ན་མོ ཏ་སྶ བྷ་ག་ཝ་ཏོ ཨ་ར་ཧ་ཏོ ས་མྨཱ་ས་མྦུ་དྡྷ་སྶ
ཝི་ན་ཡ་པི་ཊ་ཀ
སཾ་གཱ་ཡ་ན་སྶ པུ་ཙྪཱ ཝི་སྶ་ཛྫ་ནཱ
ཨོ་ཀཱ་ས དཱ་ན་ཀ་ཐཱ
སུ་ཎཱ་ཏུ མེ བྷ་ནྟེ ས་ངྒྷོ, མ་ཧ་ཏཱི ཨ་ཡཾ པ་རི་སཱ, ཨེ་ཝ་རཱུ་པཱ་ཡ པ་རི་སཱ་ཡ ན སུ་ཀ་རཱ ས་བྦ་སོ ཀ་ཐཾ སཱ་ཝེ་ཏུཾ, ཏ་སྨཱ ཨཱ་ཡ་སྨ་ཏོ ཙ ཛ་ཝ་ན་ཏྠེ་ར་སྶ པ་ཁུ་ཀྐཱུ་ན་ག་ར་ཝཱ་སི་ནོ ཨཱ་ཡ་སྨ་ཏོ ཙ ཝི་ཙི་ཏྟ་སཱ་རཱ་བྷི་ཝཾ་ས་སྶ ཏི་པི་ཊ་ཀ་དྷ་ར དྷ་མྨ་བྷ་ཎྜཱ་གཱ་རི་ཀ་སྶ ཝི་ན་ཡ་པུ་ཙྪ་ན་བྷཱ་ར་ཉྩ ཝི་ན་ཡ་ཝི་སྶ་ཛྫ་ན བྷཱ་ར་ཉྩ ཨཱ་ཝ་ཧི་ཏུཾ ཨོ་ཀཱ་སཾ ད་མྨི, ཀ་རོ་ཐ ཏུ་མྷེ ཨཱ་ཝུ་སོ ཚ་ཊྛ་སཾ་གཱི་ཏི་པུ་བྦ་ངྒ་མཱ་ནི ཝི་ན་ཡ་པུ་ཙྪ་ན ཝི་ན་ཡ་ཝི་སྶ་ཛྫ་ན ཀི་ཙྩཱ་ནི ཡ་ཐཱ་དྷ་མྨཾ ཡ་ཐཱ་ཝི་ན་ཡཾ.
ཨ་གྒ་མ་ཧཱ་པ་ཎྜི་ཏ བྷ་ད་ནྟ་ཛ་ཝ་ན མ་ཧཱ་ཐེ་རེ་ན
ཋ་པི་ཏཱ
པུ་ཙྪ་ཀ ས་མྨུ་ཏི ཉཱ་ཏྟི
སུ་ཎཱ་ཏུ མེ བྷ་ནྟེ ས་ངྒྷོ, ཡ་དི ས་ངྒྷ་སྶ པ་ཏྟ་ཀ་ལླཾ, ཨ་ཧཾ ཨཱ་ཡ་སྨ་ནྟཾ ཝི་ཙི་ཏྟ་སཱ་རཱ་བྷི་ཝཾ་སཾ ཏི་པི་ཊ་ཀ་དྷ་ར དྷ་མྨ་བྷ་ཎྜཱ་གཱ་རི་ཀཾ ཝི་ན་ཡཾ པུ་ཙྪེ་ཡྻཾ.
ཏི་པི་ཊ་ཀ་དྷ་ར དྷ་མྨ་བྷ་ཎྜཱ་གཱ་རི་ཀ
བྷ་ད་ནྟ་ཝི་ཙི་ཏྟ་སཱ་རཱ་བྷི་ཝཾ་སེ་ན
ཋ་པི་ཏཱ ཝི་སྶ་ཛྫ་ཀ ས་མྨུ་ཏི ཉཱ་ཏྟི
སུ་ཎཱ་ཏུ མེ བྷ་ནྟེ ས་ངྒྷོ, ཡ་དི ས་ངྒྷ་སྶ པ་ཏྟ་ཀ་ལླཾ, ཨ་ཧཾ ཨཱ་ཡ་སྨ་ཏཱ ཛ་ཝ་ན་ཏྠེ་རེ་ན ས་ངྒྷ་ནཱ་ཡ་ཀ མ་ཧཱ་ཐེ་ར་སྶ པ་ཊི་ནི་དྷི་བྷཱུ་ཏེ་ན ཝི་ན་ཡཾ པུ་ཊྛོ ཝི་སྶ་ཛྫེ་ཡྻཾ.
པ་ཋ་མ པཱ་རཱ་ཛི་ཀ སི་ཀྑཱ་པུ་ཙྪཱ
པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ ཛཱ་ན་ཏཱ པ་སྶ་ཏཱ ཨ་ར་ཧ་ཏཱ ས་མྨཱ་ས་མྦུ་དྡྷེ་ན པ་ཋ་མཾ པཱ་རཱ་ཛི་ཀཾ ཀ་ཏྠ པ་ཉྙ་ཏྟཾ.
ཝི་སྶ་ཛྫ་ནཱ – ཝེ་སཱ་ལི་ཡཾ བྷ་ནྟེ པ་ཉྙ་ཏྟཾ.
པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ པ་ཉྙ་ཏྟཾ.
ཝི་སྶ་ཛྫ་ནཱ – སུ་དི་ནྣཾ བྷ་ནྟེ ཀ་ལ་ནྡ་པུ་ཏྟཾ ཨཱ་ར་བྦྷ པ་ཉྙ་ཏྟཾ.
པུ་ཙྪཱ – ཀི་སྨིཾ ཨཱ་ཝུ་སོ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – སུ་དི་ནྡོ བྷ་ནྟེ ཀ་ལ་ནྡ་པུ་ཏྟོ པུ་རཱ་ཎ་དུ་ཏི་ཡི་ཀཱ་ཡ མེ་ཐུ་ནཾ དྷ་མྨཾ པ་ཊི་སེ་ཝི, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ཏྠི ཨཱ་ཝུ་སོ ཏ་ཏྠ པ་ཉྙ་ཏྟི ཨ་ནུ་པ་ཉྙ་ཏྟི ཨ་ནུ་པྤ་ནྣ་པ་ཉྙ་ཏྟི.
ཝི་སྶ་ཛྫ་ནཱ – ཨེ་ཀཱ བྷ་ནྟེ པ་ཉྙ་ཏྟི དྭེ ཨ་ནུ་པ་ཉྙ་ཏྟི་ཡོ, ཨ་ནུ་པྤ་ནྣ་པ་ཉྙ་ཏྟི ཏ་སྨིཾ ན་ཏྠི.
པུ་ཙྪཱ – ས་བྦ་ཏྠ་པ་ཉྙ་ཏྟི་ནུ་ཁོ ཨཱ་ཝུ་སོ པ་དེ་ས་པ་ཉྙ་ཏྟི་ནུ་ཁོ.
