ་ཏི་བྷཱ་ཝེ་ན, ཨ་ཊྛཱ་ར་ས་མེ་པི ཏ་དེ་ཝ ཨཱ་ར་མྨ་ཎཱུ་པ་ནི་སྶ་ཡ་ཝ་སེ་ན, ཨེ་ཀཱུ་ན་ཝཱི་ས་ཏི་མེ ཙ་ཀྑཱ་ད་ཡོ་ཝ པ་ཙྩ་ཡཱ. ཨི་མཱ་ནི ཨེ་ཀཱུ་ན་ཝཱི་ས་ཏི པ་ཀི་ཎྞ་ཀ་གྷ་ཊ་ནཱ་ནི ནཱ་མ ས་ཧ་ཛཱ་ཏཾ ཨ་གྒ་ཧེ་ཏྭཱ ཝུ་ཏྟཱ་ནི. ཏ་ཏོ པ་རཱ་ནི ད་ས ས་ཧ་ཛཱ་ཏ་ཝ་སེ་ན ཝུ་ཏྟཱ་ནི.

༥༡༩. ན་ཏྠི་ཝི་ག་ཏ་མཱུ་ལ་ཀེ་སུ ཨ་ན་ནྟ་ར་ས་མ་ན་ནྟ་ར་མཱུ་ལ་ཀེ་སུ ཝི་ཡ ཨུ་པ་ནི་སྶ་ཡཱ་སེ་ཝ་ན་ཀ་མྨ་ཝ་སེ་ན ཏཱི་ཎི་ཡེ་ཝ གྷ་ཊ་ནཱ་ནི, ཨ་ཝི་ག་ཏ་མཱུ་ལ་ཀཾ ཨ་ཏྠི་མཱུ་ལ་ཀ་ས་དི་ས་མེ་ཝཱ་ཏི.

ཡཱ་ནི པ་ནེ་ཏཱ་ནི ཨི་མ་སྨིཾ པ་ཉྷཱ་ཝཱ་རེ གྷ་ཊ་ནཱ་ནི ཝུ་ཏྟཱ་ནི, ཏཱ་ནི ས་བྦཱ་ནི་པི དུ་ཝི་དྷཱ་ནི་ཡེ་ཝ – པ་ཀི་ཎྞ་ཀ་ཏོ ས་ཧ་ཛཱ་ཏ་ཏོ ཙ. ཏ་ཏྠ ས་བྦེ་ས་མྤི ཨཱ་ར་མྨ་ཎ་མཱུ་ལ་ཀཱ་དཱི་ནཾ ཨཱ་དི་ཏོ ས་ཧ་ཛཱ་ཏཾ ཨ་གྒ་ཧེ་ཏྭཱ ཝུ་ཏྟཱ་ནི པ་ཀི་ཎྞ་ཀཱ་ནི ནཱ་མ. ཏཱ་ནི ཨཱ་ར་མྨ་ཎ་མཱུ་ལ་ཀེ པ་ཉྩ་པི, ཨ་དྷི་པ་ཏི་མཱུ་ལ་ཀེ ཚ, ཨ་ན་ནྟ་ར་མཱུ་ལ་ཀེ ཏཱི་ཎི་པི, ཏ་ཐཱ ས་མ་ན་ནྟ་ར་མཱུ་ལ་ཀེ, ནི་སྶ་ཡ་མཱུ་ལ་ཀེ ད་ས, ཨུ་པ་ནི་སྶ་ཡ་མཱུ་ལ་ཀེ ས་ཏྟ, པུ་རེ་ཛཱ་ཏ་མཱུ་ལ་ཀེ ས་ཏྟ, པ་ཙྪཱ་ཛཱ་ཏ་མཱུ་ལ་ཀེ ཨེ་ཀ་མེ་ཝ, ཏ་ཐཱ ཨཱ་སེ་ཝ་ན་མཱུ་ལ་ཀེ, ཀ་མྨ་མཱུ་ལ་ཀེ དྭེ, ཨཱ་ཧཱ་ར་མཱུ་ལ་ཀེ ཨེ་ཀཾ, ཨི་ནྡྲི་ཡ་མཱུ་ལ་ཀེ ཙ་ཏྟཱ་རི, ཝི་པྤ་ཡུ་ཏྟ་མཱུ་ལ་ཀེ ན་ཝ, ཨ་ཏྠི་མཱུ་ལ་ཀེ ཨེ་ཀཱུ་ན་ཝཱི་ས་ཏི, ན་ཏྠི་མཱུ་ལ་ཀེ ཏཱི་ཎི་པི, ཏ་ཐཱ་ཝི་ག་ཏ་མཱུ་ལ་ཀེ. ཨ་ཝི་ག་ཏ་མཱུ་ལ་ཀེ ཨེ་ཀཱུ་ན་ཝཱི་ས་ཏཱི་ཏི ས་བྦཱ་ནི་པི ས་ཏ་ཉྩེ་ཝ ཏཱི་ཎི ཙ ཧོ་ནྟི. ས་ཧ་ཛཱ་ཏ་ནི་སྶ་ཡ་བྷཱ་ཝེ་ན པ་ནེ་ཏཱ་ནི པ་ཀི་ཎྞ་ཀཱ་ནཱི་ཏི ཝུ་ཏྟཱ་ནི.

ཡཱ་ནི པ་ན ས་ཧ་ཛཱ་ཏཾ ལ་བྦྷ་ནྟི, ཏཱ་ནི ས་ཧ་ཛཱ་ཏ་གྷ་ཊ་ནཱ་ནི ནཱ་མཱ་ཏི ཝུ་ཙྩ་ནྟི. ཏཱ་ནི ཨཱ་ར་མྨ་ཎ་མཱུ་ལ་ཀེ ཨ་ན་ནྟ་ར་ས་མ་ན་ནྟ་ར་པུ་རེ་ཛཱ་ཏ་པ་ཙྪཱ་ཛཱ་ཏ་ཨཱ་སེ་ཝ་ན་ན་ཏྠི་ཝི་ག་ཏ་མཱུ་ལ་ཀེ་སུ ན ལ་བྦྷ་ནྟི. ན ཧི ཏེ པ་ཙྩ་ཡཱ ས་ཧ་ཛཱ་ཏཱ་ནཾ པ་ཙྩ་ཡཱ ཧོ་ནྟི. ཡ་ཐཱ ཙ ས་ཧ་ཛཱ་ཏཱ་ནཾ ན ཧོ་ནྟི, ཏ་ཐཱ ཧེ་ཏུ་ས་ཧ་ཛཱ་ཏ་ཨ་ཉྙ་མ་ཉྙ་ཝི་པཱ་ཀ་ཛྷཱ་ན་མ་གྒ་ས་མྤ་ཡུ་ཏྟ་པ་ཙྩ་ཡཱ. ཨ་ས་ཧ་ཛཱ་ཏཱ་ན་ནྟི ཧེ་ཏུ་མཱུ་ལ་ཀེ ས་བྦཱ་ནི ཙ་ཏུ་ཝཱི་ས་ཏི་པི གྷ་ཊ་ནཱ་ནི ས་ཧ་ཛཱ་ཏ་གྷ་ཊ་ནཱ་ནེ་ཝ. ཏ་ཐཱ ཨ་དྷི་པ་ཏི་མཱུ་ལ་ཀེ ཙ་ཏུ་ཝཱི་ས་ཏི, ས་ཧ་ཛཱ་ཏ་མཱུ་ལ་ཀེ ད་ས་པི, ཨ་ཉྙ་མ་ཉྙ་མཱུ་ལ་ཀེ ཚ་པི, ནི་སྶ་ཡ་མཱུ་ལ་ཀེ ད་ས, ཀ་མྨ་མཱུ་ལ་ཀེ ན་ཝ, ཝི་པཱ་ཀ་མཱུ་ལ་ཀེ པ་ཉྩ་པི, ཨཱ་ཧཱ་ར་མཱུ་ལ་ཀེ ཏེ་ཏྟིཾ་ས, ཨི་ནྡྲི་ཡ་མཱུ་ལ་ཀེ དྭཱ་ས་ཏྟ་ཏི ཛྷཱ་ན་མཱུ་ལ་ཀེ ཚ་ཏྟིཾ་སཱ་པི, མ་གྒ་མཱུ་ལ་ཀེ ས་ཏྟ་པ་ཉྙཱ་ས་མྤི, ས་མྤ་ཡུ་ཏྟ་མཱུ་ལ་ཀེ དྭེ་པི, ཝི་པྤ་ཡུ་ཏྟ་མཱུ་ལ་ཀེ ཙ་ཏྟཱ་རི, ཨ་ཏྠི་མཱུ་ལ་ཀེ ད་ས, ཨ་ཝི་ག་ཏ་མཱུ་ལ་ཀེ ད་སཱ་ཏི ས་བྦཱ་ནི་པི ཏཱི་ཎི ས་ཏཱ་ནི དྭཱ་ད་ས ཙ ཧོ་ནྟི. ཨི་ཏི པུ་རི་མཱ་ནི ས་ཏཾ ཏཱི་ཎི ཙ ཨི་མཱ་ནི ཙ དྭཱ་ད་སུ་ཏྟ་རཱ་ནི ཏཱི་ཎི ས་ཏཱ་ནཱི་ཏི ས་བྦཱ་ནི་པི པ་ཉྩ་ད་སཱ་དྷི་ཀཱ་ནི ཙ་ཏྟཱ་རི གྷ་ཊ་ན་ས་ཏཱ་ནི པ་ཉྷཱ་ཝཱ་རེ ཨཱ་ག་ཏཱ་ནི. ཏེ་སུ ཡེ ཡེ པ་ཙྩ་ཡ་དྷ་མྨཱ ནཱ་མ་ཝ་སེ་ན ན པཱ་ཀ་ཊཱ ཧུ་ཏྭཱ པ་ཉྙཱ་ཡ་ནྟི, ཏེ་པི ཧེ་ཏུ་མཱུ་ལ་ཀཱ་དཱི་ནཾ ན་ཡཱ་ནཾ ཨཱ་དི་ཏོ ཝི་པཱ་ཀཱ་ཝི་པཱ་ཀ་སཱ་མ་ཉྙ་ཏོ ཝུ་ཏྟེ་སུ གྷ་ཊ་ནེ་སུ ད་སྶེ་ཏ་བྦཱ. དྭཱ་ད་སེ་ཝ ཧི ཧེ་ཏཱུ ཚ ཨཱ་ར་མྨ་ཎཱ ཙ་ཏྟཱ་རོ ཨ་དྷི་པ་ཏ་ཡོ ཙ་ཏྟཱ་རོ ཨཱ་ཧཱ་རཱ ཝཱི་ས་ཏི ཨི་ནྡྲི་ཡཱ་ནི ས་ཏྟ ཛྷཱ་ན་ངྒཱ་ནི དྭཱ་ད་ས མ་གྒ་ངྒཱ་ནཱི་ཏི ཨེ་ཏེ པ་ཙྩ་ཡ་དྷ་མྨཱ ནཱ་མ. ཏེ་སུ ཡེ ཡེ དྷ་མྨཱ ཨེ་ཀ་ནྟེ་ན ཀུ་ས་ལཱ, ཨེ་ཀ་ནྟེ་ནེ་ཝ ཨ་ཀུ་ས་ལཱ, ཨེ་ཀ་ནྟེ་ན ཀུ་ས་ལ་ཝི་པཱ་ཀཱ, ཨེ་ཀ་ནྟེ་ནེ་ཝཱ་ཀུ་ས་ལ་ཝི་པཱ་ཀཱ, ཨེ་ཀ་ནྟེ་ནེ་ཝ ཝི་པཱ་ཀཱ, ཨེ་ཀ་ནྟེ་ནེ་ཝ ཨ་ཝི་པཱ་ཀཱ ཏེ ཏེ སཱ་དྷུ་ཀཾ ས་ལླ་ཀྑེ་ཏྭཱ ཡེ ཏ་ཏྠ ཝི་པཱ་ཀཱ, ཏེ ཝི་པཱ་ཀ་གྷ་ཊ་ནེ་སུ, ཡེ ཨ་ཝི་པཱ་ཀཱ, ཏེ ཨ་ཝི་པཱ་ཀ་གྷ་ཊ་ནེ་སུ ཡ་ཐཱ་ཡོ་གཾ ཡོ་ཛེ་ཏ་བྦཱ་ཏི.

པ་ཉྷཱ་ཝཱ་ར་སྶ གྷ་ཊ་ནེ ཨ་ནུ་ལོ་མ་ག་ཎ་ནཱ.

པ་ཙྩ་ནཱི་ཡུ་དྡྷཱ་ར་ཝ་ཎྞ་ནཱ

༥༢༧. ཨི་དཱ་ནི པ་ཙྩ་ནཱི་ཡཾ ཧོ་ཏི. ཏ་ཏྠ ཡ་ཐཱ པ་ཊི་ཙྩ ཝཱ་རཱ་དཱི་སུ ‘‘ཨ་ཀུ་ས་ལཾ དྷ་མྨཾ པ་ཊི་ཙྩ ཨ་ཀུ་ས་ལོ དྷ་མྨོ ཨུ་པྤ་ཛྫ་ཏི ན་ཧེ་ཏུ་པ་ཙྩ་ཡཱ’’ཏི་ཨཱ་དི་ནཱ ན་ཡེ་ན ལ་བྦྷ་མཱ་ནཱ པ་ཉྷཱ ལ་བྦྷ་མཱ་ནཱ་ནཾ པ་ཙྩ་ཡཱ་ནཾ ཝ་སེ་ན ས་རཱུ་པ་ཏོ་ཝ ཝི་ཏྠཱ་རི་ཏཱ. ཨེ་ཝཾ ཨ་ཝི་ཏྠཱ་རེ་ཏྭཱ ཨེ་ཀེ་ན ལ་ཀྑ་ཎེ་ན ས་ངྑེ་པ་ཏོ པ་ཙྩ་ནཱི་ཡཾ ད་སྶེ་ཏུཾ དྷ་མྨ་ས་ངྒཱ་ཧ་ཀེ་ཧི ཀུ་ས་ལོ དྷ་མྨོ ཀུ་ས་ལ་སྶ དྷ་མྨ་སྶ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོཏི་ཨཱ་དི་ནཱ ན་ཡེ་ན ཨ་ནུ་ལོ་མ་ཏོ ཀུ་ས་ལཱ་དཱི་ནཾ པ་ཙྩ་ཡཱ ཨུ་དྡྷ་ཊཱ. ཏེ ཙ ཁོ པ་ཙྩ་ཡཱ ས་མཱུ་ཧ་ཝ་སེ་ན, ནོ ཨེ་ཀེ་ཀ་པ་ཙྩ་ཡ་ཝ་སེ་ནེ་ཝ; ཏ་སྨཱ ཡེ ཡ་ཏྠ ས་མཱུ་ཧ་ཏོ ད་སྶི་ཏཱ, ཏེ ཝི་བྷ་ཛི་ཏྭཱ ཝེ་དི་ཏ་བྦཱ. ས་བྦེ་པི ཧི ཨི་མེ ཙ་ཏུ་ཝཱི་ས་ཏི པ་ཙྩ་ཡཱ ཨ་ཊྛ་སུ པ་ཙྩ་ཡེ་སུ ས་ངྒ་ཧཾ ག་ཙྪ་ནྟི. ཀ་ཏ་རེ་སུ ཨ་ཊྛ་སུ? ཨཱ་ར་མྨ་ཎེ, ས་ཧ་ཛཱ་ཏེ, ཨུ་པ་ནི་སྶ་ཡེ, པུ་རེ་ཛཱ་ཏེ, པ་ཙྪཱ་ཛཱ་ཏེ, ཀ་མྨེ, ཨཱ་ཧཱ་རེ, ཨི་ནྡྲི་ཡེ་ཏི. ཀ་ཐཾ? ཋ་པེ་ཏྭཱ ཧི ཨི་མེ ཨ་ཊྛ པ་ཙྩ་ཡེ སེ་སེ་སུ སོ་ལ༹་ས་སུ ཧེ་ཏུ་པ་ཙྩ་ཡོ ཨ་ཉྙ་མ་ཉྙ་ཝི་པཱ་ཀ་ཛྷཱ་ན་མ་གྒ་ས་མྤ་ཡུ་ཏྟ་པ་ཙྩ་ཡོ་ཏི ཨི་མེ ཚ པ་ཙྩ་ཡཱ ཨེ་ཀ་ནྟེ་ན ས་ཧ་ཛཱ་ཏཱ ཧུ་ཏྭཱ ས་ཧ་ཛཱ་ཏཱ་ན་ཉྙེ་ཝ པ་ཙྩ་ཡ་བྷཱ་ཝ་ཏོ ས་ཧ་ཛཱ་ཏ་པ་ཙྩ་ཡེ ས་ངྒ་ཧཾ ག་ཙྪ་ནྟི. ཨ་ན་ནྟ་ར་པ་ཙྩ་ཡོ ས་མ་ན་ནྟ་ར་ཨཱ་སེ་ཝ་ན་ན་ཏྠི་ཝི་ག་ཏ་པ་ཙྩ་ཡོ་ཏི ཨི་མེ པ་ན པ་ཉྩ ཨུ་པྤ་ཛྫི་ཏྭཱ ནི་རུ་དྡྷཱ ཨ་ཏྟ་ནོ ཨ་ན་ནྟ་རཾ ཨུ་པྤ་ཛྫ་མཱ་ནཱ་ན་ཉྙེ་ཝ པ་ཙྩ་ཡ་བྷཱ་ཝ་ཏོ ཨ་ན་ནྟ་རཱུ་པ་ནི་སྶ་ཡ་ལ་ཀྑ་ཎེ་ན ཨུ་པ་ནི་སྶ་ཡེ ས་ངྒ་ཧཾ ག་ཙྪ་ནྟི. ནི་སྶ་ཡ་པ་ཙྩ་ཡོ ས་ཧ་ཛཱ་ཏ་པུ་རེ་ཛཱ་ཏ་བྷེ་ད་ཏོ དུ་ཝི་དྷོ. ཏ་ཏྠ ས་ཧ་ཛཱ་ཏ་ནི་སྶ་ཡོ ས་ཧ་ཛཱ་ཏཱ་ན་ཉྙེ་ཝ ནི་སྶ་ཡ་པ་ཙྩ་ཡ་བྷཱ་ཝ་ཏོ ས་ཧ་ཛཱ་ཏ་པ་ཙྩ་ཡེ ས་ངྒ་ཧཾ ག་ཙྪ་ཏི, པུ་རེ་ཛཱ་ཏ་ནི་སྶ་ཡོ པུ་རེ་ཛཱ་ཏ་པ་ཙྩ་ཡེ ས་ངྒ་ཧཾ ག་ཙྪ་ཏི.

