༤. ག་ཡཱ་སཱི་ས་སུ་ཏྟ་ཝ་ཎྞ་ནཱ

༦༤. ཙ་ཏུ་ཏྠེ ཨེ་ཏ་ད་ཝོ་ཙཱཏི ཨ་ཏྟ་ནོ པ་དྷཱ་ན་བྷཱུ་མི་ཡཾ ཨུ་པྤ་ནྣཾ ཝི་ཏ་ཀྐཾ བྷི་ཀྑུ་ས་ངྒྷ་སྶ ཨཱ་རོ་ཙེ་ཏུཾ – ‘‘པུ་བྦཱ་ཧཾ, བྷི་ཀྑ་ཝེ’’ཏི་ཨཱ་དི་ཝ་ཙ་ནཾ ཨ་ཝོ་ཙ. ཨོ་བྷཱ་སནྟི དི་བྦ་ཙ་ཀྑུ་ཉཱ་ཎོ་བྷཱ་སཾ. ཉཱ་ཎ་ད་སྶ་ནནྟི དི་བྦ་ཙ་ཀྑུ་བྷཱུ་ཏཾ ཉཱ་ཎ་ས་ངྑཱ་ཏཾ ད་སྶ་ནཾ. ས་ནྣི་ཝུ་ཏྠ་པུ་བྦནྟི ཨེ་ཀ་ཏོ ཝ་སི་ཏ་པུ་བྦཾ. ཨི་མ་སྨིཾ པ་ན སུ་ཏྟེ དི་བྦ་ཙ་ཀྑུ་ཉཱ་ཎཾ, ཨི་དྡྷི་ཝི་དྷ་ཉཱ་ཎཾ, ཙེ་ཏོ་པ་རི་ཡ་ཉཱ་ཎཾ, ཡ་ཐཱ་ཀ་མྨུ་པ་ག་ཉཱ་ཎཾ, ཨ་ནཱ་ག་ཏཾ་ས་ཉཱ་ཎཾ, པ་ཙྩུ་པྤ་ནྣཾ་ས་ཉཱ་ཎཾ, ཨ་ཏཱི་ཏཾ་ས་ཉཱ་ཎཾ, པུ་བྦེ་ནི་ཝཱ་ས་ཉཱ་ཎ་ནྟི ཨི་མཱ་ནི ཏཱ་ཝ ཨ་ཊྛ ཉཱ་ཎཱ་ནི པཱ་ལི༹་ཡཾ་ཡེ་ཝ ཨཱ་ག་ཏཱ་ནི, ཏེ་ཧི པ་ན ས་དྡྷིཾ ཝི་པ་སྶ་ནཱ་ཉཱ་ཎཱ་ནི ཙ་ཏྟཱ་རི མ་གྒ་ཉཱ་ཎཱ་ནི, ཙ་ཏྟཱ་རི ཕ་ལ་ཉཱ་ཎཱ་ནི, ཙ་ཏྟཱ་རི པ་ཙྩ་ཝེ་ཀྑ་ཎ་ཉཱ་ཎཱ་ནི, ཙ་ཏྟཱ་རི པ་ཊི་ས་མྦྷི་དཱ་ཉཱ་ཎཱ་ནི ཚ ཨ་སཱ་དྷཱ་ར་ཎ་ཉཱ་ཎཱ་ནཱི་ཏི ཨེ་ཏཱ་ནི ཉཱ་ཎཱ་ནི ས་མོ་དྷཱ་ནེ་ཏྭཱ ཀ་ཐེ་ནྟེ་ན ཨེ་ཝཾ ཨི་དཾ སུ་ཏྟཾ ཀ་ཐི་ཏཾ ནཱ་མ ཧོ་ཏི.