ཝི་སྶ་ཛྫ་ནཱ – ས་བྦ་ཏྠ་པ་ཉྙ་ཏྟི བྷ་ནྟེ.
པུ་ཙྪཱ – སཱ་དྷཱ་ར་ཎ་པ་ཉྙ་ཏྟི་ནུ་ཁོ ཨཱ་ཝུ་སོ ཨ་སཱ་དྷཱ་ར་ཎ་པ་ཉྙ་ཏྟི་ནུ་ཁོ.
ཝི་སྶ་ཛྫ་ནཱ – སཱ་དྷཱ་ར་ཎ་པ་ཉྙ་ཏྟི བྷ་ནྟེ.
པུ་ཙྪཱ – ཨེ་ཀ་ཏོ་པ་ཉྙ་ཏྟི་ནུ་ཁོ ཨཱ་ཝུ་སོ ཨུ་བྷ་ཏོ་པ་ཉྙ་ཏྟི་ནུ་ཁོ.
ཝི་སྶ་ཛྫ་ནཱ – ཨུ་བྷ་ཏོ་པ་ཉྙ་ཏྟི བྷ་ནྟེ.
པུ་ཙྪཱ – པ་ཉྩ་ནྣཾ ཨཱ་ཝུ་སོ པཱ་ཏི་མོ་ཀྑུ་དྡེ་སཱ་ནཾ ཀ་ཏྠོ་ག་དྷཾ ཀ་ཏྠ པ་རི་ཡཱ་པ་ནྣཾ.
ཝི་སྶ་ཛྫ་ནཱ – ནི་དཱ་ནོ་ག་དྷཾ བྷ་ནྟེ ནི་དཱ་ན་པ་རི་ཡཱ་པ་ནྣཾ.
པུ་ཙྪཱ – ཀ་ཏ་མེ་ན ཨཱ་ཝུ་སོ ཨུ་དྡེ་སེ་ན ཨུ་དྡེ་སཾ ཨཱ་ག་ཙྪ་ཏི.
ཝི་སྶ་ཛྫ་ནཱ – དུ་ཏི་ཡེ་ན བྷ་ནྟེ ཨུ་དྡེ་སེ་ན ཨུ་དྡེ་སཾ ཨཱ་ག་ཙྪ་ཏི.
པུ་ཙྪཱ – ཙ་ཏུ་ནྣཾ ཨཱ་ཝུ་སོ ཝི་པ་ཏྟཱི་ནཾ ཀ་ཏ་མཱ ཝི་པ་ཏྟི.
ཝི་སྶ་ཛྫ་ནཱ – སཱི་ལ་ཝི་པ་ཏྟི བྷ་ནྟེ.
པུ་ཙྪཱ – ཀཱ ཨཱ་ཝུ་སོ ཝི་པ་ཏྟི.
ཝི་སྶ་ཛྫ་ནཱ – ཨ་སཾ་ཝ་རོ བྷ་ནྟེ ཝི་པ་ཏྟི.
པུ་ཙྪཱ – ཀཱ ཨཱ་ཝུ་སོ ས་མྤ་ཏྟི.
ཝི་སྶ་ཛྫ་ནཱ – སཾ་ཝ་རོ བྷ་ནྟེ ས་མྨ་ཏྟི.
པུ་ཙྪཱ – ཀཱ ཨཱ་ཝུ་སོ པ་ཊི་པ་ཏྟི.
ཝི་སྶ་ཛྫ་ནཱ – ན ཨེ་ཝ་རཱུ་པཾ ཀ་རི་སྶཱ་མཱི་ཏི ཡཱ་ཝ་ཛཱི་ཝཾ ཨཱ་པཱ་ཎ་ཀོ་ཊི་ཀཾ ས་མཱ་དཱ་ཡ སི་ཀྑ་ཏི སི་ཀྑཱ་པ་དེ་སུ, ཨ་ཡཾ བྷ་ནྟེ པ་ཊི་པ་ཏྟི.
པུ་ཙྪཱ – ཀ་ཏི ཨཱ་ཝུ་སོ ཨ་ཏྠ་ཝ་སེ པ་ཊི་ཙྩ བྷ་ག་ཝ་ཏཱ པ་ཋ་མཾ པཱ་རཱ་ཛི་ཀཾ པ་ཉྙ་ཏྟཾ.
ཝི་སྶ་ཛྫ་ནཱ – ད་ས བྷ་ནྟེ ཨ་ཏྠ་ཝ་སེ པ་ཊི་ཙྩ བྷ་ག་ཝ་ཏཱ པ་ཋ་མཾ པཱ་རཱ་ཛི་ཀཾ པ་ཉྙ་ཏྟཾ, ༡ - ས་ངྒྷ་སུ་ཊྛུ་ཏཱ་ཡ, ༢ - ས་ངྒྷ་ཕཱ་སུ་ཏཱ་ཡ, ༣ - དུ་མྨ་ངྐཱུ་ནཾ པུ་གྒ་ལཱ་ནཾ ནི་གྒ་ཧཱ་ཡ, ༤ - པེ་ས་ལཱ་ནཾ བྷི་ཀྑཱུ་ནཾ ཕཱ་སུ་ཝི་ཧཱ་རཱ་ཡ, ༥ - དི་ཊྛ་དྷ་མྨི་ཀཱ་ནཾ ཨཱ་ས་ཝཱ་ནཾ སཾ་ཝ་རཱ་ཡ, ༦ - ས་མྤ་རཱ་ཡི་ཀཱ་ནཾ ཨཱ་ས་ཝཱ་ནཾ པ་ཊི་གྷཱ་ཏཱ་ཡ, ༧ - ཨ་པྤ་ས་ནྣཱ་ནཾ པ་སཱ་དཱ་ཡ, ༨ - པ་ས་ནྣཱ་ནཾ བྷི་ཡྻོ་བྷཱ་ཝཱ་ཡ, ༩ - ས་དྡྷ་མྨ་ཊྛི་ཏི་ཡཱ, ༡༠ - ཝི་ན་ཡཱ་ནུ་གྒ་ཧཱ་ཡ.
པུ་ཙྪཱ – ཀེ ཨཱ་ཝུ་སོ སི་ཀྑ་ནྟི.
ཝི་སྶ་ཛྫ་ནཱ – སེ་ཀྑཱ་ཙ བྷ་ནྟེ པུ་ཐུ་ཛྫ་ན་ཀ་ལྱཱ་ཎ་ཀཱ་ཙ སི་ཀྑ་ནྟི.
པུ་ཙྪཱ – ཀེ ཨཱ་ཝུ་སོ སི་ཀྑི་ཏ་སི་ཀྑཱ.
ཝི་སྶ་ཛྫ་ནཱ – ཨ་ར་ཧ་ནྟོ བྷ་ནྟེ སི་ཀྑི་ཏ་སི་ཀྑཱ.
པུ་ཙྪཱ – ཀ་ཏྠ ཨཱ་ཝུ་སོ ཋི་ཏཾ.
