༧. ཁ་ལུ་པ་ཙྪཱ་བྷ་ཏྟི་ཀ་ངྒ་ཀ་ཐཱ་ཝ་ཎྞ་ནཱ

༣༠. བྷུ་ཉྫ་ནྟ་སྶ ཡཾ ཨུ་པ་ནཱི་ཏཾ, ཏ་སྶ པ་ཊི་ཀྑེ་པེ་ན ཏཾ ཨ་ཏི་རི་ཏྟཾ བྷོ་ཛ་ན་ནྟི ཨ་ཏི་རི་ཏྟ་བྷོ་ཛ་ནཾ. པུ་ན བྷོ་ཛ་ནཾ ཀ་པྤི་ཡཾ ཀཱ་རེ་ཏྭཱ ན བྷུ་ཉྫི་ཏ་བྦཾ, ཏ་བྦི་ས་ཡ་ཏྟཱ ཨི་མ་སྶ དྷུ་ཏ་ངྒ་སྶ. ཏེ་ནཱ་ཧ ‘‘ཨི་ད་མ་སྶ ཝི་དྷཱ་ན’’ནྟི. ཡ་སྨིཾ བྷོ་ཛ་ནེཏི ཡ་སྨིཾ བྷུ་ཉྫི་ཡ་མཱ་ནེ བྷོ་ཛ་ནེ. ཏ་དེ་ཝ བྷུ་ཉྫ་ཏི, ན ཨ་ཉྙཾ. ཨ་ན་ཏི་རི་ཏྟ་བྷོ་ཛ་ན་པ་ཙྩ་ཡཱ ཨཱ་པ་ཏྟི ཨ་ན་ཏི་རི་ཏྟ་བྷོ་ཛ་ནཱ་པ་ཏྟི, ཏ་ཏོ དཱུ་རཱི་བྷཱ་ཝོ ཨ་ནཱ་པ་ཛྫ་ནཾ. ཨོ་ད་རི་ཀ་ཏྟཾ གྷ་སྨ་ར་བྷཱ་ཝོ ཀུ་ཙྪི་པཱུ་ར་ཀ་ཏཱ, ཏ་སྶ ཨ་བྷཱ་ཝོ ཨེ་ཀ་པི་ཎྜེ་ནཱ་པི ཡཱ་པ་ན་ཏོ. ནི་རཱ་མི་ས་ས་ནྣི་དྷི་ཏཱ ནི་ཧི་ཏ་སྶ ཨ་བྷུ་ཉྫ་ན་ཏོ. པུ་ན པ་རི་ཡེ་ས་ན་ཝ་སེ་ན པ་རི་ཡེ་ས་ནཱ་ཡ ཁེ་དཾ ན ཡཱ་ཏི. ཨ་བྷི་ས་ལླེ་ཁ་ཀཱ་ནཾ ས་ནྟོ་ས་གུ་ཎཱ་དཱི་ནཾ ཝུ་དྡྷི་ཡཱ ས་ཉྫ་ན་ནཾ ས་ནྟོ་ས་གུ་ཎཱ་དི་ཝུ་ཌྜྷི་ས་ཉྫ་ན་ནཾ. ཨི་དནྟི ཁ་ལུ་པ་ཙྪཱ་བྷ་ཏྟི་ཀ་ངྒཾ.

ཨི་ཏི ཁ་ལུ་པ་ཙྪཱ་བྷ་ཏྟི་ཀ་ངྒ་ཀ་ཐཱ་ཝ་ཎྞ་ནཱ.