༡༧. ཁུ་དྡ་ཀ་ཝ་ཏྠུ་ཝི་བྷ་ངྒོ
༡. ཨེ་ཀ་ཀ་མཱ་ཏི་ཀཱ
༨༣༢. (༡)ཛཱ་ཏི་མ་དོ (༢)གོ་ཏྟ་མ་དོ (༣)ཨཱ་རོ་གྱ་མ་དོ (༤)ཡོ་བྦ་ན་མ་དོ (༥)ཛཱི་ཝི་ཏ་མ་དོ (༦)ལཱ་བྷ་མ་དོ (༧)ས་ཀྐཱ་ར་མ་དོ (༨) ག་རུ་ཀཱ་ར་མ་དོ (༩) པུ་རེ་ཀྑཱ་ར་མ་དོ (༡༠) པ་རི་ཝཱ་ར་མ་དོ (༡༡) བྷོ་ག་མ་དོ (༡༢) ཝ་ཎྞ་མ་དོ (༡༣) སུ་ཏ་མ་དོ (༡༤) པ་ཊི་བྷཱ་ན་མ་དོ (༡༥) ར་ཏྟ་ཉྙུ་མ་དོ (༡༦) པི་ཎྜ་པཱ་ཏི་ཀ་མ་དོ (༡༧) ཨ་ན་ཝ་ཉྙཱ་ཏ་མ་དོ (༡༨) ཨི་རི་ཡཱ་པ་ཐ་མ་དོ (༡༩) ཨི་དྡྷི་མ་དོ (༢༠) ཡ་ས་མ་དོ (༢༡) སཱི་ལ་མ་དོ (༢༢) ཛྷཱ་ན་མ་དོ (༢༣) སི་པྤ་མ་དོ (༢༤) ཨཱ་རོ་ཧ་མ་དོ (༢༥) པ་རི་ཎཱ་ཧ་མ་དོ (༢༦) ས་ཎྛཱ་ན་མ་དོ (༢༧) པཱ་རི་པཱུ་རི་མ་དོ (༢༨)མ་དོ (༢༩) པ་མཱ་དོ (༣༠) ཐ་མྦྷོ (༣༡) སཱ་ར་མྦྷོ (༣༢) ཨ་ཏྲི་ཙྪ་ཏཱ (༣༣)མ་ཧི་ཙྪ་ཏཱ (༣༤) པཱ་པི་ཙྪ་ཏཱ (༣༥) སི་ངྒཾ (༣༦) ཏི་ནྟི་ཎཾ (༣༧) ཙཱ་པ་ལྱཾ (༣༨)ཨ་ས་བྷཱ་ག་ཝུ་ཏྟི (༣༩) ཨ་ར་ཏི (༤༠) ཏ་ནྡཱི (༤༡) ཝི་ཛ་མྦྷི་ཏཱ (༤༢) བྷ་ཏྟ་ས་མྨ་དོ (༤༣) ཙེ་ཏ་སོ ཙ ལཱི་ན་ཏྟཾ [ཙེ་ཏ་སོ ལཱི་ན་ཏྟཾ (སྱཱ.)] (༤༤) ཀུ་ཧ་ནཱ (༤༥) ལ་པ་ནཱ (༤༦) ནེ་མི་ཏྟི་ཀ་ཏཱ (༤༧)ནི་པྤེ་སི་ཀ་ཏཱ (༤༨) ལཱ་བྷེ་ན ལཱ་བྷཾ ནི་ཛི་གཱི་ས་ན་ཏཱ [ནི་ཛི་གིཾ་ས་ན་ཏཱ (སཱི.), ཛི་གིཾ་ས་ན་ཏཱ (སྱཱ.)] (༤༩) སེ་ཡྻོ་ཧ་མ་སྨཱི་ཏི མཱ་ནོ (༥༠) ས་དི་སོ་ཧ་མ་སྨཱི་ཏི མཱ་ནོ (༥༡) ཧཱི་ནོ ཧ་མ་སྨཱི་ཏི མཱ་ནོ (༥༢) སེ་ཡྻ་སྶ སེ་ཡྻོ་ཧ་མ་སྨཱི་ཏི མཱ་ནོ (༥༣) སེ་ཡྻ་སྶ ས་དི་སོ་ཧ་མ་སྨཱི་ཏི མཱ་ནོ (༥༤) སེ་ཡྻ་སྶ ཧཱི་ནོ་ཧ་མ་སྨཱི་ཏི མཱ་ནོ (༥༥) ས་དི་ས་སྶ སེ་ཡྻོ་ཧ་མ་སྨཱི་ཏི མཱ་ནོ (༥༦) ས་དི་ས་སྶ ས་དི་སོ་ཧ་མ་སྨཱི་ཏི མཱ་ནོ (༥༧) ས་དི་ས་སྶ ཧཱི་ནོ་ཧ་མ་སྨཱི་ཏི མཱ་ནོ (༥༨) ཧཱི་ན་སྶ སེ་ཡྻོ་ཧ་མ་སྨཱི་ཏི མཱ་ནོ (༥༩) ཧཱི་ན་སྶ ས་དི་སོ་ཧ་མ་སྨཱི་ཏི མཱ་ནོ (༦༠) ཧཱི་ན་སྶ ཧཱི་ནོ་ཧ་མ་སྨཱི་ཏི མཱ་ནོ (༦༡) མཱ་ནོ (༦༢) ཨ་ཏི་མཱ་ནོ (༦༣) མཱ་ནཱ་ཏི་མཱ་ནོ (༦༤) ཨོ་མཱ་ནོ (༦༥)ཨ་དྷི་མཱ་ནོ (༦༦) ཨ་སྨི་མཱ་ནོ (༦༧) མི་ཙྪཱ་མཱ་ནོ (༦༨) ཉཱ་ཏི་ཝི་ཏ་ཀྐོ (༦༩)ཛ་ན་པ་ད་ཝི་ཏ་ཀྐོ (༧༠) ཨ་མ་ར་ཝི་ཏ་ཀྐོ (༧༡) པ་རཱ་ནུ་དྡ་ཡ་ཏཱ་པ་ཊི་སཾ་ཡུ་ཏྟོ ཝི་ཏ་ཀྐོ (༧༢) ལཱ་བྷ་ས་ཀྐཱ་ར་སི་ལོ་ཀ་པ་ཊི་སཾ་ཡུ་ཏྟོ ཝི་ཏ་ཀྐོ (༧༣) ཨ་ན་ཝ་ཉྙ་ཏྟི་པ་ཊི་སཾ་ཡུ་ཏྟོ ཝི་ཏ་ཀྐོ
ཨེ་ཀ་ཀཾ.
༢. དུ་ཀ་མཱ་ཏི་ཀཱ
༨༣༣. (༡) ཀོ་དྷོ ཙ ཨུ་པ་ནཱ་ཧོ ཙ (༢) མ་ཀྑོ ཙ པ་ལཱ༹་སོ [པ་ལཱ་སོ (སཱི. སྱཱ.)] ཙ (༣) ཨི་སྶཱ ཙ མ་ཙྪ་རི་ཡ་ཉྩ (༤) མཱ་ཡཱ ཙ སཱ་ཋེ་ཡྻ་ཉྩ (༥) ཨ་ཝི་ཛྫཱ ཙ བྷ་ཝ་ཏ་ཎྷཱ ཙ (༦) བྷ་ཝ་དི་ཊྛི ཙ ཝི་བྷ་ཝ་དི་ཊྛི ཙ (༧) ས་སྶ་ཏ་དི་ཊྛི ཙ ཨུ་ཙྪེ་ད་དི་ཊྛི ཙ (༨) ཨ་ནྟ་ཝཱ་དི་ཊྛི ཙ ཨ་ན་ནྟ་ཝཱ་དི་ཊྛི ཙ (༩) པུ་བྦ་ནྟཱ་ནུ་དི་ཊྛི ཙ ཨ་པ་ར་ནྟཱ་ནུ་དི་ཊྛི ཙ (༡༠) ཨ་ཧི་རི་ཀ་ཉྩ ཨ་ནོ་ཏྟ་པྤ་ཉྩ (༡༡) དོ་ཝ་ཙ་སྶ་ཏཱ ཙ པཱ་པ་མི་ཏྟ་ཏཱ ཙ (༡༢) ཨ་ན་ཛྫ་ཝོ ཙ ཨ་མ་དྡ་ཝོ ཙ (༡༣) ཨ་ཀྑ་ནྟི ཙ ཨ་སོ་ར་ཙྩ་ཉྩ (༡༤) ཨ་སཱ་ཁ་ལྱ་ཉྩ ཨ་པྤ་ཊི་ས་ནྠཱ་རོ ཙ (༡༥)ཨི་ནྡྲི་ཡེ་སུ ཨ་གུ་ཏྟ་དྭཱ་ར་ཏཱ ཙ བྷོ་ཛ་ནེ ཨ་མ་ཏྟ་ཉྙུ་ཏཱ ཙ (༡༦) མུ་ཊྛ་སྶ་ཙྩ་ཉྩ ཨ་ས་མྤ་ཛ་ཉྙ་ཉྩ (༡༧) སཱི་ལ་ཝི་པ་ཏྟི ཙ དི་ཊྛི་ཝི་པ་ཏྟི ཙ (༡༨) ཨ་ཛ྄ཛྷ་ཏྟ་སཾ་ཡོ་ཛ་ན་ཉྩ བ་ཧི་དྡྷཱ་སཾ་ཡོ་ཛ་ན་ཉྩ
དུ་ཀཾ.