ཝི་སྶ་ཛྫ་ནཱ – སི་ཀྑཱ་ཀཱ་མེ་སུ བྷ་ནྟེ ཋི་ཏཾ.
པུ་ཙྪཱ – ཀེ ཨཱ་ཝུ་སོ དྷཱ་རེ་ནྟི.
ཝི་སྶ་ཛྫ་ནཱ – ཡེ་སཾ བྷ་ནྟེ ཝ་ཏྟ་ཏི ཏེ དྷཱ་རེ་ནྟི.
པུ་ཙྪཱ – ཀ་སྶ ཨཱ་ཝུ་སོ ཝ་ཙ་ནཾ.
ཝི་སྶ་ཛྫ་ནཱ – བྷ་ག་ཝ་ཏོ བྷ་ནྟེ ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶ.
པུ་ཙྪཱ – ཀེ་ནཱ་ཝུ་སོ ཨཱ་བྷ་ཏཾ.
ཝི་སྶ་ཛྫ་ནཱ – པ་ར་མྤ་རཱ་ཡ བྷ་ནྟེ ཨཱ་བྷ་ཏཾ.
སཾ་གཱ་ཡ་ན་ཏྠཱ་ཡ ས་ངྒྷ་སྶ ཉཱ་པ་ནཾ
སུ་ཎཱ་ཏུ མེ བྷ་ནྟེ ས་ངྒྷོ ཨ་ཧཾ བྷ་ནྟེ ཨཱ་ཡ་སྨ་ནྟཾ ཝི་ཙི་ཏྠ་སཱ་རཱ་བྷི་ཝཾ་སཾ ཏི་པི་ཊ་ཀ་དྷ་ར དྷ་མྨ་བྷ་ཎྜཱ་གཱ་རི་ཀཾ པ་ཋ་མ་སྶ པཱ་རཱ་ཛི་ཀ་སྶ ནི་དཱ་ན་མྤི པུ་ཙྪིཾ, པུ་གྒ་ལ་མྤི པུ་ཙྪིཾ, ཝ་ཏྠུ་མྤི པུ་ཙྪིཾ, པ་ཉྙ་ཏྟི ཨ་ནུ་པ་ཉྙ་ཏྟི་ཨཱ་དཱི་ནི་པི པུ་ཙྪིཾ, པུ་ཊྛོ པུ་ཊྛོ་ཙ སོ ཨཱ་ཡ་སྨཱ་ཝི་ཙི་ཏྟ་སཱ་རཱ་བྷི་ཝཾ་སོ ཝི་སྶ་ཛྫེ་སི, ཨི་ཏི་ཧི་དཾ བྷ་ནྟེ པ་ཋ་མཾ པཱ་རཱ་ཛི་ཀ སི་ཀྑཱ་པ་དཾ ནི་མྨ་ལཾ སུ་པ་རི་སུ་དྡྷཾ ཏ་སྶེ་ཝ བྷ་ག་ཝ་ཏོ ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶ, ཏ་སྨཱ ཡ་ཐཱ་པུ་རེ མ་ཧཱ་ཀ་སྶ་པཱ་ད་ཡོ མ་ཧཱ་ཐེ་ར་ཝ་རཱ པོ་རཱ་ཎ་སཾ་གཱི་ཏི་ཀཱ་རཱ བྲ་ཧྨ་ཙ་རི་ཡ ས་ངྑཱ་ཏ་སྶ བུ་དྡྷ་སཱ་ས་ན་སྶ ཙི་ར་ཊྛི་ཏི་ཡཱ བ་ཧུ་ཛ་ན་ཧི་ཏཱ་ཡ བ་ཧུ་ཛ་ན་སུ་ཁཱ་ཡ ལོ་ཀཱ་ནུ་ཀ་མྤཱ་ཡ ཨ་ཏྠཱ་ཡ ཧི་ཏཱ་ཡ སུ་ཁཱ་ཡ དེ་ཝ་མ་ནུ་སྶཱ་ནཾ དྷ་མྨ་ཝི་ན་ཡཾ ས་ངྒཱ་ཡིཾ་སུ་ཙེ་ཝ ཨ་ནུ་ས་ངྒཱ་ཡིཾ་སུ་ཙ, ཨེ་ཝ་མེ་ཝ མ་ཡ་མྤི དཱ་ནི ས་བྦེ་ཝ ཚ་ཊྛ་སཾ་གཱི་ཏི་མ་ཧཱ་དྷ་མྨ་ས་བྷཱ་པ་རི་ཡཱ་པ་ནྣཱ ཨི་དཾ པ་ཋ་མ པཱ་རཱ་ཛི་ཀ སི་ཀྑཱ་པ་དཾ ཨེ་ཀ་ཏོ་ས་ཛ྄ཛྷཱ་ཡ་ན་ཝ་སེ་ན སཾ་གཱ་ཡེ་ཡྻཱ་མ.
རེ་ཝ་ཏཱ་བྷི པ་ཎྜི་ཏ་དྷ་ཛ སཱ་ས་ན་ཝཾ་ས མ་ཧཱ་དྷ་མྨ་རཱ་ཛ་གུ་རུ་ནོ
ཨ་བྷི་དྷ་ཛ་མ་ཧཱ་ར་ཊྛ་གུ་རུ་ནོ་ཙ ས་ངྒྷ་ནཱ་ཡ་ཀ མ་ཧཱ་ཐེ་ར་སྶ
ཨོ་ཀཱ་ས དཱ་ན་ཀ་ཐཱ
སུ་ཎཱ་ཏུ མེ བྷ་ནྟེ ས་ངྒྷོ, མ་ཧ་ཏཱི ཨ་ཡཾ པ་རི་སཱ, ཨེ་ཝ་རཱུ་པཱ་ཡ པ་རི་སཱ་ཡ ན སུ་ཀ་རཱ ས་བྦ་སོ ཀ་ཐཾ སཱ་ཝེ་ཏུཾ, ཏ་སྨཱ ཨཱ་ཡ་སྨ་ཏོ་ཙ སོ་བྷ་ན་སྶ སཱ་ས་ན་རི སཱ་རཱ་མཱ་དྷི་ཝཱ་སི་ནོ ཨཱ་ཡ་སྨ་ཏོ་ཙ ཝི་ཙི་ཏྟ་སཱ་རཱ་བྷི་ཝཾ་ས་སྶ ཏི་པི་ཊ་ཀ་དྷ་ར དྷ་མྨ་བྷ་ཎྜཱ་གཱ་རི་ཀ་སྶ ཝི་ན་ཡ་པུ་ཙྪ་ན་བྷཱ་ར་ཉྩ ཝི་ན་ཡ་ཝི་སྶ་ཛྫ་ན་བྷཱ་ར་ཉྩ ཨཱ་ཝ་ཧི་ཏུཾ ཨོ་ཀཱ་སཾ ད་མྨི, ཀ་རོ་ཐ ཏུ་མྷེ ཨཱ་ཝུ་སོ ཚ་ཊྛ་སཾ་གཱི་ཏི་པུ་བྦ་ངྒ་མཱ་ནི ཝི་ན་ཡ་པུ་ཙྪ་ན ཝི་ན་ཡ་ཝི་སྶ་ཛྫ་ན ཀི་ཙྩཱ་ནི ཡ་ཐཱ་དྷ་མྨཾ ཡ་ཐཱ་ཝི་ན་ཡཾ.
