ས་ཀཱ་ར་ནྟ་དྷཱ་ཏུ
པུ་ས པོ་ས་ནེ. པོ་སེ་ཏི, པོ་ས་ཡ་ཏི. ཨི་མཱ་ནི རཱུ་པཱ་ནི ཀི་ཉྩཱ་པི བྷཱུ་ཝཱ་དིག་ཎི་ཀཾ ‘‘པོ་སེ་ཏཱི’’ཏི རཱུ་པཾ པ་ཊི་ཙྩ ཧེ་ཏུ་ཀ་ཏྟུ་རཱུ་པཱ་ནི ཝི་ཡ དི་སྶ་ནྟི, ཏ་ཐཱ་པི ‘‘ཨ་ཉྙེ་པི དེ་ཝོ པོ་སེ་ཏཱི’’ཏི་ཨཱ་དི་ཀ་སྶ ཙུ་རཱ་དིག་ཎི་ཀ་རཱུ་པ་སྶ ད་སྶ་ན་ཏོ སུ་དྡྷ་ཀ་ཏྟུ་ཝ་སེ་ན ཝུ་ཏྟཱ་ནཱི་ཏི ད་ཊྛ་བྦཾ. ཨུ་བྷི་ནྣཾ པ་ན ཀཱ་རི་ཏ་ཊྛཱ་ནེ ‘‘པོ་སཱ་པེ་ཏི, པོ་སཱ་པ་ཡ་ཏཱི’’ཏི ཧེ་ཏུ་ཀ་ཏྟུ་རཱུ་པཱ་ནི ཨི་ཙྪི་ཏ་བྦཱ་ནི.
པེ་ས པ་ཊི་ཧ་ར་ཎེ. པེ་སེ་ཏི, པེ་ས་ཡ་ཏི.
པི་ས བ་ལ་པཱ་ཎ་ནེ་སུ. པི་སེ་ཏི, པི་ས་ཡ་ཏི.
པ་སི ནཱ་ས་ནེ. པཾ་སེ་ཏི, པཾ་ས་ཡ་ཏི.
ཛ་སི ར་ཀྑ་ཎེ. ཛཾ་སེ་ཏི, ཛཾ་ས་ཡ་ཏི.
སི་ལེ་ས སི་ལེ་ས་ནེ. སི་ལེ་སེ་ཏི, སི་ལེ་ས་ཡ་ཏི. སི་ལེ་སོ.
ལཱུ་ས ཧིཾ་སཱ་ཡཾ. ལཱུ་སེ་ཏི, ལཱུ་ས་ཡ་ཏི.
པུ་ནྶ ཨ་བྷི་མ་དྡ་ནེ. ནཀཱ་རོ ནི་གྒ་ཧཱི་ཏ་ཏྠཾ. པུཾ་སེ་ཏི, པུཾ་ས་ཡ་ཏི. ན་པུཾ་ས་ཀོ. དྷཱ་ཏུནཀཱ་ར་སྶ ལོ་པེ ‘‘པོ་སོ’’ ཨི་ཙྩ་པི རཱུ་པཾ.
ཏ་ཏྠ ན པུཾ་ས་ཀོཏི ཨི་ཏྠི་བྷཱ་ཝ་པུ་མྦྷཱ་ཝ་ར་ཧི་ཏོ པུ་གྒ་ལོ. སོ ཧི པུ་རི་སོ ཝི་ཡ སཱ་ཏི་ས་ཡཾ པ་ཙྩཱ་མི་ཏྟེ ན པུཾ་སེ་ཏི ཨ་བྷི་མ་དྡ་ནཾ ཀཱ་ཏུཾ ན ས་ཀྐོ་ཏཱི་ཏི ན་པུཾ་ས་ཀོཏི ཝུ་ཙྩ་ཏི. ཀེ་ཙི པ་ན ‘‘ན པུ་མཱ, ན ཨི་ཏྠཱི’’ཏི ན་པུཾ་ས་ཀོ་ཏི ཝ་ཙ་ན་ཏྠཾ ཝ་ད་ནྟི. ཏ་ཐཱ ཧི ས་དྡ་ས་ཏྠ་ཝི་དཱུ ཏཾ པུ་གྒ་ལཾ ན་པུཾ་ས་ཀ་ལི་ངྒ་ཝ་སེ་ན ན་པུཾ་ས་ཀ་ནྟི ཝ་ད་ནྟི.
