༣. ཏི་ཀ་ནི་དྡེ་སོ
(༡) ཏཱི་ཎི ཨ་ཀུ་ས་ལ་མཱུ་ལཱ་ནི
༩༠༩. ཏ་ཏྠ ཀ་ཏ་མཱ་ནི ཏཱི་ཎི ཨ་ཀུ་ས་ལ་མཱུ་ལཱ་ནི? ལོ་བྷོ, དོ་སོ, མོ་ཧོ.
(ཀ) ཏ་ཏྠ ཀ་ཏ་མོ ལོ་བྷོ? ཡོ རཱ་གོ སཱ་རཱ་གོ ཨ་ནུ་ན་ཡོ ཨ་ནུ་རོ་དྷོ ན་ནྡཱི ན་ནྡི་རཱ་གོ ཙི་ཏྟ་སྶ སཱ་རཱ་གོ ཨི་ཙྪཱ མུ་ཙྪཱ ཨ་ཛ྄ཛྷོ་སཱ་ནཾ གེ་དྷོ པ་རི་གེ་དྷོ ས་ངྒོ པ་ངྐོ ཨེ་ཛཱ མཱ་ཡཱ ཛ་ནི་ཀཱ ས་ཉྫ་ན་ནཱི སི་བྦི་ནཱི ཛཱ་ལི་ནཱི ས་རི་ཏཱ ཝི་ས་ཏྟི་ཀཱ སོ་ཏཾ ཝི་ས་ཊཱ [ཝི་ས་དཱ (སཱི. ཀ.) དྷ. ས. ༡༡༤༡] ཨཱ་ཡཱུ་ཧ་ནཱི [ཨཱ་ཡཱུ་ཧི་ནཱི (ཀ.)] དུ་ཏི་ཡཱ པ་ཎི་དྷི བྷ་ཝ་ནེ་ཏྟི ཝ་ནཾ ཝ་ན་ཐོ ས་ནྠ་ཝོ [ས་ནྡྷ་ཝོ (ཀ.)] སི་ནེ་ཧོ ཨ་པེ་ཀྑཱ པ་ཊི་བ་ནྡྷུ ཨཱ་སཱ ཨཱ་སཱི་ས་ནཱ ཨཱ་སཱི་སི་ཏ་ཏྟཾ [ཨཱ་སིཾ་ས་ནཱ ཨཱ་སིཾ་སི་ཏ་ཏྟཾ (སཱི. སྱཱ.)] རཱུ་པཱ་སཱ ས་དྡཱ་སཱ ག་ནྡྷཱ་སཱ ར་སཱ་སཱ ཕོ་ཊྛ་བྦཱ་སཱ ལཱ་བྷཱ་སཱ དྷ་ནཱ་སཱ པུ་ཏྟཱ་སཱ ཛཱི་ཝི་ཏཱ་སཱ ཛ་པྤཱ ཨ་བྷི་ཛ་པྤཱ ཛ་པྤ་ནཱ ཛ་པྤི་ཏ་ཏྟཾ ལོ་ལུ་པྤཾ ལོ་ལུ་པྤཱ་ཡ་ནཱ ལོ་ལུ་པྤཱ་ཡི་ཏ་ཏྟཾ པུ་ཙྪ་ཉྫི་ཀ་ཏཱ སཱ་དྷུ་ཀ་མྱ་ཏཱ ཨ་དྷ་མྨ་རཱ་གོ ཝི་ས་མ་ལོ་བྷོ ནི་ཀ་ནྟི ནི་ཀཱ་མ་ནཱ པ་ཏྠ་ནཱ པི་ཧ་ནཱ ས་མྤ་ཏྠ་ནཱ ཀཱ་མ་ཏ་ཎྷཱ བྷ་ཝ་ཏ་ཎྷཱ ཝི་བྷ་ཝ་ཏ་ཎྷཱ རཱུ་པ་ཏ་ཎྷཱ ཨ་རཱུ་པ་ཏ་ཎྷཱ ནི་རོ་དྷ་ཏ་ཎྷཱ ས་དྡ་ཏ་ཎྷཱ རཱུ་པ་ཏ་ཎྷཱ ག་ནྡྷ་ཏ་ཎྷཱ ར་ས་ཏ་ཎྷཱ ཕོ་ཊྛ་བྦ་ཏ་ཎྷཱ དྷ་མྨ་ཏ་ཎྷཱ ཨོ་གྷོ ཡོ་གོ ག་ནྠོ ཨུ་པཱ་དཱ་ནཾ ཨཱ་ཝ་ར་ཎཾ ནཱི་ཝ་ར་ཎཾ ཚ་ད་ནཾ བ་ནྡྷ་ནཾ ཨུ་པ་ཀྐི་ལེ་སོ ཨ་ནུ་ས་ཡོ པ་རི་ཡུ་ཊྛཱ་ནཾ ལ་ཏཱ ཝེ་ཝི་ཙྪཾ དུ་ཀྑ་མཱུ་ལཾ དུ་ཀྑ་ནི་དཱ་ནཾ དུ་ཀྑ་པྤ་བྷ་ཝོ མཱ་ར་པཱ་སོ མཱ་ར་བ་ལི༹་སཾ མཱ་ར་ཝི་ས་ཡོ ཏ་ཎྷཱ་ན་དཱི ཏ་ཎྷཱ་ཛཱ་ལཾ ཏ་ཎྷཱ་ག་དྡུ་ལཾ ཏ་ཎྷཱ་ས་མུ་དྡོ ཨ་བྷི་ཛ྄ཛྷཱ ལོ་བྷོ ཨ་ཀུ་ས་ལ་མཱུ་ལཾ – ཨ་ཡཾ ཝུ་ཙྩ་ཏི ‘‘ལོ་བྷོ’’.
(ཁ) ཏ་ཏྠ ཀ་ཏ་མོ དོ་སོ? ‘‘ཨ་ན་ཏྠཾ མེ ཨ་ཙ་རཱི’’ཏི ཨཱ་གྷཱ་ཏོ ཛཱ་ཡ་ཏི, ‘‘ཨ་ན་ཏྠཾ མེ ཙ་ར་ཏཱི’’ཏི ཨཱ་གྷཱ་ཏོ ཛཱ་ཡ་ཏི, ‘‘ཨ་ན་ཏྠཾ མེ ཙ་རི་སྶ་ཏཱི’’ཏི ཨཱ་གྷཱ་ཏོ ཛཱ་ཡ་ཏི, ‘‘པི་ཡ་སྶ མེ མ་ནཱ་པ་སྶ ཨ་ན་ཏྠཾ ཨ་ཙ་རི’’…པེ… ཨ་ན་ཏྠཾ ཙ་ར་ཏི…པེ… ‘‘ཨ་ན་ཏྠཾ ཙ་རི་སྶ་ཏཱི’’ཏི ཨཱ་གྷཱ་ཏོ ཛཱ་ཡ་ཏི, ‘‘ཨ་པྤི་ཡ་སྶ མེ ཨ་མ་ནཱ་པ་སྶ ཨ་ཏྠཾ ཨ་ཙ་རི’’…པེ… ཨ་ཏྠཾ ཙ་ར་ཏི…པེ… ‘‘ཨ་ཏྠཾ ཙ་རི་སྶ་ཏཱི’’ཏི ཨཱ་གྷཱ་ཏོ ཛཱ་ཡ་ཏི, ཨ་ཊྛཱ་ནེ ཝཱ པ་ན ཨཱ་གྷཱ་ཏོ ཛཱ་ཡ་ཏི. ཡོ ཨེ་ཝ་རཱུ་པོ ཙི་ཏྟ་སྶ ཨཱ་གྷཱ་ཏོ པ་ཊི་གྷཱ་ཏོ པ་ཊི་གྷཾ པ་ཊི་ཝི་རོ་དྷོ ཀོ་པོ པ་ཀོ་པོ ས་མྤ་ཀོ་པོ དོ་སོ པ་དོ་སོ ས་མྤ་དོ་སོ ཙི་ཏྟ་སྶ བྱཱ་པ་ཏྟི མ་ནོ་པ་དོ་སོ ཀོ་དྷོ ཀུ་ཛ྄ཛྷ་ནཱ ཀུ་ཛ྄ཛྷི་ཏ་ཏྟཾ དོ་སོ དུ་སྶ་ནཱ དུ་སྶི་ཏ་ཏྟཾ བྱཱ་པ་ཏྟི བྱཱ་པ་ཛྫ་ནཱ བྱཱ་པ་ཛྫི་ཏ་ཏྟཾ ཝི་རོ་དྷོ པ་ཊི་ཝི་རོ་དྷོ ཙ་ཎྜི་ཀྐཾ ཨ་སུ་རོ་པོ ཨ་ན་ཏྟ་མ་ན་ཏཱ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘དོ་སོ’’.
(ག) ཏ་ཏྠ ཀ་ཏ་མོ མོ་ཧོ? དུ་ཀྑེ ཨ་ཉྙཱ་ཎཾ, དུ་ཀྑ་ས་མུ་ད་ཡེ ཨ་ཉྙཱ་ཎཾ, དུ་ཀྑ་ནི་རོ་དྷེ ཨ་ཉྙཱ་ཎཾ, དུ་ཀྑ་ནི་རོ་དྷ་གཱ་མི་ནི་ཡཱ པ་ཊི་པ་དཱ་ཡ ཨ་ཉྙཱ་ཎཾ, པུ་བྦ་ནྟེ ཨ་ཉྙཱ་ཎཾ, ཨ་པ་ར་ནྟེ ཨ་ཉྙཱ་ཎཾ, པུ་བྦ་ནྟཱ་པ་ར་ནྟེ ཨ་ཉྙཱ་ཎཾ, ཨི་ད་པྤ་ཙྩ་ཡ་ཏཱ པ་ཊི་ཙྩ་ས་མུ་པྤ་ནྣེ་སུ དྷ་མྨེ་སུ ཨ་ཉྙཱ་ཎཾ, ཡཾ ཨེ་ཝ་རཱུ་པཾ ཨ་ཉྙཱ་ཎཾ ཨ་ད་སྶ་ནཾ…པེ… ཨ་ཝི་ཛྫཱ་ལ་ངྒཱི མོ་ཧོ ཨ་ཀུ་ས་ལ་མཱུ་ལཾ – ཨ་ཡཾ ཝུ་ཙྩ་ཏི ‘‘མོ་ཧོ’’. ཨི་མཱ་ནི ཏཱི་ཎི ཨ་ཀུ་ས་ལ་མཱུ་ལཱ་ནི.
(༢) ཏ་ཡོ ཨ་ཀུ་ས་ལ་ཝི་ཏ་ཀྐཱ
༩༡༠. ཏ་ཏྠ ཀ་ཏ་མེ ཏ་ཡོ ཨ་ཀུ་ས་ལ་ཝི་ཏ་ཀྐཱ? ཀཱ་མ་ཝི་ཏ་ཀྐོ, བྱཱ་པཱ་ད་ཝི་ཏ་ཀྐོ, ཝི་ཧིཾ་སཱ་ཝི་ཏ་ཀྐོ.
