༢. ཝེ་ད་ནཱ་ཏྟི་ཀ་ཝ་ཎྞ་ནཱ
༡. ཝེ་ད་ནཱ་ཏྟི་ཀེ ཏི་སྶོ ཝེ་ད་ནཱ རཱུ་པཾ ནི་བྦཱ་ན་ནྟི ཨི་མེ དྷ་མྨཱ ན ལ་བྦྷ་ནྟི, ཏ་སྨཱ ཨེ་ཀཾ ཁ་ནྡྷཾ པ་ཊི་ཙྩ དྭེ ཁ་ནྡྷཱཏི་ཨཱ་དི ཝུ་ཏྟཾ. པ་ཊི་ས་ནྡྷི་ཀྑ་ཎེ སུ་ཁཱ་ཡ ཝེ་ད་ནཱ་ཡཱཏི ས་ཧེ་ཏུ་ཀ་པ་ཊི་ས་ནྡྷི་ཝ་སེ་ན ཝུ་ཏྟཾ. དུ་ཀྑ་ཝེ་ད་ནཱ པ་ཊི་ས་ནྡྷི་ཡཾ ན ལ་བྦྷ་ཏཱི་ཏི དུ་ཏི་ཡ་ཝཱ་རེ པ་ཊི་ས་ནྡྷི་གྒ་ཧ་ཎཾ ན ཀ་ཏཾ. ཏ་ཏི་ཡ་ཝཱ་རེ པ་ཊི་ས་ནྡྷི་ཀྑ་ཎེཏི ས་ཧེ་ཏུ་ཀ་པ་ཊི་ས་ནྡྷི་ཝ་སེ་ན ཝུ་ཏྟཾ. སེ་ས་མེ་ཏྠ ཨི་ཏོ པ་རེ་སུ ཙ པ་ཙྩ་ཡེ་སུ ཡ་ཐཱ་པཱ་ལི༹་མེ་ཝ ནི་ཡྻཱ་ཏི. ས་བྦ་ཏྠ ཏ་ཡོ ཏ་ཡོ ཝཱ་རཱ ཝུ་ཏྟཱ. ཏེ་ན ཝུ་ཏྟཾ ཧེ་ཏུ་ཡཱ ཏཱི་ཎི…པེ… ཨ་ཝི་ག་ཏེ ཏཱི་ཎཱིཏི.
༦. པ་ཙྩ་ཡ་སཾ་ས་ནྡ་ནེ པ་ན ས་ཧེ་ཏུ་ཀཱ་ཡ ཝི་པཱ་ཀ་དུ་ཀྑ་ཝེ་ད་ནཱ་ཡ ཨ་བྷཱ་ཝ་ཏོ ཧེ་ཏུ་མཱུ་ལ་ཀ་ན་ཡེ ཝི་པཱ་ཀེ དྭེཏི ཝུ་ཏྟཾ. ཨ་དྷི་པ་ཏི་ཨཱ་དཱི་ཧི ས་དྡྷིཾ སཾ་ས་ནྡ་ནེ་སུ་པི ཝི་པཱ་ཀེ དྭེ་ཡེ་ཝ. ཀ་སྨཱ? ཝི་པཱ་ཀེ དུ་ཀྑ་ཝེ་ད་ནཱ་ཡ ཨ་དྷི་པ་ཏི་ཛྷཱ་ན་མ་གྒཱ་ནཾ ཨ་བྷཱ་ཝ་ཏོ. ཡེ་ཧི ཙ ས་དྡྷིཾ སཾ་ས་ནྡ་ནེ ཝི་པཱ་ཀེ དྭེ ཝཱ་རཱ ལ་བྦྷ་ནྟི, ཝི་པཱ་ཀེ་ན ས་དྡྷིཾ སཾ་ས་ནྡ་ནེ ཏེ་སུ་པི དྭེ་ཡེ་ཝ.
༡༠. པ་ཙྩ་ནཱི་ཡེ ན་པུ་རེ་ཛཱ་ཏེ ཨཱ་རུ་པྤེ ཙ པ་ཊི་ས་ནྡྷི་ཡ་ཉྩ དུ་ཀྑ་ཝེ་ད་ནཱ་ཡ ཨ་བྷཱ་ཝ་ཏོ དྭེ ཝཱ་རཱ ཨཱ་ག་ཏཱ. ན་ཝི་པྤ་ཡུ་ཏྟེ་པི ཨཱ་རུ་པྤེ དུ་ཀྑཱ་བྷཱ་ཝ་ཏོ དྭེ་ཡེ་ཝ. ས་བྦ་ཨ་རཱུ་པ་དྷ་མྨ་པ་རི་གྒཱ་ཧ་ཀཱ པ་ན ས་ཧ་ཛཱ་ཏཱ་ད་ཡོ པ་ཙྩ་ཡཱ ཨི་མ་སྨིཾ པ་ཙྩ་ནཱི་ཡ་ཝཱ་རེ པ་རི་ཧཱ་ཡ་ནྟི. ཀ་སྨཱ? ཝེ་ད་ནཱ་ས་མྤ་ཡུ་ཏྟ་སྶ དྷ་མྨ་སྶ ཝེ་ད་ནཱ་ས་མྤ་ཡུ་ཏྟཾ པ་ཊི་ཙྩ ས་ཧ་ཛཱ་ཏཱ་དཱི་ཧི ཝི་ནཱ ཨ་ནུ་པྤ་ཏྟི་ཏོ པ་ཙྪཱ་ཛཱ་ཏ་པ་ཙྩ་ཡ་ཉྩ ཝི་ནཱ་ཝ ཨུ་པྤ་ཏྟི་ཏོ.
༡༧. པ་ཙྩ་ཡ་སཾ་ས་ནྡ་ནེ པ་ན ན་པུ་རེ་ཛཱ་ཏེ ཨེ་ཀནྟི ཨཱ་རུ་པྤེ པ་ཊི་ས་ནྡྷི་ཡ་ཉྩ ཨ་ཧེ་ཏུ་ཀཱ་དུ་ཀྑ་མ་སུ་ཁ་ཝེ་ད་ནཱ་ས་མྤ་ཡུ་ཏྟཾ ས་ནྡྷཱ་ཡ ཝུ་ཏྟཾ. ན་ཀ་མྨེ དྭེཏི ཨ་ཧེ་ཏུ་ཀ་ཀི་རི་ཡ་ས་མྤ་ཡུ་ཏྟ་ཙེ་ཏ་ནཱ་ཝ་སེ་ན ཝུ་ཏྟཾ. སུ་ཁཱ་ཡ ཧི ཨ་དུ་ཀྑ་མ་སུ་ཁཱ་ཡ ཙ ཝེ་ད་ནཱ་ཡ ས་མྤ་ཡུ་ཏྟེ དྷ་མྨེ པ་ཊི་ཙྩ ཏཱ་ཧི ཝེ་ད་ནཱ་ཧི ས་མྤ་ཡུ་ཏྟཱ ཨ་ཧེ་ཏུ་ཀ་ཀི་རི་ཡ་ཙེ་ཏ་ནཱ ཨུ་པྤ་ཛྫ་ནྟི. ན་ཧེ་ཏུ་པ་ཙྩ་ཡཱ ན་ཝི་པཱ་ཀེ་པི ཨེ་སེ་ཝ ན་ཡོ. ན་ཝི་པྤ་ཡུ་ཏྟེ ཨེ་ཀནྟི ཨཱ་རུ་པྤེ ཨཱ་ཝ་ཛྫ་ན་ཝ་སེ་ན ཝུ་ཏྟཾ. ཨི་མི་ནཱ ཨུ་པཱ་ཡེ་ན ས་བྦ་སཾ་ས་ནྡ་ནེ་སུ ག་ཎ་ནཱ ཝེ་དི་ཏ་བྦཱ.
