ར་ཀཱ་ར་ནྟ་དྷཱ་ཏུ

པ་ར ག་ཏི་ཡཾ. པ་རེ་ཏི, པ་ར་ཡ་ཏི. ཨེ་ཏྠ ཙ ‘‘ཨི་ཏི ཁོ ཨཱ་ན་ནྡ ཀུ་ས་ལཱ་ནི སཱི་ལཱ་ནི ཨ་ནུ་པུ་བྦེ་ན ཨ་གྒཱ་ཡ པ་རེ་ནྟཱི’’ཏི པཱ་ལི༹ ནི་ད་སྶ་ནཾ. ཏ་ཏྠ ཨ་གྒཱ་ཡ པ་རེ་ནྟཱིཏི ཨ་ར་ཧ་ཏྟ་ཏྠཱ་ཡ ག་ཙྪ་ནྟི.

ག་ར ཨུ་གྒ་མེ. ག་རེ་ཏི, ག་ར་ཡ་ཏི. ག་རུ.

ཙ་ར ཨ་སཾ་ས་ཡེ. ཙ་རེ་ཏི, ཙ་ར་ཡ་ཏི.

པཱུ་རི ཨ་པྤཱ་ཡ་ནེ. པཱུ་རེ་ཏི, པཱུ་ར་ཡ་ཏི.

ཝ་ར ཨི་ཙྪཱ་ཡཾ. ཝ་རེ་ཏི, ཝ་ར་ཡ་ཏི. ཝ་རོ, ཝ་རཾ, ཝ་ར་ནྟོ. ཨེ་ཏེ ཝ་རཱ་ནཾ ཙ་ཏུ་རོ ཝ་རེ་མི. ཨེ་ཏཾ ས་ཀྐ ཝ་རཾ ཝ་རེ.

ཏ་ཏྠ ཝ་རོཏི ཝ་རི་ཡ་ཏེ ཝ་རི་ཏ་བྦོ་ཏི ཝ་རོ. ཝ་རནྟི ཝ་རེ་ཏཱི་ཏི ཝ་རཾ, ཨི་ཙྪ་ནྟོ པ་ཏྠེ་ནྟོ་ཏི ཨ་ཏྠོ.

‘‘མ་ཧཱ་མ་ཧཱ་ར་ཧཾ ས་ཀྱ-མུ་ནི ནཱི་ཝ་ར་ཎཱ ར་ཎཱ;

མུ་ཏྟཾ མུ་ཏྟཾ སུ་ད་སྶ་ནཾ, ཝ་ནྡེ བོ་དྷི་ཝ་རཾ ཝ་ར’’ནྟི

པུ་རཱ་ཎ་ཀ་ཝི་ར་ཙ་ནཱ་ཡཾ ‘‘ཝ་ར’’ནྟི པ་ད་སྶ ཝི་ཡ. ཨེ་ཝཾ ཝ་རེ་ཏཱི་ཏི ཝ་ར་ནྟོ. ཝ་རེཏི ཝ་རེ་མི ཨི་ཙྪཱ་མི ཡཱ་ཙཱ་མི. ཀཱ་རི་ཏེ ‘‘པ་ཝཱ་རེ་ཏཱི’’ཏི རཱུ་པཾ, ཨི་ཙྪཱ་པེ་ཏཱི་ཏི ཨ་ཏྠོ. ནི་སེ་དྷ་ན་ཏྠེ པ་ནི་དཾ ཀཱ་རི་ཏཾ ན ཧོ་ཏི.

ས་ར ཨ་ཀྑེ་པེ. ས་རེ་ཏི, ས་ར་ཡ་ཏི. ས་རོ. ས་རོཏི ས་དྡོ.

སཱ་ར དུ་བྦ་ལྱེ. སཱ་རེ་ཏི, སཱ་ར་ཡ་ཏི. དུ་བྦ་ལོ བྷ་ཝ་ཏཱི་ཏི ཨ་ཏྠོ.

ཀུ་མཱ་ར ཀཱི་ལཱ༹་ཡཾ. ཀུ་མཱ་རེ་ཏི, ཀུ་མཱ་ར་ཡ་ཏི. ཀུ་མཱ་རོ, ཀུ་མཱ་ར་ཀོ. ཀུ་མཱ་རཱི, ཀུ་མཱ་རི་ཀཱ.

