༡. པ་ཙྩ་ཡཱ་ནུ་ལོ་མ་ཝ་ཎྞ་ནཱ
ཨེ་ཝཾ ཨ་ནུ་ལོ་མ་པ་ཊྛཱ་ནཱ་དཱི་སུ ཏི་ཀ་པ་ཊྛཱ་ནཱ་དི་ཝ་སེ་ན ཙ་ཏུ་ཝཱི་ས་ཏི་ས་མ་ནྟ་པ་ཊྛཱ་ན་ས་མོ་དྷཱ་ནེ པ་ཊྛཱ་ན་མ་ཧཱ་པ་ཀ་ར་ཎེ ཡེ ཏི་ཀཱ་ད་ཡོ ནི་སྶཱ་ཡ ནི་དྡི་ཊྛ་ཏྟཱ ཨེ་ཏཾ ཏི་ཀ་པ་ཊྛཱ་ནཾ, དུ་ཀ་པ་ཊྛཱ་ནཾ…པེ… དུ་ཀ་དུ་ཀ་པ་ཊྛཱ་ན་ནྟི ཝུ་ཏྟཾ. ཏེ ཨ་ནཱ་མ་སི་ཏྭཱ ཡེ་སཾ པ་ཙྩ་ཡཱ་ནཾ ཝ་སེ་ན ཏེ ཏི་ཀཱ་ད་ཡོ ཝི་བྷ་ཏྟཱ, ཏེ པ་ཙྩ་ཡེ ཨེ་ཝ ཏཱ་ཝ ཨི་མི་ནཱ མཱ་ཏི་ཀཱ་ནི་ཀྑེ་པ་པ་ཙྩ་ཡ་ཝི་བྷ་ངྒ་ས་ངྑཱ་ཏེ་ན ཝཱ་རེ་ན ཨུ་དྡེ་ས་ཏོ ཙ ནི་དྡེ་ས་ཏོ ཙ ད་སྶེ་ཏྭཱ, ཨི་དཱ་ནི ཡེ ཏི་ཀཱ་ད་ཡོ ནི་སྶཱ་ཡ ནི་དྡི་ཊྛ་ཏྟཱ ཨེ་ཏཾ ཏི་ཀ་པ་ཊྛཱ་ནཾ, དུ་ཀ་པ་ཊྛཱ་ནཾ…པེ… དུ་ཀ་དུ་ཀ་པ་ཊྛཱ་ན་ནྟི ཝུ་ཏྟཾ. ཏེ ཏི་ཀཱ་ད་ཡོ ཨི་མེ་སཾ པ་ཙྩ་ཡཱ་ནཾ ཝ་སེ་ན ཝི་ཏྠཱ་རེ་ཏྭཱ ད་སྶེ་ཏུཾ ཨེ་ཀེ་ཀཾ ཏི་ཀ་དུ་ཀཾ ནི་སྶཱ་ཡ ས་ཏྟ་ཧི མ་ཧཱ་ཝཱ་རེ་ཧི དེ་ས་ནཱ ཀ་ཏཱ. ཏེ་སཾ ཨི་མཱ་ནི ནཱ་མཱ་ནི – པ་ཊི་ཙྩ་ཝཱ་རོ, ས་ཧ་ཛཱ་ཏ་ཝཱ་རོ, པ་ཙྩ་ཡ་ཝཱ་རོ, ནི་སྶ་ཡ་ཝཱ་རོ, སཾ་ས་ཊྛ་ཝཱ་རོ, ས་མྤ་ཡུ་ཏྟ་ཝཱ་རོ, པ་ཉྷཱ་ཝཱ་རོ་ཏི.
ཏ་ཏྠ ‘‘ཀུ་ས་ལཾ དྷ་མྨཾ པ་ཊི་ཙྩ ཀུ་ས་ལོ དྷ་མྨོ’’ཏི ཨེ་ཝཾ པ་ཊི་ཙྩཱ་བྷི་དྷཱ་ན་ཝ་སེ་ན ཝུ་ཏྟོ པ་ཊི་ཙྩ་ཝཱ་རོ ནཱ་མ. ཀུ་ས་ལཾ དྷ་མྨཾ ས་ཧ་ཛཱ་ཏོ ཀུ་ས་ལོ དྷ་མྨོ’’ཏི ཨེ་ཝཾ ས་ཧ་ཛཱ་ཏཱ་བྷི་དྷཱ་ན་ཝ་སེ་ན ཝུ་ཏྟོ ས་ཧ་ཛཱ་ཏ་ཝཱ་རོ ནཱ་མ. སོ པུ་རི་མེ་ན པ་ཊི་ཙྩ་ཝཱ་རེ་ན ཨ་ཏྠ་ཏོ ནི་ནྣཱ་ནཱ་ཀ་ར་ཎོ. པ་ཊི་ཙྩཱ་བྷི་དྷཱ་ན་ཝ་སེ་ན བུ་ཛ྄ཛྷ་ན་ཀཱ་ནཾ ཝ་སེ་ན པ་ན པ་ཋ་མོ ཝུ་ཏྟོ, ས་ཧ་ཛཱ་ཏཱ་བྷི་དྷཱ་ན་ཝ་སེ་ན བུ་ཛ྄ཛྷ་ན་ཀཱ་ནཾ ཝ་སེ་ན དུ་ཏི་ཡོ. དྭཱི་སུ་པི ཙེ་ཏེ་སུ རཱུ་པཱ་རཱུ་པ་དྷ་མྨ་ཝ་སེ་ན པ་ཙྩ་ཡཱ ཙེ་ཝ པ་ཙྩ་ཡུ་པྤ་ནྣ་དྷ་མྨཱ ཙ ཝེ་དི་ཏ་བྦཱ. ཏེ ཙ ཁོ ས་ཧ་ཛཱ་ཏཱ་ཝ, ན པུ་རེ་ཛཱ་ཏ་པ་ཙྪཱ་ཛཱ་ཏཱ ལ་བྦྷ་ནྟི. ‘‘ཀུ་ས་ལཾ དྷ་མྨཾ པ་ཙྩ་ཡཱ ཀུ་ས་ལོ དྷ་མྨོ’’ཏི ཨེ་ཝཾ པ་ཙྩ་ཡཱ་བྷི་དྷཱ་ན་ཝ་སེ་ན ཝུ་ཏྟོ པ་ན པ་ཙྩ་ཡ་ཝཱ་རོ ནཱ་མ. སོ་པི པུ་རི་མ་ཝཱ་ར་དྭ་ཡཾ ཝི་ཡ རཱུ་པཱ་རཱུ་པ་དྷ་མྨ་ཝ་སེ་ནེ་ཝ ཝེ་དི་ཏ་བྦོ. པ་ཙྩ་ཡོ པ་ནེ་ཏྠ པུ་རེ་ཛཱ་ཏོ་པི ལ་བྦྷ་ཏི. ཨ་ཡ་མ་སྶ པུ་རི་མ་ཝཱ་ར་དྭ་ཡ་ཏོ ཝི་སེ་སོ. ཏ་ད་ན་ནྟ་རོ ‘‘ཀུ་ས་ལཾ དྷ་མྨཾ ནི་སྶཱ་ཡ ཀུ་ས་ལོ དྷ་མྨོ’’ཏི ཨེ་ཝཾ ནི་སྶ་ཡཱ་བྷི་དྷཱ་ན་ཝ་སེ་ན ཝུ་ཏྟོ ནི་སྶ་ཡ་ཝཱ་རོ ནཱ་མ. སོ པུ་རི་མེ་ན པ་ཙྩ་ཡ་ཝཱ་རེ་ན ཨ་ཏྠ་ཏོ ནི་ནྣཱ་ནཱ་ཀ་ར་ཎོ. པ་ཙྩ་ཡཱ་བྷི་དྷཱ་ན་ཝ་སེ་ན བུ་ཛ྄ཛྷ་ན་ཀཱ་ནཾ ཝ་སེ་ན པ་ན པ་ཋ་མོ ཝུ་ཏྟོ, ནི་སྶ་ཡཱ་བྷི་དྷཱ་ན་ཝ་སེ་ན བུ་ཛ྄ཛྷ་ན་ཀཱ་ནཾ ཝ་སེ་ན དུ་ཏི་ཡོ. ཏ་ཏོ པ་རཾ ‘‘ཀུ་ས་ལཾ དྷ་མྨཾ སཾ་ས་ཊྛོ ཀུ་ས་ལོ དྷ་མྨོ’’ཏི ཨེ་ཝཾ སཾ་ས་ཊྛཱ་བྷི་དྷཱ་ན་ཝ་སེ་ན ཝུ་ཏྟོ སཾ་ས་ཊྛ་ཝཱ་རོ ནཱ་མ. ‘‘ཀུ་ས་ལཾ དྷ་མྨཾ ས་མྤ་ཡུ་ཏྟོ ཀུ་ས་ལོ དྷ་མྨོ’’ཏི ཨེ་ཝཾ ས་མྤ་ཡུ་ཏྟཱ་བྷི་དྷཱ་ན་ཝ་སེ་ན ཝུ་ཏྟོ ས་མྤ་ཡུ་ཏྟ་ཝཱ་རོ ནཱ་མ. སོ པུ་རི་མེ་ན སཾ་ས་ཊྛ་ཝཱ་རེ་ན ཨ་ཏྠ་ཏོ ནི་ནྣཱ་ནཱ་ཀ་ར་ཎོ. སཾ་ས་ཊྛཱ་བྷི་དྷཱ་ན་ཝ་སེ་ན བུ་ཛ྄ཛྷ་ན་ཀཱ་ནཾ ཝ་སེ་ན པ་ན པ་ཋ་མོ ཝུ་ཏྟོ, ས་མྤ་ཡུ་ཏྟཱ་བྷི་དྷཱ་ན་ཝ་སེ་ན དུ་ཏི་ཡོ. དྭཱི་སུ་པི ཙེ་ཏེ་སུ ཨ་རཱུ་པ་དྷ་མྨ་ཝ་སེ་ནེ་ཝ པ་ཙྩ་ཡཱ པ་ཙྩ་ཡུ་པྤ་ནྣཱ ཙ ཝེ་དི་ཏ་བྦཱ. ས་ཏྟ་མ་ཝཱ་རེ པ་ན ཡ་སྨཱ ‘‘ཀུ་ས་ལོ དྷ་མྨོ ཀུ་ས་ལ་སྶ དྷ་མྨ་སྶ ཧེ་ཏུ་པ་ཙྩ་ཡེ་ན པ་ཙྩ་ཡོ’’ཏི་ཨཱ་དི་ནཱ ན་ཡེ་ན ཏེ ཏེ པ་ཉྷེ ཨུ་དྡྷ་རི་ཏྭཱ པུ་ན ‘‘ཀུ་ས་ལཱ ཧེ་ཏཱུ ས་མྤ་ཡུ་ཏྟ་ཀཱ་ནཾ ཁ་ནྡྷཱ་ན’’ནྟི་ཨཱ་དི་ནཱ ན་ཡེ་ན ས་བྦེ་པི ཏེ པ་ཉྷཱ ནི་ཛྫ་ཊཱ ནི་གྒུ་མྦཱ ཙ ཀ་ཏྭཱ ཝི་བྷ་ཏྟཱ, ཏ་སྨཱ སོ ཝཱ་རོ པ་ཉྷཱ་ནཾ སཱ་དྷུ་ཀཾ ཝི་བྷ་ཏྟ་ཏྟཱ པ་ཉྷཱ་ཝཱ་རོཏྭེ་ཝ ས་ངྑྱཾ ག་ཏོ. རཱུ་པཱ་རཱུ་པ་དྷ་མྨ་ཝ་སེ་ནེ་ཝ པ་ནེ་ཏྠ པ་ཙྩ་ཡཱ་པི པ་ཙྩ་ཡུ་པྤ་ནྣཱ་པི ཝེ་དི་ཏ་བྦཱ.
