༦. པཱི་ཏི་སུ་ཏྟ་ཝ་ཎྞ་ནཱ

༡༧༦. ཚ་ཊྛེ ཀི་ནྟི མ་ཡནྟི ཀེ་ན ནཱ་མ ཨུ་པཱ་ཡེ་ན མ་ཡཾ. པ་ཝི་ཝེ་ཀཾ པཱི་ཏིནྟི པ་ཋ་མ་དུ་ཏི་ཡ་ཛ྄ཛྷཱ་ནཱ་ནི ནི་སྶཱ་ཡ ཨུ་པྤ་ཛྫ་ན་ཀ་པཱི་ཏིཾ. ཀཱ་མཱུ་པ་སཾ་ཧི་ཏནྟི ཀཱ་མ་ནི་སྶི་ཏཾ དུ་ཝི་དྷེ ཀཱ་མེ ཨཱ་ར་བྦྷ ཨུ་པྤ་ཛྫ་ན་ཀཾ. ཨ་ཀུ་ས་ལཱུ་པ་སཾ་ཧི་ཏནྟི ‘‘མི་ག་སཱུ་ཀ་རཱ་ད་ཡོ ཝི་ཛ྄ཛྷི་སྶཱ་མཱི’’ཏི ས་རཾ ཁི་པི་ཏྭཱ ཏ་སྨིཾ ཝི་ར་དྡྷེ ‘‘ཝི་ར་དྡྷཾ མ་ཡཱ’’ཏི ཨེ་ཝཾ ཨ་ཀུ་ས་ལེ ནི་སྶཱ་ཡ ཨུ་པྤ་ཛྫ་ན་ཀཾ. ཏཱ་དི་སེ་སུ པ་ན ཋཱ་ནེ་སུ ཨ་ཝི་ར་ཛ྄ཛྷ་ནྟ་སྶ ‘‘སུ་ཊྛུ མེ ཝི་དྡྷཾ, སུ་ཊྛུ མེ པ་ཧ་ཊ’’ནྟི ཨུ་པྤ་ཛྫ་ན་ཀཾ ཨ་ཀུ་ས་ལཱུ་པ་སཾ་ཧི་ཏཾ སུ་ཁཾ སོ་མ་ན་སྶཾ ནཱ་མ. དཱ་ནཱ་དི་ཨུ་པ་ཀ་ར་ཎཱ་ནཾ ཨ་ས་མྤ་ཏྟི་ཡཱ ཨུ་པྤ་ཛྫ་མཱ་ནཾ པ་ན ཀུ་ས་ལཱུ་པ་སཾ་ཧི་ཏཾ དུ་ཀྑཾ དོ་མ་ན་སྶནྟི ཝེ་དི་ཏ་བྦཾ.