ཧ་ཀཱ་ར་ནྟ་དྷཱ་ཏུ
ཨ་ར་ཧ པཱུ་ཛཱ་ཡཾ. ཨ་ར་ཧེ་ཏི, ཨ་ར་ཧ་ཡ་ཏི. ཨ་ར་ཧཱ, ཨ་ར་ཧཾ. ‘‘ཨ་ར་ཧཱ, ཁཱི་ཎཱ་ས་ཝོ, ཨ་སེ་ཀྑོ’’ཏི ཨ་ར་ཧ་ཏོ ནཱ་མཱ་ནི.
སི་ནེ་ཧ སི་ནེ་ཧ་ནེ. སི་ནེ་ཧེ་ཏི, སི་ནེ་ཧ་ཡ་ཏི.
ཝ་ར་ཧ ཧིཾ་སཱ་ཡཾ. ཝ་ར་ཧེ་ཏི, ཝ་ར་ཧ་ཡ་ཏི. ཝ་རཱ་ཧོ.
ཝ་རཱ་ཧོཏི སཱུ་ཀ་རོ་པི ཧ་ཏྠཱི་པི ཝུ་ཙྩ་ཏི. ‘‘ཨེ་ཎེ་ཡྻཱ ཙ ཝ་རཱ་ཧཱ ཙཱ’’ཏི ཨེ་ཏྠ ཧི སཱུ་ཀ་རོ ‘‘ཝ་རཱ་ཧོ’’ཏི ཝུ་ཏྟོ, ‘‘མ་ཧཱ་ཝ་རཱ་ཧ་སྶ…པེ… ན་དཱི་སུ ཛ་གྒ་ཏོ’’ཏི ཨེ་ཏྠ པ་ན ཧ་ཏྠཱི ‘‘ཝ་རཱ་ཧོ’’ཏི.
ར་ཧ ཙཱ་གེ. ར་ཧེ་ཏི, ར་ཧ་ཡ་ཏི.
ཙ་ཧ པ་རི་ཀ་ཏྠ་ནེ. ཙ་ཧེ་ཏི, ཙ་ཧ་ཡ་ཏི.
མ་ཧ པཱུ་ཛཱ་ཡཾ. མ་ཧེ་ཏི, མ་ཧ་ཡ་ཏི. མ་ཧི་ཏོ རཱ་ཛཱ མ་ཧཱ་རཱ་ཛཱ. ཝི་ཧཱ་ར་མ་ཧོ, ཙེ་ཏི་ཡ་མ་ཧོ.
པི་ཧ ཨི་ཙྪཱ་ཡཾ. པི་ཧེ་ཏི, པི་ཧ་ཡ་ཏི. པི་ཧཱ, པི་ཧཱ་ལུ, ཨ་པི་ཧོ, པི་ཧ་ནཱི་ཡཱ ཝི་བྷཱུ་ཏི་ཡོ.
ཀུ་ཧ ཝི་མྷཱ་པ་ནེ. ཀུ་ཧེ་ཏི, ཀུ་ཧ་ཡ་ཏི. ཀུ་ཧ་ཀོ. ཀུ་ཧ་ཡ་ཏི ལོ་ཀ་ཝི་མྷཱ་པ་ནཾ ཀ་རོ་ཏཱི་ཏི ཀུ་ཧ་ཀོ. ཀུ་ཧ་ནཱ.
ས་ཧ པ་རི་ས་ཧ་ནེ. པ་རི་ས་ཧ་ནཾ ཁ་ནྟི. ས་ཧེ་ཏི, ས་ཧ་ཡ་ཏི. ས་ཧ་ནཾ. བྷཱུ་ཝཱ་དིག་ཎི་ཀ་སྶ པ་ན་སྶ ‘‘ས་ཧ་ཏཱི’’ཏི རཱུ་པཾ.
ག་ར་ཧ ཝི་ནི་ནྡ་ནེ. ག་ར་ཧེ་ཏི, ག་ར་ཧ་ཡ་ཏི. ག་ར་ཧཱ. བྷཱུ་ཝཱ་དིག་ཎི་ཀ་སྶ པ་ན་སྶ ‘‘ག་ར་ཧ་ཏཱི’’ཏི རཱུ་པཾ.
ཧཀཱ་ར་ནྟ་དྷཱ་ཏུ་རཱུ་པཱ་ནི.