༧. ཁ་ལུ་པ་ཙྪཱ་བྷ་ཏྟི་ཀ་ངྒ་ཀ་ཐཱ

༣༠. ཁ་ལུ་པ་ཙྪཱ་བྷ་ཏྟི་ཀ་ངྒ་མྤི ‘‘ཨ་ཏི་རི་ཏྟ་བྷོ་ཛ་ནཾ པ་ཊི་ཀྑི་པཱ་མི, ཁ་ལུ་པ་ཙྪཱ་བྷ་ཏྟི་ཀ་ངྒཾ ས་མཱ་དི་ཡཱ་མཱི’’ཏི ཨི་མེ་སཾ ཨ་ཉྙ་ཏ་ར་ཝ་ཙ་ནེ་ན ས་མཱ་དི་ནྣཾ ཧོ་ཏི.

ཏེ་ན པ་ན ཁ་ལུ་པ་ཙྪཱ་བྷ་ཏྟི་ཀེ་ན པ་ཝཱ་རེ་ཏྭཱ པུ་ན བྷོ་ཛ་ནཾ ཀ་པྤི་ཡཾ ཀཱ་རེ་ཏྭཱ ན བྷུ་ཉྫི་ཏ་བྦཾ. ཨི་ད་མ་སྶ ཝི་དྷཱ་ནཾ.

པ་བྷེ་ད་ཏོ པ་ན ཨ་ཡ་མྤི ཏི་ཝི་དྷོ ཧོ་ཏི. ཏ་ཏྠ ཨུ་ཀྐ་ཊྛོ ཡ་སྨཱ པ་ཋ་མ་པི་ཎྜེ པ་ཝཱ་ར་ཎཱ ནཱ་མ ན་ཏྠི, ཏ་སྨིཾ པ་ན ཨ་ཛ྄ཛྷོ་ཧ་རི་ཡ་མཱ་ནེ ཨ་ཉྙཾ པ་ཊི་ཀྑི་པ་ཏོ ཧོ་ཏི, ཏ་སྨཱ ཨེ་ཝཾ པ་ཝཱ་རི་ཏོ པ་ཋ་མ་པི་ཎྜཾ ཨ་ཛ྄ཛྷོ་ཧ་རི་ཏྭཱ དུ་ཏི་ཡ་པི་ཎྜཾ ན བྷུ་ཉྫ་ཏི. མ་ཛ྄ཛྷི་མོ ཡ་སྨིཾ བྷོ་ཛ་ནེ པ་ཝཱ་རི་ཏོ, ཏ་དེ་ཝ བྷུ་ཉྫ་ཏི. མུ་དུ་ཀོ པ་ན ཡཱ་ཝ ཨཱ་ས་ནཱ ན ཝུ་ཊྛཱ་ཏི ཏཱ་ཝ བྷུ་ཉྫ་ཏི.

ཨི་མེ་སཾ པ་ན ཏི་ཎྞ་མྤི པ་ཝཱ་རི་ཏཱ་ནཾ ཀ་པྤི་ཡཾ ཀཱ་རཱ་པེ་ཏྭཱ བྷུ་ཏྟ་ཀྑ་ཎེ དྷུ་ཏ་ངྒཾ བྷི་ཛྫ་ཏི. ཨ་ཡ་མེ་ཏྠ བྷེ་དོ.

ཨ་ཡཾ པ་ནཱ་ནི་སཾ་སོ, ཨ་ན་ཏི་རི་ཏྟ་བྷོ་ཛ་ནཱ་པ་ཏྟི་ཡཱ དཱུ་ར་བྷཱ་ཝོ, ཨོ་ད་རི་ཀ་ཏྟཱ་བྷཱ་ཝོ, ནི་རཱ་མི་ས་ས་ནྣི་དྷི་ཏཱ, པུ་ན པ་རི་ཡེ་ས་ནཱ་ཡ ཨ་བྷཱ་ཝོ, ཨ་པྤི་ཙྪ་ཏཱ་དཱི་ནཾ ཨ་ནུ་ལོ་མ་ཝུ་ཏྟི་ཏཱ་ཏི.

པ་རི་ཡེ་ས་ནཱ་ཡ ཁེ་དཾ, ན ཡཱ་ཏི ན ཀ་རོ་ཏི ས་ནྣི་དྷིཾ དྷཱི་རོ;

ཨོ་ད་རི་ཀ་ཏྟཾ པ་ཛ་ཧ་ཏི, ཁ་ལུ་པ་ཙྪཱ་བྷ་ཏྟི་ཀོ ཡོ་གཱི.

ཏ་སྨཱ སུ་ག་ཏ་པ་ས་ཏྠཾ, ས་ནྟོ་ས་གུ་ཎཱ་དི་ཝུ་ཌྜྷི་ས་ཉྫ་ན་ནཾ;

དོ་སེ ཝི་དྷུ་ནི་ཏུ་ཀཱ་མོ, བྷ་ཛེ་ཡྻ ཡོ་གཱི དྷུ་ཏ་ངྒ་མི་ད་ནྟི.

ཨ་ཡཾ ཁ་ལུ་པ་ཙྪཱ་བྷ་ཏྟི་ཀ་ངྒེ ས་མཱ་དཱ་ན་ཝི་དྷཱ་ན་པྤ་བྷེ་ད་བྷེ་དཱ་ནི་སཾ་ས་ཝ་ཎྞ་ནཱ.