༣. ཏི་ཀ་མཱ་ཏི་ཀཱ
༨༣༤. (༡) ཏཱི་ཎི ཨ་ཀུ་ས་ལ་མཱུ་ལཱ་ནི (༢) ཏ་ཡོ ཨ་ཀུ་ས་ལ་ཝི་ཏ་ཀྐཱ (༣) ཏི་སྶོ ཨ་ཀུ་ས་ལ་ས་ཉྙཱ (༤) ཏི་སྶོ ཨ་ཀུ་ས་ལ་དྷཱ་ཏུ་ཡོ (༥) ཏཱི་ཎི དུ་ཙྩ་རི་ཏཱ་ནི (༦) ཏ་ཡོ ཨཱ་ས་ཝཱ (༧) ཏཱི་ཎི སཾ་ཡོ་ཛ་ནཱ་ནི (༨) ཏི་སྶོ ཏ་ཎྷཱ (༩) ཨ་པ་རཱ་པི ཏི་སྶོ ཏ་ཎྷཱ (༡༠) ཨ་པ་རཱ་པི ཏི་སྶོ ཏ་ཎྷཱ (༡༡) ཏི་སྶོ ཨེ་ས་ནཱ (༡༢) ཏི་སྶོ ཝི་དྷཱ (༡༣) ཏཱི་ཎི བྷ་ཡཱ་ནི (༡༤)ཏཱི་ཎི ཏ་མཱ་ནི (༡༥) ཏཱི་ཎི ཏི་ཏྠཱ་ཡ་ཏ་ནཱ་ནི (༡༦) ཏ་ཡོ ཀི་ཉྩ་ནཱ (༡༧) ཏཱི་ཎི ཨ་ངྒ་ཎཱ་ནི (༡༨) ཏཱི་ཎི མ་ལཱ་ནི (༡༩) ཏཱི་ཎི ཝི་ས་མཱ་ནི (༢༠) ཨ་པ་རཱ་ནི་པི ཏཱི་ཎི ཝི་ས་མཱ་ནི (༢༡) ཏ་ཡོ ཨ་གྒཱི (༢༢) ཏ་ཡོ ཀ་སཱ་ཝཱ (༢༣) ཨ་པ་རེ་པི ཏ་ཡོ ཀ་སཱ་ཝཱ (༢༤)ཨ་སྶཱ་ད་དི་ཊྛི, ཨ་ཏྟཱ་ནུ་དི་ཊྛི, མི་ཙྪཱ་དི་ཊྛི (༢༥) ཨ་ར་ཏི, ཝི་ཧེ་སཱ, ཨ་དྷ་མྨ་ཙ་རི་ཡཱ (༢༦)དོ་ཝ་ཙ་སྶ་ཏཱ, པཱ་པ་མི་ཏྟ་ཏཱ, ནཱ་ན་ཏྟ་ས་ཉྙཱ (༢༧) ཨུ་དྡྷ་ཙྩཾ, ཀོ་ས་ཛྫཾ, པ་མཱ་དོ (༢༨) ཨ་ས་ནྟུ་ཊྛི་ཏཱ, ཨ་ས་མྤ་ཛ་ཉྙ་ཏཱ, མ་ཧི་ཙྪ་ཏཱ (༢༩) ཨ་ཧི་རི་ཀཾ, ཨ་ནོ་ཏྟ་པྤཾ, པ་མཱ་དོ (༣༠)ཨ་ནཱ་ད་རི་ཡཾ, དོ་ཝ་ཙ་སྶ་ཏཱ, པཱ་པ་མི་ཏྟ་ཏཱ (༣༡) ཨ་སྶ་དྡྷི་ཡཾ, ཨ་ཝ་ད་ཉྙུ་ཏཱ, ཀོ་ས་ཛྫཾ (༣༢) ཨུ་དྡྷ་ཙྩཾ, ཨ་སཾ་ཝ་རོ, དུ་སྶཱི་ལྱཾ (༣༣) ཨ་རི་ཡཱ་ནཾ ཨ་ད་སྶ་ན་ཀ་མྱ་ཏཱ, ས་དྡྷ་མྨཾ ཨ་སོ་ཏུ་ཀ་མྱ་ཏཱ, ཨུ་པཱ་ར་མྦྷ་ཙི་ཏྟ་ཏཱ (༣༤) མུ་ཊྛ་སྶ་ཙྩཾ, ཨ་ས་མྤ་ཛ་ཉྙཾ, ཙེ་ཏ་སོ ཝི་ཀྑེ་པོ (༣༥)ཨ་ཡོ་ནི་སོ མ་ན་སི་ཀཱ་རོ, ཀུ་མྨ་གྒ་སེ་ཝ་ནཱ, ཙེ་ཏ་སོ ཙ ལཱི་ན་ཏྟཾ
ཏི་ཀཾ.
༤. ཙ་ཏུ་ཀྐ་མཱ་ཏི་ཀཱ
༨༣༥. (༡) ཙ་ཏྟཱ་རོ ཨཱ་ས་ཝཱ (༢) ཙ་ཏྟཱ་རོ ག་ནྠཱ (༣) ཙ་ཏྟཱ་རོ ཨོ་གྷཱ (༤) ཙ་ཏྟཱ་རོ ཡོ་གཱ (༥) ཙ་ཏྟཱ་རི ཨུ་པཱ་དཱ་ནཱ་ནི (༦) ཙ་ཏྟཱ་རོ ཏ་ཎྷུ་པྤཱ་དཱ (༧) ཙ་ཏྟཱ་རི ཨ་ག་ཏི་ག་མ་ནཱ་ནི (༨) ཙ་ཏྟཱ་རོ ཝི་པ་རི་ཡཱ་སཱ [ཝི་པ་རི་ཡེ་སཱ (སཱི. སྱཱ. ཀ.)] (༩) ཙ་ཏྟཱ་རོ ཨ་ན་རི་ཡ་ཝོ་ཧཱ་རཱ (༡༠) ཨ་པ་རེ་པི ཙ་ཏྟཱ་རོ ཨ་ན་རི་ཡ་ཝོ་ཧཱ་རཱ (༡༡) ཙ་ཏྟཱ་རི དུ་ཙྩ་རི་ཏཱ་ནི (༡༢) ཨ་པ་རཱ་ནི་པི ཙ་ཏྟཱ་རི དུ་ཙྩ་རི་ཏཱ་ནི (༡༣)ཙ་ཏྟཱ་རི བྷ་ཡཱ་ནི (༡༤) ཨ་པ་རཱ་ནི་པི ཙ་ཏྟཱ་རི བྷ་ཡཱ་ནི (༡༥) ཙ་ཏ་སྶོ དི་ཊྛི་ཡོ
ཙ་ཏུ་ཀྐཾ.
༥. པ་ཉྩ་ཀ་མཱ་ཏི་ཀཱ
༨༣༦. (༡) པ་ཉྩོ་ར་མྦྷཱ་གི་ཡཱ་ནི སཾ་ཡོ་ཛ་ནཱ་ནི (༢) པ་ཉྩུ་དྡྷ་མྦྷཱ་གི་ཡཱ་ནི སཾ་ཡོ་ཛ་ནཱ་ནི (༣) པ་ཉྩ མ་ཙྪ་རི་ཡཱ་ནི (༤) པ་ཉྩ ས་ངྒཱ (༥) པ་ཉྩ ས་ལླཱ (༦) པ་ཉྩ ཙེ་ཏོ་ཁི་ལཱ (༧)པ་ཉྩ ཙེ་ཏ་སོ་ཝི་ནི་བ་ནྡྷཱ [ཙེ་ཏ་སོ་ཝི་ནི་བ་དྡྷཱ (ཀ.)] (༨) པ་ཉྩ ནཱི་ཝ་ར་ཎཱ་ནི (༩) པ་ཉྩ ཀ་མྨཱ་ནི ཨཱ་ན་ནྟ་རི་ཀཱ་ནི (༡༠) པ་ཉྩ དི་ཊྛི་ཡོ (༡༡) པ་ཉྩ ཝེ་རཱ (༡༢) པ་ཉྩ བྱ་ས་ནཱ (༡༣) པ་ཉྩ ཨ་ཀྑ་ནྟི་ཡཱ ཨཱ་དཱི་ན་ཝཱ (༡༤) པ་ཉྩ བྷ་ཡཱ་ནི (༡༥) པ་ཉྩ དི་ཊྛ་དྷ་མྨ་ནི་བྦཱ་ན་ཝཱ་དཱ
པ་ཉྩ་ཀཾ.
༦. ཚ་ཀྐ་མཱ་ཏི་ཀཱ
༨༣༧. (༡) ཚ ཝི་ཝཱ་ད་མཱུ་ལཱ་ནི (༢) ཚ ཚ་ནྡ་རཱ་གཱ (༣) ཚ ཝི་རོ་དྷ་ཝ་ཏྠཱུ་ནི (༤) ཚ ཏ་ཎྷཱ་ཀཱ་ཡཱ (༥) ཚ ཨ་གཱ་ར་ཝཱ (༦) ཚ པ་རི་ཧཱ་ནི་ཡཱ དྷ་མྨཱ (༧) ཨ་པ་རེ་པི ཚ པ་རི་ཧཱ་ནི་ཡཱ དྷ་མྨཱ (༨) ཚ སོ་མ་ན་སྶུ་པ་ཝི་ཙཱ་རཱ (༩) ཚ དོ་མ་ན་སྶུ་པ་ཝི་ཙཱ་རཱ (༡༠) ཚ ཨུ་པེ་ཀྑུ་པ་ཝི་ཙཱ་རཱ (༡༡) ཚ གེ་ཧ་སི་ཏཱ་ནི སོ་མ་ན་སྶཱ་ནི (༡༢) ཚ གེ་ཧ་སི་ཏཱ་ནི དོ་མ་ན་སྶཱ་ནི (༡༣) ཚ གེ་ཧ་སི་ཏཱ ཨུ་པེ་ཀྑཱ (༡༤) ཚ དི་ཊྛི་ཡོ
ཚ་ཀྐཾ.
༧. ས་ཏྟ་ཀ་མཱ་ཏི་ཀཱ
༨༣༨. (༡) ས་ཏྟ ཨ་ནུ་ས་ཡཱ (༢) ས་ཏྟ སཾ་ཡོ་ཛ་ནཱ་ནི (༣) ས་ཏྟ པ་རི་ཡུ་ཊྛཱ་ནཱ་ནི (༤)ས་ཏྟ ཨ་ས་དྡྷ་མྨཱ (༥) ས་ཏྟ དུ་ཙྩ་རི་ཏཱ་ནི (༦) ས་ཏྟ མཱ་ནཱ (༧) ས་ཏྟ དི་ཊྛི་ཡོ
ས་ཏྟ་ཀཾ.
༨. ཨ་ཊྛ་ཀ་མཱ་ཏི་ཀཱ
༨༣༩. (༡) ཨ་ཊྛ ཀི་ལེ་ས་ཝ་ཏྠཱུ་ནི (༢) ཨ་ཊྛ ཀུ་སཱི་ཏ་ཝ་ཏྠཱུ་ནི (༣) ཨ་ཊྛ་སུ ལོ་ཀ་དྷ་མྨེ་སུ ཙི་ཏྟ་སྶ པ་ཊི་གྷཱ་ཏོ (༤) ཨ་ཊྛ ཨ་ན་རི་ཡ་ཝོ་ཧཱ་རཱ (༥) ཨ་ཊྛ མི་ཙྪ་ཏྟཱ (༦) ཨ་ཊྛ པུ་རི་ས་དོ་སཱ (༧) ཨ་ཊྛ ཨ་ས་ཉྙི་ཝཱ་དཱ (༨) ཨ་ཊྛ ནེ་ཝ་ས་ཉྙི་ནཱ་ས་ཉྙི་ཝཱ་དཱ
ཨ་ཊྛ་ཀཾ.
༩. ན་ཝ་ཀ་མཱ་ཏི་ཀཱ
༨༤༠. (༡) ན་ཝ ཨཱ་གྷཱ་ཏ་ཝ་ཏྠཱུ་ནི (༢) ན་ཝ པུ་རི་ས་མ་ལཱ་ནི (༣) ན་ཝ་ཝི་དྷཱ མཱ་ནཱ (༤)ན་ཝ ཏ་ཎྷཱ་མཱུ་ལ་ཀཱ དྷ་མྨཱ (༥) ན་ཝ ཨི་ཉྫི་ཏཱ་ནི (༦) ན་ཝ མ་ཉྙི་ཏཱ་ནི (༧) ན་ཝ ཕ་ནྡི་ཏཱ་ནི (༨) ན་ཝ པ་པ་ཉྩི་ཏཱ་ནི (༩) ན་ཝ ས་ངྑ་ཏཱ་ནི
ན་ཝ་ཀཾ.
༡༠. ད་ས་ཀ་མཱ་ཏི་ཀཱ
༨༤༡. (༡) ད་ས ཀི་ལེ་ས་ཝ་ཏྠཱུ་ནི (༢) ད་ས ཨཱ་གྷཱ་ཏ་ཝ་ཏྠཱུ་ནི (༣) ད་ས ཨ་ཀུ་ས་ལ་ཀ་མྨ་པ་ཐཱ (༤) ད་ས སཾ་ཡོ་ཛ་ནཱ་ནི (༥) ད་ས མི་ཙྪ་ཏྟཱ (༦) ད་ས་ཝ་ཏྠུ་ཀཱ མི་ཙྪཱ་དི་ཊྛི (༧) ད་ས་ཝ་ཏྠུ་ཀཱ ཨ་ནྟ་གྒཱ་ཧི་ཀཱ དི་ཊྛི
ད་ས་ཀཾ.