༢༥-༣༧. ཨ་ནུ་ལོ་མ་པ་ཙྩ་ནཱི་ཡེ པ་ཙྩ་ནཱི་ཡེ ལ་དྡྷ་པ་ཙྩ་ཡཱ ཨེ་ཝ པ་ཙྩ་ནཱི་ཡ་ཏོ ཏི་ཊྛ་ནྟི. པ་ཙྩ་ནཱི་ཡཱ་ནུ་ལོ་མེ ས་བྦཱ རཱུ་པ་དྷ་མྨ་པ་རི་གྒཱ་ཧ་ཀཱ ས་ཧ་ཛཱ་ཏཱ་ད་ཡོ ཨ་ནུ་ལོ་མ་ཏོ་ཝ ཏི་ཊྛ་ནྟི, ན པ་ཙྩ་ནཱི་ཡ་ཏོ. ཨ་ཧེ་ཏུ་ཀ་སྶ པ་ན ཙི་ཏྟུ་པྤཱ་ད་སྶ ཨ་དྷི་པ་ཏི ན་ཏྠཱི་ཏི ཨ་དྷི་པ་ཏི་པ་ཙྩ་ཡོ ཨ་ནུ་ལོ་མ་ཏོ ན ཏི་ཊྛ་ཏི. པ་ཊི་ཙྩ་ཝཱ་རཱ་དཱི་སུ པ་ན པ་ཙྪཱ་ཛཱ་ཏོ ཨ་ནུ་ལོ་མ་ཏོ ན ལ་བྦྷ་ཏི་ཡེ་ཝཱ་ཏི པ་རི་ཧཱི་ནོ. ཡེ ཙེ་ཏྠ ཨ་ནུ་ལོ་མ་ཏོ ལ་བྦྷ་ནྟི, ཏེ པ་ཙྩ་ནཱི་ཡ་ཏོ ལ་བྦྷ་མཱ་ནེ་ཧི ས་དྡྷིཾ པ་རི་ཝ་ཏྟེ་ཏྭཱ་པི ཡོ་ཛི་ཏཱ་ཡེ་ཝ. ཏེ་སུ ཏཱི་ཎི དྭེ ཨེ་ཀ་ནྟི ཏ་ཡོ་ཝ ཝཱ་ར་པ་རི་ཙྪེ་དཱ, ཏེ ས་བྦ་ཏྠ ཡ་ཐཱ་ནུ་རཱུ་པཾ ས་ལླ་ཀྑེ་ཏ་བྦཱ. ཡོ ཙཱ་ཡཾ པ་ཊི་ཙྩ་ཝཱ་རེ ཝུ་ཏྟོ, ས་ཧ་ཛཱ་ཏ་ཝཱ་རཱ་དཱི་སུ་པི ཨ་ཡ་མེ་ཝ ཝ་ཎྞ་ནཱ་ན་ཡོ.
༣༨. པ་ཉྷཱ་ཝཱ་རེ པ་ན ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནནྟི ཏེ་ན ས་དྡྷིཾ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ནཾ ཏེ་ཧི་ཡེ་ཝ ཝཱ ཧེ་ཏཱུ་ཧི སུ་ཁ་ཝེ་ད་ནཱ་དཱི་ཧི ཝཱ.
༣༩. ཝི་པྤ་ཊི་སཱ་རི་སྶཱཏི དཱ་ནཱ་དཱི་སུ ཏཱ་ཝ ‘‘ཀ་སྨཱ མ་ཡཱ ཨི་དཾ ཀ་ཏཾ, དུ་ཊྛུ མེ ཀ་ཏཾ, ཨ་ཀ་ཏཾ སེ་ཡྻོ སི་ཡཱ’’ཏི ཨེ་ཝཾ ཝི་པྤ་ཊི་སཱ་རི་སྶ. ཛྷཱ་ན་པ་རི་ཧཱ་ནི་ཡཾ པ་ན ‘‘པ་རི་ཧཱི་ནཾ མེ ཛྷཱ་ནཾ, མ་ཧཱ་ཛཱ་ནི་ཡོ ཝ་ཏ་མྷཱི’’ཏི ཨེ་ཝཾ ཝི་པྤ་ཊི་སཱ་རི་སྶ. མོ་ཧོ ཨུ་པྤ་ཛྫ་ཏཱིཏི དོ་ས་ས་མྤ་ཡུ་ཏྟ་མོ་ཧོ. ཏ་ཐཱ མོ་ཧཾ ཨ་ར་བྦྷཱཏི དོ་ས་ས་མྤ་ཡུ་ཏྟ་མོ་ཧ་མེ་ཝ.
༤༥. སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ བྷ་ཝ་ངྒཾ ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟ་སྶ བྷ་ཝ་ངྒ་སྶཱཏི ཏ་དཱ་ར་མྨ་ཎ་ས་ངྑཱ་ཏཾ པི་ཊྛི་བྷ་ཝ་ངྒཾ མཱུ་ལ་བྷ་ཝ་ངྒ་སྶ. ཝུ་ཊྛཱ་ན་སྶཱཏི ཏ་དཱ་ར་མྨ་ཎ་སྶ བྷ་ཝ་ངྒ་སྶ ཝཱ. ཨུ་བྷ་ཡ་མྤི ཧེ་ཏཾ ཀུ་ས་ལཱ་ཀུ་ས་ལ་ཛ་ཝ་ན་ཏོ ཝུ་ཊྛི་ཏ་ཏྟཱ ཝུ་ཊྛཱ་ན་ནྟི ཝུ་ཙྩ་ཏི. ཀི་རི་ཡཾ ཝུ་ཊྛཱ་ན་སྶཱཏི ཨེ་ཏྠཱ་པི ཨེ་སེ་ཝ ན་ཡོ. ཕ་ལཾ ཝུ་ཊྛཱ་ན་སྶཱཏི ཕ་ལ་ཙི་ཏྟཾ བྷ་ཝ་ངྒ་སྶ. བྷ་ཝ་ངྒེ་ན ཧི ཕ་ལ་ཏོ ཝུ་ཊྛི་ཏོ ནཱ་མ ཧོ་ཏི. པ་ར་ཏོ ‘‘ཝུ་ཊྛཱ་ན’’ནྟི ཨཱ་ག་ཏ་ཊྛཱ་ནེ་སུ་པི ཨེ་སེ་ཝ ན་ཡོ.
