ཝུ་ཊྛཱ་ན་གཱ་མི་ནཱི་ཝི་པ་སྶ་ནཱ་ཀ་ཐཱ་ཝ་ཎྞ་ནཱ

༨༠༥. ཀི་ཉྩི ཨ་ས་ངྑ་ཏཱ་ར་མྨ་ཎ་མྤི ཉཱ་ཎཾ ཝུ་ཊྛཱ་ན་གཱ་མི་ནི་ཡཱ ཨེ་ཀ་ས་ངྒ་ཧ་ནྟི ཀ་ཏྭཱ ‘‘ས་ངྑཱ་རཱ་ར་མྨ་ཎཱ་ཡཱ’’ཏི ཝི་སེ་ས་ནཾ ཀ་ཏཾ. ཏ་ཉྷི ཝི་སེ་ས་ཏོ ཝུ་ཊྛཱ་ནཾ ཨ་རི་ཡ་མ་གྒཾ ག་ཙྪ་ཏི ཨུ་པེ་ཏཱི་ཏི ཝུ་ཊྛཱ་ན་གཱ་མི་ནཱི་ཏི ཝ་ཏྟ་བྦ་ཏཾ ལ་བྷ་ཏི. ཏེ་ནཱ་ཧ ‘‘ས་བྦེ་ན ས་བྦ’’ནྟི་ཨཱ་དི. ཨ་ས་མྨོ་ཧ་ཏྠནྟི ཏ་ཏྠ ཏ་ཏྠ སུ་ཏྟེ པ་རི་ཡཱ་ཡ་ནྟ་རེ་ཧི ཨཱ་ག་ཏཱ་ཡ ས་མྨོ་ཧཱ་བྷཱ་ཝ་ཏྠཾ. སུ་ཏྟ་སཾ་ས་ནྡ་ནཱཏི སུ་ཏྟཱ་ནཾ ཏེ་སཾ ཏེ་སཾ སུ་ཏྟ་པ་དཱ་ནཾ ཨ་ནུ་ས་ནྡཱ་ནཾ.

