༣. ཝི་པཱ་ཀ་ཏྟི་ཀ་ཝ་ཎྞ་ནཱ
༡-༢༣. ཝི་པཱ་ཀ་ཏྟི་ཀེ ཝི་པཱ་ཀཾ དྷ་མྨཾ པ་ཊི་ཙྩ ཝི་པཱ་ཀོ དྷ་མྨོ ཨུ་པྤ་ཛྫ་ཏི ཧེ་ཏུ་པ་ཙྩ་ཡཱཏི ཡེ ཧེ་ཏུ་པ་ཙྩ་ཡེ ཏེ་ར་ས ཝཱ་རཱ ཝུ་ཏྟཱ, ཏེ ས་ངྑི་པི་ཏྭཱ ག་ཎ་ནཱ་ཡ ད་སྶེ་ཏུཾ ཧེ་ཏུ་ཡཱ ཏེ་ར་སཱཏི ཝུ་ཏྟཾ. ཨཱ་ར་མྨ་ཎེ པ་ཉྩཱཏི་ཨཱ་དཱི་སུ་པི ཨེ་སེ་ཝ ན་ཡོ. ཨེ་ཝ་མེ་ཏྠ ཏེ་ར་ས པ་ཉྩ ན་ཝ ས་ཏྟ ཏཱི་ཎི དྭེ་ཏི ཚ ག་ཎ་ན་པ་རི་ཙྪེ་དཱ, ཏེ་སཾ ཝ་སེ་ན པ་ཙྩ་ཡ་སཾ་ས་ནྡ་ནེ ཧེ་ཊྛཱ ཝུ་ཏྟ་ན་ཡེ་ནེ་ཝ ག་ཎ་ནཱ ཝེ་དི་ཏ་བྦཱ.
༢༤-༥༢. པ་ཙྩ་ནཱི་ཡེ་པི ཝི་པཱ་ཀཾ དྷ་མྨཾ པ་ཊི་ཙྩ ཝི་པཱ་ཀོ དྷ་མྨོ ཨུ་པྤ་ཛྫ་ཏི ན་ཧེ་ཏུ་པ་ཙྩ་ཡཱཏི ཡེ ན་ཧེ་ཏུ་པ་ཙྩ་ཡེ ད་ས ཝཱ་རཱ ཝུ་ཏྟཱ, ཏེ ས་ངྑི་པི་ཏྭཱ ག་ཎ་ནཱ་ཡ ད་སྶེ་ཏུཾ ན་ཧེ་ཏུ་ཡཱ ད་སཱཏི ཝུ་ཏྟཾ. ན ཨཱ་ར་མྨ་ཎེ པ་ཉྩཱཏི་ཨཱ་དཱི་སུ་པི ཨེ་སེ་ཝ ན་ཡོ. ཨེ་ཝ་མེ་ཏྠ ད་ས པ་ཉྩ ཏེ་ར་ས དྭཱ་ད་ས དྭེ ཨེ་ཀཾ ན་ཝ ཏཱི་ཎཱི་ཏི ཨ་ཊྛ ག་ཎ་ན་པ་རི་ཙྪེ་དཱ, ཏེ་སཾ ཝ་སེ་ན པ་ཙྩ་ཡ་སཾ་ས་ནྡ་ནེ ཧེ་ཊྛཱ ཝུ་ཏྟ་ན་ཡེ་ནེ་ཝ ཝི་ཏྠཱ་ར་ཏོ ག་ཎ་ནཱ ཝེ་དི་ཏ་བྦཱ. པཱ་ལི༹ པ་ན ས་ངྑི་ཏྟཱ, ཨེ་ཏེ་ས་ཉྙེ་ཝ པ་ན ལ་དྡྷ་ག་ཎ་ན་ར་པ་རི་ཙྪེ་དཱ་ནཾ ཝཱ་རཱ་ནཾ ཝ་སེ་ན སཾ་ས་ནྡི་ཏྭཱ ཨ་ནུ་ལོ་མ་པ་ཙྩ་ནཱི་ཡཾ པ་ཙྩ་ནཱི་ཡཱ་ནུ་ལོ་མ་ཉྩ ཝེ་དི་ཏ་བྦཾ.
ས་ཧ་ཛཱ་ཏ་ཝཱ་རོ ཨི་མི་ནཱ་ཝ ཨེ་ཀ་ག་ཏི་ཀོ. པ་ཙྩ་ཡ་ནི་སྶ་ཡ་སཾ་ས་ཊྛ་ས་མྤ་ཡུ་ཏྟ་ཝཱ་རཱ ཡ་ཐཱ་པཱ་ལི༹་མེ་ཝ ནི་ཡྻ་ནྟི.
