༩. པཱ་ཏི་མོ་ཀྑ་ཊྛ་པ་ན་ཀྑ་ནྡྷ་ཀ

པུ་ཙྪཱ – སཱ་པ་ཏྟི་ཀེ་ན ཨཱ་ཝུ་སོ པཱ་ཏི་མོ་ཀྑཾ སུ་ཎ་ནྟ་སྶ པཱ་ཏི་མོ་ཀྑཾ ཋ་པེ་ཏུཾ བྷ་ག་ཝ་ཏཱ ཀ་ཏྠ པ་ཉྙ་ཏྟཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ པ་ཉྙ་ཏྟཾ.

ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ཨ་ཉྙ་ཏ་རཾ པུ་གྒ་ལཾ དུ་སྶཱི་ལཾ པཱ་པ་དྷ་མྨཾ ཨཱ་ར་བྦྷ པ་ཉྙ་ཏྟཾ, ཨ་ཉྙ་ཏ་རོ བྷ་ནྟེ པུ་གྒ་ལོ དུ་སྶཱི་ལོ པཱ་པ་དྷ་མྨོ ཏ་ད་ཧུ་པོ་ས་ཐེ ས་ངྒྷ་མ་ཛ྄ཛྷེ ནི་སི་ནྣོ ཨ་ཧོ་སི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.

པུ་ཙྪཱ – ཋ་པ་ནཾ ཨཱ་ཝུ་སོ པུ་ཙྪི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ ཨཱ་ཝུ་སོ ཀ་ཏི ཨཱ་པ་ཏྟི་ཡོ.

ཝི་སྶ་ཛྫ་ནཱ – ཋ་པ་ནཾ ཝི་སྶ་ཛྫི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ བྷ་ནྟེ ཨེ་ཀཱ ཨཱ་པ་ཏྟི.