༡. པ་ཎྞ་ཏྟི་ཨུ་དྡེ་ས་ཝཱ་ར་ཝ་ཎྞ་ནཱ

༡. ཨི་དཱ་ནི མཱུ་ལ་ཡ་མ་ཀེ དེ་སི་ཏེ་ཡེ་ཝ ཀུ་ས་ལཱ་དི་དྷ་མྨེ ཁ་ནྡྷ་ཝ་སེ་ན ས་ངྒ་ཎྷི་ཏྭཱ མཱུ་ལ་ཡ་མ་ཀཱ་ན་ནྟ་རཾ དེ་སི་ཏ་སྶ ཁ་ནྡྷ་ཡ་མ་ཀ་སྶ ཝ་ཎྞ་ནཱ ཧོ་ཏི. ཏ་ཏྠ པཱ་ལི༹་ཝ་ཝ་ཏྠཱ་ནཾ ཏཱ་ཝ ཨེ་ཝཾ ཝེ་དི་ཏ་བྦཾ – ཨི་མ་སྨི་ཉྷི ཁ་ནྡྷ་ཡ་མ་ཀེ ཏ་ཡོ མ་ཧཱ་ཝཱ་རཱ ཧོ་ནྟི – པ་ཎྞ་ཏྟི་ཝཱ་རོ, པ་ཝ་ཏྟི་ཝཱ་རོ, པ་རི་ཉྙཱ་ཝཱ་རོ་ཏི. ཏེ་སུ པ་ཎྞ་ཏྟི་ཝཱ་རོ ཁ་ནྡྷཱ་ནཾ ནཱ་མཱ་བྷི་དྷཱ་ན་སོ་དྷ་ན་ཝ་སེ་ནེ་ཝ ག་ཏ་ཏྟཱ པ་ཎྞ་ཏྟི་ཝཱ་རོ་ཏི ཝུ་ཙྩ་ཏི. པ་ཝ་ཏྟི་ཝཱ་རོ ཏེ་ན སོ་དྷི་ཏ་ནཱ་མཱ་བྷི་དྷཱ་ནཱ་ནཾ ཁ་ནྡྷཱ་ནཾ ཨུ་པྤཱ་ད་ནི་རོ་དྷ་ཝ་སེ་ན པ་ཝ་ཏྟིཾ སོ་དྷ་ཡ་མཱ་ནོ ག་ཏོ, ཏ་སྨཱ པ་ཝ་ཏྟི་ཝཱ་རོ་ཏི ཝུ་ཙྩ་ཏི. པ་རི་ཉྙཱ་ཝཱ་རོ ཨི་མི་ནཱ་ནུ་ཀྐ་མེ་ན པ་ཝ་ཏྟཱ་ནཾ ཁ་ནྡྷཱ་ནཾ ས་ངྑེ་པེ་ནེ་ཝ ཏི་སྶོ པ་རི་ཉྙཱ དཱི་པ་ཡ་མཱ་ནོ ག་ཏོ, ཏ་སྨཱ པ་རི་ཉྙཱ་ཝཱ་རོ་ཏི ཝུ་ཙྩ་ཏི. ཏ་ཏྠ པ་ཎྞ་ཏྟི་ཝཱ་རོ ཨུ་དྡེ་ས་ནི་དྡེ་ས་ཝ་སེ་ན དྭཱི་ཧཱ་ཀཱ་རེ་ཧི ཝ་ཝ་ཏྠི་ཏོ. ཨི་ཏ་རེ་སུ ཝི་སུཾ ཨུ་དྡེ་ས་ཝཱ་རོ ན་ཏྠི. ཨཱ་དི་ཏོ པ་ཊྛཱ་ཡ པུ་ཙྪཱ་ཝི་སྶ་ཛྫ་ན་ཝ་སེ་ན ཨེ་ཀ་དྷཱ ཝ་ཝ་ཏྠི་ཏཱ. ཏ་ཏྠ པ་ཉྩ་ཀྑ་ནྡྷཱཏི་པ་དཾ ཨཱ་དིཾ ཀ་ཏྭཱ ཡཱ་ཝ ན ཁ་ནྡྷཱ, ན ས་ངྑཱ་རཱཏི པ་དཾ ཏཱ་ཝ པ་ཎྞ་ཏྟི་ཝཱ་ར་སྶ ཨུ་དྡེ་ས་ཝཱ་རོ ཝེ་དི་ཏ་བྦོ. པུ་ཙྪཱ་ཝཱ་རོ་ཏི་པི ཏ་སྶེ་ཝ ནཱ་མཾ. ཏ་ཏྠ པ་ཉྩ་ཀྑ་ནྡྷཱཏི ཨ་ཡཾ ཡ་མ་ཀ་ཝ་སེ་ན པུ་ཙྪི་ཏ་བྦཱ་ནཾ ཁ་ནྡྷཱ་ནཾ ཨུ་དྡེ་སོ. རཱུ་པ་ཀྑ་ནྡྷོ…པེ… ཝི་ཉྙཱ་ཎ་ཀྑ་ནྡྷོཏི ཏེ་ས་ཉྙེ་ཝ པ་བྷེ་ད་ཏོ ནཱ་མ་ཝ་ཝ་ཏྠཱ་ནཾ.

