༨. པ་ཏི་རཱུ་པ་ཀ་ཐཱ་ཝ་ཎྞ་ནཱ

༩༡༥-༩༡༦. ཨི་དཱ་ནི རཱ་ག་པ་ཏི་རཱུ་པ་ཀ་ཐཱ ནཱ་མ ཧོ་ཏི. ཏ་ཏྠ མེ་ཏྟཱ་ཀ་རུ་ཎཱ་མུ་དི་ཏཱ་ཡོ ས་ནྡྷཱ་ཡ ‘‘ན རཱ་གོ རཱ་ག་པ་ཏི་རཱུ་པ་ཀོ’’ཏི ཙ ཨི་སྶཱ་མ་ཙྪ་རི་ཡ་ཀུ་ཀྐུ་ཙྩཱ་ནི ས་ནྡྷཱ་ཡ ‘‘ན དོ་སོ དོ་ས་པ་ཏི་རཱུ་པ་ཀོ’’ཏི ཙ ཧ་སི་ཏུ་པྤཱ་དཾ ས་ནྡྷཱ་ཡ ‘‘ན མོ་ཧོ མོ་ཧ་པ་ཏི་རཱུ་པ་ཀོ’’ཏི ཙ དུ་མྨ་ངྐཱུ་ནཾ པུ་གྒ་ལཱ་ནཾ ནི་གྒ་ཧཾ པེ་ས་ལཱ་ནཾ བྷི་ཀྑཱུ་ནཾ ཨ་ནུ་གྒ་ཧཾ པཱ་པ་ག་ར་ཧི་ཏཾ ཀ་ལྱཱ་ཎ་པ་སཾ་སཾ ཨཱ་ཡ་སྨ་ཏོ པི་ལི་ནྡ་ཝ་ཙྪ་སྶ ཝ་ས་ལ་ཝཱ་དཾ བྷ་ག་ཝ་ཏོ ཁེ་ལཱ༹་ས་ཀ་ཝཱ་དཾ མོ་གྷ་པུ་རི་ས་ཝཱ་ད་ཉྩ ས་ནྡྷཱ་ཡ ‘‘ན ཀི་ལེ་སོ ཀི་ལེ་ས་པ་ཏི་རཱུ་པ་ཀོ’’ཏི ཙ ཡེ་སཾ ལ་དྡྷི, སེ་ཡྻ་ཐཱ་པི ཨ་ནྡྷ་ཀཱ་ནཾ; ཏེ ས་ནྡྷཱ་ཡ ས་བྦ་ཀ་ཐཱ་སུ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ཨ་ཐ ནཾ ཡ་སྨཱ ཕ་སྶཱ་དི་པ་ཏི་རཱུ་པ་ཀཱ ན་ཕ་སྶཱ་ད་ཡོ ནཱ་མ ན་ཏྠི, ཏ་སྨཱ རཱ་གཱ་དི་པ་ཏི་རཱུ་པ་ཀཱ ན་རཱ་གཱ་ད་ཡོ་པི ན་ཏྠཱི་ཏི ཙོ་དེ་ཏུཾ ཨ་ཏྠི ན ཕ་སྶོཏི་ཨཱ་དི་མཱ་ཧ. ཨི་ཏ་རོ ཏེ་སཾ ཨ་བྷཱ་ཝཱ པ་ཊི་ཀྑི་པ་ཏི. སེ་སཾ ས་བྦ་ཏྠ ཨུ་ཏྟཱ་ན་ཏྠ་མེ་ཝཱ་ཏི.

པ་ཏི་རཱུ་པ་ཀ་ཐཱ་ཝ་ཎྞ་ནཱ.