༦. བྷ་ཡ་སུ་ཏྟ་ཝ་ཎྞ་ནཱ

༥༦. ཚ་ཊྛེ ག་བྦྷོཏི ག་བྦྷ་ཝཱ་སོ. དི་ཊྛ་དྷ་མྨི་ཀཱ་པཱིཏི ས་ནྡི་ཊྛི་ཀཱ ག་བྦྷ་ཝཱ་ས་ས་དི་སཱ པུ་ན་པི མ་ནུ་སྶ་ག་བྦྷཱ. ས་མྤ་རཱ་ཡི་ཀཱ་པཱིཏི ཋ་པེ་ཏྭཱ མ་ནུ་སྶ་ག་བྦྷེ སེ་ས་ག་བྦྷཱ. ཨུ་བྷ་ཡཾ ཨེ་ཏེ ཀཱ་མཱ པ་ཝུ་ཙྩ་ནྟཱིཏི བྷ་ཡ་ཉྩ དུ་ཀྑ་ཉྩ, བྷ་ཡ་ཉྩ རོ་གོ ཙ, བྷ་ཡ་ཉྩ ག་ཎྜོ ཙ, བྷ་ཡ་ཉྩ ས་ལླ་ཉྩ, བྷ་ཡ་ཉྩ ས་ངྒོ ཙ, བྷ་ཡ་ཉྩ པ་ངྐོ ཙ, བྷ་ཡ་ཉྩ ག་བྦྷོ ཙཱ་ཏི ཨེ་ཝཾ ཨུ་བྷ་ཡཾ ཨེ་ཏེ ཀཱ་མཱ པ་ཝུ་ཙྩ་ནྟི. སཱ་ཏ་རཱུ་པེ་ནཱཏི ཀཱ་མ་སུ་ཁེ་ན. པ་ལི་པ་ཐནྟི ཝ་ཊྚ་པ་ལི་པ་ཐཾ. ཨ་ཏི་ཀྐ་མྨཱཏི ཨི་མ་སྨིཾ ཋཱ་ནེ ཝི་པ་སྶ་ནཾ ཝ་ཌྜྷེ་ཏྭཱ ཨ་སྶ བྷི་ཀྑུ་ནོ ཨ་ར་ཧ་ཏྟ་པྤ་ཏྟ་བྷཱ་ཝོ ག་ཧི་ཏོ. ཨེ་ཝ་རཱུ་པཾ པ་ཛཾ ཛཱ་ཏི་ཛ་རཱུ་པེ་ཏཾ ཏཱི་སུ བྷ་ཝེ་སུ ཕ་ནྡ་མཱ་ནཾ ཨ་ཝེ་ཀྑ་ཏཱི་ཏི སུ་ཏྟེ ཝ་ཊྚཾ ཀ་ཐེ་ཏྭཱ གཱ་ཐཱ་སུ ཝི་ཝ་ཊྚཾ ཀ་ཐི་ཏ་ནྟི. ས་ཏྟ་མ་ཊྛ་མཱ་ནི ཨུ་ཏྟཱ་ན་ཏྠཱ་ནེ་ཝ.