ཏ་ཏྠ ཡོ ཏཱ་ཝ ཨེ་ས ས་བྦ་པ་ཋ་མོ པ་ཊི་ཙྩ་ཝཱ་རོ ནཱ་མ, སོ ཨུ་དྡེ་ས་ཏོ ནི་དྡེ་ས་ཏོ ཙ དུ་ཝི་དྷོ ཧོ་ཏི. ཏ་ཏྠ ཨུ་དྡེ་ས་ཝཱ་རོ པ་ཋ་མོ, པུ་ཙྪཱ་ཝཱ་རོ་ཏི་པི ཝུ་ཙྩ་ཏི. པ་ཎྞ་ཏྟི་ཝཱ་རོ་ཏི་པི ཏ་སྶེ་ཝ ནཱ་མཾ. སོ ཧི ཀུ་ས་ལཱ་ད་ཡོ པ་ཊི་ཙྩ ཀུ་ས་ལཱ་དཱི་ནཾ ཧེ་ཏུ་པ་ཙྩ་ཡཱ་དཱི་ནཾ ཝ་སེ་ན ཨུ་དྡི་ཊྛ་ཏྟཱ ཨུ་དྡེ་ས་ཝཱ་རོ, ཀུ་ས་ལཱ་ད་ཡོ པ་ཊི་ཙྩ ཧེ་ཏུ་པ་ཙྩ་ཡཱ་དི་ཝ་སེ་ན ཀུ་ས་ལཱ་དཱི་ནཾ ཨུ་པྤ་ཏྟི་ཡཱ པུ་ཙྪི་ཏ་ཏྟཱ པུ་ཙྪཱ་ཝཱ་རོ, ཀུ་ས་ལཱ་ད་ཡོ པ་ཊི་ཙྩ ཧེ་ཏུ་པ་ཙྩ་ཡཱ་དི་ཝ་སེ་ན ཀུ་ས་ལཱ་དཱི་ནཾ ཨུ་པྤ་ཏྟི་ཡཱ པ་ཉྙཱ་པི་ཏ་ཏྟཱ པ་ཎྞ་ཏྟི་ཝཱ་རོ་ཏི་པི ཝུ་ཏྟོ.
༢༥-༣༤. ཏ་ཏྠ སི་ཡཱ ཀུ་ས་ལཾ དྷ་མྨཾ པ་ཊི་ཙྩ ཀུ་ས་ལོ དྷ་མྨོ ཨུ་པྤ་ཛྫེ་ཡྻ ཧེ་ཏུ་པ་ཙྩ་ཡཱཏི པ་རི་ཀ་པྤ་པུ་ཙྪཱ. ཨ་ཡ་ཉྷེ་ཏྠ ཨ་ཏྠོ – ཡོ ཀུ་ས་ལོ དྷ་མྨོ ཨུ་པྤ་ཛྫེ་ཡྻ ཧེ་ཏུ་པ་ཙྩ་ཡཱ, ཀིཾ སོ ཀུ་ས་ལཾ དྷ་མྨཾ པ་ཊི་ཙྩ སི་ཡཱ་ཏི ཨ་ཐ ཝཱ ཀུ་ས་ལཾ དྷ་མྨཾ པ་ཊི་ཙྩ ཡོ ཀུ་ས་ལོ དྷ་མྨོ ཨུ་པྤ་ཛྫེ་ཡྻ, སོ ཧེ་ཏུ་པ་ཙྩ་ཡཱ སི་ཡཱ་ཏི ཨ་ཡ་མེ་ཏྠ ཨ་ཏྠོ. ཏ་ཏྠ པ་ཊཱིཏི ས་དི་ས་ཏྠེ ཝ་ཏྟ་ཏི. ས་དི་ས་པུ་གྒ་ལོ ཧི པ་ཊི་པུ་གྒ་ལོ, ས་དི་ས་བྷཱ་གོ ཙ པ་ཊི་བྷཱ་གོ་ཏི ཝུ་ཙྩ་ཏི. ཨི་ཙྩཱཏི ག་མ་ནུ་སྶུ་ཀྐ་ཝ་ཙ་ན་མེ་ཏཾ. ཨུ་བྷ་ཡཾ ཨེ་ཀ་ཏོ ཀ་ཏྭཱ པ་ཊི་ཙྩཱཏི པ་ཊི་ག་ནྟྭཱ ས་ཧུ་པྤ་ཏྟི་ས་ངྑཱ་ཏེ་ན ས་དི་ས་བྷཱ་ཝེ་ན པ་ཏྭཱ, ཏེ་ན ས་དྡྷིཾ ཨེ་ཀ་ཏོ ཨུ་པྤ་ཏྟི་བྷཱ་ཝཾ ཨུ་པ་ག་ནྟྭཱ་ཏི ཝུ་ཏྟཾ ཧོ་ཏི. ཀུ་ས་ལོ དྷ་མྨོཏི ཨེ་ཝཾ ས་ཧུ་པྤ་ཏྟི་བྷཱ་ཝེ་ན ཀུ་ས་ལཾ དྷ་མྨཾ པ་ཊི་ཙྩ ཀུ་ས་ལོ དྷ་མྨོ ཨུ་པྤ་ཛྫེ་ཡྻ ཧེ་ཏུ་པ་ཙྩ་ཡཱ་ཏི པུ་ཙྪ་ཏི. ཨ་ཐ ཝཱ པ་ཊི་ཙྩཱཏི པ་ཙྩ་ཡཾ ཀ་ཏྭཱ. ཏཾ པ་ན པ་ཙྩ་ཡ་ཀ་ར་ཎཾ པུ་རེ་ཛཱ་ཏེ་པི པ་ཙྩ་ཡེ ལ་བྦྷ་ཏི ས་ཧ་ཛཱ་ཏེ་པི. ཨི་དྷ ས་ཧ་ཛཱ་ཏཾ ཨ་དྷི་པྤེ་ཏཾ. སི་ཡཱ ཀུ་ས་ལཾ དྷ་མྨཾ པ་ཊི་ཙྩ ཨ་ཀུ་ས་ལོཏི་ཨཱ་དཱི་སུ་པི ཨེ་སེ་ཝ ན་ཡོ. ཏ་ཏྠ ཀི་ཉྩཱ་པི ས་ཧ་ཛཱ་ཏ་ཝ་སེ་ན ཀུ་ས་ལཾ དྷ་མྨཾ པ་ཊི་ཙྩ ཨ་ཀུ་ས་ལོ ན་ཏྠི, ཨི་མ་སྨིཾ པ་ན པུ་ཙྪཱ་ཝཱ་རེ ཡ་མྤི ཝི་སྶ་ཛྫི་ཡ་མཱ་ནཾ ཨ་ཏྠ་ཏོ ལ་བྦྷ་ཏི, ཡ་མྤི ན ལ་བྦྷ་ཏི, ཏཾ ས་བྦཾ པུ་ཙྪཱ་ཝ་སེ་ན ཨུ་དྡྷ་ཊཾ. པ་ར་ཏོ པ་ན ཝི་སྶ་ཛྫ་ནེ ཡཾ ན ལ་བྦྷ་ཏི, ཏཾ པ་ཧཱ་ཡ ཡཾ ལ་བྦྷ་ཏི, ཏ་དེ་ཝ ཝི་སྶ་ཛྫི་ཏཾ.
ཨེ་ཝ་མེ་ཏྠ པུ་ཙྪཱ་ནཾ ཨ་ཏྠ་ཉྩེ་ཝ པུ་ཙྪཱ་ག་ཏི་ཉྩ ཉ་ཏྭཱ ཨི་དཱ་ནི ག་ཎ་ན་ཝ་སེ་ན པུ་ཙྪཱ་པ་རི་ཙྪེ་དོ ཝེ་དི་ཏ་བྦོ. ཨེ་ཏྠ ཧི ‘‘ཀུ་ས་ལཾ དྷ་མྨཾ པ་ཊི་ཙྩཱ’’ཏི ཀུ་ས་ལ་པ་དཾ ཨཱ་དིཾ ཀ་ཏྭཱ ཀུ་ས་ལཱ་ཀུ་ས་ལཱ་བྱཱ་ཀ་ཏ་ནྟཱ ཏི་སྶོ པུ་ཙྪཱ, པུ་ན ཏ་དེ་ཝཱ་དིཾ ཀ་ཏྭཱ ཀུ་ས་ལཱ་བྱཱ་ཀ་ཏཱ་དི་ཝ་སེ་ན དུ་ཀ་པྤ་བྷེ་ད་ནྟཱ ཏི་སྶོ, པུ་ན ཏ་དེ་ཝཱ་དིཾ ཀ་ཏྭཱ ཏི་ཀ་ནྟཱ ཙ ཨེ་ཀཱ, ཨེ་ཝཾ ཀུ་ས་ལཾ དྷ་མྨཾ པ་ཊི་ཙྩཱ་ཏི ཀུ་ས་ལཱ་དི་ཀཱ ས་ཏྟ པུ་ཙྪཱ, ཏ་ཐཱ ཨ་ཀུ་ས་ལཱ་དི་ཀཱ, ཏ་ཐཱ ཨ་བྱཱ་ཀ་ཏཱ་དི་ཀཱ, ཏ་ཐཱ ཀུ་ས་ལཱ་བྱཱ་ཀ་ཏཱ་དི་ཀཱ, ཨ་ཀུ་ས་ལཱ་བྱཱ་ཀ་ཏཱ་དི་ཀཱ, ཀུ་ས་ལཱ་ཀུ་ས་ལཱ་དི་ཀཱ, ཀུ་ས་ལཱ་ཀུ་ས་ལཱ་བྱཱ་ཀ་ཏཱ་དི་ཀཱ་ཏི ས་བྦཱ་པི ས་ཏྟ་ནྣཾ ས་ཏྟ་ཀཱ་ནཾ ཝ་སེ་ན ཀུ་ས་ལ་ཏྟི་ཀཾ ནི་སྶཱ་ཡ ཧེ་ཏུ་པ་ཙྩ་ཡེ ཨེ་ཀཱུ་ན་པ་ཉྙཱ་སཾ པུ་ཙྪཱ.
ཏ་ཏྠ ཨེ་ཀ་མཱུ་ལ་ཀཱ་ཝ་སཱ་ནཱ ན་ཝ, ཨེ་ཀ་མཱུ་ལ་དུ་ཀཱ་ཝ་སཱ་ནཱ ན་ཝ, ཨེ་ཀ་མཱུ་ལ་ཏི་ཀཱ་ཝ་སཱ་ནཱ ཏི་སྶོ, དུ་ཀ་མཱུ་ལ་ཨེ་ཀཱ་ཝ་སཱ་ནཱ ན་ཝ, དུ་ཀ་མཱུ་ལ་དུ་ཀཱ་ཝ་སཱ་ནཱ ན་ཝ, དུ་ཀ་མཱུ་ལ་ཏི་ཀཱ་ཝ་སཱ་ནཱ ཏི་སྶོ, ཏི་ཀ་མཱུ་ལ་ཨེ་ཀཱ་ཝ་སཱ་ནཱ ཏི་སྶོ, ཏི་ཀ་མཱུ་ལ་དུ་ཀཱ་ཝ་སཱ་ནཱ ཏི་སྶོ, ཏི་ཀ་མཱུ་ལ་ཏི་ཀཱ་ཝ་སཱ་ནཱ ཨེ་ཀཱ་ཏི ཨེ་ཝ་མེ་ཏཱ མཱུ་ལ་ཝ་སེ་ནཱ་པི ཝེ་དི་ཏ་བྦཱ. ཡ་ཐཱ ཙ ཧེ་ཏུ་པ་ཙྩ་ཡེ ཨེ་ཀཱུ་ན་པ་ཉྙཱ་སཾ, ཨཱ་ར་མྨ་ཎ་པ་ཙྩ་ཡཱ་དཱི་སུ་པི ཏ་ཐེ་ཝཱ་ཏི ས་བྦེ་སུ་པི ཙ་ཏུ་ཝཱི་ས་ཏི་ཡཱ པ་ཙྩ་ཡེ་སུ –
ས་ཧ་སྶ་མེ་ཀ་ཉྩ ས་ཏཾ, ཚ་ས་ཏྟ་ཏི པུ་ནཱ་པ་རཱ;
པུ་ཙྪཱ ས་མྤི་ཎྜི་ཏཱ ཧོ་ནྟི, ན་ཡ་མྷི ཨེ་ཀ་མཱུ་ལ་ཀེ.
