༦. ཀ་ཊུ་ཝི་ཡ་སུ་ཏྟ་ཝ་ཎྞ་ནཱ

༡༢༩. ཚ་ཊྛེ གོ་ཡོ་ག་པི་ལ་ཀྑ་སྨིནྟི གཱ་ཝཱི་ནཾ ཝི་ཀྐ་ཡ་ཊྛཱ་ནེ ཨུ་ཊྛི་ཏ་པི་ལ་ཀྑ་སྶ ས་ནྟི་ཀེ. རི་ཏྟ་སྶཱ་དནྟི ཛྷཱ་ན་སུ་ཁཱ་བྷཱ་ཝེ་ན རི་ཏྟ་སྶཱ་དཾ. བཱ་ཧི་ར་སྶཱ་དནྟི ཀཱ་མ་གུ་ཎ་སུ་ཁ་ཝ་སེ་ན བཱ་ཧི་ར་སྶཱ་དཾ. ཀ་ཊུ་ཝི་ཡནྟི ཨུ་ཙྪི་ཊྛཾ. ཨཱ་མ་ག་ནྡྷེ་ནཱཏི ཀོ་དྷ་ས་ངྑཱ་ཏེ་ན ཝི་སྶ་ག་ནྡྷེ་ན. ཨ་ཝ་སྶུ་ཏནྟི ཏི་ནྟཾ. མ་ཀྑི་ཀཱཏི ཀི་ལེ་ས་མ་ཀྑི་ཀཱ. ནཱ་ནུ་པ་ཏི་སྶ་ནྟཱིཏི ཨུ་ཊྛཱ་ཡ ན ཨ་ནུ་བ་ནྡྷི་སྶ་ནྟི. ནཱ་ནྭཱ་སྶ་ཝི་སྶ་ནྟཱིཏི ཨ་ནུ་བ་ནྡྷི་ཏྭཱ ན ཁཱ་དི་སྶ་ནྟི. སཾ་ཝེ་ག་མཱ་པཱ་དཱིཏི སོ་ཏཱ་པ་ནྣོ ཛཱ་ཏོ.

ཀ་ཊུ་ཝི་ཡ་ཀ་ཏོཏི ཨུ་ཙྪི་ཊྛ་ཀ་ཏོ. ཨཱ་ར་ཀཱ ཧོ་ཏཱིཏི དཱུ་རེ ཧོ་ཏི. ཝི་གྷཱ་ཏ་སྶེ་ཝ བྷཱ་ག་ཝཱཏི དུ་ཀྑ་སྶེ་ཝ བྷཱ་གཱི. ཙ་རེ་ཏཱིཏི ཙ་ར་ཏི ག་ཙྪ་ཏི. དུ་མྨེ་དྷོཏི དུ་པྤ་ཉྙོ. ཨི་མ་སྨིཾ སུ་ཏྟེ ཝ་ཊྚ་མེ་ཝ ཀ་ཐི་ཏཾ, གཱ་ཐཱ་སུ ཝ་ཊྚ་ཝི་ཝ་ཊྚཾ ཀ་ཐི་ཏ་ནྟི. ས་ཏྟ་མེ ཝ་ཊྚ་མེ་ཝ བྷཱ་སི་ཏཾ.