ཡེ ལོ་ཀི་ཡེ ས་ངྑཱ་རེ ཨཱ་ར་བྦྷ ཨ་ནུ་ལོ་མ་པ་རི་ཡོ་སཱ་ནཱ ཝུ་ཊྛཱ་ན་གཱ་མི་ནི་ཝི་པ་སྶ་ནཱ པ་ཝ་ཏྟ་ཏི, ཏཾ་ས་ནྣི་སྶི་ཏཱ ཏ་པྤ་ཊི་བ་དྡྷཱ ཏ་ཎྷཱ ཏེ་ཧི ཝི་ནཱ ཨ་པྤ་ཝ་ཏྟ་ན་ཏོ ཏ་མྨ་ཡཱ ནཱ་མ, ཏ་མྨ་ཡཱ་ཝ ཏ་མྨ་ཡ་ཏཱ, ཏ་མྨ་ཡཱ ཝཱ ཏ་ཎྷཱ་ས་མྤ་ཡུ་ཏྟཱ ཁ་ནྡྷཱ, ཏེ་སཾ བྷཱ་ཝོ ཏ་མྨ་ཡ་ཏཱ, སཱ ཨེ་ཝ ཏ་ཎྷཱ. ཏ་པྤ་ཊི་པ་ཀྑཱ ཝུ་ཊྛཱ་ན་གཱ་མི་ནི་ཝི་པ་སྶ་ནཱ ཨ་ཏ་མྨ་ཡ་ཏཱ. ཏེ་ན ཝུ་ཏྟཾ ཨ་ཊྛ་ཀ་ཐཱ་ཡཾ ‘‘ཏ་མྨ་ཡ་ཏཱ ནཱ་མ ཏ་ཎྷཱ, ཏ་སྶཱ པ་རི་ཡཱ་དི་ཡ་ན་ཏོ ཝུ་ཊྛཱ་ན་གཱ་མི་ནི་ཝི་པ་སྶ་ནཱ ཨ་ཏ་མྨ་ཡ་ཏཱ་ཏི ཝུ་ཙྩ་ཏཱི’’ཏི (མ. ནི. ཨ་ཊྛ. ༣.༣༡༠). ནི་སྶཱ་ཡཱཏི ཏཾ ཨ་ཏ་མྨ་ཡ་ཏཾ ནི་སྶ་ཡཾ ཀ་ཏྭཱ, བྷཱ་ཝེ་ཏྭཱ་ཏི ཨ་ཏྠོ. ཨེ་ཀ་ཏྟཱཏི ཨེ་ཏྠ ཨ་ཡཾ པཱ་ལི༹ ‘‘ཨ་ཏྠི, བྷི་ཀྑ་ཝེ, ཨུ་པེ་ཀྑཱ རཱུ་པེ་སུ…པེ… ཕོ་ཊྛ་བྦེ་སུ, ཨ་ཡཾ, བྷི་ཀྑ་ཝེ, ཨུ་པེ་ཀྑཱ ནཱ་ན་ཏྟཱ ནཱ་ན་ཏྟ་སི་ཏཱ’’ཏི (མ. ནི. ༣.༣༡༠), ས་ཡ་མྤི ནཱ་ནཱ་ས་བྷཱ་ཝཱ, ནཱ་ནཱ་ར་མྨ་ཎ་ནི་སྶི་ཏཱ ཙཱ་ཏི ཨ་ཏྠོ. སཱ པ་ན ས་མཱ་དྷི་ས་མྤ་ཡུ་ཏྟཱ ཝི་པ་སྶ་ནུ་པེ་ཀྑཱ ཝེ་དི་ཏ་བྦཱ. ‘‘ཨ་ཏྠི, བྷི་ཀྑ་ཝེ, ཨུ་པེ་ཀྑཱ ཨཱ་ཀཱ་སཱ་ན་ཉྩཱ་ཡ་ཏ་ན་ནི་སྶི་ཏཱ…པེ… ནེ་ཝ་ས་ཉྙཱ་ནཱ་ས་ཉྙཱ་ཡ་ཏ་ན་ནི་སྶི་ཏཱ, ཨ་ཡཾ, བྷི་ཀྑ་ཝེ, ཨུ་པེ་ཀྑཱ ཨེ་ཀ་ཏྟཱ ཨེ་ཀ་ཏྟ་སི་ཏཱ’’ཏི (མ. ནི. ༣.༣༡༠). ཡཱ ཧི ཏཾ་ཏཾ་ཨ་རཱུ་པ་ཙི་ཏྟུ་པྤཱ་ད་པ་རི་ཡཱ་པ་ནྣཱ ཨུ་པེ་ཀྑཱ, སཱ ཨེ་ཀ་ས་བྷཱ་ཝ་ཏྟཱ, ཨེ་ཀཱ་ར་མྨ་ཎ་ཏྟཱ ཙ ཨེ་ཀ་ཏྟཱ, ཨེ་ཀ་ཏྟ་སི་ཏཱ ཙཱ་ཏི ཝུ་ཙྩ་ཏི, སཱ པ་ན ཏཾ་ཏཾ་ཛྷཱ་ན་ས་ཧ་ག་ཏ་ཝེ་ད་ནུ་པེ་ཀྑཱ ཙ ཏ་དཱ་ར་མྨ་ཎ་ཝི་པ་སྶ་ནུ་པེ་ཀྑཱ ཙཱ་ཏི ཝ་ད་ནྟི. ཏཾ པ་ཛ་ཧ་ཐཱཏི ཏ་དཱ་ར་མྨ་ཎ་ཀི་ལེ་ས་པ་ཧཱ་ནེ་ན པ་ཛ་ཧ་ཐ. ཏེ་ནཱ་ཧ ‘‘ཏཾ ས་མ་ཏི་ཀྐ་མ་ཐཱ’’ཏི.

ནི་བྦི་དཱཏི ཝུ་ཊྛཱ་ན་གཱ་མི་ནཱི. ཏ་ཏྠ ཧི སུ་ཏྟེ ཝི་ར་ཛྫ་ཏཱིཏི མ་གྒ་ཀི་ཙྩ་མཱ་ཧ, ཝི་མུ་ཙྩ་ཏཱིཏི ཕ་ལ་ཀི་ཙྩཾ.