༤༦. དུ་ཀྑཱ་ཡ ཝེ་ད་ནཱ་ཡ ས་མྤ་ཡུ་ཏྟཱ ཁ་ནྡྷཱཏི དོ་མ་ན་སྶ་ས་མྤ་ཡུ་ཏྟཱ ཨ་ཀུ་ས་ལཱ ཁ་ནྡྷཱ. ཨ་དུ་ཀྑ་མ་སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟ་སྶ ཝུ་ཊྛཱ་ན་སྶཱཏི ཏ་དཱ་ར་མྨ་ཎ་ས་ངྑཱ་ཏ་སྶ ཨཱ་ག་ནྟུ་ཀ་བྷ་ཝ་ངྒ་སྶ ཝཱ ཨུ་པེ་ཀྑཱ་ས་མྤ་ཡུ་ཏྟ་མཱུ་ལ་བྷ་ཝ་ངྒ་སྶ ཝཱ. ས་ཙེ པ་ན སོ་མ་ན་སྶ་ས་ཧ་ག་ཏཾ མཱུ་ལ་བྷ་ཝ་ངྒཾ ཧོ་ཏི, ཏ་དཱ་ར་མྨ་ཎ་སྶ ཙ ཨུ་པྤ་ཏྟི་ཀཱ་ར་ཎཾ ན ཧོ་ཏི, ཛ་ཝ་ན་སྶ ཨཱ་ར་མྨ་ཎ་ཏོ ཨ་ཉྙ་སྨི་མྤི ཨཱ་ར་མྨ་ཎེ ཨ་དུ་ཀྑ་མ་སུ་ཁ་ཝེ་ད་ནཾ ཨ་ཀུ་ས་ལ་ཝི་པཱ་ཀཾ ཨུ་པྤ་ཛྫ་ཏེ་ཝ. ཏ་མྤི ཧི ཛ་ཝ་ན་ཏོ ཝུ་ཊྛི་ཏ་ཏྟཱ ཝུ་ཊྛཱ་ན་ནྟི ཝུ་ཙྩ་ཏི. ས་ཧ་ཛཱ་ཏ་པ་ཙྩ་ཡཱ་དི་ནི་དྡེ་སཱ ཨུ་ཏྟཱ་ན་ཏྠཱ་ཡེ་ཝ. ན་ཧེ་ཏྠ ཀི་ཉྩི ཨ་ཏྠི, ཡཾ ན ས་ཀྐཱ སི་ཡཱ ཧེ་ཊྛཱ ཝུ་ཏྟ་ན་ཡེ་ན ཝེ་དེ་ཏུཾ, ཏ་སྨཱ སཱ་དྷུ་ཀཾ ཨུ་པ་ལ་ཀྑེ་ཏ་བྦཾ.
༦༢. ཨི་དཱ་ནི ཡ་སྨིཾ ཡ་སྨིཾ པ་ཙྩ་ཡེ ཡེ ཡེ ཝཱ་རཱ ལ་དྡྷཱ, ས་བྦེ ཏེ ས་ངྑི་པི་ཏྭཱ ག་ཎ་ནཱ་ཡ ད་སྶེ་ཏུཾ ཧེ་ཏུ་ཡཱ ཏཱི་ཎཱིཏི་ཨཱ་དི ཝུ་ཏྟཾ. ཏ་ཏྠ ས་བྦཱ་ནི ཏཱི་ཎི སུ་དྡྷཱ་ནཾ ཏི་ཎྞཾ པ་དཱ་ནཾ ཝ་སེ་ན ཝེ་དི་ཏ་བྦཱ་ནི. ཨཱ་ར་མྨ་ཎེ ན་ཝ ཨེ་ཀ་མཱུ་ལ་ཀེ་ཀཱ་ཝ་སཱ་ནཱ་ནི. ཨ་དྷི་པ་ཏི་ཡཱ པ་ཉྩ ས་ཧ་ཛཱ་ཏཱ་དྷི་པ་ཏི་ཝ་སེ་ན ཨ་མི་སྶཱ་ནི ཏཱི་ཎི, ཨཱ་ར་མྨ་ཎཱ་དྷི་པ་ཏི་ཝ་སེ་ན ཙ ‘‘སུ་ཁཱ་ཡ ས་མྤ་ཡུ་ཏྟོ སུ་ཁཱ་ཡ ས་མྤ་ཡུ་ཏྟ་སྶ, ཨ་དུ་ཀྑ་མ་སུ་ཁཱ་ཡ ས་མྤ་ཡུ་ཏྟོ ཨ་དུ་ཀྑ་མ་སུ་ཁཱ་ཡ ས་མྤ་ཡུ་ཏྟ་སྶཱ’’ཏི དྭེ, ཏཱ་ནི ན ག་ཎེ་ཏ་བྦཱ་ནི. སུ་ཁཱ་ཡ པ་ན ས་མྤ་ཡུ་ཏྟོ ཨ་དུ་ཀྑ་མ་སུ་ཁཱ་ཡ, ཨ་དུ་ཀྑ་མ་སུ་ཁཱ་ཡ ས་མྤ་ཡུ་ཏྟོ སུ་ཁཱ་ཡཱ་ཏི ཨི་མཱ་ནི དྭེ ག་ཎེ་ཏ་བྦཱ་ནཱི་ཏི ཨེ་ཝཾ པ་ཉྩ. ཨ་ན་ནྟ་ར་ས་མ་ན་ནྟ་རེ་སུ ས་ཏྟཱཏི སུ་ཁཱ དྭི་ནྣཾ, ཏ་ཐཱ དུ་ཀྑཱ, ཨ་དུ་ཀྑ་མ་སུ་ཁཱ ཏི་ཎྞ་མྤཱི་ཏི ཨེ་ཝཾ ས་ཏྟ. ཨུ་པ་ནི་སྶ་ཡེ ན་ཝཱཏི སུ་ཁ་ས་མྤ་ཡུ་ཏྟོ སུ་ཁ་ས་མྤ་ཡུ་ཏྟ་སྶ ཏཱི་ཧི་པི ཨུ་པ་ནི་སྶ་ཡེ་ཧི, དུ་ཀྑ་ས་མྤ་ཡུ་ཏྟ་སྶ པ་ཀ་ཏཱུ་པ་ནི་སྶ་ཡེ་ནེ་ཝ, ཨུ་པེ་ཀྑཱ་ས་མྤ་ཡུ་ཏྟ་སྶ ཏཱི་ཧི་པི, དུ་ཀྑ་ས་མྤ་ཡུ་ཏྟོ དུ་ཀྑ་ས་མྤ་ཡུ་ཏྟ་སྶ ཨ་ན་ནྟ་ར་པ་ཀ་ཏཱུ་པ་ནི་སྶ་ཡེ་ཧི, སུ་ཁ་ས་མྤ་ཡུ་ཏྟ་སྶ པ་ཀ་ཏཱུ་པ་ནི་སྶ་ཡེ་ན, ཨ་དུ་ཀྑ་མ་སུ་ཁ་ས་མྤ་ཡུ་ཏྟ་སྶ དྭི་དྷཱ, ཨ་དུ་ཀྑ་མ་སུ་ཁ་ས་མྤ་ཡུ་ཏྟོ ཨ་དུ་ཀྑ་མ་སུ་ཁ་ས་མྤ་ཡུ་ཏྟ་སྶ ཏི་དྷཱ་པི, ཏ་ཐཱ སུ་ཁ་ས་མྤ་ཡུ་ཏྟ་སྶ, དུ་ཀྑ་ས་མྤ་ཡུ་ཏྟ་སྶ ཨ་ན་ནྟ་ར་པ་ཀ་ཏཱུ་པ་ནི་སྶ་ཡེ་ཧཱི་ཏི ཨེ་ཝཾ ན་ཝ. པ་ཙྩ་ཡ་བྷེ་ད་ཏོ པ་ནེ་ཏྠ པ་ཀ་ཏཱུ་པ་ནི་སྶ་ཡཱ ན་ཝ, ཨ་ན་ནྟ་རཱུ་པ་ནི་སྶ་ཡཱ ས་ཏྟ, ཨཱ་ར་མྨ་ཎཱུ་པ་ནི་སྶ་ཡཱ ཙ་ཏྟཱ་རོ་ཏི ཝཱི་ས་ཏི ཨུ་པ་ནི་སྶ་ཡཱ. པུ་རེ་ཛཱ་ཏ་པ་ཙྪཱ་ཛཱ་ཏཱ པ་ནེ་ཏྠ ཚི་ཛྫ་ནྟི. ན ཧི པུ་རེ་ཛཱ་ཏཱ པ་ཙྪཱ་ཛཱ་ཏཱ ཝཱ ཨ་རཱུ་པ་དྷ་མྨཱ ཨ་རཱུ་པ་དྷ་མྨཱ་ནཾ པ་ཙྩ་ཡཱ ཧོ་ནྟི.
