༦. པ་ཏྟ་པི་ཎྜི་ཀ་ངྒ་ཀ་ཐཱ་ཝ་ཎྞ་ནཱ

༢༩. ཨ་པྤ་ཊི་ཀཱུ་ལཾ ཀ་ཏྭཱ བྷུ་ཉྫི་ཏུཾ ཝ་ཊྚ་ཏི པ་ཊི་ཀཱུ་ལ་སྶ བྷུ་ཏྟ་སྶ ཨ་ག་ཎྷ་ན་མྤི སི་ཡཱ་ཏི ཨ་དྷི་པྤཱ་ཡོ. པ་མཱ་ཎ་ཡུ་ཏྟ་མེ་ཝ ག་ཎྷི་ཏ་བྦནྟི ‘‘ཨེ་ཀ་བྷཱ་ཛ་ན་མེ་ཝ ག་ཎྷཱ་མཱི’’ཏི བ་ཧུཾ ག་ཧེ་ཏྭཱ ན ཚ་ཌྜེ་ཏ་བྦཾ. ནཱ་ནཱ་ར་ས་ཏ་ཎྷཱ་ཝི་ནོ་ད་ནནྟི ནཱ་ནཱ་ར་ས་བྷོ་ཛ་ནེ ཏ་ཎྷཱ་ཡ ཝི་ནོ་ད་ནཾ. ཨ་ཏྲ ཨ་ཏྲ ནཱ་ནཱ་བྷཱ་ཛ་ནེ ཋི་ཏེ ནཱ་ནཱ་ར་སེ ཨི་ཙྪཱ ཨེ་ཏ་སྶཱ་ཏི ཨ་ཏྲི་ཙྪོ, ཏ་སྶ བྷཱ་ཝོ ཨ་ཏྲི་ཙྪ་ཏཱ, ཏ་སྶཱ ཨ་ཏྲི་ཙྪ་ཏཱ་ཡ པ་ཧཱ་ནཾ. ཨཱ་ཧཱ་རེ པ་ཡོ་ཛ་ན་མ་ཏྟ་ད་སྶི་ཏཱཏི ཨ་ས་མྦྷི་ནྣ་ནཱ་ནཱ་ར་སེ གེ་དྷཾ ཨ་ཀ་ཏྭཱ ཨཱ་ཧཱ་རེ ས་ཏྠཱ་རཱ ཨ་ནུ་ཉྙཱ་ཏ་པ་ཡོ་ཛ་ན་མ་ཏྟ་ད་སྶི་ཏཱ. ཝི་སུཾ ཝི་སུཾ བྷཱ་ཛ་ནེ་སུ ཋི་ཏཱ་ནི བྱ་ཉྫ་ནཱ་ནི ག་ཎྷ་ཏོ ཏ་ཏྠ ཏ་ཏྠ སཱ་བྷོ་ག་ཏཱ་ཡ སི་ཡཱ ཝི་ཀྑི་ཏྟ་བྷོ་ཛི་ཏཱ, ན ཏ་ཐཱ ཨི་མ་སྶ ཨེ་ཀ་པ་ཏྟ་ག་ཏ་ས་ཉྙི་ནོ་ཏི ཝུ་ཏྟཾ ‘‘ཨ་ཝི་ཀྑི་ཏྟ་བྷོ་ཛི་ཏཱ’’ཏི. ཨོ་ཀྑི་ཏྟ་ལོ་ཙ་ནོཏི པ་ཏྟ་ས་ཉྙི་ཏཱ་ཡ ཧེ་ཊྛཱ་ཁི་ཏྟ་ཙ་ཀྑུ. པ་རི་བྷུ་ཉྫེ་ཡྻཱཏི པ་རི་བྷུ་ཉྫི་ཏུཾ ས་ཀྐུ་ཎེ་ཡྻ.

ཨི་ཏི པ་ཏྟ་པི་ཎྜི་ཀ་ངྒ་ཀ་ཐཱ་ཝ་ཎྞ་ནཱ.