སུ་སི་མ་སུ་ཏྟཾ ནི་དཱ་ན་ཝ་གྒེ. ཏ་ཏྠ དྷ་མྨ་ཊྛི་ཏི་ཉཱ་ཎཾ ཝུ་ཊྛཱ་ན་གཱ་མི་ནཱི་ཏི ཝུ་ཏྟཱ དྷ་མྨ་ཊྛི་ཏི་ཡཾ པ་ཊི་ཙྩ་ས་མུ་པྤཱ་དེ ཨ་ས་མྨུ་ཡ྄ཧ་ན་ཝ་སེ་ན པ་ཝ་ཏྟ་ན་ཏོ. ནི་བྦཱ་ནེ ཉཱ་ཎནྟི མ་གྒ་ཉཱ་ཎ་མཱ་ཧ.

ས་ཉྙཱ ཁོ, པོ་ཊྛ་པཱ་དཱཏི ཨེ་ཏྠ ཀཱ་མཾ ‘‘ས་ཉྙཱ’’ཨི་ཙྩེ་ཝ ཝུ་ཙྩ་ཏི, པུ་བྦེ པ་ན ‘‘ས་ཉྙ་གྒཾ ཕུ་ས་ཏཱི’’ཏི ཝུ་ཏྟ་ཏྟཱ ཨཱ་ཧ ‘‘ས་ཉྙ་གྒ་ནྟི ཝུ་ཏྟཱ’’ཏི.

པ་ཊི་པ་དཱ་ཉཱ་ཎ་ད་སྶ་ན་ཝི་སུ་དྡྷཱིཏི ཏ་དེ་ཀ་དེ་ས་བྷཱུ་ཏཱ ཝུ་ཊྛཱ་ན་གཱ་མི་ནཱི ཝུ་ཏྟཱ. ས་མུ་དཱ་ཡེ་སུ ཧི པ་ཝ་ཏྟཱ ཝོ་ཧཱ་རཱ ཨ་ཝ་ཡ་ཝེ་སུ་པི པ་ཝ་ཏྟ་ནྟཱི་ཏི. པཱ་རི་སུ་དྡྷི་པ་དྷཱ་ནི་ཡ་ངྒནྟི པཱ་རི་སུ་དྡྷི་ཡཱ པ་དྷཱ་ན་ཀཱ་ར་ཎཾ.

ཏཱི་ཧི ནཱ་མེ་ཧཱིཏི ཨ་ནུ་ལོ་མ་གོ་ཏྲ་བྷུ་ཝོ་དཱ་ན་ས་ངྑཱ་ཏེ་ཧི ཏཱི་ཧི ནཱ་མེ་ཧི.

ཀི་ཏྟི་ཏཱཏི ཐོ་མི་ཏཱ ཨ་རི་ཡ་མ་གྒཱ་དྷི་ཊྛཱ་ན་ཏཱ་ཡ. མ་ཧ་ནྟཱ་ནཾ སཱི་ལ་ཀྑ་ནྡྷཱ་དཱི་ནཾ ཨེ་ས་ན་ཊྛེ་ན མ་ཧེ་སི་ནཱ ས་མྨཱ་ས་མྦུ་དྡྷེ་ན. ས་ནྟ་ཀི་ལེ་ས་ཏཱ་ཡ ས་ནྟཱ. ཡོ་གནྟི བྷཱ་ཝ་ནཾ, བྷཱ་ཝ་ནཱ་བྷི་ཡོ་གཾ ཝཱ.

པ་ཊི་པ་དཱ་ཉཱ་ཎ་ད་སྶ་ན་ཝི་སུ་དྡྷི་ནི་དྡེ་ས་ཝ་ཎྞ་ནཱ ནི་ཊྛི་ཏཱ.

ཨི་ཏི ཨེ་ཀ་ཝཱི་ས་ཏི་མ་པ་རི་ཙྪེ་ད་ཝ་ཎྞ་ནཱ.