ཀ་མྨེ ཨ་ཊྛཱཏི སུ་ཁ་ས་མྤ་ཡུ་ཏྟོ སུ་ཁ་ས་མྤ་ཡུ་ཏྟ་སྶ དྭི་དྷཱ་པི, དུ་ཀྑ་ས་མྤ་ཡུ་ཏྟ་སྶ ནཱ་ནཱ་ཀྑ་ཎི་ཀ་ཏོ་ཝ ཏ་ཐཱ ཨི་ཏ་ར་སྶ. དུ་ཀྑ་ས་མྤ་ཡུ་ཏྟོ དུ་ཀྑ་ས་མྤ་ཡུ་ཏྟ་སྶ དྭི་དྷཱ་པི, སུ་ཁ་ས་མྤ་ཡུ་ཏྟ་སྶ ན་ཏྠི, ཨི་ཏ་ར་སྶ ནཱ་ནཱ་ཀྑ་ཎི་ཀ་ཏོ་ཝ ཨ་དུ་ཀྑ་མ་སུ་ཁ་ས་མྤ་ཡུ་ཏྟོ ཨ་དུ་ཀྑ་མ་སུ་ཁ་ས་མྤ་ཡུ་ཏྟ་སྶ དྭི་དྷཱ་པི, ཨི་ཏ་རེ་སཾ ནཱ་ནཱ་ཀྑ་ཎི་ཀ་ཏོ་ཏི ཨེ་ཝཾ ཨ་ཊྛ. པ་ཙྩ་ཡ་བྷེ་ད་ཏོ པ་ནེ་ཏྠ ནཱ་ནཱ་ཀྑ་ཎི་ཀཱ ཨ་ཊྛ, ས་ཧ་ཛཱ་ཏཱ ཏཱི་ཎཱི་ཏི ཨེ་ཀཱ་ད་ས ཀ་མྨ་པ་ཙྩ་ཡཱ. ཡ་ཐཱ ཙ པུ་རེ་ཛཱ་ཏ་པ་ཙྪཱ་ཛཱ་ཏཱ, ཨེ་ཝཾ ཝི་པྤ་ཡུ་ཏྟ་པ་ཙྩ་ཡོ་པེ་ཏྠ ཚི་ཛྫ་ཏི. ཨ་རཱུ་པ་དྷ་མྨཱ ཧི ཨ་རཱུ་པ་དྷ་མྨཱ་ནཾ ཝི་པྤ་ཡུ་ཏྟ་པ་ཙྩ་ཡོ ན ཧོ་ནྟི. ན་ཏྠི་ཝི་ག་ཏེ་སུ ས་ཏྟ ཨ་ན་ནྟ་ར་ས་དི་སཱ་ཝ. ཨེ་ཝ་མེ་ཏྠ ཏཱི་ཎི པ་ཉྩ ས་ཏྟ ཨ་ཊྛ ན་ཝཱ་ཏི པ་ཉྩ ག་ཎ་ན་པ་རི་ཙྪེ་དཱ. ཏེ་སཾ ཝ་སེ་ན པ་ཙྩ་ཡ་སཾ་ས་ནྡ་ནེ ཨཱུ་ན་ཏ་ར་ག་ཎ་ནེ་ན ས་དྡྷིཾ སཾ་ས་ནྡ་ནེ་སུ ཨ་ཏི་རེ་ཀ་ཉྩ ཨ་ལ་བྦྷ་མཱ་ན་ཉྩ ཨ་པ་ནེ་ཏྭཱ ག་ཎ་ནཱ ཝེ་དི་ཏ་བྦཱ.