(ཀ) ཏ་ཏྠ ཀ་ཏ་མོ ཀཱ་མ་ཝི་ཏ་ཀྐོ? ཀཱ་མ་པ་ཊི་སཾ་ཡུ་ཏྟོ ཏ་ཀྐོ ཝི་ཏ་ཀྐོ མི་ཙྪཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘ཀཱ་མ་ཝི་ཏ་ཀྐོ’’.
(ཁ) ཏ་ཏྠ ཀ་ཏ་མོ བྱཱ་པཱ་ད་ཝི་ཏ་ཀྐོ? བྱཱ་པཱ་ད་པ་ཊི་སཾ་ཡུ་ཏྟོ ཏ་ཀྐོ ཝི་ཏ་ཀྐོ མི་ཙྪཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘བྱཱ་པཱ་ད་ཝི་ཏ་ཀྐོ’’.
(ག) ཏ་ཏྠ ཀ་ཏ་མོ ཝི་ཧིཾ་སཱ་ཝི་ཏ་ཀྐོ? ཝི་ཧིཾ་སཱ་པ་ཊི་སཾ་ཡུ་ཏྟོ ཏ་ཀྐོ ཝི་ཏ་ཀྐོ མི་ཙྪཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘ཝི་ཧིཾ་སཱ་ཝི་ཏ་ཀྐོ’’. ཨི་མེ ཏ་ཡོ ཨ་ཀུ་ས་ལ་ཝི་ཏ་ཀྐཱ.
(༣) ཏི་སྶོ ཨ་ཀུ་ས་ལ་ས་ཉྙཱ
༩༡༡. ཏ་ཏྠ ཀ་ཏ་མཱ ཏི་སྶོ ཨ་ཀུ་ས་ལ་ས་ཉྙཱ? ཀཱ་མ་ས་ཉྙཱ, བྱཱ་པཱ་ད་ས་ཉྙཱ, ཝི་ཧིཾ་སཱ་ས་ཉྙཱ.
(ཀ) ཏ་ཏྠ ཀ་ཏ་མཱ ཀཱ་མ་ས་ཉྙཱ? ཀཱ་མ་པ་ཊི་སཾ་ཡུ་ཏྟཱ ས་ཉྙཱ ས་ཉྫཱ་ན་ནཱ ས་ཉྫཱ་ནི་ཏ་ཏྟཾ – ཨ་ཡཾ ཝུ་ཙྩ་ཏི ‘‘ཀཱ་མ་ས་ཉྙཱ’’.
(ཁ) ཏ་ཏྠ ཀ་ཏ་མཱ བྱཱ་པཱ་ད་ས་ཉྙཱ? བྱཱ་པཱ་ད་པ་ཊི་སཾ་ཡུ་ཏྟཱ ས་ཉྙཱ ས་ཉྫཱ་ན་ནཱ ས་ཉྫཱ་ནི་ཏ་ཏྟཾ – ཨ་ཡཾ ཝུ་ཙྩ་ཏི ‘‘བྱཱ་པཱ་ད་ས་ཉྙཱ’’.
(ག) ཏ་ཏྠ ཀ་ཏ་མཱ ཝི་ཧིཾ་སཱ་ས་ཉྙཱ? ཝི་ཧིཾ་སཱ་པ་ཊི་སཾ་ཡུ་ཏྟཱ ས་ཉྙཱ ས་ཉྫཱ་ན་ནཱ ས་ཉྫཱ་ནི་ཏ་ཏྟཾ – ཨ་ཡཾ ཝུ་ཙྩ་ཏི ‘‘ཝི་ཧིཾ་སཱ་ས་ཉྙཱ’’. ཨི་མཱ ཏི་སྶོ ཨ་ཀུ་ས་ལ་ས་ཉྙཱ.
(༤) ཏི་སྶོ ཨ་ཀུ་ས་ལ་དྷཱ་ཏུ་ཡོ
༩༡༢. ཏ་ཏྠ ཀ་ཏ་མཱ ཏི་སྶོ ཨ་ཀུ་ས་ལ་དྷཱ་ཏུ་ཡོ? ཀཱ་མ་དྷཱ་ཏུ, བྱཱ་པཱ་ད་དྷཱ་ཏུ, ཝི་ཧིཾ་སཱ་དྷཱ་ཏུ.
ཏ་ཏྠ ཀ་ཏ་མཱ ཀཱ་མ་དྷཱ་ཏུ? ཀཱ་མ་ཝི་ཏ་ཀྐོ ཀཱ་མ་དྷཱ་ཏུ. བྱཱ་པཱ་ད་ཝི་ཏ་ཀྐོ བྱཱ་པཱ་ད་དྷཱ་ཏུ. ཝི་ཧིཾ་སཱ་ཝི་ཏ་ཀྐོ ཝི་ཧིཾ་སཱ་དྷཱ་ཏུ.
(ཀ) ཏ་ཏྠ ཀ་ཏ་མོ ཀཱ་མ་ཝི་ཏ་ཀྐོ? ཀཱ་མ་པ་ཊི་སཾ་ཡུ་ཏྟོ ཏ་ཀྐོ ཝི་ཏ་ཀྐོ མི་ཙྪཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘ཀཱ་མ་ཝི་ཏ་ཀྐོ’’.
(ཁ) ཏ་ཏྠ ཀ་ཏ་མོ བྱཱ་པཱ་ད་ཝི་ཏ་ཀྐོ? བྱཱ་པཱ་ད་པ་ཊི་སཾ་ཡུ་ཏྟོ ཏ་ཀྐོ ཝི་ཏ་ཀྐོ མི་ཙྪཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘བྱཱ་པཱ་ད་ཝི་ཏ་ཀྐོ’’.
(ག) ཏ་ཏྠ ཀ་ཏ་མོ ཝི་ཧིཾ་སཱ་ཝི་ཏ་ཀྐོ? ཝི་ཧིཾ་སཱ་པ་ཊི་སཾ་ཡུ་ཏྟོ ཏ་ཀྐོ ཝི་ཏ་ཀྐོ མི་ཙྪཱ་ས་ངྐ་པྤོ – ཨ་ཡཾ ཝུ་ཙྩ་ཏི ‘‘ཝི་ཧིཾ་སཱ་ཝི་ཏ་ཀྐོ’’. ཨི་མཱ ཏི་སྶོ ཨ་ཀུ་ས་ལ་དྷཱ་ཏུ་ཡོ.
(༥) ཏཱི་ཎི དུ་ཙྩ་རི་ཏཱ་ནི
༩༡༣. ཏ་ཏྠ ཀ་ཏ་མཱ་ནི ཏཱི་ཎི དུ་ཙྩ་རི་ཏཱ་ནི? ཀཱ་ཡ་དུ་ཙྩ་རི་ཏཾ, ཝ་ཙཱི་དུ་ཙྩ་རི་ཏཾ, མ་ནོ་དུ་ཙྩ་རི་ཏཾ.
(ཀ) ཏ་ཏྠ ཀ་ཏ་མཾ ཀཱ་ཡ་དུ་ཙྩ་རི་ཏཾ? པཱ་ཎཱ་ཏི་པཱ་ཏོ, ཨ་དི་ནྣཱ་དཱ་ནཾ, ཀཱ་མེ་སུ་མི་ཙྪཱ་ཙཱ་རོ – ཨི་དཾ ཝུ་ཙྩ་ཏི ‘‘ཀཱ་ཡ་དུ་ཙྩ་རི་ཏཾ’’.
(ཁ) ཏ་ཏྠ ཀ་ཏ་མཾ ཝ་ཙཱི་དུ་ཙྩ་རི་ཏཾ? མུ་སཱ་ཝཱ་དོ, པི་སུ་ཎཱ ཝཱ་ཙཱ, ཕ་རུ་སཱ ཝཱ་ཙཱ, ས་མྥ་པྤ་ལཱ་པོ – ཨི་དཾ ཝུ་ཙྩ་ཏི ‘‘ཝ་ཙཱི་དུ་ཙྩ་རི་ཏཾ’’.
(ག) ཏ་ཏྠ ཀ་ཏ་མཾ མ་ནོ་དུ་ཙྩ་རི་ཏཾ? ཨ་བྷི་ཛ྄ཛྷཱ, བྱཱ་པཱ་དོ, མི་ཙྪཱ་དི་ཊྛི – ཨི་དཾ ཝུ་ཙྩ་ཏི ‘‘མ་ནོ་དུ་ཙྩ་རི་ཏཾ’’.
(ཀ-ག) ཏ་ཏྠ ཀ་ཏ་མཾ ཀཱ་ཡ་དུ་ཙྩ་རི་ཏཾ? ཨ་ཀུ་ས་ལཾ ཀཱ་ཡ་ཀ་མྨཾ ཀཱ་ཡ་དུ་ཙྩ་རི་ཏཾ, ཨ་ཀུ་ས་ལཾ ཝ་ཙཱི་ཀ་མྨཾ ཝ་ཙཱི་དུ་ཙྩ་རི་ཏཾ, ཨ་ཀུ་ས་ལཾ མ་ནོ་ཀ་མྨཾ མ་ནོ་དུ་ཙྩ་རི་ཏཾ.
ཏ་ཏྠ ཀ་ཏ་མཾ ཨ་ཀུ་ས་ལཾ ཀཱ་ཡ་ཀ་མྨཾ? ཨ་ཀུ་ས་ལཱ ཀཱ་ཡ་ས་ཉྩེ་ཏ་ནཱ ཨ་ཀུ་ས་ལཾ ཀཱ་ཡ་ཀ་མྨཾ, ཨ་ཀུ་ས་ལཱ ཝ་ཙཱི་ས་ཉྩེ་ཏ་ནཱ ཨ་ཀུ་ས་ལཾ ཝ་ཙཱི་ཀ་མྨཾ, ཨ་ཀུ་ས་ལཱ མ་ནོ་ས་ཉྩེ་ཏ་ནཱ ཨ་ཀུ་ས་ལཾ མ་ནོ་ཀ་མྨཾ. ཨི་མཱ་ནི ཏཱི་ཎི དུ་ཙྩ་རི་ཏཱ་ནི.
(༦) ཏ་ཡོ ཨཱ་ས་ཝཱ
༩༡༤. ཏ་ཏྠ ཀ་ཏ་མེ ཏ་ཡོ ཨཱ་ས་ཝཱ? ཀཱ་མཱ་ས་ཝོ, བྷ་ཝཱ་ས་ཝོ, ཨ་ཝི་ཛྫཱ་ས་ཝོ.