༣༥-༣༦. ཏ་ཏོ པ་རཾ ཧེ་ཏུ་པ་ཙྩ་ཡཱ ཨཱ་ར་མྨ་ཎ་པ་ཙྩ་ཡཱཏི དུ་མཱུ་ལ་ཀ་ན་ཡོ ཨཱ་ར་དྡྷོ. ཏ་ཏྠ ཧེ་ཏཱ་ར་མྨ་ཎ་དུ་ཀོ…པེ… ཧེ་ཏུ་ཨ་ཝི་ག་ཏ་དུ་ཀོ་ཏི ཧེ་ཏུ་པ་ཙྩ་ཡེ་ན ས་དྡྷིཾ ཏེ་ཝཱི་ས་ཏི དུ་ཀཱ ཧོ་ནྟི. ཏེ་སུ ཧེ་ཏུ་པ་ཙྩ་ཡེ ཝི་ཡ ཧེ་ཏཱ་ར་མྨ་ཎ་དུ་ཀེ་པི ཨེ་ཀཱུ་ན་པ་ཉྙཱ་སཾ པུ་ཙྪཱ, ཏཱ་སུ པཱ་ལི༹་ཡཾ དྭེ་ཡེ་ཝ ད་སྶི་ཏཱ. ཡ་ཐཱ ཙ ཧེ་ཏཱ་ར་མྨ་ཎ་དུ་ཀེ ཨེ་ཀཱུ་ན་པ་ཉྙཱ་སཾ ཏ་ཐཱ ཧེ་ཏཱ་དྷི་པ་ཏི་དུ་ཀཱ་དཱི་སུ་པི. ཏ་ཏྠ པ་ཋ་མ་པུ་ཙྪཱ་ཝ་སེ་ན ཧེ་ཏཱ་དྷི་པ་ཏི་དུ་ཀོ, ཧེ་ཏཱ་ན་ནྟ་ར་དུ་ཀོ, ཧེ་ཏུ་ས་མ་ན་ནྟ་ར་དུ་ཀོ་ཏི པ་ཊི་པཱ་ཊི་ཡཱ ཏ་ཡོ དུ་ཀེ ད་སྶེ་ཏྭཱ པ་རི་ཡོ་སཱ་ནེ ཧེ་ཏུ་ཨ་ཝི་ག་ཏ་དུ་ཀོ ད་སྶི་ཏོ, སེ་སཾ ས་ངྑི་ཏྟཾ. པུ་ཙྪཱ་པ་རི་ཙྪེ་དོ པ་ནེ་ཏྠ ཨེ་ཝཾ ཝེ་དི་ཏ་བྦོ.
ས་ཧ་སྶ་མེ་ཀ་ཉྩ ས་ཏཾ, ས་ཏྟ་ཝཱི་ས་ཏི་མེ་ཝ ཙ;
དུ་ཀེ་སུ ཏེ་ཝཱི་ས་ཏི་ཡཱ, པུ་ཙྪཱ ཧོ་ནྟི དུ་མཱུ་ལ་ཀེ.
༣༧. ཏ་ཏོ པ་རཾ ཧེ་ཏུ་པ་ཙྩ་ཡཱ ཨཱ་ར་མྨ་ཎ་པ་ཙྩ་ཡཱ ཨ་དྷི་པ་ཏི་པ་ཙྩ་ཡཱཏི ཏི་མཱུ་ལ་ཀ་ན་ཡོ ཨཱ་ར་དྡྷོ. ཏ་ཏྠ ཧེ་ཏཱ་ར་མྨ་ཎ་དུ་ཀེ་ན ས་དྡྷིཾ ཨ་དྷི་པ་ཏི་པ་ཙྩ་ཡཱ་དཱི་སུ བཱ་ཝཱི་ས་ཏི་ཡཱ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན བཱ་ཝཱི་ས་ཏི ཏི་ཀཱ ཧོ་ནྟི. ཏེ་སུ པ་ཋ་མ་པུ་ཙྪཱ་ཝ་སེ་ན པ་ཋ་མ་ཏྟི་ཀ་ཉྩ དུ་ཏི་ཡ་ཏྟི་ཀ་ཉྩ ད་སྶེ་ཏྭཱ པ་རི་ཡོ་སཱ་ན་ཏི་ཀོ ད་སྶི་ཏོ, སེ་སཾ ས་ངྑི་ཏྟཾ. ཡ་ཐཱ པ་ན དུ་ཀེ་སུ, ཨེ་ཝཾ ཏི་ཀེ་སུ་པི ཨེ་ཀ་མེ་ཀ་སྨིཾ ཏི་ཀེ ཨེ་ཀཱུ་ན་པ་ཉྙཱ་སཾ ཀ་ཏྭཱ ས་བྦེ་སུ་པི བཱ་ཝཱི་ས་ཏི་ཡཱ ཏི་ཀེ་སུ –
ས་ཧ་སྶ་མེ་ཀཾ པུ་ཙྪཱ་ནཾ, ཨ་ཊྛ་ས་ཏྟ་ཏི་མེ་ཝ ཙ;
པུ་ཙྪཱ ག་ཎ་ན་ཏོ ཧོ་ནྟི, ན་ཡ་མྷི ཏི་ཀ་མཱུ་ལ་ཀེ.
༣༨. ཏ་ཏོ པ་རཾ ཧེ་ཏུ་པ་ཙྩ་ཡཱ ཨཱ་ར་མྨ་ཎ་པ་ཙྩ་ཡཱ ཨ་དྷི་པ་ཏི་པ་ཙྩ་ཡཱ ཨ་ན་ནྟ་ར་པ་ཙྩ་ཡཱཏི ཙ་ཏུ་མཱུ་ལ་ཀ་ན་ཡོ ཨཱ་ར་དྡྷོ. ཏ་ཏྠ པ་ཋ་མ་ཏྟི་ཀེ་ན ས་དྡྷིཾ ཨ་ན་ནྟ་ར་པ་ཙྩ་ཡཱ་དཱི་སུ ཨེ་ཀ་ཝཱི་ས་ཏི་ཡཱ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན ཨེ་ཀ་ཝཱི་ས་ཏི ཙ་ཏུ་ཀྐཱ ཧོ་ནྟི. ཏེ་སུ དྭེ ཙ་ཏུ་ཀྐེ ད་སྶེ་ཏྭཱ སེ་སཾ ས་ངྑི་ཏྟཾ. ཨི་དྷཱ་པི ཨེ་ཀ་མེ་ཀ་སྨིཾ ཙ་ཏུ་ཀྐེ ཨེ་ཀཱུ་ན་པ་ཉྙཱ་སཾ ཀ་ཏྭཱ ས་བྦེ་སུ་པི ཨེ་ཀ་ཝཱི་ས་ཏི་ཡཱ ཙ་ཏུ་ཀྐེ་སུ –
ས་ཧ་སྶ་མེ་ཀཾ པུ་ཙྪཱ་ནཾ, ཨེ་ཀཱུ་ན་ཏིཾ་ས པུ་ནཱ་པ་རཱ;
པུ་ཙྪཱ ག་ཎ་ན་ཏོ ཧོ་ནྟི, ན་ཡ་མྷི ཙ་ཏུ་མཱུ་ལ་ཀེ.
ཏ་ཏོ པ་རཾ པ་ཉྩ་མཱུ་ལ་ཀཾ ཨཱ་དིཾ ཀ་ཏྭཱ ཡཱ་ཝ ས་བྦ་མཱུ་ལ་ཀཱ དེ་ས་ནཱ ཀ་ཏཱ, ཏཾ ས་བྦཾ ས་ངྑི་པི་ཏྭཱ ཧེ་ཊྛཱ ཝུ་ཏྟ་ཉྩ ཨུ་པ་རི ཝ་ཏྟ་བྦ་ཉྩ ཨེ་ཀ་ཏོ ཀ་ཏྭཱ པཱ་ལི༹་ཡཾ ‘‘ཨེ་ཀ་མཱུ་ལ་ཀཾ, དུ་མཱུ་ལ་ཀཾ, ཏི་མཱུ་ལ་ཀཾ, ཙ་ཏུ་མཱུ་ལ་ཀཾ, པ་ཉྩ་མཱུ་ལ་ཀཾ, ས་བྦ་མཱུ་ལ་ཀཾ ཨ་ས་མྨུ་ཡ྄ཧ་ནྟེ་ན ཝི་ཏྠཱ་རེ་ཏ་བྦ’’ནྟི ན་ཡོ ད་སྶི་ཏོ. ཏ་ཏྠ ཨེ་ཀ་མཱུ་ལ་ཀཱ་དཱི་སུ ཡཾ ཝ་ཏྟ་བྦཾ, ཏཾ ཝུ་ཏྟ་མེ་ཝ. པ་ཉྩ་མཱུ་ལ་ཀེ པ་ན པ་ཋ་མ་ཙ་ཏུ་ཀྐེ་ན ས་དྡྷིཾ ས་མ་ན་ནྟ་ར་པ་ཙྩ་ཡཱ་དཱི་སུ ས་མ་ཝཱི་ས་ཏི་ཡཱ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན ས་མ་ཝཱི་ས་ཏི པ་ཉྩ་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ས་ཏཱ་ནི ན་ཝ པུ་ཙྪཱ་ནཾ, ཨ་སཱི་ཏི ཙ པུ་ནཱ་པ་རཱ;
པུ་ཙྪཱ ག་ཎ་ན་ཏོ ཧོ་ནྟི, ན་ཡ་མྷི པ་ཉྩ་མཱུ་ལ་ཀེ.
ཚ་མཱུ་ལ་ཀེ པ་ཋ་མ་པ་ཉྩ་ཀེ་ན ས་དྡྷིཾ ས་ཧ་ཛཱ་ཏ་པ་ཙྩ་ཡཱ་དཱི་སུ ཨེ་ཀཱུ་ན་ཝཱི་ས་ཏི་ཡཱ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན ཨེ་ཀཱུ་ན་ཝཱི་ས་ཏི ཚ་ཀྐཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ས་ཏཱ་ནི ན་ཝ པུ་ཙྪཱ་ནཾ, ཨེ་ཀ་ཏིཾ་ས ཏ་ཏོ་པ་རཱ;
པུ་ཙྪཱ ག་ཎ་ན་ཏོ ཧོ་ནྟི, ན་ཡ་མྷི ཚ་ཀྐ་མཱུ་ལ་ཀེ.
ས་ཏྟ་མཱུ་ལ་ཀེ པ་ཋ་མ་ཚ་ཀྐེ་ན ས་དྡྷིཾ ཨ་ཉྙ་མ་ཉྙ་པ་ཙྩ་ཡཱ་དཱི་སུ ཨ་ཊྛཱ་ར་ས་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན ཨ་ཊྛཱ་ར་ས ས་ཏྟ་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ས་ཏཱ་ནི ཨ་ཊྛ པུ་ཙྪཱ་ནཾ, དྭཱ་སཱི་ཏི ཙ ཏ་ཏོ་པ་རཱ;
པུ་ཙྪཱ ག་ཎ་ན་ཏོ ཧོ་ནྟི, ན་ཡ་མྷི ས་ཏྟ་མཱུ་ལ་ཀེ.
ཨ་ཊྛ་མཱུ་ལ་ཀེ པ་ཋ་མ་ས་ཏྟ་ཀེ་ན ས་དྡྷིཾ ནི་སྶ་ཡ་པ་ཙྩ་ཡཱ་དཱི་སུ ས་ཏྟ་ར་ས་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན ས་ཏྟ་ར་ས ཨ་ཊྛ་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ས་ཏཱ་ནི ཨ་ཊྛ པུ་ཙྪཱ་ནཾ, ཏེ་ཏྟིཾ་སཱ ཙ ཏ་ཏོ་པ་རཱ;
པུ་ཙྪཱ ག་ཎ་ན་ཏོ ཧོ་ནྟི, ན་ཡ་མྷི ཨ་ཊྛ་མཱུ་ལ་ཀེ.
