༡༠. ཙ་ཀྐ་ཝ་ཏྟི་ཨ་ཙྪ་རི་ཡ་སུ་ཏྟ་ཝ་ཎྞ་ནཱ

༡༣༠. ད་ས་མེ ཁ་ཏྟི་ཡ་པ་རི་སཱཏི ཨ་བྷི་སི་ཏྟཱ ཨ་ན་བྷི་སི་ཏྟཱ ཙ ཁ་ཏྟི་ཡཱ. ཏེ ཧི ཀི་ར ‘‘རཱ་ཛཱ ཙ་ཀྐ་ཝ་ཏྟཱི ནཱ་མ ཨ་བྷི་རཱུ་པོ པཱ་སཱ་དི་ཀོ ཧོ་ཏི, ཨཱ་ཀཱ་སེ་ན ཝི་ཙ་ར་ནྟོ ར་ཛྫཾ ཨ་ནུ་སཱ་ས་ཏི, དྷ་མྨི་ཀོ དྷ་མྨ་རཱ་ཛཱ’’ཏི ཏ་སྶ གུ་ཎ་ཀ་ཐཾ སུ་ཏྭཱ ས་ཝ་ནེ་ན ད་སྶ་ན་མྷི ས་མེ་ནྟེ ཨ་ཏྟ་མ་ནཱ ཧོ་ནྟི. བྷཱ་ས་ཏཱིཏི ‘‘ཀ་ཐཾ, ཏཱ་ཏཱ, རཱ་ཛ་དྷ་མྨཾ པཱུ་རེ་ཐ, པ་ཝེ་ཎིཾ ར་ཀྑ་ཐཱ’’ཏི པ་ཊི་ས་ནྠཱ་རཾ ཀ་རོ་ཏི. བྲཱ་ཧྨ་ཎེ་སུ པ་ན ‘‘ཀ་ཐ་ཉྩ, ཨཱ་ཙ་རི་ཡཱ, མ་ནྟེ ཝཱ་ཙེ་ཐ, ཨ་ནྟེ་ཝཱ་སི་ཀཱ མ་ནྟེ ག་ཎྷ་ནྟི, ད་ཀྑི་ཎཾ ཝཱ ཝ་ཏྠཱ་ནི ཝཱ སཱི་ལཾ ཝཱ ལ་བྷ་ཐཱ’’ཏི ཨེ་ཝཾ པ་ཊི་ས་ནྠཱ་རཾ ཀ་རོ་ཏི. ག་ཧ་པ་ཏཱི་སུ ‘‘ཀ་ཐཾ, ཏཱ་ཏཱ, ན ཝོ རཱ་ཛ་ཀུ་ལ་ཏོ ད་ཎྜེ་ན ཝཱ བ་ནྡྷ་ནེ་ན ཝཱ པཱི་ལཱ༹ ཨ་ཏྠི, ས་མྨཱ དེ་ཝོ དྷཱ་རཾ ཨ་ནུ་པྤ་ཝེ་ཙྪ་ཏི, ས་སྶཱ་ནི ས་མྤ་ཛྫ་ནྟཱི’’ཏི ཨེ་ཝཾ པ་ཊི་ས་ནྠཱ་རཾ ཀ་རོ་ཏི. ས་མ་ཎེ་སུ ‘‘ཀ་ཐཾ, བྷ་ནྟེ, ཀ་ཙྩི པ་བྦ་ཛི་ཏ་པ་རི་ཀྑཱ་རཱ སུ་ལ་བྷཱ, ས་མ་ཎ་དྷ་མྨེ ན་པྤ་མ་ཛྫ་ཐཱ’’ཏི ཨེ་ཝཾ པ་ཊི་ས་ནྠཱ་རཾ ཀ་རོ་ཏཱི་ཏི.

བྷ་ཡ་ཝ་གྒོ ཏ་ཏི་ཡོ.