(ཀ) ཏ་ཏྠ ཀ་ཏ་མོ ཀཱ་མཱ་ས་ཝོ? ཡོ ཀཱ་མེ་སུ ཀཱ་མ་ཙྪ་ནྡོ ཀཱ་མ་རཱ་གོ ཀཱ་མ་ན་ནྡཱི ཀཱ་མ་ཏ་ཎྷཱ ཀཱ་མ་སི་ནེ་ཧོ ཀཱ་མ་པ་རི་ལཱ༹་ཧོ ཀཱ་མ་མུ་ཙྪཱ ཀཱ་མ་ཛ྄ཛྷོ་སཱ་ནཾ – ཨ་ཡཾ ཝུ་ཙྩ་ཏི ‘‘ཀཱ་མཱ་ས་ཝོ’’.
(ཁ) ཏ་ཏྠ ཀ་ཏ་མོ བྷ་ཝཱ་ས་ཝོ? ཡོ བྷ་ཝེ་སུ བྷ་ཝ་ཙྪ་ནྡོ…པེ… བྷ་ཝ་ཛ྄ཛྷོ་སཱ་ནཾ – ཨ་ཡཾ ཝུ་ཙྩ་ཏི ‘‘བྷ་ཝཱ་ས་ཝོ’’.
(ག) ཏ་ཏྠ ཀ་ཏ་མོ ཨ་ཝི་ཛྫཱ་ས་ཝོ? དུ་ཀྑེ ཨ་ཉྙཱ་ཎཾ…པེ… ཨ་ཝི་ཛྫཱ་ལ་ངྒཱི མོ་ཧོ ཨ་ཀུ་ས་ལ་མཱུ་ལཾ – ཨ་ཡཾ ཝུ་ཙྩ་ཏི ‘‘ཨ་ཝི་ཛྫཱ་ས་ཝོ’’. ཨི་མེ ཏ་ཡོ ཨཱ་ས་ཝཱ.
(༧) ཏཱི་ཎི སཾ་ཡོ་ཛ་ནཱ་ནི
༩༡༥. ཏ་ཏྠ ཀ་ཏ་མཱ་ནི ཏཱི་ཎི སཾ་ཡོ་ཛ་ནཱ་ནི? ས་ཀྐཱ་ཡ་དི་ཊྛི, ཝི་ཙི་ཀི་ཙྪཱ, སཱི་ལ་བྦ་ཏ་པ་རཱ་མཱ་སོ.
(ཀ) ཏ་ཏྠ ཀ་ཏ་མཱ ས་ཀྐཱ་ཡ་དི་ཊྛི? ཨི་དྷ ཨ་སྶུ་ཏ་ཝཱ པུ་ཐུ་ཛྫ་ནོ ཨ་རི་ཡཱ་ནཾ ཨ་ད་སྶཱ་ཝཱི ཨ་རི་ཡ་དྷ་མྨ་སྶ ཨ་ཀོ་ཝི་དོ ཨ་རི་ཡ་དྷ་མྨེ ཨ་ཝི་ནཱི་ཏོ, ས་པྤུ་རི་སཱ་ནཾ ཨ་ད་སྶཱ་ཝཱི ས་པྤུ་རི་ས་དྷ་མྨ་སྶ ཨ་ཀོ་ཝི་དོ ས་པྤུ་རི་ས་དྷ་མྨེ ཨ་ཝི་ནཱི་ཏོ – རཱུ་པཾ ཨ་ཏྟ་ཏོ ས་མ་ནུ་པ་སྶ་ཏི རཱུ་པ་ཝ་ནྟཾ ཝཱ ཨ་ཏྟཱ་ནཾ ཨ་ཏྟ་ནི ཝཱ རཱུ་པཾ རཱུ་པ་སྨིཾ ཝཱ ཨ་ཏྟཱ་ནཾ. ཝེ་ད་ནཾ…པེ… ས་ཉྙཾ…པེ… ས་ངྑཱ་རེ…པེ… ཝི་ཉྙཱ་ཎཾ ཨ་ཏྟ་ཏོ ས་མ་ནུ་པ་སྶ་ཏི ཝི་ཉྙཱ་ཎ་ཝ་ནྟཾ ཝཱ ཨ་ཏྟཱ་ནཾ ཨ་ཏྟ་ནི ཝཱ ཝི་ཉྙཱ་ཎཾ ཝི་ཉྙཱ་ཎ་སྨིཾ ཝཱ ཨ་ཏྟཱ་ནཾ. ཡཱ ཨེ་ཝ་རཱུ་པཱ དི་ཊྛི དི་ཊྛི་ག་ཏཾ…པེ… ཝི་པ་རི་ཡཱ་ས་གྒཱ་ཧོ – ཨ་ཡཾ ཝུ་ཙྩ་ཏི ‘‘ས་ཀྐཱ་ཡ་དི་ཊྛི’’.
(ཁ) ཏ་ཏྠ ཀ་ཏ་མཱ ཝི་ཙི་ཀི་ཙྪཱ? ས་ཏྠ་རི ཀ་ངྑ་ཏི ཝི་ཙི་ཀི་ཙྪ་ཏི, དྷ་མྨེ ཀ་ངྑ་ཏི ཝི་ཙི་ཀི་ཙྪ་ཏི, ས་ངྒྷེ ཀ་ངྑ་ཏི ཝི་ཙི་ཀི་ཙྪ་ཏི, སི་ཀྑཱ་ཡ ཀ་ངྑ་ཏི ཝི་ཙི་ཀི་ཙྪ་ཏི, པུ་བྦ་ནྟེ ཀ་ངྑ་ཏི ཝི་ཙི་ཀི་ཙྪ་ཏི, ཨ་པ་ར་ནྟེ ཀ་ངྑ་ཏི ཝི་ཙི་ཀི་ཙྪ་ཏི, པུ་བྦ་ནྟཱ་པ་ར་ནྟེ ཀ་ངྑ་ཏི ཝི་ཙི་ཀི་ཙྪ་ཏི, ཨི་ད་པྤ་ཙྩ་ཡ་ཏཱ་པ་ཊི་ཙྩ་ས་མུ་པྤ་ནྣེ་སུ དྷ་མྨེ་སུ ཀ་ངྑ་ཏི ཝི་ཙི་ཀི་ཙྪ་ཏི. ཡཱ ཨེ་ཝ་རཱུ་པཱ ཀ་ངྑཱ ཀ་ངྑཱ་ཡ་ནཱ ཀ་ངྑཱ་ཡི་ཏ་ཏྟཾ ཐ་མྦྷི་ཏ་ཏྟཾ ཙི་ཏྟ་སྶ མ་ནོ་ཝི་ལེ་ཁོ – ཨ་ཡཾ ཝུ་ཙྩ་ཏི ‘‘ཝི་ཙི་ཀི་ཙྪཱ’’.
(ག) ཏ་ཏྠ ཀ་ཏ་མོ སཱི་ལ་བྦ་ཏ་པ་རཱ་མཱ་སོ? ‘‘ཨི་ཏོ བ་ཧི་དྡྷཱ ས་མ་ཎ་བྲཱ་ཧྨ་ཎཱ་ནཾ སཱི་ལེ་ན སུ་དྡྷི ཝ་ཏེ་ན སུ་དྡྷི སཱི་ལ་བྦ་ཏེ་ན སུ་དྡྷཱི’’ཏི – ཡཱ ཨེ་ཝ་རཱུ་པཱ དི་ཊྛི དི་ཊྛི་ག་ཏཾ…པེ… ཝི་པ་རི་ཡཱ་ས་གྒཱ་ཧོ – ཨ་ཡཾ ཝུ་ཙྩ་ཏི ‘‘སཱི་ལ་བྦ་ཏ་པ་རཱ་མཱ་སོ’’. ཨི་མཱ་ནི ཏཱི་ཎི སཾ་ཡོ་ཛ་ནཱ་ནི.
(༨) ཏི་སྶོ ཏ་ཎྷཱ
༩༡༦. ཏ་ཏྠ ཀ་ཏ་མཱ ཏི་སྶོ ཏ་ཎྷཱ? ཀཱ་མ་ཏ་ཎྷཱ, བྷ་ཝ་ཏ་ཎྷཱ, ཝི་བྷ་ཝ་ཏ་ཎྷཱ.
ཏ་ཏྠ ཀ་ཏ་མཱ བྷ་ཝ་ཏ་ཎྷཱ? བྷ་ཝ་དི་ཊྛི་ས་ཧ་ག་ཏོ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘བྷ་ཝ་ཏ་ཎྷཱ’’.
ཏ་ཏྠ ཀ་ཏ་མཱ ཝི་བྷ་ཝ་ཏ་ཎྷཱ? ཨུ་ཙྪེ་ད་དི་ཊྛི་ས་ཧ་ག་ཏོ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཝི་བྷ་ཝ་ཏ་ཎྷཱ’’. ཨ་ཝ་སེ་སཱ ཏ་ཎྷཱ ཀཱ་མ་ཏ་ཎྷཱ.
ཏ་ཏྠ ཀ་ཏ་མཱ ཀཱ་མ་ཏ་ཎྷཱ? ཀཱ་མ་དྷཱ་ཏུ་པ་ཊི་སཾ་ཡུ་ཏྟོ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཀཱ་མ་ཏ་ཎྷཱ’’.
( ) [(ཏ་ཏྠ ཀ་ཏ་མཱ བྷ་ཝ་ཏ་ཎྷཱ)] རཱུ་པ་དྷཱ་ཏུ་ཨ་རཱུ་པ་དྷཱ་ཏུ་པ་ཊི་སཾ་ཡུ་ཏྟོ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘བྷ་ཝ་ཏ་ཎྷཱ’’.
( ) [(ཏ་ཏྠ ཀ་ཏ་མཱ ཝི་བྷ་ཝ་ཏ་ཎྷཱ) (?)] ཨུ་ཙྪེ་ད་དི་ཊྛི་ས་ཧ་ག་ཏོ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཝི་བྷ་ཝ་ཏ་ཎྷཱ’’. ཨི་མཱ ཏི་སྶོ ཏ་ཎྷཱ.
(༩) ཨ་པ་རཱ་པི ཏི་སྶོ ཏ་ཎྷཱ
༩༡༧. ཏ་ཏྠ ཀ་ཏ་མཱ ཨ་པ་རཱ་པི ཏི་སྶོ ཏ་ཎྷཱ? ཀཱ་མ་ཏ་ཎྷཱ, རཱུ་པ་ཏ་ཎྷཱ, ཨ་རཱུ་པ་ཏ་ཎྷཱ.
(ཀ) ཏ་ཏྠ ཀ་ཏ་མཱ ཀཱ་མ་ཏ་ཎྷཱ? ཀཱ་མ་དྷཱ་ཏུ་པ་ཊི་སཾ་ཡུ་ཏྟོ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཀཱ་མ་ཏ་ཎྷཱ’’.
(ཁ) ཏ་ཏྠ ཀ་ཏ་མཱ རཱུ་པ་ཏ་ཎྷཱ? རཱུ་པ་དྷཱ་ཏུ་པ་ཊི་སཾ་ཡུ་ཏྟོ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘རཱུ་པ་ཏ་ཎྷཱ’’.