ཨ་དྷི་པ་ཏི་པ་ཙྩ་ཡོ་པི ས་ཧ་ཛཱ་ཏཱ་དྷི་པ་ཏི་ཨཱ་ར་མྨ་ཎཱ་དྷི་པ་ཏི་ཝ་སེ་ན དུ་ཝི་དྷོ. ཏ་ཏྠ ས་ཧ་ཛཱ་ཏཱ་དྷི་པ་ཏི ས་ཧ་ཛཱ་ཏཱ་ནཾ་ཡེ་ཝ ཨ་དྷི་པ་ཏི་པ་ཙྩ་ཡ་བྷཱ་ཝ་ཏོ ས་ཧ་ཛཱ་ཏ་པ་ཙྩ་ཡེ ས་ངྒ་ཧཾ ག་ཙྪ་ཏི. ཨཱ་ར་མྨ་ཎཱ་དྷི་པ་ཏི ཨཱ་ར་མྨ་ཎཱུ་པ་ནི་སྶ་ཡོ ཧོ་ཏི་ཡེ་ཝཱ་ཏི ཨཱ་ར་མྨ་ཎཱུ་པ་ནི་སྶ་ཡ་ལ་ཀྑ་ཎེ་ན ཨུ་པ་ནི་སྶ་ཡ་པ་ཙྩ་ཡེ ས་ངྒ་ཧཾ ག་ཙྪ་ཏི. ཝི་པྤ་ཡུ་ཏྟ་པ་ཙྩ་ཡོ ས་ཧ་ཛཱ་ཏ་པུ་རེ་ཛཱ་ཏ་པ་ཙྪཱ་ཛཱ་ཏ་བྷེ་ད་ཏོ ཏི་ཝི་དྷོ. ཏ་ཏྠ ས་ཧ་ཛཱ་ཏ་ཝི་པྤ་ཡུ་ཏྟོ ས་ཧ་ཛཱ་ཏཱ་ན་ཉྙེ་ཝ ཝི་པྤ་ཡུ་ཏྟ་པ་ཙྩ་ཡ་བྷཱ་ཝ་ཏོ ས་ཧ་ཛཱ་ཏ་པ་ཙྩ་ཡེ ས་ངྒ་ཧཾ ག་ཙྪ་ཏི. པུ་རེ་ཛཱ་ཏ་ཝི་པྤ་ཡུ་ཏྟོ པུ་རེ ཨུ་པྤ་ཛྫི་ཏྭཱ པ་ཙྪཱ ཨུ་པྤ་ཛྫ་མཱ་ནཱ་ནཾ པ་ཙྩ་ཡ་བྷཱ་ཝ་ཏོ པུ་རེ་ཛཱ་ཏེ ས་ངྒ་ཧི་ཏོ. པ་ཙྪཱ་ཛཱ་ཏ་ཝི་པྤ་ཡུ་ཏྟོ པ་ཙྪཱ ཨུ་པྤ་ཛྫི་ཏྭཱ པུ་རེ ཨུ་པྤ་ནྣཱ་ནཾ ཨུ་པ་ཏྠ་མྦྷ་ན་ཝ་སེ་ན པ་ཙྩ་ཡ་བྷཱ་ཝ་ཏོ པ་ཙྪཱ་ཛཱ་ཏ་པ་ཙྩ་ཡེ ས་ངྒ་ཧཾ ག་ཙྪ་ཏི. ཨ་ཏྠི་པ་ཙྩ་ཡ་ཨ་ཝི་ག་ཏ་པ་ཙྩ་ཡཱ ས་ཧ་ཛཱ་ཏ་པུ་རེ་ཛཱ་ཏ་པ་ཙྪཱ་ཛཱ་ཏ་ཨཱ་ཧཱ་རི་ནྡྲི་ཡཱ་ན་ཉྩེ་ཝ ཨ་ཏྠི་ཨ་ཝི་ག་ཏེ་སུ ཙ ཨེ་ཀེ་ཀ་སྶ ཝ་སེ་ན ཚ་ཧི བྷེ་དེ་ཧི ཋི་ཏཱ. ཏ་ཏྠ ས་ཧ་ཛཱ་ཏ་ཨ་ཏྠི་ཨ་ཝི་ག་ཏཱ ས་ཧ་ཛཱ་ཏཱ་ན་ཉྙེ་ཝ ཨ་ཏྠི་ཨ་ཝི་ག་ཏ་པ་ཙྩ་ཡ་བྷཱ་ཝ་ཏོ. ས་ཧ་ཛཱ་ཏ་པ་ཙྩ་ཡེ ས་ངྒ་ཧཾ ག་ཙྪ་ནྟི. པུ་རེ་ཛཱ་ཏཱ པུ་རེ ཨུ་པྤ་ཛྫི་ཏྭཱ པ་ཙྪཱ ཨུ་པྤ་ཛྫ་མཱ་ནཱ་ནཾ པ་ཙྩ་ཡ་བྷཱ་ཝ་ཏོ པུ་རེ་ཛཱ་ཏ་པ་ཙྩ་ཡེ ས་ངྒ་ཧཾ ག་ཙྪ་ནྟི. པ་ཙྪཱ་ཛཱ་ཏཱ པ་ཙྪཱ ཨུ་པྤ་ཛྫི་ཏྭཱ པུ་རེ ཨུ་པྤ་ནྣཱ་ནཾ ཨུ་པ་ཏྠ་མྦྷ་ན་ཝ་སེ་ན པ་ཙྩ་ཡ་བྷཱ་ཝ་ཏོ པ་ཙྪཱ་ཛཱ་ཏ་པ་ཙྩ་ཡེ ས་ངྒ་ཧཾ ག་ཙྪ་ནྟི. ཨཱ་ཧཱ་ར་བྷཱུ་ཏཱ ཀ་བ་ལཱི༹་ཀཱ་རཱ་ཧཱ་ར་པ་ཙྩ་ཡེ ས་ངྒ་ཧཾ ག་ཙྪ་ནྟི. ཨི་ནྡྲི་ཡ་བྷཱུ་ཏཱ རཱུ་པ་ཛཱི་ཝི་ཏི་ནྡྲི་ཡ་པ་ཙྩ་ཡེ ས་ངྒ་ཧཾ ག་ཙྪ་ནྟཱི་ཏི ཨེ་ཝཾ ཨི་མེ སོ་ལ༹་ས པ་ཙྩ་ཡཱ ཨི་མེ་སུ ཨ་ཊྛ་སུ པ་ཙྩ་ཡེ་སུ ས་ངྒ་ཧཾ ག་ཙྪ་ནྟཱི་ཏི ཝེ་དི་ཏ་བྦཱ.

ཨི་མེ་ས་མྤི པ་ན ཨ་ཊྛ་ནྣཾ པ་ཙྩ་ཡཱ་ནཾ ཨ་ཉྙ་མ་ཉྙཾ ས་ངྒ་ཧོ ཨ་ཏྠི་ཡེ་ཝ. ཨཱ་དི་ཏོ ནི་དྡི་ཊྛོ ཧི ཨཱ་ར་མྨ་ཎ་པ་ཙྩ་ཡོ ཨ་དྷི་པ་ཏི་ཨ་ན་དྷི་པ་ཏི་བྷེ་དེ་ན དུ་ཝི་དྷོ. ཏ་ཏྠ ཨ་དྷི་པ་ཏི་བྷཱུ་ཏོ ཨཱ་ར་མྨ་ཎཱུ་པ་ནི་སྶ་ཡ་ལ་ཀྑ་ཎེ་ན ཨུ་པ་ནི་སྶ་ཡེ ས་ངྒ་ཧཾ ག་ཙྪ་ཏི. ཨ་ན་དྷི་པ་ཏི་བྷཱུ་ཏོ སུ་དྡྷོ ཨཱ་ར་མྨ་ཎ་པ་ཙྩ་ཡོ་ཝ. ཀ་མྨ་པ་ཙྩ་ཡོ་པི ས་ཧ་ཛཱ་ཏ་ནཱ་ནཱ་ཀྑ་ཎི་ཀ་ཝ་སེ་ན དུ་ཝི་དྷོ. ཏ་ཏྠ ས་ཧ་ཛཱ་ཏ་ཀ་མྨཾ ཨ་ཏྟ་ནཱ ས་ཧ་ཛཱ་ཏཱ་ན་ཉྙེ་ཝ ཀ་མྨ་པ་ཙྩ་ཡ་བྷཱ་ཝ་ཏོ ས་ཧ་ཛཱ་ཏེ་ཡེ་ཝ ས་ངྒ་ཧཾ ག་ཙྪ་ཏི. ནཱ་ནཱ་ཀྑ་ཎི་ཀ་ཀ་མྨཾ བ་ལ་ཝ་དུ་བྦ་ལ་ཝ་སེ་ན དུ་ཝི་དྷཾ. ཏ་ཏྠ བ་ལ་ཝ་ཀ་མྨཾ ཝི་པཱ་ཀ་དྷ་མྨཱ་ནཾ ཨུ་པ་ནི་སྶ་ཡོ་ཝ ཧུ་ཏྭཱ པ་ཙྩ་ཡོ ཧོ་ཏཱི་ཏི ཨུ་པ་ནི་སྶ་ཡེ ས་ངྒ་ཧཾ ག་ཙྪ་ཏི. བ་ལ་ཝ་མྤི པ་ན རཱུ་པཱ་ནཾ དུ་བྦ་ལ་ཉྩ ཨ་རཱུ་པཱ་ནཾ ནཱ་ནཱ་ཀྑ་ཎི་ཀ་ཀ་མྨ་པ་ཙྩ་ཡེ་ནེ་ཝ པ་ཙྩ་ཡོ. ཨཱ་ཧཱ་ར་པ་ཙྩ་ཡོ་པི རཱུ་པཱ་རཱུ་པ་ཏོ དུ་ཝི་དྷོ. ཏ་ཏྠ ཨ་རཱུ་པཱ་ཧཱ་རོ ཨ་ཏྟ་ནཱ ས་ཧ་ཛཱ་ཏཱ་ན་ཉྙེ་ཝ པ་ཙྩ་ཡོ ཧོ་ཏཱི་ཏི ས་ཧ་ཛཱ་ཏ་པ་ཙྩ་ཡེ ས་ངྒ་ཧཾ ག་ཙྪ་ཏི. རཱུ་པཱ་ཧཱ་རོ ས་ཧ་ཛཱ་ཏ་པུ་རེ་ཛཱ་ཏ་པ་ཙྪཱ་ཛཱ་ཏཱ་ནཾ པ་ཙྩ་ཡོ ན ཧོ་ཏི. ཨ་ཏྟ་ནོ པ་ན ཨུ་པྤཱ་ད་ཀྑ་ཎཾ ཨ་ཏི་ཀྐ་མི་ཏྭཱ ཋི་ཏི་པྤ་ཏྟོ ཨཱ་ཧཱ་ར་པ་ཙྩ་ཡ་ཏཾ སཱ་དྷེ་ཏཱི་ཏི ཨཱ་ཧཱ་ར་པ་ཙྩ་ཡོ་ཝ ཧོ་ཏི. ཨི་ནྡྲི་ཡ་པ་ཙྩ་ཡོ་པི རཱུ་པཱ་རཱུ་པ་ཏོ དུ་ཝི་དྷོ. ཏ་ཏྠ ཨ་རཱུ་པི་ནྡྲི་ཡ་པ་ཙྩ་ཡོ ཨ་ཏྟ་ནཱ ས་ཧ་ཛཱ་ཏཱ་ན་ཉྙེ་ཝ ཨི་ནྡྲི་ཡ་པ་ཙྩ་ཡ་ཏཾ སཱ་དྷེ་ཏཱི་ཏི ས་ཧ་ཛཱ་ཏེ་ཡེ་ཝ ས་ངྒ་ཧཾ ག་ཙྪ་ཏི. རཱུ་པི་ནྡྲི་ཡ་པ་ཙྩ་ཡོ པ་ན ཨ་ཛ྄ཛྷ་ཏྟ་བ་ཧི་དྡྷཱ་བྷེ་ད་ཏོ དུ་ཝི་དྷོ. ཏ་ཏྠ ཨ་ཛ྄ཛྷ་ཏྟཾ ཨི་ནྡྲི་ཡ་པ་ཙྩ་ཡོ པུ་རེ ཨུ་པྤ་ཛྫི་ཏྭཱ པ་ཙྪཱ ཨུ་པྤ་ཛྫ་མཱ་ནཱ་ནཾ ས་ས་མྤ་ཡུ་ཏྟ་དྷ་མྨཱ་ནཾ ཙ་ཀྑུ་ཝི་ཉྙཱ་ཎཱ་དཱི་ནཾ ཨི་ནྡྲི་ཡ་པ་ཙྩ་ཡོ ཧོ་ཏཱི་ཏི པུ་རེ་ཛཱ་ཏེ་ཡེ་ཝ ས་ངྒ་ཧཾ ག་ཙྪ་ཏི. བཱ་ཧི་རོ ཨི་ནྡྲི་ཡ་པ་ཙྩ་ཡོ ནཱ་མ རཱུ་པ་ཛཱི་ཝི་ཏི་ནྡྲི་ཡཾ, ཏཾ ས་ཧ་ཛཱ་ཏཱ་ནཾ པ་ཙྩ་ཡོ ཧོ་ནྟ་མྤི ཨ་ནུ་པཱ་ལ་ན་མ་ཏྟ་ཝ་སེ་ནེ་ཝ ཧོ་ཏི, ན ཛ་ན་ཀ་ཝ་སེ་ནཱ་ཏི ཨི་ནྡྲི་ཡ་པ་ཙྩ་ཡོ་ཝ ཧོ་ཏི. ཨེ་ཝཾ ཨི་མེ ཨ་ཊྛ པ་ཙྩ་ཡཱ ཨ་ཉྙ་མ་ཉྙ་མྤི ས་ངྒ་ཧཾ ག་ཙྪ་ནྟཱི་ཏི ཝེ་དི་ཏ་བྦཱ. ཨ་ཡཾ ཏཱ་ཝ ཨ་ཊྛ་སུ པ་ཙྩ་ཡེ་སུ ཨ་ཝ་སེ་སཱ་ནཾ སོ་ལ༹་ས་ནྣ་ཉྩེ་ཝ ཏེ་སཾ་ཡེ་ཝ ཙ ཨ་ཊྛ་ནྣཾ ཨ་ཉྙ་མ་ཉྙ་ཝ་སེ་ན ས་ངྒ་ཧ་ན་ཡོ.

ཨི་དཱ་ནི ཨི་མེ་སཾ ཨ་ཊྛ་ནྣཾ པ་ཙྩ་ཡཱ་ནཾ ཨེ་ཀེ་ཀ་སྨིཾ ཙ་ཏུ་ཝཱི་ས་ཏི་ཡཱ་པི པ་ཙྩ་ཡེ་སུ ཡེ ཡེ ས་ངྒ་ཧཾ ག་ཙྪ་ནྟི, ཏེ ཏེ ཝེ་དི་ཏ་བྦཱ. ཏ་ཏྠ ཨ་ཊྛ་ནྣཾ ཏཱ་ཝ ས་བྦ་པ་ཋ་མེ ཨཱ་ར་མྨ་ཎ་པ་ཙྩ་ཡེ ཨཱ་ར་མྨ་ཎ་པ་ཙྩ་ཡོ་ཝ ས་ངྒ་ཧཾ ག་ཙྪ་ཏི, ན སེ་སཱ ཏེ་ཝཱི་ས་ཏི. དུ་ཏི་ཡེ ས་ཧ་ཛཱ་ཏ་པ་ཙྩ་ཡེ ཧེ་ཏུ་པ་ཙྩ་ཡོ ས་ཧ་ཛཱ་ཏཱ་དྷི་པ་ཏི་པ་ཙྩ་ཡོ ས་ཧ་ཛཱ་ཏ་པ་ཙྩ་ཡོ ཨ་ཉྙ་མ་ཉྙ་པ་ཙྩ་ཡོ ས་ཧ་ཛཱ་ཏ་ནི་སྶ་ཡ་པ་ཙྩ་ཡོ ས་ཧ་ཛཱ་ཏ་ཀ་མྨ་པ་ཙྩ་ཡོ ཝི་པཱ་ཀ་པ་ཙྩ་ཡོ ས་ཧ་ཛཱ་ཏ་ཨཱ་ཧཱ་ར་པ་ཙྩ་ཡོ ས་ཧ་ཛཱ་ཏ་ཨི་ནྡྲི་ཡ་པ་ཙྩ་ཡོ ཛྷཱ་ན་པ་ཙྩ་ཡོ མ་གྒ་པ་ཙྩ་ཡོ ས་མྤ་ཡུ་ཏྟ་པ་ཙྩ་ཡོ ས་ཧ་ཛཱ་ཏ་ཝི་པྤ་ཡུ་ཏྟ་པ་ཙྩ་ཡོ ས་ཧ་ཛཱ་ཏ་ཏྠི་པ་ཙྩ་ཡོ ས་ཧ་ཛཱ་ཏཱ་ཝི་ག་ཏ་པ་ཙྩ་ཡོ་ཏི ཨི་མེ པ་ནྣ་ར་ས པ་ཙྩ་ཡཱ ས་ངྒ་ཧཾ ག་ཙྪ་ནྟི. ཏ་ཏི་ཡེ ཨུ་པ་ནི་སྶ་ཡ་པ་ཙྩ་ཡེ ཨ་དྷི་པ་ཏི་བྷཱུ་ཏོ ཨཱ་ར་མྨ་ཎ་པ་ཙྩ་ཡོ ཨཱ་ར་མྨ་ཎ་བྷཱུ་ཏོ ཨ་དྷི་པ་ཏི་པ་ཙྩ་ཡོ ཨ་ན་ནྟ་ར་ས་མ་ན་ནྟ་ར་ཨུ་པ་ནི་སྶ་ཡ་ཨཱ་སེ་ཝ་ན་པ་ཙྩ་ཡཱ ནཱ་ནཱ་ཀྑ་ཎི་ཀོ བ་ལ་ཝ་ཀ་མྨ་པ་ཙྩ་ཡོ ན་ཏྠི་པ་ཙྩ་ཡོ ཝི་ག་ཏ་པ་ཙྩ་ཡོ་ཏི ཨི་མེ ན་ཝ པ་ཙྩ་ཡཱ ས་ངྒ་ཧཾ ག་ཙྪ་ནྟི. ཙ་ཏུ་ཏྠེ པུ་རེ་ཛཱ་ཏ་པ་ཙྩ་ཡེ པུ་རེ་ཛཱ་ཏ་ནི་སྶ་ཡ་པ་ཙྩ་ཡོ པུ་རེ་ཛཱ་ཏ་པ་ཙྩ་ཡོ པུ་རེ་ཛཱ་ཏི་ནྡྲི་ཡ་པ་ཙྩ་ཡོ པུ་རེ་ཛཱ་ཏ་ཝི་པྤ་ཡུ་ཏྟ་པ་ཙྩ་ཡོ པུ་རེ་ཛཱ་ཏ་ཏྠི་པ་ཙྩ་ཡོ པུ་རེ་ཛཱ་ཏཱ་ཝི་ག་ཏ་པ་ཙྩ་ཡོ་ཏི ཨི་མེ ཚ པ་ཙྩ་ཡཱ ས་ངྒ་ཧཾ ག་ཙྪ་ནྟི. པ་ཉྩ་མེ པ་ཙྪཱ་ཛཱ་ཏ་པ་ཙྩ་ཡེ པ་ཙྪཱ་ཛཱ་ཏ་པ་ཙྩ་ཡོ པ་ཙྪཱ་ཛཱ་ཏ་ཝི་པྤ་ཡུ་ཏྟ་པ་ཙྩ་ཡོ པ་ཙྪཱ་ཛཱ་ཏ་ཏྠི་པ་ཙྩ་ཡོ པ་ཙྪཱ་ཛཱ་ཏཱ་ཝི་ག་ཏ་པ་ཙྩ་ཡོ་ཏི ཨི་མེ ཙ་ཏྟཱ་རོ པ་ཙྩ་ཡཱ ས་ངྒ་ཧཾ ག་ཙྪ་ནྟི. ཚ་ཊྛེ ཀ་མྨ་པ་ཙྩ་ཡེ ནཱ་ནཱ་ཀྑ་ཎི་ཀ་ཀ་མྨ་པ་ཙྩ་ཡོ་ཝ ས་ངྒ་ཧི་ཏོ. ས་ཏྟ་མེ ཨཱ་ཧཱ་ར་པ་ཙྩ་ཡེ ཀ་བ་ལཱི༹་ཀཱ་རཱ་ཧཱ་ར་ཝ་སེ་ནེ་ཝ ཨཱ་ཧཱ་ར་པ་ཙྩ་ཡོ ཨཱ་ཧཱ་ར་ཏྠི་པ་ཙྩ་ཡོ ཨཱ་ཧཱ་རཱ་ཝི་ག་ཏ་པ་ཙྩ་ཡོ་ཏི ཨི་མེ ཏ་ཡོ པ་ཙྩ་ཡཱ ས་ངྒ་ཧི་ཏཱ. ཨ་ཊྛ་མེ ཨི་ནྡྲི་ཡ་པ་ཙྩ་ཡེ རཱུ་པ་ཛཱི་ཝི་ཏི་ནྡྲི་ཡ་པ་ཙྩ་ཡོ ཨི་ནྡྲི་ཡ་ཏྠི་པ་ཙྩ་ཡོ ཨི་ནྡྲི་ཡཱ་ཝི་ག་ཏ་པ་ཙྩ་ཡོ་ཏི ཨི་མེ ཏ་ཡོ པ་ཙྩ་ཡཱ ས་ངྒ་ཧཾ ག་ཙྪ་ནྟི. ཨེ་ཝཾ ཨི་མེ་སཾ ཨ་ཊྛ་ནྣཾ པ་ཙྩ་ཡཱ་ནཾ ཨེ་ཀེ་ཀ་སྨིཾ ཨི་མེ ཙི་མེ ཙ པ་ཙྩ་ཡཱ ས་ངྒ་ཧཾ ག་ཏཱ་ཏི ཉ་ཏྭཱ ཡེ ཡ་ཏྠ ས་ངྒ་ཧཾ ག་ཏཱ, ཏེ ཏ་སྶ ག་ཎ་ནེ་ན ག་ཧི་ཏཱ་ཝ ཧོ་ནྟཱི་ཏི ཝེ་དི་ཏ་བྦཱ.

ཨེ་ཝཾ ས་བྦ་པ་ཙྩ་ཡ་ས་ངྒཱ་ཧ་ཀཱ་ནཾ ཨི་མེ་སཾ ཨ་ཊྛ་ནྣཾ པ་ཙྩ་ཡཱ་ནཾ ཝ་སེ་ན ཨེ་ཀཱུ་ན་པ་ཉྙཱ་སཱ་ཡ པ་ཉྷེ་སུ ཨི་མ་སྨིཾ པ་ཙྩ་ནཱི་ཡེ ‘‘ཀུ་ས་ལོ དྷ་མྨོ ཀུ་ས་ལ་སྶ དྷ་མྨ་སྶ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ’’ཏི་ཨཱ་ད་ཡོ ཨི་མེ པ་ནྣ་ར་ས པ་ཉྷཱ ཨུ་དྡྷ་རི་ཏྭཱ ཝི་སྶ་ཛྫི་ཏཱ. ཏ་ཏྠ ཀུ་ས་ལོ ཀུ་ས་ལ་སྶ, ཀུ་ས་ལོ ཨ་ཀུ་ས་ལ་སྶ, ཀུ་ས་ལོ ཨ་བྱཱ་ཀ་ཏ་སྶ, ཀུ་ས་ལོ ཀུ་ས་ལཱ་བྱཱ་ཀ་ཏ་སྶཱ་ཏི ཀུ་ས་ལཱ་དི་ཀཱ ཙ་ཏྟཱ་རོ པ་ཉྷཱ; ཏ་ཐཱ ཨ་ཀུ་ས་ལཱ་དི་ཀཱ; ཨ་བྱཱ་ཀ་ཏོ པ་ན ཨ་བྱཱ་ཀ་ཏ་སྶ, ཨ་བྱཱ་ཀ་ཏོ ཀུ་ས་ལ་སྶ, ཨ་བྱཱ་ཀ་ཏོ ཨ་ཀུ་ས་ལ་སྶཱ་ཏི ཨ་བྱཱ་ཀ་ཏཱ་དི་ཀཱ ཏ་ཡོ; ཀུ་ས་ལོ ཙ ཨ་བྱཱ་ཀ་ཏོ ཙ ཀུ་ས་ལ་སྶ; ཏ་ཐཱ ཨ་བྱཱ་ཀ་ཏ་སྶ; ཨ་ཀུ་ས་ལོ ཙ ཨ་བྱཱ་ཀ་ཏོ ཙ ཨ་ཀུ་ས་ལ་སྶ; ཏ་ཐཱ ཨ་བྱཱ་ཀ་ཏ་སྶཱ་ཏི དུ་མཱུ་ལ་ཀེ་ཀཱ་ཝ་སཱ་ནཱ ཙ་ཏྟཱ་རོ ཧོ་ནྟི. ཏེ་སུ པ་ཋ་མེ པ་ཉྷེ ཡེ་ཧི བྷ་ཝི་ཏ་བྦཾ, ཏེ ས་བྦེ ས་ངྒ་ཧེ་ཏྭཱ ཏ་ཡོ པ་ཙྩ་ཡཱ ཝུ་ཏྟཱ. དུ་ཏི་ཡེ དྭེ, ཏ་ཏི་ཡེ པ་ཉྩ, ཙ་ཏུ་ཏྠེ ཨེ་ཀོ་ཝ པ་ཉྩ་མེ ཏ་ཡོ, ཚ་ཊྛེ དྭེ, ས་ཏྟ་མེ པ་ཉྩ, ཨ་ཊྛ་མེ ཨེ་ཀོ་ཝ ན་ཝ་མེ ས་ཏྟ, ད་ས་མེ ཏ་ཡོ, ཨེ་ཀཱ་ད་ས་མེ ཏ་ཡོ, དྭཱ་ད་ས་མེ དྭེ, ཏེ་ར་ས་མེ ཙ་ཏྟཱ་རོ, ཙུ་དྡ་ས་མེ དྭེ, པ་ནྣ་ར་ས་མེ་པི ཙ་ཏྟཱ་རོ་ཝ. ཏེ ‘‘ས་ཧ་ཛཱ་ཏ་པ་ཙྩ་ཡེ་ནཱ’’ཏི ཨ་ཝ་ཏྭཱ ‘‘ས་ཧ་ཛཱ་ཏཾ པ་ཙྪཱ་ཛཱ་ཏ’’ནྟི ཝུ་ཏྟཱ. ཏ་ཏྠ ཀཱ་ར་ཎཾ པ་ར་ཏོ ཝ་ཀྑཱ་མ.