དྷཱུ་ས ཀ་ནྟི་ཀ་ར་ཎེ. དྷཱུ་སེ་ཏི, དྷཱུ་ས་ཡ་ཏི.
རུ་ས རོ་ས་ནེ. རོ་ས་ནཾ ཀོ་པ་ཀ་ར་ཎཾ. རོ་སེ་ཏི, རོ་ས་ཡ་ཏི. རོ་སོ. རོ་སོཏི ཀོ་དྷོ.
བྱུ་ས ཨུ་སྶ་གྒེ. བྱོ་སེ་ཏི, བྱོ་ས་ཡ་ཏི.
ཛ་ས ཧིཾ་སཱ་ཡཾ. ཛཱ་སེ་ཏི, ཛཱ་ས་ཡ་ཏི.
དཾ་ས དཾ་ས་ནེ. དཾ་སེ་ཏི, དཾ་ས་ཡ་ཏི. དཾ་ས་ནོ. དཾ་ས་ནོཏི ད་ནྟོ. དཾ་ས་ནྟི ཁཱ་ད་ནཱི་ཡཾ ཝཱ བྷོ་ཛ་ནཱི་ཡཾ ཝཱ ཨེ་ཏེ་ནཱ་ཏི དཾ་ས་ནོ.
ད་སི ད་སྶ་ནེ ཙ. ཙཀཱ་རོ དཾ་ས་ནཾ ཨ་པེ་ཀྑ་ཏི. དཾ་སེ་ཏི, དཾ་ས་ཡ་ཏི. ཝི་དཾ་སེ་ཏི, ཝི་དཾ་ས་ཡ་ཏི སཱུ་རི་ཡོ ཨཱ་ལོ་ཀཾ.
ཏ་སྶ ས་ནྟ་ཛྫ་ནེ. ཏ་སྶེ་ཏི, ཏ་སྶ་ཡ་ཏི པུ་རི་སོ ཙོ་རེ.
ཝ་སྶུ ས་ཏྟི་བ་ནྡྷ་ནེ. ས་ཏྟི་བ་ནྡྷ་ནཾ ས་མ་ཏྠ་ཏཱ་ཀ་ར་ཎཾ. ཝ་སྶེ་ཏི, ཝ་སྶ་ཡ་ཏི.
ཛ་ས ཏཱ་ལ༹་ནེ. ཏཱ་ལ༹་ནཾ པ་ཧ་ར་ཎཾ. ཛཱ་སེ་ཏི, ཛཱ་ས་ཡ་ཏི.
པ་ས བ་ནྡྷ་ནེ. པཱ་སེ་ཏི, པཱ་ས་ཡ་ཏི. པཱ་སོ. པཱ་ས་ནྟི བ་ནྡྷ་ནྟི ས་ཏྟེ ཨེ་ཏེ་ནཱ་ཏི པཱ་སོ, ས་ཀུ་ཎ་པཱ་སཱ་དི.
གྷུ་སི ཝི་ས་དྡ་ནེ. ཝི་ས་དྡ་ནཾ ཨུ་གྒྷོ་ས་ནཾ. གྷོ་སེ་ཏི, གྷོ་ས་ཡ་ཏི. གྷོ་སོ.
ལ་ས སི་ལྱ་ཡོ་གེ. སི་ལྱ་ཡོ་གོ ལཱ་སི་ཡཾ ནཱ་ཊ་ཀ་ནཱ་ཊ་ནཾ རེ་ཙ་ཀ་དཱ་ནཾ. ལཱ་སེ་ཏི, ལཱ་ས་ཡ་ཏི. ལཱ་སེ་ནྟོ, ལཱ་སེ་ནྟཱི. ཨ་ཏྲཱ་ཡཾ པཱ་ལི༹ ‘‘ཝཱ་དེ་ནྟི་ཡཱ་པི ལཱ་སེ་ནྟི, ན་ཙྩ་ནྟི་ཡཱ་པི ལཱ་སེ་ནྟི, ལཱ་སེ་ནྟི་ཡཱ་པི ན་ཙྩ་ནྟཱི’’ཏི. ཏ་ཏྠ ལཱ་སེ་ནྟཱིཏི ཡཱ ཨུ་པླ་ཝ་མཱ་ནཱ ཝི་ཡ ཨུ་ཊྛ་ཧི་ཏྭཱ ལཱ་སི་ཡ་ནཱ་ཊ་ཀཾ ནཱ་ཊེ་ནྟི, རེ་ཙ་ཀཾ དེ་ནྟི.