ཨ་གྒ་མ་ཧཱ་པ་ཎྜི་ཏ བྷ་ད་ནྟ སོ་བྷ་ན་ཏྠེ་རེ་ན
ཋ་པི་ཏཱ པུ་ཙྪ་ཀ ས་མྨུ་ཏི ཉཱ་ཏྟི
སུ་ཎཱ་ཏུ མེ བྷ་ནྟེ ས་ངྒྷོ, ཡ་དི ས་ངྒྷ་སྶ པ་ཏྟ་ཀ་ལླཾ, ཨ་ཧཾ ཨཱ་ཡ་སྨ་ནྟཾ ཝི་ཙི་ཏྟ་སཱ་རཱ་བྷི་ཝཾ་སཾ ཏི་པི་ཊ་ཀ་དྷ་ར དྷ་མྨ་བྷ་ཎྜཱ་གཱ་རི་ཀཾ ཝི་ན་ཡཾ པུ་ཙྪེ་ཡྻཾ.
ཏི་པི་ཊ་ཀ་དྷ་ར དྷ་མྨ་བྷ་ཎྜཱ་གཱ་རི་ཀ
བྷ་ད་ནྟ་ཝི་ཙི་ཏྟ་སཱ་རཱ་བྷི་ཝཾ་སེ་ན
ཋ་པི་ཏཱ ཝི་སྶ་ཛྫ་ཀ ས་མྨུ་ཏི ཉཱ་ཏྟི
སུ་ཎཱ་ཏུ མེ བྷ་ནྟེ ས་ངྒྷོ, ཡ་དི་ས་ངྒྷ་སྶ པ་ཏྟ་ཀ་ལླཾ, ཨ་ཧཾ ཨཱ་ཡ་སྨ་ཏཱ སོ་བྷ་ན་ཏྠེ་རེ་ན ས་ངྒྷ་ནཱ་ཡ་ཀ མ་ཧཱ་ཐེ་ར་སྶ པ་ཊི་ནི་དྷི་བྷཱུ་ཏེ་ན ཝི་ན་ཡཾ པུ་ཊྛོ ཝི་སྶ་ཛྫེ་ཡྻཾ.
དུ་ཏི་ཡ པཱ་རཱ་ཛི་ཀ སི་ཀྑཱ་པུ་ཙྪཱ
པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ ཛཱ་ན་ཏཱ པ་སྶ་ཏཱ ཨ་ར་ཧ་ཏཱ ས་མྨཱ་ས་མྦུ་དྡྷེ་ན དུ་ཏི་ཡཾ པཱ་རཱ་ཛི་ཀཾ ཀ་ཏྠ པ་ཉྙ་ཏྟཾ.
ཝི་སྶ་ཛྫ་ནཱ – རཱ་ཛ་ག་ཧེ བྷ་ནྟེ པ་ཉྙ་ཏྟཾ.
པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ པ་ཉྙ་ཏྟཾ.
ཝི་སྶ་ཛྫ་ནཱ – དྷ་ནི་ཡཾ བྷ་ནྟེ ཀུ་མྦྷ་ཀཱ་ར་པུ་ཏྟཾ ཨཱ་ར་བྦྷ པ་ཉྙ་ཏྟཾ.
པུ་ཙྪཱ – ཀི་སྨིཾ ཨཱ་ཝུ་སོ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – དྷ་ནི་ཡོ བྷ་ནྟེ ཀུ་མྦྷ་ཀཱ་ར་པུ་ཏྟོ ར་ཉྙོ དཱ་རཱུ་ནི ཨ་དི་ནྣཾ ཨཱ་དི་ཡི, ཏ་སྨིཾ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ཏྠི ཨཱ་ཝུ་སོ ཏ་ཏྠ པ་ཉྙ་ཏྟི ཨ་ནུ་པ་ཉྙ་ཏྟི ཨ་ནུ་པྤ་ནྣ་པ་ཉྙ་ཏྟི.
ཝི་སྶ་ཛྫ་ནཱ – ཨེ་ཀཱ བྷ་ནྟེ པ་ཉྙ་ཏྟི ཨེ་ཀཱ ཨ་ནུ་པ་ཉྙ་ཏྟི ཨ་ནུ་པྤ་ནྣ་པ་ཉྙ་ཏྟི ཏ་སྨིཾ ན་ཏྠི.
པུ་ཙྪཱ – ཀཱ ཨཱ་ཝུ་སོ ཏ་ཏྠ མཱུ་ལ་པ་ཉྙ་ཏྟི.
ཝི་སྶ་ཛྫ་ནཱ – ཡོ པ་ན བྷི་ཀྑུ ཨ་དི་ནྣཾ ཐེ་ཡྻ་ས་ངྑཱ་ཏཾ ཨཱ་དི་ཡེ་ཡྻ, ཡ་ཐཱ་རཱུ་པེ ཨ་དི་ནྣཱ་དཱ་ནེ རཱ་ཛཱ་ནོ ཙོ་རཾ ག་ཧེ་ཏྭཱ ཧ་ནེ་ཡྻུཾ་ཝཱ བ་ནྡྷེ་ཡྻུཾ་ཝཱ པ་བྦཱ་ཛེ་ཡྻུཾ་ཝཱ ཙོ་རོ་སི བཱ་ལོ་སི མུ་ལ༹ྷོ་སི ཐེ་ནོ་སཱི་ཏི ཏ་ཐཱ་རཱུ་པཾ བྷི་ཀྑུ ཨ་དི་ནྣཾ ཨཱ་དི་ཡ་མཱ་ནོ ཨ་ཡ་མྤི པཱ་རཱ་ཛི་ཀོ ཧོ་ཏི ཨ་སཾ་ཝཱ་སོ་ཏི ཨ་ཡཾ བྷ་ནྟེ ཏ་ཏྠ མཱུ་ལ་པ་ཉྙ་ཏྟི.
པུ་ཙྪཱ – ཀཱ ཨཱ་ཝུ་སོ ཏ་ཏྠ ཨ་ནུ་པ་ཉྙ་ཏྟི.
ཝི་སྶ་ཛྫ་ནཱ – གཱ་མཱ་ཝཱ ཨ་ར་ཉྙཱ་ཝཱ་ཏི ཨ་ཡཾ བྷ་ནྟེ ཏ་ཏྠ ཨ་ནུ་པ་ཉྙ་ཏྟི.
པུ་ཙྪཱ – ཀཱ ཨཱ་ཝུ་སོ ཏ་ཏྠ པ་རི་པུ་ཎྞ་པ་ཉྙ་ཏྟི.
