༩. གི་ཧི་སུ་ཏྟ་ཝ་ཎྞ་ནཱ

༡༧༩. ན་ཝ་མེ སཾ་ཝུ་ཏ་ཀ་མྨ་ནྟནྟི པི་ཧི་ཏ་ཀ་མྨ་ནྟཾ. ཨཱ་བྷི་ཙེ་ཏ་སི་ཀཱ་ནནྟི ཨུ་ཏྟ་མ་ཙི་ཏྟ་ནི་སྶི་ཏཱ་ནཾ. དི་ཊྛ་དྷ་མྨ་སུ་ཁ་ཝི་ཧཱ་རཱ་ནནྟི པ་ཙྩ་ཀྑེ་ཡེ་ཝ དྷ་མྨེ པ་ཝ་ཏྟི་ཀྑ་ཎེ སུ་ཁ་ཝི་ཧཱ་རཱ་ནཾ. ཨ་རི་ཡ་ཀ་ནྟེ་ཧཱིཏི ཨ་རི་ཡཱ་ནཾ ཀ་ནྟེ་ཧི མ་གྒ་ཕ་ལ་སཱི་ལེ་ཧི.

ཨ་རི་ཡ་དྷ་མྨཾ ས་མཱ་དཱ་ཡཱཏི ཨེ་ཏྠ ཨ་རི་ཡ་དྷ་མྨོ་ཏི པ་ཉྩ སཱི་ལཱ་ནི ཀ་ཐི་ཏཱ་ནི. མེ་ར་ཡཾ ཝཱ་རུ་ཎིནྟི ཙ་ཏུ་བྦི་དྷཾ མེ་ར་ཡཾ པ་ཉྩ་ཝི་དྷ་ཉྩ སུ་རཾ. དྷ་མྨ་ཉྩཱ་ནུ་ཝི་ཏ་ཀྐ་ཡེཏི ན་ཝ་ཝི་དྷཾ ལོ་ཀུ་ཏྟ་ར་དྷ་མྨཾ ཨ་ནུ་སྶ་ཏི་ཝ་སེ་ནེ་ཝ ཝི་ཏ་ཀྐེ་ཡྻ. ཨ་བྱཱ་པ་ཛ྄ཛྷཾ ཧི་ཏཾ ཙི་ཏྟནྟི ནི་དྡུ་ཀྑཾ མེ་ཏྟཱ་དི་བྲ་ཧྨ་ཝི་ཧཱ་ར་ཙི་ཏྟཾ. དེ་ཝ་ལོ་ཀཱ་ཡ བྷཱ་ཝ་ཡེཏི བྲ་ཧྨ་ལོ་ཀ་ཏྠཱ་ཡ བྷཱ་ཝེ་ཡྻ. པུ་ཉྙ་ཏྠ་སྶ ཛི་གཱི་ས་ཏོཏི པུ་ཉྙེ་ན ཨ་ཏྠི་ཀ་སྶ པུ་ཉྙཾ ག་ཝེ་ས་ནྟ་སྶ. ས་ནྟེ་སཱུཏི བུ་དྡྷ་པ་ཙྩེ་ཀ་བུ་དྡྷ་ཏ་ཐཱ་ག་ཏ་སཱ་ཝ་ཀེ་སུ. ཝི་པུ་ལཱ ཧོ་ཏི ད་ཀྑི་ཎཱཏི ཨེ་ཝཾ དི་ནྣ་དཱ་ནཾ མ་ཧ་པྥ་ལཾ ཧོ་ཏི. ཨ་ནུ་པུ་བྦེ་ནཱཏི སཱི་ལ་པཱུ་ར་ཎཱ་དི་ནཱ ཨ་ནུ་ཀྐ་མེ་ན. སེ་སཾ ཏི་ཀ་ནི་པཱ་ཏེ ཝུ་ཏྟ་ཏྠ་མེ་ཝ.