༩༢. པ་ཉྷཱ་ཝཱ་རེ ཀུ་ས་ལཱ་ཀུ་ས་ལེ ནི་རུ་དྡྷེཏི ཨེ་ཏ་སྨིཾ ཝི་པ་སྶ་ནཱ་ཝ་སེ་ན པ་ཝ་ཏྟེ ཀུ་ས་ལེ སཱ་ར་ཛྫ་ནཱ་དི་ཝ་སེ་ན པ་ཝ་ཏྟེ ཨ་ཀུ་ས་ལེ ཙ ནི་རུ་དྡྷེ. ཝི་པཱ་ཀོ ཏ་དཱ་ར་མྨ་ཎ་ཏཱ ཨུ་པྤ་ཛྫ་ཏཱིཏི ཀཱ་མཱ་ཝ་ཙ་ར་ཝི་པཱ་ཀོ ཏ་དཱ་ར་མྨ་ཎ་ཏཱ་ཡ ཨུ་པྤ་ཛྫ་ཏི. ཡེ པ་ན ‘‘ཝི་པ་སྶ་ནཱ་ཛ་ཝ་ནཱ་ནཾ ཝི་ཙི་ཀི་ཙྪུ་དྡྷ་ཙྩཱ་ན་ཉྩ པ་རི་ཡོ་སཱ་ནེ ཏ་དཱ་ར་མྨ་ཎཾ ན་ཏྠཱི’’ཏི ཝ་ད་ནྟི, ཏེ ཨི་མཱ་ཡ ཏ་ནྟི་ཡཱ པ་ཊི་སེ་དྷེ་ཏ་བྦཱ. ཨཱ་ཀཱ་སཱ་ན་ཉྩཱ་ཡ་ཏ་ན་ཀུ་ས་ལཾ ཝི་ཉྙཱ་ཎ་ཉྩཱ་ཡ་ཏ་ན་སྶ ཀི་རི་ཡ་སྶ ཨཱ་ར་མྨ་ཎ་པ་ཙྩ་ཡེ་ན པ་ཙྩ་ཡོཏི ཨ་ར་ཧ་ཏྟཾ པ་ཏྭཱ ཨ་ས་མཱ་པ་ནྣ་པུ་བྦཱ ས་མཱ་པ་ཏྟི་ཡོ པ་ཊི་ལོ་མ་ཏོ ས་མཱ་པ་ཛྫ་ནྟ་སྶ ཝ་སེ་ནེ་ཏཾ ཝུ་ཏྟཾ. ཨི་མི་ནཱ ཨུ་པཱ་ཡེ་ན ས་བྦ་ཝི་སྶ་ཛྫ་ནེ་སུ སཱ་དྷུ་ཀཾ པཱ་ལི༹ཾ ཨུ་པ་པ་རི་ཀྑི་ཏྭཱ ཨ་ཏྠོ ཝེ་དི་ཏ་བྦོ.