༨༤༢. ཨ་ཊྛཱ་ར་ས ཏ་ཎྷཱ་ཝི་ཙ་རི་ཏཱ་ནི ཨ་ཛ྄ཛྷ་ཏྟི་ཀ་སྶ ཨུ་པཱ་དཱ་ཡ, ཨ་ཊྛཱ་ར་ས ཏ་ཎྷཱ་ཝི་ཙ་རི་ཏཱ་ནི བཱ་ཧི་ར་སྶ ཨུ་པཱ་དཱ་ཡ, ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ ཚ་ཏྟིཾ་ས ཏ་ཎྷཱ་ཝི་ཙ་རི་ཏཱ་ནི ཧོ་ནྟི. ཨི་ཏི ཨ་ཏཱི་ཏཱ་ནི ཚ་ཏྟིཾ་ས ཏ་ཎྷཱ་ཝི་ཙ་རི་ཏཱ་ནི, ཨ་ནཱ་ག་ཏཱ་ནི ཚ་ཏྟིཾ་ས ཏ་ཎྷཱ་ཝི་ཙ་རི་ཏཱ་ནི, པ་ཙྩུ་པྤ་ནྣཱ་ནི ཚ་ཏྟིཾ་ས ཏ་ཎྷཱ་ཝི་ཙ་རི་ཏཱ་ནི, ཏ་དེ་ཀ་ཛ྄ཛྷཾ ཨ་བྷི་ས་ཉྙཱུ་ཧི་ཏྭཱ ཨ་བྷི་ས་ངྑི་པི་ཏྭཱ ཨ་ཊྛ ཏ་ཎྷཱ་ཝི་ཙ་རི་ཏ་ས་ཏཾ ཧོ་ཏི. ཡཱ་ནི ཙ དྭཱ་ས་ཊྛི དི་ཊྛི་ག་ཏཱ་ནི བྲ་ཧྨ་ཛཱ་ལེ ཝེ་ཡྻཱ་ཀ་ར་ཎེ ཝུ་ཏྟཱ་ནི བྷ་ག་ཝ་ཏཱ.
མཱ་ཏི་ཀཱ.
༡. ཨེ་ཀ་ཀ་ནི་དྡེ་སོ
(༡) ཛཱ་ཏི་མ་དོ
༨༤༣. ཏ་ཏྠ ཀ་ཏ་མོ ཛཱ་ཏི་མ་དོ? ཛཱ་ཏིཾ པ་ཊི་ཙྩ མ་དོ མ་ཛྫ་ནཱ མ་ཛྫི་ཏ་ཏྟཾ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ [ཨུ་ཎྞ་ཏི ཨུ་ཎྞཱ་མོ (སྱཱ. ཀ.) དྷ. ས. ༡༡༢༡] དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘ཛཱ་ཏི་མ་དོ’’.
(༢-༢༧) གོ་ཏྟ་མ་དཱ་དཱི
༨༤༤. ཏ་ཏྠ ཀ་ཏ་མོ གོ་ཏྟ་མ་དོ? གོ་ཏྟཾ པ་ཊི་ཙྩ…པེ… ཨཱ་རོ་གྱཾ པ་ཊི་ཙྩ…པེ… ཡོ་བྦ་ནཾ པ་ཊི་ཙྩ…པེ… ཛཱི་ཝི་ཏཾ པ་ཊི་ཙྩ…པེ… ལཱ་བྷཾ པ་ཊི་ཙྩ…པེ… ས་ཀྐཱ་རཾ པ་ཊི་ཙྩ…པེ… ག་རུ་ཀཱ་རཾ པ་ཊི་ཙྩ…པེ… པུ་རེ་ཀྑཱ་རཾ པ་ཊི་ཙྩ…པེ… པ་རི་ཝཱ་རཾ པ་ཊི་ཙྩ…པེ… བྷོ་གཾ པ་ཊི་ཙྩ…པེ… ཝ་ཎྞཾ པ་ཊི་ཙྩ…པེ… སུ་ཏཾ པ་ཊི་ཙྩ…པེ… པ་ཊི་བྷཱ་ནཾ པ་ཊི་ཙྩ…པེ… ར་ཏྟ་ཉྙུ་ཏཾ པ་ཊི་ཙྩ…པེ… པི་ཎྜ་པཱ་ཏི་ཀ་ཏྟཾ པ་ཊི་ཙྩ…པེ… ཨ་ན་ཝ་ཉྙཱ་ཏཾ པ་ཊི་ཙྩ…པེ… ཨི་རི་ཡཱ་པ་ཐཾ པ་ཊི་ཙྩ…པེ… ཨི་དྡྷིཾ པ་ཊི་ཙྩ…པེ… ཡ་སཾ པ་ཊི་ཙྩ…པེ… སཱི་ལཾ པ་ཊི་ཙྩ…པེ… ཛྷཱ་ནཾ པ་ཊི་ཙྩ…པེ… སི་པྤཾ པ་ཊི་ཙྩ…པེ… ཨཱ་རོ་ཧཾ པ་ཊི་ཙྩ…པེ… པ་རི་ཎཱ་ཧཾ པ་ཊི་ཙྩ…པེ… ས་ཎྛཱ་ནཾ པ་ཊི་ཙྩ…པེ… པཱ་རི་པཱུ་རིཾ པ་ཊི་ཙྩ མ་དོ མ་ཛྫ་ནཱ མ་ཛྫི་ཏ་ཏྟཾ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘པཱ་རི་པཱུ་རི་མ་དོ’’.
(༢༨) མ་དོ
༨༤༥. ཏ་ཏྠ ཀ་ཏ་མོ མ་དོ? ཡོ མ་དོ མ་ཛྫ་ནཱ མ་ཛྫི་ཏ་ཏྟཾ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘མ་དོ’’.
(༢༩) པ་མཱ་དོ
༨༤༦. ཏ་ཏྠ ཀ་ཏ་མོ པ་མཱ་དོ? ཀཱ་ཡ་དུ་ཙྩ་རི་ཏེ ཝཱ ཝ་ཙཱི་དུ་ཙྩ་རི་ཏེ ཝཱ མ་ནོ་དུ་ཙྩ་རི་ཏེ ཝཱ པ་ཉྩ་སུ ཝཱ ཀཱ་མ་གུ་ཎེ་སུ ཙི་ཏྟ་སྶ ཝོ་སྶ་གྒོ ཝོ་སྶ་གྒཱ་ནུ་པྤ་དཱ་ནཾ ཀུ་ས་ལཱ་ནཾ ཝཱ དྷ་མྨཱ་ནཾ བྷཱ་ཝ་ནཱ་ཡ ཨ་ས་ཀྐ་ཙྩ་ཀི་རི་ཡ་ཏཱ ཨ་སཱ་ཏ་ཙྩ་ཀི་རི་ཡ་ཏཱ ཨ་ན་ཊྛི་ཏ་ཀི་རི་ཡ་ཏཱ ཨོ་ལཱི་ན་ཝུ་ཏྟི་ཏཱ ནི་ཀྑི་ཏྟ་ཚ་ནྡ་ཏཱ ནི་ཀྑི་ཏྟ་དྷུ་ར་ཏཱ ཨ་ནཱ་སེ་ཝ་ནཱ ཨ་བྷཱ་ཝ་ནཱ ཨ་བ་ཧུ་ལཱི་ཀ་མྨཾ ཨ་ན་དྷི་ཊྛཱ་ནཾ ཨ་ན་ནུ་ཡོ་གོ པ་མཱ་དོ, ཡོ ཨེ་ཝ་རཱུ་པོ པ་མཱ་དོ པ་མ་ཛྫ་ནཱ པ་མ་ཛྫི་ཏ་ཏྟཾ – ཨ་ཡཾ ཝུ་ཙྩ་ཏི ‘‘པ་མཱ་དོ’’.
(༣༠) ཐ་མྦྷོ
༨༤༧. ཏ་ཏྠ ཀ་ཏ་མོ ཐ་མྦྷོ? ཡོ ཐ་མྦྷོ ཐ་མྦྷ་ནཱ ཐ་མྦྷི་ཏ་ཏྟཾ ཀ་ཀྑ་ལི༹་ཡཾ ཕཱ་རུ་སི་ཡཾ ཨུ་ཛུ་ཙི་ཏྟ་ཏཱ ཨ་མུ་དུ་ཏཱ – ཨ་ཡཾ ཝུ་ཙྩ་ཏི ‘‘ཐ་མྦྷོ’’.
(༣༡) སཱ་ར་མྦྷོ
༨༤༨. ཏ་ཏྠ ཀ་ཏ་མོ སཱ་ར་མྦྷོ? ཡོ སཱ་ར་མྦྷོ པ་ཊི་སཱ་ར་མྦྷོ སཱ་ར་མྦྷ་ནཱ པ་ཊི་སཱ་ར་མྦྷ་ནཱ པ་ཊི་སཱ་ར་མྦྷི་ཏ་ཏྟཾ – ཨ་ཡཾ ཝུ་ཙྩ་ཏི ‘‘སཱ་ར་མྦྷོ’’.
(༣༢) ཨ་ཏྲི་ཙྪ་ཏཱ
༨༤༩. ཏ་ཏྠ ཀ་ཏ་མཱ ཨ་ཏྲི་ཙྪ་ཏཱ? ཨི་ཏ་རཱི་ཏ་ར་ཙཱི་ཝ་ར་པི་ཎྜ་པཱ་ཏ་སེ་ནཱ་ས་ན་གི་ལཱ་ན་པྤ་ཙྩ་ཡ་བྷེ་ས་ཛྫ་པ་རི་ཀྑཱ་རེ་ཧི པ་ཉྩ་ཧི ཝཱ ཀཱ་མ་གུ་ཎེ་ཧི ཨ་ས་ནྟུ་ཊྛ་སྶ བྷི་ཡྻོ་ཀ་མྱ་ཏཱ, ཡཱ ཨེ་ཝ་རཱུ་པཱ ཨི་ཙྪཱ ཨི་ཙྪཱ་ག་ཏཱ ཨ་ཏྲི་ཙྪ་ཏཱ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཨ་ཏྲི་ཙྪ་ཏཱ’’.
(༣༣) མ་ཧི་ཙྪ་ཏཱ
༨༥༠. ཏ་ཏྠ ཀ་ཏ་མཱ མ་ཧི་ཙྪ་ཏཱ? ཨི་ཏ་རཱི་ཏ་ར་ཙཱི་ཝ་ར་པི་ཎྜ་པཱ་ཏ་སེ་ནཱ་ས་ན་གི་ལཱ་ན་པྤ་ཙྩ་ཡ་བྷེ་ས་ཛྫ་པ་རི་ཀྑཱ་རེ་ཧི པ་ཉྩ་ཧི ཝཱ ཀཱ་མ་གུ་ཎེ་ཧི ཨ་ས་ནྟུ་ཊྛ་སྶ བྷི་ཡྻོ་ཀ་མྱ་ཏཱ, ཡཱ ཨེ་ཝ་རཱུ་པཱ ཨི་ཙྪཱ ཨི་ཙྪཱ་ག་ཏཱ མ་ཧི་ཙྪ་ཏཱ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘མ་ཧི་ཙྪ་ཏཱ’’.