ཨེ་ཏྠ ཀུ་མཱ་ར་ཡ་ཏི ཏ་ཏྠ ཏ་ཏྠ ཀཱི་ལ༹་ཏཱི་ཏི ཀུ་མཱ་རོ. སོ ཨེ་ཝ ཨ་ཏི་ད་ཧ་ར་ཏྟཱ ཀུ་མཱ་ར་ཀོ. ཨེ་ས ན་ཡོ ཨི་ཏ་ར་ཏྲཱ་པི.

སཱུ་ར ཝཱི་ར ཝི་ཀྐ་ནྟི་ཡཾ. ཝི་ཀྐ་ནྟི ཝི་ཀྐ་མ་ནཾ. སཱུ་རེ་ཏི, སཱུ་ར་ཡ་ཏི. ཝཱི་རེ་ཏི, ཝཱི་ར་ཡ་ཏི. སཱུ་རོ, ཝཱི་རོ. སཱ་ས་ནི་ཀེ་ཧི པ་ན ས་དྡྷ་མྨ་ཝི་དཱུ་ཧི ཨེ་ཝཾ དྷཱ་ཏུ་ས་བྷཱ་ཝཱ་ན་མྤི སཱུ་ར་ཝཱི་རས་དྡཱ་ནཾ ནི་བྦ་ཙ་ནཾ ན ད་སྶི་ཏཾ, ཀེ་ཝ་ལཾ པ་ན ཏ་ཏྠ ཏ་ཏྠ ‘‘སཱུ་རོ་ཏི ཝི་སི་ཊྛ་ཨུ་རོ’’ཏི ཙ ‘‘མ་ཧཱ་ཝཱི་རོ་ཏི མ་ཧཱ་ཝི་ཀྐ་ནྟོ’’ཏི ཙ ‘‘ཝཱི་རོ་ཏི ཝཱི་རི་ཡ་ཝཱ’’ཏི ཙ ཨ་ཏྠ་ཝི་ཝ་ར་ཎ་མ་ཏྟ་མེ་ཝ ད་སྶི་ཏཾ.

པཱ་ར ཏཱི་ར ཀ་མྨ་ས་མྤ་ཏྟི་ཡཾ. ཀ་མྨ་ས་མྤ་ཏྟི ནཱ་མ ཀ་མྨ་སྶ པ་རི་ས་མཱ་པ་ནཾ ནི་ཊྛཱ་པ་ནཾ. པཱ་རེ་ཏི, པཱ་ར་ཡ་ཏི. ཏཱི་རེ་ཏི, ཏཱི་ར་ཡ་ཏི. པཱ་རཾ. ཏཱི་རཾ. ཝི་ཀྐ་མཱ་མི ན པཱ་རེ་མི, བྷཱུ་མིཾ སུ་མྦྷཱ་མི ཝེ་ག་སཱ. ཏཾ ཀི་ཙྩཾ ཏཱི་རེ་ཏྭཱ ག་ཏོ. ས་ནྟཱི་ར་ཎཾ, ཏཱི་ར་ཎ་པ་རི་ཉྙཱ་ཏི ཙ ཨཱ་དཱི་ནི ཨེ་ཏྠ ད་སྶེ་ཏ་བྦཱ་ནི.

ཏ་ཏྠ ན པཱ་རེ་མཱིཏི ཚི་ནྡི་ཏུཾ ན ས་ཀྐོ་མཱི་ཏི ཨ་ཏྠོ.

ཨཱི་ར ཁེ་པ་ནེ. ཨཱི་རེ་ཏི, ཨཱི་ར་ཡ་ཏི.

ཛ་ར ཝ་ཡོ་ཧཱ་ནི་མྷི. ཛ་རེ་ཏི, ཛ་ར་ཡ་ཏི. ཛ་རཱ. པཱ་ལི༹་ཡཾ པ་ན ‘‘ཛཱི་ར་ཏཱི’’ཏི པཱ་ཋོ.