ན་ཝ་མཱུ་ལ་ཀེ པ་ཋ་མ་ཨ་ཊྛ་ཀེ་ན ས་དྡྷིཾ ཨུ་པ་ནི་སྶ་ཡ་པ་ཙྩ་ཡཱ་དཱི་སུ སོ་ལ༹་ས་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན སོ་ལ༹་ས ན་ཝ་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ས་ཏཱ་ནི ས་ཏྟ པུ་ཙྪཱ་ནཾ, ཙ་ཏུ་རཱ་སཱི་ཏི ཏ་ཏོ་པ་རཱ;
པུ་ཙྪཱ ག་ཎ་ན་ཏོ ཧོ་ནྟི, ན་ཡ་མྷི ན་ཝ་མཱུ་ལ་ཀེ.
ད་ས་མཱུ་ལ་ཀེ པ་ཋ་མ་ན་ཝ་ཀེ་ན ས་དྡྷིཾ པུ་རེ་ཛཱ་ཏ་པ་ཙྩ་ཡཱ་དཱི་སུ པ་ནྣ་ར་ས་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན པ་ནྣ་ར་ས ད་ས་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ས་ཏཱ་ནི ས་ཏྟ པུ་ཙྪཱ་ནཾ, པ་ཉྩ་ཏིཾ་ས ཏ་ཏོ་པ་རཱ;
པུ་ཙྪཱ ག་ཎ་ན་ཏོ ཧོ་ནྟི, ན་ཡ་མྷི ད་ས་མཱུ་ལ་ཀེ.
ཨེ་ཀཱ་ད་ས་མཱུ་ལ་ཀེ པ་ཋ་མ་ད་ས་ཀེ་ན ས་དྡྷིཾ པ་ཙྪཱ་ཛཱ་ཏ་པ་ཙྩ་ཡཱ་དཱི་སུ ཙུ་དྡ་ས་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན ཙུ་དྡ་ས ཨེ་ཀཱ་ད་ས་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ཚ ས་ཏཱ་ནི ཙ པུ་ཙྪཱ་ནཾ, ཚ་ལཱ༹་སཱི་ཏི ཏ་ཏོ་པ་རཱ;
ན་ཡ་མྷི པུ་ཙྪཱ ག་ཎི་ཏཱ, ཨེ་ཀཱ་ད་ས་ཀ་མཱུ་ལ་ཀེ.
དྭཱ་ད་ས་མཱུ་ལ་ཀེ པ་ཋ་མ་ཨེ་ཀཱ་ད་ས་ཀེ་ན ས་དྡྷིཾ ཨཱ་སེ་ཝ་ན་པ་ཙྩ་ཡཱ་དཱི་སུ ཏེ་ར་ས་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན ཏེ་ར་ས དྭཱ་ད་ས་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ཚ ས་ཏཱ་ནི ཙ པུ་ཙྪཱ་ནཾ, ས་ཏྟ་ཏིཾ་ས ཏ་ཏོ་པ་རཱ;
པུ་ཙྪཱ ག་ཎ་ན་ཏོ ཧོ་ནྟི, ན་ཡེ དྭཱ་ད་ས་མཱུ་ལ་ཀེ.
ཏེ་ར་ས་མཱུ་ལ་ཀེ པ་ཋ་མ་དྭཱ་ད་ས་ཀེ་ན ས་དྡྷིཾ ཀ་མྨ་པ་ཙྩ་ཡཱ་དཱི་སུ དྭཱ་ད་ས་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན དྭཱ་ད་ས ཏེ་ར་ས་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ས་ཏཱ་ནི པ་ཉྩ པུ་ཙྪཱ་ནཾ, ཨ་ཊྛཱ་སཱི་ཏི པུ་ནཱ་པ་རཱ;
པུ་ཙྪཱ ག་ཎ་ན་ཏོ ཧོ་ནྟི, ན་ཡེ ཏེ་ར་ས་མཱུ་ལ་ཀེ.
ཙུ་དྡ་ས་མཱུ་ལ་ཀེ པ་ཋ་མ་ཏེ་ར་ས་ཀེ་ན ས་དྡྷིཾ ཝི་པཱ་ཀ་པ་ཙྩ་ཡཱ་དཱི་སུ ཨེ་ཀཱ་ད་ས་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན ཨེ་ཀཱ་ད་ས ཙུ་དྡ་ས་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ས་ཏཱ་ནི པ་ཉྩ པུ་ཙྪཱ་ནཾ, ཏིཾ་ས ཙཱ་ཐ ན་ཝཱ་པ་རཱ;
པུ་ཙྪཱ ག་ཎ་ན་ཏོ ཧོ་ནྟི, ན་ཡེ ཙུ་དྡ་ས་མཱུ་ལ་ཀེ.
པ་ནྣ་ར་ས་མཱུ་ལ་ཀེ པ་ཋ་མ་ཙུ་དྡ་ས་ཀེ་ན ས་དྡྷིཾ ཨཱ་ཧཱ་ར་པ་ཙྩ་ཡཱ་དཱི་སུ ད་ས་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན ད་ས པ་ནྣ་ར་ས་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ས་ཏཱ་ནི ཙ་ཏྟཱ་རི པུ་ཙྪཱ་ནཾ, ན་ཝུ་ཏི ཙ ཏ་ཏོ་པ་རཱ;
པུ་ཙྪཱ ག་ཎ་ན་ཏོ ཧོ་ནྟི, ན་ཡེ པ་ནྣ་ར་ས་མཱུ་ལ་ཀེ.
སོ་ལ༹་ས་མཱུ་ལ་ཀེ པ་ཋ་མ་པ་ནྣ་ར་ས་ཀེ་ན ས་དྡྷིཾ ཨི་ནྡྲི་ཡ་པ་ཙྩ་ཡཱ་དཱི་སུ ན་ཝ་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན ན་ཝ སོ་ལ༹་ས་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ས་ཏཱ་ནི ཙ་ཏྟཱ་རི ཙ་ཏྟཱ-ལཱི་སེ་ཀཱ ཙེ་ཝ པུ་ནཱ་པ་རཱ;
པུ་ཙྪཱ ག་ཎ་ན་ཏོ ཧོ་ནྟི, ན་ཡེ སོ་ལ༹་ས་མཱུ་ལ་ཀེ.
ས་ཏྟ་ར་ས་མཱུ་ལ་ཀེ པ་ཋ་མ་སོ་ལ༹་ས་ཀེ་ན ས་དྡྷིཾ ཛྷཱ་ན་པ་ཙྩ་ཡཱ་དཱི་སུ ཨ་ཊྛ་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན ཨ་ཊྛ ས་ཏྟ་ར་ས་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ས་ཏཱ་ནི ཏཱི་ཎི པུ་ཙྪཱ་ནཾ, ན་ཝུ་ཏི དྭེ པུ་ནཱ་པ་རཱ;
པུ་ཙྪཱ ག་ཎ་ན་ཏོ ཧོ་ནྟི, ན་ཡེ ས་ཏྟ་ར་ས་མཱུ་ལ་ཀེ.
ཨ་ཊྛཱ་ར་ས་མཱུ་ལ་ཀེ པ་ཋ་མ་ས་ཏྟ་ར་ས་ཀེ་ན ས་དྡྷིཾ མ་གྒ་པ་ཙྩ་ཡཱ་དཱི་སུ ས་ཏྟ་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན ས་ཏྟ ཨ་ཊྛཱ་ར་ས་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ས་ཏཱ་ནི ཏཱི་ཎི པུ་ཙྪཱ་ནཾ, ཏེ་ཙ་ཏྟཱ་རཱི་ས་མེ་ཝ ཙ;
པུ་ཙྪཱ ག་ཎ་ན་ཏོ ཧོ་ནྟི, ན་ཡེ ཨ་ཊྛཱ་ར་ས་མཱུ་ལ་ཀེ.
ཨེ་ཀཱུ་ན་ཝཱི་ས་ཏི་མཱུ་ལ་ཀེ པ་ཋ་མ་ཨ་ཊྛཱ་ར་ས་ཀེ་ན ས་དྡྷིཾ ས་མྤ་ཡུ་ཏྟ་པ་ཙྩ་ཡཱ་དཱི་སུ ཚ་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན ཚ ཨེ་ཀཱུ་ན་ཝཱི་ས་ཏི་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
དྭེ ས་ཏཱ ན་ཝུ་ཏི ཙེ་ཝ, ཙ་ཏ་སྶོ ཙ པུ་ནཱ་པ་རཱ;
པུ་ཙྪཱ ག་ཎ་ན་ཏོ ཧོ་ནྟི, ན་ཡེ ཨེ་ཀཱུ་ན་ཝཱི་ས་ཏི་ཀེ.
ཝཱི་ས་ཏི་མཱུ་ལ་ཀེ པ་ཋ་མ་ཨེ་ཀཱུ་ན་ཝཱི་ས་ཏི་ཀེ་ན ས་དྡྷིཾ ཝི་པྤ་ཡུ་ཏྟ་པ་ཙྩ་ཡཱ་དཱི་སུ པ་ཉྩ་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན པ་ཉྩ་ཝཱི་ས་ཏི་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
དྭེ ས་ཏཱ ཧོ་ནྟི པུ་ཙྪཱ་ནཾ, ཙ་ཏྟཱ་ལཱི་སཱ ཙ པ་ཉྩ ཙ;
པུ་ཙྪཱ ག་ཎ་ན་ཏོ ཧོ་ནྟི, ན་ཡེ ཝཱི་ས་ཏི་མཱུ་ལ་ཀེ.
ཨེ་ཀ་ཝཱི་ས་ཏི་མཱུ་ལ་ཀེ པ་ཋ་མ་ཝཱི་ས་ཏི་ཀེ་ན ས་དྡྷིཾ ཨ་ཏྠི་པ་ཙྩ་ཡཱ་དཱི་སུ ཙ་ཏཱུ་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན ཙ་ཏྟཱ་རོ ཨེ་ཀ་ཝཱི་ས་ཏི་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ས་ཏཾ ཚ་ན་ཝུ་ཏི ཙེ་ཝ, པུ་ཙྪཱ ཧོ་ནྟི ས་མྤི་ཎྜི་ཏཱ;
ག་ཎི་ཏཱ ལ་ཀྑ་ཎ་ཉྙཱུ་ཧི, ཨེ་ཀ་ཝཱི་ས་ཏི་ཀེ ན་ཡེ.
དྭཱ་ཝཱི་ས་ཏི་མཱུ་ལ་ཀེ པ་ཋ་མ་ཨེ་ཀ་ཝཱི་ས་ཏི་ཀེ་ན ས་དྡྷིཾ ན་ཏྠི་པ་ཙྩ་ཡཱ་དཱི་སུ ཏཱི་སུ པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན ཏ་ཡོ དྭཱ་ཝཱི་ས་ཏི་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ཙ་ཏྟཱ་ལཱི་སཱ་དྷི་ཀཾ ས་ཏཾ, ས་ཏྟ ཙེ་ཝ པུ་ནཱ་པ་རཱ;
པུ་ཙྪཱ ག་ཎ་ན་ཏོ ཧོ་ནྟི, ན་ཡེ དྭཱ་ཝཱི་ས་ཏི་མཱུ་ལ་ཀེ.
