༡. པ་ཎྞ་ཏྟི་ནི་དྡེ་ས་ཝཱ་ར་ཝ་ཎྞ་ནཱ

༢༦. ཨི་དཱ་ནི རཱུ་པཾ རཱུ་པ་ཀྑ་ནྡྷོཏི་ཨཱ་དི་ནཱ ན་ཡེ་ན ནི་དྡེ་ས་ཝཱ་རོ ཨཱ་ར་དྡྷོ. ཏ་ཏྠ རཱུ་པཾ རཱུ་པ་ཀྑ་ནྡྷོཏི ཡཾ་ཀི་ཉྩི རཱུ་པ་ནྟི ཝུ་ཙྩ་ཏི. ས་བྦཾ ཏཾ རཱུ་པཾ རཱུ་པ་ཀྑ་ནྡྷོ་ཏི ཝ་ཙ་ན་སོ་དྷ་ན་ཏྠཾ པུ་ཙྪ་ཏི. པི་ཡ་རཱུ་པཾ སཱ་ཏ་རཱུ་པཾ, རཱུ་པཾ, ན རཱུ་པ་ཀྑ་ནྡྷོཏི ཡཾ ‘པི་ཡ་རཱུ་པཾ སཱ་ཏ་རཱུ་པ’ནྟི ཨེ་ཏྠ རཱུ་པ་ནྟི ཝུ་ཏྟཾ, ཏཾ རཱུ་པ་མེ་ཝ, ན རཱུ་པ་ཀྑ་ནྡྷོ་ཏི ཨ་ཏྠོ. རཱུ་པ་ཀྑ་ནྡྷོ རཱུ་པ་ཉྩེ་ཝ རཱུ་པ་ཀྑ་ནྡྷོ ཙཱཏི ཡོ པ་ན རཱུ་པ་ཀྑ་ནྡྷོ, སོ རཱུ་པ་ནྟི་པི རཱུ་པ་ཀྑ་ནྡྷོ་ཏི་པི ཝ་ཏྟུཾ ཝ་ཊྚ་ཏཱི་ཏི ཨ་ཏྠོ. རཱུ་པ་ཀྑ་ནྡྷོ རཱུ་པནྟི ཨེ་ཏྠ པ་ན ཡ་སྨཱ རཱུ་པ་ཀྑ་ནྡྷོ ནི་ཡ་མེ་ནེ་ཝ རཱུ་པ་ནྟི ཝ་ཏྟ་བྦོ. ཏ་སྨཱ ཨཱ་མ་ནྟཱཏི ཨཱ་ཧ. ཨི་མི་ནཱ ཨུ་པཱ་ཡེ་ན ས་བྦ་ཝི་སྶ་ཛྫ་ནེ་སུ ཨ་ཏྠོ ཝེ་དི་ཏ་བྦོ. ཡོ པ་ན ཡ་ཏྠ ཝི་སེ་སོ བྷ་ཝི་སྶ་ཏི, ཏ་ཐེ་ཝ ཏཾ ཝ་ཎྞ་ཡི་སྶཱ་མ. ས་ཉྙཱ་ཡ་མ་ཀེ ཏཱ་ཝ དི་ཊྛི་ས་ཉྙཱཏི ‘པ་པ་ཉྩ་ས་ཉྙཱ’ཏི་ཨཱ་དཱི་སུ ཨཱ་ག་ཏཱ དི་ཊྛི་ས་ཉྙཱ. ས་ངྑཱ་ར་ཡ་མ་ཀེ ཨ་ཝ་སེ་སཱ ས་ངྑཱ་རཱཏི ‘ཨ་ནི་ཙྩཱ ཝ་ཏ ས་ངྑཱ་རཱ’ཏི་ཨཱ་དཱི་སུ ཨཱ་ག་ཏཱ ས་ངྑཱ་ར་ཀྑ་ནྡྷ་ཏོ ཨ་ཝ་སེ་སཱ ས་ངྑ་ཏ་དྷ་མྨཱ. པ་ཊི་ལོ་མ་ཝཱ་རེ་པི ཨེ་སེ་ཝ ན་ཡོ་ཏི.