(༣༤) པཱ་པི་ཙྪ་ཏཱ
༨༥༡. ཏ་ཏྠ ཀ་ཏ་མཱ པཱ་པི་ཙྪ་ཏཱ? ཨི་དྷེ་ཀ་ཙྩོ ཨ་སྶ་དྡྷོ ས་མཱ་ནོ ‘‘ས་དྡྷོ་ཏི མཾ ཛ་ནོ ཛཱ་ནཱ་ཏཱུ’’ཏི ཨི་ཙྪ་ཏི, དུ་སྶཱི་ལོ ས་མཱ་ནོ ‘‘སཱི་ལ་ཝཱ་ཏི མཾ ཛ་ནོ ཛཱ་ནཱ་ཏཱུ’’ཏི ཨི་ཙྪ་ཏི, ཨ་པྤ་སྶུ་ཏོ ས་མཱ་ནོ ‘‘བ་ཧུ་སྶུ་ཏོ་ཏི མཾ ཛ་ནོ ཛཱ་ནཱ་ཏཱུ’’ཏི ཨི་ཙྪ་ཏི, ས་ངྒ་ཎི་ཀཱ་རཱ་མོ ས་མཱ་ནོ ‘‘པ་ཝི་ཝི་ཏྟོ་ཏི མཾ ཛ་ནོ ཛཱ་ནཱ་ཏཱུ’’ཏི ཨི་ཙྪ་ཏི, ཀུ་སཱི་ཏོ ས་མཱ་ནོ ‘‘ཨཱ་ར་དྡྷ་ཝཱི་རི་ཡོ་ཏི མཾ ཛ་ནོ ཛཱ་ནཱ་ཏཱུ’’ཏི ཨི་ཙྪ་ཏི, མུ་ཊྛ་སྶ་ཏཱི ས་མཱ་ནོ ‘‘ཨུ་པ་ཊྛི་ཏ་སྶ་ཏཱི་ཏི མཾ ཛ་ནོ ཛཱ་ནཱ་ཏཱུ’’ཏི ཨི་ཙྪ་ཏི, ཨ་ས་མཱ་ཧི་ཏོ ས་མཱ་ནོ ‘‘ས་མཱ་ཧི་ཏོ་ཏི མཾ ཛ་ནོ ཛཱ་ནཱ་ཏཱུ’’ཏི ཨི་ཙྪ་ཏི, དུ་པྤ་ཉྙོ ས་མཱ་ནོ ‘‘པ་ཉྙ་ཝཱ་ཏི མཾ ཛ་ནོ ཛཱ་ནཱ་ཏཱུ’’ཏི ཨི་ཙྪ་ཏི, ཨ་ཁཱི་ཎཱ་ས་ཝོ ས་མཱ་ནོ ‘‘ཁཱི་ཎཱ་ས་ཝོ་ཏི མཾ ཛ་ནོ ཛཱ་ནཱ་ཏཱུ’’ཏི ཨི་ཙྪ་ཏི – ཡཱ ཨེ་ཝ་རཱུ་པཱ ཨི་ཙྪཱ ཨི་ཙྪཱ་ག་ཏཱ པཱ་པི་ཙྪ་ཏཱ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘པཱ་པི་ཙྪ་ཏཱ’’.
(༣༥) སི་ངྒཾ
༨༥༢. ཏ་ཏྠ ཀ་ཏ་མཾ སི་ངྒཾ? ཡཾ སི་ངྒཾ སི་ངྒཱ་ར་ཏཱ ཙཱ་ཏུ་ར་ཏཱ ཙཱ་ཏུ་རི་ཡཾ པ་རི་ཀྑ་ཏྟ་ཏཱ པཱ་རི་ཀྑ་ཏྟི་ཡཾ – ཨི་དཾ ཝུ་ཙྩ་ཏི ‘‘སི་ངྒཾ’’.
(༣༦) ཏི་ནྟི་ཎཾ
༨༥༣. ཏ་ཏྠ ཀ་ཏ་མཾ ཏི་ནྟི་ཎཾ? ཡཾ ཏི་ནྟི་ཎཾ ཏི་ནྟི་ཎཱ་ཡ་ནཱ ཏི་ནྟི་ཎཱ་ཡི་ཏ་ཏྟཾ ལོ་ལུ་པྤཾ ལོ་ལུ་པྤཱ་ཡ་ནཱ ལོ་ལུ་པྤཱ་ཡི་ཏ་ཏྟཾ པུ་ཙྪ་ཉྫི་ཀ་ཏཱ སཱ་དྷུ་ཀ་མྱ་ཏཱ – ཨི་དཾ ཝུ་ཙྩ་ཏི ‘‘ཏི་ནྟི་ཎཾ’’.
(༣༧) ཙཱ་པ་ལྱཾ
༨༥༤. ཏ་ཏྠ ཀ་ཏ་མཾ ཙཱ་པ་ལྱཾ? ཙཱི་ཝ་ར་མ་ཎྜ་ནཱ པ་ཏྟ་མ་ཎྜ་ནཱ སེ་ནཱ་ས་ན་མ་ཎྜ་ནཱ ཨི་མ་སྶ ཝཱ པཱུ་ཏི་ཀཱ་ཡ་སྶ བཱ་ཧི་རཱ་ནཾ ཝཱ པ་རི་ཀྑཱ་རཱ་ནཾ མ་ཎྜ་ནཱ ཝི་བྷཱུ་ས་ནཱ ཀེ་ལ༹་ནཱ པ་རི་ཀེ་ལ༹་ནཱ གི་དྡྷི་ཀ་ཏཱ གི་དྡྷི་ཀ་ཏྟཾ ཙ་པ་ལ་ཏཱ ཙཱ་པ་ལྱཾ – ཨི་དཾ ཝུ་ཙྩ་ཏི ‘‘ཙཱ་པ་ལྱཾ’’.
(༣༨) ཨ་ས་བྷཱ་ག་ཝུ་ཏྟི
༨༥༥. ཏ་ཏྠ ཀ་ཏ་མཾ ཨ་ས་བྷཱ་ག་ཝུ་ཏྟི? མཱ་ཏ་རི ཝཱ པི་ཏ་རི ཝཱ ཛེ་ཊྛེ ཝཱ བྷཱ་ཏ་རི ཝཱ ཨཱ་ཙ་རི་ཡེ་སུ ཝཱ ཨུ་པ་ཛ྄ཛྷཱ་ཡེ ཝཱ བུ་དྡྷེ ཝཱ སཱ་ཝ་ཀེ་སུ ཝཱ ཨ་ཉྙ་ཏ་ར་ཉྙ་ཏ་རེ་སུ ག་རུ་ཊྛཱ་ནི་ཡེ་སུ ཝི་པྤ་ཊི་ཀཱུ་ལ་གྒཱ་ཧི་ཏཱ ཝི་པ་ཙྩ་ནཱི་ཀ་སཱ་ཏ་ཏཱ ཨ་ནཱ་ད་རི་ཡཾ ཨ་ནཱ་ད་རི་ཡ་ཏཱ ཨ་གཱ་ར་ཝ་ཏཱ ཨ་པྤ་ཏི་སྶ་ཝ་ཏཱ – ཨ་ཡཾ ཝུ་ཙྩ་ཏི ‘‘ཨ་ས་བྷཱ་ག་ཝུ་ཏྟི’’.
(༣༩) ཨ་ར་ཏི
༨༥༦. ཏ་ཏྠ ཀ་ཏ་མཱ ཨ་ར་ཏི? པ་ནྟེ་སུ ཝཱ སེ་ནཱ་ས་ནེ་སུ ཨ་ཉྙ་ཏ་ར་ཉྙ་ཏ་རེ་སུ ཝཱ ཨ་དྷི་ཀུ་ས་ལེ་སུ དྷ་མྨེ་སུ ཨ་ར་ཏི ཨ་ར་ཏི་ཏཱ ཨ་ན་བྷི་ར་ཏི ཨ་ན་བྷི་ར་མ་ཎཱ ཨུ་ཀྐ་ཎྛི་ཏཱ པ་རི་ཏ་སྶི་ཏཱ – ཨ་ཡཾ ཝུ་ཙྩ་ཏི ‘‘ཨ་ར་ཏི’’.
(༤༠) ཏ་ནྡཱི
༨༥༧. ཏ་ཏྠ ཀ་ཏ་མཱ ཏ་ནྡཱི? ཡཱ ཏ་ནྡཱི ཏ་ནྡི་ཡ་ནཱ ཏ་ནྡི་མ་ན་ཀ་ཏཱ ཨཱ་ལ་སྱཾ ཨཱ་ལ་སྱཱ་ཡ་ནཱ ཨཱ་ལ་སྱཱ་ཡི་ཏ་ཏྟཾ – ཨ་ཡཾ ཝུ་ཙྩ་ཏི ‘‘ཏ་ནྡཱི’’.
(༤༡) ཝི་ཛ་མྦྷི་ཏཱ
༨༥༨. ཏ་ཏྠ ཀ་ཏ་མཱ ཝི་ཛ་མྦྷི་ཏཱ? ཡཱ ཀཱ་ཡ་སྶ ཛ་མྦྷ་ནཱ ཝི་ཛ་མྦྷ་ནཱ ཨཱ་ན་མ་ནཱ ཝི་ན་མ་ནཱ ས་ནྣ་མ་ནཱ པ་ཎ་མ་ནཱ བྱཱ་དྷི་ཡ་ཀཾ – ཨ་ཡཾ ཝུ་ཙྩ་ཏི ‘‘ཝི་ཛ་མྦྷི་ཏཱ’’.
(༤༢) བྷ་ཏྟ་ས་མྨ་དོ
༨༥༩. ཏ་ཏྠ ཀ་ཏ་མོ བྷ་ཏྟ་ས་མྨ་དོ? ཡཱ བྷུ་ཏྟཱ་ཝི་སྶ བྷ་ཏྟ་མུ་ཙྪཱ བྷ་ཏྟ་ཀི་ལ་མ་ཐོ བྷ་ཏྟ་པ་རི་ལཱ༹་ཧོ ཀཱ་ཡ་དུ་ཊྛུ་ལླཾ – ཨ་ཡཾ ཝུ་ཙྩ་ཏི ‘‘བྷ་ཏྟ་ས་མྨ་དོ’’.
(༤༣) ཙེ་ཏ་སོ ཙ ལཱི་ན་ཏྟཾ
༨༦༠. ཏ་ཏྠ ཀ་ཏ་མཾ ཙེ་ཏ་སོ ཙ ལཱི་ན་ཏྟཾ? ཡཱ ཙི་ཏྟ་སྶ ཨ་ཀ་ལྱ་ཏཱ ཨ་ཀ་མྨ་ཉྙ་ཏཱ ཨོ་ལཱི་ཡ་ནཱ ས་ལླཱི་ཡ་ནཱ ལཱི་ནཾ ལཱི་ཡ་ནཱ ལཱི་ཡི་ཏ་ཏྟཾ ཐི་ནཾ ཐཱི་ཡ་ནཱ ཐཱི་ཡི་ཏ་ཏྟཾ ཙི་ཏྟ་སྶ – ཨི་དཾ ཝུ་ཙྩ་ཏི ‘‘ཙེ་ཏ་སོ ཙ ལཱི་ན་ཏྟཾ’’.
(༤༤) ཀུ་ཧ་ནཱ
༨༦༡. ཏ་ཏྠ ཀ་ཏ་མཱ ཀུ་ཧ་ནཱ? ལཱ་བྷ་ས་ཀྐཱ་ར་སི་ལོ་ཀ་ས་ནྣི་སྶི་ཏ་སྶ པཱ་པི་ཙྪ་སྶ ཨི་ཙྪཱ་པ་ཀ་ཏ་སྶ པ་ཙྩ་ཡ་པ་ཊི་སེ་ཝ་ན་ས་ངྑཱ་ཏེ་ན [པ་ཙྩ་ཡ་པ་ཊི་སེ་དྷ་ན་ས་ངྑཱ་ཏེ་ན (སཱི.)] ཝཱ སཱ་མ་ནྟ་ཛ་པྤི་ཏེ་ན ཝཱ ཨི་རི་ཡཱ་པ་ཐ་སྶ ཝཱ ཨ་ཋ་པ་ནཱ [ཨཱ་ཋ་པ་ནཱ (ཀ.)] ཋ་པ་ནཱ ས་ཎྛ་པ་ནཱ བྷཱ་ཀུ་ཊི་ཏཱ བྷཱ་ཀུ་ཊི་ཡཾ ཀུ་ཧ་ནཱ ཀུ་ཧཱ་ཡ་ནཱ ཀུ་ཧི་ཏ་ཏྟཾ – ཨ་ཡཾ ཝུ་ཙྩ་ཏི ‘‘ཀུ་ཧ་ནཱ’’.