ཏེ་ཝཱི་ས་ཏི་མཱུ་ལ་ཀེ པ་ཋ་མ་དྭཱ་ཝཱི་ས་ཏི་ཀེ་ན ས་དྡྷིཾ དྭཱི་སུ ཝི་ག་ཏཱ་ཝི་ག་ཏ་པ་ཙྩ་ཡེ་སུ ཨེ་ཀ་མེ་ཀ་སྶ ཡོ་ཛ་ནཱ་ཝ་སེ་ན དྭེ ཏེ་ཝཱི་ས་ཏི་ཀཱ ཧོ་ནྟི. ཏེ་སུ ཨེ་ཀ་མེ་ཀ་སྨིཾ ཨེ་ཀཱུ་ན་པ་ཉྙཱ་སཾ ཀ་ཏྭཱ –
ཨ་ཊྛ་ན་ཝུ་ཏི་མེ་ཝི་དྷ, པུ་ཙྪཱ ག་ཎ་ན་ཏོ མ་ཏཱ;
ན་ཡ་མྷི ཏེ་ཝཱི་ས་ཏི་མེ, ཏེ་ཝཱི་ས་ཏི་ཀ་མཱུ་ལ་ཀེ.
ཙ་ཏུ་ཝཱི་ས་ཏི་མཱུ་ལ་ཀོ པ་ན ས་བྦ་པ་ཙྩ་ཡཱ་ནཾ ས་མོ་དྷཱ་ན་ཝ་སེ་ན ཝེ་དི་ཏ་བྦོ, ཏེ་ནེ་ཝ ས་བྦ་མཱུ་ལ་ཀོ་ཏི ཝུ་ཏྟོ. ཏ་ཏྠ ཨེ་ཀཱུ་ན་པ་ཉྙཱ་ས་མེ་ཝ པུ་ཙྪཱ ཧོ་ནྟཱི་ཏི ས་བྦཱ་པེ་ཏཱ ཧེ་ཏུ་པ་ཙྩ་ཡ་པ་ད་མེ་ཝ ག་ཧེ་ཏྭཱ ཨེ་ཀ་མཱུ་ལ་ཀཱ་དཱི་ནཾ ས་བྦ་མཱུ་ལ་ཀ་པ་རི་ཡོ་སཱ་ནཱ་ནཾ ཝ་སེ་ན ས་ཏྠཱ་རཱ དེ་ཝ་པ་རི་ས་ཏི ཝི་ཏྠཱ་ར་ཏོ ཝི་བྷ་ཏྟཱ པུ་ཙྪཱ ཨི་དྷ ས་ངྑེ་པེ་ན ད་སྶི་ཏཱ.
ཏཱ་སཾ པ་ན ས་བྦཱ་ས་མྤི ཨ་ཡཾ ག་ཎ་ན་པི་ཎྜོ – ཨེ་ཀ་མཱུ་ལ་ཀ་ན་ཡ་སྨི་ཉྷི ཨེ་ཀཱ་ད་ས ས་ཏཱ་ནི ཚ་ས་ཏྟ་ཏི ཙ པུ་ཙྪཱ ཨཱ་ག་ཏཱ. ཧེ་ཏུ་པ་ཙྩ་ཡ་ན་ཡེ ཏེ་ནེ་ཝ མཱུ་ལ་ཀེ་ན ཨེ་ཀཱུ་ན་པ་ཉྙཱ་སཾ ཀ་ཏྭཱ ཨི་མ་སྨིཾ ཧེ་ཏུ་པ་ཙྩ་ཡ་མཱུ་ལ་ཀེ ག་ཧེ་ཏ་བྦཱ, སེ་སཱ སེ་ས་པ་ཙྩ་ཡ་མཱུ་ལ་ཀེ་སུ པ་ཀྑི་པི་ཏ་བྦཱ. དུ་མཱུ་ལ་ཀེ ས་ཏྟ་ཝཱི་སཱ་ནི ཨེ་ཀཱ་ད་ས ས་ཏཱ་ནི, ཏི་མཱུ་ལ་ཀེ ས་ཧ་སྶཾ ཨ་ཊྛ་ས་ཏྟ་ཏི ཙ, ཙ་ཏུ་མཱུ་ལ་ཀེ ས་ཧ་སྶཾ ཨེ་ཀཱུ་ན་ཏིཾ་ས་ཉྩ, པ་ཉྩ་མཱུ་ལ་ཀེ ཨ་སཱི་ཏཱ་དྷི་ཀཱ་ནི ན་ཝ ས་ཏཱ་ནི, ཚ་མཱུ་ལ་ཀེ ཨེ་ཀ་ཏིཾ་སཱ་ནི ན་ཝ ས་ཏཱ་ནི, ས་ཏྟ་མཱུ་ལ་ཀེ དྭཱ་སཱི་ཏཱ་ནི ཨ་ཊྛ ས་ཏཱ་ནི, ཨ་ཊྛ་མཱུ་ལ་ཀེ ཏེ་ཏྟིཾ་སཱ་ནི ཨ་ཊྛ ས་ཏཱ་ནི, ན་ཝ་མཱུ་ལ་ཀེ ཙ་ཏུ་རཱ་སཱི་ཏཱ་ནི ས་ཏྟ ས་ཏཱ་ནི, ད་ས་མཱུ་ལ་ཀེ པ་ཉྩ་ཏིཾ་སཱ་ནི ས་ཏྟ ས་ཏཱ་ནི, ཨེ་ཀཱ་ད་ས་མཱུ་ལ་ཀེ ཚཱ་སཱི་ཏཱ་ནི ཚ ས་ཏཱ་ནི, དྭཱ་ད་ས་མཱུ་ལ་ཀེ ས་ཏྟ་ཏིཾ་སཱ་ནི ཚ ས་ཏཱ་ནི, ཏེ་ར་ས་མཱུ་ལ་ཀེ ཨ་ཊྛཱ་སཱི་ཏཱ་ནི པ་ཉྩ ས་ཏཱ་ནི, ཙུ་དྡ་ས་མཱུ་ལ་ཀེ ཨེ་ཀཱུ་ན་ཙ་ཏྟཱ་ལཱི་སཱ་ནི པ་ཉྩ ས་ཏཱ་ནི, པ་ནྣ་ར་ས་མཱུ་ལ་ཀེ ན་ཝུ་ཏཱ་ནི ཙ་ཏྟཱ་རི ས་ཏཱ་ནི, སོ་ལ༹་ས་མཱུ་ལ་ཀེ ཨེ་ཀ་ཙ་ཏྟཱ་ལཱི་སཱ་ནི ཙ་ཏྟཱ་རི ས་ཏྟཱ་ནི, ས་ཏྟ་ར་ས་མཱུ་ལ་ཀེ དྭཱ་ན་ཝུ་ཏཱ་ནི ཏཱི་ཎི ས་ཏཱ་ནི, ཨ་ཊྛཱ་ར་ས་མཱུ་ལ་ཀེ ཏེ་ཙ་ཏྟཱ་ལཱི་སཱ་ནི ཏཱི་ཎི ས་ཏཱ་ནི, ཨེ་ཀཱུ་ན་ཝཱི་ས་ཏི་མཱུ་ལ་ཀེ ཙ་ཏུ་ན་ཝུ་ཏཱ་ནི དྭེ ས་ཏཱ་ནི, ཝཱི་ས་ཏི་མཱུ་ལ་ཀེ པ་ཉྩ་ཙ་ཏྟཱ་ལཱི་སཱ་ནི དྭེ ས་ཏཱ་ནི, ཨེ་ཀ་ཝཱི་ས་ཏི་མཱུ་ལ་ཀེ ཚ་ན་ཝུ་ཏི་ས་ཏཾ, དྭཱ་ཝཱི་ས་ཏི་མཱུ་ལ་ཀེ ས་ཏྟ་ཙ་ཏྟཱ་ལཱི་ས་ས་ཏཾ, ཏེ་ཝཱི་ས་ཏི་མཱུ་ལ་ཀེ ཨ་ཊྛ་ན་ཝུ་ཏི, ས་བྦ་མཱུ་ལ་ཀེ ཨེ་ཀཱུ་ན་པ་ཉྙཱ་སཱ་ཏི ཨེ་ཝཾ ཧེ་ཏུ་པ་དཾ ཨཱ་དིཾ ཀ་ཏྭཱ ཝི་བྷ་ཏྟེ་སུ ཨེ་ཀ་མཱུ་ལ་ཀཱ་དཱི་སུ –
ཙུ་དྡ་སེ་ཝ ས་ཧ་སྶཱ་ནི, པུ་ན ས་ཏྟ ས་ཏཱ་ནི ཙ;
པུ་ཙྪཱ ཧེ་ཏུ་པ་ད་སྶེ་ཝ, ཨེ་ཀ་མཱུ་ལཱ་དི་བྷེ་ད་ཏོ་ཏི.
༣༩-༤༠. ཨེ་ཝཾ ཧེ་ཏུ་པ་ཙྩ་ཡཾ ཨཱ་དིཾ ཀ་ཏྭཱ ཨེ་ཀ་མཱུ་ལ་ཀ་ཏོ པ་ཊྛཱ་ཡ ཡཱ་ཝ ས་བྦ་མཱུ་ལ་ཀ་ན་ཡཱ པུ་ཙྪཱ་བྷེ་དཾ ད་སྶེ་ཏྭཱ ཨི་དཱ་ནི ཨཱ་ར་མྨ་ཎ་པ་ཙྩ་ཡཾ ཨཱ་དིཾ ཀ་ཏྭཱ ད་སྶེ་ཏུཾ སི་ཡཱ ཀུ་ས་ལཾ དྷ་མྨཾ པ་ཊི་ཙྩ ཀུ་ས་ལོ དྷ་མྨོ ཨུ་པྤ་ཛྫེ་ཡྻ ཨཱ་ར་མྨ་ཎ་པ་ཙྩ་ཡཱ ཧེ་ཏུ་པ་ཙྩ་ཡཱཏི་ཨཱ་དི་མཱ་ཧ. ཏ་ཏྠ ཨཱ་ར་མྨ་ཎ་པ་ཙྩ་ཡཱ ཧེ་ཏུ་པ་ཙྩ་ཡཱཏི ཨེ་ཏྟཱ་ཝ་ཏཱ ཨཱ་ར་མྨ་ཎ་པ་ཙྩ་ཡཾ ཨཱ་དིཾ ཀ་ཏྭཱ ཧེ་ཏུ་པ་ཙྩ་ཡ་པ་རི་ཡོ་སཱ་ནོ ཨེ་ཀ་མཱུ་ལ་ཀ་ན་ཡོ ད་སྶི་ཏོ. ཏ་ཏོ པ་རཾ ཨཱ་ར་མྨ་ཎ་པ་ཙྩ་ཡཱ ཨ་དྷི་པ་ཏི་པ་ཙྩ་ཡཱཏི དུ་ཀ་མཱུ་ལ་ཀཾ ཨཱ་ར་དྡྷཾ. ཏ་ཏྠ ཨི་མཾ པ་ཋ་མ་དུ་ཀ་ཉྩེ་ཝ ཨཱ་ར་མྨ་ཎཱ་ཝི་ག་ཏ་དུ་ཀ་ཉྩ ད་སྶེ་ཏྭཱ སེ་སཾ ས་ངྑི་ཏྟཾ. ཨཱ་ར་མྨ་ཎ་པ་ཙྩ་ཡཱ ཧེ་ཏུ་པ་ཙྩ་ཡཱཏི ཨ་ཡཾ ཨོ་སཱ་ན་དུ་ཀོ་པི ན ད་སྶི་ཏོ. ས་ཙེ པ་ན ཀ་ཏྠ་ཙི ཝཱ་ཙ་ནཱ་མ་གྒེ ས་ནྡི་སྶ་ཏི, སྭེ་ཝ ཝཱ་ཙ་ནཱ་མ་གྒོ ག་ཧེ་ཏ་བྦོ. ཏ་ཏོ པ་རཾ ཨཱ་ར་མྨ་ཎ་པ་ཙྩ་ཡ་ཝ་སེ་ན ཏི་ཀ་མཱུ་ལ་ཀཱ་ད་ཡོ ཨ་ད་སྶེ་ཏྭཱ་ཝ ཨ་དྷི་པ་ཏི་པ་ཙྩ་ཡཾ ཨཱ་དིཾ ཀ་ཏྭཱ ཨེ་ཀ་ཀཱ་ད་ཡོ ད་སྶེ་ཏུཾ ཨ་དྷི་པ་ཏི་པ་ཙྩ་ཡཱ, ཨ་ན་ནྟ་ར་པ་ཙྩ་ཡཱ, ས་མ་ན་ནྟ་ར་པ་ཙྩ་ཡཱ, ས་ཧ་ཛཱ་ཏ་པ་ཙྩ་ཡཱ, ཨ་ཉྙ་མ་ཉྙ་པ་ཙྩ་ཡཱཏི ཨེ་ཏྟ་ཀ་མེ་ཝ ཝུ་ཏྟཾ, ཏཾ ཨེ་ཀ་མཱུ་ལ་ཀ་ཝ་སེ་ན ཝཱ ས་བྦ་མཱུ་ལ་ཀ་ཝ་སེ་ན ཝཱ ཝེ་དི་ཏ་བྦཾ.
