༡༡. ད་ཀྑི་ཎཱ་ཝི་སུ་དྡྷི་ཀ་ཐཱ་ཝ་ཎྞ་ནཱ

༨༠༠-༨༠༡. ཨི་དཱ་ནི ད་ཀྑི་ཎཱ་ཝི་སུ་དྡྷི་ཀ་ཐཱ ནཱ་མ ཧོ་ཏི. ཏ་ཏྠ ‘‘ཡ་དི པ་ཊི་གྒཱ་ཧ་ཀ་ཏོ ད་ཀྑི་ཎཱ ཝི་སུ་ཛ྄ཛྷེ་ཡྻ, མ་ཧ་པྥ་ལཱ བྷ་ཝེ་ཡྻ. དཱ་ཡ་ཀེ་ན དཱ་ནཾ དི་ནྣཾ, པ་ཊི་གྒཱ་ཧ་ཀེ་ན ཝི་པཱ་ཀོ ནི་བྦ་ཏྟི་ཏོ་ཏི ཨ་ཉྙོ ཨ་ཉྙ་སྶ ཀཱ་ར་ཀོ བྷ་ཝེ་ཡྻ, པ་རཾ་ཀ་ཏཾ སུ་ཁ་དུ་ཀྑཾ ཨཱ་པ་ཛྫེ་ཡྻ, ཨ་ཉྙོ ཀ་རེ་ཡྻ, ཨ་ཉྙོ པ་ཊི་སཾ་ཝེ་དེ་ཡྻ. ཏ་སྨཱ དཱ་ཡ་ཀ་ཏོ་ཝ དཱ་ནཾ ཝི་སུ་ཛ྄ཛྷ་ཏི, ནོ པ་ཊི་གྒཱ་ཧ་ཀ་ཏོ, དཱ་ཡ་ཀ་སྶེ་ཝ ཙི་ཏྟ་ཝི་སུ་དྡྷི ཝི་པཱ་ཀ་དཱ་ཡི་ཀཱ ཧོ་ཏཱི’’ཏི ཡེ་སཾ ལ་དྡྷི, སེ་ཡྻ་ཐཱ་པི ཨུ་ཏྟ་རཱ་པ་ཐ་ཀཱ་ནཾ; ཏེ ས་ནྡྷཱ་ཡ པུ་ཙྪཱ ས་ཀ་ཝཱ་དི་སྶ, པ་ཊི་ཉྙཱ ཨི་ཏ་ར་སྶ. ཨཱ་ཧུ་ནེ་ཡྻཱཏི་ཨཱ་དི ‘‘ཡ་དི པ་ཊི་གྒཱ་ཧ་ཀ་ཏོ དཱ་ནཾ ན ཝི་སུ་ཛ྄ཛྷེ་ཡྻ, ཀི་མ་སྶ ཨཱ་ཧུ་ནེ་ཡྻཱ་དི་བྷཱ་ཝོ ཀ་རེ་ཡྻཱ’’ཏི ད་སྶ་ན་ཏྠཾ ཝུ་ཏྟཾ. ཨ་ཉྙོ ཨ་ཉྙ་སྶ ཀཱ་ར་ཀོཏི ཡ་དི དཱ་ཡ་ཀ་སྶ དཱ་ན་ཙེ་ཏ་ནཱ པ་ཊི་གྒཱ་ཧ་ཀེ་ན ཀ་ཏཱ བྷ་ཝེ་ཡྻ, ཡུ་ཏྟ་རཱུ་པཾ སི་ཡཱ. ཏ་སྶ པ་ན དཱ་ན་ཙེ་ཏ་ནཱ པ་རི་སུ་དྡྷཱ པ་ཊི་གྒཱ་ཧ་ཀ་ས་ངྑཱ་ཏཾ ཝ་ཏྠུཾ པ་ཊི་ཙྩ མ་ཧཱ་ཝི་པཱ་ཀ་ཊྛེ་ན ཝི་སུ་ཛ྄ཛྷ་ཏི, ཏ་སྨཱ ཨ་ཙོ་ད་ནཱ ཨེ་སཱ ‘‘པ་ཊི་གྒཱ་ཧ་ཀ་ཏོ དཱ་ནཾ ཝི་སུ་ཛ྄ཛྷ་ཏཱི’’ཏི.

ད་ཀྑི་ཎཱ་ཝི་སུ་དྡྷི་ཀ་ཐཱ་ཝ་ཎྞ་ནཱ.

ས་ཏྟ་ར་ས་མོ ཝ་གྒོ.