ས་མཱ་ས་ཏོ པ་ནེ་ཏྠ ཨེ་ཀོ དྭེ ཏ་ཡོ ཙ་ཏྟཱ་རོ པ་ཉྩ ས་ཏྟཱ་ཏི ཚ་ལེ༹་ཝ པ་ཙྩ་ཡ་པ་རི་ཙྪེ་དཱ ཧོ་ནྟི. ཨ་ཡཾ པ་ཉྷཱ་ཝཱ་ར་སྶ པ་ཙྩ་ནཱི་ཡེ ཨུ་ཀྐ་ཊྛ་ཝ་སེ་ན པ་ཉྷཱ་པ་རི་ཙྪེ་དོ ཙེ་ཝ ཏེ ཏེ པ་ཙྩ་ཡེ ས་ངྒ་ཧེ་ཏྭཱ ད་སྶི་ཏ་པ་ཙྩ་ཡ་པ་རི་ཙྪེ་དོ ཙ. ‘‘ན ཧེ་ཏུ་པ་ཙྩ་ཡོ’’ཏི་ཨཱ་དཱི་སུ ཧི ཙ་ཏུ་ཝཱི་ས་ཏི་ཡཱ་པི པ་ཙྩ་ཡ་པ་ཙྩ་ནཱི་ཡེ་སུ ཨེ་ཀ་པ་ཙྩ་ནཱི་ཡེ་པི ཨི་ཏོ ཨུ་དྡྷཾ པ་ཉྷཱ ཝཱ པ་ཙྩ་ཡཱ ཝཱ ན ལ་བྦྷ་ནྟི, ཧེ་ཊྛཱ ལ་བྦྷ་ནྟི. ཏ་སྨཱ ཡེ་སུ པ་ཉྷེ་སུ ‘‘ཀུ་ས་ལོ དྷ་མྨོ ཀུ་ས་ལ་སྶ ཙ ཨ་བྱཱ་ཀ་ཏ་སྶ ཙ དྷ་མྨ་སྶ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ’’ཏི ཨེ་ཝཾ ཨེ་ཀོ་ཝ པ་ཙྩ་ཡོ ཨཱ་ག་ཏོ, ཏ་སྨིཾ པ་ཙྩ་ཡེ པ་ཊི་ཀྑི་ཏྟེ ཏེ པ་ཉྷཱ པ་རི་ཧཱ་ཡ་ནྟི. ཡ་སྨིཾ པ་ན པ་ཉྷེ ‘‘ཀུ་ས་ལོ དྷ་མྨོ ཨ་ཀུ་ས་ལ་སྶ དྷ་མྨ་སྶ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ’’ཏི ཨེ་ཝཾ དྭེ པ་ཙྩ་ཡཱ ཨཱ་ག་ཏཱ. ཏ་ཏྠ ནཱ་ར་མྨ་ཎ་པ་ཙྩ་ཡཱ་ཏི ཨེ་ཝཾ ཨེ་ཀ་སྨིཾ པ་ཙྩ་ཡེ པ་ཊི་ཀྑི་ཏྟེ་པི ཨི་ཏ་ར་སྶ པ་ཙྩ་ཡ་སྶ ཝ་སེ་ན སོ པ་ཉྷོ ལ་བྦྷ་ཏེ་ཝ. ཏེ་སུ པ་ན དྭཱི་སུ་པི པ་ཙྩ་ཡེ་སུ པ་ཊི་ཀྑི་ཏྟེ་སུ སོ ཝཱ་རོ པ་ཙྪི་ཛྫ་ཏི. ཨེ་ཝ་མེ་ཝ ཡེ་སུ པ་ཉྷེ་སུ ཏ་ཡོ ཙ་ཏྟཱ་རོ པ་ཉྩ ས་ཏྟ ཝཱ ལ་བྦྷ་ནྟི, ཏེ་སུ ཋ་པེ་ཏྭཱ པ་ཊི་ཀྑི་ཏྟེ པ་ཙྩ་ཡེ ཨ་ཝ་སེ་སཱ་ནཾ ཝ་སེ་ན ཏེ པ་ཉྷཱ ལ་བྦྷ་ནྟི་ཡེ་ཝ. ས་བྦེ་སུ པ་ན པ་ཙྩ་ཡེ་སུ པ་ཊི་ཀྑི་ཏྟེ་སུ ས་བྦེ་པི ཏེ ཝཱ་རཱ པ་ཙྪི་ཛྫ་ནྟཱི་ཏི ཨི་ད་མེ་ཝ ཙེ་ཏྠ ལ་ཀྑ་ཎཾ. ཨི་མི་ནཱ ལ་ཀྑ་ཎེ་ན ཨཱ་དི་ཏོ པ་ཊྛཱ་ཡ ཏེ་སུ ཏེ་སུ པ་ཉྷེ་སུ ས་ངྑི་པི་ཏྭཱ ཝུ་ཏྟ་པ་ཙྩ་ཡཱ་ནཾ པ་བྷེ་དོ ཙ ཏ་སྨིཾ ཏ་སྨིཾ པ་ཙྩ་ནཱི་ཡེ ཏེ་སཾ ཏེ་སཾ པ་ཉྷཱ་ནཾ པ་རི་ཧཱ་ནི ཙ ཝེ་དི་ཏ་བྦཱ.

ཏ་ཏྲཱ་ཡཾ ཝི་ཏྠཱ་ར་ཀ་ཐཱ – པ་ཋ་མ་པ་ཉྷེ ཏཱ་ཝ ཏཱི་ཧི པ་ཙྩ་ཡེ་ཧི ཨེ་ཀཱུ་ན་ཝཱི་ས་ཏི པ་ཙྩ་ཡཱ ད་སྶི་ཏཱ. ཀ་ཐཾ? ཀུ་ས་ལོ ཧི ཀུ་ས་ལ་སྶ པུ་རེ་ཛཱ་ཏ་པ་ཙྪཱ་ཛཱ་ཏ་ཝི་པཱ་ཀ་ཝི་པྤ་ཡུ་ཏྟེ་ཧེ་ཝ པ་ཙྩ་ཡོ ན ཧོ་ཏི, སེ་སེ་ཧི ཝཱི་ས་ཏི་ཡཱ ཧོ་ཏི, ཏེ་སུ ཨཱ་ར་མྨ་ཎ་པ་ཙྩ་ཡོ ཨེ་ཀོ་ཝ ས་ཧ་ཛཱ་ཏེ པ་ན ས་བྦ་ས་ངྒཱ་ཧི་ཀ་ཝ་སེ་ན པ་ནྣ་ར་ས པ་ཙྩ་ཡཱ ས་ངྒ་ཧཾ ག་ཙྪ་ནྟཱི་ཏི ཝུ་ཏྟཱ. ཏེ་སུ ཧེ་ཏུ་པ་ཙྩ་ཡེ པ་ཊི་ཀྑི་ཏྟེ ཙུ་དྡ་ས ཧོ་ནྟི. ཀུ་ས་ལོ པ་ན ཀུ་ས་ལ་སྶ ནེ་ཝ ཝི་པཱ་ཀ་པ་ཙྩ་ཡོ ན, ཝི་པྤ་ཡུ་ཏྟ་པ་ཙྩ་ཡོ་ཏི ཏེ དྭེ ཨ་པ་ནེ་ཏྭཱ སེ་སེ དྭཱ་ད་ས ས་ནྡྷཱ་ཡ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ་ཏི ཝུ་ཏྟཾ. ཨུ་པ་ནི་སྶ་ཡ་པ་ཙྩ་ཡེ་པི ས་བྦ་ས་ངྒཱ་ཧི་ཀ་ཝ་སེ་ན ན་ཝ པ་ཙྩ་ཡཱ ས་ངྒ་ཧཾ ག་ཙྪ་ནྟཱི་ཏི ཝུ་ཏྟཱ. ཏེ་སུ ཨ་དྷི་པ་ཏི་བྷཱུ་ཏོ ཨཱ་ར་མྨ་ཎ་པ་ཙྩ་ཡོ ཨཱ་ར་མྨ་ཎ་བྷཱུ་ཏོ ཙ ཨ་དྷི་པ་ཏི་པ་ཙྩ་ཡོ ཨཱ་ར་མྨ་ཎཱུ་པ་ནི་སྶ་ཡ་ཝ་སེ་ན ཨུ་པ་ནི་སྶ་ཡ་མེ་ཝ ཨ་ནུ་པ་ཝི་ཊྛོ. ཀུ་ས་ལོ པ་ན ཀུ་ས་ལ་སྶ ནཱ་ནཱ་ཀྑ་ཎི་ཀ་ཀ་མྨ་པ་ཙྩ་ཡོ ན ཧོ་ཏཱི་ཏི ཏཾ ཨ་པ་ནེ་ཏྭཱ སེ་སེ ཚ ས་ནྡྷཱ་ཡ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ་ཏི ཝུ་ཏྟཾ. ཨེ་ཝཾ པ་ཋ་མ་པ་ཉྷེ ཏཱི་ཧི པ་ཙྩ་ཡེ་ཧི ཨེ་ཀཱུ་ན་ཝཱི་ས་ཏི་པ་ཙྩ་ཡཱ ད་སྶི་ཏཱ་ཏི ཝེ་དི་ཏ་བྦཱ. ཏེ་སུ ཨི་མ་སྨིཾ ཧེ་ཏུ་པ་ཙྩ་ནཱི་ཡེ ‘‘ཀུ་ས་ལོ དྷ་མྨོ ཀུ་ས་ལ་སྶ དྷ་མྨ་སྶ ན་ཧེ་ཏུ་པ་ཙྩ་ཡེ་ན པ་ཙྩ་ཡོ་ཏི དཱ་ནཾ ད་ཏྭཱ སཱི་ལཾ ས་མཱ་དི་ཡི་ཏྭཱ ཨུ་པོ་ས་ཐ་ཀ་མྨཾ ཀ་ཏྭཱ ཏཾ པ་ཙྩ་ཝེ་ཀྑ་ཏི, པུ་བྦེ སུ་ཙི་ཎྞཱ་ནི པ་ཙྩ་ཝེ་ཀྑ་ཏཱི’’ཏི ཨེ་ཝ་མཱ་དི་ནཱ ཨཱ་ར་མྨ་ཎ་པ་ཙྩ་ཡཱ་དཱི་སུ ཝུ་ཏྟ་ན་ཡེ་ནེ་ཝ ཨུ་དྡྷ་རི་ཏྭཱ པཱ་ལི༹ ད་སྶེ་ཏ་བྦཱ.

ཨཱ་ར་མྨ་ཎ་པ་ཙྩ་ཡེ པ་ན པ་ཊི་ཀྑི་ཏྟེ ཏ་སྶ ཝི་ཏྠཱ་རཾ ཨ་པ་ནེ་ཏྭཱ ཧེ་ཏུ་པ་ཙྩ་ཡ་ཝི་ཏྠཱ་རཾ པ་ཀྑི་པི་ཏྭཱ སཱ་ཡེ་ཝ པཱ་ལི༹ ད་སྶེ་ཏ་བྦཱ, སེ་ས་པ་ཙྩ་ཡ་པ་ཊི་ཀྑེ་པེ་སུ་པི ཨེ་སེ་ཝ ན་ཡོ. ཏ་སྨིཾ པ་ན པ་ཙྩ་ཡེ པ་ཊི་ཀྑི་ཏྟེ ཡེ ཝཱ་རཱ པ་རི་ཧཱ་ཡ་ནྟི, ཏེ པ་ར་ཏོ ཝ་ཀྑཱ་མ.

དུ་ཏི་ཡ་པ་ཉྷེ པ་ན དྭཱི་ཧི པ་ཙྩ་ཡེ་ཧི ཏ་ཡོ པ་ཙྩ་ཡཱ ད་སྶི་ཏཱ. ཀ་ཐཾ? ཀུ་ས་ལོ ཧི ཨ་ཀུ་ས་ལ་སྶ ཨ་ན་ནྟ་རཱ་དི་ཝ་སེ་ན པ་ཙྩ་ཡོ ན ཧོ་ཏི. ཏ་སྨཱ ཏེ ཨ་པ་ནེ་ཏྭཱ ཨཱ་ར་མྨ་ཎཱུ་པ་ནི་སྶ་ཡ་ཝ་སེ་ན ས་ངྒ་ཧི་ཏཾ ཨཱ་ར་མྨ་ཎཱ་དྷི་པ་ཏི་ཉྩེ་ཝ པ་ཀ་ཏཱུ་པ་ནི་སྶ་ཡ་ཉྩ ས་ནྡྷཱ་ཡ ཨུ་པ་ནི་སྶ་ཡ་པ་ཙྩ་ཡེ་ན པ་ཙྩ་ཡོ་ཏི ཝུ་ཏྟཾ. ཏ་སྨཱ སུ་དྡྷོ ཨཱ་ར་མྨ་ཎ་པ་ཙྩ་ཡོ ཨཱ་ར་མྨ་ཎཱ་དྷི་པ་ཏི་ཝ་སེ་ན ཨ་དྷི་པ་ཏི་པ་ཙྩ་ཡོ ཨུ་པ་ནི་སྶ་ཡ་པ་ཙྩ་ཡོ་ཏི དུ་ཏི་ཡ་པ་ཉྷེ དྭཱི་ཧི པ་ཙྩ་ཡེ་ཧི ཨི་མེ ཏ་ཡོ པ་ཙྩ་ཡཱ ད་སྶི་ཏཱ་ཏི ཝེ་དི་ཏ་བྦཱ.

ཏ་ཏི་ཡ་པ་ཉྷེ པ་ན པ་ཉྩ་ཧི པ་ཙྩ་ཡེ་ཧི ཨ་ཊྛཱ་ར་ས པ་ཙྩ་ཡཱ ད་སྶི་ཏཱ. ཀ་ཐཾ? ཀུ་ས་ལོ ཧི ཨ་བྱཱ་ཀ་ཏ་སྶ ཨ་ཉྙ་མ་ཉྙ་པུ་རེ་ཛཱ་ཏཱ་སེ་ཝ་ན་ཝི་པཱ་ཀ་ས་མྤ་ཡུ་ཏྟེ་ཧི་ཡེ་ཝ པ་ཙྩ་ཡོ ན ཧོ་ཏི, སེ་སེ་ཧི ཨེ་ཀཱུ་ན་ཝཱི་ས་ཏི་ཡཱ ཧོ་ཏི. ཏེ་སུ ཨཱ་ར་མྨ་ཎ་པ་ཙྩ་ཡོ ཨེ་ཀོ. ཡ་སྨཱ པ་ན ཀུ་ས་ལོ ཨ་བྱཱ་ཀ་ཏ་སྶ ཨ་ཉྙ་མ་ཉྙ་ཝི་པཱ་ཀ་ས་མྤ་ཡུ་ཏྟ་ཝ་སེ་ན པ་ཙྩ་ཡོ ན ཧོ་ཏི, ཧེ་ཏུ་པ་ཙྩ་ཡོ པ་ཊི་ཀྑི་ཏྟོ, ཀ་མྨ་པ་ཙྩ་ཡོ ཝི་སུཾ ག་ཧི་ཏོ, ཏ་སྨཱ ཨི་མེ པ་ཉྩ ཨ་པ་ནེ་ཏྭཱ ས་ཧ་ཛཱ་ཏེ་ན ད་ས པ་ཙྩ་ཡཱ ད་སྶི་ཏཱ. ཨུ་པ་ནི་སྶ་ཡེ་ན ཧེ་ཊྛཱ ཝུ་ཏྟེ་སུ ཚ་སུ ཋ་པེ་ཏྭཱ ཨཱ་སེ་ཝ་ནཾ སེ་སཱ པ་ཉྩ. པ་ཙྪཱ་ཛཱ་ཏོ ཨེ་ཀོ་ཝ ཏ་ཐཱ ས་ཧ་ཛཱ་ཏ་ནཱ་ནཱ་ཀྑ་ཎི་ཀ་ཝ་སེ་ན དུ་ཝི་དྷོ་པི ཀ་མྨ་པ་ཙྩ་ཡོ་ཏི ཨེ་ཝཾ ཏ་ཏི་ཡ་པ་ཉྷེ པ་ཉྩ་ཧི པ་ཙྩ་ཡེ་ཧི ཨི་མེ ཨ་ཊྛཱ་ར་ས པ་ཙྩ་ཡཱ ད་སྶི་ཏཱ་ཏི ཝེ་དི་ཏ་བྦཱ.

ཙ་ཏུ་ཏྠ་པ་ཉྷེ པ་ན ཨེ་ཀེ་ན པ་ཙྩ་ཡེ་ན ད་ས. ཀ་ཐཾ? ཀུ་ས་ལོ ཧི ཀུ་ས་ལཱ་བྱཱ་ཀ་ཏ་སྶ ས་ཧ་ཛཱ་ཏེ ཝུ་ཏྟེ་སུ པ་ནྣ་ར་ས་སུ ཨ་ཉྙ་མ་ཉྙ་ཝི་པཱ་ཀ་ས་མྤ་ཡུ་ཏྟ་ཝི་པྤ་ཡུ་ཏྟེ་ཧི པ་ཙྩ་ཡོ ན ཧོ་ཏི, ཧེ་ཏུ་པ་ཙྩ་ཡོ པ་ཊི་ཀྑི་ཏྟོ. ཨི་ཏི ཨི་མེ པ་ཉྩ ཨ་པ་ནེ་ཏྭཱ སེ་སཱ ད་ས པ་ཙྩ་ཡཱ ཨེ་ཏྠ ཨེ་ཀེ་ན པ་ཙྩ་ཡེ་ན ད་སྶི་ཏཱ་ཏི ཝེ་དི་ཏ་བྦཱ.

༥༢༨. ཡ་ཐཱ ཙ ཨི་མེ་སུ ཀུ་ས་ལཱ་དི་ཀེ་སུ ཙ་ཏཱུ་སུ, ཏ་ཐཱ ཨ་ཀུ་ས་ལཱ་དི་ཀེ་སུ་པི ཙ་ཏཱུ་སུ པ་ཉྷེ་སུ ཏེ་ཧི ཏེ་ཧི པ་ཙྩ་ཡེ་ཧི ཏེ ཏེ་ཡེ་ཝ པ་ཙྩ་ཡཱ ད་སྶི་ཏཱ་ཏི ཝེ་དི་ཏ་བྦཱ.