༤༡. ཏ་ཏོ པ་རཾ ཨ་ཝི་ག་ཏ་པ་ཙྩ་ཡཾ ཨཱ་དིཾ ཀ་ཏྭཱ དུ་མཱུ་ལ་ཀ་མེ་ཝ ད་སྶེ་ཏུཾ – ཨ་ཝི་ག་ཏ་པ་ཙྩ་ཡཱ ཧེ་ཏུ་པ་ཙྩ་ཡཱཏི་ཨཱ་དི ཨཱ་ར་དྡྷཾ. ཏ་ཏྠ ཨ་ཝི་ག་ཏ་ཧེ་ཏུ་དུ་ཀོ, ཨ་ཝི་ག་ཏཱ་ར་མྨ་ཎ་དུ་ཀོ, ཨ་ཝི་ག་ཏཱ་དྷི་པ་ཏི་དུ་ཀོ་ཏི པ་ཊི་པཱ་ཊི་ཡཱ ཏ་ཡོ དུ་ཀེ ཝ་ཏྭཱ པ་རི་ཡོ་སཱ་ནེ ཙ ཨ་ཝི་ག་ཏ་ཝི་ག་ཏ་དུ་ཀོ ཨེ་ཀོ དུ་ཀོ ད་སྶི་ཏོ. ཏ་ཏོ ཨ་ཝི་ག་ཏ་པ་ཙྩ་ཡ་ཝ་སེ་ནེ་ཝ ཏི་མཱུ་ལ་ཀཾ ད་སྶེ་ཏུཾ – ‘‘ཨ་ཝི་ག་ཏ་པ་ཙྩ་ཡཱ ཧེ་ཏུ་པ་ཙྩ་ཡཱ ཨཱ་ར་མྨ་ཎ་པ་ཙྩ་ཡཱ, ཨ་ཝི་ག་ཏ་པ་ཙྩ་ཡཱ ཧེ་ཏུ་པ་ཙྩ་ཡཱ ཨ་དྷི་པ་ཏི་པ་ཙྩ་ཡཱ, ཨ་ཝི་ག་ཏ་པ་ཙྩ་ཡཱ ཧེ་ཏུ་པ་ཙྩ་ཡཱ ཨ་ན་ནྟ་ར་པ་ཙྩ་ཡཱ’’ཏི ཨེ་ཝཾ པ་ཊི་པཱ་ཊི་ཡཱ ཏ་ཡོ ཏི་ཀེ ཝ་ཏྭཱ ‘‘ཨ་ཝི་ག་ཏ་པ་ཙྩ་ཡཱ ཧེ་ཏུ་པ་ཙྩ་ཡཱ ཝི་ག་ཏ་པ་ཙྩ་ཡཱ’’ཏི པ་རི་ཡོ་སཱ་ན་ཏྟི་ཀོ ཝུ་ཏྟོ. ཏ་ཏོ ཨ་ཝི་ག་ཏ་པ་ཙྩ་ཡ་ཝ་སེ་ནེ་ཝ ཙ་ཏུ་མཱུ་ལ་ཀཾ ད་སྶེ་ཏུཾ ‘‘ཨ་ཝི་ག་ཏ་པ་ཙྩ་ཡཱ ཧེ་ཏུ་པ་ཙྩ་ཡཱ ཨཱ་ར་མྨ་ཎ་པ་ཙྩ་ཡཱ ཨ་དྷི་པ་ཏི་པ་ཙྩ་ཡཱ, ཨ་ཝི་ག་ཏ་པ་ཙྩ་ཡཱ ཧེ་ཏུ་པ་ཙྩ་ཡཱ ཨཱ་ར་མྨ་ཎ་པ་ཙྩ་ཡཱ ཨ་ན་ནྟ་ར་པ་ཙྩ་ཡཱ’’ཏི དྭེ ཙ་ཏུ་ཀྐེ ཝ་ཏྭཱ ‘‘ཝི་ག་ཏ་པ་ཙྩ་ཡཱ’’ཏི པ་དཾ ཨུ་དྡྷ་རི་ཏྭཱ ཋ་པི་ཏཾ, སེ་སཾ ས་བྦཾ ས་ངྑི་ཏྟཾ. ཏ་སྶ ས་ངྑི་ཏྟ་བྷཱ་ཝཾ ད་སྶེ་ཏུཾ ‘‘ཨེ་ཀེ་ཀ་སྶ པ་ད་སྶ ཨེ་ཀ་མཱུ་ལ་ཀཾ, དུ་མཱུ་ལ་ཀཾ, ཏི་མཱུ་ལ་ཀཾ, ས་བྦ་མཱུ་ལ་ཀཾ ཨ་ས་མྨུ་ཡ྄ཧ་ནྟེ་ན ཝི་ཏྠཱ་རེ་ཏ་བྦ’’ནྟི ཝུ་ཏྟཾ. ཏ་སྨཱ ཡ་ཐཱ ཧེ་ཏུ་པ་ཙྩ་ཡཾ ཨཱ་དིཾ ཀ་ཏྭཱ ཧེ་ཏུ་ཨཱ་དི་པ་ད་ཝ་སེ་ན ཨེ་ཀ་མཱུ་ལ་ཀེ ཨེ་ཀཱ་ད་ས པུ་ཙྪཱ་ས་ཏཱ་ནི ཚ་ས་ཏྟ་ཏི ཙ པུ་ཙྪཱ…པེ… ས་བྦ་མཱུ་ལ་ཀེ ཨེ་ཀཱུ་ན་པ་ཉྙཱ་སཾ, ཨེ་ཝཾ ཨཱ་ར་མྨ་ཎ་པ་ཙྩ་ཡཱ་དཱི་སུ་པི ཨེ་ཀ་མེ་ཀཾ ཨཱ་དིཾ ཀ་ཏྭཱ ཨཱ་ར་མྨ་ཎཱ་དི་པ་ད་ཝ་སེ་ན ཨེ་ཀ་མེ་ཀ་སྶ པ་ད་སྶ ཨེ་ཀ་མཱུ་ལ་ཀེ ཨེ་ཀཱ་ད་ས པུ་ཙྪཱ་ས་ཏཱ་ནི ཚ་ས་ཏྟ་ཏི ཙ པུ་ཙྪཱ…པེ… ས་བྦ་མཱུ་ལ་ཀེ ཨེ་ཀཱུ་ན་པ་ཉྙཱ་སཱ་ཏི ཨེ་ཀེ་ཀ་སྶ པ་ད་སྶ ཨེ་ཀ་མཱུ་ལ་ཀཱ་དི་བྷེ་དེ ས་ཏྟ་ས་ཏཱ་དྷི་ཀཱ་ནི ཙུ་དྡ་ས པུ་ཙྪཱ ས་ཧ་སྶཱ་ནི ཧོ་ནྟི. ཏཱ་སཾ ས་བྦེ་སུ་པི ཙ་ཏུ་ཝཱི་ས་ཏི་ཡཱ པ་ཙྩ་ཡེ་སུ ཨ་ཡཾ ག་ཎ་ན་པ་རི་ཙྪེ་དོ –
དྭཱ་པ་ཉྙཱ་ས་ས་ཧ་སྶཱ་ན-ཊྛ་ས་ཏཱ་ནི ཏཱི་ཎི ས་ཏ་ས་ཧ་སྶཱ་ནི;
ཀུ་ས་ལ་ཏྟི་ཀ་སྶ པུ་ཙྪཱ, ཨ་ནུ་ལོ་མ་ན་ཡ་མྷི སུ་ཝི་བྷ་ཏྟཱ.
ཡ་ཐཱ ཙ ཀུ་ས་ལ་ཏྟི་ཀ་སྶ, ཨེ་ཝཾ ཝེ་ད་ནཱ་ཏྟི་ཀཱ་དཱི་ན་མྤཱི་ཏི ས་བྦེ་སུ་པི དྭཱ་ཝཱི་ས་ཏི་ཡཱ ཏི་ཀེ་སུ –
ཨེ་ཀ་ས་ཊྛི་ས་ཧ་སྶཱ་ནི, ཚ ས་ཏཱ་ནི ས་ཏྟ་ས་ཏྟ་ཏི;
ས་ཏ་ས་ཧ་སྶཱ་ནི པུ་ཙྪཱ་ནཾ, ཏི་ཀ་བྷེ་དེ པ་བྷེ་ད་ཏོ.
ས་ངྑི་ཏྟཱ ཝཱ་ཙ་ནཱ་མ་གྒེ.
དུ་ཀེ་སུ པ་ན ‘‘སི་ཡཱ ཧེ་ཏུཾ དྷ་མྨཾ པ་ཊི་ཙྩ ཧེ་ཏུ་དྷ་མྨོ ཨུ་པྤ་ཛྫེ་ཡྻ ཧེ་ཏུ་པ་ཙྩ་ཡཱ’’ཏི ཨེ་ཝཾ ཧེ་ཏུཾ པ་ཊི་ཙྩ ཧེ་ཏུ, ཧེ་ཏུཾ པ་ཊི་ཙྩ ན་ཧེ་ཏུ, ཧེ་ཏུཾ པ་ཊི་ཙྩ ཧེ་ཏུ ཙ ན་ཧེ་ཏུ ཙ, ན་ཧེ་ཏུཾ པ་ཊི་ཙྩ ན་ཧེ་ཏུ, ན་ཧེ་ཏུཾ པ་ཊི་ཙྩ ཧེ་ཏུ, ན་ཧེ་ཏུཾ པ་ཊི་ཙྩ ཧེ་ཏུ ཙ ན་ཧེ་ཏུ ཙ, ཧེ་ཏུ་ཉྩ ན་ཧེ་ཏུ་ཉྩ པ་ཊི་ཙྩ ཧེ་ཏུ, ཧེ་ཏུ་ཉྩ ན་ཧེ་ཏུ་ཉྩ པ་ཊི་ཙྩ ན་ཧེ་ཏུ, ཧེ་ཏུ་ཉྩ ན་ཧེ་ཏུ་ཉྩ པ་ཊི་ཙྩ ཧེ་ཏུ ཙ ན་ཧེ་ཏུ ཙཱ་ཏི ཨེ་ཀ་མེ་ཀ་སྨིཾ དུ་ཀེ ཧེ་ཏུ་པ་ཙྩ་ཡཱ་དཱི་སུ ཨེ་ཀ་མེ་ཀ་སྨིཾ པ་ཙྩ་ཡེ ན་ཝ པུ་ཙྪཱ ཧོ་ནྟི. ཏཱ་སུ ཧེ་ཏུ་པ་ཙྩ་ཡཾ ཨཱ་དིཾ ཀ་ཏྭཱ ཨེ་ཀ་མཱུ་ལ་ཀེ དྭེ་ས་ཏཱ་ནི སོ་ལ༹་ས ཙ པུ་ཙྪཱ ཧོ་ནྟི. ཏཱ་སུ ཧེ་ཏུ་པ་ཙྩ་ཡ་སྶེ་ཝ ཨ་ཉྙེ་ན ཨ་ས་མྨི་སྶཱ ན་ཝ པུ་ཙྪཱ ག་ཧེ་ཏ་བྦཱ, སེ་སཱ ཨ་ཊྛ ཝཱ་རེ་ན ག་ཧི་ཏཱ.