༢-༣. ཨི་དཱ་ནི ཨི་མེ་སཾ ཁ་ནྡྷཱ་ནཾ ཝ་སེ་ན པ་ད་སོ་དྷ་ན་ཝཱ་རོ, པ་ད་སོ་དྷ་ན་མཱུ་ལ་ཙ་ཀྐ་ཝཱ་རོ, སུ་དྡྷ་ཁ་ནྡྷ་ཝཱ་རོ, སུ་དྡྷ་ཁ་ནྡྷ་མཱུ་ལ་ཙ་ཀྐ་ཝཱ་རོ་ཏི ཙ་ཏྟཱ་རོ ན་ཡ་ཝཱ་རཱ ཧོ་ནྟི. ཏ་ཏྠ རཱུ་པཾ རཱུ་པ་ཀྑ་ནྡྷོ, རཱུ་པ་ཀྑ་ནྡྷོ རཱུ་པནྟི་ཨཱ་དི་ནཱ ན་ཡེ་ན པ་ད་མེ་ཝ སོ་དྷེ་ཏྭཱ ག་ཏོ པ་ད་སོ་དྷ་ན་ཝཱ་རོ ནཱ་མ. སོ ཨ་ནུ་ལོ་མ་པ་ཊི་ལོ་མ་ཝ་སེ་ན དུ་ཝི་དྷོ ཧོ་ཏི. ཏ་ཏྠ ཨ་ནུ་ལོ་མ་ཝཱ་རེ ‘རཱུ་པཾ རཱུ་པ་ཀྑ་ནྡྷོ, རཱུ་པ་ཀྑ་ནྡྷོ རཱུ་པ’ནྟི་ཨཱ་དཱི་ནི པ་ཉྩ ཡ་མ་ཀཱ་ནི. པ་ཊི་ལོ་མ་ཝཱ་རེ་པི ‘ན རཱུ་པཾ, ན རཱུ་པ་ཀྑ་ནྡྷོ; ན རཱུ་པ་ཀྑ་ནྡྷོ ན རཱུ་པ’ནྟི་ཨཱ་དཱི་ནི པ་ཉྩེ་ཝ. ཏ་ཏོ པ་རཾ ཏེ་ས་ཉྙེ་ཝ པ་ད་སོ་དྷ་ན་ཝཱ་རེ སོ་དྷི་ཏཱ་ནཾ ཁ་ནྡྷཱ་ནཾ ‘རཱུ་པཾ རཱུ་པ་ཀྑ་ནྡྷོ, ཁ་ནྡྷཱ ཝེ་ད་ནཱ་ཀྑ་ནྡྷོ’ཏི་ཨཱ་དི་ནཱ ན་ཡེ་ན ཨེ་ཀེ་ཀ་ཁ་ནྡྷ་མཱུ་ལ་ཀཱ་ནི ཙ་ཏྟཱ་རི ཙ་ཏྟཱ་རི ཙ་ཀྐཱ་ནི བ་ནྡྷི་ཏྭཱ ག་ཏོ པ་ད་སོ་དྷ་ན་མཱུ་ལ་ཀཱ་ནཾ ཙ་ཀྐཱ་ནཾ ཨ་ཏྠི་ཏཱ་ཡ པ་ད་སོ་དྷ་ན་མཱུ་ལ་ཙ་ཀྐ་ཝཱ་རོ ནཱ་མ. སོ་པི ཨ་ནུ་ལོ་མ་པ་ཊི་ལོ་མ་ཝ་སེ་ན དུ་ཝི་དྷོ ཧོ་ཏི. ཏ་ཏྠ ཨ་ནུ་ལོ་མ་ཝཱ་རེ ‘རཱུ་པཾ རཱུ་པ་ཀྑ་ནྡྷོ, ཁ་ནྡྷཱ ཝེ་ད་ནཱ་ཀྑ་ནྡྷོ’ཏི་ཨཱ་དཱི་ནི ཨེ་ཀེ་ཀ་ཁ་ནྡྷ་མཱུ་ལ་ཀཱ་ནི ཙ་ཏྟཱ་རི ཙ་ཏྟཱ་རི ཀ་ཏྭཱ ཝཱི་ས་ཏི ཡ་མ་ཀཱ་ནི. པ་ཊི་ལོ་མ་ཝཱ་རེ་པི ‘ན རཱུ་པཾ, ན རཱུ་པ་ཀྑ་ནྡྷོ; ན ཁ་ནྡྷཱ ན ཝེ་ད་ནཱ་ཀྑ་ནྡྷོ’ཏི་ཨཱ་དཱི་ནི ཝཱི་ས་ཏི་མེ་ཝ.