ཝ་ར ཨཱ་ཝ་ར་ཎེ. ཝཱ་རེ་ཏི, ཝཱ་ར་ཡ་ཏི. ནི་ཝཱ་རེ་ཏི, ནི་ཝཱ་ར་ཡ་ཏི. ནི་ཝཱ་རེ་ཏཱ. པ་རི་ཝཱ་རེ་ཏི, པ་རི་ཝཱ་ར་ཡ་ཏི. པ་རི་ཝཱ་རོ. པ་ཝཱ་རེ་ཏི, པ་ཝཱ་ར་ཡ་ཏི. པ་ཝཱ་ར་ཎཾ. པ་ཝཱ་ར་ཎནྟི ནི་སེ་དྷ་ནཾ ཝཱ ཀཱ་མྱ་དཱ་ནཾ ཝཱ.

དྷ་ར དྷཱ་ར་ཎེ. དྷཱ་རེ་ཏི, དྷཱ་ར་ཡ་ཏི. ཨཱ་དྷཱ་རོ, ཨཱ་དྷཱ་ར་ཀོ, དྷ་མྨོ ཨི་ཙྩཱ་དཱི་ནི.

ཏ་ཏྠ དྷ་མྨོཏི ཨ་ནེ་ཀ་ཝི་དྷེ་སུ དྷ་མྨེ་སུ ལོ་ཀུ་ཏྟ་རོ ཨུ་པྤཱ་དི་ཏོ ས་ཙྪི་ཀ་ཏོ ཙ ཙ་ཏཱུ་སུ ཨ་པཱ་ཡེ་སུ སཾ་སཱ་རེ ཝཱ ས་ཏྟེ ཨ་པ་ཏ་མཱ་ནེ དྷཱ་རེ་ཏཱི་ཏི དྷ་མྨོ. ཨ་ཐ ཝཱ སོ་ཏཱ་པ་ནྣཱ་དཱི་ཧི ཨ་རི་ཡེ་ཧི དྷཱ་རི་ཡ་ཏི, ནུ པུ་ཐུ་ཛྫ་ནེ་ཧཱི་ཏི་པི དྷ་མྨོ. ཙ་ཏུ་བྷཱུ་མི་ཀོ པ་ན ས་ཀ་ལ་ཀྑ་ཎཾ དྷཱ་རེ་ཏཱི་ཏི དྷ་མྨོ. ཀ་ཀྑ་ལ༹་ཏྟཱ་དི་ནཱ ཕུ་ས་ནཱ་དི་ནཱ ས་ནྟི་ཨཱ་དི་ནཱ ས་ཀ་ས་ཀ་བྷཱ་ཝེ་ན པ་ཎྜི་ཏེ་ཧི དྷཱ་རི་ཡ་ཏི ས་ལླ་ཀྑི་ཡ་ཏཱི་ཏི་པི དྷ་མྨོ. ཏེ་པི་ཊ་ཀོ པ་ན པཱ་ལི༹་དྷ་མྨོ ས་ཀ་ཏྠ་པ་ར་ཏྠཱ་དི་བྷེ་ཨེ ཨ་ཏྠེ དྷཱ་རེ་ཏཱི་ཏི དྷ་མྨོ. ཀེ་ཙི ཏུ ཝི་དཱུ ‘‘པཱ་པ་ཀེ ཨ་ཀུ་ས་ལེ དྷ་མྨེ དྷུ་ནཱ་ཏི ཀ་མྤེ་ཏི ཝི་དྡྷཾ་སེ་ཏཱི་ཏི དྷ་མྨོ’’ཏི དྷཱུ་དྷཱ་ཏུ་ཝ་སེ་ན་པི ནི་བྦ་ཙ་ནཾ ཝ་ད་ནྟི, ཏཾ མ་གྒ་དྷ་མྨེ ཨ་ཏཱི་ཝ ཡུ་ཛྫ་ཏི, ཕ་ལ་ནི་བྦཱ་ན་པ་རི་ཡ་ཏྟི་དྷ་མྨེ་སུ པ་ན པ་རི་ཡཱ་ཡེ་ན ཡུ་ཛྫ་ཏི.

དྷ་མྨས་དྡོ པ་རི་ཡ་ཏྟི་ཧེ་ཏུ་གུ་ཎ་ནི་སྶ་ཏྟ་ནི་ཛྫཱི་ཝ་ཏཱ་དཱི་སུ དི་སྶ་ཏི. ཨ་ཡ་ཉྷི ‘‘དྷ་མྨཾ པ་རི་ཡཱ་པུ་ཎཱ་ཏི སུ་ཏྟཾ གེ་ཡྻ’’ནྟི་ཨཱ་དཱི་སུ པ་རི་ཡ་ཏྟི་ཡཾ དི་སྶ་ཏི. ‘‘ཧེ་ཏུ་མྷི ཉཱ་ཎཾ དྷ་མྨ་པ་ཊི་ས་མྦྷི་དཱ’’ཏི་ཨཱ་དཱི་སུ ཧེ་ཏུ་མྷི.