༥༢༩. ཏ་ཏོ པ་རཱ་ནཾ ཨ་བྱཱ་ཀ་ཏཱ་དཱི་ནཾ ཏི་ཎྞཾ པ་ཉྷཱ་ནཾ པ་ཋ་མ་པ་ཉྷེ ས་ཏྟ་ཧི པ་ཙྩ་ཡེ་ཧི ཏེ་ཝཱི་ས་ཏི པ་ཙྩ་ཡཱ ད་སྶི་ཏཱ. ཀ་ཐཾ? ཨ་བྱཱ་ཀ་ཏོ ཧི ཨ་བྱཱ་ཀ་ཏ་སྶ ཙ་ཏུ་ཝཱི་ས་ཏི་ཡཱ་པི པ་ཙྩ་ཡེ་ཧི པ་ཙྩ་ཡོ ཧོ་ཏི. ཧེ་ཏུ་པ་ཙྩ་ཡེ པ་ན པ་ཊི་ཀྑི་ཏྟེ ཏེ་ཝཱི་ས་ཏི ཧོ་ནྟི. ཏེ་སུ ཨཱ་ར་མྨ་ཎ་པ་ཙྩ་ཡོ ཨེ་ཀོ་ཝ. ཡ་སྨཱ པ་ནེ་ཏྠ ཨ་ས་ཧ་ཛཱ་ཏཱ་ན་མྤི ས་ངྒ་ཧ་ཎ་ཏྠཾ ཨཱ་ཧཱ་རི་ནྡྲི་ཡ་པ་ཙྩ་ཡཱ ཝི་སུཾ ག་ཧི་ཏཱ. ཏ་སྨཱ ཨི་མེ ཏ་ཡོ ཨ་པ་ནེ་ཏྭཱ ས་ཧ་ཛཱ་ཏེ་ན དྭཱ་ད་ས པ་ཙྩ་ཡཱ ད་སྶི་ཏཱ. ཨུ་པ་ནི་སྶ་ཡེ་ན ཧེ་ཊྛཱ ཝུ་ཏྟཱ ཚ, པུ་རེ་ཛཱ་ཏོ ཨེ་ཀོ་ཝ ཏ་ཐཱ པ་ཙྪཱ་ཛཱ་ཏ་ཨཱ་ཧཱ་རི་ནྡྲི་ཡ་པ་ཙྩ་ཡཱ་ཏི ཨེ་ཝ་མེ་ཏྠ ས་ཏྟ་ཧི པ་ཙྩ་ཡེ་ཧི ཨི་མེ ཏེ་ཝཱི་ས་ཏི པ་ཙྩ་ཡཱ ད་སྶི་ཏཱ་ཏི ཝེ་དི་ཏ་བྦཱ. དུ་ཏི་ཡེ ཏཱི་ཧི པ་ཙྩ་ཡེ་ཧི དྭཱ་ད་ས ད་སྶི་ཏཱ. ཀ་ཐཾ? ཨཱ་ར་མྨ་ཎ་པ་ཙྩ་ཡོ ཨེ་ཀོ, ཨུ་པ་ནི་སྶ་ཡེ་ན པ་ན ཨཱ་ར་མྨ་ཎཱུ་པ་ནི་སྶ་ཡ་ཝ་སེ་ན ཨཱ་ར་མྨ་ཎཱ་དྷི་པ་ཏི་ཨ་ན་ནྟ་ར་ས་མ་ན་ནྟ་ར་ན་ཏྠི་ཝི་ག་ཏ་ཨུ་པ་ནི་སྶ་ཡ་པ་ཙྩ་ཡོ་ཏི ཚ ད་སྶི་ཏཱ. པུ་རེ་ཛཱ་ཏེ་ན པུ་རེ་ཛཱ་ཏ་ནི་སྶ་ཡ་ཝི་པྤ་ཡུ་ཏྟ་ཨ་ཏྠི་ཨ་ཝི་ག་ཏཱ པ་ཉྩཱ་ཏི ཨེ་ཝ་མེ་ཏྠ ཏཱི་ཧི པ་ཙྩ་ཡེ་ཧི ཨི་མེ དྭཱ་ད་ས པ་ཙྩ་ཡཱ ད་སྶི་ཏཱ་ཏི ཝེ་དི་ཏ་བྦཱ. ཏ་ཏི་ཡེ་པི ཨེ་སེ་ཝ ན་ཡོ.

༥༣༠. ཏ་ཏོ པ་རཱ་ནཾ དུ་ཀ་མཱུ་ལ་ཀཱ་ནཾ ཙ་ཏུ་ནྣཾ པ་ཉྷཱ་ནཾ པ་ཋ་མ་པ་ཉྷེ ‘‘ས་ཧ་ཛཱ་ཏ་པ་ཙྩ་ཡེ་ན པུ་རེ་ཛཱ་ཏ་པ་ཙྩ་ཡེ་ནཱ’’ཏི ཨ་ཝ་ཏྭཱ ‘‘ས་ཧ་ཛཱ་ཏཾ པུ་རེ་ཛཱ་ཏ’’ནྟི ཝུ་ཏྟེ་ཧི དྭཱི་ཧི ནི་སྶ་ཡ་ཨ་ཏྠི་ཨ་ཝི་ག་ཏ་ཝ་སེ་ན ཏ་ཡོ པ་ཙྩ་ཡཱ ད་སྶི་ཏཱ. ཀུ་ས་ལཱ ཧི ཁ་ནྡྷཱ ཝ་ཏྠུ་ནཱ ས་དྡྷིཾ ཨེ་ཀ་ཏོ ཀུ་ས་ལ་སྶ པ་ཙྩ་ཡ་བྷཱ་ཝཾ སཱ་དྷ་ཡ་མཱ་ནཱ ཀི་ཉྩཱ་པི ས་ཧ་ཛཱ་ཏཱ, ས་ཧ་ཛཱ་ཏ་པ་ཙྩ་ཡཱ པ་ན ན ཧོ་ནྟི ཝ་ཏྠུ་མི་སྶ་ཀ་ཏྟཱ. ཏ་སྨཱ ཏེ་སཾ ས་ཧ་ཛཱ་ཏཱ་ནཾ ནི་སྶ་ཡ་ཨ་ཏྠི་ཨ་ཝི་ག་ཏཱ་ནཾ ཝ་སེ་ན ས་ཧ་ཛཱ་ཏ་ནྟི ཝུ་ཏྟཾ. ཝ་ཏྠུ་མྷི་པི ཨེ་སེ་ཝ ན་ཡོ. ཏ་མྤི ཧི ཀི་ཉྩཱ་པི པུ་རེ་ཛཱ་ཏཾ, ཁ་ནྡྷ་མི་སྶ་ཀ་ཏྟཱ པ་ན པུ་རེ་ཛཱ་ཏ་པ་ཙྩ་ཡོ ན ཧོ་ཏི. ཀེ་ཝ་ལཾ པུ་རེ་ཛཱ་ཏཱ་ནཾ ནི་སྶ་ཡཱ་དཱི་ནཾ ཝ་སེ་ན པུ་རེ་ཛཱ་ཏ་ནྟི ཝུ་ཏྟཾ.

དུ་ཏི་ཡ་པ་ཉྷེ ‘‘ས་ཧ་ཛཱ་ཏཾ པ་ཙྪཱ་ཛཱ་ཏཾ ཨཱ་ཧཱ་རཾ ཨི་ནྡྲི་ཡ’’ནྟི ཝུ་ཏྟེ་ཧི ཙ་ཏཱུ་ཧི་པི ས་ཧ་ཛཱ་ཏ་ནི་སྶ་ཡ་ཨ་ཏྠི་ཨ་ཝི་ག་ཏ་ཝ་སེ་ན ཙ་ཏྟཱ་རོ པ་ཙྩ་ཡཱ ད་སྶི་ཏཱ. ཨི་མ་སྨི་ཉྷི ཝཱ་རེ ས་ཧ་ཛཱ་ཏ་པ་ཙྩ་ཡོ ལ་བྦྷ་ཏི, པ་ཙྪཱ་ཛཱ་ཏ་པ་ཙྩ་ཡཱ་ད་ཡོ ན ལ་བྦྷ་ནྟི. པ་ཙྪཱ་ཛཱ་ཏཱ་ནཾ པ་ན ཨཱ་ཧཱ་རི་ནྡྲི་ཡ་ས་ངྑཱ་ཏཱ་ན་ཉྩ ཨ་ཏྠི་ཨ་ཝི་ག་ཏཱ་ནཾ ཝ་སེ་ནེ་ཏཾ ཝུ་ཏྟཾ. ཀུ་ས་ལཱ ཧི ཁ་ནྡྷཱ ཨ་བྱཱ་ཀ་ཏཱ ཙ མ་ཧཱ་བྷཱུ་ཏཱ ཨུ་པཱ་དཱ་རཱུ་པཱ་ནཾ ས་ཧ་ཛཱ་ཏ་པ་ཙྩ་ཡེ་ན ནི་སྶ་ཡ་པ་ཙྩ་ཡེ་ན ཨ་ཏྠི་ཨ་ཝི་ག་ཏ་པ་ཙྩ་ཡེ་ཧཱི་ཏི ཙ་ཏུ་དྷཱ པ་ཙྩ་ཡཱ ཧོ་ནྟི. པ་ཙྪཱ་ཛཱ་ཏཱ པ་ན ཀུ་ས་ལཱ ཏེ་ཧི་ཡེ་ཝ བྷཱུ་ཏེ་ཧི ས་དྡྷིཾ ཏེ་ས་ཉྙེ་ཝ ཨུ་པཱ་དཱ་རཱུ་པཱ་ནཾ ཨ་ཏྠི་ཨ་ཝི་ག་ཏ་ཝ་སེ་ན པ་ཙྩ་ཡོ. ཀ་བ་ལཱི༹་ཀཱ་རཱ་ཧཱ་རོ་པི པ་ཙྪཱ་ཛཱ་ཏེ་ཧི ཀུ་ས་ལེ་ཧི ས་དྡྷིཾ པུ་རེ་ཛཱ་ཏ་སྶ ཀཱ་ཡ་སྶ ཨ་ཏྠི་ཨ་ཝི་ག་ཏ་ཝ་སེ་ནེ་ཝ པ་ཙྩ་ཡོ. རཱུ་པ་ཛཱི་ཝི་ཏི་ནྡྲི་ཡ་མྤི པ་ཙྪཱ་ཛཱ་ཏེ་ཧི ཀུ་ས་ལེ་ཧི ས་དྡྷིཾ ཀ་ཊ་ཏྟཱ་རཱུ་པཱ་ནཾ ཨ་ཏྠི་ཨ་ཝི་ག་ཏ་པ་ཙྩ་ཡེ་ནེ་ཝ པ་ཙྩ་ཡོ. ཨི་ཏི ཨི་མཾ ཙ་ཏུ་དྷཱ པ་ཙྩ་ཡ་བྷཱ་ཝཾ ས་ནྡྷཱ་ཡ ‘‘ས་ཧ་ཛཱ་ཏཾ པ་ཙྪཱ་ཛཱ་ཏཾ, ཨཱ་ཧཱ་རཾ ཨི་ནྡྲི་ཡ’’ནྟི ཨི་དཾ ཝུ་ཏྟཾ. པ་ཙྪཱ་ཛཱ་ཏཱ་ཧཱ་རི་ནྡྲི་ཡ་པ་ཙྩ་ཡཱ པ་ནེ་ཏྠ ན ལ་བྦྷ་ནྟི་ཡེ་ཝ. པ་ར་ཏོ ཨ་ཀུ་ས་ལ་མི་སྶ་ཀ་པ་ཉྷཱ་དྭ་ཡེ་པི ཨེ་སེ་ཝ ན་ཡོ་ཏི. ཨེ་ཝ་མེ་ཏྠ ཏེ་སུ ཏེ་སུ པ་ཉྷེ་སུ ས་ངྑི་པི་ཏྭཱ ཝུ་ཏྟ་པ་ཙྩ་ཡཱ་ནཾ པ་བྷེ་དོ ཝེ་དི་ཏ་བྦོ. ཏ་སྨིཾ ཏ་སྨིཾ པ་ན པ་ཙྩ་ཡེ ཏེ་སཾ ཏེ་སཾ པ་ཉྷཱ་ནཾ པ་རི་ཧཱ་ནཱ་པ་རི་ཧཱ་ནིཾ པ་ར་ཏོ ཨཱ་ཝི་ཀ་རི་སྶཱ་མཱ་ཏི.

པ་ཙྩ་ནཱི་ཡུ་དྡྷཱ་ར་སྶ ཨ་ཏྠ་ཝ་ཎྞ་ནཱ.

པ་ཙྩ་ནཱི་ཡ་ག་ཎ་ན་ཝ་ཎྞ་ནཱ

༥༣༢. ཨི་དཱ་ནི ཨེ་ཏེ ‘‘ཀུ་ས་ལོ དྷ་མྨོ ཀུ་ས་ལ་སྶ དྷ་མྨ་སྶཱ’’ཏི་ཨཱ་ད་ཡོ ཨ་ནུ་ལོ་མ་ཝ་སེ་ན པ་ནྣ་ར་ས ཝཱ་རཱ ད་སྶི་ཏཱ. ཡ་སྨཱ པ་ཙྩ་ནཱི་ཡེ་པི ཨེ་ཏེ་ཡེ་ཝ, ན ཨི་ཏོ ཨུ་དྡྷཾ; ཧེ་ཊྛཱ པ་ན ཧོ་ནྟི, ཏ་སྨཱ ཡ་སྶ ཡ་སྶ པ་ཙྩ་ཡ་སྶ པ་ཙྩ་ནཱི་ཡེ ཡེ ཡེ ཝཱ་རཱ ལ་བྦྷ་ནྟི, ཏེ ཏེ ཨཱ་དི་ཏོ པ་ཊྛཱ་ཡ ག་ཎ་ན་ཝ་སེ་ན ད་སྶེ་ཏུཾ ན་ཧེ་ཏུ་ཡཱ པ་ནྣ་ར་སཱཏི་ཨཱ་དི ཨཱ་ར་དྡྷཾ.

ཏ་ཏྠ ན་ཧེ་ཏུ་ཡཱ ས་བྦེ་ས་མྤི ཡ་ཐཱ་ད་སྶི་ཏཱ་ནཾ པ་ཙྩ་ཡཱ་ནཾ ཝ་སེ་ན པ་ནྣ་ར་ས ལ་བྦྷ་ནྟི. ནཱ་ར་མྨ་ཎེ ས་ཧ་ཛཱ་ཏེ ཧེ་ཏུ་པ་ཙྩ་ཡོ པ་ཝི་ས་ཏི. ཏ་སྨིཾ ཏ་སྨིཾ ཝཱ་རེ སུ་དྡྷོ ཨཱ་ར་མྨ་ཎ་པ་ཙྩ་ཡོ པ་རི་ཧཱ་ཡ་ཏི, སེ་ས་པ་ཙྩ་ཡ་ཝ་སེ་ན ཏེ ཝཱ་རཱ ཝི་སྶ་ཛྫ་ནཾ ལ་བྷ་ནྟི. ཡ་ཐཱ ཙ ནཱ་ར་མྨ་ཎེ, ཨེ་ཝཾ སེ་སེ་སུ་པི. ས་ཧ་ཛཱ་ཏེ ཧེ་ཏུ་པ་ཙྩ་ཡོ པ་ཝི་ས་ཏི. ཏ་སྨིཾ ཏ་སྨི་ཉྩ ཝཱ་རེ ན་ཨུ་པ་ནི་སྶ་ཡེ ན་ཨ་ན་ནྟ་རེ་ཏི ཨེ་ཝཾ པ་ཙྩ་ནཱི་ཡ་ཏོ ཋི་ཏཱ པ་ཙྩ་ཡཱ པ་རི་ཧཱ་ཡ་ནྟི, ཨ་ཝ་སེ་ས་པ་ཙྩ་ཡ་ཝ་སེ་ན ཏེ ཏེ ཝཱ་རཱ ཝི་སྶ་ཛྫ་ནཾ ལ་བྷ་ནྟི. ན་ས་ཧ་ཛཱ་ཏེ པ་ན ‘‘ཀུ་ས་ལོ དྷ་མྨོ ཀུ་ས་ལ་སྶ ཙ ཨ་བྱཱ་ཀ་ཏ་སྶ ཙ, ཨ་ཀུ་ས་ལོ དྷ་མྨོ ཨ་ཀུ་ས་ལ་སྶ ཙ ཨ་བྱཱ་ཀ་ཏ་སྶ ཙ, ཀུ་ས་ལོ ཙ ཨ་བྱཱ་ཀ་ཏོ ཙ དྷ་མྨཱ ཀུ་ས་ལ་སྶ, ཨ་ཀུ་ས་ལོ ཙ ཨ་བྱཱ་ཀ་ཏོ ཙ དྷ་མྨཱ ཨ་ཀུ་ས་ལ་སྶཱ་ཏི ཨི་མེ ཙ་ཏྟཱ་རོ ཝཱ་རཱ པ་རི་ཧཱ་ཡ་ནྟི. ཨེ་ཏེ་ས་ཉྷི ཙ་ཏུ་ནྣཾ པུ་རི་མེ་སུ དྭཱི་སུ ས་ཧ་ཛཱ་ཏ་པ་ཙྩ་ཡེ་ན པ་ཙྩ་ཡོ་ཏི ཨེ་ཀཱ་ད་ས་ནྣཾ པ་ཙྩ་ཡཱ་ནཾ ཝ་སེ་ན ཨེ་ཀོ་ཝ པ་ཙྩ་ཡ་ས་ངྒ་ཧོ ཝུ་ཏྟོ. ཏེ ཏ་སྨིཾ པ་ཊི་ཀྑི་ཏྟེ ཨ་ཉྙེ་ནཱ་ཀཱ་རེ་ན ཝི་སྶ་ཛྫ་ནཾ ན ལ་བྷ་ནྟི. པ་ཙྪི་མེ་སུ དྭཱི་སུ ནི་སྶ་ཡ་ཨ་ཏྠི་ཨ་ཝི་ག་ཏ་པ་ཙྩ་ཡེ ས་ནྡྷཱ་ཡ ‘‘ས་ཧ་ཛཱ་ཏཾ པུ་རེ་ཛཱ་ཏ’’ནྟི ཝུ་ཏྟཾ. ཏེ ས་ཧ་ཛཱ་ཏེ པ་ཊི་ཀྑི་ཏྟེ ཨ་ཝ་སེ་སཱ་ནཾ ཧེ་ཏུ་ཨཱ་དཱི་ན་ཉྩ པུ་རེ་ཛཱ་ཏཱ་ན་ཉྩེ་ཝ ནི་སྶ་ཡ་ཨ་ཏྠི་ཨ་ཝི་ག་ཏཱ་ནཾ ཝ་སེ་ན ཝི་སྶ་ཛྫ་ནཾ ན ལ་བྷ་ནྟི, ཏ་སྨཱ ཨི་མེ ཙ་ཏྟཱ་རོ་པི ཝཱ་རཱ པ་རི་ཧཱ་ཡ་ནྟི. ཨ་ཝ་སེ་སཱ་ནཾ ཝ་སེ་ན ‘‘ཨེ་ཀཱ་ད་སཱ’’ཏི ཝུ་ཏྟཾ.

ཏ་ཏྠ སི་ཡཱ – ཡ་ཐཱ ཧེ་ཏུ་མྷི པ་ཊི་ཀྑི་ཏྟེ སེ་སཱ་ནཾ ཨ་དྷི་པ་ཏི་ཨཱ་དཱི་ནཾ ཝ་སེ་ན ཏེ ཝཱ་རཱ ལ་དྡྷཱ, ཨེ་ཝཾ ས་ཧ་ཛཱ་ཏེ པ་ཊི་ཀྑི་ཏྟེ ཨ་ཝ་སེ་སཱ་ནཾ ཧེ་ཏུ་ཨཱ་དཱི་ནཾ ཝ་སེ་ན ཀ་སྨཱ ན ལ་བྦྷ་ནྟཱི་ཏི? ནི་པྤ་དེ་ས་ཏྟཱ. ཧེ་ཏུ་ཨཱ་ད་ཡོ ཧི ས་ཧ་ཛཱ་ཏཱ་ནཾ ཨེ་ཀ་དེ་ས་མ་ཏྟ་ཏོ ས་པྤ་དེ་སཱ, ཏ་སྨཱ ཏེ་སུ པ་ཊི་ཀྑི་ཏྟེ་སུ ཨ་ཉྙེ་སཾ ཝ་སེ་ན ཏེ ཝཱ་རཱ ལ་བྦྷ་ནྟི. ས་ཧ་ཛཱ་ཏོ པ་ན ནི་པྤ་དེ་སོ ས་བྦེ་པི ཧེ་ཏུ་ཨཱ་ད་ཡོ ག་ཎྷཱ་ཏི, ཏ་སྨཱ ཏ་སྨིཾ པ་ཊི་ཀྑི་ཏྟེ ས་བྦེ་པི ཏེ པ་ཊི་ཀྑི་ཏྟཱ ཧོ་ནྟི. ན ཧི ཨ་ས་ཧ་ཛཱ་ཏཱ ཧེ་ཏུ་པ་ཙྩ་ཡཱ་ད་ཡོ ནཱ་མ ཨ་ཏྠི. ཨི་ཏི ས་ཧ་ཛཱ་ཏ་སྶ ནི་པྤ་དེ་ས་ཏྟཱ ཏ་སྨིཾ པ་ཊི་ཀྑི་ཏྟེ ས་བྦེ་པི ཏེ ཨུ་བྷོ་པི ཝཱ་རཱ ན ལ་བྦྷ་ནྟི. ‘‘ས་ཧ་ཛཱ་ཏཾ པུ་རེ་ཛཱ་ཏ’’ནྟི ཝི་སྶ་ཛྫི་ཏ་ཝཱ་རེ་སུ པ་ན ཀི་ཉྩཱ་པི ས་ཧ་ཛཱ་ཏ་པ་ཙྩ་ཡོ་ཡེ་ཝ ན་ཏྠི, ཡ་སྨཱ པ་ནེ་ཏྠ ས་ཧ་ཛཱ་ཏཱ་ཝ ཨ་རཱུ་པ་ཀྑ་ནྡྷཱ ནི་སྶ་ཡ་ཨ་ཏྠི་ཨ་ཝི་ག་ཏ་ཝ་སེ་ན པ་ཙྩ་ཡཱ, ས་ཧ་ཛཱ་ཏེ ཙ པ་ཊི་ཀྑི་ཏྟེ ཨེ་ཀ་ནྟེ་ན ས་ཧ་ཛཱ་ཏ་ནི་སྶ་ཡ་ཨ་ཏྠི་ཨ་ཝི་ག་ཏཱ པ་ཊི་ཀྑི་ཏྟཱ ཧོ་ནྟི, ཏ་སྨཱ ཏ་སྶ པ་ཊི་ཀྑི་ཏྟ་ཏྟཱ ཏེ་པི ཝཱ་རཱ ན ལ་བྦྷ་ནྟཱི་ཏི ཨེ་ཝཾ ས་བྦ་ཐཱ་པེ་ཏྠ ཨི་མེ ཙ་ཏྟཱ་རོ ཝཱ་རཱ པ་རི་ཧཱ་ཡ་ནྟི. ཨ་ཝ་སེ་སཱ་ན་ཉྙེ་ཝ ཝ་སེ་ན ཨེ་ཀཱ་ད་སཱ་ཏི ཝུ་ཏྟཾ.