ཏ་ཏོ པ་རཾ རཱུ་པཾ ཁ་ནྡྷོ ཁ་ནྡྷཱ རཱུ་པནྟི་ཨཱ་དི་ནཱ ན་ཡེ་ན སུ་དྡྷ་ཁ་ནྡྷ་ཝ་སེ་ནེ་ཝ ག་ཏོ སུ་དྡྷ་ཁ་ནྡྷ་ཝཱ་རོ ནཱ་མ. ཏ་ཏྠ ཁ་ནྡྷཱ རཱུ་པནྟི་ཨཱ་དཱི་སུ ཁ་ནྡྷཱ རཱུ་པ་ཀྑ་ནྡྷོ, ཁ་ནྡྷཱ ཝེ་ད་ནཱ་ཀྑ་ནྡྷོ་ཏི ཨ་ཏྠོ ག་ཧེ་ཏ་བྦོ. ཀ་སྨཱ? ནི་དྡེ་ས་ཝཱ་རེ ཨེ་ཝཾ བྷཱ་ཛི་ཏ་ཏྟཱ. ཏ་ཏྠ ཧི ‘རཱུ་པཾ ཁ་ནྡྷོ་ཏི ཨཱ་མ་ནྟཱ. ཁ་ནྡྷཱ རཱུ་པ་ཀྑ་ནྡྷོ་ཏི རཱུ་པ་ཀྑ་ནྡྷོ ཁ་ནྡྷོ ཙེ་ཝ རཱུ་པ་ཀྑ་ནྡྷོ ཙ, ཨ་ཝ་སེ་སཱ ཁ་ནྡྷཱ ན རཱུ་པ་ཀྑ་ནྡྷོ’ཏི ཨེ་ཝཾ ‘ཁ་ནྡྷཱ རཱུ་པ’ནྟི་ཨཱ་དཱི་ནཾ ཁ་ནྡྷཱ རཱུ་པ་ཀྑ་ནྡྷོ་ཏི་ཨཱ་དི་ནཱ ན་ཡེ་ན པ་དཾ ཨུ་དྡྷ་རི་ཏྭཱ ཨ་ཏྠོ ཝི་བྷ་ཏྟོ. ཏེ་ནེ་ཝ ཙ ཀཱ་ར་ཎེ་ནེ་སེ སུ་དྡྷ་ཁ་ནྡྷ་ཝཱ་རོ་ཏི ཝུ་ཏྟོ. ཝ་ཙ་ན་སོ་དྷ་ནེ ཝི་ཡ ཧི ཨེ་ཏྠ ན ཝ་ཙ་ནཾ པ་མཱ་ཎཾ. ཡ་ཐཱ ཡ་ཐཱ པ་ན སུ་དྡྷ་ཁ་ནྡྷཱ ལ་བྦྷ་ནྟི, ཏ་ཐཱ ཏ་ཐཱ ཨ་ཏྠོ་ཝ པ་མཱ་ཎཾ. པ་ར་ཏོ ཨཱ་ཡ་ཏ་ན་ཡ་མ་ཀཱ་དཱི་སུ་པི ཨེ་སེ་ཝ ན་ཡོ. ཨེ་སོ་པི ཙ སུ་དྡྷ་ཁ་ནྡྷ་ཝཱ་རོ ཨ་ནུ་ལོ་མ་པ་ཊི་ལོ་མ་ཝ་སེ་ན དུ་ཝི་དྷོ ཧོ་ཏི. ཏ་ཏྠ ཨ་ནུ་ལོ་མ་ཝཱ་རེ ‘རཱུ་པཾ ཁ་ནྡྷོ ཁ་ནྡྷཱ རཱུ་པ’ནྟི་ཨཱ་དཱི་ནི པ་ཉྩ ཡ་མ་ཀཱ་ནི. པ་ཊི་ལོ་མ་ཝཱ་རེ་པི ‘ན རཱུ་པཾ ན ཁ་ནྡྷོ, ན ཁ་ནྡྷཱ ན རཱུ་པ’ནྟི་ཨཱ་དཱི་ནི པ་ཉྩེ་ཝ.