‘‘ན ཧི དྷ་མྨོ ཨ་དྷ་མྨོ ཙ, ཨུ་བྷོ ས་མ་ཝི་པཱ་ཀི་ནོ;

ཨ་དྷ་མྨོ ནི་ར་ཡཾ ནེ་ཏི, དྷ་མྨོ པཱ་པེ་ཏི སུ་གྒ་ཏི’’ནྟི

ཨཱ་དཱི་སུ གུ་ཎེ. ‘‘ཏ་སྨིཾ ཁོ པ་ན ས་མ་ཡེ དྷ་མྨཱ ཧོ་ནྟི. དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏཱི’’ཏི་ཨཱ་དཱི་སུ ནི་སྶ་ཏྟ་ནི་ཛྫཱི་ཝ་ཏཱ་ཡཾ.

ཨ་ཐ ཝཱ དྷ་མྨས་དྡོ ས་བྷཱ་ཝ་པ་ཉྙཱ་པུ་ཉྙ་པ་ཉྙ་ཏྟི་ཨཱ་པ་ཏྟི་པ་རི་ཡ་ཏྟི་ནི་སྶ་ཏྟ་ནི་ཛྫཱི་ཝ་ཏཱ་ཝི་ཀཱ་ར་གུ་ཎ་པ་ཙྩ- ཡ་པ་ཙྩ་ཡུ་པྤ་ནྣཱ་དཱི་སུ དི་སྶ་ཏི. ཨ་ཡ་ཉྷི ‘‘ཀུ་ས་ལཱ དྷ་མྨཱ ཨ་ཀུ་ས་ལཱ དྷ་མྨཱ ཨ་བྱཱ་ཀ་ཏཱ དྷ་མྨཱ’’ཏི་ཨཱ་དཱི་སུ ས་བྷཱ་ཝེ དི་སྶ་ཏི.

ཡ་སྶེ་ཏེ ཙ་ཏུ་རོ དྷ་མྨཱ, ས་དྡྷ་སྶ གྷ་ར་མེ་སི་ནོ;

ས་ཙྩཾ དྷ་མྨོ དྷི་ཏི ཙཱ་གོ, ས ཝེ པེ་ཙྩ ན སོ་ཙ་ཏཱི’’ཏི

ཨཱ་དཱི་སུ པ་ཉྙཱ་ཡཾ.

‘‘ན ཧི དྷ་མྨོ ཨ་དྷ་མྨོ ཙ, ཨུ་བྷོ ས་མ་ཝི་པཱ་ཀི་ནོ;