བྷཱུ་ས ཨ་ལ་ངྐཱ་རེ. བྷཱུ་སེ་ཏི, བྷཱུ་ས་ཡ་ཏི. ཝི་བྷཱུ་སེ་ཏི, ཝི་བྷཱུ་ས་ཡ་ཏི. བྷཱུ་ས་ནཾ, ཝི་བྷཱུ་ས་ནཾ.
ཝ་ས སི་ནེ་ཧ་ན་ཚེ་དཱ་ཝ་ཧ་ར་ཎེ་སུ. ཨ་ཝ་ཧ་ར་ཎཾ ཙོ་རི་ཀཱ་ཡ ག་ཧ་ཎཾ. ཝཱ་སེ་ཏི, ཝཱ་ས་ཡ་ཏི. ཝ་སཱ.
ཏཱ་ས ཝཱ་ར་ཎེ. ཝཱ་ར་ཎཾ ནི་ཝཱ་ར་ཎཾ. ཏཱ་སེ་ཏི, ཏཱ་ས་ཡ་ཏི.
དྷ་ས ཨུ་ཉྪེ. དྷཱ་སེ་ཏི, དྷཱ་ས་ཡ་ཏི.
བྷ་ས ག་ཧ་ཎེ. བྷཱ་སེ་ཏི, བྷཱ་ས་ཡ་ཏི.
པུ་ས དྷཱ་ར་ཎེ. པོ་སེ་ཏི, པོ་ས་ཡ་ཏི, ཨཱ་བྷ་ར་ཎཾ དྷཱ་རེ་ཏཱི་ཏི ཨ་ཏྠོ.
ཏུ་སི པི་སི ཀུ་སི ད་སི བྷཱ་སཱ་ཡཾ. ཏུཾ་སེ་ཏི, ཏུཾ་ས་ཡ་ཏི. པིཾ་སེ་ཏི, པིཾ་ས་ཡ་ཏི. ཀུཾ་སེ་ཏི, ཀུཾ་ས་ཡ་ཏི. དཾ་སེ་ཏི, དཾ་ས་ཡ་ཏི.
ཁུ་སི ཨ་ཀྐོ་ས་ནེ. ཁུཾ་སེ་ཏི, ཁུཾ་ས་ཡ་ཏི. ཁུཾ་ས་ནཱ.
ག་ཝེ་ས མ་གྒ་ནེ. ག་ཝེ་སེ་ཏི, ག་ཝེ་ས་ཡ་ཏི. ག་ཝེ་ས་ཀོ, ག་ཝེ་སི་ཏོ, ག་ཝེ་ས་ནཱ, ག་ཝེ་ཊྛི.
ཝཱ་ས ཨུ་པ་སེ་ཝཱ་ཡཾ. ཝཱ་སེ་ཏི, ཝཱ་ས་ཡ་ཏི. ཝཱ་སོ, ཨཱ་ཝཱ་སོ.
ཧི་སི ཧིཾ་སཱ་ཡཾ. ཧིཾ་སེ་ཏི, ཧིཾ་ས་ཡ་ཏི.
ནི་ཝཱ་ས ཨ་ཙྪཱ་ད་ནེ. ཝ་ཏྠཾ ནི་ཝཱ་སེ་ཏི, ནི་ཝཱ་ས་ཡ་ཏི. པུ་བྦ་ཎྷ་ས་མ་ཡཾ ནི་ཝཱ་སེ་ཏྭཱ.
ཨཾ་ས ས་ངྒྷཱ་ཏེ. ཨཾ་སེ་ཏི, ཨཾ་ས་ཡ་ཏི. ཨཾ་སོ, ཨཾ་སཱ.
ཨེ་ཏྠ ཙ ཨཾ་སོཏི ཀོ་ཊྛཱ་སོ་པི ཁ་ནྡྷོ་པི ཝུ་ཙྩ་ཏི. ཨཾ་སཱཏི ཨ་རི་ས་རོ་གོ.
མི་ས ས་ཛྫ་ནེ. མེ་སེ་ཏི, མེ་ས་ཡ་ཏི.