༡༢༠. ཧེ་ཏུ་ཡཱ ས་ཏྟ, ཨཱ་ར་མྨ་ཎེ ན་ཝ, ཨ་དྷི་པ་ཏི་ཡཱ ད་སཱཏི་ཨཱ་དཱི་སུ་པི ས་ཧ་ཛཱ་ཏཱ་དྷི་པ་ཏི་ཝ་སེ་ན ཨཱ་ར་མྨ་ཎཱ་དྷི་པ་ཏི་ཝ་སེ་ན ས་ཧ་ཛཱ་ཏ་ནི་སྶ་ཡ་ཝ་སེ་ན པུ་རེ་ཛཱ་ཏ་ནི་སྶ་ཡ་ཝ་སེ་ན ཨ་ན་ནྟ་རཱུ་པ་ནི་སྶ་ཡ་ཝ་སེ་ན ཨཱ་ར་མྨ་ཎཱུ་པ་ནི་སྶ་ཡ་ཝ་སེ་ན པ་ཀ་ཏཱུ་པ་ནི་སྶ་ཡ་ཝ་སེ་ན ས་ཧ་ཛཱ་ཏ་ཝི་པྤ་ཡུ་ཏྟ་ཝ་སེ་ན པུ་རེ་ཛཱ་ཏ་པ་ཙྪཱ་ཛཱ་ཏ་ཝི་པྤ་ཡུ་ཏྟ་ཝ་སེ་ནཱ་ཏི ཡ་ཏྠ ཡ་ཏྠ ཡ་ཐཱ ཡ་ཐཱ ཡ་ཏྟ་ཀཱ་ནི ཝི་སྶ་ཛྫ་ནཱ་ནི ལ་བྦྷ་ནྟི, ཏ་ཏྠ ཏ་ཏྠ ཏ་ཐཱ ཏ་ཐཱ ཏཱ་ནི ས་བྦཱ་ནི ས་ལླ་ཀྑེ་ཏ་བྦཱ་ནི. ཏ་ཐཱ པ་ཙྩ་ནཱི་ཡཱ་དཱི་སུ ཨ་ནུ་ལོ་མ་ཝ་སེ་ན ཝཱ་རུ་དྡྷ་ར་ཎཾ, ཨ་ནུ་ལོ་མ་ཏོ ལ་དྡྷ་ཝཱ་རཱ་ནཾ པ་ཙྩ་ནཱི་ཡ་ཏོ ག་ཎ་ནཱ, པ་ཙྩ་ཡ་སཾ་ས་ནྡ་ནཾ, ཨ་ནུ་ལོ་མ་པ་ཙྩ་ནཱི་ཡེ པ་ཙྩ་ནཱི་ཡཱ་ནུ་ལོ་མེ ཙ སུ་དྡྷི་ཀེ་སུ ཙེ་ཝ སཾ་ས་ནྡ་ན་ཝ་སེ་ན ཙ པ་ཝ་ཏྟེ་སུ ཧེ་ཏུ་མཱུ་ལ་ཀཱ་དཱི་སུ ལ་བྦྷ་མཱ་ན་ཝཱ་ར་ག་ཎ་ནཱ, ཨ་ལ་བྦྷ་མཱ་ནཱ་ནཾ ཨ་ལ་བྦྷ་མཱ་ན་ཏཱ་ཏི ས་བྦཾ ཧེ་ཊྛཱ ཝུ་ཏྟ་ན་ཡེ་ནེ་ཝ ཝེ་དི་ཏ་བྦཾ.
ཡ་ཐཱ ཙེ་ཏྠ, ཨེ་ཝཾ ཨི་ཏོ པ་རེ་སུ་པི ཏི་ཀ་དུ་ཀེ་སུ. པ་ཊྛཱ་ན་པ་ཀ་ར་ཎ་ཉྷི པཱ་ལི༹་ཏོ་ཝ ཨ་ན་ནྟཾ ཨ་པ་རི་མཱ་ཎཾ. ཏ་སྶ པ་ད་པ་ཊི་པཱ་ཊི་ཡཱ ཨ་ཏྠཾ ཝ་ཎྞ་ཡི་སྶཱ་མཱི་ཏི པ་ཊི་པ་ནྣ་སྶ ཨ་ཏི་དཱི་གྷཱ་ཡུ་ཀ་སྶཱ་པི ཨཱ་ཡུ ན་པྤ་ཧོ་ཏི. ན ཙ་སྶ ཨེ་ཀ་དེ་སཾ ཝ་ཎྞེ་ཏྭཱ སེ་ས་མྷི ན་ཡ་ཏོ ད་སྶི་ཡ་མཱ་ནེ ན ས་ཀྐཱ ཨ་ཏྠོ ཛཱ་ནི་ཏུཾ, ཏ་སྨཱ ཨི་ཏོ པ་རཾ ཨེ་ཏྟ་ཀ་མྤི ཨ་ཝ་ཏྭཱ སེ་སེ་སུ ཏི་ཀ་དུ་ཀེ་སུ ཧེ་ཊྛཱ ཨ་ཝུ་ཏྟ་པྤ་ཀཱ་ར་ཏྟཱ ཡཾ ཡཾ ཨ་ཝ་སྶཾ ཝ་ཏྟ་བྦཾ, ཏཾ ཏ་དེ་ཝ ཝ་ཀྑཱ་མ. ཡཾ པ་ན ཨ་ཝ་ཏྭཱ ག་མི་སྶཱ་མ, ཏཾ པཱ་ལི༹་ན་ཡེ་ནེ་ཝ ཝེ་དི་ཏ་བྦ་ནྟི.
ཝི་པཱ་ཀ་ཏྟི་ཀ་ཝ་ཎྞ་ནཱ.