(ག) ཏ་ཏྠ ཀ་ཏ་མཱ ཨ་རཱུ་པ་ཏ་ཎྷཱ? ཨ་རཱུ་པ་དྷཱ་ཏུ་པ་ཊི་སཾ་ཡུ་ཏྟོ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཨ་རཱུ་པ་ཏ་ཎྷཱ’’. ཨི་མཱ ཏི་སྶོ ཏ་ཎྷཱ.
(༡༠) ཨ་པ་རཱ་པི ཏི་སྶོ ཏ་ཎྷཱ
༩༡༨. ཏ་ཏྠ ཀ་ཏ་མཱ ཨ་པ་རཱ་པི ཏི་སྶོ ཏ་ཎྷཱ? རཱུ་པ་ཏ་ཎྷཱ, ཨ་རཱུ་པ་ཏ་ཎྷཱ, ནི་རོ་དྷ་ཏ་ཎྷཱ.
(ཀ) ཏ་ཏྠ ཀ་ཏ་མཱ རཱུ་པ་ཏ་ཎྷཱ? རཱུ་པ་དྷཱ་ཏུ་པ་ཊི་སཾ་ཡུ་ཏྟོ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘རཱུ་པ་ཏ་ཎྷཱ’’.
(ཁ) ཏ་ཏྠ ཀ་ཏ་མཱ ཨ་རཱུ་པ་ཏ་ཎྷཱ? ཨ་རཱུ་པ་དྷཱ་ཏུ་པ་ཊི་སཾ་ཡུ་ཏྟོ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཨ་རཱུ་པ་ཏ་ཎྷཱ’’.
(ག) ཏ་ཏྠ ཀ་ཏ་མཱ ནི་རོ་དྷ་ཏ་ཎྷཱ? ཨུ་ཙྪེ་ད་དི་ཊྛི་ས་ཧ་ག་ཏོ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ནི་རོ་དྷ་ཏ་ཎྷཱ’’. ཨི་མཱ ཏི་སྶོ ཏ་ཎྷཱ.
(༡༡) ཏི་སྶོ ཨེ་ས་ནཱ
༩༡༩. ཏ་ཏྠ ཀ་ཏ་མཱ ཏི་སྶོ ཨེ་ས་ནཱ? ཀཱ་མེ་ས་ནཱ, བྷ་ཝེ་ས་ནཱ, བྲ་ཧྨ་ཙ་རི་ཡེ་ས་ནཱ.
(ཀ) ཏ་ཏྠ ཀ་ཏ་མཱ ཀཱ་མེ་ས་ནཱ? ཡོ ཀཱ་མེ་སུ ཀཱ་མ་ཙྪ་ནྡོ…པེ… ཀཱ་མ་ཛ྄ཛྷོ་སཱ་ནཾ – ཨ་ཡཾ ཝུ་ཙྩ་ཏི ‘‘ཀཱ་མེ་ས་ནཱ’’.
(ཁ) ཏ་ཏྠ ཀ་ཏ་མཱ བྷ་ཝེ་ས་ནཱ? ཡོ བྷ་ཝེ་སུ བྷ་ཝ་ཙྪ་ནྡོ…པེ… བྷ་ཝ་ཛ྄ཛྷོ་སཱ་ནཾ – ཨ་ཡཾ ཝུ་ཙྩ་ཏི ‘‘བྷ་ཝེ་ས་ནཱ’’.
(ག) ཏ་ཏྠ ཀ་ཏ་མཱ བྲ་ཧྨ་ཙ་རི་ཡེ་ས་ནཱ? ‘‘ས་སྶ་ཏོ ལོ་ཀོ’’ཏི ཝཱ, ‘‘ཨ་ས་སྶ་ཏོ ལོ་ཀོ’’ཏི – ཝཱ…པེ… ‘‘ནེ་ཝ ཧོ་ཏི ན ན ཧོ་ཏི ཏ་ཐཱ་ག་ཏོ པ་རཾ མ་ར་ཎཱ’’ཏི ཝཱ ཡཱ ཨེ་ཝ་རཱུ་པཱ དི་ཊྛི དི་ཊྛི་ག་ཏཾ…པེ… ཝི་པ་རི་ཡཱ་ས་གྒཱ་ཧོ – ཨ་ཡཾ ཝུ་ཙྩ་ཏི ‘‘བྲ་ཧྨ་ཙ་རི་ཡེ་ས་ནཱ’’.
(ཀ) ཏ་ཏྠ ཀ་ཏ་མཱ ཀཱ་མེ་ས་ནཱ, ཀཱ་མ་རཱ་གོ, ཏ་དེ་ཀ་ཊྛཾ ཨ་ཀུ་ས་ལཾ ཀཱ་ཡ་ཀ་མྨཾ ཝ་ཙཱི་ཀ་མྨཾ མ་ནོ་ཀ་མྨཾ – ཨ་ཡཾ ཝུ་ཙྩ་ཏི ‘‘ཀཱ་མེ་ས་ནཱ’’.
(ཁ) ཏ་ཏྠ ཀ་ཏ་མཱ བྷ་ཝེ་ས་ནཱ, བྷ་ཝ་རཱ་གོ ཏ་དེ་ཀ་ཊྛཾ ཨ་ཀུ་ས་ལཾ ཀཱ་ཡ་ཀ་མྨཾ ཝ་ཙཱི་ཀ་མྨཾ མ་ནོ་ཀ་མྨཾ – ཨ་ཡཾ ཝུ་ཙྩ་ཏི ‘‘བྷ་ཝེ་ས་ནཱ’’.
(ག) ཏ་ཏྠ ཀ་ཏ་མཱ བྲ་ཧྨ་ཙ་རི་ཡེ་ས་ནཱ, ཨ་ནྟ་གྒཱ་ཧི་ཀཱ དི་ཊྛི ཏ་དེ་ཀ་ཊྛཾ ཨ་ཀུ་ས་ལཾ ཀཱ་ཡ་ཀ་མྨཾ ཝ་ཙཱི་ཀ་མྨཾ མ་ནོ་ཀ་མྨཾ – ཨ་ཡཾ ཝུ་ཙྩ་ཏི ‘‘བྲ་ཧྨ་ཙ་རི་ཡེ་ས་ནཱ’’. ཨི་མཱ ཏི་སྶོ ཨེ་ས་ནཱ.
(༡༢) ཏི་སྶོ ཝི་དྷཱ
༩༢༠. ཏ་ཏྠ ཀ་ཏ་མཱ ཏི་སྶོ ཝི་དྷཱ? ‘‘སེ་ཡྻོ་ཧ་མ་སྨཱི’’ཏི ཝི་དྷཱ, ‘‘ས་དི་སོ་ཧ་མ་སྨཱི’’ཏི ཝི་དྷཱ, ‘‘ཧཱི་ནོ་ཧ་མ་སྨཱི’’ཏི ཝི་དྷཱ – ཨི་མཱ ཏི་སྶོ ཝི་དྷཱ.
(༡༣) ཏཱི་ཎི བྷ་ཡཱ་ནི
༩༢༡. ཏ་ཏྠ ཀ་ཏ་མཱ་ནི ཏཱི་ཎི བྷ་ཡཱ་ནི? ཛཱ་ཏི་བྷ་ཡཾ, ཛ་རཱ་བྷ་ཡཾ, མ་ར་ཎ་བྷ་ཡཾ.
(ཀ) ཏ་ཏྠ ཀ་ཏ་མཾ ཛཱ་ཏི་བྷ་ཡཾ? ཛཱ་ཏིཾ པ་ཊི་ཙྩ བྷ་ཡཾ བྷ་ཡཱ་ན་ཀཾ ཚ་མྦྷི་ཏ་ཏྟཾ ལོ་མ་ཧཾ་སོ ཙེ་ཏ་སོ ཨུ་ཏྲཱ་སོ – ཨི་དཾ ཝུ་ཙྩ་ཏི ‘‘ཛཱ་ཏི་བྷ་ཡཾ’’.
(ཁ) ཏ་ཏྠ ཀ་ཏ་མཾ ཛ་རཱ་བྷ་ཡཾ? ཛ་རཾ པ་ཊི་ཙྩ བྷ་ཡཾ བྷ་ཡཱ་ན་ཀཾ ཚ་མྦྷི་ཏ་ཏྟཾ ལོ་མ་ཧཾ་སོ ཙེ་ཏ་སོ ཨུ་ཏྲཱ་སོ – ཨི་དཾ ཝུ་ཙྩ་ཏི ‘‘ཛ་རཱ་བྷ་ཡཾ’’.
(ག) ཏ་ཏྠ ཀ་ཏ་མཾ མ་ར་ཎ་བྷ་ཡཾ? མ་ར་ཎཾ པ་ཊི་ཙྩ བྷ་ཡཾ བྷ་ཡཱ་ན་ཀཾ ཚ་མྦྷི་ཏ་ཏྟཾ ལོ་མ་ཧཾ་སོ ཙེ་ཏ་སོ ཨུ་ཏྲཱ་སོ – ཨི་དཾ ཝུ་ཙྩ་ཏི ‘‘མ་ར་ཎ་བྷ་ཡཾ’’. ཨི་མཱ་ནི ཏཱི་ཎི བྷ་ཡཱ་ནི.
(༡༤) ཏཱི་ཎི ཏ་མཱ་ནི
༩༢༢. ཏ་ཏྠ ཀ་ཏ་མཱ་ནི ཏཱི་ཎི ཏ་མཱ་ནི? ཨ་ཏཱི་ཏཾ ཝཱ ཨ་དྡྷཱ་ནཾ ཨཱ་ར་བྦྷ ཀ་ངྑ་ཏི ཝི་ཙི་ཀི་ཙྪ་ཏི ནཱ་དྷི་མུ་ཙྩ་ཏི ན ས་མྤ་སཱི་ད་ཏི, ཨ་ནཱ་ག་ཏཾ ཝཱ ཨ་དྡྷཱ་ནཾ ཨཱ་ར་བྦྷ ཀ་ངྑ་ཏི ཝི་ཙི་ཀི་ཙྪ་ཏི ནཱ་དྷི་མུ་ཙྩ་ཏི ན ས་མྤ་སཱི་ད་ཏི, ཨེ་ཏ་ར་ཧི ཝཱ པ་ཙྩུ་པྤ་ནྣཾ ཨ་དྡྷཱ་ནཾ ཨཱ་ར་བྦྷ ཀ་ངྑ་ཏི ཝི་ཙི་ཀི་ཙྪ་ཏི ནཱ་དྷི་མུ་ཙྩ་ཏི ན ས་མྤ་སཱི་ད་ཏི – ཨི་མཱ་ནི ཏཱི་ཎི ཏ་མཱ་ནི.