ཨ་དྷ་མྨོ ནི་ར་ཡཾ ནེ་ཏི, དྷ་མྨོ པཱ་པེ་ཏི སུ་གྒ་ཏི’’ནྟི་ཨཱ་དཱི་སུ

པུ་ཉྙེ. ‘‘པ་ཉྙ་ཏྟི་དྷ་མྨཱ, ནི་རུ་ཏྟི་དྷ་མྨཱ, ཨ་དྷི་ཝ་ཙ་ནཱ་དྷ་མྨཱ’’ཏི་ཨཱ་དཱི་སུ པ་ཉྙ་ཏྟི་ཡཾ. ‘‘པཱ་རཱ་ཛི་ཀཱ དྷ་མྨཱ, ས་ངྒྷཱ་དི་སེ་སཱ དྷ་མྨཱ’’ཏི་ཨཱ་དཱི་སུ ཨཱ་པ་ཏྟི་ཡཾ. ‘‘ཨི་དྷ བྷི་ཀྑུ དྷ་མྨཾ ཛཱ་ནཱ་ཏི སུ་ཏྟཾ གེ་ཡྻཾ ཝེ་ཡྻཱ་ཀ་ར་ཎ’’ནྟི་ཨཱ་དཱི་སུ པ་རི་ཡ་ཏྟི་ཡཾ. ‘‘ཏ་སྨིཾ ཁོ པ་ན ས་མ་ཡེ དྷ་མྨཱ ཧོ་ནྟི. དྷ་མྨེ་སུ དྷ་མྨཱ་ནུ་པ་སྶཱི ཝི་ཧ་ར་ཏཱི’’ཏི་ཨཱ་དཱི་སུ ནི་སྶ་ཏྟ་ནི་ཛྫཱི་ཝ་ཏཱ་ཡཾ. ‘‘ཛཱ་ཏི་དྷ་མྨཱ ཛ་རཱ་དྷ་མྨཱ མ་ར་ཎ་དྷ་མྨཱ’’ཏི་ཨཱ་དཱི་སུ ཝི་ཀཱ་རེ. ‘‘ཚ་ནྣཾ བུ་དྡྷ་དྷ་མྨཱ་ན’’ནྟི་ཨཱ་དཱི་སུ གུ་ཎེ. ‘‘ཧེ་ཏུ་མྷི ཉཱ་ཎཾ དྷ་མྨ་པ་ཊི་ས་མྦྷི་དཱ’’ཏི་ཨཱ་དཱི་སུ པ་ཙྩ་ཡེ. ‘‘ཋི་ཏཱ་ཝ་སཱ དྷཱ་ཏུ དྷ་མྨ་ཊྛི་ཏ་ཏཱ དྷ་མྨ་ནི་ཡཱ་མ་ཏཱ’’ཏི་ཨཱ་དཱི་སུ པ་ཙྩ་ཡུ་པྤ་ནྣེ.

ཨ་ཐ ཝཱ དྷ་མྨས་དྡོ པ་རི་ཡ་ཏྟི་ས་ཙྩ་ས་མཱ་དྷི་པ་ཉྙཱ་པ་ཀ་ཏི་པུ་ཉྙཱ་པ་ཏྟི་ཉེ་ཡྻཱ་དཱི་སུ བ་ཧཱུ་སུ ཨ་ཏྠེ་སུ དི་ཊྛ་པྤ་ཡོ་གོ. ཏ་ཐཱ ཧི ‘‘ཨི་དྷ བྷི་ཀྑུ དྷ་མྨཾ པ་རི་ཡཱ་པུ་ཎཱ་ཏཱི’’ཏི་ཨཱ་དཱི་སུ པ་རི་ཡ་ཏྟི་ཡཾ དི་སྶ་ཏི. ‘‘དི་ཊྛ་དྷ་མྨོ པ་ཏྟ་དྷ་མྨོ’’ཏི་ཨཱ་དཱི་སུ ས་ཙྩེ. ‘‘ཨེ་ཝཾ་དྷ་མྨཱ ཏེ བྷ་ག་ཝ་ནྟོ ཨ་ཧེ་སུ’’ནྟི་ཨཱ་དཱི་སུ ས་མཱ་དྷི་མྷི. ‘‘ས་ཙྩཾ དྷ་མྨོ དྷི་ཏི ཙཱ་གོ’’ཏི ཨེ་ཝ་མཱ་དཱི་སུ པ་ཉྙཱ་ཡཾ. ‘‘ཛཱ་ཏི་དྷ་མྨཱ་ནཾ བྷི་ཀྑ་ཝེ ས་ཏྟཱ་ན’’ནྟི ཨེ་ཝ་མཱ་དཱི་སུ པ་ཀ་ཏི་ཡཾ. ‘‘དྷ་མྨོ ཧ་ཝེ ར་ཀྑ་ཏི དྷ་མྨ་ཙཱ་རི’’ནྟི ཨེ་ཝ་མཱ་དཱི་སུ པུ་ཉྙེ. ‘‘ཙ་ཏྟཱ་རོ པཱ་རཱ་ཛི་ཀཱ དྷ་མྨཱ’’ཏི་ཨཱ་དཱི་སུ ཨཱ་པ་ཏྟི་ཡཾ. ‘‘ཀུ་ས་ལཱ དྷ་མྨཱ’’ཏི་ཨཱ་དཱི་སུ ཉེ་ཡྻེ. ཨེ་ཝཾ དྷ་མྨ་ས་དྡ་པྤ་ཝ་ཏྟི་ཝི་ས་ཡཱ ཝི་ཝི་དྷཱ ཨ་ཊྛ་ཀ་ཐཱ་ཙ་རི་ཡེ་ཧི ད་སྶི་ཏཱ, ཏ་ཏྠ ཏ་ཏྠ པ་ན ཨཱ་དི་ས་དྡེ་ན ཡུ་ཏྟི་ཝི་ས་ཡཱ་ད་ཡོ ཙ ཨ་ཏྠཱ ག་ཧེ་ཏ་བྦཱ. ཏ་ཐཱ ཧི དྷ་མྨས་དྡོ –