པ་ད་སོ་དྷ་ན་ཝཱ་རོ ནི་ཊྛི་ཏོ.

༢༨. པ་ད་སོ་དྷ་ན་མཱུ་ལ་ཙ་ཀྐ་ཝཱ་རེ ཁ་ནྡྷཱ ཝེ་ད་ནཱ་ཀྑ་ནྡྷོཏི ཡེ་ཀེ་ཙི ཁ་ནྡྷཱ, ས་བྦེ ཏེ ཝེ་ད་ནཱ་ཀྑ་ནྡྷོ་ཏི པུ་ཙྪ་ཏི. སེ་ས་པུ་ཙྪཱ་སུ་པི ཨེ་སེ་ཝ ན་ཡོ. པ་ཊི་ལོ་མེ ན ཁ་ནྡྷཱ ན ཝེ་ད་ནཱ་ཀྑ་ནྡྷོཏི ཨེ་ཏྠ ཡེ པ་ཉྙ་ཏྟི་ནི་བྦཱ་ན་ས་ངྑཱ་ཏཱ དྷ་མྨཱ ཁ་ནྡྷཱ ན ཧོ་ནྟི, ཏེ ཡ་སྨཱ ཝེ་ད་ནཱ་ཀྑ་ནྡྷོ་པི ན ཧོ་ནྟི, ཏ་སྨཱ ཨཱ་མ་ནྟཱཏི ཨཱ་ཧ. སེ་ས་ཝི་སྶ་ཛྫ་ནེ་སུ་པི ཨེ་སེ་ཝ ན་ཡོ་ཏི.

པ་ད་སོ་དྷ་ན་མཱུ་ལ་ཙ་ཀྐ་ཝཱ་རོ ནི་ཊྛི་ཏོ.

༣༨. སུ་དྡྷ་ཁ་ནྡྷ་ཝཱ་རེ རཱུ་པཾ ཁ་ནྡྷོཏི ཡཾ་ཀི་ཉྩི རཱུ་པ་ནྟི ཝུ་ཏྟཾ, ས་བྦཾ ཏཾ ཁ་ནྡྷོ་ཏི པུ་ཙྪ་ཏི. ཏ་ཏྠ ཡ་སྨཱ པི་ཡ་རཱུ་པ་སཱ་ཏ་རཱུ་པ་ས་ངྑཱ་ཏཾ ཝཱ རཱུ་པཾ ཧོ་ཏུ, བྷཱུ་ཏུ་པཱ་དཱ་རཱུ་པཾ ཝཱ, ས་བྦཾ པ་ཉྩ་སུ ཁ་ནྡྷེ་སུ ས་ངྒ་ཧཾ ག་ཙྪ་ཏེ་ཝ. ཏ་སྨཱ ཨཱ་མ་ནྟཱཏི པ་ཊི་ཛཱ་ནཱ་ཏི. དུ་ཏི་ཡ་པ་དེ ‘ཁ་ནྡྷཱ རཱུ་པ’ནྟི པུ་ཙྪི་ཏ་བྦེ ཡ་སྨཱ རཱུ་པ་ནྟི་ཝ་ཙ་ནེ་ན རཱུ་པ་ཀྑ་ནྡྷོ་ཝ ཨ་དྷི་པྤེ་ཏོ, ཏ་སྨཱ ཝ་ཙ་ནཾ ཨ་ནཱ་དི་ཡི་ཏྭཱ ཨ་ཏྠ་ཝ་སེ་ན པུ་ཙྪ་ནྟོ ཁ་ནྡྷཱ རཱུ་པ་ཀྑ་ནྡྷོཏི ཨཱ་ཧ. ཨི་མི་ནཱ ན་ཡེ་ན ས་བྦ་པ་དེ་སུ ཨ་ཏྠོ ཝེ་དི་ཏ་བྦོ. པ་ར་ཏོ ཨཱ་ཡ་ཏ་ན་ཡ་མ་ཀཱ་དཱི་ནཾ ནི་དྡེ་ས་ཝཱ་རེ་པི ཨེ་སེ་ཝ ན་ཡོ. ས་ཉྙཱ ཁ་ནྡྷོཏི ཨེ་ཏྠཱ་པི དི་ཊྛི་ས་ཉྙཱ ཝཱ ཧོ་ཏུ, ས་ཉྙཱ ཨེ་ཝ ཝཱ, ས་བྦཱ་ཡ་པི ཁ་ནྡྷ་བྷཱ་ཝ་ཏོ ཨཱ་མ་ནྟཱ་ཏི ཝུ་ཏྟཾ. ས་ངྑཱ་རཱ ཁ་ནྡྷོཏི པ་དེ་པི ཨེ་སེ་ཝ ན་ཡོ. ཁ་ནྡྷ་ཝི་ནི་མུ་ཏྟ་ཀོ ཧི ས་ངྑཱ་རོ ནཱ་མ ན་ཏྠི.