ཝི་སྶ་ཛྫ་ནཱ – ཡོ པ་ན བྷི་ཀྑུ གཱ་མཱ་ཝཱ ཨ་ར་ཉྙཱ་ཝཱ ཨ་དི་ནྣཾ ཐེ་ཡྻ་ས་ངྑཱ་ཏཾ ཨཱ་དི་ཡེ་ཡྻ, ཀ་ཐཱ་རཱུ་པེ ཨ་དི་ནྣཱ་དཱ་ནེ རཱ་ཛཱ་ནོ ཙོ་རཾ ག་ཧེ་ཏྭཱ ཧ་ནེ་ཡྻུཾ་ཝཱ བ་ནྡྷེ་ཡྻུཾ་ཝཱ པ་བྦཱ་ཛེ་ཡྻུཾ་ཝཱ ཙོ་རོ་སི བཱ་ལོ་སི མཱུ་ལ༹ྷོ་སི ཐེ་ནོ་སཱི་ཏི ཏ་ཐཱ་རཱུ་པཾ བྷི་ཀྑུ ཨ་དི་ནྣཾ ཨཱ་དི་ཡ་མཱ་ནོ ཨ་ཡ་མྤི པཱ་རཱ་ཛི་ཀོ ཧོ་ཏི ཨ་སཾ་ཝཱ་སོ་ཏི ཨ་ཡཾ བྷ་ནྟེ ཏ་ཏྠ པ་རི་པུ་ཎྞ་པ་ཉྙ་ཏྟི.
པུ་ཙྪཱ – ས་བྦ་ཏྠ་པ་ཉྙ་ཏྟི ནུ་ཁོ ཨཱ་ཝུ་སོ པ་དེ་ས་པ་ཉྙ་ཏྟི་ནུ་ཁོ.
ཝི་སྶ་ཛྫ་ནཱ – ས་བྦ་ཏྠ་པ་ཉྙ་ཏྟི བྷ་ནྟེ.
པུ་ཙྪཱ – སཱ་དྷཱ་ར་ཎ་པ་ཉྙ་ཏྟི་ནུ་ཁོ ཨཱ་ཝུ་སོ ཨ་སཱ་དྷཱ་ར་ཎ་པ་ཉྙ་ཏྟི ནུ་ཁོ.
ཝི་སྶ་ཛྫ་ནཱ – སཱ་དྷཱ་ར་ཎ་པ་ཉྙ་ཏྟི བྷ་ནྟེ.
པུ་ཙྪཱ – ཨེ་ཀ་ཏོ་པ་ཉྙ་ཏྟི་ནུ་ཁོ ཨཱ་ཝུ་སོ ཨུ་བྷ་ཏོ་པ་ཉྙ་ཏྟི་ནུ་ཁོ.
ཝི་སྶ་ཛྫ་ནཱ – ཨུ་བྷ་ཏོ་པ་ཉྙ་ཏྟི བྷ་ནྟེ.
པུ་ཙྪཱ – ཏ་སྨིཾ ཨཱ་ཝུ་སོ དུ་ཏི་ཡ པཱ་རཱ་ཛི་ཀེ ཨ་དི་ནྣཾ ཨཱ་དི་ཡ་ནྟོ ཀ་ཏི ཨཱ་པ་ཏྟི་ཡོ ཨཱ་པ་ཛྫ་ཏི ཝི་བྷ་ཛི་ཏྭཱ ཝི་སྶ་ཛྫེ་ཧི.
ཝི་སྶ་ཛྫ་ནཱ – ཨ་དི་ནྣཾ བྷ་ནྟེ ཨཱ་དི་ཡ་ནྟོ ཏི་སྶོ ཨཱ་པ་ཏྟི་ཡོ ཨཱ་པ་ཛྫ་ཏི, པ་ཉྩ མཱ་ས་ཀཾ་ཝཱ ཨ་ཏི་རེ་ཀ པ་ཉྩ མཱ་ས་ཀཾ་ཝཱ ཨ་གྒྷ་ན་ཀཾ ཨ་དི་ནྣཾ ཐེ་ཡྻ་ས་ངྑཱ་ཏཾ ཨཱ་དི་ཡ་ཏི ཨཱ་པ་ཏྟི པཱ་རཱ་ཛི་ཀ་སྶ, ཨཱུ་ན་པ་ཉྩ་མཱ་ས་ཀཾ་ཝཱ ཨ་ཏི་རེ་ཀ་མཱ་ས་ཀཾ་ཝཱ ཨ་དི་ནྣཾ ཐེ་ཡྻ་ས་ངྑཱ་ཏཾ ཨཱ་དི་ཡ་ཏི ཨཱ་པ་ཏྟི ཐུ་ལླ་ཙྩ་ཡ་སྶ, མཱ་ས་ཀཾ་ཝཱ ཨཱུ་ན་མཱ་ས་ཀ་ཝཱ ཨ་གྒྷ་ན་ཀཾ ཨ་དི་ནྣཾ ཐེ་ཡྻ་ས་ངྑཱ་ཏཾ ཨཱ་དི་ཡ་ཏི ཨཱ་པ་ཏྟི དུ་ཀྐ་ཊ་སྶ, ཨ་དི་ནྣཾ བྷ་ནྟེ ཨཱ་དི་ཡ་ནྟོ ཨི་མཱ ཏི་སྶོ ཨཱ་པ་ཏྟི་ཡོ ཨཱ་པ་ཛྫ་ཏི.
པུ་ཙྪཱ – ཀེ་སཾ ཨཱ་ཝུ་སོ ཨ་ནཱ་པ་ཏྟི.
ཝི་སྶ་ཛྫ་ནཱ – ད་ས་ནྣཾ བྷ་ནྟེ པུ་གྒ་ལཱ་ནཾ ཨ་ནཱ་པ་ཏྟི, ས་ཀ་ས་ཉྙི་སྶ, ཝི་སྶཱ་ས་གྒཱ་ཧེ་ན ག་ཎྷ་ནྟ་སྶ, ཏཱ་ཝ་ཀཱ་ལི་ཀཾ ག་ཎྷ་ནྟ་སྶ, པེ་ཏ་པ་རི་གྒ་ཧཾ ག་ཎྷ་ནྟ་སྶ, ཏི་ར་ཙྪཱ་ན་ག་ཏ་པ་རི་གྒ་ཧཾ ག་ཎྷ་ནྟ་སྶ, པཾ་སུ་ཀཱུ་ལ་ས་ཉྙི་སྶ, ཨུ་མྨ་ཏྟ་ཀ་སྶ, ཁི་ཏྟ་ཙི་ཏྟ་སྶ, ཝེ་ད་ནཱ་ཊྚ་སྶ, ཨཱ་དི་ཀ་མྨི་ཀ་སྶཱ་ཏི.
པུ་ཙྪཱ – པ་ཉྩ་ནྣཾ ཨཱ་ཝུ་སོ པཱ་ཏི་མོ་ཀྑུ་དྡེ་སཱ་ནཾ ཀ་ཏྠོ་ག་དྷཾ ཀ་ཏྠ་པ་རི་ཡཱ་པ་ནྣཾ.