(༡༥) ཏཱི་ཎི ཏི་ཏྠཱ་ཡ་ཏ་ནཱ་ནི
༩༢༣. ཏ་ཏྠ ཀ་ཏ་མཱ་ནི ཏཱི་ཎི ཏི་ཏྠཱ་ཡ་ཏ་ནཱ་ནི? ཨི་དྷེ་ཀ་ཙྩོ ས་མ་ཎོ ཝཱ བྲཱ་ཧྨ་ཎོ ཝཱ ཨེ་ཝཾ་ཝཱ་དཱི ཧོ་ཏི ཨེ་ཝཾ་དི་ཊྛཱི – ‘‘ཡཾ ཀི་ཉྩཱ་ཡཾ པུ་རི་ས་པུ་གྒ་ལོ པ་ཊི་སཾ་ཝེ་དེ་ཏི སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ, ས་བྦཾ ཏཾ པུ་བྦེ ཀ་ཏ་ཧེ་ཏཱུ’’ཏི; ཨི་དྷ པ་ནེ་ཀ་ཙྩོ ས་མ་ཎོ ཝཱ བྲཱ་ཧྨ་ཎོ ཝཱ ཨེ་ཝཾ་ཝཱ་དཱི ཧོ་ཏི ཨེ་ཝཾ་དི་ཊྛཱི – ‘‘ཡཾ ཀི་ཉྩཱ་ཡཾ པུ་རི་ས་པུ་གྒ་ལོ པ་ཊི་སཾ་ཝེ་དེ་ཏི སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ, ས་བྦཾ ཏཾ ཨི་སྶ་ར་ནི་མྨཱ་ན་ཧེ་ཏཱུ’’ཏི; ཨི་དྷ པ་ནེ་ཀ་ཙྩོ ས་མ་ཎོ ཝཱ བྲཱ་ཧྨ་ཎོ ཝཱ ཨེ་ཝཾ་ཝཱ་དཱི ཧོ་ཏི ཨེ་ཝཾ་དི་ཊྛཱི – ‘‘ཡཾ ཀི་ཉྩཱ་ཡཾ པུ་རི་ས་པུ་གྒ་ལོ པ་ཊི་སཾ་ཝེ་དེ་ཏི སུ་ཁཾ ཝཱ དུ་ཀྑཾ ཝཱ ཨ་དུ་ཀྑ་མ་སུ་ཁཾ ཝཱ, ས་བྦཾ ཏཾ ཨ་ཧེ་ཏུ ཨ་པྤ་ཙྩ་ཡཱ’’ཏི – ཨི་མཱ་ནི ཏཱི་ཎི ཏི་ཏྠཱ་ཡ་ཏ་ནཱ་ནི.
(༡༦) ཏ་ཡོ ཀི་ཉྩ་ནཱ
༩༢༤. ཏ་ཏྠ ཀ་ཏ་མེ ཏ་ཡོ ཀི་ཉྩ་ནཱ [ཀ་ཏ་མཱ་ནི ཏཱི་ཎི ཀི་ཉྩ་ནཱ་ནི (?) དཱི. ནི. ༣.༣༠༥]? རཱ་གོ ཀི་ཉྩ་ནཾ, དོ་སོ ཀི་ཉྩ་ནཾ, མོ་ཧོ ཀི་ཉྩ་ནཾ – ཨི་མེ ཏ་ཡོ ཀི་ཉྩ་ནཱ.
(༡༧) ཏཱི་ཎི ཨ་ངྒ་ཎཱ་ནི
ཏ་ཏྠ ཀ་ཏ་མཱ་ནི ཏཱི་ཎི ཨ་ངྒ་ཎཱ་ནི? རཱ་གོ ཨ་ངྒ་ཎཾ, དོ་སོ ཨ་ངྒ་ཎཾ, མོ་ཧོ ཨ་ངྒ་ཎཾ – ཨི་མཱ་ནི ཏཱི་ཎི ཨ་ངྒ་ཎཱ་ནི.
(༡༨) ཏཱི་ཎི མ་ལཱ་ནི
ཏ་ཏྠ ཀ་ཏ་མཱ་ནི ཏཱི་ཎི མ་ལཱ་ནི? རཱ་གོ མ་ལཾ, དོ་སོ མ་ལཾ, མོ་ཧོ མ་ལཾ – ཨི་མཱ་ནི ཏཱི་ཎི མ་ལཱ་ནི.
(༡༩) ཏཱི་ཎི ཝི་ས་མཱ་ནི
ཏ་ཏྠ ཀ་ཏ་མཱ་ནི ཏཱི་ཎི ཝི་ས་མཱ་ནི? རཱ་གོ ཝི་ས་མཾ, དོ་སོ ཝི་ས་མཾ, མོ་ཧོ ཝི་ས་མཾ – ཨི་མཱ་ནི ཏཱི་ཎི ཝི་ས་མཱ་ནི.
(༢༠) ཨ་པ་རཱ་ནི་པི ཏཱི་ཎི ཝི་ས་མཱ་ནི
ཏ་ཏྠ ཀ་ཏ་མཱ་ནི ཨ་པ་རཱ་ནི་པི ཏཱི་ཎི ཝི་ས་མཱ་ནི? ཀཱ་ཡ་ཝི་ས་མཾ, ཝ་ཙཱི་ཝི་ས་མཾ, མ་ནོ་ཝི་ས་མཾ – ཨི་མཱ་ནི ཏཱི་ཎི ཝི་ས་མཱ་ནི.
(༢༡) ཏ་ཡོ ཨ་གྒཱི
ཏ་ཏྠ ཀ་ཏ་མེ ཏ་ཡོ ཨ་གྒཱི? རཱ་ག་གྒི, དོ་ས་གྒི, མོ་ཧ་གྒི – ཨི་མེ ཏ་ཡོ ཨ་གྒཱི.
(༢༢) ཏ་ཡོ ཀ་སཱ་ཝཱ
ཏ་ཏྠ ཀ་ཏ་མེ ཏ་ཡོ ཀ་སཱ་ཝཱ? རཱ་ག་ཀ་སཱ་ཝོ, དོ་ས་ཀ་སཱ་ཝོ, མོ་ཧ་ཀ་སཱ་ཝོ – ཨི་མེ ཏ་ཡོ ཀ་སཱ་ཝཱ.
(༢༣) ཨ་པ་རེ་པི ཏ་ཡོ ཀ་སཱ་ཝཱ
ཏ་ཏྠ ཀ་ཏ་མེ ཨ་པ་རེ་པི ཏ་ཡོ ཀ་སཱ་ཝཱ? ཀཱ་ཡ་ཀ་སཱ་ཝོ, ཝ་ཙཱི་ཀ་སཱ་ཝོ, མ་ནོ་ཀ་སཱ་ཝོ – ཨི་མེ ཏ་ཡོ ཀ་སཱ་ཝཱ.
(༢༤. ཀ) ཨ་སྶཱ་ད་དི་ཊྛི
༩༢༥. ཏ་ཏྠ ཀ་ཏ་མཱ ཨ་སྶཱ་ད་དི་ཊྛི? ཨི་དྷེ་ཀ་ཙྩོ ས་མ་ཎོ ཝཱ བྲཱ་ཧྨ་ཎོ ཝཱ ཨེ་ཝཾ་ཝཱ་དཱི ཧོ་ཏི ཨེ་ཝཾ་དི་ཊྛཱི – ‘‘ན་ཏྠི ཀཱ་མེ་སུ དོ་སོ’’ཏི. སོ ཀཱ་མེ་སུ པཱ་ཏ་བྱ་ཏཾ ཨཱ་པ་ཛྫ་ཏི. ཨ་ཡཾ ཝུ་ཙྩ་ཏི ‘‘ཨ་སྶཱ་ད་དི་ཊྛི’’.
(ཁ) ཨ་ཏྟཱ་ནུ་དི་ཊྛི
ཏ་ཏྠ ཀ་ཏ་མཱ ཨ་ཏྟཱ་ནུ་དི་ཊྛི? ཨི་དྷ ཨ་སྶུ་ཏ་ཝཱ པུ་ཐུ་ཛྫ་ནོ ཨ་རི་ཡཱ་ནཾ ཨ་ད་སྶཱ་ཝཱི ཨ་རི་ཡ་དྷ་མྨ་སྶ ཨ་ཀོ་ཝི་དོ ཨ་རི་ཡ་དྷ་མྨེ ཨ་ཝི་ནཱི་ཏོ, ས་པྤུ་རི་སཱ་ནཾ ཨ་ད་སྶཱ་ཝཱི ས་པྤུ་རི་ས་དྷ་མྨ་སྶ ཨ་ཀོ་ཝི་དོ ས་པྤུ་རི་ས་དྷ་མྨེ ཨ་ཝི་ནཱི་ཏོ – རཱུ་པཾ ཨ་ཏྟ་ཏོ ས་མ་ནུ་པ་སྶ་ཏི རཱུ་པ་ཝ་ནྟཾ ཝཱ ཨ་ཏྟཱ་ནཾ ཨ་ཏྟ་ནི ཝཱ རཱུ་པཾ རཱུ་པ་སྨིཾ ཝཱ ཨ་ཏྟཱ་ནཾ. ཝེ་ད་ནཾ…པེ… ས་ཉྙཾ…པེ… ས་ངྑཱ་རེ…པེ… ཝི་ཉྙཱ་ཎཾ ཨ་ཏྟ་ཏོ ས་མ་ནུ་པ་སྶ་ཏི ཝི་ཉྙཱ་ཎ་ཝ་ནྟཾ ཝཱ ཨ་ཏྟཱ་ནཾ ཨ་ཏྟ་ནི ཝཱ ཝི་ཉྙཱ་ཎཾ ཝི་ཉྙཱ་ཎ་སྨིཾ ཝཱ ཨ་ཏྟཱ་ནཾ. ཡཱ ཨེ་ཝ་རཱུ་པཱ དི་ཊྛི དི་ཊྛི་ག་ཏཾ…པེ… ཝི་པ་རི་ཡཱ་ས་གྒཱ་ཧོ – ཨ་ཡཾ ཝུ་ཙྩ་ཏི ‘‘ཨ་ཏྟཱ་ནུ་དི་ཊྛི’’.
(ག) མི་ཙྪཱ་དི་ཊྛི
ཏ་ཏྠ ཀ་ཏ་མཱ མི་ཙྪཱ་དི་ཊྛི? ‘‘ན་ཏྠི དི་ནྣཾ, ན་ཏྠི ཡི་ཊྛཾ…པེ… ཡེ ཨི་མ་ཉྩ ལོ་ཀཾ པ་ར་ཉྩ ལོ་ཀཾ ས་ཡཾ ཨ་བྷི་ཉྙཱ ས་ཙྪི་ཀ་ཏྭཱ པ་ཝེ་དེ་ནྟཱི’’ཏི – ཡཱ ཨེ་ཝ་རཱུ་པཱ དི་ཊྛི དི་ཊྛི་ག་ཏཾ…པེ… ཝི་པ་རི་ཡཱ་ས་གྒཱ་ཧོ – ཨ་ཡཾ ཝུ་ཙྩ་ཏི ‘‘མི་ཙྪཱ་དི་ཊྛི’’. ས་སྶ་ཏ་དི་ཊྛི ཨ་སྶཱ་ད་དི་ཊྛི, ས་ཀྐཱ་ཡ་དི་ཊྛི ཨ་ཏྟཱ་ནུ་དི་ཊྛི, ཨུ་ཙྪེ་ད་དི་ཊྛི མི་ཙྪཱ་དི་ཊྛི.
