༡༠. ཨུ་པ་ཀྐི་ལེ་ས་སུ་ཏྟ་ཝ་ཎྞ་ནཱ

༥༠. ད་ས་མེ ཨུ་པ་ཀྐི་ལེ་སཱཏི ཝི་རོ་ཙི་ཏུཾ ཨ་ད་ཏྭཱ ཨུ་པ་ཀྐི་ལི་ཊྛ་བྷཱ་ཝ་ཀ་ར་ཎེ་ན ཨུ་པ་ཀྐི་ལེ་སཱ. མ་ཧི་ཀཱཏི ཧི་མཾ. དྷཱུ་མོ ར་ཛོཏི དྷཱུ་མོ ཙ ར་ཛོ ཙ. རཱ་ཧཱུཏི པུ་རི་མཱ ཏ་ཡོ ཨ་ས་མྤ་ཏྟ་ཨུ་པ་ཀྐི་ལེ་སཱ, རཱ་ཧུ པ་ན ས་མྤ་ཏྟ་ཨུ་པ་ཀྐི་ལེ་ས་ཝ་སེ་ན ཀ་ཐི་ཏོ་ཏི ཝེ་དི་ཏ་བྦོ. ས་མ་ཎ་བྲཱ་ཧྨ་ཎཱ ན ཏ་པ་ནྟི ན བྷཱ་ས་ནྟི ན ཝི་རོ་ཙ་ནྟཱིཏི གུ་ཎ་པྤ་ཏཱ་པེ་ན ན ཏ་པ་ནྟི, གུ་ཎོ་བྷཱ་སེ་ན ན བྷཱ་ས་ནྟི, གུ་ཎ་ཝི་རོ་ཙ་ནེ་ན ན ཝི་རོ་ཙ་ནྟི. སུ་རཱ་མེ་ར་ཡ་པཱ་ནཱ ཨ་པྤ་ཊི་ཝི་ར་ཏཱཏི པ་ཉྩ་ཝི་དྷཱ་ཡ སུ་རཱ་ཡ ཙ་ཏུ་བྦི་དྷ་སྶ མེ་ར་ཡ་སྶ ཙ པཱ་ན་ཏོ ཨ་ཝི་ར་ཏཱ.

ཨ་ཝི་ཛྫཱ་ནི་ཝུ་ཏཱཏི ཨ་ཝི་ཛྫཱ་ཡ ནི་ཝཱ་རི་ཏཱ པི་ཧི་ཏཱ. པི་ཡ་རཱུ་པཱ་བྷི་ན་ནྡི་ནོཏི པི་ཡ་རཱུ་པཾ སཱ་ཏ་རཱུ་པཾ ཨ་བྷི་ན་ནྡ་མཱ་ནཱ ཏུ་སྶ་མཱ་ནཱ. སཱ་དི་ཡ་ནྟཱིཏི ག་ཎྷ་ནྟི. ཨ་ཝི་དྡ་སཱུཏི ཨ་ནྡྷ་བཱ་ལཱ. ས་ནེ་ཏྟི་ཀཱཏི ཏ་ཎྷཱ་ཡོ་ཏྟེ་ནེ་ཝ ས་ཡོ་ཏྟཱ. ཀ་ཊ་སིནྟི ཨ་ཏྟ་བྷཱ་ཝཾ. གྷོ་རནྟི ཀ་ཀྑ་ལ༹ཾ. ཨི་མ་སྨིཾ སུ་ཏྟེ་པི གཱ་ཐཱ་སུ་པི ཝ་ཊྚ་མེ་ཝ ཀ་ཐི་ཏ་ནྟི.

རོ་ཧི་ཏ་སྶ་ཝ་གྒོ པ་ཉྩ་མོ.