ན་ཨ་ཉྙ་མ་ཉྙ་ན་ནི་སྶ་ཡ་ན་ས་མྤ་ཡུ་ཏྟེཔི ཏེ་ཡེ་ཝ ཝཱ་རཱ པ་རི་ཧཱ་ཡ་ནྟི. ཀ་སྨཱ? ས་ཧ་ཛཱ་ཏ་ག་ཏི་ཀ་ཏྟཱ. ཡ་ཐེ་ཝ ཧི ཨ་རཱུ་པ་དྷ་མྨ་བྷཱུ་ཏོ ས་ཧ་ཛཱ་ཏ་པ་ཙྩ་ཡོ ནི་པྤ་དེ་སེ་ན ཙ་ཏྟཱ་རོ ཨ་རཱུ་པ་ཀྑ་ནྡྷེ ག་ཎྷཱ་ཏི, ཏ་ཐཱ ཨ་ཉྙ་མ་ཉྙ་ནི་སྶ་ཡ་ས་མྤ་ཡུ་ཏྟཱ་པཱི་ཏི ས་ཧ་ཛཱ་ཏ་ག་ཏི་ཀ་ཏྟཱ ཨེ་ཏེ་སུ་པི པ་ཊི་ཀྑི་ཏྟེ་སུ ཏེ ཝཱ་རཱ ན ལ་བྦྷ་ནྟཱི་ཏི ཝེ་དི་ཏ་བྦཱ. ཏེ་ན ཝུ་ཏྟཾ ན་ཨ་ཉྙ་མ་ཉྙེ ཨེ་ཀཱ་ད་ས, ན་ནི་སྶ་ཡེ ཨེ་ཀཱ་ད་ས, ན་ས་མྤ་ཡུ་ཏྟེ ཨེ་ཀཱ་ད་སཱཏི.

ཏ་ཏྠ སི་ཡཱ – ཀི་ཉྩཱ་པི ཨི་མེ ཨ་ཝི་སེ་སེ་ན ཀུ་ས་ལཱ་དི་བྷེ་དཱ་ནཾ ཙ་ཏུ་ནྣཾ ཁ་ནྡྷཱ་ནཾ ས་ངྒཱ་ཧ་ཀ་ཏྟཱ ས་ཧ་ཛཱ་ཏ་ག་ཏི་ཀཱ, ཀུ་ས་ལོ པ་ན ཀུ་ས་ལཱ་བྱཱ་ཀ་ཏ་སྶ ཋ་པེ་ཏྭཱ ས་ཧ་ཛཱ་ཏ་པ་ཙྩ་ཡཾ ཨ་ཉྙ་ཐཱ པ་ཙྩ་ཡོ་ཝ ན ཧོ་ཏི, ཏ་སྨཱ ཏ་སྨིཾ པ་ཊི་ཀྑི་ཏྟེ སོ ཝཱ་རོ པ་རི་ཧཱ་ཡ་ཏུ. ཀུ་ས་ལོ པ་ན ཀུ་ས་ལཱ་བྱཱ་ཀ་ཏཱ་ནཾ ནེ་ཝ ཨ་ཉྙ་མ་ཉྙ་པ་ཙྩ་ཡོ ཧོ་ཏི, ཏ་སྨིཾ པ་ཊི་ཀྑི་ཏྟེ སོ ཝཱ་རོ ཀ་སྨཱ པ་རི་ཧཱ་ཡ་ཏཱི་ཏི? ཨ་ཉྙ་མ་ཉྙ་པ་ཙྩ་ཡ་དྷ་མྨ་ཝ་སེ་ན པ་ཝ་ཏྟི་ས་བྦྷཱ་ཝ་ཏོ. ཡ་ཐེ་ཝ ཧི ཀུ་ས་ལཱ་བྱཱ་ཀ་ཏཱ ཀུ་ས་ལ་སྶ ས་ཧ་ཛཱ་ཏ་པ་ཙྩ་ཡོ་ཝ ན ཧོ་ནྟི. ས་ཧ་ཛཱ་ཏ་དྷ་མྨ་ཝ་སེ་ན པ་ན ནི་སྶ་ཡ་པ་ཙྩ་ཡཱ་དཱི་ཧི པ་ཝ་ཏྟི་ས་བྦྷཱ་ཝ་ཏོ ཏ་སྨིཾ པ་ཊི་ཀྑི་ཏྟེ སོ ཝཱ་རོ པ་རི་ཧཱ་ཡ་ཏི, ཨེ་ཝ་མི་དྷཱ་པི ཨ་ཉྙ་མ་ཉྙ་པ་ཙྩ་ཡ་དྷ་མྨ་ཝ་སེ་ན ས་ཧ་ཛཱ་ཏཱ་དཱི་ཧི པ་ཝ་ཏྟི་ས་བྦྷཱ་ཝ་ཏོ ཏ་སྨིཾ པ་ཊི་ཀྑི་ཏྟེ སོ ཝཱ་རོ པ་རི་ཧཱ་ཡ་ཏི. ན་ཨ་ཉྙ་མ་ཉྙ་པ་ཙྩ་ཡེ་ན པ་ཙྩ་ཡོཏི པ་ད་སྶ ཧི ཨ་ཡ་མ་ཏྠོ – ཡེ དྷ་མྨཱ ཨ་ཉྙ་མ་ཉྙ་པ་ཙྩ་ཡ་ས་ངྒ་ཧཾ ག་ཏཱ, ན ཏེ་ཧི པ་ཙྩ་ཡོ. ཀུ་ས་ལོ ཙ ཀུ་ས་ལཱ་བྱཱ་ཀ་ཏཱ་ནཾ ས་ཧ་ཛཱ་ཏཱ་དི་ཝ་སེ་ན པ་ཙྩ་ཡོ ཧོ་ནྟོ ཨ་ཉྙ་མ་ཉྙ་པ་ཙྩ་ཡ་དྷ་མྨེ་ཧེ་ཝ པ་ཙྩ་ཡོ ཧོ་ཏི, ཏ་སྨཱ ཏ་སྨིཾ པ་ཊི་ཀྑི་ཏྟེ སོ ཝཱ་རོ པ་རི་ཧཱ་ཡ་ཏི. ཡ་ཐཱ ཙ སོ ཝཱ་རོ, ཏ་ཐཱ སེ་སཱ་པི ཏ་ཡོ་ཏི ཙ་ཏྟཱ་རོ་པི ཏེ ཝཱ་རཱ པ་རི་ཧཱ་ཡ་ནྟི.

ན་ནི་སྶ་ཡེ ཨེ་ཀཱ་ད་སཱཏི ཨེ་ཏྠཱ་པི ཡ་སྨཱ ཏེ་སཾ ཝཱ་རཱ་ནཾ ཨེ་ཀེ་ནྟེ་ན ས་ཧ་ཛཱ་ཏ་པ་ཙྩ་ཡ་དྷ་མྨཱ་ཝ ནི་སྶ་ཡ་བྷཱུ་ཏཱ, ཏ་སྨཱ ནི་སྶ་ཡེ པ་ཊི་ཀྑི་ཏྟེ པ་རི་ཧཱ་ཡ་ནྟི. ན་པུ་རེ་ཛཱ་ཏེ ཏེ་ར་སཱཏི ས་ཧ་ཛཱ་ཏཾ པུ་རེ་ཛཱ་ཏ་ནྟི ཝུ་ཏྟ་ཝི་སྶ་ཛྫ་ནེ དྭི་མཱུ་ལ་ཀེ དྭེ ཨ་པ་ནེ་ཏྭཱ ཏེ་ར་ས. ཡ་ཐཱ ཧི ཏེ ས་ཧ་ཛཱ་ཏེ པ་ཊི་ཀྑི་ཏྟེ པུ་རེ་ཛཱ་ཏཱ་ན་ཉྙེ་ཝ ནི་སྶ་ཡ་ཨ་ཏྠི་ཨ་ཝི་ག་ཏཱ་ནཾ ཝ་སེ་ན ཝི་སྶ་ཛྫ་ནཾ ན ལ་བྷ་ནྟི, ཏ་ཐཱ པུ་རེ་ཛཱ་ཏེ་པི པ་ཊི་ཀྑི་ཏྟེ ས་ཧ་ཛཱ་ཏཱ་ན་ཉྙེ་ཝ ནི་སྶ་ཡ་ཨ་ཏྠི་ཨ་ཝི་ག་ཏཱ་ནཾ ཝ་སེ་ན ཝི་སྶ་ཛྫ་ནཾ ན ལ་བྷ་ནྟི, ཏ་སྨཱ ཏེ ཨ་པ་ནེ་ཏྭཱ ཏེ་ར་སཱ་ཏི ཝེ་དི་ཏ་བྦཱ.

ན་པ་ཙྪཱ་ཛཱ་ཏེ པ་ནྣ་ར་སཱཏི ཨེ་ཏྠ ‘‘པ་ཙྪཱ་ཛཱ་ཏ་པ་ཙྩ་ཡེ་ན པ་ཙྩ་ཡོ’’ཏི ཝཱ ‘‘ས་ཧ་ཛཱ་ཏཾ པ་ཙྪཱ་ཛཱ་ཏཾ ཨཱ་ཧཱ་རཾ ཨི་ནྡྲི་ཡ’’ནྟི ཝཱ ཨཱ་ག་ཏ་ཊྛཱ་ནེ་སུ ཋ་པེ་ཏྭཱ པ་ཙྪཱ་ཛཱ་ཏཾ ཨ་ཝ་སེ་ས་ཝ་སེ་ན་པི ཏེ པ་ཉྷཱ ལ་བྦྷ་ནྟི, ཏ་སྨཱ པ་ནྣ་ར་སེ་ཝ ཝུ་ཏྟཱ. ན་ཀ་མྨེཏི་ཨཱ་དཱི་སུ ཡ་སྨཱ ཀ་མྨ་ཝི་པཱ་ཀཱ་ཧཱ་རི་ནྡྲི་ཡ་ཛྷཱ་ན་མ་གྒཱ་པི ཀུ་ས་ལཱ་དི་བྷེ་དཱ་ནཾ ཙ་ཏུ་ནྣཾ ཁ་ནྡྷཱ་ནཾ ཨེ་ཀ་དེ་སོ་ཝ ཏ་སྨཱ ཋ་པེ་ཏྭཱ ཏེ དྷ་མྨེ ཨ་ཝ་སེ་ས་དྷ་མྨ་ཝ་སེ་ན ས་ཧ་ཛཱ་ཏ་དྷ་མྨཱ པ་ཙྩ་ཡཱ ཧོ་ནྟཱི་ཏི ཨེ་ཀ་མྤི པ་ཉྷཱ་ཝི་སྶ་ཛྫ་ནཾ ན པ་རི་ཧཱི་ནཾ. ན་ས་མྤ་ཡུ་ཏྟེ ཨེ་ཀཱ་ད་སཱཏི ཡ་སྨཱ ཏེ་སུ ཙ་ཏཱུ་སུ ཝཱ་རེ་སུ ས་མྤ་ཡུ་ཏྟ་དྷ་མྨཱ ས་ཧ་ཛཱ་ཏཱ་དི་པ་ཙྩ་ཡེ་ན པ་ཙྩ་ཡཱ ཧོ་ནྟི, ཏ་སྨཱ ས་མྤ་ཡུ་ཏྟ་པ་ཙྩ་ཡ་པ་ཊི་ཀྑེ་པེ་ན ཏེ་ཡེ་ཝ ཝཱ་རཱ པ་རི་ཧཱ་ཡ་ནྟཱི་ཏི ཝེ་དི་ཏ་བྦཱ. ན་ཝི་པྤ་ཡུ་ཏྟེ ན་ཝཱཏི དུ་མཱུ་ལ་ཀ་ཨེ་ཀཱ་ཝ་སཱ་ནཱ ཙ་ཏྟཱ་རོ ཨེ་ཀ་མཱུ་ལ་ཀ་དུ་ཀཱ་ཝ་སཱ་ནཱ དྭེ ཙཱ་ཏི ཨི་མེ ཚ ཝཱ་རཱ ཨེ་ཀ་ནྟེ་ན ཝི་པྤ་ཡུ་ཏྟ་པ་ཙྩ་ཡ་དྷ་མྨེ་ཧི ཡུ་ཏྟཱ. ཏེ་ཧི ས་ཧ་ཛཱ་ཏཱ་དི་ཝ་སེ་ན པ་ཙྩ་ཡཱ ཧོ་ནྟི, ཏ་སྨཱ ཝི་པྤ་ཡུ་ཏྟེ པ་ཊི་ཀྑི་ཏྟེ ས་བྦེ་པི ཏེ པ་རི་ཧཱ་ཡ་ནྟཱི་ཏི ན་ཝེ་ཝ ལ་བྦྷ་ནྟི. ཏེ་ན ཝུ་ཏྟཾ ‘‘ན་ཝི་པྤ་ཡུ་ཏྟེ ན་ཝཱ’’ཏི. ནོ་ཨ་ཏྠི་ནོ་ཨ་ཝི་ག་ཏེ་སུ་པི ཏེ་ཡེ་ཝ ཝེ་དི་ཏ་བྦཱ. ཨེ་ཀ་ནྟེ་ན ཧི ཏེ ཝཱ་རཱ ཨ་ཏྠི་ཨ་ཝི་ག་ཏ་པ་ཙྩ་ཡ་དྷ་མྨ་ཡུ་ཏྟཱ, ཏ་སྨཱ ཏེ ཏེ་སཾ པ་ཊི་ཀྑེ་པེ པ་རི་ཧཱ་ཡ་ནྟི. ཡེ་པི ལ་བྦྷ་ནྟི, ཏེ་སུ ཨཱ་ར་མྨ་ཎ་ཝ་སེ་ན ཨ་ན་ནྟ་རཱ་དི་ཝ་སེ་ན ཝཱ ཝི་སྶ་ཛྫ་ནཱ་ནི ཀཱ་ཏ་བྦཱ་ནི. ས་ཧ་ཛཱ་ཏ་པུ་རེ་ཛཱ་ཏ་པ་ཙྪཱ་ཛཱ་ཏ་ཨཱ་ཧཱ་རི་ནྡྲི་ཡ་བྷེ་ད་ཏོ པ་ཉྩ་ནྣཾ ཨ་ཏྠི་ཨ་ཝི་ག་ཏཱ་ནཾ ཝི་པྤ་ཡུ་ཏྟ་དྷ་མྨཱ་ནཾ ཝཱ ཝ་སེ་ན ན ཀཱ་ཏ་བྦཱ་ནཱི་ཏི.

༥༣༣. ཨེ་ཝཾ པ་ཙྩ་ནཱི་ཡེ ལ་དྡྷ་ཝཱ་རེ ག་ཎ་ན་ཏོ ད་སྶེ་ཏྭཱ ཨི་དཱ་ནི དུ་མཱུ་ལ་ཀཱ་དི་ཝ་སེ་ན པ་ཙྩ་ཡ་ག་ཎ་ནཾ ད་སྶེ་ཏུཾ ན་ཧེ་ཏུ་པ་ཙྩ་ཡཱ ནཱ་ར་མྨ་ཎེ པ་ནྣ་ར་སཱཏི་ཨཱ་དི ཨཱ་ར་དྡྷཾ. ཏ་ཏྠ ན་ཧེ་ཏུ་མཱུ་ལ་ཀ་དུ་ཀེ་སུ ཨ་ཏི་རེ་ཀ་ག་ཎ་ནོ ཨཱུ་ན་ཏ་ར་ག་ཎ་ནེ་ན ས་དྡྷིཾ ཡོ་ཛི་ཏོ ཨཱུ་ན་ཏ་ར་ག་ཎ་ནོ་ཝ ཧོ་ཏི.

ཏི་མཱུ་ལ་ཀེ ན་ཨུ་པ་ནི་སྶ་ཡེ ཏེ་ར་སཱཏི ཀུ་ས་ལོ ཨ་ཀུ་ས་ལ་སྶ, ཨ་ཀུ་ས་ལོ ཀུ་ས་ལ་སྶཱ་ཏི དྭེ ཝཱ་རཱ པ་རི་ཧཱ་ཡ་ནྟི. ཀ་སྨཱ? ནཱ་ར་མྨ་ཎེ་ན ས་དྡྷིཾ ན་ཨུ་པ་ནི་སྶ་ཡ་སྶ གྷ་ཊི་ཏ་ཏྟཱ. ཨཱ་ར་མྨ་ཎ་ཝ་སེ་ན ཧི ཨུ་པ་ནི་སྶ་ཡ་ཝ་སེ་ན ཙ ཨི་མེ་སཾ པ་ཝ་ཏྟི. ཏ་ཉྩ ཨུ་བྷ་ཡཾ པ་ཊི་ཀྑི་ཏྟཾ. ཨཱ་ར་མྨ་ཎཱ་དྷི་པ་ཏི ཙ ཨཱ་ར་མྨ་ཎཱུ་པ་ནི་སྶ་ཡ་གྒ་ཧ་ཎེ་ན ག་ཧི་ཏོ ཧོ་ཏི་ཡེ་ཝ.

ཚ་མཱུ་ལ་ཀེ་པི ན་ཨུ་པ་ནི་སྶ་ཡེ ཏེ་ར་སཱཏི ཏེ་ཡེ་ཝ ཏེ་ར་ས. ས་ཏྟ་མཱུ་ལ་ཀེ པ་ན ན་ཨུ་པ་ནི་སྶ་ཡེ ས་ཏྟཱཏི ན་ས་ཧ་ཛཱ་ཏེ་ན ས་དྡྷིཾ གྷ་ཊི་ཏ་ཏྟཱ ཏ་ཏྠ པ་རི་ཧཱི་ནེ་ཧི ཙ་ཏཱུ་ཧི ས་དྡྷིཾ ‘‘ཀུ་ས་ལོ ཀུ་ས་ལ་སྶ, ཀུ་ས་ལོ ཨ་ཀུ་ས་ལ་སྶ, ཨ་ཀུ་ས་ལོ ཨ་ཀུ་ས་ལ་སྶ, ཨ་ཀུ་ས་ལོ ཀུ་ས་ལ་སྶཱ’’ཏི ཨི་མེ ཨ་ན་ནྟ་རཱུ་པ་ནི་སྶ་ཡ་པ་ཀ་ཏཱུ་པ་ནི་སྶ་ཡ་ཝ་སེ་ན པ་ཝ་ཏྟ་མཱ་ནཱ ཙ་ཏྟཱ་རོ་ཏི ཨ་ཊྛ པ་རི་ཧཱ་ཡ་ནྟི, ཏ་སྨཱ ཨ་ཝ་སེ་སཱ་ནཾ ཝ་སེ་ན ས་ཏྟཱ་ཏི ཝུ་ཏྟཾ. ན་པུ་རེ་ཛཱ་ཏེ ཨེ་ཀཱ་ད་སཱཏི ན་ས་ཧ་ཛཱ་ཏེ་ན ས་དྡྷིཾ གྷ་ཊི་ཏ་ཏྟཱ ཨེ་ཀཱ་ད་ས. ན་པ་ཙྪཱ་ཛཱ་ཏེ ན་ཝཱཏི ཏེ་སུ ཨེ་ཀཱ་ད་ས་སུ ས་ཧ་ཛཱ་ཏཾ པ་ཙྪཱ་ཛཱ་ཏཾ ཨཱ་ཧཱ་རཾ ཨི་ནྡྲི་ཡ་ནྟི ལ་དྡྷ་ཝི་སྶ་ཛྫ་ནེ་སུ དུ་མཱུ་ལ་ཀེ ཨ་བྱཱ་ཀ་ཏ་ནྟེ དྭེ ཝཱ་རེ ཨ་པ་ནེ་ཏྭཱ. ཏེ ཧི ས་ཧ་ཛཱ་ཏེ པ་ཊི་ཀྑི་ཏྟེ་པི པ་ཙྪཱ་ཛཱ་ཏ་ཝ་སེ་ན ཨ་པ་རི་ཧཱི་ནཱ. ས་ཧ་ཛཱ་ཏེ་ན པ་ན ས་དྡྷིཾ པ་ཙྪཱ་ཛཱ་ཏེ པ་ཊི་ཀྑི་ཏྟེ པ་རི་ཧཱ་ཡ་ནྟཱི་ཏི སེ་སཱ་ནཾ ཝ་སེ་ན ན་ཝཱ་ཏི ཝུ་ཏྟཾ. ཨ་ཊྛ་མཱུ་ལ་ཀེ ན་ནི་སྶ་ཡེ ཨེ་ཀཱ་ད་སཱཏི ས་བྦཾ ཧེ་ཊྛཱ ཝུ་ཏྟ་ས་དི་ས་མེ་ཝ. ན་ཝ་མཱུ་ལ་ཀེ ན་ཨུ་པ་ནི་སྶ་ཡེ པ་ཉྩཱཏི ཀུ་ས་ལཱ་ད་ཡོ ཨ་བྱཱ་ཀ་ཏ་ནྟཱ ཏ་ཡོ དུ་མཱུ་ལ་ཀཱ ཨ་བྱཱ་ཀ་ཏ་ནྟཱ དྭེ ཙཱ་ཏི པ་ཉྩ. ཏེ་སུ ནཱ་ནཱ་ཀྑ་ཎི་ཀ་ཀ་མྨ་ཀ་བ་ལཱི༹་ཀཱ་རཱ་ཧཱ་ར་རཱུ་པ་ཛཱི་ཝི་ཏི་ནྡྲི་ཡ་པ་ཙྪཱ་ཛཱ་ཏ་དྷ་མྨ་ཝ་སེ་ན ཝི་སྶ་ཛྫ་ནཾ ཝེ་དི་ཏ་བྦཾ.