ཏཱ་སཾ དུ་ཀ་མཱུ་ལ་ཀཱ་དཱི་སུ ཏེ་ཝཱི་ས་ཏི་ཡཱ ཝཱ་རེ་སུ ཨེ་ཀེ་ཀཾ ན་ཝ་ཀཾ ཨ་པ་ནེ་ཏྭཱ ཡཱ་ཝ ས་བྦ་མཱུ་ལ་ཀཱ ཨ་ཡཾ ག་ཎ་ན་པ་རི་ཙྪེ་དོ – དུ་ཀ་མཱུ་ལ་ཀེ ཏཱ་ཝ ཨེ་ཀ་མཱུ་ལ་ཀེ ད་སྶི་ཏེ་སུ དྭཱི་སུ སོ་ལ༹་སཱ་དྷི་ཀེ་སུ པུ་ཙྪཱ་ས་ཏེ་སུ ན་ཝ ཨ་པ་ནེ་ཏྭཱ དྭེ་ས་ཏཱ་ནི ས་ཏྟ ཙ པུ་ཙྪཱ ཧོ་ནྟི, ཏ་ཏོ ན་ཝ ཨ་པ་ནེ་ཏྭཱ ཏི་མཱུ་ལ་ཀེ ཨ་ཊྛ་ན་ཝུ་ཏི་ས་ཏཾ. ཨེ་ཝཾ པུ་རི་མ་པུ་རི་མ་ཏོ ན་ཝ ན་ཝ ཨ་པ་ནེ་ཏྭཱ ཙ་ཏུ་མཱུ་ལ་ཀེ ཨེ་ཀཱུ་ན་ན་ཝུ་ཏི་ས་ཏཾ, པ་ཉྩ་མཱུ་ལ་ཀེ ཨ་སཱི་ཏི་ས་ཏཾ, ཚ་མཱུ་ལ་ཀེ ཨེ་ཀ་ས་ཏྟ་ཏི་ས་ཏཾ, ས་ཏྟ་མཱུ་ལ་ཀེ དྭཱ་ས་ཊྛི་ས་ཏཾ, ཨ་ཊྛ་མཱུ་ལ་ཀེ ཏེ་པ་ཎྞཱ་ས་ས་ཏཾ, ན་ཝ་མཱུ་ལ་ཀེ ཙ་ཏུ་ཙ་ཏྟཱ་ལཱི་ས་ས་ཏཾ, ད་ས་མཱུ་ལ་ཀེ པ་ཉྩ་ཏིཾ་ས་ས་ཏཾ, ཨེ་ཀཱ་ད་ས་མཱུ་ལ་ཀེ ཚ་བྦཱི་ས་ས་ཏཾ, དྭཱ་ད་ས་མཱུ་ལ་ཀེ ས་ཏྟ་ར་སཱ་དྷི་ཀ་ས་ཏཾ, ཏེ་ར་ས་མཱུ་ལ་ཀེ ཨ་ཊྛཱ་དྷི་ཀ་ས་ཏཾ, ཙུ་དྡ་ས་མཱུ་ལ་ཀེ ན་ཝ་ན་ཝུ་ཏི, པ་ནྣ་ར་ས་མཱུ་ལ་ཀེ ན་ཝུ་ཏི, སོ་ལ༹་ས་མཱུ་ལ་ཀེ ཨེ་ཀཱ་སཱི་ཏི, ས་ཏྟ་ར་ས་མཱུ་ལ་ཀེ དྭཱ་ས་ཏྟ་ཏི, ཨ་ཊྛཱ་ར་ས་མཱུ་ལ་ཀེ ཏེ་ས་ཊྛི, ཨེ་ཀཱུ་ན་ཝཱི་ས་ཏི་མཱུ་ལ་ཀེ ཙ་ཏུ་པ་ཉྙཱ་སཾ, ཝཱི་ས་ཏི་མཱུ་ལ་ཀེ པ་ཉྩ་ཙ་ཏྟཱ་ལཱི་སཾ, ཨེ་ཀ་ཝཱི་ས་ཏི་མཱུ་ལ་ཀེ ཚ་ཏྟིཾ་སཾ, དྭཱ་ཝཱི་ས་ཏི་མཱུ་ལ་ཀེ ས་ཏྟ་ཝཱི་ས, ཏེ་ཝཱི་ས་ཏི་མཱུ་ལ་ཀེ ཨ་ཊྛཱ་ར་ས, ས་བྦ་མཱུ་ལ་ཀེ ན་ཝཱ་ཏི. ཡ་ཐཱ པ་ནེ་ཏཱ་ནི ཧེ་ཏུ་པ་ཙྩ་ཡ་ཝ་སེ་ན ཨེ་ཀ་མཱུ་ལ་ཀེ སོ་ལ༹་སཱ་དྷི་ཀཱ་ནི དྭེ པུ་ཙྪཱ་ས་ཏཱ་ནི…པེ… ས་བྦ་མཱུ་ལ་ཀེ ན་ཝ, ཨེ་ཝཾ ཨཱ་ར་མྨ་ཎ་པ་ཙྩ་ཡཱ་དཱི་སུ་པི ཨེ་ཀ་མེ་ཀཾ ཨཱ་དིཾ ཀ་ཏྭཱ ཨཱ་ར་མྨ་ཎཱ་དི་པ་ད་ཝ་སེ་ན ཨེ་ཀེ་ཀ་སྶ པ་ད་སྶ ཨེ་ཀ་མཱུ་ལ་ཀེ སོ་ལ༹་སཱ་དྷི་ཀཱ་ནི དྭེ པུ་ཙྪཱ་ས་ཏཱ་ནི…པེ… ས་བྦ་མཱུ་ལ་ཀེ ན་ཝཱ་ཏི ཨེ་ཀེ་ཀ་སྶ པ་ད་སྶ ཨེ་ཀ་མཱུ་ལ་ཀཱ་དི་བྷེ་དེ དྭེ པུ་ཙྪཱ ས་ཧ་སྶཱ་ནི ས་ཏྟ་ས་ཏཱ་ནི ཙ པུ་ཙྪཱ ཧོ་ནྟི. ཏཱ་སཾ ས་བྦེ་སུ་པི ཙ་ཏུ་ཝཱི་ས་ཏི་ཡཱ པ་ཙྩ་ཡེ་སུ ཨ་ཡཾ ག་ཎ་ན་པ་རི་ཙྪེ་དོ –
ཙ་ཏུ་ས་ཊྛི་ས་ཧ་སྶཱ་ནི, པུ་ན ཨ་ཊྛ་ས་ཏཱ་ནི ཙ;
པུ་ཙྪཱ ཧེ་ཏུ་དུ་ཀ་སྶེ་ཝ, ཨ་ནུ་ལོ་མ་ན་ཡེ མ་ཏཱ.
ཡ་ཐཱ ཙ ཧེ་ཏུ་དུ་ཀ་སྶ, ཨེ་ཝཾ ས་ཧེ་ཏུ་ཀ་དུ་ཀཱ་དཱི་ན་མྤཱི་ཏི ས་བྦ་སྨི་མྤི དུ་ཀ་ས་ཏེ –
ས་ཊྛི ས་ཏ་ས་ཧ་སྶཱ་ནི, ཙ་ཏྟཱ་རི ཙ ཏ་ཏོ་པ་རཾ;
ཨ་སཱི་ཏི ཙ ས་ཧ་སྶཱ་ནི, པུ་ཙྪཱ དུ་ཀ་ས་ཏེ ཝི་དཱུ.
ཨ་ཡཾ ཏཱ་ཝ སུ་དྡྷི་ཀེ ཏི་ཀ་པ་ཊྛཱ་ནེ ཙེ་ཝ དུ་ཀ་པ་ཊྛཱ་ནེ ཙ པུ་ཙྪཱ་ནཾ ག་ཎ་ན་པ་རི་ཙྪེ་དོ.
ཡཾ པ་ན ཏ་ཏོ པ་རཾ དྭཱ་ཝཱི་ས་ཏི ཏི་ཀེ ག་ཧེ་ཏྭཱ དུ་ཀ་ས་ཏེ པ་ཀྑི་པི་ཏྭཱ དུ་ཀ་ཏི་ཀ་པ་ཊྛཱ་ནཾ ནཱ་མ དེ་སི་ཏཾ, ཏ་ཏྠ ‘‘སི་ཡཱ ཧེ་ཏུཾ ཀུ་ས་ལཾ དྷ་མྨཾ པ་ཊི་ཙྩ ཧེ་ཏུ ཀུ་ས་ལོ དྷ་མྨོ ཨུ་པྤ་ཛྫེ་ཡྻ ཧེ་ཏུ་པ་ཙྩ་ཡཱ’’ཏི ཨེ་ཝཾ དྭཱ་ཝཱི་ས་ཏི་ཡཱ ཏི་ཀེ་སུ ཨེ་ཀེ་ཀཾ ཏི་ཀཾ དུ་ཀཱ་ནཾ ས་ཏེ་ན ས་ཏེ་ན ས་དྡྷིཾ ཡོ་ཛེ་ཏྭཱ ད་སྶེ་ཏ་བྦཱ་ནཾ པུ་ཙྪཱ་ནཾ ཧེ་ཊྛཱ ཝུ་ཏྟ་ན་ཡེ་ན ས་བྦེ་སཾ ཨེ་ཀ་མཱུ་ལ་ཀཱ་དཱི་ནཾ ཝ་སེ་ན ག་ཧེ་ཏྭཱ པ་རི་ཙྪེ་དོ ཝེ་དི་ཏ་བྦོ.
ཡ་མྤི ཏ་ཏོ པ་རཾ དུ་ཀ་ས་ཏཾ ག་ཧེ་ཏྭཱ དྭཱ་ཝཱི་ས་ཏི་ཡཱ ཏི་ཀེ་སུ པ་ཀྑི་པི་ཏྭཱ ཏི་ཀ་དུ་ཀ་པ་ཊྛཱ་ནཾ ནཱ་མ དེ་སི་ཏཾ, ཏ་ཏྠཱ་པི ‘‘སི་ཡཱ ཀུ་ས་ལཾ ཧེ་ཏུཾ དྷ་མྨཾ པ་ཊི་ཙྩ ཀུ་ས་ལོ ཧེ་ཏུ་དྷ་མྨོ ཨུ་པྤ་ཛྫེ་ཡྻ ཧེ་ཏུ་པ་ཙྩ་ཡཱ’’ཏི ཨེ་ཝཾ དུ་ཀ་ས་ཏེ ཨེ་ཀེ་ཀཾ དུ་ཀཾ དྭཱ་ཝཱི་ས་ཏི་ཡཱ ཏི་ཀེ་ཧི ས་དྡྷིཾ ཡོ་ཛེ་ཏྭཱ ད་སྶེ་ཏ་བྦཱ་ནཾ པུ་ཙྪཱ་ནཾ ཧེ་ཊྛཱ ཝུ་ཏྟ་ན་ཡེ་ན ས་བྦེ་སཾ ཨེ་ཀ་མཱུ་ལ་ཀཱ་དཱི་ནཾ ཝ་སེ་ན ག་ཧེ་ཏྭཱ པ་རི་ཙྪེ་དོ ཝེ་དི་ཏ་བྦོ.
