༣-༧. ཨི་སྶ་རི་ཡ་ཀཱ་མ་ཀཱ་རི་ཀཱ་ཀ་ཐཱ་ཝ་ཎྞ་ནཱ

༩༡༠-༩༡༤. ཨི་དཱ་ནི ཨི་སྶ་རི་ཡ་ཀཱ་མ་ཀཱ་རི་ཀཱ་ཀ་ཐཱ ནཱ་མ ཧོ་ཏི. ཚ་དྡ་ནྟ་ཛཱ་ཏ་ཀཱ་དཱི་ནི ས་ནྡྷཱ་ཡ ‘‘བོ་དྷི་ས་ཏྟོ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ཝི་ནི་པཱ་ཏཾ ག་ཙྪ་ཏི, ག་བྦྷ་སེ་ཡྻཾ ཨོ་ཀྐ་མ་ཏི, དུ་ཀྐ་ར་ཀཱ་རི་ཀཾ ཨ་ཀཱ་སི, ཨ་པ་ར་ནྟ་པཾ ཨ་ཀཱ་སི, ཨ་ཉྙཾ ས་ཏྠཱ་རཾ ཨུ་དྡི་སཱི’’ཏི ཡེ་སཾ ལ་དྡྷི, སེ་ཡྻ་ཐཱ་པི ཨ་ནྡྷ་ཀཱ་ནཾ, ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. སེ་སཾ པ་ཋ་མ་ཀ་ཐཱ་ཡཾ ཨུ་ཏྟཱ་ན་ཏྠ་མེ་ཝ. དུ་ཏི་ཡ་ཀ་ཐཱ་ཡཾ ཨི་དྡྷི་མཱཏི ཡ་དི ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ག་ཙྪེ་ཡྻ, ཨི་དྡྷི་ཡཱ ག་ཙྪེ་ཡྻ, ན ཀ་མྨ་ཝ་སེ་ནཱ་ཏི ཙོ་ད་ན་ཏྠཾ ཝུ་ཏྟཾ. ཨི་ཏ་རོ པ་ན པ་ཋ་མ་པ་ཉྷེ བྷཱ་ཝ་ནཱ་མ་ཡཾ ས་ནྡྷཱ་ཡ པ་ཊི་ཀྑི་པ་ཏི. དུ་ཏི་ཡ་པ་ཉྷེ པུ་ཉྙི་དྡྷིཾ ས་ནྡྷཱ་ཡ པ་ཊི་ཛཱ་ནཱ་ཏི. ཏ་ཏི་ཡ་ཀ་ཐཱ་ཡཾ ཨི་སྶ་རི་ཡ་ཀཱ་མ་ཀཱ་རི་ཀཱ་ཧེ་ཏུ ནཱ་མ དུ་ཀྐ་ར་ཀཱ་རི་ཀཱ མི་ཙྪཱ་དི་ཊྛི་ཡཱ ཀ་རི་ཡ་ཏི. ཡ་དི ཙ སོ ཏཾ ཀ་རེ་ཡྻ, ས་སྶ་ཏཱ་དཱི་ནི་པི ག་ཎྷེ་ཡྻཱ་ཏི ཙོ་ད་ན་ཏྠཾ ས་སྶ་ཏོ ལོ་ཀོཏི་ཨཱ་དི ཝུ་ཏྟཾ. ཙ་ཏུ་ཏྠ་ཀ་ཐཱ་ཡ་མྤི ཨེ་སེ་ཝ ན་ཡོ་ཏི.

ཨི་སྶ་རི་ཡ་ཀཱ་མ་ཀཱ་རི་ཀཱ་ཀ་ཐཱ་ཝ་ཎྞ་ནཱ.