ཝི་སྶ་ཛྫ་ནཱ – ནི་དཱ་ནོ་ག་དྷཾ བྷ་ནྟེ ནི་དཱ་ན་པ་རི་ཡཱ་པ་ནྣཾ.
པུ་ཙྪཱ – ཀ་ཏ་མེ་ན ཨཱ་ཝུ་སོ ཨུ་དྡེ་སེ་ན ཨུ་དྡེ་སཾ ཨཱ་ག་ཙྪ་ཏི.
ཝི་སྶ་ཛྫ་ནཱ – དུ་ཏི་ཡེ་ན བྷ་ནྟེ ཨུ་དྡེ་སེ་ན ཨུ་དྡེ་སཾ ཨཱ་ག་ཙྪ་ཏི.
པུ་ཙྪཱ – ཙ་ཏུ་ནྣཾ ཨཱ་ཝུ་སོ ཝི་པ་ཏྟཱི་ནཾ ཀ་ཏ་མཱ ཝི་པ་ཏྟི.
ཝི་སྶ་ཛྫ་ནཱ – སཱི་ལ་ཝི་པ་ཏྟི བྷ་ནྟེ.
པུ་ཙྪཱ – ས་ཏྟ་ནྣཾ ཨཱ་ཝུ་སོ ཨཱ་པ་ཏྟི་ཀྑ་ནྡྷཱ་ནཾ ཀ་ཏ་མོ ཨཱ་པ་ཏྟི་ཀྑ་ནྡྷོ.
ཝི་སྶ་ཛྫ་ནཱ – པཱ་རཱ་ཛི་ཀཱ་པ་ཏྟི་ཀྑ་ནྡྷོ བྷ་ནྟེ.
པུ་ཙྪཱ – ཚ་ནྣཾ ཨཱ་ཝུ་སོ ཨཱ་པ་ཏྟི་ས་མུ་ཊྛཱ་ནཱ་ནཾ ཀ་ཏི་ཧི ས་མུ་ཊྛཱ་ནེ་ཧི ས་མུ་ཊྛཱ་ཏི.
ཝི་སྶ་ཛྫ་ནཱ – ཏཱི་ཧི བྷ་ནྟེ ས་མུ་ཊྛཱ་ནེ་ཧི ས་མུ་ཊྛཱ་ཏི, སི་ཡཱ ཀཱ་ཡ་ཏོ་ཙ ཙི་ཏྟ་ཏོ་ཙ ས་མུ་ཊྛཱ་ཏི, ན ཝཱ་ཙཱ་ཏོ, སི་ཡཱ ཝཱ་ཙཱ་ཏོ་ཙ
ཙི་ཏྟ་ཏོ་ཙ ས་མུ་ཊྛཱ་ཏི, ན ཀཱ་ཡ་ཏོ, སི་ཡཱ ཀཱ་ཡ་ཏོ་ཙ ཝཱ་ཙཱ་ཏོ་ཙ ཙི་ཏྟ་ཏོ་ཙ ས་མུ་ཊྛཱ་ཏི.
པུ་ཙྪཱ – ཙ་ཏུ་ནྣཾ ཨཱ་ཝུ་སོ ཨ་དྷི་ཀ་ར་ཎཱ་ནཾ ཀ་ཏ་མཾ ཨ་དྷི་ཀ་ར་ཎཾ.
ཝི་སྶ་ཛྫ་ནཱ – ཨཱ་པ་ཏྟཱ་དྷི་ཀ་ར་ཎཾ བྷ་ནྟེ.
པུ་ཙྪཱ – ས་ཏྟ་ནྣཾ ཨཱ་ཝུ་སོ ས་མ་ཐཱ་ནཾ ཀ་ཏི་ཧི ས་མ་ཐེ་ཧི ས་མྨ་ཏི.
ཝི་སྶ་ཛྫ་ནཱ – དྭི་ཧི བྷ་ནྟེ ས་མ་ཐེ་ཧི ས་མྨ་ཏི ས་མྨུ་ཁཱ་ཝི་ན་ཡེ་ན་ཙ པ་ཊི་ཉྙཱ་ཏ ཀ་ར་ཎེ་ན་ཙ.
པུ་ཙྪཱ – ཀོ ཨཱ་ཝུ་སོ ཏ་ཏྠ ཝི་ན་ཡོ, ཀོ ཏ་ཏྠ ཨ་བྷི་ཝི་ན་ཡོ.
ཝི་སྶ་ཛྫ་ནཱ – པ་ཉྙ་ཏྟི བྷ་ནྟེ ཝི་ན་ཡོ ཝི་བྷ་ཏྟི ཨ་བྷི་ཝི་ན་ཡོ.
པུ་ཙྪཱ – ཀིཾ་ཨཱ་ཝུ་སོ ཏ་ཏྠ པཱ་ཏི་མོ་ཀྑཾ ཀིཾ ཏ་ཏྠ ཨ་དྷི་པཱ་ཏི་མོ་ཀྑཾ.
ཝི་སྶ་ཛྫ་ནཱ – པ་ཉྙ་ཏྟི བྷ་ནྟེ པཱ་ཏི་མོ་ཀྑཾ, ཝི་བྷ་ཏྟི ཨ་དྷི་པཱ་ཏི་མོ་ཀྑཾ.
པུ་ཙྪཱ – ཀཱ ཨཱ་ཝུ་སོ ཝི་པ་ཏྟི.
ཝི་སྶ་ཛྫ་ནཱ – ཨ་སཾ་ཝ་རོ བྷ་ནྟེ ཝི་པ་ཏྟི.
པུ་ཙྪཱ – ཀཱ ཨཱ་ཝུ་སོ ས་མྤ་ཏྟི.
ཝི་སྶ་ཛྫ་ནཱ – སཾ་ཝ་རོ བྷ་ནྟེ ས་མྤ་ཏྟི.
པུ་ཙྪཱ – ཀཱ ཨཱ་ཝུ་སོ པ་ཊི་པ་ཏྟི.
ཝི་སྶ་ཛྫ་ནཱ – ན ཨེ་ཝ་རཱུ་པཾ ཀ་རི་སྶཱ་མཱི་ཏི ཡཱ་ཝ་ཛཱི་ཝཾ ཨཱ་པཱ་ཎ་ཀོ་ཊི་ཀཾ ས་མཱ་དཱ་ཡ སི་ཀྑ་ཏི སི་ཀྑཱ་པ་དེ་སུ ཨ་ཡཾ བྷ་ནྟེ ཏ་ཏྠ པ་ཊི་པ་ཏྟི.
པུ་ཙྪཱ – ཀ་ཏི ཨཱ་ཝུ་སོ ཨ་ཏྠ་ཝ་སེ པ་ཊི་ཙྩ བྷ་ག་ཝ་ཏཱ དུ་ཏི་ཡཾ པཱ་རཱ་ཛི་ཀཾ པ་ཉྙ་ཏྟཾ.