(༤༥) ལ་པ་ནཱ
༨༦༢. ཏ་ཏྠ ཀ་ཏ་མཱ ལ་པ་ནཱ? ལཱ་བྷ་ས་ཀྐཱ་ར་སི་ལོ་ཀ་ས་ནྣི་སྶི་ཏ་སྶ པཱ་པི་ཙྪ་སྶ ཨི་ཙྪཱ་པ་ཀ་ཏ་སྶ ཡཱ པ་རེ་སཾ ཨཱ་ལ་པ་ནཱ ལ་པ་ནཱ ས་ལླ་པ་ནཱ ཨུ་ལླ་པ་ནཱ ས་མུ་ལླ་པ་ནཱ ཨུ་ནྣ་ཧ་ནཱ ས་མུ་ནྣ་ཧ་ནཱ ཨུ་ཀྐཱ་ཙ་ནཱ ས་མུ་ཀྐཱ་ཙ་ནཱ ཨ་ནུ་པྤི་ཡ་བྷཱ་ཎི་ཏཱ ཙཱ་ཊུ་ཀ་མྱ་ཏཱ མུ་གྒ་སཱུ་པྱ་ཏཱ པཱ་རི་བྷ་ཊ་ཡ་ཏཱ – ཨ་ཡཾ ཝུ་ཙྩ་ཏི ‘‘ལ་པ་ནཱ’’.
(༤༦) ནེ་མི་ཏྟི་ཀ་ཏཱ
༨༦༣. ཏ་ཏྠ ཀ་ཏ་མཱ ནེ་མི་ཏྟི་ཀ་ཏཱ? ལཱ་བྷ་ས་ཀྐཱ་ར་སི་ལོ་ཀ་ས་ནྣི་སྶི་ཏ་སྶ པཱ་པི་ཙྪ་སྶ ཨི་ཙྪཱ་པ་ཀ་ཏ་སྶ ཡཾ པ་རེ་སཾ ནི་མི་ཏྟཾ ནི་མི་ཏྟ་ཀ་མྨཾ ཨོ་བྷཱ་སོ ཨོ་བྷཱ་ས་ཀ་མྨཾ སཱ་མ་ནྟ་ཛ་པྤཱ པ་རི་ཀ་ཐཱ – ཨ་ཡཾ ཝུ་ཙྩ་ཏི ‘‘ནེ་མི་ཏྟི་ཀ་ཏཱ’’.
(༤༧) ནི་པྤེ་སི་ཀ་ཏཱ
༨༦༤. ཏ་ཏྠ ཀ་ཏ་མཱ ནི་པྤེ་སི་ཀ་ཏཱ? ལཱ་བྷ་ས་ཀྐཱ་ར་སི་ལོ་ཀ་ས་ནྣི་སྶི་ཏ་སྶ པཱ་པི་ཙྪ་སྶ ཨི་ཙྪཱ་པ་ཀ་ཏ་སྶ ཡཱ པ་རེ་སཾ ཨ་ཀྐོ་ས་ནཱ ཝ་མྦྷ་ནཱ ག་ར་ཧ་ཎཱ ཨུ་ཀྑེ་པ་ནཱ ས་མུ་ཀྑེ་པ་ནཱ ཁི་པ་ནཱ ས་ངྑི་པ་ནཱ པཱ་པ་ནཱ ས་མྤཱ་པ་ནཱ ཨ་ཝ་ཎྞ་ཧཱ་རི་ཀཱ པ་ར་པི་ཊྛི་མཾ་སི་ཀ་ཏཱ – ཨ་ཡཾ ཝུ་ཙྩ་ཏི ‘‘ནི་པྤེ་སི་ཀ་ཏཱ’’.
(༤༨) ལཱ་བྷེ་ན ལཱ་བྷཾ ནི་ཛི་གཱི་ས་ན་ཏཱ
༨༦༥. ཏ་ཏྠ ཀ་ཏ་མཱ ལཱ་བྷེ་ན ལཱ་བྷཾ ནི་ཛི་གཱི་ས་ན་ཏཱ? ལཱ་བྷ་ས་ཀྐཱ་ར་སི་ལོ་ཀ་ས་ནྣི་སྶི་ཏོ པཱ་པི་ཙྪོ ཨི་ཙྪཱ་པ་ཀ་ཏོ ཨི་ཏོ ལ་དྡྷཾ ཨཱ་མི་སཾ ཨ་མུ་ཏྲ ཧ་ར་ཏི ཨ་མུ་ཏྲ ཝཱ ལ་དྡྷཾ ཨཱ་མི་སཾ ཨི་དྷ ཨཱ་ཧ་ར་ཏི, ཡཱ ཨེ་ཝ་རཱུ་པཱ ཨཱ་མི་ས་སྶ ཨེ་ཊྛི ག་ཝེ་ཊྛི པ་རི་ཡེ་ཊྛི ཨེ་ས་ནཱ ག་ཝེ་ས་ནཱ པ་རི་ཡེ་ས་ནཱ – ཨ་ཡཾ ཝུ་ཙྩ་ཏི ‘‘ལཱ་བྷེ་ན ལཱ་བྷཾ ནི་ཛི་གཱི་ས་ན་ཏཱ’’.
(༤༩) སེ་ཡྻོ་ཧ་མ་སྨཱི་ཏི མཱ་ནོ
༨༦༦. ཏ་ཏྠ ཀ་ཏ་མོ སེ་ཡྻོ་ཧ་མ་སྨཱི་ཏི མཱ་ནོ? ཨི་དྷེ་ཀ་ཙྩོ ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ ཝ་ཎྞ་པོ་ཀྑ་ར་ཏཱ་ཡ ཝཱ དྷ་ནེ་ན ཝཱ ཨ་ཛ྄ཛྷེ་ནེ་ན ཝཱ ཀ་མྨཱ་ཡ་ཏ་ནེ་ན ཝཱ སི་པྤཱ་ཡ་ཏ་ནེ་ན ཝཱ ཝི་ཛྫཱ་ཊྛཱ་ནེ་ན [ཝི་ཛྫ་ཊྛཱ་ནེ་ན (སྱཱ.)] ཝཱ སུ་ཏེ་ན ཝཱ པ་ཊི་བྷཱ་ནེ་ན ཝཱ ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ མཱ་ནཾ ཛ་པྤེ་ཏི, ཡོ ཨེ་ཝ་རཱུ་པོ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘སེ་ཡྻོ་ཧ་མ་སྨཱི་ཏི མཱ་ནོ’’.
(༥༠) ས་དི་སོ་ཧ་མ་སྨཱི་ཏི མཱ་ནོ
༨༦༧. ཏ་ཏྠ ཀ་ཏ་མོ ས་དི་སོ་ཧ་མ་སྨཱི་ཏི མཱ་ནོ? ཨི་དྷེ་ཀ་ཙྩོ ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ ཝ་ཎྞ་པོ་ཀྑ་ར་ཏཱ་ཡ ཝཱ དྷ་ནེ་ན ཝཱ ཨ་ཛ྄ཛྷེ་ནེ་ན ཝཱ ཀ་མྨཱ་ཡ་ཏ་ནེ་ན ཝཱ སི་པྤཱ་ཡ་ཏ་ནེ་ན ཝཱ ཝི་ཛྫཱ་ཊྛཱ་ནེ་ན ཝཱ སུ་ཏེ་ན ཝཱ པ་ཊི་བྷཱ་ནེ་ན ཝཱ ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ མཱ་ནཾ ཛ་པྤེ་ཏི, ཡོ ཨེ་ཝ་རཱུ་པོ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘ས་དི་སོ་ཧ་མ་སྨཱི་ཏི མཱ་ནོ’’.
(༥༡) ཧཱི་ནོ་ཧ་མ་སྨཱི་ཏི མཱ་ནོ
༨༦༨. ཏ་ཏྠ ཀ་ཏ་མོ ཧཱི་ནོ་ཧ་མ་སྨཱི་ཏི མཱ་ནོ? ཨི་དྷེ་ཀ་ཙྩོ ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ ཝ་ཎྞ་པོ་ཀྑ་ར་ཏཱ་ཡ ཝཱ དྷ་ནེ་ན ཝཱ ཨ་ཛ྄ཛྷེ་ནེ་ན ཝཱ ཀ་མྨཱ་ཡ་ཏ་ནེ་ན ཝཱ སི་པྤཱ་ཡ་ཏ་ནེ་ན ཝཱ ཝི་ཛྫཱ་ཊྛཱ་ནེ་ན ཝཱ སུ་ཏེ་ན ཝཱ པ་ཊི་བྷཱ་ནེ་ན ཝཱ ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ ཨོ་མཱ་ནཾ ཛ་པྤེ་ཏི, ཡོ ཨེ་ཝ་རཱུ་པོ ཨོ་མཱ་ནོ ཨོ་མ་ཉྙ་ནཱ ཨོ་མ་ཉྙི་ཏ་ཏྟཾ ཧཱི་ལ༹་ནཱ ཨོ་ཧཱི་ལ༹་ནཱ ཨོ་ཧཱི་ལི༹་ཏ་ཏྟཾ ཨ་ཏྟུ་ཉྙཱ ཨ་ཏྟ་ཝ་ཉྙཱ ཨ་ཏྟ་པ་རི་བྷ་ཝོ – ཨ་ཡཾ ཝུ་ཙྩ་ཏི ‘‘ཧཱི་ནོ་ཧ་མ་སྨཱི་ཏི མཱ་ནོ’’.
(༥༢) སེ་ཡྻ་སྶ སེ་ཡྻོ་ཧ་མ་སྨཱི་ཏི མཱ་ནོ
༨༦༩. ཏ་ཏྠ ཀ་ཏ་མོ སེ་ཡྻ་སྶ སེ་ཡྻོ་ཧ་མ་སྨཱི་ཏི མཱ་ནོ? ཨི་དྷེ་ཀ་ཙྩོ སེ་ཡྻོ ཧོ་ཏི ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ ཝ་ཎྞ་པོ་ཀྑ་ར་ཏཱ་ཡ ཝཱ དྷ་ནེ་ན ཝཱ ཨ་ཛ྄ཛྷེ་ནེ་ན ཝཱ ཀ་མྨཱ་ཡ་ཏ་ནེ་ན ཝཱ སི་པྤཱ་ཡ་ཏ་ནེ་ན ཝཱ ཝི་ཛྫཱ་ཊྛཱ་ནེ་ན ཝཱ སུ་ཏེ་ན ཝཱ པ་ཊི་བྷཱ་ནེ་ན ཝཱ ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ པ་རེ་ཧི སེ་ཡྻཾ ཨ་ཏྟཱ་ནཾ ད་ཧ་ཏི; སོ ཏཾ ནི་སྶཱ་ཡ མཱ་ནཾ ཛ་པྤེ་ཏི. ཡོ ཨེ་ཝ་རཱུ་པོ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘སེ་ཡྻ་སྶ སེ་ཡྻོ་ཧ་མ་སྨཱི་ཏི མཱ་ནོ’’.