ར་ས ཨ་སྶཱ་ད་ནེ. ར་སེ་ཏི, ར་ས་ཡ་ཏི. ར་སོ. ར་སི་ཡ་ཏེ ཨ་སྶཱ་དི་ཡ་ཏེ ཛ་ནེ་ཧཱི་ཏི ར་སོ.
ར་ས སི་ནེ་ཧ་ནེ. ར་སེ་ཏི, ར་ས་ཡ་ཏི. ར་སོ.
ཏ་ཏྠ ར་སེ་ཏཱིཏི སི་ནེ་ཧ་ཏི. ར་སོཏི སི་ནེ་ཧོ, སི་ནེ་ཧ་ས་མྦ་ནྡྷོ སཱ་མ་གྒི་ར་སོ་ཏི ཝུ་ཙྩ་ཏི, ཡཾ ས་ནྡྷཱ་ཡ བྲཱ་ཧྨ་ཎཱ བྷ་ག་ཝ་ནྟཾ ‘‘ཨ་ར་ས་རཱུ་པོ ས་མ་ཎོ གོ་ཏ་མོ’’ཏི ཨ་ཝོ་ཙུཾ.
སི་ཡ ཨ་ས་བྦ་པྤ་ཡོ་གེ. སེ་སེ་ཏི, སེ་ས་ཡ་ཏི. སེ་སོ. ཝིཔུ་བྦོ ཨ་ཏི་ས་ཡེ, ཝིཔུ་བྦོ ཨ་ཏི་ས་ཡེ, ཝིཔུ་བྦོ སི་སདྷཱ་ཏུ ཨ་ཏི་ས་ཡེ ཝ་ཏྟ་ཏི, ཝི་སེ་སེ་ཏི, ཝི་སེ་ས་ཡ་ཏི. ཝི་སེ་སོ, ཝི་སི་ཊྛོ, ཝི་སེ་ས་ནཾ.
མི་སྶ ས་མྨི་སྶེ. མི་སྶེ་ཏི, མི་སྶ་ཡ་ཏི. ས་མྨི་སྶེ་ཏི, ས་མྨི་སྶ་ཡ་ཏི. མི་སྶོ, མི་སྶོ, མི་སྶི་ཏོ, ས་མྨི་སྶི་ཏོ, ས་མྨི་སྶོ ཨི་ཙྩཱ་དཱི་ནི. ཨ་ལ་མྦུ་སཱ་ཛཱ་ཏ་ཀེ མི་སྶཱཏི ཨི་ཏྠཱི་ནཾ ཝ་ཏྟ་བྦ་ནཱ་མཾ, པུ་རི་སེ་ཧི ས་དྡྷིཾ ས་མྨི་སྶ་ན་ཏཱ་ཡ.
ཛུ་ས པ་རི་ཏ་ཀྐ་ནེ. ཛོ་སེ་ཏི, ཛོ་ས་ཡ་ཏི.
མ་ས པ་ཧཱ་ས་ནེ. མ་སེ་ཏི, མ་ས་ཡ་ཏི.
མ་རི་ས ཏི་ཏི་ཀྑཱ་ཡཾ. མ་རི་སེ་ཏི. མ་རི་ས་ཡ་ཏི.
པི་ས པེ་ས་ནེ. པེ་སེ་ཏི, པེ་ས་ཡ་ཏི. པེ་ས་ཀོ, པེ་སི་ཏོ.
གྷུ་ས ས་དྡེ. གྷོ་སེ་ཏི, གྷོ་ས་ཡ་ཏི. ཨུ་གྒྷོ་ས་ཡུཾ བོ་དྷི་མ་ཎྜེ པ་མོ་དི་ཏཱ. གྷོ་སོ.
དི་སཱི ཨུ་ཙྩཱ་ར་ཎེ. དེ་སེ་ཏི, དེ་ས་ཡ་ཏི. དེ་ས་ཀོ, དེ་སེ་ཏཱ, དེ་སི་ཏོ, དེ་ས་ནཱ.
ཝ་ས ཨ་ཙྪཱ་ད་ནེ. ཝཱ་སེ་ཏི, ཝཱ་ས་ཡ་ཏི. ནི་ཝཱ་སེ་ཏི, ནི་ཝཱ་ས་ཡ་ཏི. ཝ་ཏྠཾ.
སཀཱ་ར་ནྟ་དྷཱ་ཏུ་རཱུ་པཱ་ནི.