ཏ་ཏོ པ་རཾ ཏེ་ས་ཉྙེ་ཝ སུ་དྡྷ་ཁ་ནྡྷཱ་ནཾ རཱུ་པཾ ཁ་ནྡྷོ, ཁ་ནྡྷཱ ཝེ་ད་ནཱཏི་ཨཱ་དི་ནཱ ན་ཡེ་ན ཨེ་ཀེ་ཀ་ཁ་ནྡྷ་མཱུ་ལ་ཀཱ་ནི ཙ་ཏྟཱ་རི ཙ་ཏྟཱ་རི ཙ་ཀྐཱ་ནི བ་ནྡྷི་ཏྭཱ ག་ཏོ སུ་དྡྷ་ཁ་ནྡྷ་མཱུ་ལ་ཀཱ་ནཾ ཙ་ཀྐཱ་ནཾ ཨ་ཏྠི་ཏཱ་ཡ སུ་དྡྷ་ཁ་ནྡྷ་མཱུ་ལ་ཙ་ཀྐ་ཝཱ་རོ ནཱ་མ. ཏ་ཏྠ ཁ་ནྡྷཱ ཝེ་ད་ནཱཏི་ཨཱ་དཱི་སུ ཁ་ནྡྷཱ ཝེ་ད་ནཱ་ཀྑ་ནྡྷོ་ཏི་ཨཱ་དི་ནཱ ན་ཡེ་ན ཨ་ཏྠོ ཝེ་དི་ཏ་བྦོ. ཨི་ཏ་ར་ཐཱ ནི་དྡེ་ས་ཝཱ་རེ་ན ས་དྡྷིཾ ཝི་རོ་དྷོ ཧོ་ཏི. སོ་པི ཨ་ནུ་ལོ་མ་པ་ཊི་ལོ་མ་ཝ་སེ་ན དུ་ཝི་དྷོ ཧོ་ཏི. ཏ་ཏྠ ཨ་ནུ་ལོ་མ་ཝཱ་རེ ‘རཱུ་པཾ ཁ་ནྡྷོ, ཁ་ནྡྷཱ ཝེ་ད་ནཱ’ཏི་ཨཱ་དཱི་ནི ཨེ་ཀེ་ཀ་ཁ་ནྡྷ་མཱུ་ལ་ཀཱ་ནི ཙ་ཏྟཱ་རི ཙ་ཏྟཱ་རི ཀ་ཏྭཱ ཝཱི་ས་ཏི ཡ་མ་ཀཱ་ནི. པ་ཊི་ལོ་མ་ཝཱ་རེ་པི ‘ན རཱུ་པཾ, ན ཁ་ནྡྷོ, ན ཁ་ནྡྷཱ ན ཝེ་ད་ནཱ’ཏི་ཨཱ་དཱི་ནི ཝཱི་ས་ཏི་མེ་ཝ. ཨེ་ཝཾ ཏཱ་ཝ ཨེ་ཀེ་ན ཡ་མ་ཀ་ས་ཏེ་ན དྭཱི་ཧི པུ་ཙྪཱ་ས་ཏེ་ཧི ཨེ་ཀེ་ཀ་པུ་ཙྪཱ་ཡ ས་ནྣི་ཊྛཱ་ན་སཾ་ས་ཡ་ཝ་སེ་ན དྭེ དྭེ ཨ་ཏྠེ ཀ་ཏྭཱ ཙ་ཏཱུ་ཧི ཙ ཨ་ཏྠ་ས་ཏེ་ཧི པ་ཊི་མ་ཎྜི་ཏོ པ་ཎྞ་ཏྟི་ཝཱ་ར་སྶ ཨུ་དྡེ་ས་ཝཱ་རོ ཝེ་དི་ཏ་བྦོ་ཏི.

པ་ཎྞ་ཏྟི་ཨུ་དྡེ་ས་ཝཱ་ར་ཝ་ཎྞ་ནཱ.