(༥༣) སེ་ཡྻ་སྶ ས་དི་སོ་ཧ་མ་སྨཱི་ཏི མཱ་ནོ
༨༧༠. ཏ་ཏྠ ཀ་ཏ་མོ སེ་ཡྻ་སྶ ས་དི་སོ་ཧ་མ་སྨཱི་ཏི མཱ་ནོ? ཨི་དྷེ་ཀ་ཙྩོ སེ་ཡྻོ ཧོ་ཏི ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ ཝ་ཎྞ་པོ་ཀྑ་ར་ཏཱ་ཡ ཝཱ དྷ་ནེ་ན ཝཱ ཨ་ཛ྄ཛྷེ་ནེ་ན ཝཱ ཀ་མྨཱ་ཡ་ཏ་ནེ་ན ཝཱ སི་པྤཱ་ཡ་ཏ་ནེ་ན ཝཱ ཝི་ཛྫཱ་ཊྛཱ་ནེ་ན ཝཱ སུ་ཏེ་ན ཝཱ པ་ཊི་བྷཱ་ནེ་ན ཝཱ ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ པ་རེ་ཧི ས་དི་སཾ ཨ་ཏྟཱ་ནཾ ད་ཧ་ཏི; སོ ཏཾ ནི་སྶཱ་ཡ མཱ་ནཾ ཛ་པྤེ་ཏི. ཡོ ཨེ་ཝ་རཱུ་པོ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘སེ་ཡྻ་སྶ ས་དི་སོ་ཧ་མ་སྨཱི་ཏི མཱ་ནོ’’.
(༥༤) སེ་ཡྻ་སྶ ཧཱི་ནོ་ཧ་མ་སྨཱི་ཏི མཱ་ནོ
༨༧༡. ཏ་ཏྠ ཀ་ཏ་མོ སེ་ཡྻ་སྶ ཧཱི་ནོ་ཧ་མ་སྨཱི་ཏི མཱ་ནོ? ཨི་དྷེ་ཀ་ཙྩོ སེ་ཡྻོ ཧོ་ཏི ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ ཝ་ཎྞ་པོ་ཀྑ་ར་ཏཱ་ཡ ཝཱ དྷ་ནེ་ན ཝཱ ཨ་ཛ྄ཛྷེ་ནེ་ན ཝཱ ཀ་མྨཱ་ཡ་ཏ་ནེ་ན ཝཱ སི་པྤཱ་ཡ་ཏ་ནེ་ན ཝཱ ཝི་ཛྫཱ་ཊྛཱ་ནེ་ན ཝཱ སུ་ཏེ་ན ཝཱ པ་ཊི་བྷཱ་ནེ་ན ཝཱ ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ པ་རེ་ཧི ཧཱི་ནཾ ཨ་ཏྟཱ་ནཾ ད་ཧ་ཏི; སོ ཏཾ ནི་སྶཱ་ཡ ཨོ་མཱ་ནཾ ཛ་པྤེ་ཏི. ཡོ ཨེ་ཝ་རཱུ་པོ ཨོ་མཱ་ནོ ཨོ་མ་ཉྙ་ནཱ ཨོ་མ་ཉྙི་ཏ་ཏྟཾ ཧཱི་ལ༹་ནཱ ཨོ་ཧཱི་ལ༹་ནཱ ཨོ་ཧཱི་ལི༹་ཏ་ཏྟཾ ཨ་ཏྟུ་ཉྙཱ ཨ་ཏྟ་ཝ་ཉྙཱ ཨ་ཏྟ་པ་རི་བྷ་ཝོ – ཨ་ཡཾ ཝུ་ཙྩ་ཏི ‘‘སེ་ཡྻ་སྶ ཧཱི་ནོ་ཧ་མ་སྨཱི་ཏི མཱ་ནོ’’.
(༥༥) ས་དི་ས་སྶ སེ་ཡྻོ་ཧ་མ་སྨཱི་ཏི མཱ་ནོ
༨༧༢. ཏ་ཏྠ ཀ་ཏ་མོ ས་དི་ས་སྶ སེ་ཡྻོ་ཧ་མ་སྨཱི་ཏི མཱ་ནོ? ཨི་དྷེ་ཀ་ཙྩོ ས་དི་སོ ཧོ་ཏི ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ…པེ… ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ པ་རེ་ཧི སེ་ཡྻཾ ཨ་ཏྟཱ་ནཾ ད་ཧ་ཏི; སོ ཏཾ ནི་སྶཱ་ཡ མཱ་ནཾ ཛ་པྤེ་ཏི. ཡོ ཨེ་ཝ་རཱུ་པོ མཱ་ནོ མ་ཉྙ་ནཱ མ་ཉྙི་ཏ་ཏྟཾ…པེ… ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘ས་དི་ས་སྶ སེ་ཡྻོ་ཧ་མ་སྨཱི་ཏི མཱ་ནོ’’.
(༥༦) ས་དི་ས་སྶ ས་དི་སོ་ཧ་མ་སྨཱི་ཏི མཱ་ནོ
༨༧༣. ཏ་ཏྠ ཀ་ཏ་མོ ས་དི་ས་སྶ ས་དི་སོ་ཧ་མ་སྨཱི་ཏི མཱ་ནོ? ཨི་དྷེ་ཀ་ཙྩོ ས་དི་སོ ཧོ་ཏི ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ…པེ… ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ པ་རེ་ཧི ས་དི་སཾ ཨ་ཏྟཱ་ནཾ ད་ཧ་ཏི; སོ ཏཾ ནི་སྶཱ་ཡ མཱ་ནཾ ཛ་པྤེ་ཏི. ཡོ ཨེ་ཝ་རཱུ་པོ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘ས་དི་ས་སྶ ས་དི་སོ་ཧ་མ་སྨཱི་ཏི མཱ་ནོ’’.
(༥༧) ས་དི་ས་སྶ ཧཱི་ནོ་ཧ་མ་སྨཱི་ཏི མཱ་ནོ
༨༧༤. ཏ་ཏྠ ཀ་ཏ་མོ ས་དི་ས་སྶ ཧཱི་ནོ་ཧ་མ་སྨཱི་ཏི མཱ་ནོ? ཨི་དྷེ་ཀ་ཙྩོ ས་དི་སོ ཧོ་ཏི ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ…པེ… ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ པ་རེ་ཧི ཧཱི་ནཾ ཨ་ཏྟཱ་ནཾ ད་ཧ་ཏི; སོ ཏཾ ནི་སྶཱ་ཡ ཨོ་མཱ་ནཾ ཛ་པྤེ་ཏི. ཡོ ཨེ་ཝ་རཱུ་པོ ཨོ་མཱ་ནོ ཨོ་མ་ཉྙ་ནཱ ཨོ་མ་ཉྙི་ཏ་ཏྟཾ ཧཱི་ལ༹་ནཱ ཨོ་ཧཱི་ལ༹་ནཱ ཨོ་ཧཱི་ལི༹་ཏ་ཏྟཾ ཨ་ཏྟུ་ཉྙཱ ཨ་ཏྟ་ཝ་ཉྙཱ ཨ་ཏྟ་པ་རི་བྷ་ཝོ – ཨ་ཡཾ ཝུ་ཙྩ་ཏི ‘‘ས་དི་ས་སྶ ཧཱི་ནོ་ཧ་མ་སྨཱི་ཏི མཱ་ནོ’’.
(༥༨) ཧཱི་ན་སྶ སེ་ཡྻོ་ཧ་མ་སྨཱི་ཏི མཱ་ནོ
༨༧༥. ཏ་ཏྠ ཀ་ཏ་མོ ཧཱི་ན་སྶ སེ་ཡྻོ་ཧ་མ་སྨཱི་ཏི མཱ་ནོ? ཨི་དྷེ་ཀ་ཙྩོ ཧཱི་ནོ ཧོ་ཏི ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ…པེ… ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ པ་རེ་ཧི སེ་ཡྻཾ ཨ་ཏྟཱ་ནཾ ད་ཧ་ཏི; སོ ཏཾ ནི་སྶཱ་ཡ མཱ་ནཾ ཛ་པྤེ་ཏི. ཡོ ཨེ་ཝ་རཱུ་པོ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘ཧཱི་ན་སྶ སེ་ཡྻོ་ཧ་མ་སྨཱི་ཏི མཱ་ནོ’’.
(༥༩) ཧཱི་ན་སྶ ས་དི་སོ་ཧ་མ་སྨཱི་ཏི མཱ་ནོ
༨༧༦. ཏ་ཏྠ ཀ་ཏ་མོ ཧཱི་ན་སྶ ས་དི་སོ་ཧ་མ་སྨཱི་ཏི མཱ་ནོ? ཨི་དྷེ་ཀ་ཙྩོ ཧཱི་ནོ ཧོ་ཏི ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ…པེ… ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ པ་རེ་ཧི ས་དི་སཾ ཨ་ཏྟཱ་ནཾ ད་ཧ་ཏི; སོ ཏཾ ནི་སྶཱ་ཡ མཱ་ནཾ ཛ་པྤེ་ཏི. ཡོ ཨེ་ཝ་རཱུ་པོ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘ཧཱི་ན་སྶ ས་དི་སོ་ཧ་མ་སྨཱི་ཏི མཱ་ནོ’’.
(༦༠) ཧཱི་ན་སྶ ཧཱི་ནོ་ཧ་མ་སྨཱི་ཏི མཱ་ནོ
༨༧༧. ཏ་ཏྠ ཀ་ཏ་མོ ཧཱི་ན་སྶ ཧཱི་ནོ་ཧ་མ་སྨཱི་ཏི མཱ་ནོ? ཨི་དྷེ་ཀ་ཙྩོ ཧཱི་ནོ ཧོ་ཏི ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ…པེ… ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ པ་རེ་ཧི ས་དི་སཾ ཨ་ཏྟཱ་ནཾ ད་ཧ་ཏི; སོ ཏཾ ནི་སྶཱ་ཡ ཨོ་མཱ་ནཾ ཛ་པྤེ་ཏི. ཡོ ཨེ་ཝ་རཱུ་པོ ཨོ་མཱ་ནོ ཨོ་མ་ཉྙ་ནཱ ཨོ་མ་ཉྙི་ཏ་ཏྟཾ ཧཱི་ལ༹་ནཱ ཨོ་ཧཱི་ལ༹་ནཱ ཨོ་ཧཱི་ལི༹་ཏ་ཏྟཾ ཨ་ཏྟུ་ཉྙཱ ཨ་ཏྟ་ཝ་ཉྙཱ ཨ་ཏྟ་པ་རི་བྷ་ཝོ – ཨ་ཡཾ ཝུ་ཙྩ་ཏི ‘‘ཧཱི་ན་སྶ ཧཱི་ནོ་ཧ་མ་སྨཱི་ཏི མཱ་ནོ’’.
(༦༡) མཱ་ནོ
༨༧༨. ཏ་ཏྠ ཀ་ཏ་མོ མཱ་ནོ? ཡོ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘མཱ་ནོ’’.
(༦༢) ཨ་ཏི་མཱ་ནོ
༨༧༩. ཏ་ཏྠ ཀ་ཏ་མོ ཨ་ཏི་མཱ་ནོ? ཨི་དྷེ་ཀ་ཙྩོ ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ…པེ… ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ པ་རེ་ཧི ཨ་ཏྟཱ་ནཾ ཨ་ཏི་མ་ཉྙ་ཏི. ཡོ ཨེ་ཝ་རཱུ་པོ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘ཨ་ཏི་མཱ་ནོ’’.
(༦༣) མཱ་ནཱ་ཏི་མཱ་ནོ
༨༨༠. ཏ་ཏྠ ཀ་ཏ་མོ མཱ་ནཱ་ཏི་མཱ་ནོ? ཨི་དྷེ་ཀ་ཙྩོ ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ…པེ… ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ པུ་བྦ་ཀཱ་ལཾ པ་རེ་ཧི ས་དི་སཾ ཨ་ཏྟཱ་ནཾ ད་ཧ་ཏི, ཨ་པ་ར་ཀཱ་ལཾ ཨ་ཏྟཱ་ནཾ སེ་ཡྻཾ ད་ཧ་ཏི. ཡོ ཨེ་ཝ་རཱུ་པོ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘མཱ་ནཱ་ཏི་མཱ་ནོ’’.