‘‘ནེ་ས དྷ་མྨོ མ་ཧཱ་རཱ་ཛ, ཡཾ ཏྭཾ ག་ཙྪེ་ཡྻ ཨེ་ཀ་ཀོ;

ཨ་ཧ་མྤི ཏེ་ན ག་ཙྪཱ་མི, ཡེ་ན ག་ཙྪ་སི ཁ་ཏྟི་ཡཱ’’ཏི

ཨཱ་དཱི་སུ ཡུ་ཏྟི་ཡཾ ཝ་ཏྟ་ཏི. ‘‘མ་ན་ཉྩ པ་ཊི་ཙྩ དྷ་མྨེ ཙ ཨུ་པྤ་ཛྫ་ཏི མ་ནོ་ཝི་ཉྙཱ་ཎ’’ནྟི་ཨཱ་དཱི་སུ ཝི་ས་ཡེ. ‘‘ས་ཏ་ཉྩ དྷ་མྨོ ན ཛ་རཾ ཨུ་པེ་ཏཱི’’ཏི ཨེ་ཏྠ ནི་བྦཱ་ནེ ཝ་ཏྟ་ཏི. ཏ་ཏྲ ཡཱ ནི་སྶ་ཏྟ་ཏཱ, སཱ ཨེ་ཝ ནི་ཛྫཱི་ཝ་ཏཱ. ཡོ ཙ ཧེ་ཏུ, སོ ཨེ་ཝ པ་ཙྩ་ཡོ.

ཨི་ཙྩེ་ཝཾ –

པ་རི་ཡ་ཏྟི་པ་ཙྩ་ཡེ་སུ, གུ་ཎེ ནི་སྶ་ཏྟ་ཏཱ་ཡ ཙ;

ས་བྷཱ་ཝེ ཙེ་ཝ པ་ཉྙཱ་ཡཾ, པུ་ཉྙེ པ་ཉྙ་ཏྟི་ཡ་མྤི ཙ.

ཨཱ་པ་ཏྟི་ཡཾ ཝི་ཀཱ་རེ ཙ, པ་ཙྩ་ཡུ་པྤ་ནྣ་ཀེ་པི ཙ;

ས་ཙྩ་ས་མཱ་དྷི་པ་ཀ་ཏི-ཉེ་ཡྻེ་སུ ཡུ་ཏྟི་ཡ་མྤི ཙ;

ཝི་ས་ཡེ ཙེ་ཝ ནི་བྦཱ་ནེ, དྷ་མྨས་དྡོ པ་ཝ་ཏྟ་ཏི.

ཀེ་ཙི པ་ན དྷ་མྨ་ས་དྡ་སྶ པ་ཝ་ཏྟི་ཝི་ས་ཡཱ་ནཾ ད་ས་དྷཱ་ཝ པ་རི་ཙྪེ་དཾ ཝ་ད་ནྟི.

ཉེ་ཡྻ་མ་གྒེ ཙ ནི་བྦཱ་ནེ, ས་བྷཱ་ཝེ ཨ་ཐ ཛཱ་ཏི་ཡཾ;

མ་ནེ ཝི་ས་ཡ་པུ་ཉྙེ་སུ, བྷཱ་ཝེ པཱ་ཝ་ཙ་ནེ་པི ཙ;

ཨི་མེ་སུ ད་ས་སྭ་ཏྠེ་སུ, དྷ་མྨས་དྡོ པ་ཝ་ཏྟ་ཏི.

ཏ་ཏྲ ཨ་ཏྠུ་དྡྷཱ་རོཏི ས་མཱ་ན་ས་དྡ་ཝ་ཙ་ནཱི་ཡཱ་ནཾ ཨ་ཏྠཱ་ནཾ ཨུ་དྡྷ་ར་ཎཾ ཨ་ཏྠུ་དྡྷཱ་རོ.

རཀཱ་ར་ནྟ་དྷཱ་ཏུ་རཱུ་པཱ་ནི.