ད་ས་མཱུ་ལ་ཀེ ན་པུ་རེ་ཛཱ་ཏེ པ་ཉྩཱཏི་ཨཱ་དཱི་སུ་པི ཏེ་ཡེ་ཝ. ན་པ་ཙྪཱ་ཛཱ་ཏེ ཏཱི་ཎཱིཏི པ་ཙྪཱ་ཛཱ་ཏ་ཝ་སེ་ན ལ་བྦྷ་མཱ་ནེ དུ་མཱུ་ལ་ཀེ ཨ་བྱཱ་ཀ་ཏ་ནྟེ དྭེ ཨ་པ་ནེ་ཏྭཱ ཨ་ཝ་སེ་སཱ. ན་ཝི་པྤ་ཡུ་ཏྟེ་པི ཏེ་ཡེ་ཝ ཏ་ཡོ. ནོ་ཨ་ཏྠི་ཡཱ དྭེཏི ནཱ་ནཱ་ཀྑ་ཎི་ཀ་ཀ་མྨ་ཝ་སེ་ན ཀུ་ས་ལ་ཉྩ ཨ་ཀུ་ས་ལ་ཉྩ ཀ་ཊ་ཏྟཱ་རཱུ་པ་སྶ. ཝི་པཱ་ཀཾ པ་ནེ་ཏྠ ན་ཨུ་པ་ནི་སྶ་ཡེ་ན ས་དྡྷིཾ གྷ་ཊི་ཏ་ཏྟཱ ན ལ་བྦྷ་ཏི. ཨེ་ཀཱ་ད་ས་མཱུ་ལ་ཀེ ཧེ་ཊྛཱ ཝུ་ཏྟ་ས་དི་སཱ་ཝ ག་ཎ་ནཱ. དྭཱ་ད་ས་མཱུ་ལ་ཀེ ན་ཀ་མྨེ ཨེ་ཀནྟི ཨ་བྱཱ་ཀ་ཏེ་ན ཨ་བྱཱ་ཀ་ཏཾ. ཏ་ཏྠ ཙ ཨཱ་ཧཱ་རི་ནྡྲི་ཡ་ཝ་སེ་ན ཝི་སྶ་ཛྫ་ནཾ ཝེ་དི་ཏ་བྦཾ. ཏེ་ར་ས་མཱུ་ལ་ཀཱ་དཱི་སུ་པི ས་བྦ་ཏྠ ཨེ་ཀནྟི ཨཱ་ག་ཏ་ཊྛཱ་ནེ ཨི་ད་མེ་ཝ ག་ཧེ་ཏ་བྦཾ. ནཱ་ཧཱ་རེ པ་ན ཨི་ནྡྲི་ཡ་ཝ་སེ་ན ཝི་སྶ་ཛྫ་ནཾ ཝེ་དི་ཏ་བྦཾ. ན་ཨི་ནྡྲི་ཡེ ཨཱ་ཧཱ་ར་ཝ་སེ་ན. ཙུ་དྡ་ས་མཱུ་ལ་ཀཱ་དཱི་སུ ན་ཀ་མྨེ་ན ས་དྡྷིཾ གྷ་ཊི་ཏ་ཏྟཱ ནོ་ཨ་ཏྠི་ནོ་ཨ་ཝི་ག་ཏཱ ན ལ་བྦྷ་ནྟཱི་ཏི ན ཝུ་ཏྟཱ. ནཱ་ཧཱ་ར་པ་ཙྩ་ཡཱ ན་ཛྷཱ་ན་པ་ཙྩ་ཡཱཏི ན་ཨི་ནྡྲི་ཡཾ ཨ་པ་ནེ་ཏྭཱ ཝུ་ཏྟཾ. ཏ་སྨཱ ཏ་ཏྠ ཨི་ནྡྲི་ཡ་ཝ་སེ་ན ཨེ་ཀཾ ཝེ་དི་ཏ་བྦཾ. ན་ཝི་པཱ་ཀ་པ་ཙྩ་ཡཱ ན་ཨི་ནྡྲི་ཡ་པ་ཙྩ་ཡཱཏི ནཱ་ཧཱ་རཾ ཨ་པ་ནེ་ཏྭཱ ཝུ་ཏྟཾ, ཏ་སྨཱ ཏ་ཏྠ ཨཱ་ཧཱ་ར་ཝ་སེ་ན ཨེ་ཀཾ ཝེ་དི་ཏ་བྦཾ. ཨི་མེ་སུ པ་ན དྭཱི་སུ པ་ཙྩ་ནཱི་ཡ་ཏོ ཋི་ཏེ་སུ ག་ཎ་ནཱ ནཱ་མ ན་ཏྠི, ཏ་སྨཱ ཨེ་ཀ་ཏོ ན ད་སྶི་ཏཱ་ཏི.

ན་ཧེ་ཏུ་མཱུ་ལ་ཀཾ.

༥༣༤. ནཱ་ར་མྨ་ཎ་མཱུ་ལ་ཀཱ་དཱི་སུ་པི པ་ནྣ་ར་ས་ཏེ་ར་ས་ཨེ་ཀཱ་ད་ས་ན་ཝཱ་ཏི ས་བྦ་དུ་ཀེ་སུ ཙ་ཏྟཱ་རོ་ཝ མཱུ་ལ་ག་ཎ་ན་པ་རི་ཙྪེ་དཱ. ཏི་ཀཱ་དཱི་སུ པ་ན བ་ཧུ་པ་ཙྩ་ཡ་ས་མཱ་ཡོ་གེ ཨི་ཏ་རཱ་ནི་པི ས་ཏྟ པ་ཉྩ ཏཱི་ཎི དྭེ ཨེ་ཀ་ནྟི པ་རི་ཙྪི་ནྣ་ག་ཎ་ནཱ་ནི ཝི་སྶ་ཛྫ་ནཱ་ནི ལ་བྦྷ་ནྟི་ཡེ་ཝ. ཏེ་སུ ཡེ་སཾ པ་ཙྩ་ཡཱ་ནཾ ས་མཱ་ཡོ་གེ ཡཾ ཡཾ ལ་བྦྷ་ཏི, ཏཾ ཏཾ ཧེ་ཊྛཱ ཝུ་ཏྟ་ན་ཡེ་ན སཱ་དྷུ་ཀཾ ས་ལླ་ཀྑེ་ཏྭཱ ཨུ་དྡྷ་རི་ཏ་བྦཾ. ས་བྦེ་སུ ཙེ་ཏེ་སུ ནཱ་ར་མྨ་ཎ་མཱུ་ལ་ཀཱ་དཱི་སུ ནཱ་ར་མྨ་ཎཱ་དཱི་ནི པ་དཱ་ནི ཨ་ཏི་ཀྐ་ནྟེ་ན ཧེ་ཏུ་པ་དེ་ན ས་དྡྷིཾ པ་ཋ་མཾ བ་ནྡྷི་ཏྭཱ་ཝ ཙ་ཀྐཱ་ནི ཀ་ཏཱ་ནི. ཡ་སྨཱ པ་ན ཏཱ་ནི ན་ཧེ་ཏུ་མཱུ་ལ་ཀེ ཝུ་ཏྟ་ས་དི་སཱ་ནེ་ཝ ཧོ་ནྟི, ཏ་སྨཱ ཝི་ཏྠཱ་རེ་ན ཨ་ད་སྶེ་ཏྭཱ ས་ངྑེ་པཾ ཀ་ཏྭཱ ད་སྶི་ཏཱ་ནི. ཏ་ཏྠ ཡ་ཐཱ ན་ཧེ་ཏུ་མཱུ་ལ་ཀེ ནཱ་ར་མྨ་ཎ་ན་ཨུ་པ་ནི་སྶ་ཡཱ ཝི་སུཾ ཝི་སུཾ པ་ནྣ་ར་ས ཝཱ་རེ ལ་བྷ་ནྟཱ་པི ས་མཱ་ཡོ་གེ ཏེ་ར་ས ལ་བྷིཾ་སུ, ཨེ་ཝཾ ས་བྦ་ཏྠ ཏེ་ར་སེ་ཝ ལ་བྷ་ནྟི. ཡ་ཐཱ ཙ ནཱ་ར་མྨ་ཎ་ན་ས་ཧ་ཛཱ་ཏེ་ཧི ས་དྡྷིཾ ན་ཨུ་པ་ནི་སྶ་ཡེ ས་ཏྟ ཝཱ་རཱ ཧོ་ནྟི, ཨེ་ཝཾ ན་ཨུ་པ་ནི་སྶ་ཡ་ནཱ་ར་མྨ་ཎེ་ཧི ས་དྡྷིཾ ན་ས་ཧ་ཛཱ་ཏེ་པི ས་ཏྟ.

༥༣༨. ན་ནི་སྶ་ཡ་པ་ཙྩ་ཡཱ ན་ཨུ་པ་ནི་སྶ་ཡ་པ་ཙྩ་ཡཱ ན་པ་ཙྪཱ་ཛཱ་ཏེ ཏཱི་ཎཱིཏི ཀུ་ས་ལཱ་དཱི་ནི ཨ་བྱཱ་ཀ་ཏ་ནྟཱ་ནི. ཏེ་སུ ཀ་ཊ་ཏྟཱ་རཱུ་པ་ཉྩ ཨཱ་ཧཱ་ར་ས་མུ་ཊྛཱ་ན་ཉྩ པ་ཙྩ་ཡུ་པྤ་ནྣཾ.

༥༤༣-༥༤༤. ནཱ་ཧཱ་ར་ན་ཨི་ནྡྲི་ཡ་མཱུ་ལ་ཀེ་སུ ཙ་ཏུ་ཀྐེ་སུ ན་ཀ་མྨེ་ན ས་དྡྷིཾ ཨ་གྷ་ཊི་ཏ་ཏྟཱ ན་ཧེ་ཏུ་མཱུ་ལ་ཀེ ཝི་ཡ ཨེ་ཀེ་ནྟེ་ན ལ་བྦྷ་ནྟི. ན་ཨི་ནྡྲི་ཡ་མཱུ་ལ་ཀེ ན་ཨུ་པ་ནི་སྶ་ཡེ ཙ ན་པུ་རེ་ཛཱ་ཏེ ཙ ཋ་པེ་ཏྭཱ ནཱ་ཧཱ་རེ ཏཱི་ཎཱི་ཏི ཀཱ་ཏ་བྦནྟི ན་ཨི་ནྡྲི་ཡ་པ་ཙྩ་ཡ་ཏོ པ་ཊྛཱ་ཡ ཨི་མེ དྭེ པ་ཙྩ་ཡེ གྷ་ཊེ་ཏྭཱ ན་ཨི་ནྡྲི་ཡ་པ་ཙྩ་ཡཱ…པེ… ན་ཨུ་པ་ནི་སྶ་ཡ་པ་ཙྩ་ཡཱ ནཱ་ཧཱ་རེ ཏཱི་ཎཱི. ན་ཨི་ནྡྲི་ཡ་པ་ཙྩ་ཡཱ…པེ… ན་པུ་རེ་ཛཱ་ཏ་པ་ཙྩ་ཡཱ ནཱ་ཧཱ་རེ ཏཱི་ཎཱི་ཏི ཨེ་ཝཾ ཨི་མེ་ཧི པ་ཙྩ་ཡེ་ཧི ས་དྡྷིཾ ནཱ་ཧཱ་ར་པ་ཙྩ་ཡེ ཙ ག་ཎ་ནཱ ཀཱ་ཏ་བྦཱ་ཏི ཨ་ཏྠོ. ཏ་ཏྠ ཏཱི་ཎཱིཏི ཀུ་ས་ལཱ་དཱི་ནེ་ཝ ཨ་བྱཱ་ཀ་ཏ་སྶ. ཏ་ཏྠ ཀུ་ས་ལཱ་ཀུ་ས་ལཱ ཀ་ཊ་ཏྟཱ་རཱུ་པཱ་ནཾ པུ་རེ་ཛཱ་ཏ་སྶ ཙ ཀཱ་ཡ་སྶ པ་ཙྪཱ་ཛཱ་ཏ་པ་ཙྩ་ཡེ་ན, ཨ་བྱཱ་ཀ་ཏཱ པ་ན ཙི་ཏྟ་ཙེ་ཏ་སི་ཀཱ པ་ཙྪཱ་ཛཱ་ཏ་པ་ཙྩ་ཡེ་ནེ་ཝཱ་ཏི ཨི་མེ་སཾ ཝ་སེ་ན ཏཱི་ཎི ཝི་སྶ་ཛྫ་ནཱ་ནི ཀཱ་ཏ་བྦཱ་ནི. པ་ར་ཏོ པ་ན ན་པ་ཙྪཱ་ཛཱ་ཏེ་ན ས་དྡྷིཾ གྷ་ཊི་ཏ་ཏྟཱ ནཱ་ཧཱ་རེ དྭེཏི ཝུ་ཏྟཾ. ཏ་ཏྠ ཀ་ཊ་ཏྟཱ་རཱུ་པ་ཝ་སེ་ན ཀུ་ས་ལཾ ཨ་བྱཱ་ཀ་ཏ་སྶ, ཏ་ཐཱ ཨ་ཀུ་ས་ལ་ནྟི ཨེ་ཏྟ་ཀ་མེ་ཝ ལ་བྦྷ་ཏི. ཨཱ་ཧཱ་ར་སྶ པ་ན པ་ཊི་ཀྑི་ཏྟ་ཏྟཱ ཀ་བ་ལཱི༹་ཀཱ་རཱ་ཧཱ་རོ ཨ་ཏྠི་ཨ་ཝི་ག་ཏ་ཝ་སེ་ནཱ་པི པ་ཙྩ་ཡ་བྷཱ་ཝཾ ན ལ་བྷ་ཏི.

༥༤༥. ན་ཝི་པྤ་ཡུ་ཏྟ་མཱུ་ལ་ཀ་སྶ ཙ་ཏུ་མཱུ་ལ་ཀེ ན་ཨུ་པ་ནི་སྶ་ཡེ པ་ཉྩཱཏི ཀུ་ས་ལོ ས་ཧ་ཛཱ་ཏ་ཀུ་ས་ལ་སྶ, ཀུ་ས་ལོ ཀ་ཊ་ཏྟཱ་རཱུ་པ་ས་ངྑཱ་ཏ་སྶ ཨ་བྱཱ་ཀ་ཏ་སྶ, ཨ་ཀུ་ས་ལོ ས་ཧ་ཛཱ་ཏ་ཨ་ཀུ་ས་ལ་སྶ, ཏ་ཐཱ ཀ་ཊ་ཏྟཱ་རཱུ་པ་ས་ངྑཱ་ཏ་སྶ ཨ་བྱཱ་ཀ་ཏ་སྶ, ཨ་བྱཱ་ཀ་ཏོ ས་ཧ་ཛཱ་ཏ་ཨ་བྱཱ་ཀ་ཏ་སྶཱ་ཏི ཨེ་ཝཾ པ་ཉྩ. ན་ཝི་པྤ་ཡུ་ཏྟ་པ་ཙྩ་ཡཱ…པེ… ན་ཨུ་པ་ནི་སྶ་ཡེ ཏཱི་ཎཱིཏི ཧེ་ཊྛཱ ཝུ་ཏྟ་ན་ཡེ་ནེ་ཝ ཀུ་ས་ལཱ་ད་ཡོ ཏ་ཡོ ཨ་བྱཱ་ཀ་ཏ་སྶ.

༥༤༦. ནོ་ཨ་ཏྠི་པ་ཙྩ་ཡཱ ན་ཧེ་ཏུ་ཡཱ ན་ཝཱཏི ན་ཧེ་ཏུ་པ་ཙྩ་ཡཱ ནོ་ཨ་ཏྠི་ཡཱ ཝུ་ཏྟཱ ན་ཝེ་ཝ. ས་བྦེ་པི ཧི ཏེ ཨེ་ཀ་མཱུ་ལ་ཀེ་ཀཱ་ཝ་སཱ་ནཱ ཨ་ན་ནྟ་ར་པ་ཀ་ཏཱུ་པ་ནི་སྶ་ཡ་ཝ་སེ་ན ལ་བྦྷ་ནྟི. ནཱ་ར་མྨ་ཎེ ན་ཝཱཏི་པི ཏེ་ཡེ་ཝ ནཱ་ར་མྨ་ཎེ ཋ་ཏྭཱ ན་ཨུ་པ་ནི་སྶ་ཡེ དྭེ ཀཱ་ཏ་བྦཱ. ཡཱ་ཝ ནི་སྶ་ཡ་མྤཱིཏི ནོ་ཨ་ཏྠི་མཱུ་ལ་ཀེ ན་ཡེ ‘‘ནོ་ཨ་ཏྠི་པ་ཙྩ་ཡཱ ན་ཧེ་ཏུ་པ་ཙྩ་ཡཱ ནཱ་ར་མྨ་ཎ་པ་ཙྩ་ཡཱ’’ཏི ཨེ་ཝཾ ཙ་ཀྐ་བ་ནྡྷ་ག་མ་ནེ་ན ནཱ་ར་མྨ་ཎ་པ་ཙྩ་ཡེ ཋ་ཏྭཱ ཨི་མེ་ཧི ཝཱ ཏཱི་ཧི, ཨི་ཏོ པ་རེ་སུ ནཱ་དྷི་པ་ཏི་ཨཱ་དཱི་སུ ཨ་ཉྙ་ཏ་ར་ཉྙ་ཏ་རེ་ན ཝཱ ས་དྡྷིཾ ཡཱ་ཝ ནི་སྶ་ཡ་པ་ཙྩ་ཡཾ པཱ་པུ་ཎཱ་ཏི, ཏཱ་ཝ ག་ནྟྭཱ ན་ཨུ་པ་ནི་སྶ་ཡེ དྭེ ཝི་སྶ་ཛྫ་ནཱ་ནི ཀཱ་ཏ་བྦཱ་ནཱི་ཏི ཨ་ཏྠོ.

ཨེ་ཝཾ ལ་ཀྑ་ཎཾ ཋ་པེ་ཏྭཱ པུ་ན ནཱ་ར་མྨ་ཎ་ཏོ པ་ཊྛཱ་ཡ ཡཱ་ཝ ནི་སྶ་ཡཱ ས་ཏྟ པ་ཙྩ་ཡེ ག་ཧེ་ཏྭཱ ན་ཨུ་པ་ནི་སྶ་ཡེ དྭེཏི ཨཱ་ཧ. ཏ་ཏྠ ནོ་ཨ་ཏྠི་པ་ཙྩ་ཡཱ ན་ཧེ་ཏུ་པ་ཙྩ་ཡཱ ནཱ་ར་མྨ་ཎ་པ་ཙྩ་ཡཱ ན་ཨུ་པ་ནི་སྶ་ཡེ དྭེ, ནོ་ཨ་ཏྠི་པ་ཙྩ་ཡཱ ན་ཧེ་ཏུ་ནཱ་ར་མྨ་ཎ་ནཱ་དྷི་པ་ཏི་པ་ཙྩ་ཡཱ ན་ཨུ་པ་ནི་སྶ་ཡེ དྭེ་ཏི ཨེ་ཝཾ ནཱ་ར་མྨ་ཎ་ཏོ པུ་རི་མ་པ་ཙྪི་མེ་ཧི ནི་སྶ་ཡ་པ་རི་ཡོ་སཱ་ནེ་ཧི ས་བྦ་པ་དེ་ཧི ས་དྡྷིཾ ཡོ་ཛ་ནཱ ཀཱ་ཏ་བྦཱ. དྭེཏི པ་ནེ་ཏྠ ཀུ་ས་ལོ ཨ་བྱཱ་ཀ་ཏ་སྶ, ཨ་ཀུ་ས་ལོ ཨ་བྱཱ་ཀ་ཏ་སྶཱ་ཏི ནཱ་ནཱ་ཀྑ་ཎི་ཀ་ཀ་མྨ་ཝ་སེ་ན ཀ་ཊ་ཏྟཱ་རཱུ་པ་སྶ པ་ཙྩ་ཡ་ཝ་སེ་ན ཝེ་དི་ཏ་བྦཱ་ནི. ན་ཨུ་པ་ནི་སྶ་ཡ་པ་དེ་ན ས་དྡྷིཾ ན་པུ་རེ་ཛཱ་ཏཱ་དཱི་སུ ས་བྦ་ཏྠ དྭེ. ཀ་མྨ་པ་ཙྩ་ཡོ པ་ནེ་ཏྠ ན ག་ཧི་ཏོ. ཏ་སྨི་ཉྷི ག་ཧི་ཏེ ཏེ་པི དྭེ ཝཱ་རཱ ཚི་ཛྫ་ནྟི, ཝི་སྶ་ཛྫ་ན་མེ་ཝ ན ལ་བྦྷ་ཏི. ཨེ་ཝཾ ཡེ་ན ཡེ་ན ས་དྡྷིཾ ཡ་སྶ ཡ་སྶ སཾ་ས་ནྡ་ནེ. ཡཾ ལ་བྦྷ་ཏི, ཡ་ཉྩ པ་རི་ཧཱ་ཡ་ཏི, ཏཾ ས་བྦཾ སཱ་དྷུ་ཀཾ ས་ལླ་ཀྑེ་ཏྭཱ ས་བྦ་པ་ཙྩ་ནཱི་ཡེ་སུ ག་ཎ་ནཱ ཨུ་དྡྷ་རི་ཏ་བྦཱ་ཏི.

པ་ཙྩ་ནཱི་ཡ་ག་ཎ་ན་ཝ་ཎྞ་ནཱ.

