ཨ་ནུ་ལོ་མ་ཉཱ་ཎ་ཀ་ཐཱ་ཝ་ཎྞ་ནཱ
༨༠༤. ཨ་དྷི་མོ་ཀྑ་ས་དྡྷཱཏི པ་སཱ་ད་བྷཱུ་ཏོ ཝ་ཏྠུ་ག་ཏོ ནི་ཙྪ་ཡོ ཨ་དྷི་མོ་ཀྑོ. ཏ་སྨཱ ཏ་ཐཱ་བྷཱུ་ཏཱ བྷཱ་ཝ་ནཱ་ཝི་སེ་སེ་ན ཀི་ཙྩ་ཏོ ཨ་དྷི་མ་ཏྟ་ཏཱ་ཡ བ་ལ་ཝ་ཏ་རཱ ནི་བྦ་ཏྟ་ཏི. སུ་པ་གྒ་ཧི་ཏནྟི སུ་ཊྛུ པ་གྒ་ཧི་ཏཾ. ཨ་ས་ལླཱི་ནཾ པ་ཊུ་ཏ་ར་བྷཱ་ཝེ་ན པ་ཊི་པ་ཀྑ་ཝི་དྷ་མ་ན་ས་མ་ཏྠཾ ཝཱི་རི་ཡཾ ཧོ་ཏི. སཱུ་པ་ཊྛི་ཏཱཏི ཏི་ཀྑ་ཏ་ར་ཏཱ་ཡ ཨཱ་ར་མྨ་ཎཱ་བྷི་མུ་ཁ་བྷཱ་ཝེ་ན སུ་ཊྛུ ཨུ་པ་ཊྛི་ཏཱ ས་ཏི ཧོ་ཏི. སུ་ས་མཱ་ཧི་ཏནྟི པ་སྶ་དྡྷི་སུ་ཁཱ་ནཾ སཱ་ཏི་ས་ཡ་ཏཱ་ཡ སུ་ཊྛུ ས་མཱ་ཧི་ཏཾ ཨཱ་ར་མྨ་ཎེ ས་མྨ་དེ་ཝ ཋ་པི་ཏཾ ཨ་པྤི་ཏཾ ཝི་ཡ ཧོ་ཏི. ཏི་ཀྑ་ཏ་རཱཏི ཨ་ནུ་ལོ་མ་ཉཱ་ཎུ་པྤ་ཏྟི་ཡཱ པ་ཙྩ་ཡོ བྷ་ཝི་ཏུཾ ས་མ་ཏྠ་བྷཱ་ཝེ་ན སཱ་ཏི་ས་ཡཾ ཏི་ཀྑཱ སཱུ་རཱ. ས་ངྑཱ་རཱ་ནཾ ཝི་ཙི་ན་ནེ་པི མ་ཛ྄ཛྷ་ཏྟ་བྷཱུ་ཏས་ངྑཱ་རུ་པེ་ཀྑཱ པ་ཉྙཱ ཨུ་པྤ་ཛྫ་ཏི. ཨ་ནི་ཙྩཱ་ཏི ཝཱ…པེ… ས་མྨ་སི་ཏྭཱ བྷ་ཝ་ངྒཾ ཨོ་ཏ་ར་ཏཱིཏི ཨ་ནི་ཙྩཱ་དཱི་སུ ཨེ་ཀེ་ནཱ་ཀཱ་རེ་ན ས་མྨ་ས་ནྟཱི ས་ཏྟ་ཀྑ་ཏྟུཾ པ་ཝ་ཏྟི་ཏྭཱ བྷི་ཛྫ་ནྟཱི བྷ་ཝ་ངྒཾ ཨོ་ཏི་ཎྞཱ ནཱ་མ ཧོ་ཏི ཏ་ཏོ པ་རཾ བྷ་ཝ་ངྒ་སྶ ཝཱ་རོ་ཏི ཀ་ཏྭཱ. ས་ངྑཱ་རུ་པེ་ཀྑཱ་ཡ ཀ་ཏ་ན་ཡེ་ནེ་ཝཱཏི ཨ་ནི་ཙྩཱ་དི་ནཱ ཨཱ་ལ་མྦ་ན་ཀ་ར་ཎ་ན་ཡེ་ནེ་ཝ, ན ས་མྨ་སི་ཏ་ན་ཡེ་ན. ཏེ་ནཱ་ཧ ‘‘ཨཱ་ར་མྨ་ཎཾ ཀུ་རུ་མཱ་ན’’ནྟི. ཨཱ་ཝ་ཊྚེ་ཏྭཱཏི ནི་ཝ་ཏྟེ་ཏྭཱ ཙི་ཏྟ་སྶ བྷ་ཝ་ངྒ་ཝ་སེ་ན ཝ་ཏྟི་ཏུཾ ཨ་ད་ཏྭཱ. ཝི་ས་དི་ས་ཙི་ཏྟ་པ་ཝ་ཏྟི་ས་ངྑཱ་ཏཱ་ཡ ཝཱི་ཙི་ཡཱ ཨ་བྷཱ་ཝེ་ན ཨ་ཝཱི་ཙི་ཀཱ, ཙི་ཏྟ་ས་ནྟ་ཏི. ཀི་རི་ཡ་མ་ནོ་དྷཱ་ཏུ་ཡཱ ཧི བྷ་ཝ་ངྒེ ཨཱ་ཝ་ཊྚི་ཏེ ཀི་རི་ཡ་མ་ཡ་ཙི་ཏྟ་པ་ཝ་ཏྟི་ཝི་པཱ་ཀ་ཙི་ཏྟུ་པྤ་ཏྟི་ཡཱ ས་ཝཱི་ཙི་ཀཱ ས་ནྟ་རཱ, ན ཨེ་ཝཾ མ་ནོ་དྭཱ་རཱ་ཝ་ཛྫ་ནེ་ནཱ་ཏི ཝུ་ཏྟཾ ‘‘ཨ་ཝཱི་ཙི་ཀཾ ཙི་ཏྟ་ས་ནྟ་ཏིཾ ཨ་ནུ་པྤ་བ་ནྡྷ་མཱ་ན’’ནྟི. ཏ་ཐེ་ཝཱཏི ཡ་ཐཱ ཨ་ཏཱི་ཏཱ་སུ དྭ་ཏྟིཾ་ས་ཛ་ཝ་ན་ཝཱི་ཐཱི་སུ ས་ངྑཱ་རུ་པེ་ཀྑཱ ‘‘ཨ་ནི་ཙྩཱ’’ཏི ཝཱ ‘‘དུ་ཀྑཱ’’ཏི ཝཱ ‘‘ཨ་ན་ཏྟཱ’’ཏི ཝཱ ས་ངྑཱ་རེ ཨཱ་ར་མྨ་ཎ་མ་ཀཱ་སི, ཏ་ཐེ་ཝ. པ་རི་ཀ་མྨ་ནྟི ཝུ་ཙྩ་ཏི མ་གྒ་སྶ པ་རི་ཀ་མྨ་ཏྟཱ པ་ཊི་ས་ངྑཱ་ར་ཀ་ཏྟཱ. ཨུ་པ་ཙཱ་ར་ནྟི ཝུ་ཙྩ་ཏི མ་གྒ་སྶ ཨཱ་ས་ནྣ་ཏྟཱ, ས་མཱི་པ་ཙཱ་རི་ཀ་ཏྟཱ ཝཱ. ཨ་ནུ་ལོ་མ་ཏྟཾ ས་ཡ་མེ་ཝ ཝ་ད་ཏི.