༦༣-༦༤. ཧེ་ཏུ་ཡཱ ས་དྡྷིཾ ཨཱ་ར་མྨ་ཎཾ ན ལ་བྦྷ་ཏི, ཏ་ཐཱ ཨ་ན་ནྟ་རཱ་ད་ཡོ. ཨ་དྷི་པ་ཏི་ཡཱ དྭེཏི དུ་ཀྑ་པ་དཾ ཋ་པེ་ཏྭཱ སེ་སཱ་ནི དྭེ. དུ་ཀྑ་ས་མྤ་ཡུ་ཏྟོ ཧི ཧེ་ཏུ ཨ་དྷི་པ་ཏི ནཱ་མ ན་ཏྠི, ཏ་སྨཱ སོ ན ལ་བྦྷ་ཏཱི་ཏི ཨ་པ་ནཱི་ཏོ. སེ་ས་དྭ་ཡེ་སུ་པི ཨེ་སེ་ཝ ན་ཡོ. ཨི་ཏི ཧེ་ཏུ་མཱུ་ལ་ཀེ དྭེ་ཡེ་ཝ ག་ཎ་ན་པ་རི་ཙྪེ་དཱ, ཏེ་སཾ ཝ་སེ་ན ཚ གྷ་ཊ་ནཱ་ནི ཝུ་ཏྟཱ་ནི. ཏེ་སུ པ་ཋ་མཾ ཨ་ཝི་པཱ་ཀ་བྷཱུ་ཏཱ་ནཾ ཉཱ་ཎ་ཝི་པྤ་ཡུ་ཏྟ་ནི་རཱ་དྷི་པ་ཏི་དྷ་མྨཱ་ནཾ ཝ་སེ་ན ཝུ་ཏྟཾ, དུ་ཏི་ཡཾ ཏེ་ས་ཉྙེ་ཝ ཝི་པཱ་ཀ་བྷཱུ་ཏཱ་ནཾ, ཏ་ཏི་ཡ་ཙ་ཏུ་ཏྠཱ་ནི ཏེ་ས་ཉྙེ་ཝ ཉཱ་ཎ་ས་མྤ་ཡུ་ཏྟཱ་ནཾ, པ་ཉྩ་མཾ ཨ་ཝི་པཱ་ཀ་བྷཱུ་ཏ་སཱ་དྷི་པ་ཏི་ཨ་མོ་ཧ་ཝ་སེ་ན, ཚ་ཊྛཾ ཝི་པཱ་ཀ་བྷཱུ་ཏ་སཱ་དྷི་པ་ཏི་ཨ་མོ་ཧ་ཝ་སེ་ན. པ་ཋ་མཾ ཝཱ ས་བྦ་ཧེ་ཏུ་ཝ་སེ་ན, དུ་ཏི་ཡཾ ས་བྦ་ཝི་པཱ་ཀ་ཧེ་ཏུ་ཝ་སེ་ན, ཏ་ཏི་ཡཾ ས་བྦཱ་མོ་ཧ་ཧེ་ཏུ་ཝ་སེ་ན, ཙ་ཏུ་ཏྠཾ ས་བྦ་ཝི་པཱ་ཀཱ་མོ་ཧ་ཧེ་ཏུ་ཝ་སེ་ན. པ་ཉྩ་མཾ ས་བྦ་སཱ་དྷི་པ་ཏི་ཨ་མོ་ཧ་ཝ་སེ་ན, ཚ་ཊྛཾ ས་བྦ་སཱ་དྷི་པ་ཏི་ཝི་པཱ་ཀཱ་མོ་ཧ་ཝ་སེ་ན.
༦༦. ཨཱ་ར་མྨ་ཎ་མཱུ་ལ་ཀེ ཨ་དྷི་པ་ཏི་ཡཱ ཙ་ཏྟཱ་རཱིཏི ཨཱ་ར་མྨ་ཎཱ་དྷི་པ་ཏི་ཝ་སེ་ན སུ་ཁཾ སུ་ཁ་སྶ, ཨ་དུ་ཀྑ་མ་སུ་ཁ་སྶ, ཨ་དུ་ཀྑ་མ་སུ་ཁཾ ཨ་དུ་ཀྑ་མ་སུ་ཁ་སྶ, སུ་ཁ་སྶཱ་ཏི ཨེ་ཝཾ ཙ་ཏྟཱ་རི. ཨུ་པ་ནི་སྶ་ཡེ་པི ཨཱ་ར་མྨ་ཎཱུ་པ་ནི་སྶ་ཡ་ཝ་སེ་ན ཙ་ཏྟཱ་རོ ཝུ་ཏྟཱ. གྷ་ཊ་ནཱ་ནི པ་ནེ་ཏྠ ཨེ་ཀ་མེ་ཝ. ཨ་དྷི་པ་ཏི་མཱུ་ལ་ཀཱ་དཱི་སུ་པི ཧེ་ཊྛཱ ཝུ་ཏྟ་ན་ཡེ་ནེ་ཝ ཡཾ ལ་བྦྷ་ཏི ཡ་ཉྩ ན ལ་བྦྷ་ཏི, ཏཾ ས་བྦཾ སཱ་དྷུ་ཀཾ ས་ལླ་ཀྑེ་ཏྭཱ སཾ་ས་ནྡ་ན་གྷ་ཊ་ན་ག་ཎ་ནཱ ཝེ་དི་ཏ་བྦཱ.