ཝི་སྶ་ཛྫ་ནཱ – ད་ས བྷ་ནྟེ ཨ་ཏྠ་ཝ་སེ པ་ཊི་ཙྩ བྷ་ག་ཝ་ཏཱ དུ་ཏི་ཡཾ པཱ་རཱ་ཛི་ཀཾ པ་ཉྙ་ཏྟཾ. ས་ངྒྷ་སུ་ཊྛུ་ཏཱ་ཡ ས་ངྒྷ་ཕཱ་སུ་ཏཱ་ཡ དུ་མྨ་ངྐཱུ་ནཾ པུ་གྒ་ལཱ་ནཾ ནི་གྒ་ཧཱ་ཡ པེ་ས་ལཱ་ནཾ བྷི་ཀྑཱུ་ནཾ ཕཱ་སུ་ཝི་ཧཱ་རཱ་ཡ དི་ཊྛ་དྷ་མྨི་ཀཱ་ནཾ ཨཱ་ས་ཝཱ་ནཾ སཾ་ཝ་རཱ་ཡ ས་མྤ་རཱ་ཡི་ཀཱ་ནཾ ཨཱ་ས་ཝཱ་ནཾ པ་ཊི་གྷཱ་ཏཱ་ཡ ཨ་པྤ་ས་ནྣཱ་ནཾ པ་སཱ་དཱ་ཡ པ་ས་ནྣཱ་ནཾ བྷི་ཡྻོ་བྷཱ་ཝཱ་ཡ ས་དྡྷ་མྨ་ཊྛི་ཏི་ཡཱ ཝི་ན་ཡཱ་ནུ་གྒ་ཧཱ་ཡ.
པུ་ཙྪཱ – ཀོ ཨཱ་ཝུ་སོ སི་ཀྑ་ནྟི.
ཝི་སྶ་ཛྫ་ནཱ – སེ་ཀྑཱ་ཙ བྷ་ནྟེ པུ་ཐུ་ཛྫ་ན་ཀ་ལྱཱ་ཎ་ཀཱ་ཙ སི་ཀྑ་ནྟི.
པུ་ཙྪཱ – ཀེ ཨཱ་ཝུ་སོ སི་ཀྑི་ཏ་སི་ཀྑཱ.
ཝི་སྶ་ཛྫ་ནཱ – ཨ་ར་ཧ་ནྟོ བྷ་ནྟེ སི་ཀྑི་ཏ་སི་ཀྑཱ.
པུ་ཙྪཱ – ཀ་ཏྠ ཨཱ་ཝུ་སོ ཋི་ཏཾ.
ཝི་སྶ་ཛྫ་ནཱ – སི་ཀྑཱ་ཀཱ་མེ་སུ བྷ་ནྟེ ཋི་ཏཾ.
པུ་ཙྪཱ – ཀེ ཨཱ་ཝུ་སོ དྷཱ་རེ་ནྟི.
ཝི་སྶ་ཛྫ་ནཱ – ཡེ་སཾ བྷ་ནྟེ ཝ་ཏྟ་ཏི ཏེ དྷཱ་རེ་ནྟི.
པུ་ཙྪཱ – ཀ་སྶ ཨཱ་ཝུ་སོ ཝ་ཙ་ནཾ.
ཝི་སྶ་ཛྫ་ནཱ – བྷ་ག་ཝ་ཏཱ བྷ་ནྟེ ཝ་ཙ་ནཾ ཨ་ར་ཧ་ཏོ ས་མྨཱ་ས་མྨུ་དྡྷ་སྶ.
པུ་ཙྪཱ – ཀེ་ནཱ་ཝུ་སོ ཨཱ་བྷ་ཏཾ.
ཝི་སྶ་ཛྫ་ནཱ – པ་ར་མྤ་རཱ་ཡ བྷ་ནྟེ ཨཱ་བྷ་ཏཾ.
པུ་ཙྪཱ – ཨ་ཏྠི ནུ ཁོ ཨཱ་ཝུ་སོ ཏ་ཏྠ ཨུ་པ་ནེ་ཏ་བྦཾ ཝཱ ཨ་པ་ནེ་ཏ་བྦཾ ཝཱ ཨ་ཀྑ་ར་པ་ད་པ་ཙྩཱ་བྷ་ཊྛཾ ཝཱ ཝི་ར་དྡྷ་པ་ད་བྱ་ཉྫ་ནཾ ཝཱ.
ཝི་སྶ་ཛྫ་ནཱ – ན་ཏྠི བྷ་ནྟེ.
‘‘སཾ་གཱ་ཡ་ན་ཏྠཱ་ཡ ས་ངྒྷ་སྶ ཉཱ་པ་ནཾ’’
སུ་ཎཱ་ཏུ མེ བྷ་ནྟེ ས་ངྒྷོ ཨ་ཧཾ བྷ་ནྟེ ཨཱ་ཡ་སྨ་ནྟཾ ཝི་ཙི་ཏྟ་སཱ་རཱ་བྷི་ཝཾ་ས ཏི་པི་ཊ་ཀ་དྷ་ར་དྷ་མྨ་བྷ་ཎྜཱ་གཱ་རི་ཀཾ དུ་ཏི་ཡ་སྶ པཱ་རཱ་ཛི་ཀ་སྶ ནི་དཱ་ན་མྤི པུ་ཙྪིཾ, པུ་གྒ་ལ་མྤི པུ་ཙྪིཾ, ཝ་ཏྠུ་མྤི པུ་ཙྪིཾ, པ་ཉྙ་ཏྟི་མྤི པུ་ཙྪིཾ, ཨ་ནུ་པ་ཉྙ་ཏྟི་མྤི པུ་ཙྪིཾ, ཨཱ་པ་ཏྟི་མྤི པུ་ཙྪིཾ, ཨ་ནཱ་པ་ཏྟི་མྤི པུ་ཙྪིཾ, ཨ་ཉྙཱ་ནི་པི ཨཱི་དི་སཱ་ནི པུ་ཙྪི་ཏ་བྦ་ཊྛཱ་ནཱ་ནི ཨ་ནེ་ཀཱ་ནི པུ་ཙྪིཾ, པུ་ཊྛོ པུ་ཊྛོ་ཙ སོ ཨཱ་ཡ་སྨཱ ཝི་ཙི་ཏྟ་སཱ་རཱ་བྷི་ཝཾ་སོ ཝི་སྶ་ཛྫེ་སི. ཨི་ཏི ཧི་དཾ བྷ་ནྟེ ཨི་དཾ དུ་ཏི་ཡཾ པཱ་རཱ་ཛི་ཀ སི་ཀྑཱ་པ་དཾ ནི་མྨ་ལཾ, སུ་པ་རི་སུ་དྡྷཾ, ཏ་སྶེ་ཝ བྷ་ག་ཝ་ཏོ ཝ་ཙ་ནཾ ཨ་ར་ཧ་ཏོ ས་མྨཱ་ས་མྦུ་དྡྷ་སྶ, ཏ་སྨཱ ཡ་ཐཱ པུ་རེ མ་ཧཱ་ཀ་སྶ པཱ་ད་ཡོ མ་ཧཱ་ཐེ་ར་ཝ་རཱ པོ་རཱ་ཎ་སཾ་གཱི་ཏི་ཀཱ་རཱ བྲ་ཧྨ་ཙ་རི་ཡ་ས་ངྑཱ་ཏ་སྶ བུ་དྡྷ་སཱ་ས་ན་སྶ ཙི་ར་ཊྛི་ཏི་ཡཱ, བ་ཧུ་ཛ་ན་ཧི་ཏཱ་ཡ, བ་ཧུ་ཛ་ན་སུ་ཁཱ་ཡ ལོ་ཀཱ་ནུ་ཀ་མྤཱ་ཡ ཨ་ཏྠཱ་ཡ, ཧི་ཏཱ་ཡ, སུ་ཁཱ་ཡ, དེ་ཝ་མ་ནུ་སྶཱ་ནཾ དྷ་མྨ་ཝི་ན་ཡཾ ས་ངྒཱ་ཡིཾ་སུ་ཙེ་ཝ ཨ་ནུ་ས་ངྒཱ་ཡིཾ་སུ་ཙ, ཨེ་ཝ་མེ་ཝ མ་ཡ་མྤི དཱ་ནི ས་བྦེ་ཝ ཚ་ཊྛ་སཾ་གཱི་ཏི་མ་ཧཱ་དྷ་མྨ་ས་བྷཱ་པ་རི་ཡཱ་པ་ནྣཱ ཨི་དཾ དུ་ཏི་ཡ པཱ་རཱ་ཛི་ཀ སི་ཀྑཱ་པ་དཾ ཨེ་ཀ་ཏོ ག་ཎ་ས་ཛ྄ཛྷཱ་ཡཾ ཀ་ཏྭཱ ས་མ་གྒཱ ས་མྨོ་ད་མཱ་ནཱ ཧུ་ཏྭཱ ས་ངྒཱ་ཡེ་ཡྻཱ་མ.