(༢༥. ཀ) ཨ་ར་ཏི
༩༢༦. ཏ་ཏྠ ཀ་ཏ་མཱ ཨ་ར་ཏི? པ་ནྟེ་སུ ཝཱ སེ་ནཱ་ས་ནེ་སུ ཨ་ཉྙ་ཏ་ར་ཉྙ་ཏ་རེ་སུ ཝཱ ཨ་དྷི་ཀུ་ས་ལེ་སུ དྷ་མྨེ་སུ ཨ་ར་ཏི ཨ་ར་ཏི་ཏཱ ཨ་ན་བྷི་ར་ཏི ཨ་ན་བྷི་ར་མ་ཎཱ ཨུ་ཀྐ་ཎྛི་ཏཱ པ་རི་ཏ་སྶི་ཏཱ – ཨ་ཡཾ ཝུ་ཙྩ་ཏི ‘‘ཨ་ར་ཏི’’.
(ཁ) ཝི་ཧེ་སཱ
ཏ་ཏྠ ཀ་ཏ་མཱ ཝི་ཧེ་སཱ? ཨི་དྷེ་ཀ་ཙྩོ པཱ་ཎི་ནཱ ཝཱ ལེ་ཌྜུ་ནཱ ཝཱ ད་ཎྜེ་ན ཝཱ ས་ཏྠེ་ན ཝཱ ར་ཛྫུ་ཡཱ ཝཱ ཨ་ཉྙ་ཏ་ར་ཉྙ་ཏ་རེ་ན ས་ཏྟེ ཝི་ཧེ་ཋེ་ཏི, ཡཱ ཨེ་ཝ་རཱུ་པཱ ཧེ་ཋ་ནཱ ཝི་ཧེ་ཋ་ནཱ ཧིཾ་ས་ནཱ ཝི་ཧིཾ་ས་ནཱ རོ་ས་ནཱ ཝི་རོ་ས་ནཱ པ་རཱུ་པ་གྷཱ་ཏོ – ཨ་ཡཾ ཝུ་ཙྩ་ཏི ‘‘ཝི་ཧེ་སཱ’’.
(ག) ཨ་དྷ་མྨ་ཙ་རི་ཡཱ
ཏ་ཏྠ ཀ་ཏ་མཱ ཨ་དྷ་མྨ་ཙ་རི་ཡཱ? ཀཱ་ཡེ་ན ཨ་དྷ་མྨ་ཙ་རི་ཡཱ་ཝི་ས་མ་ཙ་རི་ཡཱ, ཝཱ་ཙཱ་ཡ ཨ་དྷ་མྨ་ཙ་རི་ཡཱ་ཝི་ས་མ་ཙ་རི་ཡཱ, མ་ན་སཱ ཨ་དྷ་མྨ་ཙ་རི་ཡཱ་ཝི་ས་མ་ཙ་རི་ཡཱ – ཨ་ཡཾ ཝུ་ཙྩ་ཏི ‘‘ཨ་དྷ་མྨ་ཙ་རི་ཡཱ’’.
(༢༦. ཀ) དོ་ཝ་ཙ་སྶ་ཏཱ
༩༢༧. ཏ་ཏྠ ཀ་ཏ་མཱ དོ་ཝ་ཙ་སྶ་ཏཱ? ས་ཧ་དྷ་མྨི་ཀེ ཝུ་ཙྩ་མཱ་ནེ དོ་ཝ་ཙ་སྶཱ་ཡཾ དོ་ཝ་ཙ་སྶི་ཡཾ དོ་ཝ་ཙ་སྶ་ཏཱ ཝི་པྤ་ཊི་ཀུ་ལ་གྒཱ་ཧི་ཏཱ ཝི་པ་ཙྩ་ནཱི་ཀ་སཱ་ཏ་ཏཱ ཨ་ནཱ་ད་རི་ཡཾ ཨ་ནཱ་ད་ར་ཏཱ ཨ་གཱ་ར་ཝ་ཏཱ ཨ་པྤ་ཏི་སྶ་ཝ་ཏཱ – ཨ་ཡཾ ཝུ་ཙྩ་ཏི ‘‘དོ་ཝ་ཙ་སྶ་ཏཱ’’.
(ཁ) པཱ་པ་མི་ཏྟ་ཏཱ
ཏ་ཏྠ ཀ་ཏ་མཱ པཱ་པ་མི་ཏྟ་ཏཱ? ཡེ ཏེ པུ་གྒ་ལཱ ཨ་སྶ་དྡྷཱ དུ་སྶཱི་ལཱ ཨ་པྤ་སྶུ་ཏཱ མ་ཙྪ་རི་ནོ དུ་པྤ་ཉྙཱ, ཡཱ ཏེ་སཾ སེ་ཝ་ནཱ ནི་སེ་ཝ་ནཱ སཾ་སེ་ཝ་ནཱ བྷ་ཛ་ནཱ ས་མྦྷ་ཛ་ནཱ བྷ་ཏྟི ས་མྦྷ་ཏྟི ཏཾ་ས་མྤ་ཝ་ངྐ་ཏཱ – ཨ་ཡཾ ཝུ་ཙྩ་ཏི ‘‘པཱ་པ་མི་ཏྟ་ཏཱ’’.
(ག) ནཱ་ན་ཏྟ་ས་ཉྙཱ
ཏ་ཏྠ ཀ་ཏ་མཱ ནཱ་ན་ཏྟ་ས་ཉྙཱ? ཀཱ་མ་ས་ཉྙཱ, བྱཱ་པཱ་ད་ས་ཉྙཱ, ཝི་ཧིཾ་སཱ་ས་ཉྙཱ – ཨ་ཡཾ ཝུ་ཙྩ་ཏི ‘‘ནཱ་ན་ཏྟ་ས་ཉྙཱ’’. ས་བྦཱ་པི ཨ་ཀུ་ས་ལཱ ས་ཉྙཱ ནཱ་ན་ཏྟ་ས་ཉྙཱ.
(༢༧. ཀ) ཨུ་དྡྷ་ཙྩཾ
༩༢༨. ཏ་ཏྠ ཀ་ཏ་མཾ ཨུ་དྡྷ་ཙྩཾ? ཡཾ ཙི་ཏྟ་སྶ ཨུ་དྡྷ་ཙྩཾ ཨ་ཝཱུ་པ་ས་མོ ཙེ་ཏ་སོ ཝི་ཀྑེ་པོ བྷ་ནྟ་ཏྟཾ ཙི་ཏྟ་སྶ – ཨི་དཾ ཝུ་ཙྩ་ཏི ‘‘ཨུ་དྡྷ་ཙྩཾ’’.
(ཁ) ཀོ་ས་ཛྫཾ
ཏ་ཏྠ ཀ་ཏ་མཾ ཀོ་ས་ཛྫཾ? ཀཱ་ཡ་དུ་ཙྩ་རི་ཏེ ཝཱ ཝ་ཙཱི་དུ་ཙྩ་རི་ཏེ ཝཱ མ་ནོ་དུ་ཙྩ་རི་ཏེ ཝཱ པ་ཉྩ་སུ ཝཱ ཀཱ་མ་གུ་ཎེ་སུ ཙི་ཏྟ་སྶ ཝོ་སྶ་གྒོ ཝོ་སྶ་གྒཱ་ནུ་པྤ་དཱ་ནཾ ཀུ་ས་ལཱ་ནཾ དྷ་མྨཱ་ནཾ བྷཱ་ཝ་ནཱ་ཡ ཨ་ས་ཀྐ་ཙྩ་ཀི་རི་ཡ་ཏཱ ཨ་སཱ་ཏ་ཙྩ་ཀི་རི་ཡ་ཏཱ ཨ་ན་ཊྛི་ཏ་ཀི་རི་ཡ་ཏཱ ཨོ་ལཱི་ན་ཝུ་ཏྟི་ཏཱ ནི་ཀྑི་ཏྟ་ཚ་ནྡ་ཏཱ ནི་ཀྑི་ཏྟ་དྷུ་ར་ཏཱ ཨ་ནཱ་སེ་ཝ་ནཱ ཨ་བྷཱ་ཝ་ནཱ ཨ་བ་ཧུ་ལཱི་ཀ་མྨཾ ཨ་ན་དྷི་ཊྛཱ་ནཾ ཨ་ན་ནུ་ཡོ་གོ པ་མཱ་དོ – ཨི་དཾ ཝུ་ཙྩ་ཏི ‘‘ཀོ་ས་ཛྫཾ’’.
(ག) པ་མཱ་དོ
ཏ་ཏྠ ཀ་ཏ་མོ པ་མཱ་དོ? ཀཱ་ཡ་དུ་ཙྩ་རི་ཏེ ཝཱ ཝ་ཙཱི་དུ་ཙྩ་རི་ཏེ ཝཱ མ་ནོ་དུ་ཙྩ་རི་ཏེ ཝཱ པ་ཉྩ་སུ ཝཱ ཀཱ་མ་གུ་ཎེ་སུ ཙི་ཏྟ་སྶ ཝོ་སྶ་གྒོ ཝོ་སྶ་གྒཱ་ནུ་པྤ་དཱ་ནཾ ཀུ་ས་ལཱ་ནཾ དྷ་མྨཱ་ནཾ བྷཱ་ཝ་ནཱ་ཡ ཨ་ས་ཀྐ་ཙྩ་ཀི་རི་ཡ་ཏཱ ཨ་སཱ་ཏ་ཙྩ་ཀི་རི་ཡ་ཏཱ ཨ་ན་ཊྛི་ཏ་ཀི་རི་ཡ་ཏཱ ཨོ་ལཱི་ན་ཝུ་ཏྟི་ཏཱ ནི་ཀྑི་ཏྟ་ཚ་ནྡ་ཏཱ ནི་ཀྑི་ཏྟ་དྷུ་ར་ཏཱ ཨ་ནཱ་སེ་ཝ་ནཱ ཨ་བྷཱ་ཝ་ནཱ ཨ་བ་ཧུ་ལཱི་ཀ་མྨཾ ཨ་ན་དྷི་ཊྛཱ་ནཾ ཨ་ན་ནུ་ཡོ་གོ པ་མཱ་དོ, ཡོ ཨེ་ཝ་རཱུ་པོ པ་མཱ་དོ པ་མ་ཛྫ་ནཱ པ་མ་ཛྫི་ཏ་ཏྟཾ – ཨ་ཡཾ ཝུ་ཙྩ་ཏི ‘‘པ་མཱ་དོ’’.