ཨ་ནུ་ལོ་མ་པ་ཙྩ་ནཱི་ཡ་ཝ་ཎྞ་ནཱ

༥༥༠. ཨ་ནུ་ལོ་མ་པ་ཙྩ་ནཱི་ཡེ ‘‘ཧེ་ཏུ་ཡཱ ས་ཏྟ, ཨཱ་ར་མྨ་ཎེ ན་ཝཱ’’ཏི ཨེ་ཝཾ ཨ་ནུ་ལོ་མེ ‘‘ན་ཧེ་ཏུ་ཡཱ པ་ནྣ་ར་ས, ནཱ་ར་མྨ་ཎེ པ་ནྣ་ར་སཱ’’ཏི ཨེ་ཝཾ པ་ཙྩ་ནཱི་ཡེ ཙ ལ་དྡྷ་ག་ཎ་ནེ་སུ པ་ཙྩ་ཡེ་སུ ཡོ པ་ཙྩ་ཡོ ཨ་ནུ་ལོ་མ་ཏོ ཋི་ཏོ, ཏ་སྶ ཨ་ནུ་ལོ་མེ ལ་དྡྷ་ཝཱ་རེ་ཧི ས་དྡྷིཾ ཡེ པ་ཙྩ་ནཱི་ཡ་ཏོ ཋི་ཏ་སྶ པ་ཙྩ་ནཱི་ཡེ ལ་དྡྷ་ཝཱ་རེ་སུ ས་དི་ས་ཝཱ་རཱ, ཏེ་སཾ ཝ་སེ་ན ག་ཎ་ནཱ ཝེ་དི་ཏ་བྦཱ. ཨ་ནུ་ལོ་མ་སྨི་ཉྷི ཧེ་ཏུ་པ་ཙྩ་ཡེ ‘‘ཧེ་ཏུ་ཡཱ ས་ཏྟཱ’’ཏི ས་ཏྟ ཝཱ་རཱ ལ་དྡྷཱ, པ་ཙྩ་ནཱི་ཡེ ནཱ་ར་མྨ་ཎ་པ་ཙྩ་ཡེ ‘‘ནཱ་ར་མྨ་ཎེ པ་ནྣ་ར་སཱ’’ཏི པ་ནྣ་ར་ས ལ་དྡྷཱ. ཏེ་སུ ཡེ ཧེ་ཏུ་ཡཱ ས་ཏྟ ཝུ་ཏྟཱ, ཏེ་ཧི ས་དྡྷིཾ ནཱ་ར་མྨ་ཎེ ཝུ་ཏྟེ་སུ པ་ནྣ་ར་ས་སུ ‘‘ཀུ་ས་ལོ ཀུ་ས་ལ་སྶ, ཨ་བྱཱ་ཀ་ཏ་སྶ, ཀུ་ས་ལཱ་བྱཱ་ཀ་ཏ་སྶ, ཨ་ཀུ་ས་ལོ ཨ་ཀུ་ས་ལ་སྶ, ཨ་བྱཱ་ཀ་ཏ་སྶ, ཨ་ཀུ་ས་ལཱ་བྱཱ་ཀ་ཏ་སྶ, ཨ་བྱཱ་ཀ་ཏོ ཨ་བྱཱ་ཀ་ཏ་སྶཱ’’ཏི ཨི་མེ ས་ཏྟ ས་དི་སཱ. ཏེ ས་ནྡྷཱ་ཡ ཧེ་ཏུ་པ་ཙྩ་ཡཱ ན་ཨཱ་ར་མྨ་ཎེ ས་ཏྟཱཏི ཝུ་ཏྟཾ. ན་ཨ་དྷི་པ་ཏི་ཡཱ ས་ཏྟཱཏི་ཨཱ་དཱི་སུ་པི ཨེ་སེ་ཝ ན་ཡོ.

ན་ས་ཧ་ཛཱ་ཏ་སྶ པ་ན ཧེ་ཏུ་པ་ཙྩ་ཡ་སྶ ཨ་བྷཱ་ཝཱ ན་ས་ཧ་ཛཱ་ཏེ ཨེ་ཀོ་པི ན ལ་བྦྷ་ཏི, ཏ་སྨཱ ཏེ་ན ས་དྡྷིཾ ཡོ་ཛ་ནཱ ན ཀ་ཏཱ. ན་ཨ་ཉྙ་མ་ཉྙེ ཀུ་ས་ལཱ་ད་ཡོ ཏ་ཡོ རཱུ་པཱ་བྱཱ་ཀ་ཏ་སྶ ལ་བྦྷ་ནྟི, ཏེ ས་ནྡྷཱ་ཡ ཏཱི་ཎཱིཏི ཝུ་ཏྟཾ. ཏ་ཐཱ ན་ས་མྤ་ཡུ་ཏྟེ. ན་ཝི་པྤ་ཡུ་ཏྟེ པ་ན ཀུ་ས་ལཾ ཀུ་ས་ལ་སྶ, ཨ་ཀུ་ས་ལཾ ཨ་ཀུ་ས་ལ་སྶ, ཨ་བྱཱ་ཀ་ཏཾ ཨ་བྱཱ་ཀ་ཏ་སྶཱ་ཏི ཨ་རཱུ་པ་དྷ་མྨ་ཝ་སེ་ན ཏཱི་ཎི ཝེ་དི་ཏ་བྦཱ་ནི. ན་ནི་སྶ་ཡ་ནོ་ཨ་ཏྠི་ནོ་ཨ་ཝི་ག་ཏཱ ན་ས་ཧ་ཛཱ་ཏོ ཝི་ཡ ན ལ་བྦྷ་ནྟི་ཡེ་ཝཱ་ཏི ཏེ་ཧི་པི ས་དྡྷིཾ ཡོ་ཛ་ནཱ ན ཀ་ཏཱ. ཨེ་ཝ་མེ་ཏྠ ས་ཏྟ ཏཱི་ཎཱི་ཏི དྭེ་ཡེ་ཝ ག་ཎ་ན་པ་རི་ཙྪེ་དཱ, ཏེ་སཾ ཝ་སེ་ན ཨཱུ་ན་ཏ་ར་ག་ཎ་ནེ་ན ས་དྡྷིཾ ཨ་ཏི་རེ་ཀ་ག་ཎ་ན་སྶ་པི ག་ཎ་ནཾ པ་རི་ཧཱ་པེ་ཏྭཱ པ་ཙྩ་ཡ་གྷ་ཊ་ནེ་སུ ག་ཎ་ནཱ ཝེ་དི་ཏ་བྦཱ.

༥༥༡. ཏ་ཏྠ ཧེ་ཏུ་ས་ཧ་ཛཱ་ཏ་ནི་སྶ་ཡ་ཨ་ཏྠི་ཨ་ཝི་ག་ཏ་ནྟི ནཱ་ར་མྨ་ཎེ ས་ཏྟཱཏི ཀུ་ས་ལོ དྷ་མྨོ ཀུ་ས་ལ་སྶ དྷ་མྨ་སྶ ཧེ་ཏུ་པ་ཙྩ་ཡེ་ན པ་ཙྩ་ཡོ, ས་ཧ་ཛཱ་ཏ་ནི་སྶ་ཡ་ཨ་ཏྠི་ཨ་ཝི་ག་ཏ་པ་ཙྩ་ཡེ་ན པ་ཙྩ་ཡོ, ནཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ. ཀུ་ས་ལཱ ཧེ་ཏཱུ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཧེ་ཏུ་པ་ཙྩ་ཡེ་ན པ་ཙྩ་ཡོ, ས་ཧ་ཛཱ་ཏ་ནི་སྶ་ཡ་ཨ་ཏྠི་ཨ་ཝི་ག་ཏ་པ་ཙྩ་ཡེ་ན པ་ཙྩ་ཡོ, ནཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ་ཏི ཨི་མི་ནཱ ན་ཡེ་ན ས་ཏྟ ཝཱ་རཱ ཨུ་དྡྷ་རི་ཏ་བྦཱ. ནཱ་དྷི་པ་ཏི་ཡཱ ས་ཏྟཱཏི་ཨཱ་དཱི་སུ་པི ཨེ་སེ་ཝ ན་ཡོ. དུ་ཏི་ཡེ གྷ་ཊ་ནེ ཨ་ཉྙ་མ་ཉྙ་སྶ པ་ཝི་ཊྛ་ཏྟཱ ཋ་པེ་ཏྭཱ ན་ས་མྤ་ཡུ་ཏྟཾ སེ་སེ་སུ ཏཱི་ཎཱིཏི ཝུ་ཏྟཾ. ན་ས་མྤ་ཡུ་ཏྟེ པ་ན ཨ་ཉྙ་མ་ཉྙ་ཝི་པྤ་ཡུ་ཏྟཾ པ་ཊི་ས་ནྡྷི་ནཱ་མ་རཱུ་པཾ ས་ནྡྷཱ་ཡ ཨེ་ཀ་ནྟི ཝུ་ཏྟཾ. ཨ་ཉྙ་མ་ཉྙ་པ་ཙྩ་ཡོ ཙེ་ཏྠ ཨ་ནུ་ལོ་མ་གྷ་ཊ་ནེ པ་ཝི་ཊྛ་ཏྟཱ པ་ཙྩ་ནཱི་ཡ་ཏོ ན ལ་བྦྷ་ཏི, ཏ་སྨཱ ‘‘ན་ཨ་ཉྙ་མ་ཉྙེ’’ཏི ན ཝུ་ཏྟཾ. ཡ་ཐཱ ཙེ་ཏྠ, ཨེ་ཝཾ སེ་ས་གྷ་ཊ་ནེ་སུ་པི པ་ཝི་ཊྛ་པ་ཙྩ་ཡཱ པ་ཙྩ་ནཱི་ཡ་ཏོ ན ལ་བྦྷ་ནྟཱི་ཏི ན ཝུ་ཏྟཱ. ཏ་ཏི་ཡ་གྷ་ཊ་ནེ ས་མྤ་ཡུ་ཏྟ་སྶ པ་ཝི་ཊྛ་ཏྟཱ ས་བྦ་ཏྠ ཏཱི་ཎི་ཡེ་ཝ. ཙ་ཏུ་ཏྠ་གྷ་ཊ་ནེ ཝི་པྤ་ཡུ་ཏྟ་སྶ པ་ཝི་ཊྛ་ཏྟཱ ཏཱི་ཎི ཀུ་ས་ལཱ་དཱི་ནི ཙི་ཏྟ་ས་མུ་ཊྛཱ་ན་རཱུ་པ་སྶ. པ་ཉྩ་མེ ཝི་པཱ་ཀ་སྶ པ་ཝི་ཊྛ་ཏྟཱ ས་བྦ་ཏྠ ཨེ་ཀཾ ཨ་བྱཱ་ཀ་ཏེ་ན ཨ་བྱཱ་ཀ་ཏཾ. ཨི་ཏོ པ་རེ་སུ་པི ཝི་པཱ་ཀ་ས་མྤ་ཡུ་ཏྟེ་སུ ཨེ་སེ་ཝ ན་ཡོ.

༥༥༢. ཧེ་ཏུ་ས་ཧ་ཛཱ་ཏ་ནི་སྶ་ཡ་ཨི་ནྡྲི་ཡ་མ་གྒ་ཨ་ཏྠི་ཨ་ཝི་ག་ཏ་ནྟི ནཱ་ར་མྨ་ཎེ ཙ་ཏྟཱ་རཱིཏི ཀུ་ས་ལོ ཀུ་ས་ལ་སྶ, ཨ་བྱཱ་ཀ་ཏ་སྶ, ཀུ་ས་ལཱ་བྱཱ་ཀ་ཏ་སྶ; ཨ་བྱཱ་ཀ་ཏོ ཨ་བྱཱ་ཀ་ཏ་སྶཱ་ཏི ཨི་མེ་སཾ ཝ་སེ་ན ཝེ་དི་ཏ་བྦཱ་ནི. སེ་སེ་སུ་པི ཨེ་སེ་ཝ ན་ཡོ. ན་ཨ་ཉྙ་མ་ཉྙེ དྭེཏི ཀུ་ས་ལོ ཨ་བྱཱ་ཀ་ཏ་སྶ, ཏ་ཐཱ ཨ་བྱཱ་ཀ་ཏོ. པ་ར་ཏོ་པི དྭཱི་སུ ཨེ་སེ་ཝ ན་ཡོ. ཨི་མི་ནཱ ཨུ་པཱ་ཡེ་ན ས་བྦ་གྷ་ཊ་ནེ་སུ ལ་བྦྷ་མཱ་ན་ཝ་སེ་ན ག་ཎ་ནཱ ཝེ་དི་ཏ་བྦཱ. ས་བྦཱ་ནི་པི ཙེ་ཏཱ་ནི ཨི་མ་སྨིཾ ཨ་ནུ་ལོ་མ་པ་ཙྩ་ནཱི་ཡེ ས་ཧ་ཛཱ་ཏ་ཝ་སེ་ན ཙེ་ཝ པ་ཀི་ཎྞ་ཀ་ཝ་སེ་ན ཙ པ་ནྣ་ར་སཱ་དྷི་ཀཱ་ནི ཙ་ཏྟཱ་རི གྷ་ཊ་ན་ས་ཏཱ་ནི ཝུ་ཏྟཱ་ནི. ཏེ་སུ ཏ་སྨིཾ ཏ་སྨིཾ གྷ་ཊ་ནེ ཡེ ཨ་ནུ་ལོ་མ་ཏོ ཋི་ཏཱ པ་ཙྩ་ཡཱ, ཏེ་སཾ ཨེ་ཀོ་པི པ་ཙྩ་ནཱི་ཡ་ཏོ ན ལ་བྦྷ་ཏི. ཧེ་ཏུ་མཱུ་ལ་ཀེ ཙེ་ཏྠ པ་ཋ་མེ གྷ་ཊ་ནེ ཨ་ནུ་ལོ་མ་ཏོ པ་ཉྩ་ནྣཾ པ་ཙྩ་ཡཱ་ནཾ ཋི་ཏ་ཏྟཱ པ་ཙྩ་ནཱི་ཡ་ཏོ ཨེ་ཀཱུ་ན་ཝཱི་ས་ཏི པ་ཙྩ་ཡཱ ཨཱ་ག་ཏཱ. ཨེ་ཝཾ སེ་སེ་སུ་པི ཨ་ནུ་ལོ་མ་ཏོ ཋི་ཏཱ་ཝ་སེ་སཱ པ་ཙྩ་ནཱི་ཡ་ཏོ ཨཱ་ག་ཏཱ. ཨ་ནུ་ལོ་མ་ཏོ ཙེ་ཏྠ བ་ཧཱུ་སུ་པི ཋི་ཏེ་སུ པ་ཙྩ་ནཱི་ཡ་ཏོ ཨེ་ཀེ་ཀོ་ཝ ཨཱ་ག་ཏོ་ཏི ཝེ་དི་ཏ་བྦོ. ཡ་ཐཱ ཙ ཧེ་ཏུ་མཱུ་ལ་ཀེ, ཨེ་ཝཾ ཨཱ་ར་མྨ་ཎཱ་དི་མཱུ་ལ་ཀེ་སུ་པི ས་བྦ་མེ་ཏཾ ཝི་དྷཱ་ནཾ ཡ་ཐཱ་ནུ་རཱུ་པ་ཏོ ཝེ་དི་ཏ་བྦ་ནྟི.

ཨ་ནུ་ལོ་མ་པ་ཙྩ་ནཱི་ཡ་ཝ་ཎྞ་ནཱ.

པ་ཙྩ་ནཱི་ཡཱ་ནུ་ལོ་མ་ཝ་ཎྞ་ནཱ

༦༣༡. པ་ཙྩ་ནཱི་ཡཱ་ནུ་ལོ་མེ་པི ‘‘ཧེ་ཏུ་ཡཱ ས་ཏྟ, ཨཱ་ར་མྨ་ཎེ ན་ཝཱ’’ཏི ཨེ་ཝཾ ཨ་ནུ་ལོ་མེ ‘‘ན་ཧེ་ཏུ་ཡཱ པ་ནྣ་ར་ས, ནཱ་ར་མྨ་ཎེ པ་ནྣ་ར་སཱ’’ཏི ཨེ་ཝཾ པ་ཙྩ་ནཱི་ཡེ ཙ ལ་དྡྷ་ག་ཎ་ནེ་སུ པ་ཙྩ་ཡེ་སུ ཡོ པ་ཙྩ་ནཱི་ཡ་ཏོ ཋི་ཏོ, ཏ་སྶ པ་ཙྩ་ནཱི་ཡ་ཏོ ལ་དྡྷ་ཝཱ་རེ་སུ ཡེ ཨ་ནུ་ལོ་མ་ཏོ ཋི་ཏ་སྶ ཨ་ནུ་ལོ་མ་ཏོ ལ་དྡྷ་ཝཱ་རེ་ཧི ས་དི་སཱ ཝཱ་རཱ, ཏེ་སཾ ཝ་སེ་ན ག་ཎ་ནཱ ཝེ་དི་ཏ་བྦཱ. པ་ཙྩ་ནཱི་ཡ་སྨི་ཉྷི ན་ཧེ་ཏུ་པ་ཙྩ་ཡེ ‘‘ན་ཧེ་ཏུ་ཡཱ པ་ནྣ་ར་སཱ’’ཏི པ་ནྣ་ར་ས ཝཱ་རཱ ལ་དྡྷཱ, ཨ་ནུ་ལོ་མེ ཨཱ་ར་མྨ་ཎ་པ་ཙྩ་ཡེ ‘‘ཨཱ་ར་མྨ་ཎེ ན་ཝཱ’’ཏི ན་ཝ ཝཱ་རཱ ལ་དྡྷཱ. ཏ་ཏྠ ཡེ ན་ཧེ་ཏུ་ཡཱ པ་ནྣ་ར་ས ཝུ་ཏྟཱ, ཏེ་སུ ཡེ ཝཱ་རཱ ཨཱ་ར་མྨ་ཎེ ཝུ་ཏྟེ་ཧི ན་ཝ་ཧི ས་དི་སཱ, ཏེ་སཾ ཝ་སེ་ན ག་ཎ་ནཱ ཝེ་དི་ཏ་བྦཱ. ཏ་ཏྠ ཡེ ཨཱ་ར་མྨ་ཎེ ན་ཝ ཝུ་ཏྟཱ, ཏེ ན་ཧེ་ཏུ་ཡཱ ཝུ་ཏྟེ་སུ པ་ནྣ་ར་ས་སུ ཀུ་ས་ལོ ‘‘ཀུ་ས་ལཱ་ཀུ་ས་ལཱ་བྱཱ་ཀ་ཏཱ་ནཾ, ཨ་ཀུ་ས་ལོ ཨ་ཀུ་ས་ལ་ཀུ་ས་ལཱ་བྱཱ་ཀ་ཏཱ་ནཾ, ཨ་བྱཱ་ཀ་ཏོ ཨ་བྱཱ་ཀ་ཏ་ཀུ་ས་ལཱ་ཀུ་ས་ལཱ་ན’’ནྟི ཨི་མེ་ཧི ན་ཝ་ཧི ས་དི་སཱ, ཏེ ས་ནྡྷཱ་ཡ ན་ཧེ་ཏུ་ཡཱ ཨཱ་ར་མྨ་ཎེ ན་ཝཱཏི ཝུ་ཏྟཾ. ཨ་དྷི་པ་ཏི་ཡཱ ད་སཱཏི་ཨཱ་དཱི་སུ་པི ཨེ་སེ་ཝ ན་ཡོ. ཨཱ་ར་མྨ་ཎཱ་དཱི་ན་ཉྷི ཨ་ནུ་ལོ་མ་ག་ཎ་ནཱ་ཡ ཡེ ཝཱ་རཱ ཝུ་ཏྟཱ ན་ཧེ་ཏུ་པ་ཙྩ་ཡེ་ན ས་དྡྷིཾ སཾ་ས་ནྡ་ནེ་པི ཏེ ས་བྦེ ལ་བྦྷ་ནྟཱི་ཏི ཝེ་དི་ཏ་བྦཱ. ‘‘ཀུ་ས་ལོ དྷ་མྨོ ཀུ་ས་ལ་སྶ དྷ་མྨ་སྶ ན་ཧེ་ཏུ་པ་ཙྩ་ཡེ་ན པ་ཙྩ་ཡོ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོ, དཱ་ནཾ ད་ཏྭཱ སཱི་ལཾ ས་མཱ་དི་ཡི་ཏྭཱ ཨུ་པོ་ས་ཐ་ཀ་མྨཾ ཀ་ཏྭཱ ཏཾ པ་ཙྩ་ཝེ་ཀྑ་ཏི, པུ་བྦེ སུ་ཙི་ཎྞཱ་ནི པ་ཙྩ་ཝེ་ཀྑ་ཏཱི’’ཏི ཨི་མི་ནཱ ཨུ་པཱ་ཡེ་ན ཏེ་སཾ པཱ་ལི༹ ཨུ་དྡྷ་རི་ཏ་བྦཱ.

ན་ཧེ་ཏུ་པ་ཙྩ་ཡཱ ཨ་དྷི་པ་ཏི་ཡཱ ད་སཱཏི ཨེ་ཏྠ ཋ་པེ་ཏྭཱ ཝཱི་མཾ་སཱ་དྷི་པ་ཏིཾ སེ་སཱ་དྷི་པ་ཏི་ཝ་སེ་ན ཨ་ནུ་ལོ་མ་ཝི་བྷ་ངྒེ ཨཱ་ག་ཏ་ཝཱ་རཱ ཨུ་དྡྷ་རི་ཏ་བྦཱ. ཨེ་ཝ་མེ་ཏྠ ན་ཝ ད་ས་ས་ཏྟ་ཏཱི་ཎི་ཏེ་ར་ས་ཨེ་ཀ་ནྟི ཚ ག་ཎ་ན་པ་རི་ཙྪེ་དཱ, ཏེ་སཾ ཝ་སེ་ན ཨཱུ་ན་ཏ་ར་ག་ཎ་ནེ་ན ས་དྡྷིཾ ཨ་ཏི་རེ་ཀ་ག་ཎ་ན་སྶཱ་པི ག་ཎ་ནཾ པ་རི་ཧཱ་པེ་ཏྭཱ ན་ཧེ་ཏུ་མཱུ་ལ་ཀཱ་དཱི་ནཾ ན་ཡཱ་ནཾ ཏི་མཱུ་ལ་ཀཱ་དཱི་སུ ས་བྦ་སཾ་ས་ནྡ་ནེ་སུ ག་ཎ་ནཱ ཝེ་དི་ཏ་བྦཱ. ཨི་དཾ ཏཱ་ཝ སཱ་དྷཱ་ར་ཎ་ལ་ཀྑ་ཎཾ. ན པ་ནེ་ཏཾ ས་བྦ་སཾ་ས་ནྡ་ནེ་སུ ག་ཙྪ་ཏི, ཡེ་ཧི པ་ན པ་ཙྩ་ཡེ་ཧི ས་དྡྷིཾ ཡེ་སཾ པ་ཙྩ་ཡཱ་ནཾ སཾ་ས་ནྡ་ནེ ཡེ ཝཱ་རཱ ཝི་རུ་ཛ྄ཛྷ་ནྟི, ཏེ ཨ་པ་ནེ་ཏྭཱ ཨ་ཝ་སེ་སཱ་ནཾ ཝ་སེ་ན་པེ་ཏྠ ག་ཎ་ནཱ ཝེ་དི་ཏ་བྦཱ.

