༡༠. བྷི་ཀྑུ་ནི་ཀྑ་ནྡྷ་ཀ

པུ་ཙྪཱ – ཨ་ཊྛ་ཧི ཨཱ་ཝུ་སོ ག་རུ་དྷ་མྨེ་ཧི ཨུ་པ་ས་མྤ་དཱ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཱ, ཀ་སྶ ཨ་ནུ་ཉྙཱ་ཏཱ, ཀི་སྨི་ཉྩ ཝ་ཏྠུ་སྨིཾ ཨ་ནུ་ཉྙཱ་ཏཱ.

ཝི་སྶ་ཛྫ་ནཱ – ཝེ་སཱ་ལི་ཡཾ བྷ་ནྟེ མ་ཧཱ་པ་ཛཱ་པ་ཏི་ཡཱ གོ་ཏ་མི་ཡཱ ཨ་ནུ་ཉྙཱ་ཏཱ, མ་ཧཱ་པ་ཛཱ་པ་ཏི བྷ་ནྟེ གོ་ཏ་མཱི སཱུ་ནེ་ཧི པཱ་དེ་ཧི ར་ཛོ་ཀི་ཎྞེ་ན ག་ཏྟེ་ན དུ་ཀྑཱི དུ་མྨ་ནཱ ཨ་སྶུ་མུ་ཁཱི རུ་ད་མཱ་ནཱ བ་ཧི་དྭཱ་ར་ཀོ་ཊྛ་ཀེ ཨ་ཊྛཱ་སི, ཨ་ཐ ཁོ བྷ་ནྟེ ཨཱ་ཡ་སྨཱ ཨཱ་ན་ནྡོ མ་ཧཱ་པ་ཛཱ་པ་ཏིཾ གོ་ཏ་མིཾ ཏཾ ཀཱ་ར་ཎཾ པུ་ཙྪི་ཏྭཱ བྷ་ག་ཝ་ནྟཾ ཙ་ཏུ་ཀྑ་ཏྟུཾ ཡཱ་ཙི མཱ་ཏུ་གཱ་མ་སྶ ཏ་ཐཱ་ག་ཏ་པྤ་ཝེ་དི་ཏེ དྷ་མྨ་ཝི་ན་ཡེ ཨཱ་གཱ་ར་སྨཱ ཨ་ནཱ་གཱ་རི་ཡཾ པ་བྦ་ཛྫཾ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཱ.

པུ་ཙྪཱ – བྷི་ཀྑཱུ་ཧི ཨཱ་ཝུ་སོ བྷི་ཀྑུ་ནི་ཡོ ཨུ་པ་ས་མྤཱ་དེ་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.

ཝི་སྶ་ཛྫ་ནཱ – ཝེ་སཱ་ལི་ཡཾ བྷ་ནྟེ མ་ཧཱ་པ་ཛཱ་པ་ཏིཾ གོ་ཏ་མིཾ ཨཱ་ར་བྦྷ ཨ་ནུ་ཉྙཱ་ཏཾ, མ་ཧཱ་པ་ཛཱ་པ་ཏི བྷ་ནྟེ གོ་ཏ་མཱི བྷ་ག་ཝ་ནྟཾ ཨེ་ཏ་ད་ཝོ་ཙ ‘‘ཀ་ཐཱ་ཧཾ བྷ་ནྟེ ཨི་མཱ་སུ སཱ་ཀི་ཡཱ་ནཱི་སུ པ་ཊི་པ་ཛྫཱ་མཱི’’ཏི, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.

པུ་ཙྪཱ – ཨེ་ཀ་ཏོ ཨུ་པ་ས་མྤ་ནྣཱ་ཡ ཨཱ་ཝུ་སོ བྷི་ཀྑུ་ནི་ས་ངྒྷེ ཝི་སུ་དྡྷཱ་ཡ བྷི་ཀྑུ་ས་ངྒྷེ ཨུ་པ་ས་མྤཱ་དེ་ཏུཾ བྷ་ག་ཝ་ཏཱ ཀ་ཏྠ ཨ་ནུ་ཉྙཱ་ཏཾ, ཀཾ ཨཱ་ར་བྦྷ ཀི་སྨིཾ ཝ་ཏྠུ་སྨིཾ ཨ་ནུ་ཉྙཱ་ཏཾ.

ཝི་སྶ་ཛྫ་ནཱ – སཱ་ཝ་ཏྠི་ཡཾ བྷ་ནྟེ ས་མྦ་ཧུ་ལེ བྷི་ཀྑཱུ ཨཱ་ར་བྦྷ ཨ་ནུ་ཉྙཱ་ཏཾ, ས་མྦ་ཧུ་ལཱ བྷ་ནྟེ བྷི་ཀྑཱུ བྷི་ཀྑུ་ནཱི་ནཾ ཨ་ནྟ་རཱ་ཡི་ཀེ དྷ་མྨེ པུ་ཙྪིཾ་སུ, ཨུ་པ་ས་མྤ་དཱ་པེ་ཀྑཱ་ཡོ ཝི་ཏྠཱ་ཡིཾ་སུ, མ་ངྐཱུ ཨ་ཧེ་སུཾ, ན ས་ཀྑིཾ་སུ ཝི་སྶ་ཛྫེ་ཏུཾ, ཏ་སྨིཾ བྷ་ནྟེ ཝ་ཏྠུ་སྨིཾ ཨ་ནུ་ཉྙཱ་ཏཾ.

པུ་ཙྪཱ – བྷི་ཀྑུ་ནི་ཀྑ་ནྡྷ་ཀཾ པུ་ཙྪི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ ཨཱ་ཝུ་སོ ཀ་ཏི ཨཱ་པ་ཏྟི་ཡོ.

ཝི་སྶ་ཛྫ་ནཱ – བྷི་ཀྑུ་ནི་ཀྑ་ནྡྷ་ཀཾ ཝི་སྶ་ཛྫི་སྶཾ, ས་ནི་དཱ་ནཾ ས་ནི་དྡེ་སཾ. ས་མུ་ཀྐ་ཊྛ་པ་དཱ་ནཾ བྷ་ནྟེ དྭེ ཨཱ་པ་ཏྟི་ཡོ.