༡༠. ཨུ་དཱ་ཡི་སུ་ཏྟ་ཝ་ཎྞ་ནཱ

༤༠. ད་ས་མེ ཨ་བྷི་ས་ངྑ་ཏནྟི རཱ་སི་ཀ་ཏཾ. ནི་རཱ་ར་མྦྷནྟི པཱ་ཎ་ས་མཱ་ར་མྦྷ་ར་ཧི་ཏཾ. ཡ་ཉྙནྟི དེ་ཡྻ་དྷ་མྨཾ. ཏ་ཉྷི ཡ་ཛི་ཏ་བྦ་ཏྟཱ ཡ་ཉྙ་ནྟི ཝུ་ཙྩ་ཏི. ཀཱ་ལེ་ནཱཏི ཡུ་ཏྟ་པྤ་ཏྟ་ཀཱ་ལེ་ན. ཨུ་པ་སཾ་ཡ་ནྟཱིཏི ཨུ་པ་ག་ཙྪ་ནྟི. ཀུ་ལཾ ག་ཏིནྟི ཝ་ཊྚ་ཀུ་ལ་ཉྩེ་ཝ ཝ་ཊྚ་ག་ཏི་ཉྩ ཨ་ཏི་ཀྐ་ནྟཱ. ཡ་ཉྙ་སྶ ཀོ་ཝི་དཱཏི ཙ་ཏུ་བྷཱུ་མ་ཀ་ཡ་ཉྙེ ཀུ་ས་ལཱ. ཡ་ཉྙེཏི པ་ཀ་ཏི་དཱ་ནེ. ས་དྡྷེཏི མ་ཏ་ཀ་དཱ་ནེ. ཧ་བྱཾ ཀ་ཏྭཱཏི ཧུ་ནི་ཏ་བྦཾ དེ་ཡྻ་དྷ་མྨཾ ཨུ་པ་ཀ་པྤེ་ཏྭཱ. སུ་ཁེ་ཏྟེ བྲ་ཧྨ་ཙཱ་རི་སཱུཏི བྲ་ཧྨ་ཙཱ་རི་ས་ངྑཱ་ཏེ སུ་ཁེ་ཏྟ་མྷཱི་ཏི ཨ་ཏྠོ. སུ་པྤ་ཏྟནྟི སུ་ཊྛུ པ་ཏྟཾ. ད་ཀྑི་ཎེ་ཡྻེ་སུ ཡཾ ཀ་ཏནྟི ཡཾ ད་ཀྑི་ཎཱ་ཡ ཨ་ནུ་ཙྪ་ཝི་ཀེ་སུ ཨུ་པ་ཀ་པྤི་ཏཾ, ཏཾ སུ་ཧུ་ཏཾ སུ་ཡི་ཊྛཾ སུ་པྤ་ཏྟ་ནྟི ཨ་ཏྠོ. ས་དྡྷོཏི བུ་དྡྷ་དྷ་མྨ་ས་ངྒྷ་གུ་ཎཱ་ནཾ ས་དྡ་ཧ་ན་ཏཱ་ཡ ས་དྡྷོ. མུ་ཏྟེ་ན ཙེ་ཏ་སཱཏི ཝི་སྶ་ཊྛེ་ན ཙི་ཏྟེ་ན. ཨི་མི་ནཱ་སྶ མུ་ཏྟ་ཙཱ་གཾ དཱི་པེ་ཏཱི་ཏི.

ཙ་ཀྐ་ཝ་གྒོ ཙ་ཏུ་ཏྠོ.