(༦༤) ཨོ་མཱ་ནོ
༨༨༡. ཏ་ཏྠ ཀ་ཏ་མོ ཨོ་མཱ་ནོ? ཨི་དྷེ་ཀ་ཙྩོ ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ ཝ་ཎྞ་པོ་ཀྑ་ར་ཏཱ་ཡ ཝཱ དྷ་ནེ་ན ཝཱ ཨ་ཛ྄ཛྷེ་ནེ་ན ཝཱ ཀ་མྨཱ་ཡ་ཏ་ནེ་ན ཝཱ སི་པྤཱ་ཡ་ཏ་ནེ་ན ཝཱ ཝི་ཛྫཱ་ཊྛཱ་ནེ་ན ཝཱ སུ་ཏེ་ན ཝཱ པ་ཊི་བྷཱ་ནེ་ན ཝཱ ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ ཨོ་མཱ་ནཾ ཛ་པྤེ་ཏི. ཡོ ཨེ་ཝ་རཱུ་པོ ཨོ་མཱ་ནོ ཨོ་མ་ཉྙ་ནཱ ཨོ་མ་ཉྙི་ཏ་ཏྟཾ ཧཱི་ལ༹་ནཱ ཨོ་ཧཱི་ལ༹་ནཱ ཨོ་ཧཱི་ལི༹་ཏ་ཏྟཾ ཨ་ཏྟུ་ཉྙཱ ཨ་ཏྟ་ཝ་ཉྙཱ ཨ་ཏྟ་པ་རི་བྷ་ཝོ – ཨ་ཡཾ ཝུ་ཙྩ་ཏི ‘‘ཨོ་མཱ་ནོ’’.
(༦༥) ཨ་དྷི་མཱ་ནོ
༨༨༢. ཏ་ཏྠ ཀ་ཏ་མོ ཨ་དྷི་མཱ་ནོ? ཨ་པྤ་ཏྟེ པ་ཏྟ་ས་ཉྙི་ཏཱ, ཨ་ཀ་ཏེ ཀ་ཏ་ས་ཉྙི་ཏཱ, ཨ་ན་དྷི་ག་ཏེ ཨ་དྷི་ག་ཏ་ས་ཉྙི་ཏཱ, ཨ་ས་ཙྪི་ཀ་ཏེ ས་ཙྪི་ཀ་ཏ་ས་ཉྙི་ཏཱ, ཡོ ཨེ་ཝ་རཱུ་པོ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘ཨ་དྷི་མཱ་ནོ’’.
(༦༦) ཨ་སྨི་མཱ་ནོ
༨༨༣. ཏ་ཏྠ ཀ་ཏ་མོ ཨ་སྨི་མཱ་ནོ? རཱུ་པཾ ཨ་སྨཱི་ཏི མཱ་ནོ, ཨ་སྨཱི་ཏི ཚ་ནྡོ, ཨ་སྨཱི་ཏི ཨ་ནུ་ས་ཡོ, ཝེ་ད་ནཱ…པེ… ས་ཉྙཱ…པེ… ས་ངྑཱ་རཱ…པེ… ཝི་ཉྙཱ་ཎཾ ཨ་སྨཱི་ཏི མཱ་ནོ, ཨ་སྨཱི་ཏི ཚ་ནྡོ, ཨ་སྨཱི་ཏི ཨ་ནུ་ས་ཡོ, ཡོ ཨེ་ཝ་རཱུ་པོ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘ཨ་སྨི་མཱ་ནོ’’.
(༦༧) མི་ཙྪཱ་མཱ་ནོ
༨༨༤. ཏ་ཏྠ ཀ་ཏ་མོ མི་ཙྪཱ་མཱ་ནོ? ཨི་དྷེ་ཀ་ཙྩོ པཱ་པ་ཀེ་ན ཝཱ ཀ་མྨཱ་ཡ་ཏ་ནེ་ན པཱ་པ་ཀེ་ན ཝཱ སི་པྤཱ་ཡ་ཏ་ནེ་ན པཱ་པ་ཀེ་ན ཝཱ ཝི་ཛྫཱ་ཊྛཱ་ནེ་ན པཱ་པ་ཀེ་ན ཝཱ སུ་ཏེ་ན པཱ་པ་ཀེ་ན ཝཱ པ་ཊི་བྷཱ་ནེ་ན པཱ་པ་ཀེ་ན ཝཱ སཱི་ལེ་ན པཱ་པ་ཀེ་ན ཝཱ ཝ་ཏེ་ན པཱ་པ་ཀེ་ན ཝཱ སཱི་ལ་བྦ་ཏེ་ན པཱ་པི་ཀཱ་ཡ ཝཱ དི་ཊྛི་ཡཱ ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ མཱ་ནཾ ཛ་པྤེ་ཏི, ཡོ ཨེ་ཝ་རཱུ་པོ མཱ་ནོ མ་ཉྙ་ནཱ མ་ཉྙི་ཏ་ཏྟཾ ཨུ་ནྣ་ཏི ཨུ་ནྣཱ་མོ དྷ་ཛོ ས་མྤ་གྒཱ་ཧོ ཀེ་ཏུ་ཀ་མྱ་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘མི་ཙྪཱ་མཱ་ནོ’’.
(༦༨) ཉཱ་ཏི་ཝི་ཏ་ཀྐོ
༨༨༥. ཏ་ཏྠ ཀ་ཏ་མོ ཉཱ་ཏི་ཝི་ཏ་ཀྐོ? ཉཱ་ཏ་ཀེ ཨཱ་ར་བྦྷ གེ་ཧ་སི་ཏོ ཏ་ཀྐོ ཝི་ཏ་ཀྐོ མི་ཙྪཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘ཉཱ་ཏི་ཝི་ཏ་ཀྐོ’’.
(༦༩) ཛ་ན་པ་ད་ཝི་ཏ་ཀྐོ
༨༨༦. ཏ་ཏྠ ཀ་ཏ་མོ ཛ་ན་པ་ད་ཝི་ཏ་ཀྐོ? ཛ་ན་པ་དཾ ཨཱ་ར་བྦྷ གེ་ཧ་སི་ཏོ ཏ་ཀྐོ ཝི་ཏ་ཀྐོ མི་ཙྪཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘ཛ་ན་པ་ད་ཝི་ཏ་ཀྐོ’’.
(༧༠) ཨ་མ་ར་ཝི་ཏ་ཀྐོ
༨༨༧. ཏ་ཏྠ ཀ་ཏ་མོ ཨ་མ་ར་ཝི་ཏ་ཀྐོ? དུ་ཀྐ་ར་ཀཱ་རི་ཏཱ་པ་ཊི་སཾ་ཡུ་ཏྟོ ཝཱ དི་ཊྛི་ག་ཏ་པ་ཊི་སཾ་ཡུ་ཏྟོ ཝཱ གེ་ཧ་སི་ཏོ ཏ་ཀྐོ ཝི་ཏ་ཀྐོ མི་ཙྪཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘ཨ་མ་ར་ཝི་ཏ་ཀྐོ’’.
(༧༡) པ་རཱ་ནུ་དྡ་ཡ་ཏཱ་པ་ཊི་སཾ་ཡུ་ཏྟོ ཝི་ཏ་ཀྐོ
༨༨༨. ཏ་ཏྠ ཀ་ཏ་མོ པ་རཱ་ནུ་དྡ་ཡ་ཏཱ་པ་ཊི་སཾ་ཡུ་ཏྟོ ཝི་ཏ་ཀྐོ? ཨི་དྷེ་ཀ་ཙྩོ གི་ཧཱི་ཧི སཾ་ས་ཊྛོ ཝི་ཧ་ར་ཏི ས་ཧ་ན་ནྡཱི ས་ཧ་སོ་ཀཱི, སུ་ཁི་ཏེ་སུ སུ་ཁི་ཏོ, དུ་ཀྑི་ཏེ་སུ དུ་ཀྑི་ཏོ, ཨུ་པྤ་ནྣེ་སུ ཀི་ཙྩ་ཀ་ར་ཎཱི་ཡེ་སུ ཨ་ཏྟ་ནཱ ཝཱ ཡོ་གཾ ཨཱ་པ་ཛྫ་ཏི. ཡོ ཏ་ཏྠ གེ་ཧ་སི་ཏོ ཏ་ཀྐོ ཝི་ཏ་ཀྐོ མི་ཙྪཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘པ་རཱ་ནུ་དྡ་ཡ་ཏཱ་པ་ཊི་སཾ་ཡུ་ཏྟོ ཝི་ཏ་ཀྐོ’’.
(༧༢) ལཱ་བྷཱ་དི་པ་ཊི་སཾ་ཡུ་ཏྟོ ཝི་ཏ་ཀྐོ
༨༨༩. ཏ་ཏྠ ཀ་ཏ་མོ ལཱ་བྷ་ས་ཀྐཱ་ར་སི་ལོ་ཀ་པ་ཊི་སཾ་ཡུ་ཏྟོ ཝི་ཏ་ཀྐོ? ལཱ་བྷ་ས་ཀྐཱ་ར་སི་ལོ་ཀཾ ཨཱ་ར་བྦྷ གེ་ཧ་སི་ཏོ ཏ་ཀྐོ ཝི་ཏ་ཀྐོ མི་ཙྪཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘ལཱ་བྷ་ས་ཀྐཱ་ར་སི་ལོ་ཀ་པ་ཊི་སཾ་ཡུ་ཏྟོ ཝི་ཏ་ཀྐོ’’.
(༧༣) ཨ་ན་ཝ་ཉྙ་ཏྟི་པ་ཊི་སཾ་ཡུ་ཏྟོ ཝི་ཏ་ཀྐོ
༨༩༠. ཏ་ཏྠ ཀ་ཏ་མོ ཨ་ན་ཝ་ཉྙ་ཏྟི་པ་ཊི་སཾ་ཡུ་ཏྟོ ཝི་ཏ་ཀྐོ? ཨི་དྷེ་ཀ་ཙྩོ ཛཱ་ཏི་ཡཱ ཝཱ གོ་ཏྟེ་ན ཝཱ ཀོ་ལ་པུ་ཏྟི་ཡེ་ན ཝཱ ཝ་ཎྞ་པོ་ཀྑ་ར་ཏཱ་ཡ ཝཱ དྷ་ནེ་ན ཝཱ ཨ་ཛ྄ཛྷེ་ནེ་ན ཝཱ ཀ་མྨཱ་ཡ་ཏ་ནེ་ན ཝཱ སི་པྤཱ་ཡ་ཏ་ནེ་ན ཝཱ ཝི་ཛྫཱ་ཊྛཱ་ནེ་ན ཝཱ སུ་ཏེ་ན ཝཱ པ་ཊི་བྷཱ་ནེ་ན ཝཱ ཨ་ཉྙ་ཏ་ར་ཉྙ་ཏ་རེ་ན ཝ་ཏྠུ་ནཱ མཱ མཾ པ་རེ ཨ་ཝ་ཛཱ་ནིཾ་སཱུ་ཏི. ཡོ ཏ་ཏྠ གེ་ཧ་སི་ཏོ ཏ་ཀྐོ ཝི་ཏ་ཀྐོ མི་ཙྪཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘ཨ་ན་ཝ་ཉྙ་ཏྟི་པ་ཊི་སཾ་ཡུ་ཏྟོ ཝི་ཏ་ཀྐོ’’.
ཨེ་ཀ་ཀཾ.
༢. དུ་ཀ་ནི་དྡེ་སོ
(༡) ཀོ་དྷོ ཙ ཨུ་པ་ནཱ་ཧོ ཙ
༨༩༡. (ཀ) ཏ་ཏྠ ཀ་ཏ་མོ ཀོ་དྷོ? ཡོ ཀོ་དྷོ ཀུ་ཛ྄ཛྷ་ནཱ ཀུ་ཛ྄ཛྷི་ཏ་ཏྟཾ དོ་སོ དུ་སྶ་ནཱ དུ་སྶི་ཏ་ཏྟཾ བྱཱ་པ་ཏྟི བྱཱ་པ་ཛྫ་ནཱ བྱཱ་པ་ཛྫི་ཏ་ཏྟཾ ཝི་རོ་དྷོ པ་ཊི་ཝི་རོ་དྷོ ཙ་ཎྜི་ཀྐཾ ཨ་སུ་རོ་པོ ཨ་ན་ཏྟ་མ་ན་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘ཀོ་དྷོ’’.