ཨ་ཡ་ཉྩ ན་ཡོ ཀཱ་མཾ མ་གྒ་ཝཱི་ཐི་ཡཾ པ་ཋ་མ་ཛ་ཝ་ན་སྶ པ་ཊི་ས་ངྑ་ར་ཎ་ཊྛོ, དུ་ཏི་ཡ་སྶ ཏ་ཏོ ཨཱ་ས་ནྣ་ཊྛོ, ཏ་ཏི་ཡ་སྶ ཧེ་ཊྛི་མུ་པ་རི་མཱ་ནཾ ཨ་ནུ་ལོ་མ་ཊྛོ ཙ ཡུ་ཏྟོ་ཏི ཝུ་ཏྟོ, ཏ་ཐཱ་པི ས་བྦེ་ས་མྤི ཨི་མཱ ས་མ་ཉྙཱ ས་མྦྷ་ཝ་ནྟཱི་ཏི ད་སྶེ་ཏུཾ ‘‘ཨ་ཝི་སེ་སེ་ན པ་ནཱ’’ཏི་ཨཱ་དི ཝུ་ཏྟཾ. ཏ་ཏྠ ཨཱ་སེ་ཝ་ནནྟི ཨཱ་ད་རེ་ན སེ་ཝ་ནཾ. པུ་རི་མ་བྷཱ་ག་པ་ཙྪི་མ་བྷཱ་གཱ་ནནྟི ཧེ་ཊྛི་མཱ་ནཾ, ཨུ་པ་རི་མཱ་ན་ཉྩ དྷ་མྨ་ཀོ་ཊྛཱ་སཱ་ནཾ. ཨ་ཊྛ་ནྣནྟི ཨུ་ད་ཡ་བྦ་ཡ་ཉཱ་ཎཱ་དཱི་ནཾ ཨ་ཊྛ་ནྣཾ. ས་བྦཱ་པི ཝི་པ་སྶ་ནཱ ལ་ཀྑ་ཎ་ཏྟ་ཡ་ས་མྨ་ས་ན་ཀི་ཙྩཱ་ཝ, ཨི་ད་མྤི ཏ་ཐེ་ཝཱ་ཏི ཝུ་ཏྟཾ ‘‘ཏ་ཐ་ཀི་ཙྩ་ཏཱ་ཡཱ’’ཏི. ཨུ་པ་རཱིཏི མ་གྒེ. བོ་དྷི་པ་ཀྑི་ཡ་དྷ་མྨཱ་ནཾ ཏ་ཐ་ཀི་ཙྩ་ཏཱ་ཡ ཨ་ནུ་ལོ་མེ་ཏི ས་མྨོ་སཱ་དི་པ་ཊི་པ་ཀྑ་ཝི་དྷ་མ་ན་ཏོ. ཨི་དཱ་ནི ཨ་ནུ་ལོ་མ་ཉཱ་ཎ་སྶ ཏ་དུ་བྷ་ཡ་ཀི་ཙྩཱ་ནུ་ལོ་མཾ ཝི་ཏྠཱ་ར་ཏོ ད་སྶེ་ཏུཾ ‘‘ཏ་ཉྷཱི’’ཏི་ཨཱ་དི ཝུ་ཏྟཾ. ཏ་ཏྠ ཨ་ནུ་ལོ་མ་ཉཱ་ཎཾ ས་ཙྩ་པ་ཊི་ཙྪཱ་ད་ཀ་མོ་ཧ་ཀྑ་ནྡྷཱ་དཱི་ནཾ སཱ་ཏི་ས་ཡཾ ཝི་དྷ་མ་ནེ་ན ལོ་ཀི་ཡ་ཉཱ་ཎེ་སུ ཨུ་ཀྐཾ་ས་པ་རི་ཡ་ནྟ་ག་ཏཾ, ཏ་ཏོ ཨེ་ཝ ཧེ་ཊྛཱ ནི་བྦ་ཏྟི་ཏ་ཨུ་ད་ཡ་བྦ་ཡ་ཉཱ་ཎཱ་དཱི་ན་མྤི ཀི་ཙྩཾ པ་ཊི་པ་ཀྑ་དཱུ་རཱི་བྷཱ་ཝེ་ན ཨ་ཏྠ་ཏོ སཱ་དྷེ་ནྟ་མེ་ཝ ཧུ་ཏྭཱ པ་ཝ་ཏྟ་ཏི, ཏ་ཐཱ་པ་ཝ་ཏྟ་མཱ་ན་ཉྩ ཏེ་སཾ ཀི་ཙྩཾ ཨ་ནུ་ལོ་མེ་ནྟཾ ཝི་ཡ ཧོ་ཏཱི་ཏི ཨཱ་ཧ ‘‘ཨུ་ད་ཡ་བྦ་ཡ་ཝ་ནྟཱ་ནཾ…པེ… ཏ་ཐ་ཀི་ཙྩ་ཏཱ་ཡ ཨ་ནུ་ལོ་མེ་ཏཱི’’ཏི. ཏ་ཏྠ ‘‘བྷ་ཡ་ཏོ ཨུ་པ་ཊྛི་ཏ’’ནྟི ཨི་མི་ནཱ་པི ཨཱ་ར་མྨ་ཎ་སཱི་སེ་ན ཉཱ་ཎ་བྱཱ་པཱ་ར་མེ་ཝ ཝ་ད་ཏི ས་པྤ་ཊི་བྷ་ཡཱ་ནཾ ས་ངྑཱ་རཱ་ནཾ ཡ་ཐཱ་ས་བྷཱ་ཝ་ད་སྶ་ན་དཱི་པ་ན་ཏོ. སེ་སེ་སུ པ་ན ས་ཏྟ་སུ་པི ཋཱ་ནེ་སུ ཉཱ་ཎ་བྱཱ་པཱ་རོ་ཝ ད་སྶི་ཏོ. ཡ་སྨཱ ཨེ་ཏཾ ཨ་ནུ་ལོ་མ་ཉཱ་ཎཾ ཨ་ནི་ཙྩཱ་དཱི་སུ ཨ་ཉྙ་ཏ་ར་ལ་ཀྑ་ཎ་ཝ་སེ་ནེ་ཝ ས་ངྑཱ་རེ ཨཱ་ར་བྦྷ པ་ཝ་ཏྟ་ཏི, ཏ་སྨཱ ཝུ་ཏྟཾ ‘‘ཨ་ནི་ཙྩ་ལ་ཀྑ་ཎཱ་དི་ཝ་སེ་ན ས་ངྑཱ་རེ ཨཱ་ར་བྦྷ པ་ཝ་ཏྟ་ཏྟཱ’’ཏི. ཏཱ་ཡ པ་ཊི་པ་ཏྟི་ཡཱཏི ཡཱ སཱ ཨ་ནུ་ལོ་མ་ཉཱ་ཎ་སྶ ཐཱུ་ལ་ཐཱུ་ལ་ས་ཙྩ་པ་ཊི་ཙྪཱ་ད་ཀ་སཾ་ཀི་ལེ་ས་ཝི་ཀྑ་མྦྷ་ན་པ་ཊི་པ་ཏྟི, ཏཱ་ཡ. ན ཧི ཨ་ནུ་ལོ་མ་ཉཱ་ཎེ ཏ་ཐཱ ཨ་ནུ་པྤ་ནྣེ གོ་ཏྲ་བྷུ་ཉཱ་ཎཾ ནི་བྦཱ་ནཾ ཨཱ་ལ་མྦི་ཏུཾ ས་ཀྐོ་ཏི, གོ་ཏྲ་བྷུ་ཉཱ་ཎེ ཝཱ ཨ་ནུ་པྤ་ནྣེ མ་གྒ་ཉཱ་ཎཾ ཨུ་པྤ་ཛྫ་ཏཱི་ཏི.
ཝུ་ཏྟ་མ་ཏྠཾ ཨོ་པ་མྨེ་ན པཱ་ཀ་ཊ་ཏ་རཾ ཀཱ་ཏུཾ ‘‘ཡ་ཐཱ ཧཱི’’ཏི་ཨཱ་དི ཝུ་ཏྟཾ. ཏ་ཏྠ ཨ་ཊྛ་ནྣཾ ཝོ་ཧཱ་རི་ཀ་མ་ཧཱ་མ་ཏྟཱ་ནཾ ཨ་ག་ཏི་ག་མ་ནཾ པ་ཧཱ་ཡ ཏཾ་ཏཾ་ཝི་ནི་ཙྪ་ཡ་ཀ་ར་ཎཾ ཝི་ཡ ཨ་ཊྛ་ནྣཾ ཉཱ་ཎཱ་ནཾ ཡ་ཐཱ་ས་ཀཾ པ་ཊི་པ་ཀྑཾ པ་ཧཱ་ཡ ས་ངྑཱ་རེ་སུ ཨུ་ད་ཡ་བྦ་ཡཱ་དི་པ་ཊི་པ་ཏྟི, ར་ཉྙོ མ་ཛ྄ཛྷ་ཏྟ་བྷཱ་ཝོ ཝི་ཡ ཨ་ནུ་ལོ་མ་ཉཱ་ཎ་སྶ པུ་རི་མ་པ་ཙྪི་མ་དྷ་མྨ་ཀོ་ཊྛཱ་ས་སྶ ཨ་ནུ་ཀཱུ་ལ་ཏཱ. ཏེ་ནེ་ཝཱཏི ཧེ་ཊྛི་མ་ཉཱ་ཎཱ་ནཾ ཨ་ནུ་ལོ་མ་ན་མུ་ཁེ་ན ཨུ་པ་རི་བོ་དྷི་པ་ཀྑི་ཡཱ་ནཾ ཨ་ནུ་ལོ་མ་ན་ཏོ་ཡེ་ཝ. ས་ཙྩཱ་ནུ་ལོ་མི་ཀ་ནྟི ཝུ་ཙྩ་ཏི མ་གྒ་ས་ཙྩ་སྶ ཨ་ནུ་ལོ་མི་ཀ་ཏྟཱ.
ཨ་ནུ་ལོ་མ་ཉཱ་ཎཾ ནི་ཊྛི་ཏཾ.