ཏ་ཏི་ཡ པཱ་རཱ་ཛི་ཀ སི་ཀྑཱ་པུ་ཙྪཱ
པུ་ཙྪཱ – ཡཾ ཏེ་ན ཨཱ་ཝུ་སོ བྷ་ག་ཝ་ཏཱ (པ) ས་མྨཱ་ས་མྦུ་དྡྷེ་ན ཏ་ཏི་ཡཾ པཱ་རཱ་ཛི་ཀཾ ཀ་ཏྠ པ་ཉྙ་ཏྟཾ.
ཝི་སྶ་ཛྫ་ནཱ – ཝེ་སཱ་ལི་ཡཾ བྷ་ནྟེ པ་ཉྙ་ཏྟཾ.
པུ་ཙྪཱ – ཀཾ ཨཱ་ཝུ་སོ ཨཱ་ར་བྦྷ པ་ཉྙ་ཏྟཾ.
ཝི་སྶ་ཛྫ་ནཱ – ས་མྦ་ཧུ་ལེ བྷ་ནྟེ བྷི་ཀྑཱུ ཨཱ་ར་བྦྷ པ་ཉྙ་ཏྟཾ.
པུ་ཙྪཱ – ཀི་སྨིཾ ཨཱ་ཝུ་སོ ཝ་ཏྠུ་སྨིཾ པ་ཉྙ་ཏྟཾ.
ཝི་སྶ་ཛྫ་ནཱ – ས་མྦ་ཧུ་ལཱ བྷ་ནྟེ བྷི་ཀྑུ ཨ་ཉྙ་མ་ཉྙཾ ཛཱི་ཝི་ཏཱ ཝོ་རོ་པེ་སུཾ, ཏ་སྨིཾ བྷ་ནྟེ ཝ་ཏྠུ་སྨིཾ པ་ཉྙ་ཏྟཾ.
པུ་ཙྪཱ – ཨ་ཏྠི ནུ་ཁོ ཨཱ་ཝུ་སོ ཏ་ཏྠ པ་ཉྙ་ཏྟི ཨ་ནུ་པ་ཉྙ་ཏྟི ཨ་ནུ་པྤ་ནྣ་པ་ཉྙ་ཏྟི.
ཝི་སྶ་ཛྫ་ནཱ – ཨེ་ཀཱ བྷ་ནྟེ པ་ཉྙ་ཏྟི, ཨེ་ཀཱ ཨ་ནུ་པ་ཉྙ་ཏྟི, ཨ་ནུ་པྤ་ནྣ་པ་ཉྙ་ཏྟི ཏ་སྨིཾ ན་ཏྠི.
པུ་ཙྪཱ – ཀཱ ཨཱ་ཝུ་སོ ཏ་ཏྠ མཱུ་ལ་པ་ཉྙ་ཏྟི.
ཝི་སྶ་ཛྫ་ནཱ – ཡོ་པ་ན བྷི་ཀྑུ ས་ཉྩི་ཙྩ མ་ནུ་སྶ་ཝི་གྒ་ཧཾ ཛཱི་ཝི་ཏཱ ཝོ་རོ་པེ་ཡྻ, ས་ཏྠ་ཧཱ་ར་ཀཾ་ཝཱ་སྶ པ་རི་ཡེ་སེ་ཡྻ ཨ་ཡ་མྤི པཱ་རཱ་ཛི་ཀོ ཧོ་ཏི ཨ་སཾ་ཝཱ་སོ་ཏི ཨ་ཡཾ བྷ་ནྟེ ཏ་ཏྠ མཱུ་ལ་པ་ཉྙ་ཏྟི.
པུ་ཙྪཱ – ཀཱ ཨཱ་ཝུ་སོ ཏ་ཏྠ ཨ་ནུ་པ་ཉྙ་ཏྟི.
ཝི་སྶ་ཛྫ་ནཱ – མ་ར་ཎ་ཝ་ཎྞཾ ཝཱ སཾ་ཝ་ཎྞེ་ཡྻ མ་ར་ཎཱ་ཡ ཝཱ ས་མཱ་ད་པེ་ཡྻ ཨ་མྦྷོ་པུ་རི་ས ཀིཾ ཏུ་ཡ྄ཧི་མི་ནཱ པཱ་པ་ཀེ་ན དུ་ཛྫཱི་ཝི་ཏེ་ན མ་ཏ་ནྟེ ཛཱི་ཝི་ཏཱ
སེ་ཡྻཱ་ཏི ཨི་ཏི ཙི་ཏྟ་མ་ནོ ཙི་ཏྟ་ས་ངྐ་པྤོ ཨ་ནེ་ཀ་པ་རི་ཡཱ་ཡེ་ན མ་ར་ཎ་ཝ་ཎྞཾ ཝཱ སཾ་ཝ་ཎྞེ་ཡྻ མ་ར་ཎཱ་ཡ ཝཱ ས་མཱ་ད་པེ་ཡྻཱ་ཏི ཨ་ཡཾ བྷ་ནྟེ ཏ་ཏྠ ཨ་ནུ་པ་ཉྙ་ཏྟི.
པུ་ཙྪཱ – ཀཱ ཨཱ་ཝུ་སོ ཏ་ཏྠ པ་རི་པུ་ཎྞ་པ་ཉྙ་ཏྟི.