ན་ཧེ་ཏུ་པ་ཙྩ་ཡཱ ན་ཨཱ་ར་མྨ་ཎ་པ་ཙྩ་ཡཱ ཨ་དྷི་པ་ཏི་ཡཱ ས་ཏྟཱཏི ཨེ་ཏྠ ཧི ཀུ་ས་ལོ ཨ་ཀུ་ས་ལ་སྶ; ཨ་བྱཱ་ཀ་ཏོ ཀུ་ས་ལ་སྶ, ཨ་ཀུ་ས་ལ་སྶཱ་ཏི ཨི་མེ ཨཱ་ར་མྨ་ཎཱ་དྷི་པ་ཏི་ཝ་སེ་ན ལ་བྦྷ་མཱ་ནཱ ཏ་ཡོ ཝཱ་རཱ ཝི་རུ་ཛ྄ཛྷ་ནྟི. ཀ་སྨཱ? ན་ཨཱ་ར་མྨ་ཎ་པ་ཙྩ་ཡཱ་ཏི ཝུ་ཏྟ་ཏྟཱ. ཏ་སྨཱ ཏེ ཨ་པ་ནེ་ཏྭཱ ས་ཧ་ཛཱ་ཏཱ་དྷི་པ་ཏི་ན་ཡེ་ནེ་ཝེ་ཏྠ ‘‘ཀུ་ས་ལོ ཀུ་ས་ལ་སྶ, ཨ་བྱཱ་ཀ་ཏ་སྶ, ཀུ་ས་ལཱ་བྱཱ་ཀ་ཏ་སྶ; ཨ་ཀུ་ས་ལོ ཨ་ཀུ་ས་ལ་སྶ, ཨ་བྱཱ་ཀ་ཏ་སྶ, ཨ་ཀུ་ས་ལཱ་བྱཱ་ཀ་ཏ་སྶ; ཨ་བྱཱ་ཀ་ཏོ ཨ་བྱཱ་ཀ་ཏ་སྶཱ’’ཏི ས་ཏྟ ཝཱ་རཱ ཝེ་དི་ཏ་བྦཱ. ཏེ་པི ན་ཧེ་ཏུ་པ་ཙྩ་ཡཱ་ཏི ཝ་ཙ་ན་ཏོ ཋ་པེ་ཏྭཱ ཝཱི་མཾ་སཱ་དྷི་པ་ཏིཾ སེ་སཱ་དྷི་པ་ཏཱི་ནཾ ཝ་སེ་ན. ཨེ་ཝཾ ས་བྦ་ཏྠ ཨཱུ་ན་ཏ་ར་ག་ཎ་ན་པ་ཙྩ་ཡ་ཝ་སེ་ན ཨ་ཝི་རུ་ཛ྄ཛྷ་མཱ་ན་ག་ཎ་ན་ཝ་སེ་ན ཙ ག་ཎ་ནཱ ཝེ་དི་ཏ་བྦཱ.

ཡེ་སུ ཙ པ་ཙྩ་ཡེ་སུ པ་ཙྩ་ནཱི་ཡ་ཏོ ཋི་ཏེ་སུ ཡེ ཨ་ནུ་ལོ་མ་ཏོ ན ཏི་ཊྛ་ནྟི, ཏེ་པི ཝེ་དི་ཏ་བྦཱ. སེ་ཡྻ་ཐི་དཾ – ཨ་ན་ནྟ་རེ པ་ཙྩ་ནཱི་ཡ་ཏོ ཋི་ཏེ ས་མ་ན་ནྟ་རཱ་སེ་ཝ་ན་ན་ཏྠི་ཝི་ག་ཏཱ ཨ་ནུ་ལོ་མ་ཏོ ན ཏི་ཊྛ་ནྟི, ས་ཧ་ཛཱ་ཏེ པ་ཙྩ་ནཱི་ཡ་ཏོ ཋི་ཏེ ཧེ་ཏུ་ཨ་ཉྙ་མ་ཉྙ་ཝི་པཱ་ཀ་ཛྷཱ་ན་མ་གྒ་ས་མྤ་ཡུ་ཏྟཱ ཨ་ནུ་ལོ་མ་ཏོ ན ཏི་ཊྛ་ནྟི, ནི་སྶ་ཡེ པ་ཙྩ་ནཱི་ཡ་ཏོ ཋི་ཏེ ཝ་ཏྠུ་པུ་རེ་ཛཱ་ཏོ ཨ་ནུ་ལོ་མ་ཏོ ན ཏི་ཊྛ་ཏི. ཨཱ་ཧཱ་རེ ཝཱ ཨི་ནྡྲི་ཡེ ཝཱ པ་ཙྩ་ནཱི་ཡ་ཏོ ཋི་ཏེ ཧེ་ཏུ་ཨ་ཉྙ་མ་ཉྙ་ཝི་པཱ་ཀ་ཛྷཱ་ན་མ་གྒ་ས་མྤ་ཡུ་ཏྟཱ ཨ་ནུ་ལོ་མ་ཏོ ན ཏི་ཊྛ་ནྟི. ཨཱ་ར་མྨ་ཎེ པ་ན པ་ཙྩ་ནཱི་ཡ་ཏོ ཋི་ཏེ ཨ་དྷི་པ་ཏི་ཨུ་པ་ནི་སྶ་ཡཱ ཨ་ནུ་ལོ་མ་ཏོ ན ཏི་ཊྛ་ནྟི, ཨཱ་ར་མྨ་ཎཱ་དྷི་པ་ཏི་ཨཱ་ར་མྨ་ཎཱུ་པ་ནི་སྶ་ཡཱ པ་ན ན ལ་བྦྷ་ནྟི. ཨི་མི་ནཱ ཨུ་པཱ་ཡེ་ན ས་བྦ་ཏྠ ཡཾ ལ་བྦྷ་ཏི, ཡ་ཉྩ ན ལ་བྦྷ་ཏི, ཏཾ ཛཱ་ནི་ཏྭཱ ལ་བྦྷ་མཱ་ན་ཝ་སེ་ན ཝཱ་རཱ ཨུ་དྡྷ་རི་ཏ་བྦཱ.

ཏ་ཏྠ ས་བྦེ་སུ་པི ཏི་མཱུ་ལ་ཀཱ་དཱི་སུ ཨ་ན་ནྟ་རེ ས་ཏྟཱཏི་ཨཱ་ད་ཡོ དུ་མཱུ་ལ་ཀེ ལ་དྡྷ་ཝཱ་རཱ་ཡེ་ཝ ས་ཏྟ་མཱུ་ལ་ཀཱ་དཱི་སུ པ་ན ན་ས་ཧ་ཛཱ་ཏ་པ་ཙྩ་ཡཱ ནི་སྶ་ཡེ ཏཱི་ཎཱིཏི པུ་རེ་ཛཱ་ཏ་ཝ་སེ་ན ཝ་ཏྠུ་ནི་སྶ་ཡེ ཏཱི་ཎི. ཀ་མྨེ དྭེ ནཱ་ནཱ་ཀྑ་ཎི་ཀ་ཝ་སེ་ནེ་ཝ. ཨཱ་ཧཱ་རེ ཨེ་ཀཾ ཀ་བ་ལཱི༹་ཀཱ་རཱ་ཧཱ་ར་ཝ་སེ་ན. ཨི་ནྡྲི་ཡེ ཨེ་ཀཾ རཱུ་པི་ནྡྲི་ཡ་ཝ་སེ་ན. ཀ་མེ་ན ག་ནྟྭཱ ཝི་པྤ་ཡུ་ཏྟེ ཏཱི་ཎཱིཏི ཀུ་ས་ལཱ་དཱི་ནཾ ཨ་བྱཱ་ཀ་ཏ་ནྟཱ་ནི པ་ཙྪཱ་ཛཱ་ཏ་ཝ་སེ་ན. ཨ་ཏྠི་ཨ་ཝི་ག་ཏེ་སུ པ་ཉྩཱཏི ཏཱ་ནི ཙེ་ཝ ཏཱི་ཎི, ཀུ་ས་ལཱ་བྱཱ་ཀ་ཏཱ ཨ་བྱཱ་ཀ་ཏ་སྶ, ཨ་ཀུ་ས་ལཱ་བྱཱ་ཀ་ཏཱ ཨ་བྱཱ་ཀ་ཏ་སྶཱ་ཏི ཨི་མཱ་ནི ཙ དྭེ པ་ཙྪཱ་ཛཱ་ཏཱ་ཧཱ་རི་ནྡྲི་ཡ་ཝ་སེ་ནཱ་ཏི. པ་ཙྪཱ་ཛཱ་ཏ་པ་ཙྩ་ཡ་སྶ པ་ཙྩ་ནཱི་ཀ་བྷཱ་ཝ་ཏོ པ་ཊྛཱ་ཡ པ་ན ཨ་ཏྠི་ཨ་ཝི་ག་ཏེ་སུ ཨེ་ཀནྟི ཨ་བྱཱ་ཀ་ཏོ ཨ་བྱཱ་ཀ་ཏ་སྶ ཨཱ་ཧཱ་རི་ནྡྲི་ཡ་ཝ་སེ་ན. ནཱ་ཧཱ་རེ ག་ཧི་ཏེ ན་ཨི་ནྡྲི་ཡ་པ་ཙྩ་ཡཱ་ཏི ན ག་ཧེ་ཏ་བྦཾ. ཏ་ཐཱ ན་ཨི་ནྡྲི་ཡེ ག་ཧི་ཏེ ནཱ་ཧཱ་ར་པ་ཙྩ་ཡཱ་ཏི. ཀ་སྨཱ? དྭཱི་སུ ཨེ་ཀ་ཏོ ག་ཧི་ཏེ་སུ ག་ཎེ་ཏ་བྦ་ཝཱ་ར་སྶ ཨ་བྷཱ་ཝ་ཏོ. ཛྷཱ་ན་མ་གྒཱ་དཱི་སུ་པི པ་ཙྩ་ནཱི་ཀ་ཏོ ཋི་ཏེ་སུ ཨཱ་ཧཱ་ར་ཏོ ཝཱ ཨི་ནྡྲི་ཡ་ཏོ ཝཱ ཨེ་ཀཾ ཨ་ནུ་ལོ་མཾ ཨ་ཀ་ཏྭཱ་ཝ ཨ་ཝ་སཱ་ནེ ཨི་ནྡྲི་ཡེ ཨེ་ཀཾ, ཨ་ཏྠི་ཡཱ ཨེ་ཀཾ, ཨ་ཝི་ག་ཏེ ཨེ་ཀཾ, ཨཱ་ཧཱ་རེ ཨེ་ཀཾ, ཨ་ཏྠི་ཡཱ ཨེ་ཀཾ, ཨ་ཝི་ག་ཏེ ཨེ་ཀནྟི ཝུ་ཏྟཾ. སེ་ས་མེ་ཏྠ ཨུ་ཏྟཱ་ན་ཏྠ་མེ་ཝཱ་ཏི.

ན་ཧེ་ཏུ་མཱུ་ལ་ཀཾ.

༦༣༦. ནཱ་ར་མྨ་ཎ་མཱུ་ལ་ཀཱ་དཱི་སུ ན་ཨ་ཉྙ་མ་ཉྙ་མཱུ་ལ་ཀེ ན་ཨ་ཉྙ་མ་ཉྙ་པ་ཙྩ་ཡཱ ཧེ་ཏུ་ཡཱ ཏཱི་ཎཱིཏི ཀུ་ས་ལཱ་དཱི་ནི ཙི་ཏྟ་ས་མུ་ཊྛཱ་ནཱ་ནཾ. ཨ་དྷི་པ་ཏི་ཡཱ ཨ་ཊྛཱཏི ཨ་དྷི་པ་ཏི་ཡཱ ཝུ་ཏྟེ་སུ ད་ས་སུ ‘‘ཀུ་ས་ལོ ཀུ་ས་ལཱ་བྱཱ་ཀ་ཏ་སྶ, ཨ་ཀུ་ས་ལོ ཨ་ཀུ་ས་ལཱ་བྱཱ་ཀ་ཏ་སྶཱ’’ཏི དྭེ ཨ་པ་ནེ་ཏྭཱ སེ་སཱ་ནི ཨ་ཊྛ. ས་ཧ་ཛཱ་ཏེ པ་ཉྩཱཏི ཧེ་ཏུ་ཡཱ ཝུ་ཏྟེ་ཧི ཏཱི་ཧི ས་དྡྷིཾ ‘‘ཀུ་ས་ལོ ཙ ཨ་བྱཱ་ཀ་ཏོ ཙ ཨ་བྱཱ་ཀ་ཏ་སྶ, ཨ་ཀུ་ས་ལོ ཙ ཨ་བྱཱ་ཀ་ཏོ ཙ ཨ་བྱཱ་ཀ་ཏ་སྶཱ’’ཏི ཨི་མེ དྭེ. ནི་སྶ་ཡེ ས་ཏྟཱཏི ཏེ་ཧི པ་ཉྩ་ཧི ས་དྡྷིཾ ‘‘ཨ་བྱཱ་ཀ་ཏོ ཀུ་ས་ལ་སྶ, ཨ་བྱཱ་ཀ་ཏོ ཨ་ཀུ་ས་ལ་སྶཱ’’ཏི ཨི་མེ དྭེ ཝ་ཏྠུ་ཝ་སེ་ན. ཀ་མྨེ ཏཱི་ཎཱིཏི ཧེ་ཏུ་ཡཱ ཝུ་ཏྟཱ་ནེ་ཝ. སེ་ས་ཏི་ཀེ་སུ་པི ཨེ་སེ་ཝ ན་ཡོ. ཨ་དྷི་པ་ཏི་ཡཱ ཏཱི་ཎཱིཏི ཧེ་ཊྛཱ ཝུ་ཏྟཱ་ནེ་ཝ.

༦༤༤. ནཱ་ཧཱ་ར་མཱུ་ལ་ཀེ ཨ་ཉྙ་མ་ཉྙེ ཏཱི་ཎཱིཏི ཋ་པེ་ཏྭཱ ཨཱ་ཧཱ་རེ སེ་ས་ཙེ་ཏ་སི་ཀ་ཝ་སེ་ན ཝེ་དི་ཏ་བྦཱ་ནི. ཡ་ཐཱ ཙ ཧེ་ཊྛཱ, ཏ་ཐཱ ཨི་དྷཱ་པི ནཱ་ཧཱ་ར་ན་ཨི་ནྡྲི་ཡེ་སུ ཨེ་ཀེ་ཀ་མེ་ཝ ག་ཧི་ཏཾ, ན དྭེ ཨེ་ཀ་ཏོ.

༦༤༨. ན་ས་མྤ་ཡུ་ཏྟ་པ་ཙྩ་ཡཱ ཧེ་ཏུ་ཡཱ ཏཱི་ཎཱིཏི ཧེ་ཊྛཱ ན་ཨ་ཉྙ་མ་ཉྙེ ཝུ་ཏྟཱ་ནེ་ཝ. ཨ་དྷི་པ་ཏི་ཡཱ ཨ་ཊྛཱཏི ཝུ་ཏྟཱ་ནེ་ཝ. ན་ཝི་པྤ་ཡུ་ཏྟ་མཱུ་ལ་ཀེ ཀ་མྨེ པ་ཉྩཱཏི ཀུ་ས་ལཱ་དི་ཙེ་ཏ་ནཱ ས་ཧ་ཛཱ་ཏ་ཀུ་ས་ལཱ་དཱི་ནཾ, ནཱ་ནཱ་ཀྑ་ཎི་ཀཱ ཀུ་ས་ལཱ་ཀུ་ས་ལ་ཙེ་ཏ་ནཱ ཀ་མྨ་ས་མུ་ཊྛཱ་ན་རཱུ་པ་སྶཱ་ཏི ཨེ་ཝཾ པ་ཉྩ. ཨཱ་ཧཱ་རི་ནྡྲི་ཡེ་སུ ཏཱི་ཎི ས་ཧ་ཛཱ་ཏ་ས་དི་སཱ་ནི. ཛྷཱ་ན་མ་གྒཱ་དཱི་སུ ཏཱི་ཎི ཧེ་ཏུ་ས་དི་སཱ་ནི.

༦༥༠. ནོ་ཨ་ཏྠི་མཱུ་ལ་ཀེ ཡ་སྨཱ ཧེ་ཏུ ནོ་ཨ་ཏྠི ནཱ་མ ན ཧོ་ཏི, ནི་ཡ་མ་ཏོ ཨ་ཏྠི་ཡེ་ཝ, ཏ་སྨཱ ཏཾ ཨ་གྒ་ཧེ་ཏྭཱ ནཱ་ར་མྨ་ཎེ ན་ཝཱཏི ཝུ་ཏྟཾ. ཡ་ཐཱ ཙ ཧེ་ཏུ, ཏ་ཐཱ ཨ་ཉྙེ་པི ཨ་ཏྠི་པ་ཙྩ་ཡ་ལ་ཀྑ་ཎ་ཡུ་ཏྟཱ ཨེ་ཏྠ ཨ་ནུ་ལོ་མ་ཏོ ན ཏི་ཊྛ་ནྟི. ཀ་མྨེ དྭེཏི ཨི་དཾ པ་ན ནཱ་ནཱ་ཀྑ་ཎི་ཀ་ཀ་མྨ་ཝ་སེ་ན ཝུ་ཏྟཾ. པ་ཙྩ་ནཱི་ཡ་ཏོ ས་བྦེ ལ་བྦྷ་ནྟི. ཡཾ པ་ན ཨ་ནུ་ལོ་མ་ཏོ ལ་བྦྷ་མཱ་ན་མྤི ཨ་གྒ་ཧེ་ཏྭཱ ཏ་ཏོ པུ་རེ་ཏ་རཱ པ་ཙྩ་ཡཱ པ་ཙྩ་ནཱི་ཡ་ཏོ ག་ཡ྄ཧ་ནྟི, སོ པ་ཙྪཱ ཡོ་ཛ་ནཾ ལ་བྷ་ཏི. ཏེ་ནེ་ཝེ་ཏྠ ‘‘ནོ་ཨ་ཏྠི་པ་ཙྩ་ཡཱ ན་ཧེ་ཏུ་པ་ཙྩ་ཡཱ…པེ… ནོ་ཨ་ཝི་ག་ཏ་པ་ཙྩ་ཡཱ ཀ་མྨེ དྭེ’’ཏི ཝུ་ཏྟཾ. ཀ་སྨཱ པ་ནེ་ས ས་ཀ་ཊྛཱ་ནེ་ཡེ་ཝ ན ག་ཧི་ཏོ་ཏི? ཡ་སྨཱ ཨ་ཝ་སེ་སེ་སུ་པི པ་ཙྩ་ནཱི་ཡ་ཏོ ཋི་ཏེ་སུ ཨེ་ཀོ་ཝ ཨ་ནུ་ལོ་མ་ཏོ ལ་བྦྷ་ཏི. ཨི་ད་ཉྷི ཨི་མ་སྨིཾ པ་ཙྩ་ཡཱ་ནུ་ལོ་མེ ལ་ཀྑ་ཎཾ – ཡོ ས་བྦེ་སུ པ་ཙྩ་ནཱི་ཡ་ཏོ ཋི་ཏེ་སུ ཨེ་ཀོ་ཝ ཨ་ནུ་ལོ་མ་ཏོ ལ་བྦྷ་ཏི, སོ པ་ཙྪཱ ཝུ་ཙྩ་ཏཱི་ཏི. ནོ་ཨ་ཏྠི་པ་ཙྩ་ཡཱ ནོ་ཧེ་ཏུ་པ་ཙྩ་ཡཱ…པེ… ནོ་ཨ་ཝི་ག་ཏ་པ་ཙྩ་ཡཱ ཨུ་པ་ནི་སྶ་ཡེ ན་ཝཱཏི ཨེ་ཏྠཱ་པི ཨེ་སེ་ཝ ན་ཡོ. ཨི་དཾ པ་ན པ་ཀ་ཏཱུ་པ་ནི་སྶ་ཡ་ཝ་སེ་ན ཝུ་ཏྟཾ. ཨི་མི་ནཱ ཨུ་པཱ་ཡེ་ན ས་བྦ་ཏྠ ལ་བྦྷ་མཱ་ནཾ ཨ་ལ་བྦྷ་མཱ་ནཾ པུ་རེ་ཝུ་ཏྟཾ པ་ཙྪཱ་ཝུ་ཏྟ་ཉྩ ཝེ་དི་ཏ་བྦ་ནྟི.

པ་ཉྷཱ་ཝཱ་ར་སྶ པ་ཙྩ་ནཱི་ཡཱ་ནུ་ལོ་མ་ཝ་ཎྞ་ནཱ.

ནི་ཊྛི་ཏཱ ཙ ཀུ་ས་ལ་ཏྟི་ཀ་པ་ཊྛཱ་ན་སྶ ཝ་ཎྞ་ནཱ་ཏི.