(ཁ) ཏ་ཏྠ ཀ་ཏ་མོ ཨུ་པ་ནཱ་ཧོ? པུ་བྦ་ཀཱ་ལཾ ཀོ་དྷོ, ཨ་པ་ར་ཀཱ་ལཾ ཨུ་པ་ནཱ་ཧོ. ཡོ ཨེ་ཝ་རཱུ་པོ ཨུ་པ་ནཱ་ཧོ ཨུ་པ་ན་ཡ྄ཧ་ནཱ ཨུ་པ་ན་ཡ྄ཧི་ཏ་ཏྟཾ ཨ་ཊྛ་པ་ནཱ ཋ་པ་ནཱ ས་ཎྛ་པ་ནཱ ཨ་ནུ་སཾ་ས་ནྡ་ནཱ ཨ་ནུ་པྤ་བ་ནྡྷ་ནཱ ད་ལ༹ྷཱི་ཀ་མྨཾ ཀོ་དྷ་སྶ – ཨ་ཡཾ ཝུ་ཙྩ་ཏི ‘‘ཨུ་པ་ནཱ་ཧོ’’.
(༢) མ་ཀྑོ ཙ པ་ལཱ༹་སོ ཙ
༨༩༢. (ཀ) ཏ་ཏྠ ཀ་ཏ་མོ མ་ཀྑོ? ཡོ མ་ཀྑོ མ་ཀྑཱ་ཡ་ནཱ མ་ཀྑཱ་ཡི་ཏ་ཏྟཾ [མ་ཀྑི་ཡ་ནཱ མ་ཀྑི་ཡི་ཏ་ཏྟཾ (སཱི. ཀ.)] ནི་ཊྛུ་རི་ཡཾ ནི་ཊྛུ་རི་ཡ་ཀ་མྨཾ – ཨ་ཡཾ ཝུ་ཙྩ་ཏི ‘‘མ་ཀྑོ’’.
(ཁ) ཏ་ཏྠ ཀ་ཏ་མོ པ་ལཱ༹་སོ? ཡོ པ་ལཱ༹་སོ པ་ལཱ༹་སཱ་ཡ་ནཱ [པ་ལཱ་སཱ་ཡ་ནཱ པ་ལཱ་སཱ་ཡི་ཏ་ཏྟཾ (སྱཱ.)] པ་ལཱ༹་སཱ་ཧཱ་རོ ཝི་ཝཱ་ད་ཊྛཱ་ནཾ ཡུ་ག་གྒཱ་ཧོ ཨ་པྤ་ཊི་ནི་སྶ་གྒོ – ཨ་ཡཾ ཝུ་ཙྩ་ཏི ‘‘པ་ལཱ༹་སོ’’.
(༣) ཨི་སྶཱ ཙ མ་ཙྪ་རི་ཡ་ཉྩ
༨༩༣. (ཀ) ཏ་ཏྠ ཀ་ཏ་མཱ ཨི་སྶཱ? ཡཱ པ་ར་ལཱ་བྷ་ས་ཀྐཱ་ར་ག་རུ་ཀཱ་ར་མཱ་ན་ན་ཝ་ནྡ་ན་པཱུ་ཛ་ནཱ་སུ ཨི་སྶཱ ཨི་སྶཱ་ཡ་ནཱ ཨི་སྶཱ་ཡི་ཏ་ཏྟཾ ཨུ་སཱུ་ཡཱ ཨུ་སཱུ་ཡ་ནཱ ཨུ་སཱུ་ཡི་ཏ་ཏྟཾ – ཨ་ཡཾ ཝུ་ཙྩ་ཏི ‘‘ཨི་སྶཱ’’.
(ཁ) ཏ་ཏྠ ཀ་ཏ་མཾ མ་ཙྪ་རི་ཡཾ? པ་ཉྩ མ་ཙྪ་རི་ཡཱ་ནི – ཨཱ་ཝཱ་ས་མ་ཙྪ་རི་ཡཾ, ཀུ་ལ་མ་ཙྪ་རི་ཡཾ, ལཱ་བྷ་མ་ཙྪ་རི་ཡཾ, ཝ་ཎྞ་མ་ཙྪ་རི་ཡཾ, དྷ་མྨ་མ་ཙྪ་རི་ཡཾ. ཡཾ ཨེ་ཝ་རཱུ་པཾ མ་ཙྪེ་རཾ མ་ཙྪ་རཱ་ཡ་ནཱ མ་ཙྪ་རཱ་ཡི་ཏ་ཏྟཾ ཝེ་ཝི་ཙྪཾ ཀ་ད་རི་ཡཾ ཀ་ཊུ་ཀ་ཉྩུ་ཀ་ཏཱ ཨ་གྒ་ཧི་ཏ་ཏྟཾ [པ་གྒ་ཧི་ཏ་ཏྟཾ (སཱི. ཀ.) དྷ. ས. ༡༡༢༧] ཙི་ཏྟ་སྶ – ཨི་དཾ ཝུ་ཙྩ་ཏི ‘‘མ་ཙྪ་རི་ཡཾ’’.
(༤) མཱ་ཡཱ ཙ སཱ་ཋེ་ཡྻ་ཉྩ
༨༩༤. (ཀ) ཏ་ཏྠ ཀ་ཏ་མཱ མཱ་ཡཱ? ཨི་དྷེ་ཀ་ཙྩོ ཀཱ་ཡེ་ན དུ་ཙྩ་རི་ཏཾ ཙ་རི་ཏྭཱ, ཝཱ་ཙཱ་ཡ དུ་ཙྩ་རི་ཏཾ ཙ་རི་ཏྭཱ, མ་ན་སཱ དུ་ཙྩ་རི་ཏཾ ཙ་རི་ཏྭཱ ཏ་སྶ པ་ཊི་ཙྪཱ་ད་ན་ཧེ་ཏུཾ པཱ་པི་ཀཾ ཨི་ཙྪཾ པ་ཎི་ད་ཧ་ཏི. ‘‘མཱ མཾ ཛ་ཉྙཱ’’ཏི ཨི་ཙྪ་ཏི. ‘‘མཱ མཾ ཛ་ཉྙཱ’’ཏི ས་ངྐ་པྤེ་ཏི. ‘‘མཱ མཾ ཛ་ཉྙཱ’’ཏི ཝཱ་ཙཾ བྷཱ་ས་ཏི. ‘‘མཱ མཾ ཛ་ཉྙཱ’’ཏི ཀཱ་ཡེ་ན པ་ར་ཀྐ་མ་ཏི. ཡཱ ཨེ་ཝ་རཱུ་པཱ མཱ་ཡཱ མཱ་ཡཱ་ཝི་ཏཱ ཨ་ཙྩཱ་ས་རཱ ཝ་ཉྩ་ནཱ ནི་ཀ་ཏི ཝི་ཀི་ར་ཎཱ པ་རི་ཧ་ར་ཎཱ གཱུ་ཧ་ནཱ པ་རི་གཱུ་ཧ་ནཱ ཚཱ་ད་ནཱ པ་ཊི་ཙྪཱ་ད་ནཱ ཨ་ནུ་ཏྟཱ་ནཱི་ཀ་མྨཾ ཨ་ནཱ་ཝི་ཀ་མྨཾ ཝོ་ཙྪཱ་ད་ནཱ པཱ་པ་ཀི་རི་ཡཱ – ཨ་ཡཾ ཝུ་ཙྩ་ཏི ‘‘མཱ་ཡཱ’’.
(ཁ) ཏ་ཏྠ ཀ་ཏ་མཾ སཱ་ཋེ་ཡྻཾ? ཨི་དྷེ་ཀ་ཙྩོ ས་ཋོ ཧོ་ཏི པ་རི་ས་ཋོ. ཡཾ ཏ་ཏྠ ས་ཋཾ ས་ཋ་ཏཱ སཱ་ཋེ་ཡྻཾ ཀ་ཀྐ་ར་ཏཱ ཀ་ཀྐ་རི་ཡཾ [ཀ་ཀྑ་ལ༹་ཏཱ ཀ་ཀྑ་ལི༹་ཡཾ (སྱཱ.)] པ་རི་ཀྑ་ཏྟ་ཏཱ པཱ་རི་ཀྑ་ཏྟི་ཡཾ – ཨི་དཾ ཝུ་ཙྩ་ཏི ‘‘སཱ་ཋེ་ཡྻཾ’’.
(༥) ཨ་ཝི་ཛྫཱ ཙ བྷ་ཝ་ཏ་ཎྷཱ ཙ
༨༩༥. (ཀ) ཏ་ཏྠ ཀ་ཏ་མཱ ཨ་ཝི་ཛྫཱ? ཡཾ ཨ་ཉྙཱ་ཎཾ ཨ་ད་སྶ་ནཾ…པེ… ཨ་ཝི་ཛྫཱ་ལ་ངྒཱི མོ་ཧོ ཨ་ཀུ་ས་ལ་མཱུ་ལཾ – ཨ་ཡཾ ཝུ་ཙྩ་ཏི ‘‘ཨ་ཝི་ཛྫཱ’’.
(ཁ) ཏ་ཏྠ ཀ་ཏ་མཱ བྷ་ཝ་ཏ་ཎྷཱ? ཡོ བྷ་ཝེ་སུ བྷ་ཝ་ཙྪ་ནྡོ བྷ་ཝ་རཱ་གོ བྷ་ཝ་ན་ནྡཱི བྷ་ཝ་ཏ་ཎྷཱ བྷ་ཝ་སི་ནེ་ཧོ བྷ་ཝ་པ་རི་ལཱ༹་ཧོ བྷ་ཝ་མུ་ཙྪཱ བྷ་ཝ་ཛ྄ཛྷོ་སཱ་ནཾ – ཨ་ཡཾ ཝུ་ཙྩ་ཏི ‘‘བྷ་ཝ་ཏ་ཎྷཱ’’.
(༦) བྷ་ཝ་དི་ཊྛི ཙ ཝི་བྷ་ཝ་དི་ཊྛི ཙ
༨༩༦. (ཀ) ཏ་ཏྠ ཀ་ཏ་མཱ བྷ་ཝ་དི་ཊྛི? ‘‘བྷ་ཝི་སྶ་ཏི ཨ་ཏྟཱ ཙ ལོ་ཀོ ཙཱ’’ཏི – ཡཱ ཨེ་ཝ་རཱུ་པཱ དི་ཊྛི དི་ཊྛི་ག་ཏཾ…པེ… ཝི་པ་རི་ཡཱ་ས་གྒཱ་ཧོ – ཨ་ཡཾ ཝུ་ཙྩ་ཏི ‘‘བྷ་ཝ་དི་ཊྛི’’.
(ཁ) ཏ་ཏྠ ཀ་ཏ་མཱ ཝི་བྷ་ཝ་དི་ཊྛི? ‘‘ན བྷ་ཝི་སྶ་ཏི ཨ་ཏྟཱ ཙ ལོ་ཀོ ཙཱ’’ཏི – ཡཱ ཨེ་ཝ་རཱུ་པཱ དི་ཊྛི དི་ཊྛི་ག་ཏཾ…པེ… ཝི་པ་རི་ཡཱ་ས་གྒཱ་ཧོ – ཨ་ཡཾ ཝུ་ཙྩ་ཏི ཝི་བྷ་ཝ་དི་ཊྛི.