(༢༨. ཀ) ཨ་ས་ནྟུ་ཊྛི་ཏཱ
༩༢༩. ཏ་ཏྠ ཀ་ཏ་མཱ ཨ་ས་ནྟུ་ཊྛི་ཏཱ? ཨི་ཏ་རཱི་ཏ་ར་ཙཱི་ཝ་ར་པི་ཎྜ་པཱ་ཏ་སེ་ནཱ་ས་ན་གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རེ་ཧི པ་ཉྩ་ཧི ཝཱ ཀཱ་མ་གུ་ཎེ་ཧི ཨ་ས་ནྟུ་ཊྛ་སྶ བྷི་ཡྻོ་ཀ་མྱ་ཏཱ, ཡཱ ཨེ་ཝ་རཱུ་པཱ ཨི་ཙྪཱ ཨི་ཙྪཱ་ག་ཏཱ ཨ་ས་ནྟུ་ཊྛི་ཏཱ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘ཨ་ས་ནྟུ་ཊྛི་ཏཱ’’.
(ཁ) ཨ་ས་མྤ་ཛ་ཉྙ་ཏཱ
ཏ་ཏྠ ཀ་ཏ་མཱ ཨ་ས་མྤ་ཛ་ཉྙ་ཏཱ? ཡཾ ཨ་ཉྙཱ་ཎཾ ཨ་ད་སྶ་ནཾ…པེ… ཨ་ཝི་ཛྫཱ་ལ་ངྒཱི མོ་ཧོ ཨ་ཀུ་ས་ལ་མཱུ་ལཾ – ཨ་ཡཾ ཝུ་ཙྩ་ཏི ‘‘ཨ་ས་མྤ་ཛ་ཉྙ་ཏཱ’’.
(ག) མ་ཧི་ཙྪ་ཏཱ
ཏ་ཏྠ ཀ་ཏ་མཱ མ་ཧི་ཙྪ་ཏཱ? ཨི་ཏ་རཱི་ཏ་ར་ཙཱི་ཝ་ར་པི་ཎྜ་པཱ་ཏ་སེ་ནཱ་ས་ན་གི་ལཱ་ན་པ་ཙྩ་ཡ་བྷེ་ས་ཛྫ་པ་རི་ཀྑཱ་རེ་ཧི པ་ཉྩ་ཧི ཝཱ ཀཱ་མ་གུ་ཎེ་ཧི ཨ་ས་ནྟུ་ཊྛ་སྶ བྷི་ཡྻོ་ཀ་མྱ་ཏཱ, ཡཱ ཨེ་ཝ་རཱུ་པཱ ཨི་ཙྪཱ ཨི་ཙྪཱ་ག་ཏཱ མ་ཧི་ཙྪ་ཏཱ རཱ་གོ སཱ་རཱ་གོ ཙི་ཏྟ་སྶ སཱ་རཱ་གོ – ཨ་ཡཾ ཝུ་ཙྩ་ཏི ‘‘མ་ཧི་ཙྪ་ཏཱ’’.
(༢༩. ཀ) ཨ་ཧི་རི་ཀཾ
༩༣༠. ཏ་ཏྠ ཀ་ཏ་མཾ ཨ་ཧི་རི་ཀཾ? ཡཾ ན ཧི་རཱི་ཡ་ཏི ཧི་རཱི་ཡི་ཏ་བྦེ་ན, ན ཧི་རཱི་ཡ་ཏི པཱ་པ་ཀཱ་ནཾ ཨ་ཀུ་ས་ལཱ་ནཾ དྷ་མྨཱ་ནཾ ས་མཱ་པ་ཏྟི་ཡཱ – ཨི་དཾ ཝུ་ཙྩ་ཏི ‘‘ཨ་ཧི་རི་ཀཾ’’.
(ཁ) ཨ་ནོ་ཏྟ་པྤཾ
ཏ་ཏྠ ཀ་ཏ་མཾ ཨ་ནོ་ཏྟ་པྤཾ? ཡཾ ན ཨོ་ཏྟ་པྤ་ཏི ཨོ་ཏྟ་པྤི་ཏ་བྦེ་ན, ན ཨོ་ཏྟ་པྤ་ཏི པཱ་པ་ཀཱ་ནཾ ཨ་ཀུ་ས་ལཱ་ནཾ དྷ་མྨཱ་ནཾ ས་མཱ་པ་ཏྟི་ཡཱ – ཨི་དཾ ཝུ་ཙྩ་ཏི ‘‘ཨ་ནོ་ཏྟ་པྤཾ’’.
(ག) པ་མཱ་དོ
ཏ་ཏྠ ཀ་ཏ་མོ པ་མཱ་དོ? ཀཱ་ཡ་དུ་ཙྩ་རི་ཏེ ཝཱ ཝ་ཙཱི་དུ་ཙྩ་རི་ཏེ ཝཱ མ་ནོ་དུ་ཙྩ་རི་ཏེ ཝཱ པ་ཉྩ་སུ ཝཱ ཀཱ་མ་གུ་ཎེ་སུ ཙི་ཏྟ་སྶ ཝོ་སྶ་གྒོ ཝོ་སྶ་གྒཱ་ནུ་པྤ་དཱ་ནཾ ཀུ་ས་ལཱ་ནཾ དྷ་མྨཱ་ནཾ བྷཱ་ཝ་ནཱ་ཡ ཨ་ས་ཀྐ་ཙྩ་ཀི་རི་ཡ་ཏཱ ཨ་སཱ་ཏ་ཙྩ་ཀི་རི་ཡ་ཏཱ ཨ་ན་ཊྛི་ཏ་ཀི་རི་ཡ་ཏཱ ཨོ་ལཱི་ན་ཝུ་ཏྟི་ཏཱ ནི་ཀྑི་ཏྟ་ཚ་ནྡ་ཏཱ ནི་ཀྑི་ཏྟ་དྷུ་ར་ཏཱ ཨ་ནཱ་སེ་ཝ་ནཱ ཨ་བྷཱ་ཝ་ནཱ ཨ་བ་ཧུ་ལཱི་ཀ་མྨཾ ཨ་ན་དྷི་ཊྛཱ་ནཾ ཨ་ན་ནུ་ཡོ་གོ པ་མཱ་དོ, ཡོ ཨེ་ཝ་རཱུ་པོ པ་མཱ་དོ པ་མ་ཛྫ་ནཱ པ་མ་ཛྫི་ཏ་ཏྟཾ – ཨ་ཡཾ ཝུ་ཙྩ་ཏི ‘‘པ་མཱ་དོ’’.
(༣༠. ཀ) ཨ་ནཱ་ད་རི་ཡཾ
༩༣༡. ཏ་ཏྠ ཀ་ཏ་མཾ ཨ་ནཱ་ད་རི་ཡཾ? ཡཾ ཨ་ནཱ་ད་རི་ཡཾ ཨ་ནཱ་ད་ར་ཏཱ ཨ་གཱ་ར་ཝ་ཏཱ ཨ་པྤ་ཏི་སྶ་ཝ་ཏཱ ཨ་ན་དྡཱ ཨ་ན་དྡཱ་ཡ་ནཱ ཨ་ན་དྡཱ་ཡི་ཏ་ཏྟཾ [ཨ་ནཱ་དཱ ཨ་ནཱ་དཱ་ཡ་ནཱ ཨ་ནཱ་དཱ་ཡི་ཏ་ཏྟཾ (སྱཱ.)] ཨ་སཱི་ལྱཾ ཨ་ཙི་ཏྟཱི་ཀཱ་རོ – ཨི་དཾ ཝུ་ཙྩ་ཏི ‘‘ཨ་ནཱ་ད་རི་ཡཾ’’.
(ཁ) དོ་ཝ་ཙ་སྶ་ཏཱ
ཏ་ཏྠ ཀ་ཏ་མཱ དོ་ཝ་ཙ་སྶ་ཏཱ? ས་ཧ་དྷ་མྨི་ཀེ ཝུ་ཙྩ་མཱ་ནེ དོ་ཝ་ཙ་སྶཱ་ཡཾ དོ་ཝ་ཙ་སྶི་ཡཾ དོ་ཝ་ཙ་སྶ་ཏཱ ཝི་པྤ་ཊི་ཀུ་ལ་གྒཱ་ཧི་ཏཱ ཝི་པ་ཙྩ་ནཱི་ཀ་སཱ་ཏ་ཏཱ ཨ་ནཱ་ད་རི་ཡཾ ཨ་ནཱ་ད་ར་ཏཱ ཨ་གཱ་ར་ཝ་ཏཱ ཨ་པྤ་ཏི་སྶ་ཝ་ཏཱ – ཨ་ཡཾ ཝུ་ཙྩ་ཏི ‘‘དོ་ཝ་ཙ་སྶ་ཏཱ’’.
(ག) པཱ་པ་མི་ཏྟ་ཏཱ
ཏ་ཏྠ ཀ་ཏ་མཱ པཱ་པ་མི་ཏྟ་ཏཱ? ཡེ ཏེ པུ་གྒ་ལཱ ཨ་སྶ་དྡྷཱ དུ་སྶཱི་ལཱ ཨ་པྤ་སྶུ་ཏཱ མ་ཙྪ་རི་ནོ དུ་པྤ་ཉྙཱ, ཡཱ ཏེ་སཾ སེ་ཝ་ནཱ ནི་སེ་ཝ་ནཱ སཾ་སེ་ཝ་ནཱ པ་ཊི་སེ་ཝ་ནཱ བྷ་ཛ་ནཱ ས་མྦྷ་ཛ་ནཱ བྷ་ཏྟི ས་མྦྷ་ཏྟི ཏཾ་ས་མྤ་ཝ་ངྐ་ཏཱ – ཨ་ཡཾ ཝུ་ཙྩ་ཏི ‘‘པཱ་པ་མི་ཏྟ་ཏཱ’’.
(༣༡. ཀ) ཨ་སྶ་དྡྷི་ཡཾ
༩༣༢. ཏ་ཏྠ ཀ་ཏ་མཾ ཨ་སྶ་དྡྷི་ཡཾ? ཨི་དྷེ་ཀ་ཙྩོ ཨ་སྶ་དྡྷོ ཧོ་ཏི, ན ས་དྡ་ཧ་ཏི བུ་དྡྷཾ ཝཱ དྷ་མྨཾ ཝཱ ས་ངྒྷཾ ཝཱ, ཡཾ ཨེ་ཝ་རཱུ་པཾ ཨ་སྶ་དྡྷི་ཡཾ ཨ་སྶ་དྡ་ཧ་ནཱ ཨ་ནོ་ཀ་པྤ་ནཱ ཨ་ན་བྷི་པྤ་སཱ་དོ – ཨི་དཾ ཝུ་ཙྩ་ཏི ‘‘ཨ་སྶ་དྡྷི་ཡཾ’’.
