(༣༥. ཀ) ཨ་ཡོ་ནི་སོ མ་ན་སི་ཀཱ་རོ

༩༣༦. ཏ་ཏྠ ཀ་ཏ་མོ ཨ་ཡོ་ནི་སོ མ་ན་སི་ཀཱ་རོ? ཨ་ནི་ཙྩེ ‘‘ནི་ཙྩ’’ནྟི ཨ་ཡོ་ནི་སོ མ་ན་སི་ཀཱ་རོ, དུ་ཀྑེ ‘‘སུ་ཁ’’ནྟི ཨ་ཡོ་ནི་སོ མ་ན་སི་ཀཱ་རོ, ཨ་ན་ཏྟ་ནི ‘‘ཨ་ཏྟཱ’’ཏི ཨ་ཡོ་ནི་སོ མ་ན་སི་ཀཱ་རོ, ཨ་སུ་བྷེ ‘‘སུ་བྷ’’ནྟི ཨ་ཡོ་ནི་སོ མ་ན་སི་ཀཱ་རོ, ས་ཙྩ་ཝི་པྤ་ཊི་ཀུ་ལེ་ན ཝཱ ཙི་ཏྟ་སྶ ཨཱ་ཝ་ཊྚ་ནཱ ཨ་ནཱ་ཝ་ཊྚ་ནཱ ཨཱ་བྷོ་གོ ས་མ་ནྣཱ་ཧཱ་རོ མ་ན་སི་ཀཱ་རོ – ཨ་ཡཾ ཝུ་ཙྩ་ཏི ‘‘ཨ་ཡོ་ནི་སོ མ་ན་སི་ཀཱ་རོ’’.

(ཁ) ཀུ་མྨ་གྒ་སེ་ཝ་ནཱ

ཏ་ཏྠ ཀ་ཏ་མཱ ཀུ་མྨ་གྒ་སེ་ཝ་ནཱ? ཏ་ཏྠ ཀ་ཏ་མོ ཀུ་མྨ་གྒོ? མི་ཙྪཱ་དི་ཊྛི, མི་ཙྪཱ་ས་ངྐ་པྤོ, མི་ཙྪཱ་ཝཱ་ཙཱ, མི་ཙྪཱ་ཀ་མྨ་ནྟོ, མི་ཙྪཱ་ཨཱ་ཛཱི་ཝོ, མི་ཙྪཱ་ཝཱ་ཡཱ་མོ, མི་ཙྪཱ་ས་ཏི, མི་ཙྪཱ་ས་མཱ་དྷི – ཨ་ཡཾ ཝུ་ཙྩ་ཏི ‘‘ཀུ་མྨ་གྒོ’’. ཡཱ ཨི་མ་སྶ ཀུ་མྨ་གྒ་སྶ སེ་ཝ་ནཱ ནི་སེ་ཝ་ནཱ སཾ་སེ་ཝ་ནཱ བྷ་ཛ་ནཱ ས་མྦྷ་ཛ་ནཱ བྷ་ཏྟི ས་མྦྷ་ཏྟི ཏཾ་ས་མྤ་ཝ་ངྐ་ཏཱ – ཨ་ཡཾ ཝུ་ཙྩ་ཏི ‘‘ཀུ་མྨ་གྒ་སེ་ཝ་ནཱ’’.

(ག) ཙེ་ཏ་སོ ཙ ལཱི་ན་ཏྟཾ

ཏ་ཏྠ ཀ་ཏ་མཾ ཙེ་ཏ་སོ ཙ ལཱི་ན་ཏྟཾ? ཡཱ ཙི་ཏྟ་སྶ ཨ་ཀ་ལྱ་ཏཱ ཨ་ཀ་མྨ་ཉྙ་ཏཱ ཨོ་ལཱི་ཡ་ནཱ ས་ལླཱི་ཡ་ནཱ ལཱི་ནཾ ལཱི་ཡ་ནཱ ལཱི་ཡི་ཏ་ཏྟཾ ཐི་ནཾ ཐི་ཡ་ནཱ ཐི་ཡི་ཏ་ཏྟཾ ཙི་ཏྟ་སྶ – ཨི་དཾ ཝུ་ཙྩ་ཏི ‘‘ཙེ་ཏ་སོ ཙ ལཱི་ན་ཏྟཾ’’.

ཏི་ཀཾ.