༣༩. པ་ཊི་ལོ་མེ ན རཱུ་པཾ ན ཁ་ནྡྷོཏི ཡཾ དྷ་མྨ་ཛཱ་ཏཾ རཱུ་པཾ ན ཧོ་ཏི, ཏཾ ཁ་ནྡྷོ་པི ན ཧོ་ཏཱི་ཏི པུ་ཙྪ་ཏི. ཝི་སྶ་ཛྫ་ནེ པ་ན་སྶ རཱུ་པཾ ཋ་པེ་ཏྭཱ ཨ་ཝ་སེ་སཱ ཁ་ནྡྷཱ ན རཱུ་པཾ, ཁ་ནྡྷཱཏི རཱུ་པ་ཏོ ཨ་ཉྙེ ཝེ་ད་ནཱ་ད་ཡོ ཁ་ནྡྷཱ རཱུ་པ་མེ་ཝ ན ཧོ་ནྟི, ཁ་ནྡྷཱ པ་ན ཧོ་ནྟཱི་ཏི ཨ་ཏྠོ. རཱུ་པ་ཉྩ ཁ་ནྡྷེ ཙ ཋ་པེ་ཏྭཱ ཨ་ཝ་སེ་སཱཏི པ་ཉྩ་ཀྑ་ནྡྷ་ཝི་ནི་མུ་ཏྟཾ ནི་བྦཱ་ན་ཉྩེ་ཝ པ་ཉྙ་ཏྟི ཙ. ཨི་ཏོ པ་རེ་སུ་པི ‘ཨ་ཝ་སེ་སཱ’ཏི པ་དེ་སུ ཨེ་སེ་ཝ ན་ཡོ་ཏི.

སུ་དྡྷ་ཁ་ནྡྷ་ཝཱ་རོ ནི་ཊྛི་ཏོ.

༤༠-༤༤. སུ་དྡྷ་ཁ་ནྡྷ་མཱུ་ལ་ཙ་ཀྐ་ཝཱ་རེ རཱུ་པཾ ཁ་ནྡྷོཏི་ཨཱ་དཱི་ནཾ ཧེ་ཊྛཱ ཝུ་ཏྟ་ན་ཡེ་ནེ་ཝ ཨ་ཏྠོ ཝེ་དི་ཏ་བྦོ་ཏི.

སུ་དྡྷ་ཁ་ནྡྷ་མཱུ་ལ་ཙ་ཀྐ་ཝཱ་རོ ནི་ཊྛི་ཏོ.

པ་ཎྞ་ཏྟི་ནི་དྡེ་ས་ཝཱ་ར་ཝ་ཎྞ་ནཱ.