(ཁ) ཨ་ཝ་ད་ཉྙུ་ཏཱ
ཏ་ཏྠ ཀ་ཏ་མཱ ཨ་ཝ་ད་ཉྙུ་ཏཱ? པ་ཉྩ མ་ཙྪ་རི་ཡཱ་ནི – ཨཱ་ཝཱ་ས་མ་ཙྪ་རི་ཡཾ, ཀུ་ལ་མ་ཙྪ་རི་ཡཾ, ལཱ་བྷ་མ་ཙྪ་རི་ཡཾ, ཝ་ཎྞ་མ་ཙྪ་རི་ཡཾ, དྷ་མྨ་མ་ཙྪ་རི་ཡཾ. ཡཾ ཨེ་ཝ་རཱུ་པཾ མ་ཙྪེ་རཾ མ་ཙྪ་རཱ་ཡ་ནཱ མ་ཙྪ་རཱ་ཡི་ཏ་ཏྟཾ ཝེ་ཝི་ཙྪཾ ཀ་ད་རི་ཡཾ ཀ་ཊུ་ཀ་ཉྩུ་ཀ་ཏཱ ཨ་གྒ་ཧི་ཏ་ཏྟཾ ཙི་ཏྟ་སྶ – ཨ་ཡཾ ཝུ་ཙྩ་ཏི ‘‘ཨ་ཝ་ད་ཉྙུ་ཏཱ’’.
(ག) ཀོ་ས་ཛྫཾ
ཏ་ཏྠ ཀ་ཏ་མཾ ཀོ་ས་ཛྫཾ? ཀཱ་ཡ་དུ་ཙྩ་རི་ཏེ ཝཱ ཝ་ཙཱི་དུ་ཙྩ་རི་ཏེ ཝཱ མ་ནོ་དུ་ཙྩ་རི་ཏེ ཝཱ པ་ཉྩ་སུ ཝཱ ཀཱ་མ་གུ་ཎེ་སུ ཙི་ཏྟ་སྶ ཝོ་སྶ་གྒོ, ཝོ་སྶ་གྒཱ་ནུ་པྤ་དཱ་ནཾ ཀུ་ས་ལཱ་ནཾ དྷ་མྨཱ་ནཾ, བྷཱ་ཝ་ནཱ་ཡ ཨ་ས་ཀྐ་ཙྩ་ཀི་རི་ཡ་ཏཱ ཨ་སཱ་ཏ་ཙྩ་ཀི་རི་ཡ་ཏཱ ཨ་ན་ཊྛི་ཏ་ཀི་རི་ཡ་ཏཱ ཨོ་ལཱི་ན་ཝུ་ཏྟི་ཏཱ ནི་ཀྑི་ཏྟ་ཚ་ནྡ་ཏཱ ནི་ཀྑི་ཏྟ་དྷུ་ར་ཏཱ ཨ་ནཱ་སེ་ཝ་ནཱ ཨ་བྷཱ་ཝ་ནཱ ཨ་བ་ཧུ་ལཱི་ཀ་མྨཾ ཨ་ན་དྷི་ཊྛཱ་ནཾ ཨ་ན་ནུ་ཡོ་གོ པ་མཱ་དོ – ཨི་དཾ ཝུ་ཙྩ་ཏི ‘‘ཀོ་ས་ཛྫཾ’’.
(༣༢. ཀ) ཨུ་དྡྷ་ཙྩཾ
༩༣༣. ཏ་ཏྠ ཀ་ཏ་མཾ ཨུ་དྡྷ་ཙྩཾ? ཡཾ ཙི་ཏྟ་སྶ ཨུ་དྡྷ་ཙྩཾ ཨ་ཝཱུ་པ་ས་མོ ཙེ་ཏ་སོ ཝི་ཀྑེ་པོ བྷ་ཝ་ནྟ་ཏྟཾ ཙི་ཏྟ་སྶ – ཨི་དཾ ཝུ་ཙྩ་ཏི ‘‘ཨུ་དྡྷ་ཙྩཾ’’.
(ཁ) ཨ་སཾ་ཝ་རོ
ཏ་ཏྠ ཀ་ཏ་མོ ཨ་སཾ་ཝ་རོ? ཨི་དྷེ་ཀ་ཙྩོ ཙ་ཀྑུ་ནཱ རཱུ་པཾ དི་སྭཱ ནི་མི་ཏྟ་གྒཱ་ཧཱི ཧོ་ཏི ཨ་ནུ་བྱ་ཉྫ་ན་གྒཱ་ཧཱི. ཡ་ཏྭཱ་དྷི་ཀ་ར་ཎ་མེ་ནཾ ཙ་ཀྑུ་ནྡྲི་ཡཾ ཨ་སཾ་ཝུ་ཏཾ ཝི་ཧ་ར་ནྟཾ ཨ་བྷི་ཛ྄ཛྷཱ་དོ་མ་ན་སྶཱ པཱ་པ་ཀཱ ཨ་ཀུ་ས་ལཱ དྷ་མྨཱ ཨ་ནྭཱ་སྶ་ཝེ་ཡྻུཾ, ཏ་སྶ སཾ་ཝ་རཱ་ཡ ན པ་ཊི་པ་ཛྫ་ཏི, ན ར་ཀྑ་ཏི ཙ་ཀྑུ་ནྡྲི་ཡཾ, ཙ་ཀྑུ་ནྡྲི་ཡེ ན སཾ་ཝ་རཾ ཨཱ་པ་ཛྫ་ཏི. སོ་ཏེ་ན ས་དྡཾ སུ་ཏྭཱ…པེ… གྷཱ་ནེ་ན ག་ནྡྷཾ གྷཱ་ཡི་ཏྭཱ…པེ… ཛི་ཝ྄ཧཱ་ཡ ར་སཾ སཱ་ཡི་ཏྭཱ…པེ… ཀཱ་ཡེ་ན ཕོ་ཊྛ་བྦཾ ཕུ་སི་ཏྭཱ…པེ… མ་ན་སཱ དྷ་མྨཾ ཝི་ཉྙཱ་ཡ ནི་མི་ཏྟ་གྒཱ་ཧཱི ཧོ་ཏི ཨ་ནུ་བྱ་ཉྫ་ན་གྒཱ་ཧཱི. ཡ་ཏྭཱ་དྷི་ཀ་ར་ཎ་མེ་ནཾ མ་ནི་ནྡྲི་ཡཾ ཨ་སཾ་ཝུ་ཏཾ ཝི་ཧ་ར་ནྟཾ ཨ་བྷི་ཛ྄ཛྷཱ་དོ་མ་ན་སྶཱ པཱ་པ་ཀཱ ཨ་ཀུ་ས་ལཱ དྷ་མྨཱ ཨ་ནྭཱ་སྶ་ཝེ་ཡྻུཾ, ཏ་སྶ སཾ་ཝ་རཱ་ཡ ན པ་ཊི་པ་ཛྫ་ཏི, ན ར་ཀྑ་ཏི མ་ནི་ནྡྲི་ཡཾ, མ་ནི་ནྡྲི་ཡེ ན སཾ་ཝ་རཾ ཨཱ་པ་ཛྫ་ཏི – ཨ་ཡཾ ཝུ་ཙྩ་ཏི ‘‘ཨ་སཾ་ཝ་རོ’’.
(ག) དུ་སྶཱི་ལྱཾ
ཏ་ཏྠ ཀ་ཏ་མཾ དུ་སྶཱི་ལྱཾ? ཀཱ་ཡི་ཀོ ཝཱི་ཏི་ཀྐ་མོ, ཝཱ་ཙ་སི་ཀོ ཝཱི་ཏི་ཀྐ་མོ, ཀཱ་ཡི་ཀ་ཝཱ་ཙ་སི་ཀོ ཝཱི་ཏི་ཀྐ་མོ – ཨི་དཾ ཝུ་ཙྩ་ཏི ‘‘དུ་སྶཱི་ལྱཾ’’.
(༣༣. ཀ) ཨ་རི་ཡཱ་ནཾ ཨ་ད་སྶ་ན་ཀ་མྱ་ཏཱ
༩༣༤. ཏ་ཏྠ ཀ་ཏ་མཱ ཨ་རི་ཡཱ་ནཾ ཨ་ད་སྶ་ན་ཀ་མྱ་ཏཱ? ཏ་ཏྠ ཀ་ཏ་མེ ཨ་རི་ཡཱ? ཨ་རི་ཡཱ ཝུ་ཙྩ་ནྟི བུ་དྡྷཱ ཙ བུ་དྡྷ་སཱ་ཝ་ཀཱ ཙ. ཡཱ ཨི་མེ་སཾ ཨ་རི་ཡཱ་ནཾ ཨ་ད་སྶ་ན་ཀ་མྱ་ཏཱ ཨ་ད་ཊྛུ་ཀ་མྱ་ཏཱ ཨ་ས་མེ་ཏུ་ཀ་མྱ་ཏཱ ཨ་ས་མཱ་ག་ནྟུ་ཀ་མྱ་ཏཱ – ཨ་ཡཾ ཝུ་ཙྩ་ཏི ‘‘ཨ་རི་ཡཱ་ནཾ ཨ་ད་སྶ་ན་ཀ་མྱ་ཏཱ’’.
(ཁ) ས་དྡྷ་མྨཾ ཨ་སོ་ཏུ་ཀ་མྱ་ཏཱ
ཏ་ཏྠ ཀ་ཏ་མཱ ས་དྡྷ་མྨཾ ཨ་སོ་ཏུ་ཀ་མྱ་ཏཱ? ཏ་ཏྠ ཀ་ཏ་མོ ས་དྡྷ་མྨོ? ཙ་ཏྟཱ་རོ ས་ཏི་པ་ཊྛཱ་ནཱ, ཙ་ཏྟཱ་རོ ས་མྨ་པྤ་དྷཱ་ནཱ, ཙ་ཏྟཱ་རོ ཨི་དྡྷི་པཱ་དཱ, པ་ཉྩི་ནྡྲི་ཡཱ་ནི, པ་ཉྩ བ་ལཱ་ནི, ས་ཏྟ བོ་ཛ྄ཛྷ་ངྒཱ, ཨ་རི་ཡོ ཨ་ཊྛ་ངྒི་ཀོ མ་གྒོ – ཨ་ཡཾ ཝུ་ཙྩ་ཏི ‘‘ས་དྡྷ་མྨོ’’. ཡཱ ཨི་མ་སྶ ས་དྡྷ་མྨ་སྶ ཨ་སོ་ཏུ་ཀ་མྱ་ཏཱ ཨ་ས་ཝ་ན་ཀ་མྱ་ཏཱ ཨ་ནུ་གྒ་ཧེ་ཏུ་ཀ་མྱ་ཏཱ ཨ་དྷཱ་རེ་ཏུ་ཀ་མྱ་ཏཱ – ཨ་ཡཾ ཝུ་ཙྩ་ཏི ‘‘ས་དྡྷ་མྨཾ ཨ་སོ་ཏུ་ཀ་མྱ་ཏཱ’’.