ཡ་མྤི ཏ་ཏོ པ་རཾ ཏི་ཀེ ཏི་ཀེ་སུ་ཡེ་ཝ པ་ཀྑི་པི་ཏྭཱ ཏི་ཀ་ཏི་ཀ་པ་ཊྛཱ་ནཾ ནཱ་མ དེ་སི་ཏཾ, ཏ་ཏྠཱ་པི ‘‘སི་ཡཱ ཀུ་ས་ལཾ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟཾ དྷ་མྨཾ པ་ཊི་ཙྩ ཀུ་ས་ལོ སུ་ཁཱ་ཡ ཝེ་ད་ནཱ་ཡ ས་མྤ་ཡུ་ཏྟོ དྷ་མྨོ ཨུ་པྤ་ཛྫེ་ཡྻ ཧེ་ཏུ་པ་ཙྩ་ཡཱ’’ཏི ཨེ་ཝཾ དྭཱ་ཝཱི་ས་ཏི་ཡཱ ཏི་ཀེ་སུ ཨེ་ཀེ་ཀཾ ཏི་ཀཾ སེ་སེ་ཧི ཨེ་ཀ་ཝཱི་ས་ཏི་ཡཱ ཏི་ཀེ་ཧི ས་དྡྷིཾ ཡོ་ཛེ་ཏྭཱ ད་སྶེ་ཏ་བྦཱ་ནཾ པུ་ཙྪཱ་ནཾ ཧེ་ཊྛཱ ཝུ་ཏྟ་ན་ཡེ་ན ས་བྦེ་སཾ ཨེ་ཀ་མཱུ་ལ་ཀཱ་དཱི་ནཾ ཝ་སེ་ན ག་ཧེ་ཏྭཱ པ་རི་ཙྪེ་དོ ཝེ་དི་ཏ་བྦོ.
ཡ་མྤི ཏ་ཏོ པ་རཾ དུ་ཀེ དུ་ཀེ་སུ་ཡེ་ཝ པ་ཀྑི་པི་ཏྭཱ དུ་ཀ་དུ་ཀ་པ་ཊྛཱ་ནཾ ནཱ་མ དེ་སི་ཏཾ, ཏ་ཏྠཱ་པི ‘‘སི་ཡཱ ཧེ་ཏུཾ ས་ཧེ་ཏུ་ཀཾ དྷ་མྨཾ པ་ཊི་ཙྩ ཧེ་ཏུ ས་ཧེ་ཏུ་ཀོ དྷ་མྨོ ཨུ་པྤ་ཛྫེ་ཡྻ ཧེ་ཏུ་པ་ཙྩ་ཡཱ’’ཏི ཨེ་ཝཾ དུ་ཀ་ས་ཏེ ཨེ་ཀེ་ཀཾ དུ་ཀཾ སེ་སེ་ཧི ན་ཝ་ན་ཝུ་ཏི་ཡཱ དུ་ཀེ་ཧི ས་དྡྷིཾ ཡོ་ཛེ་ཏྭཱ ད་སྶེ་ཏ་བྦཱ་ནཾ པུ་ཙྪཱ་ནཾ ཧེ་ཊྛཱ ཝུ་ཏྟ་ན་ཡེ་ན ས་བྦེ་སཾ ཨེ་ཀ་མཱུ་ལ་ཀཱ་དཱི་ནཾ ཝ་སེ་ན ག་ཧེ་ཏྭཱ པ་རི་ཙྪེ་དོ ཝེ་དི་ཏ་བྦོ. ཏ་ཐཱ་ག་ཏེ་ན ཧི ས་བྦ་མྤེ་ཏཾ པ་བྷེ་དཾ ད་སྶེ་ཏྭཱ་ཝ དེ་ཝ་པ་རི་སཱ་ཡ དྷ་མྨོ དེ་སི་ཏོ, དྷ་མྨ་སེ་ནཱ་པ་ཏི་སྶ པ་ན ཏེ་ན ‘‘ཨ་ཛྫ ཨི་ད་ཉྩི་ད་ཉྩ དེ་སི་ཏ’’ནྟི ས་ངྑི་པི་ཏྭཱ ན་ཡ་ད་སྶ་ན་མ་ཏྟེ་ནེ་ཝ དེ་ས་ནཱ ཨ་ཀྑཱ་ཏཱ. ཐེ་རེ་ནཱ་པི ས་ངྑི་པི་ཏྭཱ་ཝ ཝཱ་ཙ་ནཱ་མ་གྒོ པ་ཝ་ཏྟི་ཏོ, སོ ཐེ་རེ་ན པ་ཝ་ཏྟི་ཏ་ན་ཡེ་ནེ་ཝ ས་ངྒཱི་ཏི་ཀཱ་ལེ ས་ངྒ་ཧཾ ཨཱ་རོ་པི་ཏོ.
ཏཾ པ་ན་སྶ ས་ངྑེ་པ་ན་ཡཾ ད་སྶེ་ཏུཾ ཏི་ཀ་ཉྩ པ་ཊྛཱ་ན་ཝ་རནྟི ཨ་ཡཾ གཱ་ཐཱ ཋ་པི་ཏཱ. ཏ་སྶ་ཏྠོ – ཏི་ཀ་ཉྩ པ་ཊྛཱ་ན་ཝ་རནྟི པ་ཝ་རཾ ཏི་ཀ་པ་ཊྛཱ་ན་ཉྩ. དུ་ཀུ་ཏྟ་མནྟི ཨུ་ཏྟ་མཾ སེ་ཊྛཾ དུ་ཀ་པ་ཊྛཱ་ན་ཉྩ. དུ་ཀ་ཏི་ཀ་ཉྩེ་ཝཱཏི དུ་ཀ་ཏི་ཀ་པ་ཊྛཱ་ན་ཉྩ. ཏི་ཀ་དུ་ཀ་ཉྩཱཏི ཏི་ཀ་དུ་ཀ་པ་ཊྛཱ་ན་ཉྩ. ཏི་ཀ་ཏི་ཀ་ཉྩེ་ཝཱཏི ཏི་ཀ་ཏི་ཀ་པ་ཊྛཱ་ན་ཉྩ. དུ་ཀ་དུ་ཀ་ཉྩཱཏི དུ་ཀ་དུ་ཀ་པ་ཊྛཱ་ན་ཉྩ. ཚ ཨ་ནུ་ལོ་མ་མྷི ན་ཡཱ སུ་ག་མྦྷཱི་རཱཏི ཨེ་ཏེ ཏི་ཀ་པ་ཊྛཱ་ནཱ་ད་ཡོ སུ་ཊྛུ ག་མྦྷཱི་རཱ ཚ ན་ཡཱ ཨ་ནུ་ལོ་མ་མྷི ཝེ་དི་ཏ་བྦཱ་ཏི. ཏ་ཏྠ དྭེ ཨ་ནུ་ལོ་མཱ་ནི – དྷ་མྨཱ་ནུ་ལོ་མ་ཉྩ པ་ཙྩ་ཡཱ་ནུ་ལོ་མ་ཉྩ. ཏ་ཏྠ ‘‘ཀུ་ས་ལཾ དྷ་མྨཾ པ་ཊི་ཙྩ ཀུ་ས་ལོ དྷ་མྨོ’’ཏི ཨེ་ཝཾ ཨ་བྷི་དྷ་མྨ་མཱ་ཏི་ཀཱ་པ་དེ་ཧི ས་ངྒ་ཧི་ཏཱ་ནཾ དྷ་མྨཱ་ནཾ ཨ་ནུ་ལོ་མ་དེ་ས་ནཱ་ཝ་སེ་ན པ་ཝ་ཏྟཾ དྷ་མྨཱ་ནུ་ལོ་མཾ ནཱ་མ. ‘‘ཧེ་ཏུ་པ་ཙྩ་ཡཱ ཨཱ་ར་མྨ་ཎ་པ་ཙྩ་ཡཱ’’ཏི ཨེ་ཝཾ ཙ་ཏུ་ཝཱི་ས་ཏི་ཡཱ པ་ཙྩ་ཡཱ་ནཾ ཨ་ནུ་ལོ་མ་དེ་ས་ནཱ་ཝ་སེ་ན པ་ཝ་ཏྟཾ པ་ཙྩ་ཡཱ་ནུ་ལོ་མཾ ནཱ་མ.
ཏ་ཏྠ ཧེ་ཊྛཱ ཨ་ཊྛ་ཀ་ཐཱ་ཡཾ ‘‘ཏི་ཀ་ཉྩ པ་ཊྛཱ་ན་ཝ་རཾ…པེ… ཚ ཨ་ནུ་ལོ་མ་མྷི ན་ཡཱ སུ་ག་མྦྷཱི་རཱ’’ཏི ཨ་ཡཾ གཱ་ཐཱ དྷ་མྨཱ་ནུ་ལོ་མཾ ས་ནྡྷཱ་ཡ ཝུ་ཏྟཱ. ཨི་དྷ པ་ན ཨ་ཡཾ གཱ་ཐཱ ཏ་སྨིཾ དྷ་མྨཱ་ནུ་ལོ་མེ པ་ཙྩ་ཡཱ་ནུ་ལོ་མཾ ས་ནྡྷཱ་ཡ ཝུ་ཏྟཱ. ཏ་སྨཱ ‘‘ཚ ཨ་ནུ་ལོ་མ་མྷི ན་ཡཱ སུ་ག་མྦྷཱི་རཱ’’ཏི ཨ་ཊྛ་ཀ་ཐཱ་གཱ་ཐཱ་ཡ དྷ་མྨཱ་ནུ་ལོ་མེ ཏི་ཀ་པ་ཊྛཱ་ནཱ་ད་ཡོ ཚ ན་ཡཱ སུ་ག་མྦྷཱི་རཱ་ཏི ཨེ་ཝ་མ་ཏྠོ ཝེ་དི་ཏ་བྦོ. ཨི་མ་སྨིཾ པ་ནོ་ཀཱ་སེ ‘‘ཧེ་ཏུ་པ་ཙྩ་ཡཱ ཨཱ་ར་མྨ་ཎ་པ་ཙྩ་ཡཱ’’ཏི ཨེ་ཝཾ པ་ཝ་ཏྟེ པ་ཙྩ་ཡཱ་ནུ་ལོ་མེ ཨེ་ཏེ དྷ་མྨཱ་ནུ་ལོ་མེ ཏི་ཀ་པ་ཊྛཱ་ནཱ་ད་ཡོ ‘‘ཚ ན་ཡཱ སུ་ག་མྦྷཱི་རཱ’’ཏི ཨེ་ཝ་མ་ཏྠོ ཝེ་དི་ཏ་བྦོ. ཏེ་སུ ཨ་ནུ་ལོ་མེ ཏི་ཀ་པ་ཊྛཱ་ནེ ཀུ་ས་ལ་ཏྟི་ཀ་མ་ཏྟ་སྶེ་ཝ ཝ་སེ་ན ཨ་ཡཾ ཨི་མ་སྨིཾ པ་ཊི་ཙྩ་ཝཱ་ར་སྶ པ་ཎྞ་ཏྟི་ཝཱ་རེ ས་ངྑི་པི་ཏྭཱ པུ་ཙྪཱ་པ་བྷེ་དོ ད་སྶི་ཏོ. སེ་སེ་སུ པ་ན ཏི་ཀེ་སུ སེ་ས་པ་ཊྛཱ་ནེ་སུ ཙ ཨེ་ཀཱ་པི པུ་ཙྪཱ ན ད་སྶི་ཏཱ. ཏ་ཏོ པ་རེ་སུ པ་ན ས་ཧ་ཛཱ་ཏ་ཝཱ་རཱ་དཱི་སུ ཀུ་ས་ལ་ཏྟི་ཀ་སྶཱ་པི ཝ་སེ་ན པུ་ཙྪཾ ཨ་ནུ་དྡྷ་རི་ཏྭཱ ལ་བྦྷ་མཱ་ན་ཀ་ཝ་སེ་ན ཝི་སྶ་ཛྫ་ན་མེ་ཝ ད་སྶི་ཏཾ. ‘‘ཚ ཨ་ནུ་ལོ་མ་མྷི ན་ཡཱ སུ་ག་མྦྷཱི་རཱ’’ཏི ཝ་ཙ་ན་ཏོ པ་ན ཨི་མ་སྨིཾ པ་ཙྩ་ཡཱ་ནུ་ལོ་མེ ཚ་པི ཨེ་ཏེ པ་ཊྛཱ་ན་ན་ཡཱ པུ་ཙྪཱ་ཝ་སེ་ན ཨུ་དྡྷ་རི་ཏྭཱ ད་སྶེ་ཏ་བྦཱ. པ་ཊྛཱ་ནཾ ཝ་ཎྞ་ཡ་ནྟཱ་ན་ཉྷི ཨཱ་ཙ་རི་ཡཱ་ནཾ བྷཱ་རོ ཨེ་སོ་ཏི.