༨༣-༨༧. པ་ཙྩ་ནཱི་ཡ་མྷི ཀུ་ས་ལ་ཏྟི་ཀེ ཝུ་ཏྟ་ན་ཡེ་ནེ་ཝ ཨ་ནུ་ལོ་མ་ཏོ པ་ཙྩ་ཡེ ཨུ་དྡྷ་རི་ཏྭཱ ཏ་ཏྠ ལ་དྡྷཱ་ནཾ ཝཱ་རཱ་ནཾ ཝ་སེ་ན པ་ཙྩ་ནཱི་ཡ་ཏོ ག་ཎ་ན་ཝ་སེ་ན ན་ཧེ་ཏུ་ཡཱ ན་ཝཱཏི ས་བྦ་པ་ཙྩ་ཡེ་སུ ན་ཝ ཝཱ་རཱ ད་སྶི་ཏཱ. ཏེ ཨེ་ཀ་མཱུ་ལ་ཀེ་ཀཱ་ཝ་སཱ་ནཱ་ནཾ ན་ཝ་ནྣཾ ཝི་སྶ་ཛྫ་ནཱ་ནཾ ཝ་སེ་ན ‘‘སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟོ དྷ་མྨོ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟ་སྶ དྷ་མྨ་སྶ ན་ཧེ་ཏུ་པ་ཙྩ་ཡེ་ན པ་ཙྩ་ཡོ, སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟེ་ན ཙི་ཏྟེ་ན དཱ་ནཾ ད་ཏྭཱ’’ཏི་ཨཱ་དི་ནཱ ན་ཡེ་ན པཱ་ལི༹ཾ ཨུ་དྡྷ་རི་ཏྭཱ ད་སྶེ་ཏ་བྦཱ. པ་ཙྩ་ཡ་སཾ་ས་ནྡ་ནེ པ་ནེ་ཏྠ ན་ཧེ་ཏུ་པ་ཙྩ་ཡཱ…པེ… ན་ཨུ་པ་ནི་སྶ་ཡེ ཨ་ཊྛཱཏི ནཱ་ནཱ་ཀྑ་ཎི་ཀ་ཀ་མྨ་པ་ཙྩ་ཡ་ཝ་སེ་ན ཝེ་དི་ཏ་བྦཱ. དུ་བྦ་ལ་ཀ་མྨ་ཉྷི ཝི་པཱ་ཀ་སྶ ན ཨུ་པ་ནི་སྶ་ཡོ ཧོ་ཏི. ཀེ་ཝ་ལཾ པ་ན ནཱ་ནཱ་ཀྑ་ཎི་ཀ་ཀ་མྨ་པ་ཙྩ་ཡེ་ནེ་ཝ པ་ཙྩ་ཡོ ཧོ་ཏི. སེ་ས་མེ་ཏྠ ཨ་ནུ་ལོ་མ་པ་ཙྩ་ནཱི་ཡ་པ་ཙྩ་ནཱི་ཡཱ་ནུ་ལོ་མེ་སུ ཙ ཏེ་སཾ ཏེ་སཾ པ་ཙྩ་ཡཱ་ནཾ ཡོ་གེ ལ་དྡྷ་ཝཱ་ར་ཝ་སེ་ན ས་ཀྐཱ ཧེ་ཊྛཱ ཝུ་ཏྟ་ན་ཡེ་ནེ་ཝ ག་ཎེ་ཏུཾ, ཏ་སྨཱ ན ཝི་ཏྠཱ་རི་ཏ་ནྟི.
ཝེ་ད་ནཱ་ཏྟི་ཀ་ཝ་ཎྞ་ནཱ.