༩. ཨཱ་ན་ནྡ་ཨ་ཙྪ་རི་ཡ་སུ་ཏྟ་ཝ་ཎྞ་ནཱ

༡༢༩. ན་ཝ་མེ བྷི་ཀྑུ་པ་རི་སཱ ཨཱ་ན་ནྡཾ ད་སྶ་ནཱ་ཡཱཏི ཡེ བྷ་ག་ཝ་ནྟཾ པ་སྶི་ཏུ་ཀཱ་མཱ ཐེ་རཾ ཨུ་པ་ས་ངྐ་མ་ནྟི, ཡེ ཝཱ ‘‘ཨཱ་ཡ་སྨཱ ཀི་རཱ་ན་ནྡོ ས་མ་ནྟ་པཱ་སཱ་དི་ཀོ ཨ་བྷི་རཱུ་པོ ད་སྶ་ནཱི་ཡོ བ་ཧུ་སྶུ་ཏོ ས་ངྒྷ་སོ་བྷ་ནོ’’ཏི ཐེ་ར་སྶ གུ་ཎེ སུ་ཏྭཱ ཨཱ་ག་ཙྪ་ནྟི, ཏེ ས་ནྡྷཱ་ཡ ‘‘བྷི་ཀྑུ་པ་རི་སཱ ཨཱ་ན་ནྡཾ ད་སྶ་ནཱ་ཡ ཨུ་པ་ས་ངྐ་མ་ཏཱི’’ཏི ཝུ་ཏྟཾ. ཨེ་ས ན་ཡོ ས་བྦ་ཏྠ. ཨ་ཏྟ་མ་ནཱཏི ‘‘ས་ཝ་ནེ་ན ནོ ད་སྶ་ནཾ ས་མེ་ཏཱི’’ཏི ས་ཀ་མ་ནཱ ཏུ་ཊྛ་ཙི་ཏྟཱ. དྷ་མྨནྟི ‘‘ཀ་ཙྩི, ཨཱ་ཝུ་སོ, ཁ་མ་ནཱི་ཡཾ, ཀ་ཙྩི ཡཱ་པ་ནཱི་ཡཾ, ཀ་ཙྩི ཡོ་ནི་སོ་མ་ན་སི་ཀཱ་ར་ཀ་མྨཾ ཀ་རོ་ཐ, ཨཱ་ཙ་རི་ཡུ་པ་ཛ྄ཛྷཱ་ཡ་ཝ་ཏྟཾ པཱུ་རེ་ཐཱ’’ཏི ཨེ་ཝ་རཱུ་པཾ པ་ཊི་ས་ནྠཱ་ར་དྷ་མྨཾ. ཏ་ཏྠ བྷི་ཀྑུ་ནཱི་སུ ‘‘ཀ་ཙྩི, བྷ་གི་ནི་ཡོ, ཨ་ཊྛ ག་རུ་དྷ་མྨེ ས་མཱ་དཱ་ཡ ཝ་ཏྟ་ཐཱ’’ཏི ཨི་ད་མྤི ནཱ་ནཱ་ཀ་ར་ཎཾ ཧོ་ཏི. ཨུ་པཱ་ས་ཀེ་སུ ‘‘སྭཱ་ག་ཏཾ, ཨུ་པཱ་ས་ཀ, ན ཏེ ཀི་ཉྩི སཱི་སཾ ཝཱ ཨ་ངྒཾ ཝཱ རུ་ཛྫ་ཏི, ཨ་རོ་གཱ ཏེ པུ་ཏྟ་བྷཱ་ཏ་རོ’’ཏི ན ཨེ་ཝཾ པ་ཊི་ས་ནྠཱ་རཾ ཀ་རོ་ཏི, ཨེ་ཝཾ པ་ན ཀ་རོ་ཏི – ‘‘ཀ་ཐཾ, ཨུ་པཱ་ས་ཀཱ, ཏཱི་ཎི ས་ར་ཎཱ་ནི པ་ཉྩ སཱི་ལཱ་ནི ར་ཀྑ་ཐ, མཱ་ས་སྶ ཨ་ཊྛ ཨུ་པོ་ས་ཐེ ཀ་རོ་ཐ, མཱ་ཏཱ་པི་ཏཱུ་ནཾ ཨུ་པ་ཊྛཱ་ན་ཝ་ཏྟཾ པཱུ་རེ་ཐ, དྷ་མྨི་ཀ་ས་མ་ཎ་བྲཱ་ཧྨ་ཎེ པ་ཊི་ཛ་གྒ་ཐཱ’’ཏི. ཨུ་པཱ་སི་ཀཱ་སུ་པི ཨེ་སེ་ཝ ན་ཡོ.